【 電視節目預告／《宵夜燒到過埋夜》今晚首播 】
_
時間過得特別快，又係時候講拜拜？係講歡迎至真！由梁祖堯、陳俞希及蔡瀚億（Babyjohn）主持的《晚吹 ─ 空肚講宵夜》自2019年12月4日首播至今，轉眼間播足超過一年半，現時已播放至第八季，預計11月會播出第100集，換言之，這個節目已經快將（甚至可能已經）突破「食好西」百次大關，應該是時候跳出錄影廠，唔只空肚講宵夜，索性食到過埋夜 ── 《宵夜燒到過埋夜》就此誕生，亦是「晚吹」首播五年來，首個主持齊腳上陣參演的直屬衍生節目（另一個是非《晚吹》的《真PK Trip》），第一集將於今晚（27/9）開始逢星期一至星期五晚上11時播出。
_
《宵夜燒到過埋夜》每次由其中一位主持為另外一位主持策劃三日兩夜本地遊，參考宣傳短片《請小心𨋢門》（https://bit.ly/2Zpb81J） ，阿祖坦言籌備過程的保密工夫到家：「例如係我設計一個Trip畀『八婆』（陳俞希），『八婆』又設計一個Trip畀佢（蔡瀚億），但保密嘅工作係真係好保密㗎喎！」換言之，參與者事前對於整個行程一概不清楚，煮到嚟就食，保證充滿驚喜。
_
頭炮將會由Babyjohn為阿祖設計「神秘而慢活之Trip」，務求令他放鬆心情，認真感受慢節奏生活的美好。三人行首先出發飲早茶，梁祖堯指對上一次飲早茶已是三、四年前婆婆仍健在的時候，所以力讚BabyJohn以早茶作為行程的開始勁有心思。及後轉到賽車場輪流挑戰賽車飄移，因為大家都是頭一趟嘗試頭搖又尾擺飄移境界，所以引發出連串爆笑場面。之後BabyJohn繼續做領隊，帶領阿祖和Hailey到街市買餸，為晚上的「車中泊」體驗做好準備。
_
「車中泊」源自日文，與在歐美流行多年的車旅生活「Vanlife」理念相近，意思是在自行駕駛的車上住宿，煮食、娛樂、睡覺，統統在車內，到底兩位麻甩佬在車上會發生甚麼事？而阿祖在《請小心𨋢門》率先「劇透」：「我哋兩個（跟BabyJohn）將會史無前例咁同床……架車冇冷氣，然後夏天三九廿幾度，然後我仲未講個體驗嘅重點，重點係，嗰晚成晚都好熱啦，有汗啦，然後我瞓覺呢係有鼻鼾嘅，佢瞓覺係會放屁嘅，哈哈哈！」
_
節目預告：https://bit.ly/2WjKhDg
_
緊貼「游大東影視筆記」最新資訊：
▇ facebook專頁： 游大東【鴻鵠志－影視筆記】
▇ instagram： instagram.com/yautaitung
▇ MeWe專頁： mewe.com/p/yautaitung
▇ Telegram：https://t.me/yautaitung
▇ Medium：https://yautaitung.medium.com
_
（27092021）
_
#游大東影視筆記 #游大東 #空肚講宵夜 #宵夜燒到過埋夜 #梁祖堯 #陳俞希 #蔡瀚億 ViuTV 梁祖堯 Hailey Chan BabyJohn蔡瀚億 做乜膠睇電視 港人講電視 港女講劇 今晚睇咩好

每年嘅中秋節，都係家嫂廚房嘅生日！
做完庇護工場女工就總結下三歲生日嘅感想啦😂

今年家嫂廚房嘅目標，就係要開團整野俾大家食~搵咗新嘅共享廚房，地方大啲設備好啲，做嘢的確係爽手啲！超開心大家都鍾意食我嘅曲奇、芝士蛋糕、月餅、蘿蔔糕同埋糭，雖然開團比出食譜或者教班更加辛苦，但知道大部份嘅朋友仔都欣賞我嘅嘢，滿足感都係最多嘅😭❤️

好鐘意Turbo哥嘅金句: 每次開團會整唔同野，會遇到唔同嘅技術問題，但係一定會重複面對嘅，就係自己嘅缺點。

我真係一個超級冇記性、好唔細心嘅人，所以做admin嘢我係極差，要同大家講聲唔好意思，之前嘅團可能出現過入錯貨、漏單嘅情況，今次中秋團呢兩樣嘢都改善咗好多啦，要讚自己嘅 (雖然進步空間仲係好大好大) 希望我會經一事長一智，同埋要學仔細啲，唔使下下錯完先識改返啱啦😩

