說到護膚保養心得，這十多年的確有著很大的變化。少女時看到自己喜歡的女星當代言人就即入手、學化妝期間認識到更多不同的護膚品牌，除了聽朋友介紹以外，都會找機會親身去實體店試試，直到自己開始撰寫美容護膚品化妝品，就乾脆自己當隻白老鼠，親身試用過才更有說服力，加上隨著年紀增長，保養已不單是隨便做齊潔臉+護膚+爽膚三部曲就算，而是追求高質+高效的程度。

護膚絕非一朝一夕能說清的事，相同的護膚品也總不能用上十年，適合你的未必適合我、冬天合用的未必等於在夏天都能發揮到同樣功效，加上大家的膚質都不同，所以我認同「沒有最好、只有更好」這個道理，所以護膚品我經常轉，好用的再回購然後又找更好的，這次我認識到全新線上護膚品平台 De JONES ─ 當中引入了其中一個日本護膚品牌 ，名字是Ocean Halal，用了它們的【皇牌深海極緻再生精華液】後，覺得值得分享給大家哦。

所謂「深海」就是指其成份包括海洋膠原蛋白和彈性蛋白（當中蘊含Thunnus Power™️高濃度膠原蛋白）能滲透肌膚底層，達到「再生」抗衰老的效果，來自日本的護膚品，總是不會令人失望。

最初我是被它的包裝吸引到：採用夢幻色系的粉紅（！！）和紫藍的厚身紙質圓柱體盛載著，簡約得來不失貴氣；打開之後就被那淡淡卻優雅的玫瑰香味迷到，後來才知道原來是它們獨創的玫瑰天然精華，更有助抗炎和抗氧化；使用時就在爽膚水後續的程序用上它，以一至兩泵的份量輕輕推至全臉和頸，再配合按摩很快就被肌膚吸收，用幾天已經看到緊緻效果，除了自己要調節好作息時間外，其中一個最大原因更是其包含的皇牌成分Thunnus Power™️高濃度膠原蛋白，能夠滲透肌膚底層，主要針對改善肌膚因長期缺水而出現的乾紋、乾燥及毛孔粗大等初老肌膚問題，對於長期只睡四小時+晚上經常摸黑用手機的我是好需要的哦。

連續使用至少一星期後，覺得最最最明顯是看到肌膚更有彈性！這方面是我在過往使用的護膚品中未能做到改善，所以印象特別深刻，精華液的質地不是水凝也沒怎油份，塗在臉上後皮膚很快完全吸收，非常好推，不會有任何黏笠的感覺，非常乾爽但皮膚仍有滋潤感，摸上臉也有覺得更滑溜哦～現在De JONES平台有免費Ocean Halal試用裝派發活動，即去 https://www.de-jones.com/forms/60d1902a03a95f9fed35bade 這個網站登記啦！

網上購物早已成為我們日常，說到我第一次接觸的De JONES平台，原來是由資深科學家團隊具30年科研經驗，致力找出最適合東方女性的成分和配方，擁有來自品牌的安全證明，令人買得放心又用得安心，在成分、配方、生產或運輸上均達世界認可之安全標準，非常可靠哦！如欲深入了解De JONES平台產品詳情及其他產品系列 ，歡迎瀏覽官網 https://bit.ly/3lD67fi

#日本製造 #濃縮膠原 #清真認證 #膠原蛋白 #ThunnusPower #海洋膠原蛋白 #彈性蛋白 #DeJONES #OceanHalal #beautyblogger #duckiesiuchi #beautyproductsreviews #skincare #mamablogger #hkmom #hkblogger #hkskincare #好物分享

