雖然這篇眼耳口鼻日文鄉民發文沒有被收入到精華區:在眼耳口鼻日文這個話題中,我們另外找到其它相關的精選爆讚文章
在 眼耳口鼻日文產品中有5篇Facebook貼文,粉絲數超過1萬的網紅黃偉民粉絲交流俱樂部,也在其Facebook貼文中提到, 20200428 黃偉民易經講堂 李嘉誠又被土共擺上檯! 禍港雙雄———董建華、梁振英,又有新搞作,搞一個什麼「香港再出發」大聯盟,網站上列出三名發起人: 譚惠珠、李嘉誠、李慧琼。 稍有社會經驗的人,都會覺得,這三個名字排寫一起,有怪怪的感覺! 因為不對等! 網站出了一天便因技術故障停開了...
眼耳口鼻日文 在 Pok媽后生活??? Instagram 的最讚貼文
2020-04-28 11:19:05
🐣小學雞便當🐥🍱 再一次證明我time management係差嘅! 臨時決定搓飯團,差啲趕唔切送飯時間! 可以嘅話,眼耳口鼻最好早啲整 另一個重點: 個肉餅加咗大量洋蔥碎,醃料加蛋汁同牛奶,真係好淋好滑,呢招係睇日文食譜再加google translate學番嚟!感恩有google transl...
眼耳口鼻日文 在 黃偉民粉絲交流俱樂部 Facebook 的最佳解答
20200428 黃偉民易經講堂
李嘉誠又被土共擺上檯!
禍港雙雄———董建華、梁振英,又有新搞作,搞一個什麼「香港再出發」大聯盟,網站上列出三名發起人:
譚惠珠、李嘉誠、李慧琼。
稍有社會經驗的人,都會覺得,這三個名字排寫一起,有怪怪的感覺!
因為不對等!
網站出了一天便因技術故障停開了,因為,這是騙局,屈了李嘉誠,九十一歲的老人家,不是那些甩皮甩骨的建制派,隨便給你拿來招搖撞騙的。
幾個月前,反送中逆權運動最高峰時,北京要求香港的財閥們登報支持特區政府,李嘉誠的全版聲明是:
黃台之瓜,何堪再摘!
他不像其他富豪,講些連他們自己都不知說什麼的廢話。
他同情香港的年輕人,稱他們為社會未來的主人翁,引來工聯會吳秋北的譏諷,說他是「曱甴王」。
李嘉誠是香港的一個傳奇富豪。
九七前後,中共主政的是海派的江澤民。他愛財如命,所以,提出「悶聲發大財」政策,不跟從他的前兩任總書記,胡耀邦和趙紫陽,作冒險的政治改革。
他將大陸經濟改革的成果,由中共的政治山頭瓜分了,將貪污合法化和制度化。
這樣的人低級,但尊重香港的經濟奇蹟和遊戲規則。九七初期,北京也盡量克制,不破壞香港的運作模式。
破壞的,是董建華!
江澤民欣賞李嘉誠白手興家的致富傳奇,他將李嘉誠放在其他富豪之上,做得很著跡。
江澤民來香港主持回歸慶典,要住李嘉誠在紅磡的海逸酒店,寧願出發時封鎖了整個維港,讓他的專船由紅磡去灣仔。
這麼不方便,也只讓李嘉誠有酒店東主的身分,和他共晉早餐。
國家主席的身分不會和香港個別富豪見面和用膳。
董建華這類性格的人,鑒貌辨色,知道上意,所以,九七後的政策,基本上向李嘉誠傾斜。連同各級公務員,對長和系有關的一切,都懂得落手鬆些。
這是李嘉誠的李氏力場威力最大,也是最討香港人厭的時代。
當時討厭李嘉誠的,除了我們普通蟻民,還有其他超級富豪。
西九一役,港府原意是私下就送給了李嘉誠。
主持計劃的財政司司長曾蔭權說,不公開投標,不分散工程。
其他財閥呱呱大叫,四叔李兆基說,「得西九,得天下」,說只要公開投標,恆地蝕本都要做!
何鴻燊悲鳴:
人地肥到襪都著唔到,還需要送錢給他?留番口飯俾我地大家食!
