【@marketfocus.hk 】【龔成專欄】青年月入4萬炒牛熊輸身家求救 翻身建議：先剪卡戒借貸 再月供儲股票 . 【引言】有27歲小股民月入近4萬，因沉迷炒牛熊致賠掉積蓄兼欠下高息卡數，悔恨之餘去信給投資書籍作者兼股評人龔成求救。龔成強調投資非賭博，故呼籲來信小股民要戒炒牛熊及看10本有關股神巴菲特的書，並剪掉所有信用卡勿再借錢，然後才可重新投資。龔成建議由月供股票開始，以儲股模式投資及長期持股。 . 【理財個案--賭博投資輸身家求救！】 . 龔sir，講少少自己背景，我27歲單身同屋企人住，搵40k。以前我要還grant loan，同埋大駛，月光族，19年我的起心肝儲錢，當時我大約儲左15萬，同年我初初接觸股票，主要買正股，藍籌，加少少潛力股，印象中升到18萬。 . 我個人比較急進，加上我身邊有朋友買牛熊，如是者，我又開始跟人玩，前排個市好chok，一開波，兩日內已賺到唔少，以為好易贏錢， 心雄，結果學人玩過夜，結果買錯邊。一開市輸剩得番幾萬，我唔止蝕，想快啲追番，結果去買左啲$0.01，幾接近回收價嘅牛熊，結果我輸晒所有錢。之後我休息左幾日，見個市跌左好多，應該會反彈，因為未到出糧，我忍唔住係信用卡透支左5萬現金出嚟再買，結果果日個市再插，我又輸晒，仲欠下銀行錢。過去2個月，我冇再借錢，因為自覺咁樣落去一定死緊，但為左快啲還晒啲卡數，我一出糧，就搵機會再買牛熊，雖然無輸晒，但係都輸左20-30%，結果拖慢左還款進度。 . 我好迷惘，覺得自己好失敗，身邊有朋友好保守，佢地都勉強買到500幾萬細細地嘅樓，而自己雖然事業好順利，有專業資格，嚟緊月薪仲會升到40k，但理財方面就差到極。我好想改變現況，唔想戶口永遠咁少錢，加上我自己都唔細，唔想再咁落去，請問我而家應該點做？ . 我打算先唔接觸任何投資先，盡快還清卡數，大約兩個月我會還晒，之後我打算cut咗個証劵行戶口，遲啲用番銀行買正股算，因為証劵行個app實在太方便，太多資訊睇到，又好多槓桿產品可以玩，自問自己自制能力比較差，一睇又好想玩。之後我想取消左個串流報價佢，一來慳返幾舊水，二來有串流，成日咁貼市，又會手痕，還原基本步，價值投資，根本唔使串流報價。最後，我想cut埋啲creditcard，留番一張方便自動轉帳算數。龔sir，你有咩建議畀到我？我還晒卡數後，之後每月大約儲到28k，應該點運用（來投資）好？ . 我希望老師可以救救我，謝謝！ . 個案重點： ‧27歲 ‧賭博心態投資 ‧利用信用卡投資 重點目標： ‧想改變投資模式 ‧怎樣長遠累積財富 龔成老師： 唔少投資者，都會經歷短炒、玩衍生工具、賭博等心態，我20年前都試過，衍生工具、孖展等，我都有玩，當時當投資是賭博，想盡快賺錢，心急，心雄。我明白，呢個世界有些人能憑這些方法賺錢，但只是極少數，我過往做銀行同證券行，好明這點，而長期能賺錢的，大多是長線持有優質股的一群。其實，好多年輕人都有你這類心態，就算是上過我股票班的學生，我都知總會有同學忍唔住做短炒，但好多野要自己試過，先會死心，我講，你地唔會聽的。 . 你暫時停一停，唔好再投資先，呢段時間，你要睇10本有關巴菲特的書，明白點樣先最賺錢，之後先從新開始投資。同埋，剪去所有的信用卡，之後唔好再借錢投資。如果你抱有「我想好快賺翻所輸的」，就唔好投資。你要明白，投資是理財的其中一步，這是一個配置過程，你是將現金轉化為資產項，長線持有，到你好肯定自己明白這方法時，先再開始投資。 . 我地最重要是建立一個長期的「財富組合」，要優質，要平衡，要適合你的年齡與風險承受程度，建立後長期持有，不是買賣賺差價，而是成為你財富組合一部分。如果你真心想累積財富，就由月供股票開始，以「儲股」的模式進行，不要再炒賣。 ---------------------------- 龔成老師簡介 ‧ 暢銷書《股票勝經》、《選股勝經》、《年報勝經》、《50優質潛力股》、《50值博倍升股》、《大富翁致富藍圖》、《80後百萬富翁》、《財務自由行》、《80後千萬富翁》、《5年買樓4部曲》作者 ‧ 《經濟一週》理財真人Show節目擔任致富教練 ‧ 曾在萬多元月薪狀態下，憑股票累積數百萬財富 ‧ 於網上分享投資心得，瀏覽量過百萬，為人氣博客，解答網友理財問題逾20,000條 ‧ 證券業持牌人士 ‧ 股票課程導師，學生人數逾4,000人 . Facebook專頁「龔成」粉絲人數超過200,000人 . 若然你有問題想向龔成老師發問，可在龔成的fb專頁中（www.facebook.com/80shing）inbox龔成。 ---------------------------- Text by BusinessFocus Editorial . 免責聲明：本網頁一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本公司無涉。投資涉及風險，證券價格可升可跌。 . #BF環球視野 . @marketfocus.hk 瞭解更多商業財經資訊 .⠀ #money #investment #business #finance #life #startup #startups #management

