【龔成問答信箱】（Q22441-Q22460）

Q22441：

龔sir你好，本人係聾人，最近對於聾人遇到很多不公平的事，例如社會上健全人在最上層，盲人、其他殘疾人士比健全人地位低，佢哋可說話，可溝通。

可是聾人呢，卻是更低，在最最低層。我們手腳都沒問題，但不能溝通，不能聽電話，只能被壓到社會的最低層。其實政府對殘疾人士，完全零支緩。但我沒有自卑，從來沒有，我總希望自己可以堅強一點。

本人很想向你學習下，為買股票想財富增值。

從未睇你FB前第一次買咗[email protected]（二手）跌咗蝕得甘慘，咁難升番上0.64，打算想賣出後轉到有質素的股票。有咩意見？

今年3月頭，一向都有留意你分享，日日都有睇你的Q&A, 覺得有用，得益不少。如你開班我第一時間會報名，可惜我不能因聽不到（聾不代表啞）

你教的課堂內容，變相會跟不上進度，就係我遇上很大的學習困難,so sad, 唯一方法是購入你的作品，

最近睇咗你三本“80後千萬富翁“，“50後穩健收息股“，“股票勝經“，睇呢本書有d未必一定可以理解，想請教你，有個問題我唔明白又唔懂点計算，

例如建立咗一個長期的「平穩增長組合」，佢哋收入都增長，盈利都保持向上，加上股本回報高，有機會回報高10倍or可能未必成為10倍股 ，所以要睇佢哋之後的業務發展，

請問呢個点計算法？可以舉個簡單例子？可簡單解釋嗎 謝謝

我35歲，月入19k, 每月約有10000作儲蓄，給家用9000元，希望在10年可資產增至200~400萬, 目標：50歲前提早退休，想做財務自由。

現時持貨如下：

平穩增長股
1928 ＄28.25(1手)
0012 ＄35.9(1手)
2318＄68.85(1手)
0270 ＄10.6(1手)

潛力股
1810＄21.65(1手)

收息股
939＄6.13(1手)

我自覺賺的幅度不大，打算將邊投資（平穩股70％ 潛力股30％）邊儲蓄的策略，等跌下會大力掃貨。請問有沒邊啲股票係有機會做到5年或10年後有200~400萬？

不好意思我講到甘多，期望得到你的回覆，謝謝

呢本書你講句“現金不斷會貶值，不是財富“ 你講得好好講得有道理

買咗你本80後，希望睇完增加了一些投資嘅知識，努力

voo定期定額好？月供好？謝謝

龔成老師︰

這個世界，有好多客觀條件，未必到我地控制。唯一可以做的，就是唔好比這些因素，去限死自己。盡力去打破這些限制，為自己創造出更多空間。

只要你有夢想，內心夠強大，其實無野可以難到你。

我當然不能夠明白你的情況，但現時利用文字，在網上或其他平台，都可以作出溝通、發聲、工作，你要加油！

現金，由於可以無限量發行，因此長線必然會造成貶值。所以，我地財富增值，就係將只會貶值的現金，換成優質資產的過程。

令我地財富不被貶值影響之餘，可以有一定增長能力。

你所講的歐科雲鏈（1499），我本身無特別研究，佢屬較高風險類，要睇下你博唔博。過往持續虧損，見佢股價上落好大。只可以話，唔建議大注，自己衡量風險。

計算企業的價值方面，過程其實比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入計算，基本上要好仔細的研究企業，要分析好多財務數據用比率，先至有較完整的答案。

所以，我好難係而度解釋，或者用例子去講解估算方法。

雖然你未懂估值，但唔代表你唔可以進行投資增值。但方法上，要進行調整，例如用月供或者分注模式，去減少你買貴貨風險。

以你35歲計，現時持股係可以。以你年紀和投資經驗計，平穏增長股和潛力股比重都正確。

你現時應以增值為主，建議你用「平穏增長股」 + 「潛力股」作組合，去創造一個增值平台。

正如你先前計劃所講，你現時將每月5成儲蓄，即$5000做月供。其餘先儲起，用一邊月供一邊儲蓄的策略。

但如果你對這些股票認識不深，可以全供指數基金。如果你都有認識，就可以用你平穩增長股70％ 潛力股30％的分配策略，去選股。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

我假設投資回報有10%（連股息再投資），你每月投資$10000 + 現有持股約10萬，10年後大約會增值至200萬。

至於你能否50歲提早財務自由，就要睇這筆資金，是否足以滿足你期望的退休生活水平。我假設你退休後，預期每月需要用2萬開支。以股息率6%計，你就需要本金400萬。

你可以用這個計算結果，作為參考，再去調整你投資計劃。

至於Vanguard標普500指數ETF〈VOO〉，是追蹤標普500指數的ETF，算係平穏增長股類別，都適合你年紀。

其實你做月供或"定期定額"都可以，因為2者都可以做到平均價格效果。但重點係必須長線(建議最少供3年和持有5年)去進行。如果供下停下，或者成日轉變，就唔會有意義。

------------------------------------------------

Q22442：

想請教，阿里巴巴旗下菜鳥網絡牽頭投資一百二十億元，在香港國際機場南貨運區的過路灣興建智能物流中心，作為一帶一路的貨運設施布局，

將為本港出口商再增一個貨運出口選擇，亦便利消費者經由淘寶購物收貨。阿里巴巴這個ai 物流倉是否未來企業關鍵？

帶來豐富收入，9988現價合理？

阿里巴巴這個ai 物流倉是否未來企業關鍵？

好似Amazon AI物流中心，之後股價一直上升

龔成老師︰

阿里巴巴(9988)宣布投入1000億人民幣，於香港機場打造高端物流中心，預期在2023年投入營運。此營運中心，將會是該地區同類設施中規模最大，技術最先進之一。

中心由菜鳥網絡帶頭開發，中航、圓通快遞都係當中投資者。

此個新營運中心，配有全自動化倉庫、溫度空調、空運處理中心、訂單處理中心等。

集團過往一直收入核心，都係來自內地零售商業部份﹐佔收入近75%。集團在內地發展，其實已相對成熟，相信集團預期該部份增長，會開始有機會放緩。

因此，集團開始著力開發更多其他市場，在香港機場打造高端物流中心這個布局，可以睇到佢這方面野心唔細。

這個物流中心，係一個利好因素。但這只是一個資本性投資，到底到集團有多大幫助和效益，現在言之尚早。但長線計，一定係對集團有利。

但估計方面，我暫時唔會有調整，宜再觀察，才再決定。

------------------------------------------------

Q22443：

老師你好，我是之前曾經向你請教過一些問題的讀者。亦都購買了老師的著作

其實我在今年12月便會前住加拿大工作。我現在存有12萬現金。13萬保險基金和12萬股票總值。

1. 0068 （15.3入）2000股
2. 00823 （67.25入）500股
3. 00939 （5.84入）10000股
4. 03918 （7.940入）2000股

想請問在移民的前提下如何分配現有的資產?謝謝老師

龔成老師︰

首先，你要先清楚，移民時是否所有在港資產，都係會變現。

如是，由於你12月就要走，多於1手的股票，你現在就要慢慢分段沽出股票，唔好等到走先一次過沽。

如否，以你剛畢業年紀，應先做好增值部份。建行(0939)只係收息股，增長力欠奉，不宜持有太多。

利興發展(0068)無投資價值，但由於佢停左牌，你現時無野可以做，等佢復牌就沽出。

其餘2隻都有質素，可以照持有。但金界(3918)由於疫情關係，中短期一定會較弱，但長線持有係可以。

12萬現金就先留起，等大跌市機會。

另外，緊記要開始月供計劃，因為我地長遠組合，唔可以只係得1,2隻股票，應該係有不同行業優質股，才算平衡。

------------------------------------------------

Q22444：

1) 明白老師,咁買入一隻股票之後預算要擺幾耐左右先至係最理想?即係要擺幾耐之後先至等收成?去睇吓佢有冇升?

2) 同埋老師我之前睇過你啲書, 如果你話價值投資係一定要買入優質企業然後長線擺好耐,咁樣係咪唔使理個價位高低月供股票都可以?

只要我知道呢個公司好有價值,例如好似中電煤氣咁, 咁咪就算幾貴都好都應該買?

咁樣嘅話月供股票都唔使煩㗎喎?淨係買呢兩隻都乜都得喇?用成副身家買晒佢哋? 總之有錢剩就擺晒落去咁係咪一定賺㗎?

3) 同埋老師想請教你, 我好似你咁講試吓買吓啲月供股票, 但我發覺裏面個倉可能有幾隻上升,同時間有幾隻又會下跌, 情況就好似啲資金只係搬龍門,擺嚟擺去,

咁其實我哋嘅策略應唔應該逢親嗰啲股票上升就賣咗佢, 然之後將同一舊錢入返啲一齊下跌左嘅股份?如果唔係好似每次嘅上升浪同跌浪都好似唔關自己事咁?

其實舊大錢都冇乜點變?定抑或應該全部都長線投資?只要等嘅時間夠耐,長時間全部整體都會升?因為我擔心就算我擺咗好長時間如果佢都係只係搬龍門,有啲上升又有啲跌,

咁最終就算我擺咗好長時間舊錢都唔會多咗好多個喎?謝謝老師

4) 唔好意思老師, 同埋想請教你, 最近睇你寫嘅嘢,你都話要我哋趁後生嘅時候掘多啲井, 儲多啲錢, 準備充足,

咁我想請問如果我每一個月將我全份人工扣除晒開支使費比屋企人同埋信用卡,有政嘅錢如果全部都擺晒落股票有冇問題?

因為我做緊月供股票, 同埋買嗰啲股票都係喺低位先買,逢親低位先至月供個一隻股票,因為我嘅概念就係銀紙係會貶值，咁我每個月將啲錢擺落去一啲穩陣同收利息嘅股票,

就算我將所有剩餘嘅積蓄擺落去,唔知會唔會都冇問題呢?

PS: 我都有啲流動資金可以應急, 有一舊錢可以靈活運用冇問題, 但係每個月出糧嘅人工可唔可以用晒嚟買股票?

龔成老師︰

1) 一般我建議持有最少5年，當然優質股永遠都係長線持有，增值效果才會最好。中短期股價會有波動，會有起有落。但長線股價，必然會將企業質素反映出來。

2) 其實我地買股票，除了要有長線投資價外，"股價平貴水平"和"組合平衡性"，都係好重要。

月供雖然有平衡價格波動能力，但太貴時候，我地都會考慮減供款，甚至停供。但如果你係初學者，對企業估值無太大信心。

我就比較建議你不理價格平貴，一直去供，反而會更好。因為你自行調整，若果判斷錯誤，有好大機會拖低左長線回報。反而不理價格，對你會更有利。

另外，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。

3) 你唔好依然停係賺差價模式，我地現在投資增值，係將長線只會貶值的現金，轉換成資產的過程。而優質股，係資產的一種。

但再優質股票，中短期都會有波動，你係唔洗太在意。只要你長線持有，佢都就自然會有唔錯增長。

4) 現時大市只係合理水平，未到平宜區，每月儲蓄你預用一半左右，去做月供好了。餘下一半，我地先儲起，去等大跌市機會。

你現時才33歲，係選股時，應選擇一些較有增長力股票，先去為自已累積一筆資產。到近退休之年，才慢慢換回收息資產，支援退休生活。

所以，你應先集中增長，而唔係收利息。

你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-5成，視乎你當時投資經驗多寡和了解這些股票程度而定。

------------------------------------------------

Q22445：

你好龔成老師，想請教下: (我45+歲) 現持有組合：

長和 500 股
香港中華煤氣 600 股
匯豐控股 1,091股
恒生銀行 111 股
港鐵公司 1,100股

香港交易所240股
陽光房地產投資信託基金 2000股
領展房產基金 900 股
建設銀行 4,280股
長江基建集團 500股

華潤置地 260 股
工商銀行 4,180股
平安好醫生 100股
金沙中國有限公司 580 股
中銀香港 1,570股

盈富基金 1,090股
交通銀行 930股
中國銀行 2,200股
阿里 100股

這樣既組合是否可以。

請問你是否贊成賣出交通銀行買入復星醫藥 (2196)?

