【龔成問答信箱】（Q20681-Q20700）

Q20681：

龔sir, 你好
1. 記得之前你教我計算股票的息率係派息➗現時股價✖️100% = 現時股票的應有息率

2. 見到你推介Facebook 的人現時應同時長線持有新經熱及舊經濟股，但係你之前同我講新經濟股不適合我,因為我重有6年退休,

但問題係為何唔應該在這幾年持有20%或以下新經濟股較好呢，咁可以同經濟增長同步？
感激不盡

龔成老師：

1）公式正確。

2）如果你就退休，就不適合你。加上你的性格保守，我認為新經濟股對你唔太適合，始終這類股較為波動，你見最近股市大上大落，部分新經濟股從股價高位跌了3成，你可以想象當中的波動。

如果你認為自己能承受風險，投資10%-15%都可以的。

如果不懂選股，就安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q20682：

龔sir, 手上帶2269，6098，8083，9988，近期跌左好多

想問加息會吾會令高估值股票持續下跌？另外REITs處於低位，應否開始建倉， 如405

龔成老師︰

加息會對企業估值，造成一定影響。但我地分析一隻股票時，除左息口，更重要係佢本身質素。

中國有贊（8083）集團主要於中國從事經營電商業務及支付服務業務，業務分類如下：

（１）電子商貿：透過電商品牌「有贊」提供各種有關虛擬批發及零售之線上及線下解決方案及服務，如「有
贊微商城」

以有「有贊零售」等ＳａａＳ軟體產品及人才服務、面向開發者的「有贊雲」ＰａａＳ雲服務、面向品牌商的「有贊推廣」與「有贊分銷」、以及面向消費者的「有贊精選」與「有贊微小店」。

（２）第三方支付服務。

（３）一鳴神州：提供第三方支付系統解決方案及銷售綜合智能銷售點裝置。

（４）一般貿易。

近年業務發展快速，生意增長力，不過，現時估值高，業務變化較，整體有好大的不確定性。加上佢過往在核數師報告出現過「保留意見」，盤數可能有古怪，雖然已是數年前的事，但都會扣分。

佢不是無潛力，但風險較高，這刻投資值博率不高。

其餘3隻都有質素，唔洗太在意中短期波動，長線持有就可以。

不過要留意，你持有的股，不少都是近期有炒作的，即是之前價位都貴，其實唔應該持有太多。如果你貨好多，可能要減。

現時不少本地REITs，都處於合理區中下部，係有一定吸引力。但佢地主要係收息用，增長力唔高。若你係年青至中年人士，就唔建議買太多這類股票。

------------------------------------------------

Q20683：

老師點睇1478呀？
有貨者好冇繼續持有呢？

龔成老師：

丘鈦科技（1478）這股之前好波動，其實呢隻股本身唔算差，前景不過不失，但市場估值的變化就相當大，當企業有不同的消息，都會對股價有一定的影響。

佢雖然有技術，但賺錢能力相當不穩。當環境逆轉，手機市場轉弱，這企業就成為較大影響的企業。

整體來說，不過不失，波動是這股最大的風險。如果你持貨太多，宜減。但如果不多，長線是無問題的。

------------------------------------------------

Q20684：

阿sir.. 我本身係一個文職，人工$16000蚊，老公收入$18500左右，有一層自住，供左2年幾，每月供樓$8000，請工人姐姐$4700

有一個小朋友，就讀小學

哩兩筆錢係固定支出，未計家庭洗費同水電煤，生活費等，由於兩個人收入都不多，積蓄只有10萬，每月尾幾乎月月清，可儲既錢都唔多，哩兩年遇到社運同疫情，我都無加到人工

一直停留，令到我想轉行去做保險經紀，做一份多勞多得既人，但我朋友唔多，保險一開始都係做自己身邊既人，我又怕開唔到單

我無份穩定既收入，因為我老公份糧，唔足以支撐屋企支出，我應該要點做，轉唔轉去做保險經紀，而家係人生交叉點，你可唔可以比d意見我

龔成老師：

長遠，你地的確要開發新的收入來源。

保險經紀係其中一個方法，但不是唯一的方法。

你應該更闊去想，怎樣增加收入，例如一些小生意、網上收入等等，最初可能只是副業，希望日後能化成正職，提高總收入。

至於保險經紀，要睇你份人本身的特質，如果本身性格主動、積極，就算這刻朋友唔多，其實都有機會發展的，你可以向一些從事這行的朋友了解下。

思維會闊少少，想不同的可能性，唔好太快出現限制思維。

------------------------------------------------

Q20685：

阿sir,941 可以長線投資嗎？現價在合理區嗎
1313 在9.92的貨是否也可以長揸

其實我都明白你講嘅長線投資道理但有時真係會因為啲價位上落波動而擔心

龔成老師：

中移動（0941）不是無質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

可視佢為收息股，增長力不算強，這股有長線投資價值。現價合理。

華潤水泥控股（1313）本身有質素的，不過業務就較有波動，佢過往的盈利數據上落都大，因此股價的變大亦會較大。

佢之前公布的中期業績，業務有回落情況。長遠計，房屋、基建發展等因素，都會利好水泥股。因此長遠是正面，但就要留意股價上落會較大，自己要注碼上控制，如果你持貨不多，無問題，長線就得。

長線投資，最重要就是睇企業，減少睇股價。比亞迪（1211）我持有了12年，都試過由$88跌落$12，之後先慢慢上翻去，中間經歷好多年，最重要是「企業」，平常心睇股價。