咁耐以黎試咗好多嘉丹妮爾嘅產品，今次趁生日慶之前總結一下方便大家參考～會分為💯強烈推薦，⭕️唔錯同埋💢唔太推薦三個類別嘅📣

嘉丹妮爾係來自台灣嘅保養品牌，所有產品都係made in Taiwan。一年有兩次比較大嘅折扣，分別係嚟緊三月嘅生日慶同埋11月嘅周年慶～買折扣產品可以用嘉丹嘅優惠碼，不過如果你有額外嘅嘢想買就用我個code:sharedomo (affiliate)就會抵啲，所有產品都會有85折。
所有affiliate code 一半收入都會捐出到有需要嘅地方。

💯強烈推薦💯
如果你係第一次買嘉丹妮爾，強烈建議你由佢地嘅面膜開始試。面膜紙嘅剪裁同質地都超級貼面，而且精華量都好足夠，敷足半個鐘都唔會乾。今次有台幣1200四盒嘅優惠～

💯積雪草修復面膜 - 最愛！好補水，少少舒緩效果，水潤又唔笠，有暗瘡嘅時候敷都完全冇負擔。用左N咁多盒，自己都有keep住回購！
💯金盞花舒緩保濕面膜 - 第二最愛！精華質地一樣都係清爽唔笠，主要係舒緩降紅，曬完或打完laser用很爽🤩回購左幾次！
💯牡丹根亮顏乳霜面膜 - 精華係薄薄地嘅lotion狀，早排超乾燥嘅時候用係拯救左我，如果夏天用或者如果你係混油肌可能會太潤，呢款乾皮限定🔆回購多一盒看門口😛

💯金盞花舒緩凍膜 - 已用完幾支，有再keep住囤貨！皮膚紅，痕或者敏感用佢一流，打完laser或者deep clean完都會用😛

💯全效角質代謝精華
內含AHA，keep 住搽太約兩星期，有暗粒粉刺嘅地方會變平滑，或者有頑固黑頭粒粒，都會變得好易擠出黎！

💯植萃角蛋白調理洗髮露
用左之後甩少左好多頭髮！！我甚至覺得佢同aveda紫色個支嘅防脫髮效果差唔多！不過嘉丹呢支比較乾，冬天唔太啱用，或者洗完要用比較滋潤嘅護髮素。呢支係我第二支已經回購左一支大size慢慢用！有脫髮問題推薦👍🏻

💯鼠尾草舒緩保濕噴霧
噴霧做得幾細緻，而且真係有保濕感，唔會好似噴水咁，平時保養或者化妝後用都適合👍🏻

💯積雪草彈潤修護乳
質地易推，輕潤唔會太厚重太笠，化妝前用好正～不過成份有矽，介意嘅話要留意。

⭕️唔錯唔錯
⭕️積雪草卸妝精華露
第二支～卸淡妝乾淨唔刺激唔乾，質地易推，帶有淡淡嘅香味，幾中意用。唯一缺點係佢個泵頭永遠都泵唔乾淨，而且無得扭開直接倒☹️好消息係嘉丹已經留意到呢個問題！今次生日慶會有新包裝😍容量都會提升😍價錢不變！

⭕️積雪草修復緊緻精萃
Hello 無圖🥲非常清爽快吸收嘅保濕精華，化妝前用一定唔會同底妝打交，如果係乾肌冬天用可能會略嫌唔夠保濕，混油就應該好鍾意佢清爽嘅用後感。

⭕️舒敏角鯊潤澤精萃
Hello無圖🥲雖然係護膚油但係完全唔笠，超容易吸收，唔會令皮膚有負擔感，但係又好滋潤！不過同樣成份有矽，介意嘅話要留意。

⭕️植萃角蛋白修護護髮膜
雖然佢話佢係護髮膜，不過我當佢護髮素咁用，唔算超級滋潤，利申頭髮頗乾旱，但係都做到基本修護潤髮，同埋好大支好抵用😂

💢唔太推薦
💢黑醋栗醒膚泥膜
味道有少少酸酸縮縮咁😂敷嘅時候覺得自己好似兵馬俑，敷完唔覺得有任何效果😂用晒成盒都冇咩感覺🥲

💢 龍膽葉賦活抗老面膜
精華質地係結撻撻的lotion狀，好潤好潤太潤了，試過用完爆瘡😂(話說我之前將龍膽葉同牡丹根撈亂左🥲🥲🥲🥲係龍膽葉太潤，我記錯了)