想供月供股，每月$3,000，領展（823）-$1500 & 比亞迪（1211）$1500? Or 領展（823）- $3000, 不知道可以適合我 ? 請問你會建議我買哪些股票呢? 盼回覆～謝謝！

請問你陽光房地產 or 越秀房產信託基金 or 領展比較適合我?

龔成老師︰

你現時持股，雖然都係有質素，但數量實在係太多，好難定期檢視管理。長線計，你最好集中翻係10隻左右。

另外，個別企業和行業，不要佔組合15%和30%以上，銀行業更加不要高於組合20%，否則會有過度集中性風險。你組合中，銀行股佔左唔少，你要審視翻個比重，以避免出現過度集中的情況。

唔建議賣出交通銀行買入復星醫藥 (2196)，復星現價略貴，要回多少少才算合理。

以你年紀，我建議集中在平穏增長股類。領展(0823)係可以，但我地投資唔可以只集中係單一股票，我建議你都加入指數基金，指數基金供$2000 / 領展供$1000。

陽光房地產(0435)和越秀房產信託基金(0405)都可以考慮，但佢地主要係收下息，增長力無領展咁高，以你年紀，領展(0823)會係比較適合。

------------------------------------------------

Q22446：

想問多一問你意見，假設我而家買入一個單位450萬，俾首期兩成，呢個單位會放租，但有機會未必一定請時間可以放租，有機會預算自己都要供樓，

用以上呢個方法就係擔心樓價不斷上升， 而萬一幾年之後股票增長不太理想，可以自住。但假設股票增長理想 呢個單位會賣出 而買入反一個600-700萬單位自住。

問題係，咁會現金用左100萬 俾首期，剩返180萬投資

1） 是否唔應該現在買入一個單位先？ 因為自己租樓住唔想追唔切樓價上升，所以諗緊要唔先買一個單位，同埋有機會五年之後賣出呢個單位，會比起集中只投資效果冇咁理想？

另外擔心一買一賣 都需要印花稅 等費用

2）以我諗法希望5年後有500萬以上 當然希望回報可以再大，可以50%潛力股 50% 平隱增長嗎？

3） 如果用五年時間投資，預留一半現金等大市大跌再埽貨，但冇人知道大跌市係咩時候，咁應該點樣去衡量？

所以例如如果兩至三年仍未大跌市，佢應該keep住月供，或者分注見低就入？

謝謝老師

好希望盡早投資 生活會較理想，多謝你成日比正能量人

4) 老師， 現在平衡股票如下 會長線投資。請問一問 以下組合如何，可給一點意見嗎？

用180 萬 先分注入
再留100 等機會

大約
60%潛力股 ：
1177 12％
1810 17％
3067 17%
9988 12％

40% 增長
2388 14％
1972 14％
0548 14%

月供 $2000 2800
月供 $2000 2845

龔成老師︰

1) 這個問題，無一個100%答案。正如之前所講，現時樓市租金回報率不高，正常用優質股增值，個效果會較好。

但無人知5年後，樓市升快D，定優質股升快D。我地只能用現有水平，去得知值博率係而一刻，係優質股較好。但唔代表最終，樓市唔可以跑嬴翻優質股。

所以，"用投資優質股換大屋"，定係"細屋換大屋"，你要自己衡量。從現時值博率計，會係前者。

但若你相穏陣D，其實先買細屋，再換大屋都未嘗不可。但你要確保細屋升值能力，最少能跟大市同步。

另外，你可能會用來自住，即係佢都要滿足你長線生活需要。而且，間屋唔好太細，最少要有300呎以上(一個家庭基本需要大細)，才有基本投資價值。

2) 可以，但留意如果要直接入貨，現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)算在合理區中上至頂部，可分注入貨，其餘都略貴，想買就要等一等。

但如果係月供，我之前推介你的股票，現價都可以開始。

3) 的確係無人知，但我地投資係唔會"估"走勢，只會用平貴去定策略。現時市況係合理水平，我地應預留3-5成現金，去等大跌機會。

因為我地唔會知幾時大跌市出現，但如果你無現金係手，真係出現時，你會錯失良機。

4) 你計劃係可以，但小米(1810)都仲係有D貴，最好回多1成才入。

你緊記180萬係分多注咁，慢慢入貨，唔係一次過買晒。

另外，深圳高速公路（0548）只係收息股，增長力好弱，唔係咁適合。我建議你將佢換成指數基金，去增值組合平衡性。

------------------------------------------------

Q22447：

龔成老師，這個失敗的組合(0003, 0012, 0778, 1299, 2388,3067, 3383, 9988) …應該怎麼辦…？ 除了aia , 有很多股票由2017，18年坐到現在… 到了3067，我不停加註，怎知愈來愈跌

很灰

龔成老師︰

你整體的持貨不是劣質，不少都是有質素的，但部分你可能在較貴的價位買，以及市況波動，令股價向下，建議你日後多用平均入市法，又或提高計算企業估值的能力。

另外，你提及3067不停加注，記住，投資要有策略，買入前寫低具體的進行方法，投資後要長線，持股5年以上。

只要長線質素無變，中短期波動我地唔需要理會，長線持有就可以。

另外，我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

你現時持有股票，都係有質素，可長線持有。但當中雅居樂集團（3383）負債水平較高，不宜佔太高比重。

我見你安碩恒生科技(3067)都加注左唔少次數，你要留意此股和阿里(9988)都係潛力股類，雖然有長線投資價值，但風險會比較大。如果你年紀較大，或者投資經驗不高，這類股票不宜持有過多。

------------------------------------------------

Q22448：

龔成sir, 你好，多謝你用心的分享，增加咗我唔少投資方面的知識。一直以來都無去做過咩投資，特別是股票，了解不太多。

最近數月，我開始透過youtube及朋友了解到股票投資。

想透過穩建的投資組合去增值資產，而非將錢放銀行貶值。增值資產主要目的在放：

1. 短：5年內換2房半或3房單位（$900萬以下）
2. 中：（10-20年內）孩子將來有到外國留學需要時用
3. 長：（20年）將來退休生活費

現時我（33歲）與老公（39歲）有穩定工作和收入，每月收入扣MPF約$68000。每月家庭開支約$56000，可儲約$12000。育有1個幼兒，有計劃1-2年內生多一個小朋友。

資產：
1. 現金$30萬
2. 物業：市值約$620萬，每月供約$14000（仍欠銀行$296萬），出租每月$13000（自己租樓住$16500）
3. Ibond: $30000
已買基本醫療保險

現在有些投資想法：用一半現金儲備投資股票（用一半在黎緊尼次股市下落中分注買入一些平價位優質潛力股(0700、9988、2845，各100股）；

一半投資穩健收息增值股和EFT（0823/VOO/HD/0303/0006/6823）作儲蓄增值之用；另外，計劃每月供$6000股票（0823/VOO/HD/0303/0006)

Q1. 以上這個投資計劃會否太進取？分佈是否平衡？

Q2. 月供股票主要想放在有穩定收息增長及分散風險的股票，想問我較適合先投資哪些我計劃內的股票？

Q3. 美股我計劃待下跌後再供，VOO & HD咩價位為之適合入市？

Q4. 以上三個潛力股到何價為平（以作參考入市價位）？會否有另一些更合適我投資的優質潛力股？

Q5. 我也有想過入0388，咩價位才適合入市？

謝謝你。

龔成老師︰

其實你3個目標，我地都可以透過用優質股增值，去達成。

1) 潛力股部份，係可以。但另一半，以你們年紀和計劃作考量，我較建議集中在平穏增長股，而非一些收息股。

領展(0823)、VOO、HD係可以，但其餘3隻都係收息類股票，增長力唔高，唔建議用。你可以用以下股票，去取代這3隻。

平穏增長股︰指數基金、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

現時大市只係合理水平，現金佔比重大約3-5成。餘下資金，就等大跌市出現，才加大力度掃貨。

2) 由於你3個目標，都係需要財富增值才可做到，因此選擇方面，應以增長股為主。

你月供計劃，同樣有少少保守，建議你將偉易達(0303)和電能(0006)這2隻收息股，換成潛力股，去增升組合增長力。若你相保守少少，換成平穏增長股，都係可以。

每月餘下$6000就先儲起，等大跌市機會。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、舜宇光學（2382）、阿里（9988）、騰訊（0700）、ＧＸ中國電車基金（2845）、三星FANG ETF（2814）。

3) 現時佢地價格在合理區，你照保持月供，咁就可以。我地月供只會係去到好貴，才會考慮下調供款額，甚至停供。

如果你本身定平貴能力不高，我建議你不理價格，一直月供會較好。因為你自己調整出錯，就好大機會影響你長線回報。反而一直供，會對你更有利。

4) 上述的潛力股，都適合你。你可以睇翻自已對邊個行業或企業更看好，本身對隻股票，又有一定認知，去決定投資目標。

部份潛力股已有輕微過熱情況。只有安碩恒生科技(3067)、ＧＸ中國電車基金（2845）、 騰訊（0700）、阿里（9988）、中生製藥（1177）、福壽園(1448)勉強算在合理區頂部，可分注入貨，其餘要等等。

5) 港交所(0388)都係一隻可選擇的潛力股，但現價略貴，回多1,2成才入，值博率會較高。

另外，你持有的IBOND只係定息產品，無增長力，唔適合你。建議沽出，用來投資優質股會較好。

------------------------------------------------

Q22449：

成哥，想問下以下組合係米仍然繼續特有適合?