這是李嘉誠呼風喚雨的歲月。
胡溫十年,刻意和他保持距離,但不敢開罪,因為垂廉聽政,掌握大權的仍是江澤民。
到紅衛兵出身的習近平上台,李氏神話沒有了,他看不起資本家。
習崇拜老毛,愛權術,擅鬥爭,知道敵人,都在身邊,在內不在外。
他不愛財,爭天下的人都不愛財。他知道,在獨裁政治下,政策要誰富就富,要他一貧如洗也易如反掌。
曾經是大陸首富的萬達王健林,不聽習話,消聲匿跡一年,最近消息說,他負債四千億。
習近平怎可能看得起有錢人!
所以,李嘉誠撤資,離開大陸,他知道自己,已沒有特權。
沒有特權的好處,也就不需要隨著北京的笛子起舞,況且很多不是北京的意旨,只是一些政治騙子,拿北京的招牌,在招搖撞騙。
董建華、梁振英掛著全國政協副主席的牌頭,但只是虛銜,根本無事可司,也埋不到習班子的邊圍。終日經營,拿一點安全感。
董建華在任內被逼落台,梁振英擺明自己人但不獲連任。你說他們上達天聽,連大陸水貨客都騙不到。
武漢病毒傷害了全球,國際追討損失的格局已成型,中共以天下為敵,全世界都是敵人。這個時候,中共內部便十分緊張。
習近平的對手,蠢蠢欲動。
習近平知道危機在黨內,不在國際。國際局勢只是對手逼宮的借口。
處境就像一百二十年前的慈禧。
光緒不可信,滿朝大臣不可信,只有倚靠愚蠢但熱血,聽指揮的義和團。
大陸人都懂政治投機,都是賭徒性格。
港澳辦、中聯辦,借香港局勢發難,自發聲明釋法,跳過人大常委的權力,嚇怕香港的投資者不重要,主要表白,他們不屬於李克強的國務院範圍,他們直屬中央,代表中央,即是習近平,監察香港。
他們自封有尚方寶劍,有本地的文攻武衛,文是全港除蘋果外的傳媒,武是三萬警察。
簡單地說,他們是習家軍,和其他中共官僚是不同的。
香港兩大政治閒人也察覺到局勢的緊張,想主動做點事,敲鑼打鼓,看是否埋到習家軍那條隊尾。
董建華生於1937年7月7日,那日是中國近代史的大日子,七七盧溝橋事變,日本正式侵略我國,國府遷都重慶。
他一出生,就帶來民族災難!
他是船王董浩雲的長子,紈絝子弟,一生在家族事業蔭庇之下,不曾任事。
第一次出任公職是1997年7月1日,出任香港特區政府首任特首。那天,亦標誌著香港沉淪開始。
他是魔鬼之子,帶來災難浩劫。他看他任特首時的所有政策,便可引證。
他的最後一役,是將何志平送到紐約監獄。高價四百億賣掉家族事業給北京,收取政治酬庸,做個富貴閒人。
梁振英是香港地下土共,有著共產黨人的特性,好鬥樹敵,破壞能力強而毫無建設意識。
戀棧權力,而竟不獲連任。看看董建華連任,曾蔭權連任,林鄭也看將連任。但他,嘴巴說什麼忠心北京,但北京也用行動說明此人不可信。
他是一個講大話唔眨眼,令上司不舒服的壞人。
離開特首辦,北京沒有任何工作給他。他每天數完毛就數蘋果日報的廣告,然後撩是鬥非。
瘟疫叫停世界,國際局勢會重新洗牌,這兩個政治閒人想做點動作表忠,但他們能號召到些什麼人呢?
他們叫得動的建制港共,都是些甩皮甩骨,眼耳口鼻都唔齊的公眾小丑。這時想搏懵,先斬後奏用上李嘉誠的相片,如果沒有反應就騙下去,李氏抗議就推說工作人員手民之誤。這就是大陸騙子賣假口罩要印日文一樣的手法。
有沒有其他財閥幫手抬橋?