【龔成問答信箱】（Q18981-Q19000）

Q18981：

我手上只只股票都跌，想請教你如何處理好

龔成老師：

我地決定持有與否，要睇幾個因素。

第一，要分析這股的質素，如果無質素，應該賣。

第二，這股的類別，如潛力或增長或收息類等，是否與你的財富組合匹配，比例是否適合。如果同一類別，同一行業，持有過多，應該減。

第三，現價平貴度，以及你現金情況。

------------------------------------------------

Q18982：

你好呀龔Sir,小弟都係80後，有兩個12同8歲嘅小朋友

今年年頭先開始了解投資，想向你請教下，我年中剛置業，人工約有2萬左右，扣除日常開支約有5-6000剩，而家有大約100萬現金

想再增值一下自己資產，可以提供一些意見嗎？萬分感激

龔成老師：

由於你有負擔，我唔建議你在投資上太進取，你可以以平穩增長為主。將$30萬分注投資，餘下等機會再投資。

你可以考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18983：

老師你好！啱啱開始睇你專頁，以前乜都唔識，睇左兩個月，獲益良多，想建立返啲正確嘅財富觀念。依家買左你嘅股票勝經，除左想賺錢之外，增加知識覺得人生有希望左、正面咗，多謝你。

我32歲，有34萬現金，每月儲7000，股票有：
2382 2000股 @129
66 500股@39
823 200股@61
1810 400股@22
啱啱開始月供5000盈富

問題一：我想用現金同股票比例係40/60，定係股票可以再多啲？以上股票想不定時再入下，呢個方向可以嗎？

問題二：另外媽咪啱啱退休，冇收入，每月我會俾幾千家用。佢打算俾30萬我幫佢打理，自己留返幾萬。

我打算用其中15萬買股票，分別係2638同778，會唔會太集中？現金同股票比例合適嗎？

問題三：想問定，睇完股票勝經下一本睇邊本好？我嘅股票同數學都唔叻，而家想識左基本概念先。

好長啊，先謝謝老師。

龔成老師：

1）上述都是有質素的股票，你可以長線持有。

現時你4成現金，可以的。

之後慢慢再投資上述股票，可以的。

2）建議你將其中$15萬投資股票，餘下$15萬持有現金，唔好只買2隻，最好買4、5隻收息股。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

3）你可以睇《80後百萬富翁》、《選股勝經》、《財務自由行》。

------------------------------------------------

Q18984：

龔sir你好！ 我係一個投資初哥，手持有少量0390同1186，想請教下你覺得呢兩隻股票算唔算優質，仲應唔應該繼續持有？ 謝謝解答

另外 請教一下如果想買一只收息股 我該選擇2800定778作為月供好呢？

龔成老師：

這兩股不是無質素，但都不強，長線持有的價值，算是中等。

例如中國中鐵（0390），本質算是不過不失，但近年略有轉弱。

預佢的增長力在之後，都唔算好強。睇翻佢的業務同財務數據，生意同盈利都處於穩定狀態，但增長力唔算強。

所以長線睇，算有有投資價值，但增長只是平穩。佢過往股價曾在2015年大升大跌，這只是炒一帶一路，但之後回復原狀，因為這因素只能為佢帶來平穩增長，而不是高速增長。之後同樣只是上上落落，近年股價再次轉弱。

現價合理，但這類股又唔值得佔組合比例太多。

另外，如果你想投資收息股，你可以選置富（0778），你可以分注投資，或月供。

------------------------------------------------

Q18985：

龔成老師你好，我一向有睇開你既fb, 亦有買過你既書，我想問問3993 仲有冇投資價值？有冇機會升返上去？因為我買個陣6-7蚊，持有18000 股，而家蝕左5萬幾蚊

