【#BF職場熱話】安坐家中，JobsDB幫你Seek From Home！

轉眼間又到5月傳統轉工旺季，加上各項社交限制終於放寬；而最新公布的失業率又跌至不足7%，各項因素都反映本港招聘市場已邁向復甦。不少企業都希望在市場上搜羅得力人才為公司增值；而求職者更要把握這段求職良機，在面試中爭取表現，務求得到僱主賞識！

JobsDB將於5月25至27日一連三日舉辦全數碼化網上招聘會「Virtual Career Fair」，超過50間企業參加，提供的職位空缺覆蓋各行各業。

網上招聘會設有即時線上對話功能，求職者可以直接與僱主對話，了解職位內容及要求的同時，讓對方感受到你對工作的熱誠及自信； 你亦可以即時分享自己的履歷表及工作經驗，加深僱主對你的印象，增加獲聘機會！

招聘會期間更會舉辦多場live show，由嘉賓分享不同行業的發展前景及人才需求，更會教路見工秘訣！除此之外，JobsDB更邀請到有多年經驗，來自不同行業的職涯顧問，為已登記的參加者提供一對一職涯規劃，幫助求職者認清方向，裝備自己把握每個工作機會！

#JobsDB #搵工 #求職 #見工

【疫情後，公務員為何成為全球熱門職業？原因：想為民服務】

疫情無盡，市道艱難。現時在全球各國，有意投身公務員行列的人大幅增加，但不見得全是謀著那個「鐵飯碗」。「金融時報」發現，他們想要成為公僕的原因，除了待遇較好或就業選擇減少，還因為在疫中對公共服務產生興趣，想要為民服務、回報社會。

英國的公務人員快速升遷制度每年聘用約 1,000 人，反觀四大會計師行等大手招攬的企業，現時卻在削減空缺。研究公司 High Fliers 主管 Martin Birchall 形容，英國政府已成為疫下對頂尖畢業生的最大單一招聘者。印度亦見類似盛況，27歲的Aryendra Sharma放棄去當「薪水不錯」的工程師…⬇️⬇️⬇️

📲喜歡這篇文章？下載商周Plus立刻收藏：http://bwnet.psee.io/UEM7A

——長文慎入——

新年快樂！

去年其實係一個非常之差嘅一年，老實講，作為前線嘅獵頭，幾乎每日同求職者及客戶溝通：求職者方面，好多被裁員、好多係一間公司做咗10幾年之後，理應係不可或缺甚至係高層，公司都突然間將他裁走，選擇另外聘請兩到三位經驗較少的去替代一個10幾年經驗的，甚至選擇內部晉升，「工作穩定性」好似已經變得好虛無飄渺。透過Career Coaching，我哋接觸到唔同層面嘅求職者，唔講唔知，有超過七成係用了待業人士半價優惠，所以我哋去年做咗大量嘅待業人士Career Coaching。客戶方面，無論係BD Call開客或者係現有客戶Client Meeting，我同同事聽到最多嘅係：「暫時唔開俾獵頭公司做」、「我哋自己搵咗先」、「公司cut budget」、「Headcount freeze咗，要出年年中再睇吓社會環境再決定」，Business Development變得非常激烈同埋困難。

一直喺度諗，其實喺香港，傳統獵頭公司經營模式究竟幾時先會被淘汰，獵頭係咪真係要咁被動咁樣去幫公司開客，好似一個營業員咁樣，日日打好多電話介紹自己公司同埋自己嘅服務，從而希望客戶選擇你，所有因素都變得好被動，一直都同朋友講，獵頭係最難做嘅一個”Sales”，我哋用本身嘅專業，去兼顧客戶及求職者兩邊嘅期望，唔係一個單向銷售，反而係一個雙向銷售，當過程出現變化，其實就好難可以掌握，甚至會甩單。所以其實近幾年都聽到好多大行已經好着重用自己嘅人才資料庫，再訓練一班新入職嘅獵頭，每日做”Job Chase”，即係睇吓各大招聘網站有啲咩公司請緊人，就直接打去間公司聯絡負責人講：「客戶您好，見到你而家請緊一個職位，咁啱我手頭上有四五個適合嘅Candidates，麻煩您睇一睇有冇興趣？」，有啲甚至唔打電話，直接掟幾個Candidates過去，希望客戶會被吸引到，簡單啲講就係最緊要「快」，所以某程度上會忽略咗求職者嘅感受，同埋成件事變得好銷售，但係其實都冇辦法，大公司有燈油火蠟，細公司會更加需要默默經營，你唔快就會俾其他公司捷足先登，跑唔到數自己都會擔心俾人炒，一般獵頭公司如果三到四個月冇數就會叫你入房照肺。

如果一切變得唔再被動，反而係客戶甚至係求職者主動搵你，甚至係成個就業市場幫你搵客戶甚至求職者，一個以人為本嘅生態系統，會否可以顛覆甚至改變香港的獵頭市場？所以我開咗自己嘅獵頭公司FILLTURE，作為香港首間兼具 B2B（企業招才）及 B2C（求職顧問）服務元素之招聘顧問公司；FILLTURE致力於Sales & Marketing、HR、Accounting & Finance與IT四大範疇，為各式求職者及僱主提供專業、貼心、度身訂造，以人為本而具備溫度的獵頭服務。FILLTURE的 Career Coaching 服務，以求職者的事業發展成功為先。我們會充份理解你的個人特質、強弱、心理因素，再為你度身訂造最適合你的事業及個人改善發展建議，以勾劃獨一無二、最切合你需要的事業藍圖。與獵頭服務相輔相成。