三權分立完全破壞,警暴變本加厲,法庭判決用政治考量,法官判辭竟然讚美持刀斬傷途人的兇徒「情操高尚」;蒙面警察隨時進入太古城商場搗亂。
如此種種,最不安的,就是有錢人。他們的子孫,都在這個城市生活。
香港商界的有錢人,對局勢靜如深海,並不表示他們支持警察城市,法官偏頗;他們不出聲,純因為他們選擇多,怕餂底,想賺盡最後一塊錢,才決定去留。
愈有錢,愈需要有一支可信的警隊和公平的法庭。
千年以來,中國人都希望有清廉公正的法庭,凡間有包青天,天上有觀世音菩薩。包公鐵面無私,觀音關注世間苦難的聲音。
但孔子是入世的,他不相信世間有絕對公正的法官。
《論語.顏淵第十三章》:
子曰:聽訟,吾猶人也,必也使無訟乎!
很多人尊敬孔子,認為他公正,如果由他來判案,就最可靠了。但孔子說,他也是人,也有他的出身和經歷,也有他的價值取向,政治立場。所以,很難客觀作出公正的判斷。
無論誰,都會先入為主。
所以,儒家的追求,不是期望有一位絕對客觀公正的法官,只要是人,便有立場。儒家追求的,是在官司前,作道德教化,使民無訟。也是孔子一直的主張,齊之以刑,民免而無恥。
香港的局勢在壞下去,香港人憤怒,但沒有退縮。但行使權力的人呢?其實,他們在怕,你看,駱惠寧見香港記者時腳震。這位中共地方大員,見慣風浪,退休後來港,對著記者,怕什麼?
聶德權死過翻生,在立法會見記者,用左手緊握右手,全程都不停震抖。他做政務官三十一年,見慣大場面,林鄭愛將,他在怕什麼?
在人類基因最原始的記憶,阿賴耶識中,有因果報應這一個訊息的。嘴巴再硬,再喪盡天良,你的潛意識會表露出來。
《孟子.梁惠王章句下第十二章》:
鄒與魯鬨。
穆公問曰:
吾司死者三十三人,而民莫之死也。誅之,則不可勝誅;不誅,則疾視其長上之死而不救。如之何則可也?
孟子對曰:
凶年饑歲,君之民,老弱轉乎溝壑,壯者散而之四方者幾千人矣;而君之倉廩實,府庫充,有司莫以告。是上慢而殘下也。
曾子曰:戒之,戒之!
出乎爾者,反乎爾者也。
夫民今而後得反之也,君無尤焉!君行仁政,斯民親其上,死其長矣。
這是孟子家鄉的事。孟子是鄒人,鄒國和魯國發生了衝突。
鄒穆公問孟子:這一次衝突,我的官員犧牲了三十三人,老百姓卻沒有一個為他們效死的。
殺了這些人吧,又殺不了那麼多;但不殺嘛,但他們睇住政府的官員去死都不幫忙,實在可恨。你說,該怎麼辦好呢?
孟子答:
在艱難歲月,你管治的人民,無飯食,老的,死在路旁;年輕力壯的,離鄉背井,向外逃生。
這些人都有幾千人了吧,佔你總人口很大的比例。
問題是,你政府糧食多,儲備夠,本來有足夠的能力幫助這些老百姓的。但你們政府的官員,根本就無人關心百姓的死活,這樣傲慢的尸位素餐,殘害了多少老百姓的身家性命?
曾子曾參說過:
提高警惕,提高警惕!
怎樣出去,就怎樣返來;如何待人,人也將如何待你。
平時老百姓吃盡官員之苦,現在他們看著官員受難,就不會出來幫忙救援了。這是政府官僚的報應,你穆公還有什麼好責怪埋怨的?
如果從今以後,實行仁政,愛護老百姓,老百姓當然就愛護政府,愛護官員;當政府有難,官員有難,他們亦自然的保護幫忙了。
這就是中國歷史上,政治哲學的最高原則。
曾子的「出乎爾者,反乎爾者也。」,和《易經.文言傳》的「積善之家,必有餘慶;積不善之家,必有餘殃」一樣,和後來兩晉時期,佛教傳入,帶來因果的觀念一樣,說的都是因果報應的觀念。
中外歷史,都走不掉這個因果規律。
中國歷史,每一朝都是如此。如何來的江山,就是如何失去。怎樣取得的政權,最後也怎樣的交還出去。
趙匡胤叛變,說是黃袍加身,其實是欺負後周柴榮的孤兒寡婦。到元滅宋,也因為趙家剩下了孤兒寡婦。
滿清孤兒寡婦,帶四萬人入關,統治了四萬萬人的漢族,最後,也是慈禧帶著光緒出關。
朱元璋和尚稱帝,明末崇禎上吊後,女兒出家,朱家要還這段佛門因緣。
出乎爾者,反乎爾者也!
