八九月份敗家合集✨ . 1. Dual Flow 輪廻 / Mixture Tribal Ring 今年突然拎返隻戒指出嚟戴，都諗咗好耐想加多隻，響開投票時有人同我講小朋友才做選擇，最後決定買晒兩隻lol 介紹返呢個係來自日本杉山孝博個人品牌，比起西方嘅銀器明顯細緻好多，仲有獨特技法令銀器有種霧化嘅表層好有質感（不過一路戴會慢慢變返普通銀器嘅光滑感，所以一日未影相一日都唔戴住）而我比較鐘意佢早期偏日本傳統加民族風嘅風格，近年佢變咗侏羅紀公園fans，就好似今年個戒指座都變埋恐龍皮（上年係圈圈款好襯我嗰隻的） . 2. MALIN+GOETZ 日間／夜間嘅暗瘡精華 用咗一萬年嘅日本暗瘡膏終於用哂，而家又冇得飛去日本買，而香港donki亦冇日本暗瘡膏賣，最後朋友介紹呢隻紐約品牌，價錢都唔平但係用天然成份，分別買咗係日間同夜間暗瘡精華，前者啫喱狀後者則係粉液狀，後者係玻璃樽然後上面有層透明水隔住下面啲粉，搖勻咗隔日就會沉澱返感覺好Pro咁，至於效用就要用落先知 . 3. Stüssy & Birkenstock Boston Clog 響近十年前有期成日著Birkenstock然後著到腳臭就戒咗，一路都想買返對但平時又唔係成日著拖鞋，不過見到呢對即刻心心眼。記得發賣當日好癲咁較鬧鐘朝早出去買，去到都只係開咗舖十五分鐘左右，最注目嘅粉紅色已經冇哂大碼，其次嘅卡其色都冇哂我碼（到底有幾少貨喲）最後見係拖鞋就買咗大一個碼算，今次店員姐姐幾好人肯俾有著襪嘅試穿，當年同Nike聯乘隻拖鞋唔俾試，買咗兩對都係細得滯唔啱著。其實佢去到發售前一日都係冇公布到價錢，而我未太醒時碌卡返到屋企先知成千六蚊，當堂肉赤咗，而家唔捨得著囉（笑 . 4. Billingham Hadley Pro 一路就想買返個斜孭袋但搵極都唔啱心水，就連上年個wotancraft用咗一排嫌佢重就冇乜點用，到最近拎返個超殘嘅Billingham出嚟用。用用下發現其實都幾好，有間隔又夠輕，雖然真係用得幾殘下，但應該冇乜人估到個袋已經買咗十二年。英國製1973年老字號，同而家啲made in Dongguan差十條街，當然我冇用足十二年咁誇張，有唔少日子都係放過響櫃入面，不過咁耐都冇甩皮甩骨真係幾襟，最後決定買個新色好了。話說佢哋上年推出咗新版，最大分別係個肩帶接駁位變成扣狀同可拆式，不過我都係鐘意舊版縫製式而且輕啲，價錢仲平足一半咁滯，最後一個綠色都俾我買咗了 . 5. Ermenegildo Zegna Acetate Sunglasses 識人破天荒95%off超低價入手！不過最近拎咗去配有度數鏡片所以都算係新嘢，作為屋企唯一一副太陽眼鏡，因為收埋咗響角落近幾次去曬太陽都係冇戴到出去（笑 . 6. SAVEWO 3DMASK KURO Collection 城堡灰 好似好耐冇買過口罩，前排有朋友好有愛咁送咗疊綠色俾我用咗好耐，其實佢隻灰色同綠色都好靚，重點係佢有大size，之前試過用raze嘅立體口罩，size太細下巴成日甩同勾到耳仔好痛，而呢隻就冇問題，罩內空間仲好大冇咁侷促，對於我呢啲皮膚差用外科口罩會磨到成咀都係暗瘡，呢隻口罩簡直係福音，除返平均都係$6.3可接受，過百蚊免運費直接順豐上門係幾抵玩 . 7. Godox V1c / X2T / AK-R1 / Nissin LS-55C / Phottix Softbox Umbrella 呢一切都由支閃光燈壞咗開始。其實套架生由正職用到而家全部都五勞七傷，遲早都要換，支燈用返Godox，平過原版嗰支五六倍價錢，有埋造型光同藍芽接收唔洗自己再加嘢，完全感受到科技進步，而且燈頭位置有磁石可以上唔同嘅cover效果，一set有齊咁多個頭都抵玩。