但又唔捨得放，所以想請教你應該放還是再等它升？

另外本身都有1211，但八十幾蚊個陣放左，現在又太貴，應該等它幾多錢再可以入？

另外還有甚麼股可長線投資？
謝謝老師既解答

龔成老師：

洛陽鉬業（3993）並不是完無質素，但不能說是穩健，佢的營業額同盈利都十分波動，這點令分析佢較困難。因為好難確定到往後經營環境對佢的影響，同埋，佢亦因成本令佢盈利較波動，這同樣是較難預測的。

我地好需要，用過往的數據去分析，同時判斷往後的經營環境，如果過往數據變化太大，會較較分析。

這股不是不能投資，但上翻D最好賣部分。

比亞迪（1211）只有等回，唔好心急再入，暫時尋找另一隻。

------------------------------------------------

Q18986：

你好
我睇你個page有比投資意見
我希望你比少少意見

我股票戶口有一百萬
現金四十五萬
月入六萬
股票有孖展
以下係我既股票組合
一部分週期股
一部分收息

個問題係入左幾個月都未升
反觀重磅股科技股就勁升

我目標係資產淨值
最近我都睇緊樓
想投資物業
六百萬以下九龍灣區

有咩意見比我
如何善用我嘅資金
希望做到年回報30%

龔成老師：

我地投資，最重要是建立一價邱「平衡的組合」，長線持有，唔好著重中短期股價走勢。你買入幾個月打算就有上升，這是錯誤的觀念。

你持有的股票不是無質素，但卻全部都是舊經濟類，你組合應該加翻D新經濟股，建立平衡組合，如不懂選股，就考慮3067，但這刻唔平，要慢慢月供，或慢慢分注投資。

同時，投資唔好太心急，全球最賺錢的投資者巴菲特，股票回報率平均是20%，所以，要合理翻投資目標。

至於九龍灣物業，地點有質素的，可以考慮。

------------------------------------------------

Q18987：

龔成老師 請問你覺得第一拖拉機股 (00038) 前景如何?

龔成老師：

第一拖拉機股份（0038）質素只是中等。

佢係中國內地在香港上市的唯一農機製造與銷售企業，其前身為第一拖拉機製造廠，創建於1955年，是中國農機行業唯一的特大型企業。

主要產品含蓋「東方紅」系列履帶拖拉機、輪式拖拉機和收穫機械、工程機械、柴油機等。

業務可分為以下類別：（１）製造及銷售農業機械（包括拖拉機、收割機、相關零部件）；（２）製造及銷售工程機械和路面機械；（３）從事貸款、貼現票據及接納存款服務；（４）製造及銷售柴油發動機及燃油噴射泵；（５）其他分類主要包括鍛鋼曲軸製造、銷售及服務，以及汽車及相關。