https://youtu.be/6kAw94gwP_A
眼耳口鼻日文 在 Pok家生活軼事 Facebook 的最佳解答
🐣小學雞便當🐥🍱
再一次證明我time management係差嘅!
臨時決定搓飯團,差啲趕唔切送飯時間!
可以嘅話,眼耳口鼻最好早啲整
另一個重點:
個肉餅加咗大量洋蔥碎,醃料加蛋汁同牛奶,真係好淋好滑,呢招係睇日文食譜再加google translate學番嚟!感恩有google translate!
📝是日menu📝
煎肉餅、日式煎蛋卷、烚菜、飯團
#小學生便當 #lunchboxhk #bentohk
眼耳口鼻日文 在 奧仕卡 Facebook 的最佳貼文
最後一集代節目嘅回顧~
關於完全無用嘅超能力,同埋由鍾雪飾演嘅唔同類型嘅植物。
【#不道德劇場 】
【農曆新年special 之 超能力大抽奬】
四寶係一個患有中二病嘅女仔,今年20歲,長頭髮、眼細細、皮膚唔差、小小肥、唔係好識着衫,簡單來講就係見面第十次先會認得個樣、記得個名嗰種人。其實與其話佢有中二病,不如話佢有啲係自卑感作祟,佢覺得自己靚又唔係靚、叻又唔係叻、至於性格,可以算係善良嘅,但係呢個世界善良嘅人何其多,如果天生冇樣睇身材又唔夠好,最重要嘅都係才能,四寶佢都深深明白內在美嘅重要性,可惜連自己都未望得清楚自己嘅內在美,於是四寶個人開始多多幻想,幻想自己其實比實際嘅自己多出好多特別嘅地方,直頭好似動漫人物咁特別。
例如行街嘅時候,四寶會以魔女嘅姿態向嗰啲對佢嘅態度友善嘅人細細聲進行祝福、對冇禮貌嘅人佢會喺心入面唸咒語咀咒,手指會輕輕喺空氣間畫過魔法陣象徵儀式嘅執行;
又例如佢間唔中又會覺得自己係毫無感情嘅騎士團,人哋同佢講嘢佢唔會應,心入邊佢只會盤算之後落嚟應該點樣執行特別機關俾佢嘅任務⋯⋯
而當然,呢一切嘅儀式或者任務,都只係暗地裏執行,根本就無人知道、冇人望到任何蛛絲馬跡;喺陌生人嘅眼中,佢只係一個係街上面無啦啦比手畫腳、或者木無表情嘅奇怪女仔。但係四寶真係好鍾意佢自己賦予比自己啲性格:愛恨分明嘅魔女、冷酷無情嘅騎士、勇於犧牲自己嘅外星公主、憂國憂民嘅占卜師⋯⋯佢好想自己前面都有一個形容詞,而呢個形容詞可以唔係「普通」呢兩個字。
一直過住普通嘅人生,今個月係佢第二十個農曆新年,幾日之前係佢人生第20次拜年。
以往拜年嘅時候有一樣野好特別嘅,就係佢冇乜經歷過人哋講嘅煩厭親戚問題時間。升唔升到大學啊、拍拖未啊、有冇做兼職啊、成績好唔好啊⋯⋯ 冇喎,真係冇人問佢喎,但係唔代表佢啲親戚唔煩唔乞人憎,其實只係因為佢有幾個好搶風頭嘅表姐表妹。有一個抑鬱型嘅性格巨星、有一個係瘋狂換畫嘅靚妹妹、有一個係年年考第一嘅高材生、仲有個排球港隊代表,啲親戚好似DJ做訪問咁,要搵話題、要問問題,排到拜完年直上玩啤牌環節都未有興趣問佢,所以每年拜完年佢都可以安全渡過。四寶雖然有啲驚呢班麻煩又八卦嘅親戚,但係其實心裏面都有少少想佢哋可以問下佢少少問題,一條半條都好呀,至少自己唔係透明人。
