【墨爾本裝備多】 . 一月份，阿靴就去咗澳洲Melbourne，除咗去個旅行散散心，當然亦去留意下喱度嘅足球文化。 . 去Melbourne之前當然要做下資料搜集，睇澳職其實真係幾方便，响香港透過Ticketek買飛，佢就會透過電話短訊將張電子票比你。咁啱阿靴去旅行嗰段時間，正正有場係Melbourne City嘅主場比賽，對嘅係第一年踢澳職嘅Western United，咁阿靴當然要買張波飛朝聖一下。 . 落飛機市內遊，又Join下Local Tour，第三日就前往AAMI球場，去睇呢場澳職比賽。阿靴就搭火車去，响Richmond站落，再行兩個字到就會到，沿途亦有唔少前往球場嘅球迷。AAMI球場可以坐到約三萬人，而唔少足球同欖球比賽都會响呢度進行，至於澳職，Melbourne就有兩隊波，分別係Melbourne City同Melbourne Victory，佢哋主場同樣都係AAMI球場。 . 話說阿靴去親外國睇波都會買返件主場球隊嘅波衫，今次亦唔例外，不過一望就發覺，件主場球衣同曼城非常接近，同樣用上淺藍色，又用同一贊助商，畢竟佢哋屬於同一財團，不過作為曼聯球迷，就當然唔會太想買，最尾揀左一揀，再睇多一睇，墨爾本城嘅練習波衫算不錯，又無咩曼城波衫嘅感覺，咁就入咗。 . 至於場波，今場比賽入座率唔算高，但係兩邊嘅打氣區都非常熱鬧，Melbourne City於上半場就以3:0領先住客隊。當大家以為大局已定時，Western United於75至80分鐘期間連入兩球12碼，同時Melbourne City中堅拎咗張紅牌，令到最尾10分鐘非常緊張，好彩Melbourne City最尾防守無咩失誤，保住勝局完場，唔係嘅話又會中左阿靴去旅行睇波，主場球隊不勝嘅魔咒。 . 除咗睇波，阿靴亦當然會去各大運動舖頭到望望波Boot。不過足球晌澳洲嚟講唔算盛行，所以鞋款嚟講唔算話非常多選擇，頂級版本亦相對較少。不過估唔到嘅係，日本品牌Asics晌Melbourne幾出名，無論跑鞋定波boot，都唔難响門市搵到。而以下幾間鋪頭，阿靴就覺得幾值得大家望望。 . 1.Rebel Sport (地址：290 Lonsdale Street, Melbourne, VIC, AU3000) @rebelsport Rebel Sport晌澳紐都非常大規模，佢係一間連鎖式嘅運動鋪，基本上咩運動裝備都會見到，至於足球嘅位置，各大牌子都會見到，而且款式算齊全同新，不過當然就比唔上之前去日本時見到嘅狀況，而且價錢就唔會特別平咁。估唔到嘅係，鋪頭𥚃面會搵到外國較少見嘅Premier 2.0 FG同埋平底Lunargato。除咗波Boot，Rebel Sport亦會搵到當地嘅國家隊及球會波衫。 . 2. SPT Football (地址：2/182 White Horse Road, Blackburn, VIC 3130) @sptfootball SPT Football係自己一直想去嘅舖頭，因為佢算係全Melbourne最大型嘅足球店舖，不過可惜嘅係，佢位置較遠離Melbourne市中心，而阿靴唔係自駕遊，加上旅程上唔係太順路，所以無去到呢間舖。SPT Football位於Blackburn區域，上佢IG同網站睇，基本上最新嘅大牌波Boot款同波衫都會有，價錢上就要睇款，較舊嘅款式價錢亦會有折扣。 . 3. The Running Edge (地址：73 Murray Street, Hobart, TAS 7000) @therunningedge 除咗Melbourne，阿靴今次旅程亦去咗對落嘅Tasmania。