詳談一下「家傭」工作 家傭是一份非常特別，是世上唯一一份會24小時住係你家中既工作，是家中的一份子，好的話貢獻非常之大，令你屋企風調雨順，不好的話可以令你雞犬不寧。 我身邊朋友對家傭都好好，大部分工作超過15-20年，處相得好可以像家人一樣，幫你帶大個仔，個仔亦懂得待她如親人，我嫲嫲都唔識如何處理一個工人，大部份野唔需要工人做，甚至食完飯會叫我去幫手執枱收椅，我認為咁係唔適當，但佢同工人相處得好好，有講有笑，佢開心就ok，唔扯太遠。 世上係無另一份工作會將個僱員帶番屋企一齊住，一個好既家傭貢獻之大隨時多過你老婆。 首先，我地要明白家傭出生一般在教育水平和道德水平低既國家，不等於心地不善良，只是欠適當教導，但如何選擇家傭再到如何管理她不是一件容易的事，你有錢可以請本地家傭，一切水平相對性或有會好一點。 然後如何管理一個員工/人，本來就係一樣非常之難而且充滿技巧的事，以為幾千蚊就請到一個廉價奴隸，隨時捉蟲入屎忽。 一去到你屋企你先要搞好佢心態，十個家傭十個都會心理不平衡，她知道自己有多低下，收你雞碎咁多人工去做一個奴隸，大家級數差幾十班，食飯你食先，食既野唔一樣，點去平衡她的心態好重要，否則煲湯有屎屎尿尿幾乎係預左 ***「再講佢地處境，出生係一個人均收入不到$2000既國家，普遍性結咗婚生左仔為左養家離鄉別井扔低自己既仔女去照顧你既仔女，扔低自己既父母去照顧你既父母，然後個老公99%搵左第二個女人，講到呢到我自己都想喊，這幾乎是她們每個既命運。。。。。。。你唔落井下石基本上已經夠慘」 而普遍既香港人係唔識感恩用到一個咁低既價錢去請到一個人幫自己屋企手，而只是請到個工人就覺得自己皇帝高高在上，其實睇個仔點對工人已盡顯其家教，現在越來越多小朋友對工人呼喝，甚至乎在街上打工人的屁孩亦屢見不少。 服務左4年，應該唔差先會續約。4年6000蚊 即係每月多$125，想一想她身世，背景，其實炒佢魷魚已經好足夠，佢输左中介費，無得再來港工作，這懲罰不少。當然要一個藍屍有同理心是一件很難的事！ 解答一下智者既留言： 1.因為咁既原因要佢走係唔需要賠一個月，機票錢就從來係唔係都要出，無錢就唔好請。 2.有人話佢會做本假護照再來港，咁大成本？比例會有幾多？講到咁極端就判監都會越獄，咁無計。 3.有人問我「咁我比人打劫會唔會報警？」性質相同咩？符合我以上所講情況？如果有個80幾歲既阿婆打劫我，我都會問佢原因，想辦法幫佢。 4.有人話4600蚊包住宿好過大學畢業既工作。我屌你老母！你唔去做！點解無一個香港人做？洗碗都有人去做但家傭無，因為真係好撚低人工同好撚辛苦。 咁撚筍工我叫你去印尼做家傭丫，果到生活指數仲低，儲得仲多錢 。 5.我抽水？對唔住！我喜歡評論反思社會一切既事，係一切。係你心目中佢係偶像，係我角度佢普通藍屍一個，而且佢係公眾人物，我透過報章只能知道公眾人物的事。 6.她是第二天失蹤才報警，如果只是報失蹤警方是不會拘捕盜竊罪，即係當時係報盜竊。 無錯我真的好鍾意發表評論，有fb第一天開始我已經係咁 螢幕夫妻事件 屌鳩示威者笑低層員工事件 印傭事件 明眼人一睇，三件事有個共通點，就係我永遠會企係弱勢既一方。強者不用我發聲吧！ 你可以話我on9但唔可以話我抽水，唔好講到啲十九明星係我心目中好重要 「雞蛋高牆，我永遠企係雞蛋果邊！」 諷刺的是這句說話曾出在某人口中！ 當然你仍然可以諗邊個叫佢唔識投胎出生印尼？佢天生就係咁低賤，邊個叫佢無書讀？ 但亦不妨多點同理心，香港人不要窮到只剩下錢，難怪香港會咁多藍屍。 只能說四個字處理方法「不近（人）情」 講既係咁多，不作討論，討論我會同番身邊朋友討論。 而對於別人對我既評價，隨便你地，我一向無所謂！ 我只認為我廢up完有多一個人醒覺，多一個人關心弱勢已經足夠！ 完！