今年嘅拜年環節,佢都以為自己會同往常一樣,一個人跟住係一班人後面,用幻想力俾啲樂趣自己算數,點知就發生咗一件好奇怪嘅事。四寶跟住爸爸媽媽去到其中一個親戚嘅屋企門口,一打開門正正準備求其講句恭喜發財,突然之間響起咗好似嘉年華會定係馬戲團咁嘅背景音樂,然後身邊所有人唔見晒。
呢個姑婆嘅屋企佢都嚟過20次,大致上嘅格局佢都認得,老人家屋企都係傳傳統統簡簡單單啦,但係佢一望上天花板,竟然見到成天都係七彩顏色好似嘉年華會咁嘅旗海,仲有聖誕樹燈飾閃下閃下,掛到一屋都係,所有嘢同屋入面嘅中式設計完全唔搭調。
咩事呀,人有唔見晒,間屋突然之間咁繽紛,唔係真係我幻想得太多搞到自己有妄想症掛!就係佢質疑緊自己雙眼嘅時候,姑婆嘅房門打開咗,一個男人走咗出嚟。男人帶着一頂高帽,留住八字鬚,着着紳士服,就好似一場表演嘅司儀一樣。四寶佢黑暗嚇到唔敢入屋,想衝出去即刻㩒閘離開,又發現自己驚到郁唔到。
「妳好呀四寶!我係今日嘅抽獎儀式嘅大會司儀!歡迎你參加今日嘅超能力幸運大抽獎!」
個紳士對住四寶咁樣講,明明間屋唔係好大,兩個人嘅距離唔係好遠,但係四寶硬係睇唔清楚個紳士個樣。講完呢句說話之後,紳士隔離突然之間出現咗一個特大嘅圓形全盒,直徑有半道門咁長,係憑空出現嗰隻,裏面裝左好多好大好大粒嘅糖果。
「呢個全盒就係四寶你嘅抽獎箱!快啲過嚟抽返個好意頭啦,每粒糖都代表住一種超能力,有拆穿謊言嘅超能力、有閱讀回憶嘅超能力、飄浮、隔空取物、控制火、控制水嘅能力全部都有,知道你等咗好耐啦,我係嚟實現你嘅願望㗎!」
紳士講完呢句說話,四寶嘅中二病發作啦。中二病嘅副作用係佢比起我哋以往三集嘅主人公都冷靜、都容易回復理智。佢知道,呢一個紳士,就好似每一隻手機遊戲裏面嘅引導者一樣,佢真係負責為自己安排超能力嘅人。雖然佢明知佢一路睇嘅係動畫、一路玩嘅係遊戲,但係佢心入面梗係都有一角,會相信啲情節有朝一日會發生係佢身上,佢亦都冇辜負自己嘅信心,今日呢個紳士就出現咗。於是佢真係決定行埋去,抽一粒糖。
超能力,我即將會有超能力!係啲誇誇張張嘅表姐表妹恨一世都恨唔到嘅嘢!佢見到唔合情理嘅室內環境、見到突然消失嘅屋企人、見到憑空出現嘅全盒,佢有100%嘅信心。佢望住嗰啲糖,憑着魔女嘅直覺,拎咗一粒紅色嘅出嚟。
「拆開佢,之後食咗粒糖佢,然後望吓張糖紙吖。」
四寶跟住紳士嘅吩咐照做,你將粒糖擺落口。普普通通嘅軟糖,味道冇乜特別,但係吞落去嘅時候,佢確實覺得身體好似有啲改變。佢有一刻覺得天旋地轉,眼耳口鼻有種完全開通晒嘅感覺。慢慢,就有啲奇怪嘅文字啊喺張糖紙上面浮現出嚟。又唔似英文、又唔似中文、又唔似日文。四寶唔知係乜嘢字嚟,就將張粉紅色嘅糖紙遞咗比紳士。
「恭喜晒你呀!你得到嘅係~~~!!!」
四寶好緊張好緊張,究竟係攻擊系、定係防守系嘅超能力呢!抑或係一啲可以更加特殊、更加有型嘅能力呢!
