［西洋棋大數據］兩個結論：棋手30歲就見頂，之後越老越廢。另外，而家嘅棋手係勁過當年嘅。

1. 之前一篇講西洋棋嘅文都咁多人睇（https://fbook.cc/3IXb），感謝。但其實我本係想講呢篇文，呢個圖。

2. Economist 原文：“The Queen’s Gambit” is right: young chess stars always usurp the old（https://bityl.co/4TOG）

3. 見呢排忽然西洋棋熱，Economist都不甘後人講兩句。Netflix劇中講天才少女，實情差不多所有活動觀眾都鍾意睇呢啲，梗係天才少女贏老嘢好，老嘢落場仲玩死啲後生（Uncle Drew？），太冇癮了，叫人點睇落去？

4. 不過，開講都有話，拳怕少壯，棍怕老狼。日本仔去飛田新地都唔搵後生女（如是我聞）。咁打拳嘅嘢，當然係後生仔氣力好體力勁。但講到用棍（咩棍都好啦），就話老人家經驗夠。

5. 體力競爭，大家好易理解，但智力競爭呢？事實證明，西洋棋亦的確係一種「不許人間見白頭」嘅遊戲，後生仔玩意。同一年代，後生仔普遍都勁過老人家。去到四五十歲必然收皮。呢個同數學都差不多（＊），或者彈鋼琴都係，一般十幾歲已經光芒四射，去到三十歲都冇突破嗰啲，唔該認命轉行，或者專注去培育新一代，或者寫文呃飯食，好似我而家咁（＊＊）

6. 呢篇文，就只係講呢兩個圖，上個月嘅研究論文，分析咗1890年-2014年嘅 24000盤棋（有冇最近500舖摸玉戒指？）。

7. 結論兩個，原文話齋：Champions decline with age and each generation is better than the last—即係棋手老咗就變廢，同埋一代新人勝舊人。

8. 前者另外再講，但後者，係我一路講嘅核心信念。人總係覺得自己個時代特別，我年紀嘅講見證公牛皇朝，或者睇馬勒當拿，或者係碧咸七旋斬，有今生冇來世。但我老豆嗰啲就會講當年告魯夫碧根鮑華嗰啲先係勁（雖然佢地唔知睇咗幾多場）。而家啲小朋友當然就話美斯　勒邦占士勁過　朗拿度　佐敦。

9. 我嘅睇法，講過多次。文學電影呢啲真係幾主觀，難講。但你講體育，仲要競技嘅，冇得傾，應該必然係新人勁過舊人。想當年乜乜乜嘅，只係啲老嘢嘅感情。理智上站不住腳。

10. 論據唔少，首先你睇個人項目，跑步游水之類，紀錄不停破，好多以前認為冇人可以做到嘅關口都破到。因為人會進步，科學會進步，體能當然好過當年。我睇唔到點解個人項目勁過當年，但隊際會唔一樣。

11. 咁總有會話，體力唔係一切，但你講技巧亦都係一樣。不講到太深入，但以前啲競賽水平低好多，而家啲球員一般都好全面，唔會死晒左腳，或者中鋒就唔識射罰波咁。告魯夫當年半場食煙都得，而家頂級賽事邊有可能？我估好快食煙嘅全部踢唔到頂級球隊。

12. 另一種想見嘅借口，叫做「球例唔同，冇得直接比」。Bull shit．做個假想實驗就知，你運而家一隊歐聯冠軍，同幾十年前嘅踢，贏面應該好高。我任你用咩例都好，或者大家都用十年前嘅例，或者畀一兩星期去適應。實力相差細就話啫，去到體能技術爭太遠嘅，人地踢大場贏你，踢細場都贏你。

13. 最後嘅遮醜佈，唯有講「個感染力唔同」「個feel唔同」「而家啲球員係好波佰冇咁優雅」。咁用到咁主觀嘅，就真係唔使討論的了，而我唔撚知幾時打波踢波變咗選美。

14. 講返，類似嘅原因，同樣適用於非體力競賽。固然未必同體能有關（但可能都有些少）。但都係嗰句，人類係進步嘅，你而家可以分析返晒以前嘅比賽（棋，或足球都係），加上而家啲參賽者訓練嚴格好多，唔再係以往天才波咁。

15. 但，點得到呢個「棋手老咗就變廢」同埋「一代新人勝舊人」嘅結論？體育個人項目就簡單啦，游幾耐到終點，冇得呃。隊際都有得分析，都係睇返體能，或者跑動距離之類，大約有個譜。但捉棋呢？點將而家嘅人，同當年嘅棋王比？