雖然業務有獨特性，但增長力卻不強，始終中國這方面的發展唔會高增長。盈利就比較波動。

整體來說，投資價值只是中等，現價合理，但唔好對增長方面有太大期望。

------------------------------------------------

Q18988：

老師請問3321，可以分析下嗎

龔成老師：

這股小心！

生意多年無增長，中期業績生意與盈利都大跌，業務係澳門作為總承建商承接裝修項目，呢類股，唔會有太大增長力，估值亦都唔會太高。

如果我好初步咁分析，過往盈利平均，一年約$3000萬，比佢10倍市盈率，合現價企業值$3億。

現時市值$24億！貴到好誇張！

加上近半年無原因上升，情況令人擔心！

另外，證監會之前出左通告，話佢有股權高度集中問題，小心！

------------------------------------------------

Q18989：

Hi 龔sir, 想請教下不同投資種類當中。於保險公司的儲蓄計劃，其背後的運作原理和效率，是否不比長線投資股票高？

小弟非常欣賞和同意你所提倡的長線投資理念。假設我供25年保險公司的儲蓄計劃，和供25年盈富基金來作比較。同樣每月供HKD$1000。

25年後由它自動滾存。直至到50年後，其實那一種投資工具，回報相對會高些？

問這些問題的原因是，想老了之後。可以靠這些錢來供保險之餘，亦可作日常生活開支。應該如何部署好？

現時情況：

-和太太月入合共7萬
-育有一名兩個月大的兒子
-供緊一層530萬的樓(已供兩年)
-兒子加上本人保險，年費約3.3萬
- 一手盈富基金，今年23.4買入
- 一手匯豐，2018年81.15買入(應唔應該賣出?)

另外，還有一些較首要解決的問題是：

所持有的530萬一房新樓單位，位於將軍澳日出康城。因有兒子的關係，長遠會不夠用。

想轉為兩房或三房單位。可以點樣做，才可以達到目標？萬分感激

龔成老師：

保險公司的儲蓄計劃，一般比較穩健，風險較低，不過回報就唔算太高。

而股票市場，例如資資盈富（2800），回報就較高，不過風險就會比你買儲蓄計劃為高。

因此，要睇你的風險承受能力及投資目標。

如果你想穩健D，以及你本身的投資能力不算高，就投資儲蓄計劃，不過，不用投資太多。你要在這段時間增加知識，之後可同時開始投資股票，月供盈富（2800）都得。

至於你手上的貨，可以持有，匯豐（0005）就不要加注了。

至於物業方面，如果你這刻資金足夠，可以現時換樓，因為你「換樓」，所以不用太理會樓市情況，只需考慮自己的資金及負擔就個鄧

如果這刻資金未夠，你要利用儲蓄及投資，去增加資金，累積到一定數目後，就可進行換樓計劃。

------------------------------------------------

Q18990：

阿Sir，我今年40 了，手上有一套供緊物業仲有180 萬貸款要還！

月入35000, 儲備有10 萬
有以下股票
1手 平安醫生
1手 盈富基金
1手 百威啤酒

有點担心退休生活，想問下如何使用10 年時間令自己有被動收入有HKD 30,000 ,可以如何做股票收息組合！感謝阿Sir

龔成老師：

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

你這個年齡，財富仍有增長力的，但就不是進取模式投資。你努力去儲蓄、投資、學投資知識。

現時你擁有的股票，都可持有的。物業方面，保持現有情況就得。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

如可以的話，做月供股票，每月$10000。

你可以考慮盈富（2800）$4000。

另外再加3隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18991：

龔sir你好！我今年45歲，幾個月前先開始學買股票，有買你嘅書睇。

我宜家一共持有12萬元股票：[email protected]買入，3331@24買入，[email protected]買入，請問我可以繼續持有嗎？

我宜家手頭上仲有10萬現金可投資到股票，請問點樣組合最適合我呢？謝謝

龔成老師：

你現時持有的股票，有質素的。

中國鐵塔（0788）不是無質素的。始終中國的3大電訊巨頭，都是佢的主要客戶，以及大股東，當5G發展，佢一定會受惠，因此前景仍然正面。

佢現時的收入都增長，盈利都保持向上，但增長比之前略減，加上股本回報率不高，是這股較弱的地方。若分析佢市盈率，會見到現時仍然處較高水平，反映佢雖然股價回落左唔少，但仍然未到平。

這股算是合理價。

這股長遠仍算有發展力，可長線。不過，潛力度比過往略減。

但如這刻買入，分注入可以的。

維達國際（3331）有質素的，只是之前較貴，現時合理。中國電信（0728）收息股，增長力不強。

由於你上連的組合%，已有兩隻同電訊有關，建議你之後的配置，要建立不同的類別。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）等（不過就唔平，只能小注）。