The Running Edge位於Tasmania嘅Hobart，佢其實係一間跑鞋鋪嚟，但估唔到嘅係竟然會揾到波boot嘅蹤跡，不過鞋款會較為舊，例如Copa選擇上就只得較舊嘅19.1，價錢同樣唔會特別平。不過阿靴仍然想介紹，原因係佢提供嘅服務。入到舖頭會有專人服務你，了解你嘅需要，仲有張專業嘅櫈同你度下腳型，務求幫你搵到最合適自己嘅鞋。而阿靴就響度入咗樣嘢，不過唔係波Boot，而係香港門市有啲難搵嘅全黑Hoka One One跑鞋。 . 今次旅程就用咗小部份時間了解澳洲嘅足球文化，不過感受最深嘅係响旅程中，認識到唔同國籍嘅朋友，講下大家國家發生嘅事，了解下大家嘅文化，講下個社會，喱種感覺的確係特別。至於足球層面上，今次旅程只係望咗好少部份，畢竟Melbourne同Tasmania只係澳洲嘅一小部份，阿靴亦非常期待遲下去埋其他城市，認真探索下佢哋嘅特色。 . ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #melbourne #melbournecity #aleague #墨爾本城 #波boot #波砵 #足球鞋 #footballboots #soccercleats #足球 #香港足球 #ballboot #hkfootball

【專業五人足球鞋: Desporte Boa Vista Kl2 實測】 . 話說五人足球响香港愈嚟愈盛行。五人足球响國際層面上一直有規模地發展，五人足球更加有屬於自己嘅歐聯賽事同世界盃🤙🏻。當五人足球晌香港變得愈嚟愈重要時，啊靴亦响度同大家介紹一個專做五人足球鞋嘅日本品牌：Desporte！⚡️ . 去親日本，啊靴一定會留意Desporte喱個品牌，原因係佢外型特別，而且細緻位做得非常唔錯🙂。响日本嘅五人足球聯賽上面，就有唔少球員都着上喱個品牌。話說Depsorte早於2003年成立，目標係製作最完善嘅五人足球鞋。而阿靴今次亦非常開心，於 @kemari.sports 嘅協助下，有幸實測呢個品牌嘅波Boot💥！ . Desporte嘅波Boot亦有唔同嘅版本同系列。佢地主要因應用料分兩個版本，貴版鞋面會選用袋鼠皮，平價版鞋面會用上合成皮😌。今次啊靴實測嘅波Boot叫Boa Vista Kl2，屬於Desporte嘅貴版選擇。Desporte更加話佢係一對靈活速度型嘅波Boot，今次實測，阿靴就認真睇睇佢質素如何😤。 . Boa Vista Kl2鞋面用上優質袋鼠皮，質感軟熟。佢鞋頭位置較高，鞋頭及兩側會用上較硬嘅合成皮，設計源於五人用足球屬於低彈度🙆🏻‍♂️，適量嘅波boot硬度有助提昇踢球嘅力量。鞋身中央用上網狀質料，有助波Boot嘅散熱，鞋身較後位置亦用上合成皮，減輕波Boot嘅重量。Boa Vista Kl2造工非常之細緻，鞋踭內籠位置用上麂皮，令波Boot變得更鎖腳👍。至於鞋底位置更加用上記憶海綿作避震，亦有本身的EVA緩震物料。鞋墊同樣用上麂皮，亦帶有緩震物料。 . 阿靴就著過Boa Vista Kl2於數場五人足球比賽上，最難忘嘅一定係舒適度🙈。袋鼠皮質料，麂皮鞋籠，以及細心嘅緩震用料，加上波Boot鞋型傾闊腳，基本上踢波過程係非常舒服，而呢一點，响著Boot嘅初期，阿靴已經感受到佢帶嚟嘅舒適度😌。 . 另一方面，阿靴對Boa Vista Kl2嘅鞋底蹉波感覺係非常滿意，比賽時會感覺到鞋底同波嘅感應係離奇地出色😮。