700 ，556買入
799，10.94買入
3383，10.94買入
3690，281買入
1810，28.61買入
939，6.2買入

龔成老師︰

騰訊（0700）、小米(1810)、美團(3690)和IGG（0799）有質素，可長線持有。但美團(3690)和IGG（0799）不確定性較高，不宜持有太多。

上述4隻都係潛力股，如果你年青，持有係可以。但若你年紀較大，就只宜好小注。

雅居樂（3383）業務上是有質素的，但中國經濟有少少風險，加上佢本身負債較高，相信會對佢有影響。

這股都有長線投資價值，但負債高始終是風險，唔建議太大注。

而建行(0939)都有長線投資價值，但佢增長力不高，只係收息股類。如果你係較年輕，這類創造穏定現金流的股票，就唔適合你。

------------------------------------------------

Q22450：

龔sir，請問2158 $35.5入 1044 $50.9入現價可溝嗎？可以長期持有嗎？

龔成老師︰

醫渡科技（2158）有潛力的。可長線。

提供基於大數據和人工智能（AI）技術的醫療解決方案。集團主要向醫療行業的主要參與者（如醫院、製藥、生物技術及醫療設備公司、研究機構、保險公司、醫生和患者以及監管機構及政策制定者）提供服務和合作。

根據大行報告，於2019年，集團收入在中國所有醫療大數據解決方案提供商中排名第一，在中國醫療大數據解決方案市場中的市場份額為5.0%。

睇翻大行對佢2020-23年預測，收入和毛利增長分別為73%和83%，增長力唔錯。

佢平台有一定擴張性，長遠受惠更多醫療保健客戶使用平台。不過公司客戶過度集中，以及依賴公共部門。

但佢依然係在燒銀紙狀態，係一個扣分架地方。整體算係有質素，但要注意風險，投資時唔建議大注。

之前貴，現價依然係略貴，唔建議加注。而且，此股不確定性較大，只宜小注投資。

恆安國際（1044）主要業務為在中國生產，分銷及銷售個人衛生用品，零食產品及護膚產品。

恆安擁有多個品牌，如「心相印」、「安而康」、「品諾」、「安爾樂」等，而業務大致可分為紙巾產品、衛生巾產品、一次性紙尿褲產品、零食產品。

恆安具有品牌，又處於增長中的市場，前景不俗，故此企業為不錯的優質股。不過，市場競可能令毛利略為受壓，但相信隨著此企業發展更多較高毛利產品，影響不算大。

長遠來說，恆安仍有一定的前景，故有投資價值的。成本上升，令佢略有風險。整體而言，有長線投資價值，現時大約在合理區中間。

若你本身計劃分多注投資恆安的話，現價加1注係可以。如果你資金不多，等佢再回多1成左右，值博率會較高。

------------------------------------------------

Q22451：

龔sir, 你好！想請教你，我現在月供

$5000港交所
$6000騰訊
$6000 阿里巴巴
$5000中國平安

中國政府現時加強監管科技、教育、物管和外賣股，我應唔應該繼續供？還是有其它股票可以平衡風險？請龔sir 指教！

另外，美股科技ETF 值得買嗎？

龔成老師︰

中國政府在不同行業拖加新政策，都造成不同程度的風險。但我地要分析翻，這些政策係唔係明顯會對企業長線發展，造成核心性影響。

就你所月供4隻股票而言，影響係有，就暫時唔算係一些核心性問題，這些股票依然有投資價值。

但你而家月供組合，太偏重左係潛力股(0388, 0700, 9988)，佢地雖然有增長潛力，同時風險都較高，不宜持有過多。

若你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。

未來時間，你就要加大翻平穏增長股部份，令組合更平衡。

同時間，每月儲蓄唔好盡用，要留有3-5成現金，等大跌市時去入平貨。

美國科技ETF，都有投資價值。

你可以考慮三星FANG ETF（2814），佢係追蹤NYSE FANG+指數的表現。是一個美股潛力股基金。

首先，FANG+係代表美國上市多隻領先既科技股票，即係代表Facebook、Amazon、Netflix、Google，而該指數會再加上其他科技股，如Twitter、Tesla、百度等，即是全球處最前列的科技類公司。

這基金是一個潛力基金，長遠正面，但要留意價格會較為波動，加上近年科技類公司上升左唔少，因此現價唔算平，建議以月供的模式投資，買入後長遠持有。

但你要留意一點，你現時港股有內地的阿里(9988)和騰訊（0700），再加上這美國科技基金，你就會成個組合，非常集中係科技相關股份。

由於佢地係同業，最好維持不多於組合3成，以免出現過度集中性風險。

------------------------------------------------

Q22452：

想問一問愛康
點解 我買入既一手 都咁差

龔成老師：

投資要不斷學習的，如果投資因為自己分析不夠完整，下次就分析得更好。我15年前開始，一年平均睇50隻股，每隻要花6小時分析，然後一年只買1、2隻股票。

其實愛康醫療（1789）不算差，以長遠業務分析，正面的。

佢以「愛康」品牌從事設計、開發、生產及銷售骨科植入物，並專注於髖關節及膝關節置換植入物。

睇翻佢的資料，佢的產品包括用於初次手術的骨關節植入物，以及為置換、修復或升級前次手術的植入物或部件的翻修手術而專門設計的骨關節植入物。都是有前景的業務。

這股業務不差，有增長潛力，盈利增長，這反映企業有實際的價值提升。

不過，投資時要考慮價格風險。現價合理區頂，另外，佢業務是有潛力有風險類，因此要明白較為波動。

------------------------------------------------

Q22453：

成哥，我上年先開始學投資，果陣見到d科技股 升極都仲有得升， 有幾隻股等左好耐想入，之後早排回落左都算多 就入左 d，發現原來仲有得繼續跌

例如阿里 果陣300，跌到落 230 我無貨 ，果陣都見你話仲係略貴 但都係入左1手 ，依家落到191 ，其實都有信心呢隻股係無問題

但覺得買貴左好多， 如果當拒上返 大約23x度 我放一放，再耐心d等拒跌 比較平既價位再入 如唔會比較好？因為初初開始投資 唔知道原來耐性好重要

龔成老師：

阿里（9988）有質素，中短期一般，但長遠仍有增長力，之前貴，現價去翻合理區。

係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但股價都有一定的波動，現價算是合理翻D，但都不是大手時候。

始終將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

對於這類優質、有發展，但現價未算特別平的股票。

你有貨，可持有，上到230，其實未算貴，如果你賣出，無人知能否買得翻。

你這種想法，就是一種估走勢的做法，而巴菲特等投資大師，都不會這樣做（因為佢地認為無人能做到），你現時的想法，同一般散戶一樣。而我希望你能進步，加強知識，不要停留在一般散戶層次。

------------------------------------------------

Q22454：

龔Sir 你好
對於股票最近真係跌到懷疑人生
股票長期持有，其實應該點處理
有些股票原先有賺，但諗住長期持有，近期一直下跌，已經跌至虧損。

其實對於長期持有，應該係賣出？一直持有不理？還是依然要睇圖下跌時離場？

係咪就唔使理止蝕，只要長期持有就得？
應該點操作才對

龔成老師：

我記得2003年，香港樓跌到好勁，港股都是，我已有投資港股，當時好多朋友都講「港股玩完」「樓市玩完」。

98%的投資者，都會以短期股價做分析點（樓市都是一樣），這是一般散戶的思維，而投資大師，則能平常心面對股價，著重企業的長遠發展。

到樓市、股市升翻，散戶又話「如果比多一次沙士價我就好了」。

這種思維，就是散戶。

你現時，要睇翻該企業，有那些核心因素改變，分析佢3年仍的業務情況，推算佢盈利是否有明顯下跌，唔好好似一般散戶，只著重短期股價。

我希望你能進步，能學知識，而不是停在一般散戶的思維！

------------------------------------------------

Q22455：

阿sir ，企業質素有冇核心性轉差點樣睇？

龔成老師：

你要分析佢的長遠財務數據，分析3年後，財務數據會否明顯減弱，市場佔有率有否明顯下跌，產品的賺錢能力有否明顯減少。

------------------------------------------------

Q22456：

老師，除淨日會自行調整股價，即派$1息股價會減$1, 咁對於買股收息這件事，仲有咩用？反正收幾多息，股價都跌返個數

龔成老師：

對短期投資者，無用。但長線投資者，就是一種現金流的概念，你要以一盤生意去思考，你買入一盤生意，佢會分派股息，分派股息的當刻，市場價值會減，但只要不是短期去出，長遠生意又會慢慢增值，以及不斷分派股息。

------------------------------------------------

Q22457：

龔sir 你好，突然有10萬，我可以點樣漲大呢10萬價值呢？

我指的是買有咩股票好

龔成老師︰

你可以利用這10萬蚊，去投資一些優質股，進行財富增值。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

如果你年青，可以「平穩增值股」+「潛力股」。中年人士，可以較集中翻係"平穏增長股"。當你已近退休之年，就應集中在「收息股」，去創造平穏現金流。你可以睇翻自已年紀，去作出配置。

潛力股︰比亞迪(1211)、中生(1177)、福壽園(1448)、安碩恒生科技(3067)、港交所(0388)、阿里（9988）、騰訊（0700）、舜宇光學（2382）、小米（1810）、ＧＸ中國電車基金（2845）、三星FANG ETF（2814）。

平穏增值股︰盈富（2800）、港鐵（0066）、金沙（1928）、煤氣(0003)、恆基（0012）、中銀香港（2388）、長建（1038）、粵海(0270)、領展(0823)、希慎(0014)、太古地產(1972)。如有投資美股，可考慮：VOO。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

大市現處於合理水平，那10萬資金，你可以先用一半，以"分注"形式慢慢入貨。餘下一半和每月儲蓄，就等大跌市機會出現，才大力度掃貨，並長線投資。

另外，收息股和平穏增長股，現處於合理水平，可分注入市。但潛力股，部份係略貴。

現時只有安碩恒生科技(3067)、ＧＸ中國電車基金（2845）、騰訊（0700）、阿里（9988）、中生製藥（1177）、福壽園(1448)勉強算在合理區中上至頂部，可分注入貨，其餘都略貴，想買就要等一等。

------------------------------------------------

Q22458：

龔sir ，我依家18歲仲讀緊書，啱啱出嚟做嘢試吓一兩個月，返緊地產行業，眼見好多人都好成功搵到錢，我自己都想成功，遲吓都會想玩下股票請問新手有冇啲咩要注意，

同埋想知道點樣先可以變到有錢，理財很重要嗎？

龔成老師︰

非常好，把握假期時間去工作，吸收工作經驗之餘，可以門開闊視野，對你將來選擇人生路係有幫助。

理財係十分重要，而且範疇好廣泛，由你打工儲錢，到投資增值。若你想成為一個有錢人，你就需要好好學習。

現時你要做三樣野︰

第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供指數基金。對初階投資者來說，月供股票是一個很好的累積財富方法，因為可避免你一次過在高位買入的風險。

原理如同儲錢，不過就不是儲現金，而是儲股票。計劃要長期進行。

另外，指數基金是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

------------------------------------------------

Q22459：

龔老師。本人睇左好多你講關於月供股票、投資心態的文章和影片，真的獲益良多。本人30歲，工作繁忙，心感難以日日留意市場捕捉買賣價，

所以希望走向月供之路。以下是我的一些想法，希望老師指教。

每月可儲錢$25000︰

1. 5000 現金儲蓄
2. 5000 月供JPM 美國科技
3. 5000 月供JPM 美國企業成長基金 / 美國巴郡B ETF
4. 5000 月供建行
5. 5000 月供長建

如果可以，打算無限供，未知老師可否指教指教，謝謝

龔成老師︰

我地投資股票，其實等同投資一間企業。希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。因此，你係無成日睇住個市的必要。

而月供，係一個長線計劃，月供最少維持3年，並持有這些股票5年以上，才會有較理想效果。當然，如果企業質素一直無變，最好一直持有。因為，優質股持有時間越長，財富增值效果就會越理想。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

以你30歲年紀，應以增值為主。你現時月供股票，大致係可以。但建行(0939)只係收息股，增長力唔高，唔建議你用來月供。

你可以用以下股票，去代替。

平穏增長股︰VOO、盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

另外，現時大市只在合理區，現在你每月先用5成儲蓄，即$12500做月供。其餘先儲起，用一邊月供一邊儲蓄的策略。餘下一半資金，等大跌市出現，才去動用會較好。

------------------------------------------------

Q22460：

老師你好，我今年29歲，與家人同住，無男友，無投資經驗，無保險，每月可儲大約萬三，另有現金40萬。

最近有諗緊需唔需要買保險，另外因為同屋企人（妹妹）基本上喺屋企互當透明唔會講野，有打算搬出去住，但如果買保險同搬出去住，洗費就會大增，

可儲嘅錢就會變少，所以有所卻步，老師可以比少少意見嗎？

三個月前開始月供$7,000股票，分別為

港燈（2638）$500
長江基建（1038）$500
盈富（2800）$4,000
粵海（270）$1,000
安碩恒生科技（3067）$1,000

請問老師我現在嘅月供股票組合有問題嗎？有何需要調整嘅地方？麻煩老師了

龔成老師︰

如果無實際必要，我唔建議你搬出去住，因為會產生額外開支，拖慢了你增值計劃。

我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。保險最大的作用是「保險部分」，反而投資作用一般不大。