另外因為寄賣店始終唔係自己地方冇咁free，大家遲咗去攞貨真係要收返存放費㗎，我會再諗吓可以點樣改善，都希望大家早啲去拎嘢食，早拎早享受啊😚

第二就係發現自己嘅抗壓能力都幾低🙈
研究呢個生酮月餅嘅時候，遇到好多問題，
大豆渣版本嘅月餅要由零開始研發啦，個皮一開始好油好濕，起碼改咗10次先做到而家咁微脆乾身！ (要多謝 HM Gnap建議我可以點樣加快研究嘅速度! )
奶皇餡口味嘅配搭、用咩牌子嘅茶粉，又實驗咗一大輪。 (每粒月餅有多過10克茶粉㗎，試食譜嘅時候都用咗好多粉。。真係好揼本，多謝每一個試味嘅你❤️)
月餅印模，一開始嘅時候不停印爛，當我以為要用周街都係嘅兔仔模，超傷心嘅時候，turbo哥俾咗建議我，令我可以用返字模，但係追求完美嘅我，訂月餅模都訂咗三次先滿意😂
到finalise 咗食譜，試大量製作嘅時候，又再崩潰🤣流心好容易溶要不停開雪櫃拎啲流心出嚟包，包完印模可能印得唔靚，靚嗰啲拎去焗，焗又可能會焗爆咗或者啲字唔出，每整衰咗一個月餅都好心痛(有整過流心月餅嘅人就會明白🙃😂)

咁多問題同時出現，令到我個人超大壓力，覺都瞓唔到，勁想偷食carbs，加上次次整完失敗咗嘅月餅我都會自己食咗大半，所以呢幾個月肥咗勁多🥲🥲🥲

嚟緊呢幾個月我真係會好好休息吓，同努力改善自己嘅缺點，諗吓啲物流行政野點樣可以再smooth啲，咁個人應該就冇咁緊張㗎啦！！

年尾會有新project，會出我自己嘅低醣食譜書，希望可以幫到大家享受生酮🥰所以如無意外應該新年先會再開團，到時再整多啲又好味又健康嘅嘢俾大家食！
𝗕𝗲 𝘁𝗵𝗲 𝗯𝗲𝘀𝘁. 𝗡𝗼𝘁 𝗷𝘂𝘀𝘁 𝗮 𝘀𝘂𝗯𝘀𝘁𝗶𝘁𝘂𝘁𝗲.

#多謝睇哂全文嘅你❤️
#多謝支持家嫂嘅你❤️

月餅收了很多，又 Grand Hyatt 又 Ritz Carlton 的，每盒都是人家心意，每個都比月亮珍貴。

不過要講意思，必定是今年這盒明閣月餅。

明閣好巴閉？Ok 啦，中菜好食，月餅都好食。但這盒明閣特別有意思，跟明閣無關。

月餅是林溢欣老師送的，這個很有意思，

這位還有兩日便三十五歲的林老師早前宣佈，決定自立門戶，與另一上市公司聯手打造全新補習中心。

補習社取名「凝皓」，寓意凝聚光明。

上市公司的聯交所公告一出，很多傳媒不斷吹捧的，是上市公司支付林老師那個八位數字的「合作誠意金」，講到好似補習界 C 朗咁型。

但其實。

如果細心研究，你便會發現林老師一啲都唔型，而且非常蠢。

第一，基於很多原因，例如 covid、例如下降的出生率、例如學生多了的種種出路，客觀數據指向的事實便是補習市場逐漸縮少了。

個餅細咗先嚟自己搞生意，仲唔蠢？

第二，向來只是擔當老師一個角色的他，現在做老闆了，即是要同時孭起營運者的責任。唔好以為上市公司會幫佢做，公告講明林老師係 General Manager，好話唔好聽，而家爆水喉、冷氣唔夠凍、其他科目的學生人數都關佢事。

上完堂仲要無啦啦攬埋咁多瓣嘢上身，夠唔夠蠢？

第三，八位數的誠意金真的很多嗎？比起林生以前在遵理搵嗰個數，真係區區一年收入而已。難道你覺得他之後在自己的品牌下教學的每年收入會高過他在遵理嗎？Come on James，遵理有十一間分校，林生嘅新品牌得三間分校，普通加減數都計到，賺嘅錢何來可以多過以前？

簡單一句就係肯肯定做多咗嘢但係搵少咗錢，四個字，蠢中之蠢。

「其實我都蠢慣，」林老師在觀塘一家叫財記的茶餐廳對我說，「蠢多一次冇分別。」

高中畢業蠢了一次，決定了往後的路。

那時候考完 A Levels 的林溢欣，挾著三 A 兩 B 的成績，好多所謂神科都入到，什麼銀行什麼律師行本來就是咫尺之距，但佢偏偏揀咗中大中文系。「我知出路唔多，但係我真係鍾意中文。」