盤扭層面上，啊靴認為靈活度屬於中等水平，較闊嘅袋鼠皮鞋身難與較修腳嘅波Boot作比較，不過佢鞋底帶嚟嘅優質磋波感覺，又的確令佢加翻唔少分數🤘🏻。 . Boa Vista Kl2射門質感屬於中上，坦白講，啊靴踢五人足球鍾意係著啲鞋面較硬嘅波Boot，原因係個五人波屬於低彈度，鞋面較硬嘅波Boot正正令射門更加食力，亦正正係呢個原因，阿靴一直麻麻地袋鼠皮波Boot🤦🏽‍♂️。不過估唔到嘅係，Boa Vista Kl2 嘅設計係減輕到喱個問題，佢鞋頭及兩側用上較硬合成皮，而鞋面就用上袋鼠皮，設計令射門比一般袋鼠皮Boot更食力⚡️，亦保持到袋鼠皮帶來嘅舒適度。至於腳內檔射門及五人常見嘅篤射，受惠於佢較硬嘅鞋頭及兩側，力量感的確唔錯。 . 長傳質感屬於中上，鞋頭雖然較高，但係掘落波底嘅長傳又會估唔到地柔同順，喱點再次令阿靴感到驚喜😮。短傳上阿靴就認為屬於中等，發揮上不算突出，不過傳球質感屬於穩定😉。 . 至於緩震層面上，Boa Vista Kl2 用上記憶海綿和緩震鞋墊，但鞋底用嘅物料只係屬於普通嘅EVA質料🤔，阿靴認為Boa Vista Kl2 於緩震層面上，相比React同Lunalon等大牌科技仲有一個距離，但距離不算非常大。不過總括嚟講，Boa Vista Kl2 嘅緩震仍屬中上水平👍。 . Boa Vista Kl2有一個位置曾令阿靴感擔心，波boot鞋頭鞋帶位置對落，就有Desporte嘅細標誌，標誌用上針織質料繡上。著上腳時因為佢針織質料較硬，阿靴就曾擔心佢會帶嚟刮腳嘅問題🥴。不過於實測過程上，刺繡並無帶嚟刮腳狀況，同時隨著踢波時間越長，刺繡位置質感亦越來越軟🙂。阿靴就認為，如果Deporte可以減低刺繡嘅硬度，相信Boa Vista Kl2 會變得更加舒適！ . 至於尺碼上，阿靴平時著開US8嘅波Boot，而Boa Vista Kl2屬於正常Size，著翻US8就會啱啱好🤙🏻。至於鞋型上，基於日本牌子好多時候係用亞洲人腳做設計藍圖，佢係屬於中至闊腳，亦會適合絕大部分嘅波友🤘🏻。 . Desporte Boa Vista Kl2實測報告： 盤球：●●●● 控球：●●●● 短傳：●●●◐ 長傳：●●●●◐ 射門：●●●● 靈活：●●●◐ 避震：●●●● ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #kemarisports #desporte #desportehk #desportejapan #boavista #boavistakl2 #波boot #波砵 #足球鞋 #footballboots #soccercleats #足球 #香港足球 #ballboot #hkfootball #五人足球 #hkfutsal #futsalshoes #靴實測_desporte

【輕巧型袋鼠皮波Boot：Puma One 19.1 FG/AG實測 】 . Puma响最近走勢非常厲害，先同英超巨頭曼城簽下為期十年嘅贊助合約，繼而於歐洲聯賽簽下多個一線球員，當中包括曼城中場大衛施華，巴塞後衛烏姆迪迪同馬體會門將奧比歷👍。Puma波Boot嘅定位非常有趣，佢唔同其他牌子，唔會同大家講對Boot係主打速度盤扭，抑或是主打傳控分波，佢追求嘅係全能類別😎。 . Puma現時生產主要有兩對Boot，分別是Puma One同Puma Future，以阿靴暫時觀察，佢哋最大嘅分別只係Puma One用上傳統袋鼠皮（外國亦有生產合成皮版本🙈）。而Puma Future就用上Evoknit織布質料。