------------------------------------------------

Q20686：

龔sir，地產板塊係唔係時機,同埋邊一隻會好啲

3081到合理價位未?
1810又回到咩位先合理

如我先可買一隻買邊隻先會好啲
之前聽完你講3067已經慢慢收集,已經好好

龔成老師：

現時地產股價合理，可以投資，作為財富組合的其中一部分。恆基（0012）合理的。

價值黃金（3081）算是合理區頂。

小米（1810）有潛力的，佢的產品性價比高，相信在全球好多個國家都會有市場，佢長遠只會進一步增長。

同時，佢建立的平台是佢長遠的增長動力，先賣手機，再利用手機的平台延伸銷售小米家電。長遠正面的。

這股可長線，不過現價唔平，去翻$22以下合理，最好都$24先投資會較穩健。

恆生科指ETF（3067）以慢慢收貨模式是最好的，因為長遠不差，但經常貴，所以要慢慢分注收貨。

------------------------------------------------

Q20687：

龔sir, 黎緊月尾, 我會辭職返內地一段時間, 未必可以留意到個市況. 我消化左你之前比我既建議,

選擇左一個月供組合（盈富$3000+中生$1000）. 因為暫停收入, 但又唔想停止增加資產, 所以注碼較少. 想問下你覺得可唔可行？

龔成老師：

其實股市根本不用成日睇，我地只要睇「企業」就得，不是「股價」。

如果你這刻無收入，就要睇你的現金是否足夠，如果有現金，保持月供或減少金額去供，可以。

------------------------------------------------

Q20688：

龔成老師，我而家月入5萬左右
月儲兩萬多。

有啲積蓄，但係近期股市波動令我損失左差唔多7-8萬
我可以做啲咩嚟對沖風險？
同埋點部署之後嘅投資？

現時持股
6060 眾安在線 10000 股

龔成老師：

最重要不是睇「賺蝕」，不是睇「買入價」，而是睇質素。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

眾安（6060），業務都有發展力的，但業務仍有不確定性。佢最近開始由虧轉盈，反映之前的投資開始有收成，暫時睇是正面的，但之後的發展仍有未知，這一定會令股價波動。

佢做這類互聯網保險公司，的確有潛力，同時背後有支持，所以有發展，這部分產生了「概念價值」。

現時市值有部分是概念價值，而這個價值值多少錢，其實無人知，市場對這價值的看法不一，同時經常改變，所以令股價大上大落。

初步睇，企業有發展力的，不過風險同時存在，因此唔建議太大注投資，這股都可考慮長線持有的。現價勉強合理區頂。

這股如貨不多，可守。但你不能只集中在一隻股票的。

------------------------------------------------

Q20689：

Hello啊Sir，拜師左你一年，睇左你既書同上左你既堂，對自己係選股上有好大幫助。成個組合跟左你之後都有10-14%升幅。多謝你

不過我發覺自己仍然有兩大問題，希望啊Sir可以比啲意見。

1. 我每日都會不斷開個app睇，明知股價唔重要，但都會係咁睇，搞到心情會有影響。我係一個長線投資者，對選擇左既公司好有信心唔會放。但係我定左每年都要投入新資金擴大成個組合，所以其中一個原因成日睇app係怕錯過適合既買入價，驚因為自己睇漏咗而入唔反。

2. 我現有組合目標既股票都已有貨。但每次為自己訂左下一次既買入價，好多時候都會心急，驚唔會跌落個個價位而早入左。

呢兩個問題困擾左我好耐，我覺得要提升投資能力一定要克服呢兩個問題，好希望老師可以指導我。除左心理調整仲有冇其他實際方法解決

我現有組合共15隻，市值$170萬左右:
3, 27, 66, 788, 823, 1177, 1299, 1448, 1810, 1928, 2382, 2800
3067, 3319, 9988

龔成老師：

1）強烈建議你刪去個app。

你唔會因為睇少左股價而錯過左某些位，反而可以更冷靜去分析。

例如股價$100以下是平，當你見到佢由$300跌到$200，你由於每日睇股價，你已經會忍唔住入貨，但如果不常睇股價，反而更有耐性去等，到最後可能股價跌到$80，你先發現，到時先入貨。

雖然，有時真的會錯過某些價位，但總體計，好處一定比壞處多。

2）你要制定一套更有效的買賣策略，要自己強制去跟。

一年只比自己最多買5隻股票（我平均一年是1、2隻），要自己睇到好準先出手。

現時組合，基本上都是優質股，其實方向無問題，而是你的心態及投資策略有改進空間。

------------------------------------------------

Q20690：

老師 對之前美國債息有什麼看法，我手上的科技股 跌超過40% 我應該止蝕嗎

還是繼續持有 都是9911 3738 ，其實我是想長線持有 但這次波動有點怕 我心有點慌

龔成老師：

我地最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

所以，如果你同一股，佔組合比例太多，你配置就出了問題。

赤子城科技（9911）主要從事開發一系列移動應用程式、健身應用程式、遊戲應用程式等。佢長遠有發展的。

業務上，係有吸引力的，但就仍未算好穩定，盈利上落較大，但長遠增長力是有的，加上業務規模細，發展力強，不過風險都會有。質素中等。

這股不宜持有太多。如果你貨多宜減持。

阜博集團（3738）是較高風險類。

業務是線上視頻內容保護服務供應商，客戶包括七大全球電影公司、電視網絡公司及其他內容擁有者。

過往一直虧損，近年開始有錢賺，業務增長加快，不過，本身的獨特性不是好強，規模未算好大，因此，未見佢有好確定的優勢。

潛力度有的，不過就存有較有不確定性，這類股只適合小注投資。

------------------------------------------------

Q20691：

老師你好..想請問下我35蚊入左1558

之後8蚊入左3662

再 6.5入左552 但全部都輸緊好多 我應該點部署好

龔成老師：

東陽光藥（1558）不是零質素，但業務有少少轉弱。

佢係一家專注於在抗病毒、內分泌、心血管、抗腫瘤等疾病的製藥企業，是東陽光集團旗下的國內製劑平台。

行業及企業長遠仍有增長。但企業都有少少風險，加上2019年發行4億美元可轉換債券後，令負債增加不少，都會令佢扣分。

現時回歸合理價值，這股都可長線投資，但業務都有少少風險，因此唔可以太大注。

你有貨可守，但唔好加注。

奧園健康（3662）由中國奧園（3883）分拆上市，主要在中國從事物業管理服務及商業運營服務。

例如提供住宅及非住宅物業管理服務（安保、清潔、園藝、維修與維護服務）等，業務穩定，現金流不差，但上市年期不算耐，以及現價合理區中上部。

這股前景是正面的，但平貴問題則要小心，同時不建議太大注。這股可守，除非你持貨太多，就要減。

中國通信服務（0552）仍是有質素的公司，不過增長力弱左。

佢中國電信（0728）的子公司，是中國一家具領導地位的服務供應商，為信息化領域提供一體化支撐服務。

主要客戶包括國內電信運營商客戶，以及政府機構、行業客戶、中小企業等國內非運營商集團客戶，亦有海外客戶。業務範圍包括電信基建服務、信息技術設施管理維護、軟件開發及系統支撐、增值服務及其他。

見佢近期的業務有下跌情況，增長力弱左，相信中短期仍未必好，長遠來說，算是平穩型，收息可以，不過就唔好對股價有太大期望。現價合理。

相信你的投資時機出左問題，不懂分析企業價值，在貴的時候買入，建議你提高企業估值方面的知識。又或日後買股，用月供模式進行。

------------------------------------------------

Q20692：

老師
目前我持有01299 / 01810/ 02800， 亦有做月供股票 ，00027 只有月供。另外我有用保險單做儲蓄。

如果我按以上組合，我需要再分散投資嗎？

龔成老師：

持有的都是有質素的股票，可以長線投資。

建議你在月供股票，加入盈富（2800），可以更有效平衡你的組合。

長遠，你應再加多幾隻股，總股數去到5-10隻會較適合（當然，不能胡亂分散，要選優質股）。

如果你較年輕，可承受風險，就加入安碩恒生科技（3067），有長線投資價值。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂至略貴，因此，這刻不能大注投資。最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。