[gfmurmur9470] 首先解釋咩係「殺豬盤」 係一種騙局將目標當“豬”，建立戀愛關係叫做“養豬”，最後的詐騙行為叫做“殺豬” 事源我岩岩失戀 係tinder認識到自稱係台灣人依家係香港做野 ，之後佢一直噓寒問暖 每日都關心你 好比心機去認識你 ，又會係政見到扮到同你立場一樣 咁岩撞正同屋企人關係唔好 ，又因政見問題鬧交 於是佢就不斷利用呢一點去打動你既心令你放下戒心 佢一直以疫情關係話見唔到面 而咁岩個期爆得好勁 所以我就無起疑心 於是佢就不斷暗示佢有做投資 ，可以幫你搵d外快 開始時我都唔信佢唔理 但係久而久之當你愈傾愈耐 ，咪覺得拎一千蚊後試下佢係咪真都好 唔係咪當買起佐佢人格 。當然開始時佢要令你有賺 過程就係用app買虛擬貨幣然後轉入佢所謂既網站投資 ，第一次當然有賺 之後就叫你金額愈放愈多 中間我都起佐好多次疑心 ，拒絕佐話唔想繼續玩 覺得有可疑 然後佢無繼續再講呢件事 如事者又傾佐一段時間 ，咁岩當我有金錢需要 佢又再游說我繼續 當你放入一定既金額 ，對方就開始收網 個投資平台網開始用各種理由去令你拎唔到筆錢 當你懷疑 ，佢就會做到好似同你一齊解決 佢自己都入錢去幫手 甚至用情感勒索你話 點解唔信佢 佢d戲真係拎到奧斯卡 後尾佢仲扮哂野話籌錢證明比我睇 係當佢既大話好多漏洞我先發現 我真係比人呃。 當然你睇到呢一度你會覺得我好蠢 ，咁都信 邊有咁大隻夾乸隨街跳 抵死 係到講扮咩可憐 一定係老處 寂寞難耐 ，肥婆醜女先會中 其實現實既我唔愁無人追 生得都靚靚女女 ，偏偏可能就係咁就想搵一個真係睇得穿你 ，係理解你既內在諗咩 真正認識你呢一個人 結果就比人乘虛而入。 無錯 當我清醒既時候我都發現佢有好多可疑位而太明顯係劣質詐騙 ，覺得唔對路同朋友講既時候 我先發覺我被人呃 甚至仲有一刻覺得朋友講既未必岩 我仲深信我係拎得返錢 ，真係好似中佐邪咁 因為個d始終係你親自經歷既野 覺得朋友都唔明。 結果我用哂我既積蓄 ，借佐銀行錢分期還 借佐朋友錢要慢慢還 ，我就黎30歲但要預佐黎緊一兩年既所有錢都用黎買呢個教訓。 依家既情況就係 我去報警唔受理 ，因為對方識玩法律漏洞 而唔清失令你無辦法有證據確實佢詐騙 另外投資網頁原來係賭博網頁 ，令到警方可以用非法境外賭博而拘捕你 所有既野就係佢地精心設計令你報唔到警奈佢唔可。 所以今次呢一個post 預咗大家會鬧會屌 但想大家屌完之後 ，可以提防自己唔好成為下一個我 之前係件事未發生到自己身上 ，我同大家一樣 屌受害者on 9 ，但無估到個回力鏢後勁係咁強 。 如果有遇到同樣情況嘅受害者 ，唔好因為呢一個情況就唔去報警或者係冇咗件事 因為咁樣只會正中咗佢哋嘅下懷 ，之後集合大家嘅力量件事先會俾警方正視 亦有可能因為咁樣增加破案嘅機率 ，我明白你呢一刻嘅心情或者可能覺得好shame唔夠膽講出口 ，但只會令自己更難過更大壓力 當件事講佐一百次 ，就可以當笑話咁講 嘗試同身邊朋友講 雖然佢哋會鬧你 ，但係所有嘢都出自關心 亦相信真朋友係會選擇幫你 。 共勉之 。 ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig

#20200818 沒有真正的實力只靠運氣 沒有具備開發能力 即使遇到對的人也會因此流失 所有這樣的人業績才會起起落落 人家說「運氣也是種實力」 但如果都是碰運氣等著客人上門 這叫做 #賭徒思維 你的運氣可以使用多久？ 你的運氣可以幫助你多久？ 如果一直都是用賭博的方式會讓自己逐漸失去信心 相信嗎？ 有太多人覺得自己「盡力」 但他們並沒有「全力以赴」 那為什麼還沒全力以赴呢？ 因為你還在賭！ 唯有拋棄賭徒思維 才有機會變得更強大 別用你的時間跟生命做賭注 一起改變吧，一起讓生活變得更好 我們一起學著往上爬 一個人走很辛苦、一群人學習很幸福 - #賺錢找我#面膜#可洛迪#美肌app #保養#保濕#清潔#微商#賺錢#美麗 #錢#目標#衝勁#努力#成長#夢想 #kanis #可妮絲 #可妮絲kanis #kanis可妮絲 #光淬漾肌 #緩釋技術 #時間管理#時間管理術#涵鈞團隊#小芝麻團隊