【賽馬會，年輕兼職工就要被欺負的嗎？】

香港以前有個民間講法，就係港督加上馬會加上匯豐加上太古的大班，就係香港嘅真正統治者！可見，賽馬會的影響力有多大。

踏入特區年代，馬會政治權力或已減退 ，但係搵錢能力依然不遜。可是，一個每年港人排住隊將錢進貢的機構，為何還要欺負員工，還是年輕的兼職員工！

昨天辦事處同事接到一位年輕女孩申訴。才二十出頭，剛剛大學畢業。由於家境清貧，過去四年為著應付學費生活費，唯有在馬會當兼職投註助理，一直到今年7月中。

7月中不是偶然的日子，而係馬季竭暑。馬會解僱她的理由也夠堂皇：經常遲到，慣常疏忽職守。女孩解釋，那幾天都要應付考試，預先已知會上級當日要遲，而過去每逢考試期也如此運作，相安無事；而今年則要即時解僱，沒通知期，即沒有代通知金。

法例上講，或者女孩根本難以辯駁，過去不抽秤妳，不等於今次不可抽秤你，「我係僱主，我想幾時炒你都得嘛」。但了解女孩的情況更多，就越明白她的個案根本連嘗試爭議法例的機會也沒有，因為她根本不受【僱傭條例】保障。

女孩娓娓道來，原來她一直的工作模式是：每星期大概返三至四天，都在賽馬日前一天及當天，每天放學後由5點半工作至約晚上10點，每星期工作都超過十八小時。但馬會最無品的是，當連續工作三星期後，第四星期則是特別安排，總是低於十八個鐘以下。這樣，馬會就完全逃避了要滿足連續為同一僱主工作四星期，每期十八小時以上才受勞工法例保障的規定。

原來，女孩的個案，僱主是否不合理解僱也談不上，因為她連去爭議的機會也沒有。

說到痛處，女孩雙眼微紅，訴說其他不合理待遇：兼職投注助理，每晚只有25分鐘食飯時間，其他文職則一個鐘；每個投注即使講到「口水乾」，都唔敢喝太多水，因為每次上廁，上級總有說話妳聽！

堂堂賽馬會點解刻意走勞工法例灰色位來逃避僱員保障呢？是否看準了學生兼職工的限制，「睇死你哋焗住做」呢？每年賺錢那麼多，還做做善事裝模作樣，為何不先善待自己兼職員工、年輕員工呢？418規定的漏洞我們講了二十年，政府幾時才肯修訂法例呢？

我在這裡呼籲，既然法例保障不到，大家就嘗試組織起來，迫馬會去改善。

猶幸，同事告知女孩畢業後已找到學校的工作，收入不算太低。重要的是，她工作得還開心，人事及環境尚如意。在此，祝妳工作順利，前程似錦！

#與打工仔女同行
#與基層弱勢同行
#與公義同行

#李卓人立法會新界西參選團隊

香港5G手機太貴？ 呢個情況好快會改寫！小米即將在香港推出 小米10 Lite 5G手機，預期賣價港幣兩千幾，用上唔錯嘅高通Snapdragon 765G 處理器，你又會唔會入手呢？

之前都介紹過中低價位嘅 5G 手機，但香港一直都未推出行貨，呢個局面即將會唔同喇！因為小米透過官方嘅 IG 透露，將會喺 2020 年 6 月，喺香港推出之前發佈嘅 Mi 10 Lite 5G 手機，根據海外嘅定價，同埋我哋收到嘅消息，賣價應該都係二千中至尾左右，配置又係點呢？

小米 10 Lite 採用嘅係高通 Snapdragon 765G 處理器，雖然唔係頂級嘅 U，不過7系嘅處理器性能亦都相當高，一般日常使用，甚至打機都唔成問題。屏幕用上咗 6.57 寸 AMOLED True Color 20:9 嘅水滴屏，支援屏下指紋辨識技術，亦都支援人工智能面容解鎖功能。手機支援最新嘅 5G 技術，不過就未有支援 n79 頻段，就算 CSL 同埋中國移動香港，喺 5G 結界區用咗呢個頻段補足，呢部機都用唔到喇！不過又唔係咁大問題嘅，因為香港各大電訊商都準備用現有嘅 4G頻譜以 DSS 或者 Refarm 嘅技術加強覆蓋，呢部機正好支援n1、n3 同埋 n7頻段，而且有 4.5G 作為強大嘅後盾，相信影響唔會太大。

相機方面，小米 10 Lite 配置咗共 4 個包括 4800 萬像素嘅主鏡、800 萬像素嘅超廣角、200 萬像素嘅景深、同埋 200 萬像素嘅微距鏡頭，屬中上級數，不過就唔支援光學變焦。睇返官網嘅試相，效果唔錯，微距同埋夜拍都有幾好嘅表現。另外，小米 10 Lite 配置咗 1600 萬像素嘅前置鏡頭，支援 HDR，亦都加入咗流行嘅 120fps 慢動作拍攝功能㗎！

Mi 10 Lite 保留咗 3.5mm 嘅耳機插，亦都加入咗 NFC 功能，以及支援紅外線發射，方便配合應用程式控制屋企嘅電器。4160mAh 嘅電量，絕對足夠一日使用，亦都支援 20W 有線快充技術，俾你喺低電量嘅時候都可以快速叉電。

相信 Mi 10 Lite 嘅推出，5G 服務喺香港將會進一步普及，如果你一向用緊中階性價比高嘅手機，呢部 Mi 10 Lite 5G，唔知會唔會係你嘅選擇呢？

《Z世代達人》
麥卓華
redmi 10x 5g redmi 10x pro mi note 10 lite xiaomi mi note 10 lite