一讀便讀到碩士，出來第一份工就是遵理。你以為一出來便是天王？一開頭點會有學生，冇學生就冇分成，冇分成就冇收入，所以入行的時候，他教的是遵理日校。

朝頭早八點教到下午四點，然後五點至十點就教補習嗰邊，天天如是。不要忘記，補習要用筆記，即是拖著身軀回到家還不可以睡，要改卷、整筆記、出試卷。你以為星期日可以休息下？星期日是補習的黃金時間，夜晚十一點先落堂。

做人最難唔係努力。

即係咁，如果上帝預先話你知，嗱，只要你每日努力十五個鐘，面前呢十億現金，就係你㗎喇。你估你肯唔肯努力？肯定努力到前無古人，保證。

但如果上帝說，努力吧，十億是有機會的，但不能肯定，我諗十個有九個都會繼續瞓覺。

努力本身唔難，任何一個所謂理想，最難嘅地方，係你明知努力完之後有機會白做，但依然願意努力。

林老師在課堂裏跟學生說過：「我哋每個人都有一條想行嘅路，但行嗰條想行嘅路之前，必須先行一條要行嘅路。」

想走的路，都是任性的；要走的路，就是為自己儲夠任性的本錢。

正如林生在社交媒體說：「這個時代，做最喜歡的自己，叩問自己心中的想法，找到自身回應時代的答案，才算得上無憾。」

好似好型，但其實他這個「最喜歡的自己」，還是跟這個時代有點格格不入。

話說。

林老師跟上市公司簽約之後，公司立刻奉上一張港幣一千萬的支票，放了在中環一家律師樓。佢話唔急住入，但我說梗係早入早享受。他不能抽空到銀行，我說入票呢啲粗重功夫，我做慣，樂意代勞。

「你個戶口最尾嗰三個號碼咁得意嘅？」我問。

「有咩特別？我平時都係呢個戶口。」

去到中環的總行，把支票交給職員。隔了十秒，職員向我致歉：「唔好意思呀先生，呢個戶口入唔到呢張票。」

吓？呢個戶口有咩問題？

「呢個戶口冇問題，但呢個係簿仔戶口，簿仔戶口係入唔到一千萬嘅支票。」

原來今時今日，仲有人會打簿。

試圖用簿仔戶口入一張一千萬支票，這應該是在中環發生過最有型的蠢事。

#何浩文 （Dominic）從小對 #小型犬 沒興趣，但自從兩年前從女友手中接養了松鼠狗（Teddy）後，一養就愛上了，今年六歲的Teddy更被他封為「全宇宙最可愛的 #松鼠狗」，兩人一起生活了兩年，令他對小型犬改觀，「我相信牠自己都知道這稱號，因為我花了一年時間不停在牠耳邊洗腦，根本上每日都告訴牠，你好靚仔及你是全宇宙最可愛的松鼠狗，坦白講，我以前從來都不會喜歡細狗，其實牠原本是由我女朋友養的，但因為某些原因，兩年前就跟了我，以前覺得松鼠狗或芝娃娃這一類細狗很嘈很煩，相當討厭，完全不知道牠們在想什麼？但Teddy則相反，牠很乖，相處之後發覺牠是全宇宙我唯一可以接受得到的松鼠狗，因平時瞓覺我不喜歡身邊有東西郁動，但牠上為牀瞓完全無問題，即使有時候我因為工作，到早上才瞓，牠八點半食完早餐後再上牀，會躺在我心口或者用手摑醒我，我又沒問題喎，完全沒有想殺牠的意思。而且牠跟我是同月同日生日，我們可以一個生日兩份慶祝，慳錢，慳時間，這就是一種緣份。」
全文︰https://bit.ly/3hDTuOK

-----------------------------------------------------------------------------------------
立即訂閱《明周》電子版：
https://bit.ly/3t1Jmmx

明周娛樂 Web/ https://www.mpweekly.com/entertainment/
Instagram/ https://www.instagram.com/entertainment.mpw
Mewe / https://bit.ly/39s8vgS
明周文化 https://www.mpweekly.com/culture/
想食明周 https://www.facebook.com/foodiempw/
INNER https://www.facebook.com/innermpw/
https://www.instagram.com/in__ner