或者簡單咁講，Puma One走嘅係傳統球感路線，而Puma Future，就嘅係科技路線🤙🏻。 . Puma One最新系列叫Puma One 19.1，對Boot而家就有阿古路，盧卡古同大衛施華著緊😎。今次阿靴就拎咗佢返嚟，同大家認真探討同實測佢嘅性能如何。 . Puma One用上較薄嘅袋鼠皮，袋鼠皮只會响鞋頭位置出現，可以減低整對波Boot嘅重量；而袋鼠皮面亦有一條條紋理，有增強鞋面球感嘅功用😯。Puma One亦都用上Evoknit襪筒設計，期望令到波Boot更穩定同Fit，而波Boot鞋口兩邊位置更加有多個鞋帶窿，呢個設計話說可以令大家根據自己腳型，用唔同嘅鞋帶窿去綁鞋帶，令波Boot可以更Fit自己腳形😇。Puma One鞋釘上就用上速度型選擇Rapidsprint，期望比大家於高速度下可以有效轉向。 . 阿靴一拎對Boot上手時就覺得佢袋鼠皮質料嚟講係算輕巧，穿著嘅感覺係非常之Fit，感覺到波Boot非常包腳，有一種穩定性👌。响實測過程裡面，阿靴最鐘意係佢嘅球感，會感覺到波Boot可以輕易控下傳球，球感之好令自己減少修正，可以更快連接下個動作。此外，短傳球感非常實在，傳波感覺非常穩定而且力量適中，相信非常合適喜歡踢小組入滲嘅波友🙌。 . Puma One嘅長傳球感亦非常好，畢竟袋鼠皮一直係舊派波友嘅恩物，原因大致為舒適和好球感，無論是下旋長傳，或是腳內檔Chok去嘅傳送，球感亦會非常好🤙🏻，可以較輕鬆傳往目的地，不過袋鼠皮Boot亦有唔好嘅地方，就係會卸走部分傳送或射門力量，Puma One同樣會有呢個狀況，不過唔會話十分明顯😉。 . 盤扭層面上阿靴認為屬於普通水平，但整體波Boot非常包腳，尤其是足踝位置，受惠於Evoknit襪筒加上多鞋窿設計，Puma One 19.1帶來非常理想嘅穩定性 😊。不過要留意一點，波Boot足弓位置會會較硬，需要時間開鞋，舒適度才會提升。鞋釘上Puma One 19.1列明FG/AG，即真草及仿草都通用；阿靴就試過响真草同靚仿真草踢過，整體發揮算不錯，鞋釘抓地力適中，但阿靴就唔建議响一啲較差同薄嘅仿真草場上踢😉。 . 射門層面上發揮同樣屬普通水平，經過數場輕鬆比賽嘅「開鞋」，射門球感有所提升，亦相對一開始更準繩，但力量就不及合成皮波Boot般爽同食力😶。阿靴相信袋鼠皮係需要時間與腳融合，才可以發揮最大嘅功效，射門質素也會隨時間提升。 . 至於Size上，阿靴認為Puma One 19.1屬於正常尺碼，喜歡袋鼠皮傳統貼腳嘅波友，細半碼亦都可以😎。Puma One 19.1鞋形上就屬中腳形，不過佢係袋鼠皮嘅關係，真皮會隨時間同腳融入，所以闊腳嘅波友亦可以一試🙂。 . Puma One 19.1 FG/AG 實測報告: . 盤球：●●● 控球：●●●●◐ 短傳：●●●●◐ 長傳：●●●● 射門：●●● 舒適：●●●●◐ 保護：●●●●◐ . 再次感謝 #pumahk 提供嘅波boot🔥 ——————————————— Follow me🔹 @hkfootballreview ——————————————— 📌 Hashtag #屎波裝備多 分享你嘅靚boot~ ——————————————— #屎波裝備多 #pumaone #powerup #nextlevel #pumafootball #波boot #波砵 #足球鞋 #足球 #香港足球 #ballboot #soccercleats #footballboots #hkfootball #靴實測_puma