16. 有人知道我寫過Elo rating（https://bityl.co/4TPM），固然係一套好好嘅東西，但佢只係計到相對於其他對手嘅實力—即係我可以話到畀你知，呢個人在呢一代有幾屈機，屈機過老嘢在佢嗰代—但不代表呢個人勁過個老嘢，可能當年啲對手全部好勁呢？

17. 聰明嘅學者，就用一個好簡單（但可能有啲人唔舒服）嘅方法：用電腦！

18. 應該大家都知電腦捉西洋棋好叻，好多年前已經捉贏世界冠軍。因為西洋棋相對（例如相對於圍棋）簡單，計晒所有行法，再畀分，電腦再揀個最好嘅，好多年前技術已超成熟。所以話電腦係世界最強，應冇異議啦？

19. 學者就係睇，到底個人類棋手，行嘅棋，同電腦計嘅「最佳」，有幾吻合？電腦最強嘛，咁你成日同佢一樣，你咪勁。

20. 結果見到，好靚仔。首先睇左邊圖，打橫係棋手出世年份，打棟係有幾多%行法同電腦嘅最佳行法一樣。百幾年前嗰啲，一半都冇。而家嘅？過半年，穩步上揚。即係基本上你捉而家嘅冠軍，用時光機返當年同當年嘅冠軍捉，贏面極大。

21. 右邊嘅圖，深少少。打橫係棋手嘅年紀，打棟又係有幾多%行法同電腦嘅最佳行法一樣。而唔同嘅線，代表唔同年代嘅棋手。Two dimensional．

22. 首先見到，1975-1996嗰條線最高，之後一路跟年代落。即係，而家啲棋手30歲時，係勁過當年啲棋手30歲嗰時。事實上，1950-74年嗰代，25歲嗰時嘅實力，已經勁過1925-49嗰推一生中任何時間嘅水平。

23. 另外，每一條線咁去睇，亦都見到，至少1925-49，或者1950-74呢兩代嘅棋手，都係老咗就退化了。30歲左右到頂。最近一代1975-1996嘅，未有太多去到呢個階段。但最古老1836-1924嘅，反而見到老咗有進步，原因不明，我估同科技或文化進步有關？多咗書？多咗機會同其他國家交流？

24. 新人勝舊人，作者提到因為而家嘅訓練認真啲嚴格啲（鬼唔知咩），仲有數據同電腦幫助。至於點解30歲見頂？同腦部發展有關。嗯。所以我都係寫文算。文無第一，寫文呢啲，好主觀嘅，難分高下，容易呃飯食。（不過話說回頭，受歡迎嘅又不等於最勁，體育都係，否則英格蘭唔會咁多人捧，黎明都唔會咁多人鍾意，對不？）

（＊）可以睇Simon Singh嘅《費馬最後定理》（https://bityl.co/4TON），中文版都譯得不錯，我睇過最出色嘅科普書（可能唔使之一），不過我估有啲數理背景嘅讀者睇好啲。香港真係出唔到呢啲作家，此人本身已經係劍橋PhD，博學多材，仲要寫文寫得好，極唔容易。　

（＊＊）其實我換咗張相同banner係有意思的，居然冇一個人問。對，我就肯定冇得打籃球搵食。但做下表演賽搞下笑都仲得嘅。當然你可以質疑我同「哈林籃球隊」都仲爭好遠，話晒當年「哈林」可以打贏NBA（N年前，而家冇可能）。但，目標啫，個個貼美斯，最後又好波過美斯咩，好波過陳美斯都冇幾可。

———————————————————
新田飛地已開Patreon：港女批判，暗黑情場，性愛怪論，虛偽的香港人。地主為你一一踢爆，挑戰自論自由底線，知無不言，言無不盡。3蚊美金一個月，未夠買紙巾！你願意地主導你升仙嘛？（https://bityl.co/4MbY）

———————————————————
instagram @ivanliresearch．七成金融（短打）兩成嘢食一成其他嘢。

#為什麼越來越多人海外置業
#為什麼柬埔寨會是下個最受歡迎的置業地點
港澳樓市已經到了極度瘋狂的地步，普通一個單位都要幾百萬港元，要花幾多十年才儲到首期？又再幾多十年才能供完？即使有了物業，放租出去，回報的2-3%也遠遠不及供款。所以近年流行到日本買樓，平至幾十萬港元就有個公寓，租金回報5-10%屬平常事。若再多支本，再看遠一點，澳洲英國都多人投資，順勢免去子女讀書那幾年的租金。再誇張的說，若有1000萬港元，已經可以買到紐約曼哈頓的公寓，位於「世界中心」的物業，又或者望著地中海的別墅、東歐山國裡的莊園，總之就不是我們這邊會爆玻璃的豪宅。所以越來越多人到海外置業，不無原因。

