狗狗雖然急救無效，但還是希望找到主人！
#幫忙轉發找主人🙏

拜託🙏幫忙分享一下⋯

狗狗被車撞到，脖子有藍色項圈、女生，幫忙找主人

地點：平鎮區龍南路380前

聯絡電話：0989280486

更新
狗狗現在磨鼻子動物醫院急救中

更新
12:13 狗狗受傷的太嚴重 已經離開

請各位幫忙分享找主人

#最新狀況 -小傢伙轉院

時間與地點：6/25晚上19:22在中壢區的功學路與興仁路口被汽車給撞到了（OK便利商店與機車行之間）

品種：長毛吉娃娃

年紀：3-5歲

性別：男生 （無結紮）

特徵：無，只知道沒有晶片、項圈

原醫院：磨鼻子動物醫院

轉院至：台大慈仁動物醫院

地址：300新竹市北區武陵路2號

*6/27最新狀況：

我們幫牠取了新名字，叫阿奇😳，阿奇下午已轉院至慈仁動物醫院了，譚醫師評估後，因為阿奇才3公斤左右，當初又因氣胸問題，所以錯過了開刀的黃金期，且傷到的胸骨沒有辦法開刀，目前就是先住院繼續觀察，狀況沒問題的話7/2就可以隨愛媽回家了，爾後會幫阿奇做狗輪好讓牠方便行動。

*在這裡要感謝各方人士的幫忙👍，謝謝分享貼文找牠的主人，但目前都沒有消息，希望有一天，阿奇能找到牠的有緣人～謝謝大家🙏

*感謝Betty Wang願意幫忙我們，也謝謝她願意照顧小傢伙阿奇的後半人生～🙏🙏🙏🙏

「我們不是撞到牠的人，單純是真心想幫牠的兩個陌生路過人士」

聯絡人：林思庭

電話：0926125891

目擊者：林大哥

電話：0912349152

【我聞到死亡的氣味】《淘寶淘到鬼上身 1 》

【本報訊】山東一名父親日前為女兒網購鞋子，收到快遞送來遭液態產品污染的貨品，拆件時覺得氣味刺鼻，聞後頭暈想吐，當晚因中毒送院不治。

「嘩，淘寶淘到死人都有，大陸真係無奇不有。」

黎明把平板電腦擠到我面前，用誇張的語氣說。

我把平板電腦撥開：「我買嗰啲全部都係皇冠店嚟㗎，評價一流，放心啦。」我看著前方蜿蜒的人龍說。

由於早前是五一黃金週，淘寶網不僅大特價，連香港地區也免郵，所以這家集運店前聚滿了領包裹的人龍，我們在炙熱的日光下已經排了將近半個小時。

此時，突然有一把聲音喚黎明，我們抬頭一看，一個打扮時髦，臉蛋漂亮的女生一手捧著大包裹，另一隻手使勁地揮，朝黎明燦爛地笑。

「喂Isabelle！」

「Well！好耐冇見喇！」

「你皮膚敏感呀？」黎明指著Isabelle兩條抓滿紅紅指印的手臂問。

「係唔係好明顯呀？一眼就睇到喇？死啦實好肉酸啦⋯⋯」Isabelle抱著雙臂，神情雖然大為緊張，但聽語調似是撒嬌居多。

「咁又唔係，咁啱望到啫，但你睇咗醫生未呀？」黎明關切地問。

「睇咗喇，醫生開嘅藥膏都就快搽晒，但係都好似冇乜好轉⋯⋯」Isabelle伸出兩條纖細雪白的大腿給黎明看，上面同樣有一條條抓痕。

黎明給她介紹了些偏方，又不斷在話當年，我在旁像個閒人，一直插不上話。

他們交換了電話後，便終於揮手道別。

待Isabelle走後，我還是不發一言，黎明察覺到我的不妥：「係咪太曬呀皇帝？一係你去對面間Café坐低先，我幫你排喇。」

我搖頭。

「你唔係呷醋呀？」黎明一臉得意。

「我聞到Isabelle身上，有一陣好難聞嘅味。」

「咁佢啲香水的確係濃咗啲嘅。」

「唔係呀，」我一字一頓地說：「佢個身，有一陣死人嘅氣味。」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

打從有記憶開始，我便能夠聞到死亡的味道。但凡那人或是動物身上散發出一種只有我能聞到的腐臭氣味，說明他們死期將至，甚或，是已死之人。

父親去世後，我就和乾爹伍爺一起守著紙紮店「知秋行」。黎明是做殯儀生意的，和我們有緊密的業務來往，雖然曾經被警告只要我倆走在一起，就會發生各種怪事，可是我們仍然維持著一種戀人未滿的關係。

但是自從前天碰上了Isabelle後，黎明總是和她在傳訊息，我的心裡雖然有點不是味兒，但我想，或許黎明只想確保Isabelle的安危，於是也就不好發作。

然而，就在他們重遇後不久，Isabelle終究還是出事了。

我們趕到醫院時，她一見黎明就哭起上來：「我好辛苦呀，愈搲愈痕，愈痕就搲得更大力，而家我成身都爛晒⋯⋯」

從衣服露出來的一截手臂可見，白皙的皮膚的確長滿一個個膿疱，仔細地看，還可以見到淺藍衣服上沾了膿液。

「點解會咁㗎？」黎明緊張地問。

「我都唔知呀⋯⋯一開始只係小腿起咗紅點，我以為係普通皮膚敏感，之後開始痕，我控制唔到不斷搲，啲紅點由小腿一路生到上大脾、到腰、再到手⋯⋯我甚至夜晚瞓覺綁住自己隻手⋯⋯」她說著又流下眼淚，對一個愛美的女生來說，皮膚潰爛是何等大的折磨。