「你得到嘅係~聽到植物嘅心聲嘅能力吖!恭喜!」
恭喜完四寶之後,四寶都未反應得切,個紳士就好似一陣風咁消失左。一眨眼,就有好嘈雜嘅聲音喺佢耳邊響起,最近嘅係一把都算熟悉嘅聲音。
「喂!四寶!你做乜喺度發吽豆吖!利是吖!」
係姑婆企左喺佢面前。間又殘又舊嘅屋又變返同以前一樣,20年來都好似冇乜變過嗰個樣。阿爸阿媽班表姐表妹表哥表弟阿叔阿嬸,根本全部都一直喺間屋入面。傳入個鼻入面嘅係蘿蔔糕同年糕嘅香味。
多謝姑婆祝你身體健康新年快樂⋯⋯
四寶回一回神,無意識咁講咗兩句祝賀嘅說話。佢慢慢、慢慢行埋去枱面望一望個全盒。係一堆好普通嘅瓜子同好普通嘅糖,佢搣開食咗一粒,糖紙都冇任何變化。唔通頭先真係佢自己中二病嚴重咁病發?
就喺佢咁諗嘅時候,佢聽到兩把好陌生嘅聲音。
「好煩呀,啲人好嘈呀。」
「啲嘢食味都好臭囉,蓋過晒我本身啲香味!」
四寶驚驚青青又一頭霧水咁想搵出聲音嘅源頭,但係唔使幾耐佢就發現,聲音係嚟自枱面,枱面有個全盒,傳給隔離有棵水仙花。聲音係兩棵水仙花嘅對話。動物傳心術其實聽過,今鋪居然係植物傳心術,仲要係完全聽到對話嘅內容,已經唔係傳心啦,直頭係植物竊聴術呀!
四寶驚到差啲將頭先食過嘅蘿蔔糕同年糕一次過全部嘔晒出嚟。佢真係有超能力呀!佢終於成為一個特別嘅人啦!佢驚左幾秒,之後立即開心左幾秒,然之後就開始失望。頭先嗰個紳士講咗咁多種超能力,佢得到嘅居然係呢種完全冇用嘅超能力!都四寶來講呢種能力簡直係毫冇意義,但去到呢個階段四寶都覺得唔緊要,因為佢只係想得到同其他人唔同嘅才能,佢只係想成為比較特別嘅一個人,而靠着呢啲花花草草佢做得到啦。佢本身諗住把心一橫,開開心心面對呢個全新嘅超能力,是但啦廢啲就廢啲囉,點知佢帶住興奮嘅心情落到街,先知道大禍臨頭。
「唉呀人類真係好唔環保呀,我真係好痛苦呀,點解人類永遠都唔識得珍惜我哋?你哋睇吓年初一年初二年初三都仲係熱辣辣就知道呢啲叫做溫室效應啦!」
「咪係囉佢哋唔熱我哋都熱啦,唔該快啲學識環保令到我哋可以重生啦!」
「新年真係好熱鬧呀其實我都幾鍾意人類嘅新年吖!喺條街度見到咁多人都幾得意!」
「哈哈,如果你想見得多人呀,我奉勸你試吓俾人帶去花市啦,嗰個地方真係好多人㗎,啲人仲會爭住買我哋,植物都好少何咁搶手㗎。」
四寶一落到街,佢覺得呢個世界簡直仲嘈過花市十倍。雖然都仲分辨到邊啲說話係人講邊啲說話係植物講,但係真係好煩擾,就好似有幾千個人一齊係你耳邊不停咁吱吱噚噚咁,佢冇諗過聽到植物講嘢嘅能力,居然係冇辦法控制嘅。佢可以恰埋自己隻眼,但係點樣可以恰埋自己隻耳呢?係冇可能㗎!佢個人嘅狀態立即變得好混亂,於是佢同佢媽媽講有啲唔舒服,自己一個人搭的士衝咗返屋企。