即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司。但儲蓄保險這類產品，但不宜持有太多。

而我地投資增值，係會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你29歲，應以增值為主，你可以用有增長力的股票，去創造一個增值平台。

現在你每月用$7000做月供，其餘先儲起的策略，係正確。但港燈（2638）只係收息股，增長力欠奉，唔適合你。

現時大市只是合理區，你現有40萬資金可以先投入10-15萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

同時間，你要去多讀投資相關書本、年報，新聞和課程。

書本上，你可以睇我寫架"80後百萬富翁"、"財務自由行"和"股票勝經"，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【 打工仔微創業】

我又來了，繼續前文有關年度回顧的文章。😆

之所以心得很多，是因為最近我深深有種邊做邊學，跟公司一起成長的感覺。🥰

也許是新系統的使用，也許是新業務拓展成功，也許是新組織的加入，總之新的開始也就意味著新的應變方式。於是被逼著拋開過去作法，重新制定新流程，與各路人馬討論出個雛形，實作後發現這個那個都行不通，或者太費時，再討論再研究，然後 Trial and Error，找到一個可以前進但又有後路的方法。

這個過程，就成了傳說中的 #實戰經驗。

雖然只加入公司一年半，但過去一年半的變化實在太大了。

我之前有待過制度完善，業務穩定但沒有成長的公司，每天大概花２０分鐘就可以做完一天任務的工作，但真的很無聊，工作上變不太出新把戲。加上三不五時就會需要跟老屁股過招，即便我上班在做線上課程的回家作業，下班也去上課，但工作上一點挑戰性也沒有，還是讓我覺得活得沒有目的也很茫然，每天都想自己人生就這樣老死了嗎？

以前公司組織規模太大（註），往往到我們財務，幾乎已經是最後端，但在小公司，有時候也分不清自己是前線還是後援。在剛起步或者大擴編的公司，其實會比較辛苦，有時候也會感到無力，但都是因為在想如何把事情做好，跟當時工作無聊到爆的壓力是不同的。

江湖闖蕩越久，就越覺得工作跟愛情一樣，沒有絕對好壞。對的工作遇到錯的時間點，也只能無奈。

之前那份對我而言很無聊的工作，後來接手我的新同事卻很快樂，因為她有兩個小孩要顧，所以這份無聊工作剛好滿足她想專注在家庭的心願上。其實我還是有在偷偷打算五十歲之後，想放空休息時，回到前公司（誤😆😆😆😆）。

目前這份工作讓我有種把過去工作經驗集大成的感覺，某問題的解決方式可以參考到過去某家公司經驗，某團隊管理問題可以參考我以前很欣賞主管的解決方式。有時候雖然甚麼都沒得參考，但也因為是新事物，沒有人知道答案，所以就是用邏輯思考或者 call out 以前同事跟同業朋友後，慢慢找到可行方式。

有時候覺得有點像在玩扮家家酒，感覺自己在創業常常在兜售解決方案，但還好失敗也不用掏錢出來。😆

雖然很多人會覺得財務工作很一成不變，但從收到一張訂單，到款項收回，甚至更前端的產品製造跟廠商訂購與付款，也只有我們能看到所有數字，再透過分析去了解背後的故事。

都說如果遇到很棒的男友，其實要感謝前女友們。同樣地，我自己能在目前公司被認可也還開心待著，我也要感謝前面幾家公司的鳥事與好事，讓我有經驗可以運用也懂得珍惜。

#人生沒有白走的路，我們繼續且走且看且加油！☺️☺️☺️

（註）我之前在台灣跟荷蘭的公司的當地辦公室都是百人以上，目前阿姆辦公室不到五十人（但全球也是有幾千人）。

【龔成問答信箱】（Q22041-Q22060）

Q22041：

Hello 龔sir 我係你股票班初班既舊生 最近睇緊12號恒基既年報 有d問題想問下

請問本年度盈利後面點解仲有一個本年度收益總額？唔係好睇得明 除稅及重新分類後之本年度其他全面收益淨額 即係點？

仲有佢既基礎盈利14899係點計出黎呢？我嘗試將公佈盈利10192 加 "投資物業及發展中投資物業之公允價值（減少） / 增加" 2413 都計唔到 14899

聯營同合營公司既盈利需要剔除嗎？

最後就係buffolio顯示既恒基 PE係用基礎盈利定公佈盈利計算呢？我需唔需要加減其他數字去計算正確既PE?

唔好意思 有好多問題

龔成老師︰

這頁"綜合損益及其他全面收益表"，係分析估值時，我都唔會特別去參考。因為佢主要係一些非營運性變動，無太大參考價值。

至於基礎盈利，主要係扣除左"物業公平值變動"，所造成之影響。

你可以參考翻2020年年報P.226，你用"本公司股東應佔盈利"，再加翻所以公平值數字(因為當年公平值，都是負數。若當年公平值係正數，你就要倒轉，扣除翻佢。)，就會計到14899個答案。

水牛網顯示，會係用用"本公司股東應佔盈利"作計算(即包含公平值之影響)。

------------------------------------------------

Q22042：

龔成老師你好！好想同你分享個好消息！我同丈夫成功買到第2層樓啦！難得睇中啱心水地區尺數既低水單位，所以決定賣哂所有股票同埋加按少少層樓俾首期

首先 我好想多謝老師你強調儲資產呢個概念，雖然我啲股票唔係大賺，不過起碼不經不覺已經儲到一筆可以靈活套現既資產，全靠呢筆錢 今次先有機會入市。

不過宜家手上已經冇哂股票 現金亦唔多，要供2層樓亦都令少左現金流去儲股票

再加上黎緊首要目標係可以儲到筆錢裝修新屋，想請問老師我應該如何分配長線同短線既投資方向？

現階段應該全部保留現金用黎裝修？還是繼續以月供方式儲貨？

謝謝老師建議

龔成老師︰

先恭喜你，又成為業主。

我地財富組合除左要有增長力和質素外，平衡性都好重要。你現時資產明顯係偏重於物業類，長線你應集中加回一些優質股，以免過於集中個別資產類別，而產生風險。

因此，你新資金建議優先投入股市，去令成個組合更平衡。

至於先裝修，定投資，你要從生活所需和財富增值，2者之間去取個平衡。

但我建議，點都要每月做番少少月供，唔好完全係零。因為你現時係零股票，而大市又只係合理水平，這個狀態唔理想。

另外，由於你要供2層樓，令每月可投資金額減少。你最好盡快將另一層樓放租，去提升自已可投資現金流，咁會較好。

當然，你現時現金太少，都要留一定的現金先。

------------------------------------------------

Q22043：

老師你好，我又有問題想問。看完"80後千萬富翁"後，有一個疑惑

假設我辭職後，以全職股票投資者創富，之後希望分散投資，買入一間物業，問題就來了：

1.沒有工作，全職股票投資者，可申請按揭嗎？

2.同時，過到壓力測試？

3.成立空殼公司，買入物業是否更好？

龔成老師︰

1) + 2)你可以利用「資產方式」申請按揭，而非一般有收入人士，所用的「壓力測試方式」。

或者你可以加入擔保人，都有機會可以提升你成功申請按揭機會。

但坦白講，無收入要做按揭，一般都會較難。

所以最好在你有穩定收入時，處理好物業這部分，之後先辭工。

3) 成立空殼公司買入物業，係可以節省不少稅項。但空殼公司本身，都有不少營運和買賣成本，例如要會計師每年核數、買賣時需要律師評估資產等。

加上公司買物業要支付「買家印花稅」15%，因此否則未必值得咁做。

------------------------------------------------

Q22044：

1:假設，本金10萬，每月再投入1萬。如果比自己目標係每年升15%,咁應該點計，因為以年計

1月資金可用12個月，但12月資金只用1個月。咁我應該用22萬乘15%,定應該點計好?

2：老師，想請問下，假設如果雙方同意，我冇任何牌照既情況下，可以幫人做投資嗎

3:老師想請問下，假設現在有1百萬資金，用了5年時間儲錢加投資得來，有買樓需求，可選擇用來買樓首期或繼續用股票滾下去，

但如果買左首期後就變左股票果邊滾落去既速度慢左，面對咁既情況應該點做好

4：老師，想問如果抽到居屋，又比左首期買左之後，可唔可以出租？

龔成老師︰

1) 唔好諗到太複雜，我地唔係要一個好精準架數字，因為投資中間會有好多變數，未必一切如你估算一樣。

但係你要知一個大概數字，係有意思，可以作參考架數字。

以你情況，可以簡單點，當你當年每月資金，係年尾一次過投入。咁樣計算，簡單之餘，出來結果都會相對保守。

第1年回報︰22萬 x (1 + 15%)
第2年回報︰(第一年回報 + 12萬) x (1 + 15%)....如此類推

2) 如果是《證券及期貨條例》規管範圍，基本上就要有牌照。如果你只係幫下屋企人手，當然另計。其實，當中好講有無「利益」在其中。

3) 如果你係有實際需要，去置業的話，你係可以動用這筆資金。其實物業都係一個資產，都算係一種投資。

但最好，係你置業之餘，都有一定資金，用投資優質股，令成個組合唔好偏左係物業個邊，咁就最理想。

4) 根據正常程序，係要補左地價，先至可以成間居屋放租。

而且，投資物業放租，在香港現時法例下，是不能以高成數按揭進行的，金管局定明，如果要投資物業收租，最高的按數不能高於5成，高於5成者，只能自住。

當然，這是政府的規定，但坊間的做法，往往是另一回事。但你要明白佢地的做法是犯法的，因此一定有風險，做與唔做，自行決定。

坊間不少投資者，就算高成數揭揭都會照放租，其實你照去地產經紀同你講你想這樣，佢地就明，會照同你做，當然，細節位不便在這裡講太多，有機會你上堂見到面，我分享坊間的做法。

記住，所有事情都會有風險的，這是一個值博率的問題，我只可以話，坊間不少人都會照做。

------------------------------------------------

Q22045：

龔sir，你好!多謝你一直耐心回覆讀者的提問。我都其中一個支持你的讀者，你的著作特別是年報勝經，寫得很好。我亦因此開始學習睇年報。

最近我投資左百度(9888)，現價大約210蚊左右。投資原因主要是看好雲業務同智能駕駛的前景。我相信這兩個範疇能配合中國未來的大方向。

配合本身網上廣告業務收益穩定，有利百度發展新增長點。

百度最大的擔心是競爭者多，在今日「全民製車」的時期，百度的賣點只是研發時間比同業長，比同業更早開始投入研究。講到這裡，就引伸出另一個憂慮，就是巨大的無人駕駛投資能否變現。

我明白股價反映公司價值，同時亦反映了市場的對於公司的期望值。但在這裡，我唔識判斷「市場期望值」這件事。

不知我的看法是否正確，百度目前的市盈率大約9倍左右，應該是屬於健康水平。 未知老師的看法如何? 現價應否再加注?謝謝!

龔成老師︰

多謝你的支持!