------------------------------------------------

Q20693：

龔成老師，我手上持左幾隻股，都坐艇中啊，所以要揾你求救睇下要點處理

327 係8.88有10000股
1093係8.84有10000
1137係15.1有20000

1478係16.32有5000
1929係11.38有2000
9988係262.8有500
想睇下我要點部署，無限感激！

龔成老師︰

你要了解一件事，就算再優質企業，中短期股價都會有機會波動。原因不一定是本質出問題，可以係一些與其本質無關的因素。只要長線質素無變，中短期波動我地唔需要理會，長線持有就可以。

這些股票都有質素，係可以長線持有，但想你留意翻以下3隻企業。

百富環球（0327）和丘鈦科技（1478）質素較中等，只宜小注。

香港電視（1137）業務有前景，但有兩點存有風險的。

第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。

第二，這企業現時搞網購，有增長力的，但同時存有一定的未知數。疫情過後的增長力會否減慢？另外就是估值方面，我都好難講這刻的估值。投資係可以，但同樣不建議大注。

------------------------------------------------

Q20694：

老師，想問中國海洋石油都潛力嗎？

咁2314 現價入係未合理價範圍？

龔成老師：

中國海洋石油（0883）雖然質素都算有，但不是最高質類別，佢對油價較為敏感。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於質素中等，唔建議大注投資，但相信油價上翻佢會上升的。

理文造紙（2314）主要從事生產及貿易原紙、木漿及衛生紙產品。本質不算差，但又唔算係好好。

過往的生意，雖然都有增長，但不算強，同時近年有回落情況，現價合理的，投資價值都算有，但又唔值得投資太多。

整體的投資價值，可算是中等，買入收下息都可以，但就唔好對股價有太大期望。

------------------------------------------------

Q20695：

你好龔sir！175.520.636.968.1177.1810.3067.6993以上都高位入。什麼價位可再加注呢？

還是不加注等市再跌買1211.388.什麼價位可買？以上股票可以長缐投資？阿Sir點看謝謝你感恩

龔成老師：

上述的股票，選股無問題，但如果買入價都在高位，反映你在把握投資時機、企業估值上，技巧不足，要強化這方面。

另外，你唔好心急加注，大市波動，等跌多D先，唔好急。

至於比亞迪（1211）、港交所（0388），仍貴，建議月供好了。港交所跌多1成可考慮小注。

------------------------------------------------

Q20696：

你好，我持有：
62/2018瑞聲入左2000股
175/6618京健入左200股
13.5/1789愛康入左4000股
我應該点做好

龔成老師：

其實持股不是無質素，不過買入價都處貴。

瑞聲科技（2018）不差的，本身有一定的規模與技術，長遠發展正面，不過，佢增長力不是好強，只能視為平穩增長類別。

現價合理，長線持有。

京東健康（6618）由京東（9618）分折出來京東健康，將會來港上市。這股可長線。

質素上，京東健康是有的。但由於估值難，不確定性大，同時經常貴，這股你小注較好，不要心急加注。

愛康醫療（1789）本身不是無質素的，只是之前炒作太多。

這股經常處於少少貴的水平，這是最大風險，就算現時，都成30倍市盈率。

睇翻最近情況，自2018年「4＋7帶量採購」開始後，令醫療材料開始降價，降幅基本在50%左右，甚至更高，預計未來3年帶量採購在醫用耗材領域會持續，會常態化，影響佢的賺錢能力。

從長遠發展，這股仍是正面，但就算現價仍唔平。你這股小注持有就好了，不要心急加注。

暫時都可守住先。
但有心理準備會較波動。

------------------------------------------------

Q20697：

今次大鍋！股市近期回左唔少，救下我應該點處理
快手 500股 $400
華虹半導體 2000股$60
京東 500股 $412
心動2000股$90
龍源 10000股 $14.5
阿里 1000股$302
現在怎麼算？蝕$250000

龔成老師：

其實你上述持股，不是無質素，但你集中在新經濟股及近一年熱炒類別，這是最大的風險！

加上你的買入價，全部都是貴，反映你有核心的投資問題。

第一，選股問題，你應該建議更平衡組合，你之後應加入盈富（2800）。

第二，買入時機，相信你會在最好短期利好消息，大市最好氣氛時投資。而這時卻是最貴的！

至於現時的情況，由於你集中在新經濟類別，你最好在反映後，減持部分，持有現金或轉去盈富。

平衡翻組合風險後，餘下先慢慢守。

------------------------------------------------

Q20698：

阿sir你好，本人係做生意，分店有10多間，每月可動用流動現金有100萬，自住樓1，家族收租樓2，股票知識0，只跟風20蚊買左2000股Tilray

準備投資50-100萬做其他行業生意/買股票，投資年期4-5年，目標每月賺5-10萬，回本期一年至年半，目標投資回報400-500萬，請問股票/生意邊樣會較穩定認識目標

龔成老師：

你應該建立一個更平衡的財富組合：生意、物業、股票。

所以，現時你應該用資金，投資股票。當然，股票的回報，未必及你投資資金做生意，但相對地，優質股的風險都較少。同時可以助你建立一個平衡的財富組合。

投資股票，我地最重要是建立一個長期的「股票組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。長線持有。

你可以投資「平穩增值股」，暫時唔好投資「潛力股」，因為潛力股要求你有一定知識。

暫時可動用$20萬-$40萬。

平穩增長股：考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

現時大市波動，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q20699：

丫sir，我都在人生交叉口
可以點

我在做梗一份不喜歡的工作
這個工作時間合約是10至7，一天
有萬六，其他時間要扮工

一天我實際工作的時間是兩至3小時， 其餘時間有做副業，正職穩定，但要經常扮在工作中
副業主要是做銷售大概可以有2萬3萬左右

我有2個小朋友，老公剛失業
他現在批法自己生產的食品
因為我經常都在街上

我都會幫他順便做銷售
你認為我辭掉穩定的工作好嗎？
有時覺得穩定工作好似仲限制咗自己

但疫情下
又怕失去穩定
我應該如何是好？

龔成老師：

你在長遠計，辭工是最好的。

你現時副業有發展，甚至可以你地二人合作發展，從長遠角度，這是大方向，一定最適合你地的。

問題只是時機。

如果你地現時現金較少，較擔心，就暫時唔好辭住，你要盡力儲錢，等你有足夠的現金，就辭工

如果你現時有一定現金，就可辭工。

------------------------------------------------

Q20700：

老師你好，想問問關於買樓事宜，假設我和女朋友想買樓，在價值觀大前提下，用一個人名，之後用一個做擔保

理論上可以做到九成按揭，但感覺上對另外一個層樓冇名但同樣要比錢及月供好像不公平，但如果用聯名去買，會安心d

但之後再買樓時又用唔到首次置業，請問如這程況，應該如何處理比較適合？

另外想問如用了首次置業，是可以自住，但如果想出租是否違法？可有其他途經放租又安全嗎？

龔成老師：

正路來說，用一個人名會較好的，因為有名可以日後有機會買多一層。

雖然表面上唔公平，但根據過往的法庭案例，只要佢都有持續供樓，其實到時打官私都有機會二人平分的。

當然，如果好想聯名先較安心，都可以的，到日後有需要，其實可以比錢上律師樓去搞拆名。

至於首置，可照放租的。

只是金管局定明，5成以上按揭不能放租的。（當然，坊間有部分人仍會9成按放租的，但當然有風險，你可自行上網找多D資料，這裡不便講太多）。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