現時大市處合理區，可以一邊投資一邊留現金（唔好用盡$10萬，要慢慢用），而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18992：

你好龔sir，請問9988 阿里巴巴和9618 京東 合理買入區係幾多？

如果二選一，你又會選邊只長期持有呢？（利申：本人未有貨，等待買入）謝謝！

龔成老師：

兩隻都有質素的，都可以長線持有，如果要穩陣少少，就阿里（9988）。

阿里（9988）有質素，有增長力，不過現價唔算平。

佢係業務層面，擁有相當的優勢，不少業務處於壟斷狀態，同時增長理想。加上正不斷發展延伸業務，這都會成為企業增長的潛力，預期增長會持續，這是阿里最大的賣點。

以企業的長期發展計，這股的確優質，但在現價唔算平的情況下，投資值博率只屬中等。

當然，這股增長力強，只要業務與盈利大增，之後就算股價不變，都會慢慢調整到合理的估值區域，所以，這刻不是全無值博率，只是值博率不算好高。

對於這類優質、有發展，但現價略貴的股票，小注投資，或月供，是較好的方法，算是平衡了風險與增長的考慮。這股可以長線投資的。

京東（9618）業務有質素，發展仍是正面，不過現價就唔算平。

佢係一間電子商業銷售平台，佢定位為「以供應鏈為基礎的技術與服務企業」，現時是中國第二大電商，有一定的品牌。同時，根據《財富》按收入統計的全球500強排行榜，集團是中國最大的零售集團。

佢目前業務已涉及零售、數位科技、物流、技術服務、健康、保險、物流地產、雲計算、AI和海外等領域，其中核心業務為：零售、數位科技、物流、技術服務四大板塊。

京東已建立自己營運覆蓋全中國的物流基礎設施，以支持電商業務，打造了線上購物體驗，係2017年、2018年、2019年，活躍用戶數達到了2.9億、3.0億、3.6億。可見已建立了一個巨大的網絡。

佢經營線上零售，以及電商平台業務，線上零售業務方面，從供應商購買產品，然後直接銷售給客戶，並從24,000多家供應商採購商品。

佢的物流基礎設施佈局覆蓋了中國幾乎所有的區縣，包括遍佈89個城市、累計總建築面積約1,690萬平方米的700多個倉庫，包括京東物流技術開放平台所管理的倉庫面積。

過往的財務數據，收入每年都是20%左右增長，2019年收入為5700億人民幣，已經有實質的盈利，2019年盈利為120億，初步以此推算，股價並不算平。當然，這股有一定的增長力，之後的市盈率會減。

從質素上，這股不差的，但估值上就不算平，如果買，都可以，但要控制注碼。這股可以長線投資的。

------------------------------------------------

Q18993：

龔sir ,想代朋友請教你d野。我朋友今年 大學year 2, 佢想盡早學識投資,已經儲左十幾萬 諗住買啲優質美股(e.g. 蘋果,巴郡,迪士尼等等)長線投資

無奈佢屋企人係咁反對佢買股票, 不斷話驚佢蝕錢,最好啲錢就放係銀行算,我朋友每次同佢地講 長遠價值投資的威力,就比佢地威脅

話美股受政治環境影響 十分動盪,仲話長遠驚港元會消失(但如果係咁，留住港元不是仲危險嗎,不明白佢地邏輯係點)