百度(9888)為全球最大的中文搜索引擎，是內地用家搜尋資訊主要對口，2019年百度用户規模突破10億，而百度App日活潑用户2億，信息流位居中國第一。

當你坐擁不少資訊和客戶群，就可以利用佢地去發展很多不同業務。

雲和無人駕駛，都會係有業務當中較有潛力部份。百度的無人駕駛技術，其實唔錯。雖然越早研發，唔代表一定可以越早市場化。

但百度在無人駕駛技術，無論研發和運作，都累積左一定經驗，有助提升佢成功市場化機率。若無人駕駛技術成功市場化，相信會成為集團盈利的新增長點。

由於無人駕駛市場未算成熟，就算有較多競爭者進場，都未必會造成較大影響。加上集團有一定技術，係競爭上相信會有優勢。

這些部份發展雖有潛力，但都存在很多不確定性，我地好難完全掌握將來發展狀況。因此，係估值時，對這些不確定性較高的分部，要保守少少。

百度現時收入，主要來自在線營銷服務。這部份，集團有一定優勢，預期長線發展正面。

百度在規模和質素上係有，但你預佢中短期會較波動，不宜持有太多。若你資金好充裕，要價加小注係可以，否則等較大回調才加注，會比較好。

------------------------------------------------

Q22046：

龔sir你好，我對於股票買賣只是初哥，之前都是有少少人云亦云既心態作買賣。而我丈夫曾經上過你既堂，從他口中得知你的FB page，最近經常睇你既page增加投資概念。想問下你嘅意見。

本人37歲，已婚未有仔女。月入$58K，丈夫月入$20K多少少，收入算穩定，已購入一層自住物業，仲有17年需要供樓。

之前一路只保守地作儲蓄，大約有流動資金$100萬，扣除供樓，生活費同雜費，每月可儲蓄$24K，想可以好好分配同計劃點樣做好投資理財，為將來有小朋友及退休生活作計劃。

之前買入一些收息股票為主。如下：

0005 匯豐 70.5x1200股+46.2x2000股
1398 工商銀行 6.41x 15000股
2800 盈富基金 28.72 x2000股

1. 睇了你的FB page 後想嚐試月供股票，考慮緊每月用一萬蚊月供0002，2318，6823。這些組合適合嗎？

2. 現在持有既股票組合適合繼續長期持有？定放售？

3. 如果買潛力股，你會建議買邊隻？

期待老師的回覆，非常謝謝！

龔成老師︰

1) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你37歲，應以增值為主。平安(2318)係可以，但其餘2隻只係收息股，增長力較弱，唔係太適合。我建議你用「平穏增長股」 + 「潛力股」作組合，去創造一個增值平台。

現在你每月先用5成儲蓄，即$12000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於你投資知識不高，因此可較集中在平穩增長類股，至於潛力股，只宜小小注(不多於3成)。最好是你先提高投資知識，等到你有一定知識和經驗，才慢慢增加潛力股比例(大約5成)。

現時大市只是合理區，你現有100萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

但我建議，在你實行以上計劃前，先儲起半年開支(若你預將會有小朋友，都要預留埋這部份開支)，作為應急之用，咁會較穏當。

2) 你持股雖然都有質素，但匯控(0005)和工行(1398)都係收息股，你年紀不宜持有太多。建議沽出部份，慢慢換至上述股票，會較好。

3) 我上述潛力股，都適合你，但你投資經驗較淺，要控制個比重，唔好佔多過組合3成。

另外，大部份潛力股現價都略貴。現時只有安碩恒生科技(3067)、ＧＸ中國電車基金（2845）、比亞迪(1211)、阿里（9988）、中生製藥（1177）、福壽園(1448)勉強算在合理區頂部，可分注入貨，其餘想買就要等一等。

------------------------------------------------

Q22047：

龔成老師，你好，最近睇左幾本理財書，當中都有一個對沖概念，但睇返sir的書，或fb的對答，好似都好少呢方面既資訊，是否同你理念唔一樣？

另外我本人都買左d科技股，例如阿里巴巴和小米，都諗住有排都唔放，但又唔想繼續供落去，想供d其他行業的（你話同一產業不是多過30%)，

睇左眼科藥物公司兆科眼科，或者是德視佳，一個造藥一個行醫，你會點睇？

龔成老師︰

我主要係建議透過創建一個合適、平衡、有質素的財富組合，去做到在合理風險下，爭取最大回報。

跟一般對沖，去平衡風險有所不同。而且對沖唔易玩，唔適合一般投資者去操作。

兆科眼科（6622）係一間眼科製藥公司，致力於療法的研究、開發及商業化。通過自主開發或許可引進已建立起包含25種候選藥物的全面眼科藥物管線，涵蓋影響眼前節及眼後節的多數主要眼科適應症。

集團初步將策略重心放在中國五大眼科適應症上，包括乾眼症(DED)、濕性老年黃斑部病變(wAMD)、糖尿病黃斑水腫 (DME)、近視及青光眼。

佢已建立起由13種創新藥及12種仿製藥（按國家藥監局的《藥品註冊管理辦法》分類）組成的眼科藥物管線。創新藥管線包括8種候選藥物，若獲批准則有潛力成為中國市場領先產品。

仿製藥管線包括6種潛在中國首仿藥。集團擁有8項已頒發的中國專利及一項已頒發的歐盟專利，並提交6份中國專利申請。

佢已於廣州市南沙新區建造的生產設施，根據中國、美國 及歐盟cGMP標準設計及興建以用於生產眼科藥物，其生產能力完備並可用於商業化規模生產。

由於未有盈利，風險度會較高，加上企業規模不大，因此投資值博率未算高。

當然，由於規模不算好大，若果企業之後成功，可以好勁，但失敗對股價都有很大影響，因此是有潛力，有風險類。

只可以話，這類股，唔建議大注，當小注投資下好了，同時要明白當中的風險。但用作月供，就不建議了。

德視佳（1846）主要於德國、丹麥及中國以「德視佳」品牌提供視力矯正服務。

佢的服務可大致分為屈光性激光手術（包括全飛秒激光手術及飛秒激光聯合準分子激光角膜原位磨鑲術）、後房型人工晶體（ＩＣＬ）植入術；晶體置換手術（包括單焦點及三焦點晶體置換手術）及其他（包括用作矯正眼晴屈光不正的ＰＲＫ／ＬＡＳＥＫ及角膜基質環段ＩＣＲＳ植入手術）。

見佢的財務數據都不差，生意與盈利都有穩定增長，現價算是合理，但不是高增長類，同時由於規模未算好大，可小注直接買入，但不宜月供。

另外，我地月供係一個長線計劃，最少供3年，並持有5年，才會有較佳效果。因為月供可以拉平均個買入價，減少買貴貨風險。

若你經常供一陣就轉，會影響到平均價格效果，令最終回報不確定性增加。

------------------------------------------------

Q22048：

我想請教一下，你覺得應該怎樣教育兒童理財？因為看過你的文章/書本，你都提及學校缺乏理財教育！謝謝！

（期待可以在澳門上課的澳門讀者）

我兒子8歲，有時會問我供樓借貸，公司借錢，點解麥當勞可以咁成功等等，我自己本身不是商科，所以都係google咁簡單講俾佢知

龔成老師︰

我建議你同佢玩「大富翁」、「現金流」這些遊戲。

如果佢8歲已經有這些問題，我相信佢對這方面好有興趣，好有潛質，日後可以好有成就，你可以找一些成功的名人、商人傳記之類的兒童書比佢睇。

書本和遊戲，都係教授小朋友理財的理想方法。好似大富翁遊戲，小朋友可以從享受遊戲同時，也會學到不少經濟理論和操作模式。

另外，書本可以令佢從前人身上，學到一些經驗。當然，佢年紀比較細，較難理解我們成年人睇架書籍。

最好先選擇佢年紀水平，和他有興趣的書籍入手。之後才慢慢加入一些，未必是他有興趣，但又對他理財知識有幫助的書籍。

家長在遊戲和閱讀時，要多加讚賞，對佢學習會有激勵作用。

如果你本身無太多理財知識，就係教授小朋友同時，自已都要增進一下，甚至一齊學習。可以作親子活動之餘，都可以提升雙方學習的樂趣。

------------------------------------------------

Q22049：

老師：我在重整現時持有的股票組合，由於未到8月上課時候，唯有再麻煩老師，唔好意思。想請教以下幾隻股票是否優質和他們的合理價範圍。謝謝！

405
939
2822

此外，以上三隻股票是否都屬於平穩增長股呢？謝謝！

龔成老師︰

這3隻股票，都係優質，同時現價都在合理區，可以分注入貨。

越秀房產（0405）和建行(0939)係收息股，增長力較弱，主要係收下息。以你年紀，收息不用佔太多，大約2成左右好了。

南方A50（2822）算係平穩增長股至潛力股之間，有一定波動性。此股適合你年紀，可以考慮。

------------------------------------------------

Q22050：

老師你好！我居住在澳門，今年45歲，自住房屋市值約900萬還欠貸款400萬，每月供17000。

另有一間市值約600萬已供滿收租約9000（澳門租金較低）

因疫情上年失業，現新工作每月薪金只有18000再加上9000租金，每月收入共27000，每月供樓保險加上生活開支剛好月月清，另有60萬積蓄想投資股票市場。

現時手頭沒有揸股票，想問應唔應該賣咗收租樓，還清400萬貸款，剩餘200萬用來買平穩收息股？還是只用60萬積極蓄投放股市？

另外想買老師你的書，我是股票初學者，適合先看那一本？

龔成老師︰

其實物業都係一種資產，除非你收租物業升值潛力真係好弱，或者質素好差，否則持有用作收租，咁會較好。

至於增值，你可以先用這60萬去做。由於你已經有2個物業，故你新資金應先集中係優質股類，以免出現過度集中風險。

以你45歲，可以選擇一些「平穩增值股」+「潛力股」作投資目標。

由於你現時無太多投資經驗，潛力股這類風險較高的股票，你就不要持有過多，最多維持1-2成好了，甚至先集中係平穏增長股類。

到你有一定投資經驗﹐潛力股比重可以相應調高，佔組合約3-4成，到時要視乎你投資經驗多寡，和了解這些股票程度而定。

大市現處於合理水平，那60萬資金，你可以先用20-30萬，以"分注"形式慢慢入貨。餘下資金，就等大跌市機會出現，才大力度掃貨，並長線投資。

你可以先睇我架《80後百萬富翁》、《財務自由行》和《股票勝經》，都適合初學者。

------------------------------------------------

Q22051：

龔成老師你好，剛開始月供股票3個月，其中一隻月供2382 平均價179，佢今個月升左好多

我係想長線持有，但遇著咁大升幅，平均價就會拉高 變貴左。心態上係繼續月供 還是停供一個月先？

龔成老師︰

舜宇光學（2382）係有質素和潛力的潛力股，若你係年青至中年人士，月供這隻股票係可以。

現時此股已經偏貴，但由於未到好貴，我地係唔需要停左個月供。短期成本價，係會有被拉高情況，但係月供係一個長線計劃，長遠個價都會拉平衡。

除非佢再升到一個好貴水平，我地可能要減少股款，甚至停供。但大前題係，你有無定平貴的能力。若果無，我建議你不理價值升跌，一直去供。

因為你自行調整供款，如果時機不對，反而大大影響左你平均價格的效果。所以，若你投資經驗較一般，我建議你選好優質股後，唔好理個價，一直供，反而對你最有利。

------------------------------------------------

Q22052：

龔老師你好，我今年31歲，月入二萬五，月存二萬，手持8份儲蓄保險，有啲五年期，有啲十年期，有啲三十年期（大約150萬左右），

有七十萬流動資金，另外有三十萬買咗股票，但坐緊艇包括:

9988（200)$280買入
175 (2000)$31.5買入
1810 （1200）$29.5買入
0066（2000）$38.9買入
1801 （1000）$90.6買入

龔老師我二年後想買樓，想用呢70萬用二年時間滾到100萬，請問有咩建議。麻煩指點迷津

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你持有股票，都係有質素，長線持有係無問題。但信達生物（1801）仍處於燒銀紙的狀態，不確定性好大，暫時唔建議加注。

我地投資股票，其實等同投資一間企業。希望透過其自然增長，以達至財富增值的目的。所以，我地投資一定要較長時間。而2年只算係一個短時期，股價好易出現波動，增加回報的不確定性。