譚新強：為何中國名義GDP 落後於PPP GDP？
文章日期：2021年4月16日

【明報專訊】早前跟一些內地大基金經理吃飯聊天，有人認為大市見底必有信號，例如宣布阿里（9988）被重罰約200億人民幣。這一天終於來了，罰額小一點，182億人民幣，但大市是否真的見底？天曉得，市場是聰明的，當然不用等到風波過後，市場已率先反彈。但這並非我最關心的事，我較擔心的是國家發展的方向，和對中美博弈的影響。

肯定的是這場中國大科技（Big Tech）監控風波，距離完結仍很遠。阿里系的調查都未完結，182億人民幣的罰款，應只針對反壟斷部分，另外應還有稅務調查，針對螞蟻業務的調查亦仍在進行，除此，可能更重要的調查是有關客戶數據的使用甚至擁有權。

不止如此，34家所謂互聯網平台企業（亦包括阿里），被市場監管總局、中央網信辦及稅務總局聯合召見。覆蓋面是有史以來最闊和最深入的，將嚴打二選一，濫用市場支配地位，燒錢搶佔社區團購市場等行為，限一個月內全面自我檢討整改。

中國網絡監管 有效有價值具前瞻
我絕對相信這些調整和加強監管都是有道理的，亦有助未來中國互聯網商業生態圈變得更健康，更公平，給予中小企更多生存空間，甚至更有創意。一如過去，建立了互聯網防火牆，初時不少人，包括我，都認為監控外國資訊過嚴，影響個人言論自由。但目睹西方（和香港）忽視社交傳媒監管，網絡充斥假新聞，激發過激民粹，導致嚴重暴亂。散播有關疫情的假科學，代價更高，單美國已損失近60萬條人命。換作為中國，如沒有監管網上言論，照比例，中國的疫情死亡人數可能接近300萬！何其恐怖的場景，所以證明中國的網絡監管是有效，有價值和具前瞻性的。

整體中國官員能力非常高，政策的制訂已比西方科學化，但始終包含大量不確定性，所以也是一門藝術，重點在於平衡各考慮因素，亦必須有一定彈性和隨時修正的能力。但當然切忌讓勝利冲昏頭腦，政策矯枉過正，今次處理疫情，中國當然遠勝美國，但並不代表美國每個政策都是錯的，更不代表美國即使政策上，已無中國值得學習的地方。例如拜登上台後，雷厲治疫，中國接種疫苗速度反見落後，但喜見已在加速。

有關互聯網監管，我認為有4點需要非常小心：

1. 我並不天真，一如美國，中國內部也有利益鬥爭，形式不同，透明度較低（但未必是壞事）。從在螞蟻上市前3天被突然叫停，已看到事態嚴重，背後情况頗為混亂，將需要頗長時間來作出新的安排。重點在於不可影響大局，必須確保中國整體利益。

2. 從前有位在北京、被2015年A股股災風波所牽連的朋友，經調查後最終無事，替他高興。但後來再見面時，他已變得意興闌珊，不想討論太多事情，只說了一句，在中國，如被調查，沒有人是無辜的。我不覺得這只是一句晦氣說話，亦不是對制度的指控，他只是說出一點事實。此事實有歷史原因，當然有壞處，但亦可能有些少好處。

中國實在發展得太快，經濟發展遠遠走在法律、稅制和監管制度前面（請記着E.O. Wilson的名言），所以不單止早期倚靠土地和煤礦等古老行業發迹的「土豪」，都必有「原罪」，現在已看出來，即使靠互聯網發達的科技人才，都面對全新、誰也不知應怎樣做的各種監管問題。在原來實體世界，哪有大數據殺熟，網絡效應（network effect）導致嚴重壟斷，以及複雜稅務等等問題？中國多聰明人，更多非常愛錢的生意人，有很多充滿創意如支付寶，拼多多和抖音，比美國更先進的商業模式突破，但亦帶來更新和更複雜的監管問題，是非常自然的事。

網企自查後勢變得保守 影響估值
問題在於監管法律不夠清晰，令到企業有點無所適從，希望今次行動有助令到監管制度變得更合理和明朗。剛跟某頂級策略師傾談，他指出給予這些企業一個月時間自我檢討，監管文化上仍跟西方非常不同，沒有清楚法律界限，所以這些企業必將變得非常保守，遠離紅線，或將導致減少投資，甚至減少創新，投資者給予的估值亦可能受到影響。

不夠清晰的法律和監管的另一弊端，是嚇到最有能力的企業家過早退休引退，實在是一種非常可惜和嚴重的浪費。他們大都聰明絕頂，勤奮兼有野心，白手興家，值得景仰。當然也有運氣成分，國家和時代給予的機會也是非常重要的。但絕不代表這些人才是可隨時輕易被代替的。對，中國當然充滿能幹、可以當CEO的人，但專業管理人和企業家，在創意上，冒險精神上，仍是有很大分別的。企業在不同發展階段，亦有不同需要。舉例，Tesla即使到了今天，如Musk被迫離開，對公司（和股價）的影響，必定仍然很大。有人指出，蘋果在Cook的領導下，股價表現不是仍然優秀嗎？但Jobs去世時，蘋果已是一家30多年，非常成熟的公司，跟現在中國互聯網的情况很不一樣。另外，當然不是每位接班人都有Cook的能力。

行政指引的唯一好處是，理論上可以比硬綳綳的法律更靈活，更有彈性，如有修正方向的需要，速度可以較快。但願如此。

3. 美國經常採取雙標（愛國必備元素之一），一邊批評中國的社會主義制度，但自己的經濟政策就拚命往左轉，現正執行最極端的MMT貨幣和UBI財政政策，再加模仿中國，企圖以大規模基建刺激經濟。偶然美國也會提到Big Tech的壟斷問題，但監管起來，非常小心，因為他們知道這些龍頭企業對美國霸權的重要性。