「咁醫生點講？」我不忍地問。

「仲未搵到原因，但我身邊接觸頻密嘅朋友同同事都冇事，應該唔係傳染病⋯⋯」

「你有冇食錯啲咩呀？」

Isabelle搖頭說：「你知我由中學開始已經食齋，呢幾年一直都係跟健身餐單食⋯⋯」

難怪她的身材這樣好，我想到自己經常在午夜趕稿時吃杯麵薯片，本就不夠人漂亮了，連後天的毅力也輸給人家⋯⋯但我轉念又責怪自己，怎麼這個時候還在想這種事。

「咁你由發病嗰幾日開始回想，自己做過乜，去過邊？有冇去過啲郊外地方畀咩昆蟲咬過呀？」黎明繼續耐心地問。

「我冇呀，近排公司好忙，我日日都係返工放工，連Shopping都冇時間，只可以上網淘寶買衫，邊得閒去郊外喎⋯⋯」

護士拿著替換的衣物進來，打算幫Isabelle更衣，所以我和黎明便先行迴避。

正當我想步出房門，一陣噁心的氣味傳來，我下意識回頭查看味道的源頭，只見Isabelle從病床旁邊的儲物櫃拿出一條復古碎花長裙⋯⋯

在醫院走廊，黎明看我臉色不妥，趕緊抓住我的手扶我坐下。

「係咪唔舒服？我一時醒唔起，醫院一定令你好唔舒服頂喇。」他從褲袋中拿出手帕讓我摀著鼻子。

我擺手說：「我啱啱喺Isabelle條裙度聞到『嗰種』好臭嘅味⋯⋯」我把重音放在二字，好讓黎明知道我不是在說Isabelle的香水味。

黎明聽罷神色凝重，沉默了好一會兒之後說：「你肯定嗰陣味係由啲衫發出，而唔係佢個人？」

我堅定地點頭。

待Isabelle更衣後，我們進到病房，黎明裝作漫不經心地問：「你啱啱條裙就係上網買㗎？」

「嗯⋯⋯做咩咁問？」

「你畀間舖嘅地址我。」

Isabelle委屈得眼中噙滿了淚：「你呢個時候想買衫？」

黎明回頭看一看我，然後下定決心般說道：「我哋覺得，你嘅病可能同污糟嘢有關。」

「但人哋真係好乾淨企理嘛⋯⋯」

「唔係細菌嗰啲污糟。」

Isabelle呆呆地看著我倆，良久才吐出一句：「Holy Shit!」

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

「正常嚟講，故衣係唔應該再著，應該喺先人嘅墓前或者骨灰寄放嘅地方火化，不過如果想要保留故衣，都可以喺紙錢上『過火』。」黎明解釋。

「吓，咁而家點算好呀？」Isabelle一緊張便不住地抓癢，把手臂上的一個水泡抓破了，流出淡紅的血水。

黎明見狀，便按著她的手安撫她說：「你將件衫交畀我，我一定會幫你搞掂佢。」

我跟隨黎明回到長生店，他拿出一個化寶盆，邊化了些衣紙，邊唸唸有詞，然後把那件從醫院帶回來的長裙放進燒得正旺的火爐中。

「咁樣應該冇事喇。」黎明忙了一場，額上滿是豆大的汗珠。

我看見他為了Isabelle的事盡心盡力，心裡酸溜溜的。

「咁就好喇。係呢，你同Isabelle以前好Friend㗎？」

「Okay咁啦，佢讀書嗰時係校花嚟㗎，大把男仔跟住佢尾。」

「唔使講，你都係其中一個啦？」

「錯！我黎明似係啲咁嘅人咩？人人都當佢係寶，我就偏偏唔係好理佢。」

「小學雞！」

爐火仍然燒得旺盛，一縷縷白煙裊裊上升，像是個風情萬種的女人不住地擺動腰肢。

「咩小學雞呀？《孫子兵法》都有教，欲擒故縱呀！」

「即係你鍾意人啦？」

「鍾意就鍾意，唔鍾意就唔鍾意，唔好講乜嘢L-I-K-E。」黎明拿起一支鐵棒翻鬆化寶盆內的灰燼，確保所有衣紙可以完全燒透。

「咩呀⋯⋯咁你哋即係一齊過？」我忐忑地問，畢竟，我對他的情史一無所知。

「咁樣樣嘅？」

黎明沒有回答我的問題，我循著他的視線看去，只見盆內的衣紙早已燒成炭灰，可是那件碎花長裙，竟然完完整整地躺在裡頭，簇新依然。

待續⋯⋯

PART1:https://is.gd/Dua4qf
PART2: http://is.gd/zIEPpX
PART3: https://is.gd/wx4Ov0