因此，你這70萬不宜作太高風險投資。我建議用盈富(2800)，再加收息股作為組合。

收息股︰港燈（2638）、香港電訊（6823）、工行（1398）、恆生（0011）、置富（0778）、陽光（0435）、深高速（0548)。收息基金(3110)，都可以。

大市現處於合理水平，那70萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

但這個組合增長力，未必足以2年內由70萬滾到100萬。但佢勝在穏定性較高，在只能投資2年的情況下，這個配置會較為穏當。

另外，"保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

你現時持有儲蓄保險，實在係太多。如果佢了一定時間的，你可以保留。但你還很年青，我建議你長線計，應該取消部份，將資金轉至優質股去做增值，會較好。

------------------------------------------------

Q22053：

龔sir，你好！有幾個投資問題想問。

1. 投資黎講，係咪唔應該買保險，或者唔應該買有儲蓄成份保險？

2. 按回報計算，應該買50年樓齡二手樓，還是一手樓？

3. 未來咩房型或者尺數更適合投資？

龔成老師︰

1) 答案係不一定。

我地理財，要做到「攻守兼備」，保險、備用現金等是防守，但防守部分不用太多，餘下資金就應進攻。保險最大的作用是「保險部分」，反而投資作用一般不大，即是買保險，最大作用是醫療、人壽、財產等的風險轉移，將你不想承受的醫療費用等不可預測支出，轉嫁比保險公司。

儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

2) 一手樓，好多時都會有一定溢價，變相令你買貴貨，影響長線回報，所以我一直都唔係好建議買一手樓。

至於50年樓齡二手樓，由於已有一定樓齡，除了本身保養成本會較高外。向銀行貨款也較困難，因此投資價值都較一般。

2個選擇，其實都唔係咁理想。除非50年樓係好平，租金回報率又高，而且係一些大型屋苑，才值得考慮。

3) 房型其實無特定，尺寸最好至少有300呎，可以附合到一個家庭的最低限度需要，投資價值會較好。

其實我地投資一間物業，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，才去下一個結論，咁會較好。

------------------------------------------------

Q22054：

你好 龔sir，Follow左你嘅post都有一段時間 我亦都睇左你嘅著作「財務自由行」「80後2百萬富翁」「股票聖經」「50隻潛力股」最近4月中更參加左你加「投資陪升股課程」剛剛都畢左業

其實我一直都想理財 覺得你講嘅理論好實用及貼地，好有循序漸進嘅思維。

老師你所教嘅方法都係由你經驗所堆積出黎嘅結論 炒股散戶10個有9個都輸 你教嘅長期持有優質股其實先係最快嘅捷徑！

我雖然開始理財或接觸真正理財只有半年多啲 但思維上我確實改變左 而我起碼已每日記帳已維持左大半年 而每月月尾也會檢討 (先發現原來自己成日駛好多無謂錢 !) 多謝阿SIR!

老師 就我個人情況 我有幾大重點想請教 先講我背境

今年34歲 未婚沒有仔女 每年有年終雙糧及花紅 年薪為一百萬多啲

換左樓 樓價700萬多啲 做按揭9成 月供約24k 每月可儲到16k 左右 當中10K放左係月供股票

1. 現金約有450k 放左係買樓是「高息戶口 」約 1.4% PA – 都係聽阿SIR教導 留番D現金當做BACKUP 及緊急用錢 – 見戶口又有少少息 所以暫時放係度

2. 股票約有 450k 全部都係2-3月入
788 - 10000股
823 - 400股
1177 - 4000股
1448 - 2000股
1833 - 400股
1928 – 2800股
1972 - 5600股
3067 - 6000股
3918 – 2000股

3. 月供股票 每月10k – 由本年3月先開始供
00175 – 2k
00700 – 2k
01211 – 2k
02800 – 2k
09988 – 2k

4. 沒有其他兼職及副業

問題：

1. 目標 40歲前有1000萬 以上咁樣執完條數好似都未有咩FEEL 想請教阿SIR有咩建議可達到我目標?

2. 計過月複利息回報 上堂提到10-15% 已叫做好理想 但依個都係參考% 點可以令自己既增長穩定D？見住自己D投資上上落落 我連唔蝕都無信心 應該點好

3. 調整緊股票係6:4 水桶1 vs 水桶2 - 一直都賣咁D 1972 而放入D水桶1度 但見住D水桶1好似都無咩升 無咩信心做到阿SIR講既每年10-15%增長 想請問應該點調整好?

4. 因為我工作時間都叫自由 亦都放星期六, 日 但我問題係真係無咩特別興趣及嗜好 點樣先可以令自己多D興趣 從已令自己多個機會有個副業或兼職 我依家只有打工一份收入 好似好危險咁

5. 自己打算2022年結婚 係緊急用錢度預算300k黎用做結婚 都打算結完就生小朋友 如結左婚及生小朋友 應該點調整以上所有策略?

6. 年年交稅都10幾20萬 好肉赤 有咩方式可以減少 或更好處理方法

最後想問阿sir你係咪真係有開到糖水鋪？哈哈 我要去幫襯一下 ! 謝謝

龔成老師：

我不會公開你的名，不過問題會放上網，等更多人能學習。

1）你現時的理財不差，配置平衡，同時配合你的年齡情況。但如果要去到$1000萬，就要再加努力，因為你現時每月儲到$16000，一年約20萬，就算計及投資回報，以及你現時持有的資產去增值，要滾存到$1000萬都不易。

除非你之後用一些較進取的方法，例如集中投資潛力股，以及自己發掘潛力股，早市場一步找到，投資並得到數倍計的回報，就有機，但這要你付出較多，你要每星期花大量時間去尋找潛力股。

2）我地最重要睇長期回報，目標一年有10%-15%，但不用每年睇，而是睇長期的平均，你已經方向正確，保持進行就得。

只要你多做功課，全面了解企業，以及其增長力，就會好有信心。

3）你要睇長期，你的思維仍停在短期股價。其實你要睇「企業成長及價值」先得。

4）你要多了解自己。如果唔知自己想發展D乜，就「試」，有時試試下，你就會更了解，例如試下做小生意，找一些你平時不會想過做的兼職，唔好浪費左你的時間。

如果無野做，就花多D時間去研究企業，睇年報。

5）最重要是你預留$30萬以上的現金，餘下先投資，由於2022年與現時已接近，因此這$30萬不宜投資。

只要預算要結婚的資金，準備好。餘下資金就算進取少少，都無問題。

6）如果有需要，就開公司，當然你最好問翻會計師佢地的意見，現時公司頭$200萬的盈利，交約8%稅，比高薪打工仔交的稅仲少，你可以上網了解下。

------------------------------------------------

Q22055：

龔成老師你好，我想问下7522只股，当时听朋友介绍买下7522，平均价为3.75买入8万股，这股现在一直向下，我应该怎樣处理，是否应该溝貨，还是走货？请賜教。

这只股會否會跌倒变费纸的

我不憧买股，这段时间看了你的视频，知我买的股亂七八糟，有909、9888 全部虧損。我有一百万來投资，现在用了一半，我应怎樣重新组合，麻煩晒。

龔成老師︰

你先要緊記一個好重要的概念，我地買入一隻股票，一定要知道佢質素、行業前景、財務狀況等，才去投資。

唔好聽朋友講、或者聽消息，就去買貨。如果你連隻股票背後買什麼、公司如何賺錢、行內有什麼優勢、點解未來有發展和增長潛力，都答唔倒自已，咁就要停一停，唔好投資住。

ＦＩ二華夏納一百(7522)投資目標是提供在扣除費用及支出之前，盡量貼近納斯達克100指數每日兩倍反向表現（-2x）的每日投資業績。

如果納斯達克100指數跌1%，你就會獲利2%(另扣管理費)。但若然納斯達克100指數向上，你就會虧損。

我對這類產品有保留，納斯達克100指數在過去一直反覆向上，所以長遠計持有這股對你"不利"，一定多於"有利"。

建議你長遠就算不全數沽出，也最好沽出大部份，換碼至其他優質股較好。

其實，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

因此，你在選擇應該投資那一類股票時，會係因應你人生階段、投資經驗和風險承受能力，去做決定。

假設你係年青至中年人士，你可以用「平穏增長股」 + 「潛力股」的組合。如果你係偏年青，比例大約可以去到各一半。

但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。

明源雲(0909)和百度(9888)都係偏向潛力股類型，都係有長線投資價值。若你係年青至中年人士，只要唔係持有過多，可以守。但若佔你佔合較多，最好沽出部份，去平衡一下風險。

若你對投資知識不多，我建議你先用月供去儲貨。現在你每月先用5成儲蓄做月供。其餘先儲起，用一邊月供一邊儲蓄的策略。

大市現處於合理水平，餘下50萬和每月儲蓄，就等大跌市機會出現，才大力度掃貨，並長線投資。

若你現時組合，只係得1,2隻股票，我建議你都將部份股票，換碼至上述優質股，令組合風險可以更分散，整個組合也會較健康。

------------------------------------------------

Q22056：

老師，我近期抽到白居二，想購入沙田愉翠苑，為小孩的校網作準備。

問題1. 三房盤唔多，呢期成交量又高，價錢有的癲，三月至今升了12.3% 有的單位價亦企得好硬，心怕而家唔安排，睇定啲遲下連盤都冇！借問一聲，你有何看法？

問題2. 看新聞明年會加息，我究竟用H息口好，定用P息口好呢？

人生第一次 去選擇買樓 這麼重大的決定，真想跟老師分享

有睇中到盤, 但價錢不到位,預700-720萬, 睇中單位為740萬，在想要不要去馬, 怕錯過左, 之後就冇合心意的盤...

老師...求你指引我...

龔成老師︰

1) 本身三房這類大單位，供應係較少，故價格較敏感都係正常。雖然佢近期升左唔少，但由於白居二始終跟市價，有一定拆讓，故有一定吸引力。

加上這個是你自住房，考慮重要主要係是否配合「你長線生活需要」和能否做到「供得起」。如果係無問題，你都可以考慮入市。

2) 明年是否加息，暫時都係一個問號。以現時狀況計，H息會較好。但政府規定，居屋只能用P按，故你其實無得選擇。

------------------------------------------------

Q22057：

老師你好！我係你股票學生，完最後一課，感受到老師的愛心同努力，一星期兩晚3-4小時站立不停講課，課程內容非常豐富，非常感激, 辛苦你了。

另外，想請問之前不懂股票，自己又想穩健及有利息，買了：

恒生銀行 。3500
匯豐銀行。4400。
領展。$2000。（月供）
盈富基金。$3000 （月供）
小米。200
瞬宇光學。300

其實之前買匯豐恒生作收息，其他是認識你後才購入。我知道要減持銀行股，請指教應該怎樣保留。謝謝

龔成老師：

你現時較大的問題，是銀行股較多，你不要再增持這類，你應該溫翻第2堂的筆記，慢慢調整翻一個適合你年齡及風險承受程度的組合。

我會建議你過1年後，經濟好翻D，匯豐（0005）上翻D，減持部分，餘下就慢慢減，直至去到適合你配合配置的比例。

至於恆生（0011），質素比匯豐好，因此留低的比例不較匯豐多。

至於其他選股，其實無問題的，都是一些有質素的股票，你持有無問題。至於月供部分，你可以長期進行。

------------------------------------------------

Q22058：

老師 我抽中白居二 但而家二手樓市都好貴

但唔利用今次機會又怕再抽唔到
你覺得其實買公屋（eg 華貴邨）有你升值潛力？

樓齡29年 - 但好似有地鐵2026年華富有地鐵。

另外一係買私樓 要承擔有機會租唔出時 要俾供費 ，心目中係天水圍wetland seasons bay.