美國也經常批評中國採取工業政策（industrial policy），補貼支持個別行業，和蓄意挑選贏家（picking winners）。但現今美國就是這樣做，基建計劃中就正包括500億美元，指定用來資助半導體業的重建。數天前，拜登召見了一批美國、韓國和台灣的半導體公司高層，還親自拿起一塊晶圓片拍照，就是為了鼓勵，引誘甚至半迫使這些企業增加在美國本土投資。

我應算最早指出半導體對中美競爭中的重要性，近年中國亦明白了，所以拚命投資，希望盡快追到。但我亦已一早警告，如過分緊張，以舉國政策發展，反而欲速則不達，或成為如美蘇冷戰年代的「star wars」競賽，成為跌進修昔底德陷阱的誘因。據說中國已有28nm技術的完全自主權，已非常不錯，未來必能追到國際水平，但實在需要一段長時間，不宜過度焦急和沉迷。

整體上，製造業絕對是中國的強項，已不止是製造大國，已逐漸成為製造強國。半導體、飛機、高端汽車和精密機器等，當然仍有進步空間，亦必會成功。但本來高科技就是國際合作的成果，有些技術來自外國絕對正常。中國應繼續支持自由貿易，家家有求對維持國際和平尤其重要。相對來說，服務業，尤其經常被低估重要性的金融與傳媒，才是中國真正的短板。

4. 互聯網業務的網絡效應極強，製造贏家通吃現象，所以平台企業很值錢，但亦當然因此產生壟斷的風險。競爭有點像航海探險年代，搶先發現和殖民新大陸，成敗是個一次性機會。以金融為例，其實中國在這方面亦有很多創新，表表者正是支付寶，在國內非常成功，但最大挑戰是如何把中國金融業和傳媒成功國際化。跟汽車行業道理一樣，傳統內燃機技術和品牌，中國落後一百年，但電動車是一條全新且較公平的起跑線，中國能追上來的機會就大很多。

Fintech同樣是一個嶄新行業，數年前中國在數碼支付有明顯優勢，更曾雄心勃勃，有走出國際，甚至攻入美國的計劃。如成功，對提升人民幣地位和國際化都有幫助。但隨着美國挑起貿易戰，國際業務拓展計劃當然受損，同時其實數年前，阿里已被各種問題困擾，馬雲已萌去意，無心戀戰，國際業務已停頓下來，佔比不到1%。對比Paypal，國際業務佔比約50%，收入增長速度約30%，遠比支付寶的約6%快。

希望螞蟻能盡快完成重組 重新出發
本來螞蟻上市或可成為一次翻身的契機，如成功集資350億美元，市值輕易高達3000億甚至5000億美元，未必一定會做，但肯定有足夠彈藥重新展開全球發展計劃。螞蟻的借貸業務可能真的有系統性風險問題，需要監管，希望能盡快完成重組，重新出發。

我明白中國只想超越自己，但世人尤其美國，仍非常在意此經濟競賽。若以PPP計算，早在2017年，中國已超越美國，但以名義GDP計算，則至今仍有超過30%距離。大部分專家都認為中國將在8至10年內追到美國名義GDP，已很快，但一個值得思考的問題是，為何名義GDP的追趕速度比PPP慢？

某些生產元素，不能容易做貿易，例如工人和土地等，所以短期內不跟隨所謂「law of one price」。但其他原材料，如鋼鐵、石油、麵粉以及DRAM等，假如關稅低，接近自由貿易，全球價錢會接近。從前《經濟學人》就每年做一次「Big Mac 指數」的PPP滙率計算，因為Big Mac內的大部分材料，全球價格都相對接近。

近年中國工資急速上升，房屋土地價格升幅更厲害，但市場滙率仍低於PPP滙率超過40%。滙率過低的原因有兩個可能性。第一是滙率操控，特朗普曾一度作出此指控，但最近拜登已解除此無理標籤，事實上人行經常需要買入人民幣支持滙率。

所以最主要原因是國際投資和消費者，對人民幣的需求仍不足夠。人民幣雖已被納入IMF的SDR一籃子貨幣，A股亦已被納入MSCI和其他指數，深滬港通的成立亦有幫助。事實上，以人民幣作全球貿易和儲備的比例仍非常低，2%不到，跟中國經濟規模不匹配，亦因此引起更多跟西方摩擦。

人幣國際化 不能只靠伊朗俄國合約
中國金融發發展仍未如理想，人民幣國際化的動力不夠，其實不能只靠中國跟伊朗和俄國的一些能源合約，更需要大量人民和民企走出國際的推動。金融業的重要性更絕不亞於製造業，包括半導體，亦當然是美國雄霸全球的重要手段之一。背後當然有強大軍事力量，但不需亦不可經常亮劍，其餘時間，控制權就倚賴金融和傳媒，絕非有些人想像中那麼虛浮和不重要。

（中環資產擁有阿里、Tesla、蘋果、拼多多和PayPal財務權益）

中環資產投資行政總裁
[譚新強 中環新譚]

https://www.mpfinance.com/fin/columnist2.php?col=1463481132098&node=1618514833932&issue=20210416

【龔成問答信箱】（Q19081-Q19100）

Q19081：

阿sir你好，知道你貴人事忙，但都好想講個好消息你知，我人生第一次股票賺了6位數！雖然只係賬面數，但第一次見到真係好興奮。

我係上年開始投資股票，今年三月大跌市時把握得唔太好，錯失了好多機會，事後明白到投資知識真係好重要。

之後就開始不停睇書，除左阿sir嘅書，我都睇左好多關於投資理財、致富思維嘅書，真係獲益良多，我好認同阿sir成日講知識同財富係成正比的。而家上緊阿sir股票班，相信上完一定可以再提升投資實力。

一年前的我諗都無諗過可以投資股票賺到10萬，而家我好相信自己可以達成財務自由嘅目標，我定了短期目標35歲前有100萬股票資產（今年31），長遠目標45歲可以財務自由提早退休，我相信自己可以做到，到時再講好消息你知。

差啲唔記得講，我好慶幸一開始係學阿sir的投資方法去買股票，如果我係學坊間短炒賺差價，相信唔好話賺錢，輸少已經當贏了

龔成老師：

太好了！

我地運用的是「價值投資法」，這方法已經證實賺錢，巴菲特，以及好多基金經理，都是用這方法，所以，我地行的方向最正確。

知識同財富成正比，這是必然的，你要加油！保持進步。我相信你一定可以完成目標的！

------------------------------------------------

Q19082：

龔先生，你好，我現年31歲，最近開始回港工作，現在月入$24700，比家用5000，自動轉帳比媽咪，諗住幫佢買股票增值，自己可儲$10000，未知如何分配。

有500股9988，平均價$265買入。係滙豐。

澳紙36000剛係滙豐買左JP global fund. 每股10.06AUD，滙豐收左大概1.6%service charge. 年回率3.3%.
自己而家大概有€5000可用，冇打算轉港紙，因為我其實等virus完左，我會返。港紙有大概$15000。

希望你可以比少少意見。謝謝你!