如果我朋友堅持買股票, 佢屋企人就要趕佢出門口,令到我朋友好為難。我覺得佢屋企人係唔想佢賺到錢,想控制佢,怕佢蝕錢 , 想佢安安份份咁儲起啲錢就算數。

龔sir你覺得我作為朋友 有冇啲咩可以幫到佢? 同埋現時真的不適合股票投資嗎? thx

另外想問你的80後千萬富翁係今年出嗎? 幾時可以訂購呢? 我和朋友們合共打算訂購4-5本

龔成老師：

你朋友想投資優質美股，方向正確，我會建議多同家人溝通。

家人點解怕風險，其實可以考慮買一些基金，就追美國的指數基金都可，如VOO、ETF，而買入的方法是「月供」，唔好一次過入。

目的是要比家人知，現時是「儲錢」，儲這些優質基金，不是一次過入賺差價，而是將現金轉為資產。

長遠現金只會貶值，儲「現金」是最不智的行為，一定要儲資產，問題是，點解佢家人咁大反應，這有點奇怪，我都無聽過。

我始終覺得，要比佢家人知，這不是炒賣，而是儲錢，唔好一下子說服佢，要慢慢一步步，由供一些ETF開始，等佢家人有概念後，再進行下一步。

《80後千萬富翁》，應該在2021年第一季出版，可以在2021年年頭訂。

------------------------------------------------

Q18994：

龔sir 有時見到d(大行)發表一d報告話某某股票因什麼數據所以有發展潛力,之後提升評級及買入價之類,其實呢d(大行)講既野會唔會有可信性?

最近中國發改委公布新能源車規劃,類似既消息會唔會2333之類有發展能源車既公司更加利好? 會唔會現價買入有新能源車開發既公司比較好? 除左2333,1211會唔會仲有其他股份可以選擇?

其實股票既市值同佢既大細有無關係? 因為我知道市值唔代表價值,如內房股,市值好似無計算佢擁有既土地儲備,這樣說是否正確?

因為我已經盡量同自己講買股票唔好睇目前既股價,所以依家開始我都盡量將無乜潛力既股賣出,之後搵下有潛力既股買入,想先買少少吉利或者繼續買長汽,不知道價格是否合理。

Thx

龔成老師：

我自己都會睇大行報告，不過，唔會只信一份，而是同時睇好多份，同時，我會較信佢地提供的「資訊」，而不是「意見」，所謂目標價，都是參考下好了。

至於新能源車規劃，當然正面，其實，這些一向都是大方向，對行業正面，但近期反映過份放大左這些因素，因此，反而唔好高追股票。

至於市值，就是將股價乘以發行股數，由於每間公司的發行股數都唔同，所以股價大小並無分析價值。

而我地分析時，會計算整間企業的價值，當中要睇好多野，資產、負債、業務、收入、現金流、發展等等。

加油，再睇多D先，打好基礎，唔好浪費時間睇住個市。

------------------------------------------------

Q18995：

你好老師，我之前諮詢過你。現在每月月供盈富和恆地各$1000。但是，最近有考慮換馬恆地，換成粵海，因為我餘錢唔多。

手上的股票如無意外會一直持有。恆地即使唔供都唔會賣。

至少希望持有10年，希望你可以比我一點意見。我覺得自己人到30中，都算係仲有機會可以累積財富？謝謝

龔成老師：

你可以轉的，但盈富建議點都要有，因為佢係組合中，有平衡風險的作用。

另外，你3X，其實財富仍有增長力，如果可以承受少少風險，可考慮3067。

這基金追恆生科技指數，現價在合理區頂，唔好一次過入，但如果用長期月供的模式，則可以考慮，但就要明白風險會高左。

------------------------------------------------

Q18996：

你好。我現在41歲。 在20多歲的時候，我學會了節省大部分收入，但我沒有學會如何投資。 因此，在我30多歲的時候，我辭掉了穩定的工作，想暫時退休並環遊世界，在比香港便宜得多的國家生活，也做了我在志願服務和設立慈善機構 我喜歡的工作。

但是，我用了我的積蓄資本，卻沒有任何收入，因為我不知道如何進行投資。

現在我有港幣$1,000,000。 我正在只有做義工，所以目前沒有薪水工作。 我不介意再搵有薪工作- 如果這樣可以快些實現我的目標。

我的目標是學會明智地投資這筆現金，並在未來幾年內從投資中獲得至少ΗΚ$25000的每月被動收入。 您認為3年有冇可能， 還是要5年或以上？您能建議如何投資這筆金額戰略嗎？