主要都想升值 搵到錢 可以財務自由！

你點睇呢兩個選擇，我知都幾大分別.....

龔成老師：

從自住的角度，你好好運用白居二會較好，公屋在投資角度的價值不及私樓，但從自住角度，其實可以考慮，因為你能以較少的現金流支出，解決了自住方面的問題，你就可以有較大的餘下現金流，去進行其他方面的投資。

華貴邨在地點不差的，港島區始終近中環，但地鐵相信有排先起好。因為佢要拆左華富邨，安頓好原本的居民，之後先用地鐵一整發展，相信要10年時間先落成。

華貴邨在公屋裡，算是有質素的，但不是大升類，只是平穩增長。如果你從自住的角度考慮，不是不可。

------------------------------------------------

Q22059：

龔 Sir，現時持有：

1000 股 9988 @$213
4000 股 1928 @$36.9
120,000 股 728 @$2.58
2000 股 941 @$48.7
30,000 股 3033 @$7.9

請問對此組合有何意見?建議加入金股，車股到組合?

現時買 7299 定2840 會較好?

龔成老師：

你現時持有的股票，基本上都是有質素的，其實問題不大，你持有就得，部分股雖然略有回落，但長線有得守的。

但你長遠，最好建立一個更平衡的組合，同一股票，最好佔組合比例15%以下。

你可以加入ＳＰＤＲ金ＥＴＦ（2840），這是一隻追蹤黃金價格的交易所買賣基金，當金價上升，佢都會上升，當金價跌，佢都會跌。

睇翻佢過往的價格表現，基本上都追蹤到黃金的價值，因此都可以成為投資黃金的工具。

只要佔組合比例不過多就得。

------------------------------------------------

Q22060：

想問，其實如果我長揸6666，唔會會可以上番去呢？

好驚佢會爆煲啊，到時渣都冇

龔成老師︰

若母公司出事，的確有機會出現，母公司要沽出恒大物業(6666)股權套現還債的情況。如果真係出現，的確會令股價受壓。

但你要記住，我地投資係睇長線，和企業本質。恒大物業(6666)負債情況，無母企咁差，加上物管行業，預期未來會發展得唔錯，因此有投資價值。

不過，集團大部份物業，都係來自母公司。故母公司出問題，令發展減慢，有機會會影響到集團發展。

當然，這些都是未知之數。以現時狀況計，恒大物業(6666)都有投資價值。如果你真係較擔心佢前景，你可以沽出部份，去平衡風險。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

「公司又要我哋開新嘅節目，係咁OT我畀埋條命你好冇……」粉絲聚會中，大夥兒手執印有保錡樣子的面罩，在餐廳合唱《ERROR自肥企画》的主題曲，旁邊食客笑不攏嘴。ERROR和「無制限OT編集團」製作的節目令港人着迷，除了ERROR四子風格搞笑、人前人後同樣真誠坦蕩蕩，偶像和粉絲的關係，亦由神與人之間的距離變成朋友般的存在。ERROR中的郭嘉駿（193）和吳保錡出名錫粉絲，到底「老婆」和「Pokimon」眼中的偶像，有多貼地、有多入屋？

還未到集合時間，周日的銅鑼灣街頭已聚集幾百人，有一家大細，也有大叔拿着應援物獨個兒站着，大家都響應193 Fans Club的號召，參加這天的雪糕車應援活動，宣傳193推出首支派台歌《睡到三點》。個個大汗淋漓，口罩下難掩興奮，一邊排隊拎雪糕，一邊跟雪糕車旁的「33豬」易拉架瘋狂合照，沿途粉絲向路人派發不同款式應援物，繼上次「姜濤灣」引起的風暴，今天再有193這位「接近完美」的男子，令港人再次上街追星。

跟193的老婆（193粉絲的統稱）Sushi和Haha約在銅記，她們忙着疏導聚在SOGO門外的人群，Sushi打趣道：「這是個偶像勵志故事，193由一開始寂寂無聞，到現在真的紅起來，今天人多得我有點怕。」游學修說過，如果MIRROR是個奇蹟，ERROR一定是個神蹟，這天大家再次見證，這神蹟並不是幾百部電視機的收視率能定義的。

男友變情夫　TG陪偶像傾心事
「我當大家係老婆」是193三年前在TG中說出的知名台詞，粉絲們把11月4日定為結婚紀念日，自此叫他做「老公」。正印是193，男朋友變成情夫，難道不介意嗎？「有點無奈，不理他了！我把追星當是娛樂是興趣，難道我不給他看AV？」做了三年郭太的Sushi甜滋滋講出老婆們的心聲。

兼職當插畫師的Sushi自《全民造星1》看過193唱《大懶堂》後，就愛上這位舞姿怪異又五音不全的騎呢參賽者。2018年開始，全民造星不少參賽者也開了Telegram跟粉絲交流，193亦不例外，群組現有二萬多人，193至今仍會間中上水跟粉絲聊天互動。

「《花姐ERROR遊》日本回來那程機，193叫我們不要去機場找他，因為12點已很夜，但我們堅持去接機。193出來時就緊皺眉頭，我心想死了，他不喜歡嗎？怎知他一來就說：『都叫你哋唔好嚟，又唔聽話』嘩！你感覺到那種震撼嗎？」就是因為這句甜到漏的說話，令曾迷上w-inds.、BIGBANG等外地明星的Sushi再次追星，「我曾以為再沒一位港星值得追，但只要跟33相處過，都會被他所吸引。他跟fans的互動貼地、反應快，那種快樂是其他星畀唔到我的。」以前遙不可及的明星由天堂落入凡間，這對粉絲而言也是種神蹟。

要支持騎呢偶像，老婆們也用最騎呢方式應援。例如曾在Chill Club頒獎禮門口跳Pixel快閃舞給193看；拍MV翻唱193參賽歌曲《大懶堂》哄老公；接機接船，跟193聊天至凌晨兩三點。平日設計不同應援物為老公宣傳，每次都會留一份給193及奶奶（郭母），最窩心是得到193回禮，「我們常笑說為他應援像返工但冇糧出，於是他送我們『工資袋』，裏面有他的自拍照、好老婆證、名牌等，上面印了老婆賤人、老公嘉駿等字。」193每次出埠後，亦不忘買手信給到機場接機的粉絲，堪稱「愛妻號」。

老夫老妻唔使見　留機會畀新娘子
身為193的「大婆」，Sushi跟一班初代粉絲現在採取佛系應援，說大家已是老夫老妻，見不見到真人都沒所謂，寧願將機會留給新入門的老婆，「193之前有段時間少工作，當時ERROR中三人都有工作，只有他沒有，他很難過和負面，就在TG跟我們訴苦傾通宵。這些事跟朋友說可能難開口， 亦難明白，我們算是陪他一路走來的人，他願意分享心事，我們就一起想辦法鼓勵他。」

早前193在訪問中談到粉絲，平日嬉皮笑臉的他激動落淚，鏡頭前真情感謝一直支持他的同行者。Sushi說193鏡頭前真情流露的演出，背後花了不少努力，會看不同綜藝節目研究幕前演繹，希望觀眾欣賞他直率敢言之餘，也多留意他的作品，「33一開始覺得自己沒才華，會自卑，但仍有班儍更更粉絲支持他，我看到他哭自己也流淚，因他記得我們為他做過的事，今天他真的做到了，我們能大聲說：『我哋係193老婆，知我咩料啦！』」

染了一頭金黃短髮，身穿保錡品牌tee及行山帽的Wing，說話爽快直接，無論外表或談吐，都有點保錡的影子。「可能太喜歡他，外形不自覺會模仿了，偶像嘛！」保錡的粉絲自稱Pokimon，會稱呼保錡做大佬，緣於經常在TG跟粉絲談心的他說了一句「一世人兩兄妹，有你有我」，家人冇得揀，叫妹妹給人感覺更親。

Wing播放着保錡Telegram對話中的唱歌錄音和合照，回想起跟大佬過電的一剎那，只因一個IG動態，「我第一次接觸保錡是在IG看見他有個post說自己在減肥，我第一次回覆這些story，說希望你減肥成功，外形更好看，沒想過他很快回覆我：一定會！他現在的確成功瘦多了。」因為這三個字，令30歲人從沒試過崇拜一人的Wing驚喜萬分，翻看他所有節目，聽他創作的歌，更成為了保錡Telegram及fans club的admin。

音樂能力被看低　初心未變
「保錡對音樂的熱誠真的很瘋狂，每晚收工做音樂至3、4點，但翌日8點要工作， 為了夢想去到盡。」外形MK搞笑的保錡以獨立音樂人身份出道多年，自己編曲填詞，自資買器材拍MV，然而網上歌曲點擊率不高，能力常被看低。Wing說從未接觸過保錡創作的音樂類別，故尤其喜愛《ikigai》、《秋冬4U》、《Get A Real Life》等拍子和旋律都引人入勝的作品，「很多歌都由音樂人JNY監製， 為更了解大佬的歌，我就去了JNY的studio學整beat。」保錡知道Wing這舉動，提議Wing製作一隻beat，更承諾親自為她編曲和填詞，令中學時也夾過樂隊的Wing更有動力重新玩音樂。

保錡說如果要玩音樂，首先要買器材學習製作，不可以紙上談兵。由網友變成朋友的JNY跟保錡合作做過不少歌，深知他不想被人界定為搞笑藝人，因為初心是當音樂人，「他諗旋律很強，亦很有毅力，錄音即使聲沙了，都要錄到滿意才離開，平日一有新想法就不停問我意見。我們很夾，初次見面jam了幾小時，就寫出《ikigai》。」Wing在旁補充：「他們以前每月能出一首歌，很癲，都是沒錢賺的。去年6月至12月是保錡的低潮期，你聽他的歌就知他的心路歷程。」

學音樂轉工　「人生冇起跌冇意義」
雖然保錡最近因工作繁忙，加上音樂事務都需經公司批准，暫時不能兌現為Wing編曲填詞的承諾，但他對夢想的堅持，令Wing當頭棒喝。Wing成長於小康之家，體育系畢業後再修讀教育課程，當時她對生活毫無想法，也沒有想做的工作，最後選擇回家打理家族生意，家人退休了，她沒有生活負擔，別人以為她過得無憂無慮，她卻形容這些日子似條鹹魚，「未試過跌，也未試過很成功，就像一條平線，好冇意義。但保錡的人生給了很多啟發我，令我想改變、進步。」

保錡家境清貧，15歲輟學開始打工，茶餐廳、售貨員、髮型屋等都做過，課金追音樂夢，卻挫敗連連；早前曾因負面新聞、粗口罵粉絲事件惹起不少誤會，支持他至今的Pokimon為他申冤：「因大佬太直腸直肚不懂修飾，常被人誤解。」為了令保錡進步，Wing笑指偶爾也會給予偶像一些提點，指他開始時較我行我素，現在多了思考反省，願意接納別人意見，也是種進步。保錡在《自肥》成功被Mike導團隊「打救」，熱淚盈眶找回熱血初心，高低起伏的人生本來已夠勵志，「因為大佬，我也想感受吓高低起伏，今年轉工後發現職場果然很陰險，工作不順利令人沮喪，但我真的get a real life了。」Wing今年把心一橫去轉工，重投教育事業，現職教授社交禮儀成人證書班，更會在堂上播保錡的歌和片，以他的經歷鼓勵學生。

生於錯誤的時代，ERROR的出現好像我們凡人自身，岩岩巉巉，甩皮甩骨，但卻勇於擁抱缺陷與失敗，不斷嘗試，至死方休。因為沒有偶像光環，這種自由奔放堅持真我的態度，反而引起大眾的共鳴，連結了那些一直還在堅持的人。