燈腳就買咗日本出嘅碳纖燈腳，超輕又伸到兩米高仲好穩陣，雖然係貴咗啲但真心正，香港得一間代理仲唔係成日入貨，買埋佢最後兩支堅幸運。反光遮最初買咗最新要加罩版本，但好重同埋加罩步驟好麻煩，最後搵返停產咗嘅一開即用版，但舖頭全線得最後一把，官網賣嘅係響個白面中間有個黑位好白痴，唯有搵人上強國買 . 8. Gitzo Légende (GK 1545T-RTI) 前排陪朋友買腳架先驚嘆原來而家啲腳架又短又高又輕，反觀自己嗰支又重又矮拎得好辛苦，就決定買支新，本身想買同款嘅，但係本身嗰枝都用差唔多十年，而佢支中價品牌特價都二千中，索性買支貴啲，記得細個都幾憧憬有如腳架界法拉利嘅gitzo，價錢亦遙不可及，今次就說服自己話呢支會用三十年（其實真係用到咁耐）加上意大利出產品質一定高，配色方面呢支係帶點復古味加埋條皮製背帶，當堂唔捨得用 . 9. Peak Design Slide Lite / Cuff 最後係胡亂揮霍嘅頸帶同手帶，其實玩咁多年相機，覺得唔掛任何野響部機度係最方便同最free，好多時右條帶分分鐘仲多意外。而購買原因係買咗兩把反光遮唔啱用想換款，但佢已經冇入我想要嗰款，雖然可以俾我換返其他嘢但要即場揀冇得後數，亦都冇想買嘅燈同袋，結果求其換兩條帶。佢個招牌卡卡扣係幾方便，但唔用帶就更方便lol 其實手帶出街時都可以用下，頸帶就要去旅行先大作用啲，但而家都冇得去旅行得物冇所用就是 . 📷 RP + EF 2470 F2.8L / EF 100 F2.8L #馬高敗家博物館

✨Blog更新✨ 今次blog跟大家示範新興嘅韓式攝影風格下營造出日系雜誌風格效果❤️ 首先韓式攝影追求的極簡風，但今次營造出日系雜誌攝影的可愛風，會改成粉紅色背景。📸 在韓式攝影中常常會使用逆光燈法來營造出夢幻感。利用反光板製造出眼神光，令眼神光更自然。👁 妝容方面，韓式攝影都會需求非常簡約嘅妝容和髮型，所以今次就要靠晒日本品牌RICH STANDARD 「MerMer」 系列有色隱形眼型眼鏡啦❤️🥰 Pearl Pink🍑: 像珍珠一樣閃閃發亮的感覺及令人愛不釋手的蜜桃粉，襯返晒女仔嘅衣着 Soda Blue🏖: 透明的水藍色，帶上後眼睛變得有神而水汪汪的感覺 Amber🍊: 甜橙和蜜餞般的橘子色做出自然混血兒眼睛，混血妝容以及一般日韓妝都適合 Sea Green:🌿：乾淨的橄欖綠色令瞳孔擁有的光環一樣 Slate Gray👯‍♀️: 乾淨的灰色鏡片像真的混血兒眼睛，適合所有混血妝容 詳細Blog介紹： https://pse.is/3exj7b ❤️最後梗係帶優惠俾大家：❤️ 由即日起至 2021年12月31日，於 HKCONS (hkcontactlens.com) 結賬前輸入隱形眼鏡 優惠碼 Coupon Code【moni21】 即可享全單 $10 折扣，亦不設最低消費。購物滿 $450 即可享有免費送貨。 條款及細則︰ ※每位會員只限使用此優惠一次。 ※購物滿 $450 免費送貨只適用於「順豐門市/智能櫃自提」及「工商地址送貨」。 ※優惠碼有效期至 2021年12月31日，及只能用於 HKCONS 網頁版(hkcontactlens.com)之訂單。 ※會員需於HKCONS 網頁版自行輸入優惠碼購物方可享有優惠，訂單一經確認後將不能更改或新增任何優惠代碼。 ※此優惠不能與其他優惠碼同時使用。 ※如顧客退貨，有關優惠將不會再次提供。 ※如有任何爭議，HKCONS 將會保留最終決定權。 MerMer by RICH STANDARD https://bit.ly/3uclRHT HK Contact Lens 香港網上隱形眼鏡 (HKCONS) https://www.hkcontactlens.com/ @hkcontactlens2008