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這年齡，可以投資平穩增長型，如盈富（2800）、美股就VOO，以及小部分潛力股，如阿里（9988）。長遠應該這樣做配置。

至於基金方面，你要睇翻佢有無質素，同時是否合符上述的配置方向。

------------------------------------------------

Q19083：

呀sir, update下你先, 最後我大約$2.4x買左注1830, 估唔到未等佢跌多10-15%已經升番上來, 都係諗住長線投資架啦.

669都向上咁升, 冇增持冇賣出

最估唔到當然係1211, 以幾倍咁升, 暫時賺左一筆唔錯既數, 但到而家都同呀sir你一樣冇賣過, 多謝呀sir!
上左呀sir堂已經2年, 一直奉行價值投資, 好彩既係算比較快已經見到d效果, 真係要多謝你！

另外加上呢幾年儲錢, 算比我當初預算快左, Thanks呀sir!

龔成老師：

必瘦站（1830）比亞迪（1211）都可長線的。要耐心持有。

中短期股價股價永遠無得估，所以投資最好用「策略」，買入後就長線。

------------------------------------------------

Q19084：

hello 老師 你好
8月尾第一次 同你溝通 流動資金得個41k

2個月後回顧 反覆睇左你2本書 股票勝經 同 財務自由行 都好大動力令我自己省啲使 cash flow 已經double up左 80k 唔算多 但起碼意識到個種多啲錢旁身個種喜悅同安全感

**到呢一刻 我都係未開始月供或入市 因為 我有一個疑問：-

你成日都話要買入企業價值 分析企業資料數據

如果早20-30年 香港都係一個英國base嘅結構 有好多可靠嘅法律規範 （啲人會蠱惑但多丁點道德）係ensure資料/數字嘅準確性比大家去分析

如：依家科技股醫藥股 都好chinese base （利申：我對9988一路都有興趣）如果啲數據一路都係造出黎 造到好似好美好 看似無違規 咁咪一路用錯嘅data去分析

如果一個唔覺意 龍門任牙爺擺 一句話你違規 咁咪不升反跌 甚至乜都無？

期待你一針見血嘅見解

龔成老師：

你所講的，是政治與監管的風險，在我地投資上，由古至今，都存在的。

當我地投資時，都考慮到會有這風險。我些風險，我地好難量化長遠對企業有幾大影響，唔知會唔會發生，但我地明白佢地有這個風險。

所以在考慮企業的質素與估值上，有時會因這個風險而打折。

同時，可以建立一個平衡的組合，同一股票唔好多過15%，同一價業唔好多過30%，就能減少集中風險。

------------------------------------------------

Q19085：

龔成老師，我继續有睇你的fb. 明白長線投資企業的概念。但我手上的 mtr, 領展, 857 都是低於我的買入價, 只是優慮它們是否有回升的日子？

另外，請問 883 可作短線定長線投資？
感谢

龔成老師：

上述都是有質素的股票，港鐵（0066）、領展（0823）完全不用擔心，長線持有就得。如果可以的話，你可以加入盈富（2800），組合會更加平衡。

中石油（0857）雖然質素都算有，但不是最高質類別，佢對油價較為敏感。

雖然佢都有一定的規模，但卻不是最高質素的企業，這是由於佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

由於質素中等，唔建議大注投資，但相信油價上翻佢會上升的。

至於中海油（0883）情況與中石油類似。另外，唔建議短炒。

------------------------------------------------

Q19086：

見到有其他網友講「一日一龔成，貧窮遠離我。」足見粉絲對老師的欣賞，亦是我心底認同。

我之所以叫客戶要留一部分金錢學習投資是因為過往自己的理財方向不太好，所以真心希望大家能夠計劃好理財。尤其是這次疫情令一些職業陷入困境，更加速我要提醒身邊人要好好學習理財，為未來自己打算。

自小父母教我量入為出，努力儲錢，我只是採用「加」的模式。

雖然過去有投資股票，結果好似贏粒糖輸間廠的。加上過往聽從保險朋友買保險基金投資，但最終回報並不理想，甚至連保本都無，有些忍痛取回。

現在最大問題是手上還有一大堆97年蟹貨，有些股票更合到連手續費都付不起，可以説是「雞肋」。

明白老師説若不是優質就要放棄，寧願集中回資金轉投優質股，還有機會賺回所失去的本金（希望）。

我好想斬當年的貨，已不存希望。

我希望自己能鼓起勇氣問老師那些股票走勢：去定留，因自己目前尚欠分析能力。

龔成老師：

保持進步啦！我18歲都是由零開始，不斷學習有錢人知識，現時只是運用他們的方法。

在分析一隻股票去與留時，最重要是「企業質素」，不是買入價與賺蝕，要集中分析企業的業務質素、前景。

------------------------------------------------

Q19087：

老師，都想問一個問題，你說要睇組合%多少
一般建議每隻股票不應多於15%

但我唔明的是你計算時以當時市價，為什麼不是我的買入成本價？

因為以我現時情況，1211的表現一定會over這個百分比。

請賜教，謝謝。

龔成老師：

其實最準的計算，是長期的股價平均。

例如持有某股10年，我地唔會用10年前的價，而是用近一年的平均價。

你首先要明白，我地點解會「同一股票唔好佔組合比例多過15%」？

目的是避免過度集中，唔想太多財富集中在同一類別的資產，令我地面對風險，而這個風險，我地會考慮「最新的財富情況」，對你這刻有多大影響。

而你的想法，只停留「買入價」，你與一般散戶一樣，集中用「買入價」「賺蝕」去分析股票與評估風險，但因入價只是一價過去式。

------------------------------------------------

Q19088：

你好，請問平均月入$30000，老婆做小生意，月入不穩定，可能幾千蚊一個月，現住父母供完果層樓，想搬出黎住，手揸$1M，應該買幾錢範圍既樓？

龔成老師：

由於收入有少少不穩，加上唔算好高，因此唔建議太進取。

$400萬-$450萬的物業較適合，你可以做8成按，假設按揭金額$350萬，30年，2%，月供大約$13000，你要計算下自己的負擔能力。

------------------------------------------------

Q19089：

老師，點睇bitcoin呢隻股

龔成老師：

這類虛疑貨幣，我不太認識，所以沒有投資，亦無法比太多意見。因為我只會投資自己熟識的項目。

這些虛疑貨幣並沒有「實質價值」，但就有「交易價值」，當市場上接受的人愈多，佢的價值愈高，但如果無人接受，佢就會一文不值。

另外，當中亦存在著一定的投機價值，這部分愈多，價格就會愈波動，這就要更小心，因為當投機價值變成主導，這部分的價值變化可以十分大，可以在一夜消失。

簡單來說，由於比特幣無實質價值，長遠的價格，就會趨向佢的「交易價值」，你要分析，長遠係咪好多人用。

------------------------------------------------

Q19090：

老師而家都係長線投資?
通常咩時候先會放?