【小心非法集資】 最近睇到蘋果日報，有位XX主席集資六千萬，走佬?! 令我想起我的家訓。

https://hk.appledaily.com/breaking/20210115/42GY2HEWO5FSJGGXSZFN34KZYE/

【我的家訓....】This is shocking new. 我好尊重我爸爸，佢話做任何事，都必須要「合法、合理、合情」... 但「合法」行先。

「合法」 - 我見到坊間有好多疑似「集體投資計劃」，大家要小心。 根據香港【證券及期貨條例】，如果大致有三個元素:
（1) 牽涉「集資」
（2) 集資目的是「賺錢」
（3) 投資者並無日常控制權 （即使可以俾意見或諮詢)

有以上三個元素，就是集體投資計劃 （Collective Investment Scheme)， 必須向證監會申請牌照，否則犯法。 也正是這個原因， 我搞了幾年才可以「合法」集資。

因為我爸爸千叮囑，萬叮囑我，做任何事情一定要「合法」。賺幾多都好，都要合法。

好明顯，凱柏集團這個個案已經是非法。 賺錢，天下太平，個個開心，無問題。 萬一蝕本，有人向證監會投訴，好容易爆大鑊，又拉、又鎖! 投資者血本無歸。

「合理、合情」- 爸爸成日教我，做任何事情也要合理、合情。

合理，意思就是不要講得太誇張，太吹噓過於現實。 投資回報每年幾十%，太誇大的話，即使做到一兩次，但做任何生意都需要有「持續性」， 走太多捷徑，遲早爆煲。

因此我好proud 地同我的投資者講，我們目標回報只是每年10%。 好多人覺得好少， 大把其他投資項目聲稱更多，但我覺得「路遙知馬力」?。

(Note: 投資只適合香港證監會定義為「專業投資者」人士參與)

合情，就是什麼都要講些小人情。 「合約精神」以外，都可以做多啲，放人一條「生路」。 記住，我家人是做財務 ? 我是做業主，我也好多時「放一放」租客。

我好幸運在這家庭長大??。總之，如果你日後遇到有什麼投資項目， 預期回報能夠達至每年幾十%的話，要小心。 通常冇咁大隻蛤乸隨街跳! 多餘錢，輸咗冇所謂，why not! 瞓身家，就免了。李根興

｜漂流睡房—44歲清潔公司老闆月花$10,000車中泊 每周瞓車5日 嘆無敵海景配蛋治享受男人的浪漫
44歲的Jacky是清潔公司創辦人，本與家人同住，有自己的辦公室，家裏又有自己房間，可以說私人空間多的是，但他偏偏喜歡揸車周圍瞓，一星期車中泊五日，享受無拘束的自由。

車中泊一詞來自日本，意思即在車上住宿。訪問當日我在Jacky家附近等他，因為他平日放工後例牌會先回家洗澡吃飯，再駕車到寧靜的地方，進行車中泊，有時到達目的地時已經晚上九點，為的只是想靜靜過一晚。陪伴他的是藍白色車身的豐田Townace，他說因太喜歡一望無際的藍天白雲，所以把愛車髹成這顏色。我問他為甚麼會喜歡揸車？他用一句「八成男人都喜歡」來打發我，實際是他喜歡在路上無拘無束的感覺，因為他經常強調，「我不喜歡早上揸車、不喜歡鬧市、塞車，喜歡暢通無阻，一直去到終點。」

https://hk.appledaily.com/lifestyle/20201212/RZ3242RHCZFL5PM47ZPWLHZF6M/

影片:
【我是南丫島人】23歲仔獲cafe免費借位擺一人咖啡檔 $6,000租住350呎村屋：愛這裏互助關係 (果籽 Apple Daily) (https://youtu.be/XSugNPyaXFQ)
【香港蠔 足本版】流浮山白蠔收成要等三年半 天然生曬肥美金蠔日產僅50斤 即撈即食中環名人坊蜜餞金蠔 西貢六福酥炸生蠔 (果籽 Apple Daily) (https://youtu.be/Fw653R1aQ6s)
【這夜給惡人基一封信】大佬茅躉華日夜思念 回憶從8歲開始：兄弟有今生沒來世 (壹週刊 Next) (https://youtu.be/t06qjQbRIpY)
【太子餃子店】新移民唔怕蝕底自薦包餃子 粗重功夫一腳踢 老闆刮目相看邀開店：呢個女人唔係女人(飲食男女 Apple Daily) https://youtu.be/7CUTg7LXQ4M)
【娛樂人物】情願市民留家唔好出街聚餐 鄧一君兩麵舖執笠蝕200萬 (蘋果日報 Apple Daily) (https://youtu.be/e3agbTOdfoY)

果籽 ：http://as.appledaily.com
籽想旅行：http://travelseed.hk
健康蘋台： http://applehealth.com.hk
動物蘋台： http://applepetform.com

#車中泊 #豐田 #Townace #車上住宿 #改裝車
#果籽 #StayHome #WithMe #跟我一樣 #宅在家