而今時今日最具投資價值的市場就是的柬埔寨，你沒聽錯，是柬埔寨。要是你還在懷疑，那是因為你還未認識這個地方，還未知道她極為龐大的發展潛力。事實是近年國際大企已經蜂擁而至首都金邊，AIA (友邦保險) 剛邀請了 Beckham (碧咸/貝克漢) 來為開幕演唱、A級商廈的租金回報已經媲美台北101大樓、日本最大型超市AEON早已進駐、李嘉誠在當地起碼頭起酒店、不少台商已在當地開了公司建了商場，不論是世界的大行，還是中港澳台的銀行，都已經落戶在柬埔寨這個預期身價倍跳的地方。

全世界都在看好柬埔寨，因為它政治穩定，數十年來沒有天災，是亞洲唯一以美元作為主要貨幣的國家，沒有匯率風險，不受外匯管制，資金自由出入，並且歡迎外國人前來做生意、買房子、作出各樣投資，所以近年經濟不斷增長，而且平均年齡就只有27歲，擁有充裕的勞動市場及龐大的消費市場，對於各行各業的發展都是非常有利。2020年當泛亞鐵路開通了，中國昆明與柬埔寨金邊將緊密連接，一帶一路亦將帶來一個涵括了44億人口的世界市場。而且最重要是，柬埔寨將成為資源出口國，20億筒石油、10億立方米天然氣源源輸出，稅收不斷。首都以外，柬埔寨最大的港口西哈努克港也被受重視，有著眾多賭場渡假村在活躍發展。而最為人熟悉的世界奇蹟吳哥窟，則每年為暹粒市帶來數千萬旅客的收益。

由於各國投資者不斷湧入，現時住在柬埔寨的外國人已經高達5萬，不過當地一直沒有發展A級房產項目，直至數年前才剛剛開始，所以現時只有少於1萬個單位提供給外商，A級市場有著極之大的需求，因此投資回報相當之高，每年租金收益8-10%，物業升幅10-20%，而且稅項少，買家擁有永久業權，所以現正銷售的第一輪頂級新盤非常搶手。

特別是位於首都金邊市中心黃金地段、湄公河旁的頂級社區「鑽石島」，更加是外國人爭相購入的地點。此區有如倫敦 Whitehall、香港中環、紐約 Manhattan，駐有20多間大使館、國家各部門的總部、加拿大國際學校、法國著名餐廳、國際會展中心、歌劇院、賭場等，還即將有輕軌連接機場，而新機場亦有高鐵站直通中國，實在是柬埔寨最具投資價值的地點。就只數年，此區樓價已經由2000多美元一方，升至3000多美元一方，而且還在不斷升值中。但相比鄰國，越南胡志明市8000美元一方、泰國曼谷15000美元一方、新加坡25000美元一方，還是擁有極大優勢的投資市場。

而當然，再吸引的物業也需要有支本，所以我當然會乖乖繼續努力工作，期待有機會海外置業。我現在的目標就是可以每年的在澳門、紐約、巴塞隆拿、布宜諾斯艾利斯這幾個地方生活，持續地生活，每年幾個月。而且也希望，在這每個地方都有一個小小的公寓，在裡面畫畫，看書，寫寫字。而其實我的目標從來都不是到處旅行環遊世界，從來都是在不同的地方工作，在不同的地方生活，有適合工作的話，到柬埔寨到曼谷到吉隆坡住一陣子也不錯，因為東南亞我沒有住過。的確，這都是好遠好遠的夢想，好難好難可以實現，但我會一步一步的努力去嘗試。試到了，我會回來告訴你，到底怎麼樣才可以持續地在世界生活。

#延伸資訊
東協崛起商機，率先佈局柬埔寨首都金邊市
http://bit.ly/2vOX1mS

一分鐘了解柬埔寨投資環境
http://bit.ly/2eOLgW9

柬埔寨物業投資商機 (第20分鐘開始)
http://bit.ly/2xRwClO

泛歐投資移民有限公司 PanEuro Immigration and Investment Ltd.
鑽石島樓盤 - 澳門展銷會
http://bit.ly/2whMQ7c