感覺一隻股票就算升左100%,但一直放在到而唔賣，一日唔放一日冇資金到返手，就算隻股升左感覺都唔實在

龔成老師：

如果企業質素改變，或者好貴，就有機會放，但如果可以的話，盡量都唔賣。

港交所（0388）上市價$4，如果你升到一倍，去到$8，用你上述的方法，就算佢升到$400，你都賺唔到。

我過往做銀行、證券行，見到98%客戶，與你有同一樣的想法，睇翻佢地戶口賺蝕數，永遠賺唔到大錢！我唔希望你同普通散戶一樣。

------------------------------------------------

Q19091：

龔sir你好，我係星期六班同學

打算加入水桶1既美股做平衡。
因未熟識選股，我打算加入兩隻ETF QQQ及ARKK.
其中想問龔sir關於ARKK意見。

ARKK係主動型創新科技股既ETF，2014年上市。
ETF包含雲端, 網購,生物科技,自動駕駛,等
其中Tesla佔11%及Square佔6.4%

我對ARKK分析
好處
1.創新科技股潛力高
2.上市至今每年回報率~30%
3.ETF股份約有35-50隻，分散風險
4.流通量足夠

壞處
1.管理費0.75%, 比QQQ及VOO高得多
2.創新科技股處歷史高位，風險大
3.部份股未有盈利支持
4.將來每年回報率比較QQQ及VOO更為波動

ARKK投資策略如下：
現價約USD$95
每月分注各買約HKD$2000
若到USD$70以下
則加大月供數至HKD$2500
USD$45以下
大手買入

QQQ都以類似策略

現在修訂既投資計劃
水桶1 55%
1810,9988,1177,QQQ,ARKK
水桶2 40%
788,3319,823,1928,月供2800
水桶3 5%
941,688 (兩隻待好d價位賣，想做到水桶1,2 64比例)

感謝龔sir寶貴時間回答。

呀sir上堂可以飲暖水或熱少少既水
相信可以減輕喉嚨不適。

龔成老師：

其實方向正確，我覺得這個配置做得不差。同埋上述的分析都正確。

科技ETF的確唔平，現時全球都有這情況，所以用分注買入，長期月供的策略，是較好的做法。但要留意，你都要留下一定的現金，如果股市出現一定的回落，就可以用現金把握到機會。

水桶1、2、3在選股及比例上，都無問題，這是大方向，你照計劃進行就得。

係，要多飲暖水。

------------------------------------------------

Q19092：

龔老師，你好。有以下問題想請教。

這是本人profile
年齡：35 (單身)
職業：公型機構長工
月薪：72000

每月開支：約43500(包括17500 供樓、3000 水電煤管理費差餉、15000家用及8000個人零用)

每月儲蓄：約28500 (當中包括預留每年交稅70000及扣稅年金60000，即每年儲蓄約$21萬)

資產：自住物業，2017年760萬購入，現市值約900萬, 2019年做了轉按，剩餘按揭480萬，年期29年

現金：17萬港元 (當中包括現值約2萬港元的澳元)

股票：約12萬港元[包括 1手領展(0823)(2019年中約$89買入)、2手恆生(0011)(2020年4月$139買入)、1手騰訊(2020年9月$543買入)及3手基石藥業(2616)(2020年11月10.8買入)]

基金：與北美和亞太股票及債券有關的每月派息基金，22萬港元(過去平均年增長約10-20%，約一年前以本金19萬買入)，平均約6厘息，每月收息約$1100

債券：4手iBond

目標：打算3年後和父母(已退休沒有收入)共同支付首期買大約400萬物業(例如新樓開放式單位或屯門/元朗二線區域舊樓)收租

因第二層樓需要支付6成首期加上律師費和雙倍印花稅(因本人和父母各已有物業)和雜費等，預算要270萬，父母可夾120萬，假設本人收入和每月儲蓄不變，屆時本人現金增至約80萬

但仍欠70萬，屆時估計月薪約75000。但如果樓價仍然上升，可能需要更大預算。

查詢：

1) 請問有甚麼方法/工具可達到這個儲蓄目標?

2) 請問有沒有風險較低方法每月賺取更多被動收入?

3) 我現在的現金、股票和基金分佈健康嗎?

4) 本人從來未有投資美股，請問有甚麼美股值得買入呢?

5) 外幣投資方面有沒有甚麼建議?

對不起問題比較多，非常感激!

龔成老師：

1）有3年時間，要利用投資去進行增值，不過，由於3年時間不算長，因此唔能夠太過進取，只能以「平穩增長」作為核心。

2）你現時的方向，應該是「增值」，而不是「被動收入。

其實當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

3）你可以賣出政府債券，同時現金已足夠，之後應該加強股票方面的比例，只要股票有質素，唔好太高風險，已經可以考慮。

當然，到你近買樓的一年，現金比例就要增加翻。

4）你可以考慮VOO，追蹤標普500指數，這是最適合你的，但唔建議一次過入，要分注，慢慢收貨。

5）外幣長期只會貶值，唔太值得投資。

你在之後的財富配置，可以集中增加股票，如果不懂選股，就投資盈富（2800），分注去入，希望財富提升，盡量接近你的目標。

不過，如果要提高完成目標的可能，要加大儲蓄，同時現金部分，要把握跌市機會投資，效果會更好。

------------------------------------------------

Q19093：

Sir hello
我買左659 新創建 6.08入 你覺得佢同太古地產對比邊隻更值得長線持有？我又使唔使轉過去太古地產？

龔成老師：

兩隻都不差的，都有長線投資價值，不過從質素上，太古地產（1972）的優勢，以及發展上，會較好。

你轉部分過去都得。

------------------------------------------------

Q19094：

請問成哥對2606 有咩睇法

3319 佢跌多幾多比較便？

永星，新城悅，碧桂園，雅生活，奧元健康，2606，呢6隻內房股論值值博率同優質程度，你會怎麼排

龔成老師：

藍光嘉寶服務（2606）不差的，佢係中國西南地區及四川省的物業管理服務供應商。

生意與盈利都有一定的增長，財務數據不差，現金流理想，不過規模就不是好大，這點會略有風險，同時持續性發展未必及一些較大型子有背景支持的同業。

整體都有投資價值，現價合理，只要不太大注，這股都可投資，長線持有。

雅生活服務（3319）不錯的，佢無論在業務本質、規模、品牌、財務數據、前景，都是理想的，反映這企業有一定的質素。

加上這企業的背景因素，以及行業的發展，相信這企業的前景不差，有長線投資的價值。

當然，行業有時會有較大的炒作，股價上落大，要注意風險，而整體是有長線投資價值的。現價合理區中上部。

碧桂園服務（6098）、雅生活服務（3319）較有投資價值。餘下的中等。

------------------------------------------------

Q19095：

請問以我現時資金怎樣達成財務自由？ 因為我就快到40，我又未結婚，又無物業收租，真係好擔心。

因為呢個年紀萬一公司重組，無左份工，就好難再搵。麻煩老師指點

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這刻應該集中「增值」，因為你年齡仍不算大，要好好握握時機。