你永遠唔會知，求職者第時會唔會變咗你嘅客戶，甚至你嘅客戶第時會唔會變咗你嘅求職者，又或者你嘅客戶甚至求職者會唔會轉介身邊朋友變做你的客戶或者是求職者。

FILLTURE - 可能係香港第一間兼顧 B2B、B2C市場需求、同時提供Recruitment同 Career Coaching 服務，Human-centric 嘅顧問公司。喺短短一年內，實現了超過 180 個因為Career Coaching間接或者直接搵到工嘅成功過案；獵頭公司方面，都托賴因為我哋下半年行15% Flat Rate，客戶方面接受程度會比較高，同我拍擋同埋團隊，四個人可以做到超過30個Placements。

今年，我有幾個小目標：除咗 FILLTURE嘅獵頭業務會繼續擴展，而家我哋嘅四人小團隊希望可以請多兩個Recruiters，分別係睇IT 以及Accounting & Finance；同時我希望真係可以整返個比較靚仔少少嘅公司網站，因為資金問題，我哋一路都冇時間同埋資金去揼一個靚仔的公司網站，或者咁樣講，出邊嘅報價太海鮮價（如果有讀者介紹歡迎搵我）；我都會開埋FILLTURE Facebook page，同埋係我哋IG，多啲分享市場職位空缺；同埋好多客戶都非常滿意我哋做15% flat rate，個市場需要改變，服務需要改變，我哋唔係希望顛覆呢個市場，我哋希望可以改變呢個市場心態同埋生態，既然今年市場環境咁唔明朗，我哋決定繼續做返15%，希望幫到中小企，甚至大企業多一個選擇。

Career Coaching 方面，Group Class 都會正式開始，希望可以針對大專生同職場新鮮人嘅需要，幫大家撐過寒冬、迎接復甦。初步會分兩班，面試技巧及履歷表攻略班，會用一個非常優惠嘅價錢去大眾化，等更多人接觸Career Coaching，而大家亦可以多啲選擇，希望係小班教學還是一對一服務，亦會開展海外市場，利用網上教學去協助一些海外嘅求職者，當然，愚公計劃，都希望可以搞多幾場，用免費嘅價錢去幫一啲社會上有需要嘅人。

全職獵人方面，我希望可以係新年之後開Patreon，聯合一批志同道合、但風格各異嘅朋友一齊做針對職場，辦公室的“Webgazine”，因為文字有價，同埋FB真係而家好難去到一個好合理嘅Reach，我相信Webgazine一定有得做。而我，亦會積極寫書，第四本書應該會叫做《獵頭奇情II》，因為已經出咗兩本工具書，讀者反而希望我今次寫一啲搞笑八卦題材。

最後，其實過往一年一直都比一啲同行甚至Haters攻擊，將我嘅太太甚至屋企人起底，最後雖然搵到係邊個，但係我都冇追究落去，因為原來我同佢係素未謀面。問返原因，原來係因為我做爛市，因為我係獵頭之恥，因為覺得我𨳍，總之好多唔同嘅原因啦。但係我想講，其實我嘅出現你唔應該視作為一個威脅、甚至係一個擾亂市場嘅行為，顛覆呢個市場並唔係我一個人可以做到，但係改變一個市場，就係我哋所有人都可以做到嘅事，過往獵頭往往俾人覺得係冇價值、一個Condom，我好想改變人哋對我哋嘅諗法，與其日日喺度鬧我，惡意中傷我太太、日日問候我娘親、鬧埋我啲狗仔，倒不如一齊各有各做，好好用心去服務客戶同埋求職者，做人太多怨氣會對身體唔好，你哋可能會覺得點解要咁多求職者會俾錢做Career Coaching，呢啲唔係我哋本身獵頭已經做緊嘅嘢咩？但係其實外國Career Coaching係好流行，服務內容同平時獵頭同求職者講嘅嘢係唔同的，起碼你唔會係公司或者工餘時間可以用到兩個鐘時間去同求職者分析佢哋嘅職業生涯規劃，所以最近有好多獵頭慕名加入我哋嘅團隊，幫到人，自己又可以有得着，何樂而不為？與其每日好有怨氣咁樣鬧我，不如嘗試接受我，我又同你素未謀面，又冇食咗你張單，點解唔嘗試了解吓我，不過如果你真係咁有心，睇到我篇長文嘅最後一部份，證明你真係都幾關注我，主動搵我，我出嚟請你食餐飯，賠個罪，了解我之後，到時你再憎恨我都唔遲。同埋，真係一個自由市場，我從來唔覺得平係可以吸引客戶，只不過係多一個選擇，有位前輩講過：「如果你有本事碼得住你啲客，係人哋搶唔到的，又或者你可以同你公司溝通，睇吓公司可唔可以調整價錢；再唔係你就自己開一間獵頭公司，收低過我嘅Fee，又或者自己去做Career Coaching。」你可以日日憎恨、咀咒我，但係請你唔好抹煞我嘅努力同埋對事業嘅熱誠，我今年係完全沒有收爐，直至今日我都係出去沖我嘅事業。

今年，我覺得會比去年更加差，我會盡全力去守住呢份初心同埋FILLTURE，我會都希望大家今年繼續支持我。

多謝大家睇完我依篇長文，祝大家新年快樂，身體健康！

久保

IG: Fillturegroup