粉絲×193搞笑互動
1. 派糧贈墨寶

193偶爾「派糧」給老婆，例如贈墨寶，在月曆寫上老婆生日日期，亦曾恥笑老婆身高創新低，更為粉絲們改名字。193為Sushi起名為阿屎，圖中則畫了嚿壽司給她。

2. 同老婆自拍

193太愛跟粉絲聊天，有時給經理人催趕也不願離開。例如有次出席金像獎走過紅地毯，他竟走回頭跟老婆自拍，最後給老婆大聲趕走。

3. 「對唔住老公」

MIRROR演唱會193做完表演嘉賓後出去找fans，去了吃飯的老婆立即衝回去「跪地」說「對唔住老公」，哄得193邊笑邊叫黐線。

4. 家用工資袋

老婆常笑說為193應援像返工，193就送出了「工資袋」，裏面有他的自拍照、好老婆證和名牌等，十分窩心。

5. 貪佢夠靚仔

在餐廳碰見193跟花姐和MIRROR同場，Sushi走過去叫老公，再問准花姐能否跟193合照。花姐說：「你咪影囉， 到底你鍾意193啲乜？」Sushi說：「靚仔。」

6. 真老婆no way

會否幻想成為193真老婆？Sushi耍手擰頭：不要了，佢太煩！她重申老婆很多瘋狂應援行為都是為搞笑，潛規則是絕不影響偶像私生活，也不能有任何身體接觸。

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#ERROR #193 #保錡 #Mirror #郭嘉駿
#果籽 #StayHome #WithMe #跟我一樣 #宅在家

舊鏡面折射着晨光下的元朗大馬路，人潮如螻蟻四竄，車龍不絶，紛紛擾擾。
稍稍遷移目光，鏡中風景截然不同，映入眸底的，是一家老店。白色的瓷磚牆，偶偶滲雜着橙啡色的紙皮石。鏡子、掛畫、舊日曆及菜單，都亂糟糟地散佈於牆上，木製的卡枱及方桌擺放得井然有序，硬木櫈的腳丫踏於粉肉色的磚地板上，老派得不行。往上一瞥，是一個古舊的長方鐘，隨逐秒每分，滴答滴答地洗滌了繁喧。
平心細瞭，方才發現粉褪的殘鏡角落，鑲製了「好到底麵食專家」七個銀字。哈，好直接的名字。

起步皆難
暗忖之際，一塊白布倏然伸到銀字之上拭抹。抬頭一看，是位戴着金絲眼鏡的大叔，頂着青銀參半的側分短髮，一臉穆然。店裏的收銀姐姐見大叔，即禮貌地點點頭，稱他作事頭。他，是陳祺欽，老店的第二代，人稱「大哥」。他拍拍抹巾，說起這「好到底」，正是他已過身老爸陳波，即第一代事頭所起的名字。他先拭起第一個「好」字來，「好」就是品質好的意思，店裏的所有食材，都由陳波親自挑選研製，一直沿用至今；輪到第二個「到」字，意思很簡單，就是招呼周到；布子擦到第三個「底」字，他噗哧一笑：「底咪就係抵食囉！攞個諧音呀嘛。」語一出，他收起笑意，把餘下數字都一一抹淨，甚是疼惜。
時針踏正八時一刻，一名老婦步進店內。問起店子歷史，大哥即指一指老婦，着她解畫。眼前嬌小的老人，白髮蓋頂，燦笑如花，正是他的媽媽，人稱「好姨」。她自四十年代起，已經與陳波一同擺街邊檔賣雲吞，她笑言：「我個名冇個好字㗎！好字係代表好到底，元朗老街坊好多都識得我。」其實不止元朗，香港九龍各區，都見小店影子，但都一律只賣乾麵，要吃一碗煮好的生麵，就只此元朗一家。一直生活於元朗的好姨，瞬間陷入了思憶。她說，那個年代很艱苦，住木屋，食米碌。陳波跟隨兄長入行做麵，及後合力開麵檔，擔擔挑到圍村賣雲吞麵，當時好姨剛好申請來港，就於麵檔幫忙。奔波兩年，在現時合益街市的位置租地鋪，正式經營麵店，並取名「好到底」。最初只賣生麵，並無乾麵餅出售，至五十年代，陳波見港九地區客人眾多，他們投訴太遠，於是就想到做乾麵餅，讓客人買回家保存。如此一來，生意漸佳，終於一九六一年，將店鋪遷往現時的三層高唐樓。偌大地方，地下及二樓為堂食，三樓作廚房。那時候，孫子還未出世，好姨包雲吞、收錢、賣麵、寫外賣，可謂一腳踢。一做，就做到一九九一年，才正式交由大兒子祺欽接手。今時今日，她年已八十七，退休、退休，退而不休。當初為何偏做飲食業？她呆住了，彷彿從未遇此一問。那年頭，根本沒有選擇餘地，一切只為生活。


本心續行
說着說着，不自覺尾隨着兩位上了二樓。同樣是木枱木櫈，但四面牆則換上了淡淡然的黃，配以舊式的鐵窗花。看着看着，大哥也就掉進憶潮。他記起了小時候，因為讀書不成，老早就到店裏幫忙學做廚房。以前主賣雲吞麵、水餃麵，當時爸爸陳波教他做麵，但對於淥麵，他更具心得，強調要水滾方能煮麵，並且要看麵的粗幼，濕還是乾，濕麵不能煮太久，要拿揑。這一來講經驗，二來講心，自己研究如何煮才好吃，就是用心來做麵：「最用心嗰個就係我囉。」沒有丟爸爸的臉，他一臉自豪。
一陣馥郁喚回思緒，「香哩？我個仔喺樓上廚房炒緊蝦子。」大哥開腔，遂領頭步上三樓，看來，第三代即將出場。腳踏樓梯之時，見其腳步有點不穩，他即搔搔頭坦言自己將近七十，現時已交棒予第三代，自己則從旁指導。甫至廚房，就見一個大爐頭，一男子手執鑊鏟，使勁地炒起蝦子來。一頭清爽黑髮沾上濕汗，同樣是戴着眼鏡，一臉敦厚之人，就是老店第三代，陳仕傑，阿傑。看他年約四十五，功夫卻已十分熟練。原來早於廿來歲時，已經到店裏工作，對於廚房一切，甚是了解，如今所有師傅，都由他親自調教，但這裏的所有調味之方，都只可由陳氏親自落手，不傳外人。大哥教其炒蝦子，蝦子一定要炒過才夠香，最重要不能猛火炒，感覺到有香味上升就可。一旁的大哥，忽而講起蝦子麵的由來。以前蝦子很便宜，一百幾十元一斤，初初用來煮湯，後來陳波覺得熬完湯後，把蝦子丟掉很浪費，於是想到把蝦子混入麵內，變成蝦子麵：「阿爸叫做蝦子麵嘅起源人，好受歡迎，鮮味之餘又唔使自己熬湯，後來愈嚟愈多人跟住做。」由陳波那代開始，他們一直用同一種蝦子，縱使現時蝦子要一千元一斤，都不改用廉價貨。又堅持親力親為，麵類全都自己製造，有粗麵、幼麵、伊麵等。做麵不能有鹼水味，於是他們一直用優質鹼水，走鹼時間亦足夠，味道十年不變。
炒畢蝦子，阿傑走到後廚房，開始做小店的靈魂——雲吞。每日用新鮮豬肉，先把豬肉起筋，再於切肉機絞碎，雖用機器，但仍需人手過機十遍八遍，再加入肥豬肉，方有口感。處理好肉類，把蝦脫水，加入調味混合，秘訣是加入蝦子。餡料一做好，好姨與一眾女工已坐於長桌旁，包起雲吞來。好姨年紀最大，手卻巧得很，其他人根本追不上她的速度，而且粒粒大小勻稱，一口一粒，這是他們的堅持，她解釋傳統雲吞麵是一個小食，一啖雲吞一啖麵，爽。她又續指自家雲吞麵的好吃之處，在於喝湯後不會口渴，她直言：「冇落味精係呃人嘅，只係我哋用好啲嘅，落少少就夠，我講真話㗎！」一旁的阿傑聞言，即為奶奶的直率大笑，又邊笑謂：「整嘢邊呃得到人？最緊要用心製作，過到自己，過到人。」朗笑背後，是一腔熱誠。說他是否一直如此生性，倒也不是，十來歲開始落鋪幫忙，及後開始跟爺爺學整麵，只是後來好玩，畢業後就到懲教署打工，兩年後，陳波想退休，他就回來幫忙。起初，做廚房學得慢，嫌其又熱又髒，甚至會中途離開崗位。當時，他心態是父母必然照顧自己。不久後，陳波過身，又有師傅辭職，他才硬着頭皮奮發，不讓爺爺失望。
大哥聽畢，臉帶淺笑地離開廚房，似乎是放下心來。邊走，他邊呢喃着，這份本心，外間難尋，幸而兒子繼承下來。


穩步就好
回到地下食堂，已經滿座，牆上舊時鐘指向十二，正值午市。這又是大哥最開心的時刻。雖能退休，但大哥仍然天天回到老店坐鎮，以為是他不放心兒子一人，其實是捨不得一眾街坊熟客，畢竟有些客人從小吃到大，現在還會光顧，十分熱情及支持。故此，他都特意保留傳統裝潢，讓人懷舊一番。他不忘本，記得自己都是靠街坊才有今日：「唔會忘記街坊，街坊賞面，搬走咗都返嚟，為咗食碗麵，又見我哋一面。」說起遠道而來的街坊，他又想起一件往事。九十年代，他曾經於旺角豉油街，試過開一間分店，好讓客人不用特地來元朗進餐。只是，附近太多食店，大多用低價錢賤賣，他們成本高，實在辦不到。結果，分店只維持一年左右，就沒有再經營下去。
回過頭來，一頂銀絲穿梭於人潮之間，原來好姨也下來湊熱鬧了，步經大哥，她即接話：「好到底呢，由我嗰代開始都冇諗過賺大錢，我哋腳踏實地，足夠開銷就得。」扔下一句話，她就走到樓面姐姐跟前，打着哈哈。此時，阿傑也來到麵檔幫忙，他負責淥麵，大哥則於對面盛湯放配料。明顯地，二人默契雖有，卻沒甚話題，因為自他小時候，爸爸就於店裏做主力，二人聚少離多。然而，一碗雲吞麵對阿傑而言，依然是快樂的回憶，他壓低了聲線道：「爸爸煮麵我食咪開心囉。」大哥還是聽見了，雙方尷尬一笑，又把話題牽扯到麵上，大哥說到自己的表現，他毫不忌諱地自誇比爸爸做得好，亦覺得兒子保持到九成水準，希望長江後浪推前浪。一旁的阿傑頗感壓力，低喃着要保住爺爺的金漆招牌，真的不易。「好到底」嗎？「好」，他說做到了九成；「到」嘛，由於請人艱難，請到好招呼的阿姐不易，如若自己，招呼一定好；「底」，以新界區而言，他認為這個價錢對得住人。前來捧餐的好姨聽着，又搭訕：「係咁解咩？我就話好到底意思係一路做落去，好到底！」三人面面相覷，終於嘻哈大笑。

時針又轉兩圈，人潮依舊未減，看來這一家老店，確實被三代好好守護着。閒來，又注目鏡中似遠非遠的大馬路，你看這啊，到底是人走得比車慢。只是，生生不息，跬步終究千里。

採訪：黃寶琳
拍攝：胡浩賢﹑謝本華

好到底麵家
地址：元朗阜財街67號地鋪
電話：2476 2495
營業時間：10am-8pm
詳情： http://bit.ly/2Pn2433

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)