你如擔心無左份工，就要儲多少少現金，多現金備用就會較安心。

同時，多增值自己，你公司的情況，無得控制，但你就可以提高自己的價值，無論是留在公司，以及出去發展，你自身價先最重要。

------------------------------------------------

Q19096：

你好龔sir,想問你對技術分析有何看法，因為知道龔sir的投資理念是"投資企業"，但無可否認，有的人以技術分析來獲得財富。

我是一個應屆畢業生，現在只有7萬左右的積蓄，就算用複利息的方式很難可以將它滾大

現在這個時代，我在懷疑『找世間沒被人發掘的企業』這個方式還可行嗎？

龔成老師：

我20年前，是技術分析者，用左幾年，輸足幾年，之後長線投資，就開始不斷賺錢。

我好後悔當時浪費左幾年去學這些分析技術，我當時不斷睇書、上堂學短炒，但最後都是輸，好後悔，只怪我當時無知。

之後做銀行同證券行，見大部分輸錢的客，就是短炒的一群！這是我10年見到的情況，這是行內的秘密，根本大家都知短炒者一定輸，但業界一定唔會講！

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特更講明反對短炒，反對技術分析。

只要我地細心少少去想，都會明短短炒根本賺唔到錢。長線先至係王道。

至於你所講「現在這個時代，好難找世間沒被人發掘的企業」，你可以睇睇，每一年都有唔少股票，是升1倍、升10倍，點解？就是一年前市場未發現這股。所以，這方法是永恆不變的。

------------------------------------------------

Q19097：

龔sir, 最近一直向身邊親友推薦你的投資理念，其中一位親戚因錯信經紀，虧損嚴重，1200萬的資本已跌了4成，現希望重新出發，便託我向你請教。

圖中是我替他整理後的組合現況，是否大部分股票都應斬倉止蝕?

持有1、5、6、76、82、293、390、632、788、941、1019、1038、1359、1800、2828、2888、3328、3800、6886。

另外他現時55歲，但仍希望資本增長，投資部分新經濟股，如700, 1211等，請問可以嗎? 實在感激不盡

龔成老師：

首先要明白，我地繼續持有一隻股票與否，與買入價無關，因為這只是一個心理因素，最重要是企業的質素、前景。

誼礫控股（0076）、第一視頻（0082）、國泰（0293）、中國信達（1359）、保利協鑫能源（3800）、中港石油（0632），長遠要賣出，要在有反彈時賣。

至於銀行股比例太多，長遠要調整翻。其他算是可以守，但組合增長力不強。

如果佢想有增長力，建議慢慢重組組合，平穩增長股可以佔7成，潛力股可以佔3成。

騰訊（0700）、阿里（9988）、比亞迪（1211）都是方向，但要注意現現唔平，部分要等回先入。另外，可以考慮安碩恒生科技（3067）。

這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。

不過，現價都唔平，大約在合理區頂，因此，這刻不能大注投資。最好的策略，就是月供，或自行分注小注慢慢收貨，原理如同不斷儲貨，這樣就能平均買入價，減少風險。然後就長線持有。

------------------------------------------------

Q19098：

本人年齡46, 夫婦月入140K, 兩女分為 14 和10歲……自住物業市值8.5M, 尚餘6年$700,000 按揭，每月還$10,000，一澳洲Apartment full pay 年尾收樓作出租用途，3年後可能大女出國讀書住

一香港小單位出租，市值4.7M, 供$13,000 15 yrs 2.25%, 收租$12,000, 另股票市值4M

香港出租單位尚有1.8Mloan amt, 將過罰息期，想轉Hibor plan , rebate 0.8%

想问我轉按借2M, 應該借盡30 years 嗎？
我本人可能明年8月轉做家庭主婦，家庭会少40K per month 收入

現今是否選擇hibor plan 較著數？

另想问老師的課程有否獨立一兩堂可以上？
因太忙難抽時間

龔成老師：

你可以轉按，30年，現時低息，只要適當運用資金，對你有利的。不過要留意，這始終會增加了你的風險，你自己要承量翻，同時，會增加左每月要還款的金額。

你現時的財富組合，較偏重於物業，這會出現集中風險的問題，最好在之後的配置，加強翻物業以外的資產類別，例如股票類。

另外要留意，加按得來的資金，始終原理是借貸，因此不能太進取，投資收息股，增加現金流，是方向。你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

至於課程，由於整個課程都有關連，獨立上的效果會大打折扣，因此，無提供分開上。

------------------------------------------------

Q19099：

我本身是神職人員，由細到大，教會都教導我們不要太看重錢，甚至略為妖魔化了投資，如果在教會講投資，會被人覺得好世俗、拜金、不倚靠神…

到我長大後，自己才開始懂分投資和投機的分別。覺得健康的投資是適切的，特別在香港。你有一句話令我很深刻的，就是「金錢是資本家勞役人民的工具，因此需要擁有優質資產」，就是這句不能認同更多的說話，令我對投資積極起來。

直到最近，香港各方面的環境都急促變化，更令我想快些財務自由，為的不是唔洗做，反而是因為我太熱愛我這份傳道工作，更令我想快d成為自由傳道

即是不受薪地傳揚愛和公義的普世價值。始終受薪的限制太大，也要兼顧平衡各階層的利益。

謝謝你耐心聽我的分享=)

龔成老師：

我相信金錢與宗教不是對立的。

相反，如果有運用金錢的能力，就可以幫到更多人。

因此，我們絕對不要拜金，而是要明白金錢的運作，有智慧地得到金錢，而不會為金錢出賣自己。

加油！

------------------------------------------------

Q19100：

龔sir你好，打擾了，又要向你求教了。
最近有朋友sell 儲蓄保險，聲稱有6%利息，但是要月供1500，供5年。

你覺得我應該做這個決定嗎？

利申：抽到4手ibond, 30000左右股票，20000元左右現金，需要自己給學費（yr1)

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

因此，你這刻應該著重「增值」。

當然，在我地理財中，攻守兼備是重要的，所以上述的儲蓄保險，有防守的作用，但要留意，防守部分，足夠就得，不要多。

至於ibond，賣出轉股票更好。

其實，你這個年齡，是財富增值的黃金時期，要好好把握，盡你一切的力量去儲蓄、投資、學投資知識。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。