大年初一幾經辛苦終於俾截接到㗎的士,亦都終於俾佢享受到片刻寧靜。好彩,佢都咁樣呢一程車司機冇講嘢,冇同佢分析政治情況、冇同你講今日遇到啲咩客人。佢帶住又驚又嬲嘅心情返到屋企,諗住即刻跑入房返上床瞓覺,一瞓醒呢一場夢就會醒,一切聲音都會消失。
而佢唔記得咗嘅係,佢媽媽今年都買咗兩盆桔返屋企。佢經過客廳嗰陣,就聽到呢兩盆桔嘅對話。
「你睇下,嗰個不孝女返咗嚟啦。」
「係喎,新年流流都唔陪阿媽,自己阿媽呢幾日都唔舒服㗎啦,佢都完全冇關心過!」
「可能係佢唔知道呢,一日到黑匿埋喺房度打機睇動畫,佢阿媽感冒發燒病到死下死下仲出去拜年佢都無動於衷。」
「喂喂喂咁古怪嘅,佢眼甘甘望住我哋嘅!」
「車,佢成日都古古怪怪咁㗎啦,唔通佢聽到我哋講嘢咩,睇佢個樣又喺度諗啲古靈精怪野啦!」
四寶佢呆咗咁望住兩盆桔,回想起呢一個月,佢真係好似完全冇同阿媽講嗰啲乜。佢又回想起今日阿媽個樣,又真係好似冇平時咁精神,有啲面青口唇白咁。於是佢冇瞓到覺,入咗廚房,焗左一劑感冒茶。
一兩個鐘頭之後,四寶阿媽打開門返咗屋企。
點呀,仲有冇唔舒服呀。佢媽媽好關心嘅問咗佢一句。四寶話自己冇乜事啦,佢阿媽微微一笑,見到枱面劑感冒茶,就叫佢快啲飲完快啲入房瞓覺。
「呢劑茶唔係我飲㗎⋯ 俾你飲㗎。」
四寶同佢媽媽咁樣講。媽媽佢呆左一呆,之後居然眼泛淚光。佢輕輕摸左一下四寶個頭,然之後飲咗個劑茶,講咗一句咁嘅說話:「咁都俾你知道我病添!」之後就入咗房休息。
四寶好想話比媽媽知,其實佢真係唔知道。其實係兩盆桔話俾佢知,但係佢唔夠膽講。同時間係個心入面,浮現左一個想法。原來,聽到植物講嘢,都唔係完全冇用嘅能力。佢繼續坐咗係餐枱,一路喺度思考呢一個能力。
明明開頭覺得係絕對冇用嘅能力,居然可以令到媽媽眼泛淚光。上一次見到媽媽咁感動嘅表情,已經係好多年前佢小學畢業嘅時候。佢都知道,自從踏入左青春期,佢好似冇做過啲乜令到媽媽開心過,而當然呢種反叛同冷酷,都係中二病嘅特質。而既然呢種能力唔係冇用,四寶終於體會到一樣嘢。佢本身嘅能力,都唔係冇用。
佢突然之間覺得自己唔係一個冇才能嘅人,而係佢冇善用過自己嘅才能,什至冇善用過自己嘅基本能力。例如佢媽媽病咗,佢都未至於冇用到連觀察力都冇,咁有乜可能要靠兩盆桔話俾自己知?至於中二病⋯⋯ 自己一早都已經唔係中二學生,其實佢有嘅,咪就係比一般人更加豐富嘅想像力囉!點解佢從來都冇好好善用過?每一種能力,同其他人一樣嘅、比其他人好嘅,根本一早就已經喺佢入面。呢個時候,佢突然之間好想衝入房,好好攬住佢呢個做作家嘅媽媽。佢嘅創作力量同幻想,一定係由媽媽遺傳俾佢㗎。就係佢諗住打開媽媽房門嘅時候,佢又聽到兩盆桔出聲。
「喂喂喂、你睇吓佢啊,明知自己媽媽病咗都諗住去打攪人。」
「係啦,咁大個人都唔識諗嘅,真係冇鬼用!」
四寶覺得真係好嘈好嘈,但係都係果句啦,佢冇辦法may埋自己隻耳。睇嚟係佢正式發掘自己,善用自己嘅才能之前,佢都要好好諗下解決呢個多餘嘅才能啦。