還有什麼書合適看， 因我身不在香港上你是課程 ？ 我是新手 。 謝謝你

龔成老師：

我會建議你在財富與夢想取平衡，你這年齡，財富仍可增長，我會建議你運用「先增值，後現金流」作方法。

你應投資較多增值類資產，例如投資平穩增長股，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

舉例說，如果你想每月有$25000利息收息，以一般收息股6%來說，你就要有$500萬財富。

你就要以「累積足夠$500萬」為目標。

你除了利用手上$100萬外，同時要有工作，有收入，才可以加快累積財富。

你可以投資「平穩增值股」+「潛力股」，不過，由於潛力股要求你有一定的投資知識，因此這刻不用急著投資，你可以集中在平穩增值股先，潛力股小注好了。

你可以考慮盈富（2800）。

另外再加：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）（小注）。

現時大市處合理區，可以一邊投資一邊留現金，而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18997：

Hello, 我今年27歲，月入萬令蚊，試過三個月短炒股票，輸心態。請問拎住五十萬可以點投資？

龔成老師：

首先，要你多增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》適合初階者的。

另外，你可考慮將部分資金，分注或月供優質股。

你可以考慮盈富（2800）、銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分要等回少少先入，部分股處貴。

現時大市處合理區，可以一邊投資一邊留現金，但唔建議你用盡$50萬，暫時可以動用$20萬，分注投資先，買入後長期持有

而餘下現金的運用，就是等大跌市時出手，如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q18998：

本人貨van司機有固定包月工作 月入6萬8左右
扣除供樓3萬 家用1萬5 剩下的可以點投資？

有冇可能15年內搵到100萬呢？

龔成老師：

照你上述的收支，最多可以有$23000剩，我相信你每月儲$15000是無問題的。

一年就能儲$18萬，15年，未計回報已經有$270萬。

只要投資平種增長股，相信15年累積$400萬-$500萬都可以。

例如，做月供股票，每月$10000。

你可以考慮盈富（2800）$4000。

另外再加3隻（每隻$2000）：銀娛（0027）、恆基（0012）、港鐵（0066）、平安（2318）、粵海（0270）、領展（0823）、希慎（0014）、太古地產（1972）等，你可以了解下這些股票，然後從中選股。

如果想增長力高少少，可考慮：安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、比亞迪（1211）、中生製藥（1177），但就要明白波動性比上述會高左，同時風險大左，你要自己平衡。部分貴，要等回少少先入。

至於每月餘下$5000，就儲現金，大跌市投資。

------------------------------------------------

Q18999：

感謝龔sir 回覆，其實真心好佩服你花咁多時間精神免費去答問題！

你講得好啱，其實如果大部份散户都以買樓既方式去買股票，應該冇咁多人輸錢。其實有時睇新聞見到Ｄ師奶輸幾十萬就覺得好奇怪，明明佢地平時買餸都會格價慳幾蚊，但點解用幾十萬買股票就吾諗下先？

咁今次都有Ｄ股票問題想請教你。我係3月23.45買入一手2800，5月60買入2手823，暫時已經有15%回報，我打算長線持有。不過我想問如果佢之後跌吾返去我既目標價，係咪寧願吾增持？

我亦持有1手6060(52.5)，及一手1415(4.88扣除0.932息即3.98)，我想問計買入成本應吾應該減去派息？上述兩隻股票會留意住年報，如轉差會賣出。

我上述兩個安排合吾合理？

仲有我暫時仲有7萬資金，如果想3年後畢業時番1倍，有冇可能？我自己睇好9988,9618，物管3319，1177，saas 268 呢幾個板塊，想大跌時吸納，吾知龔sir 你點睇呢幾個板塊？

感謝龔sir

龔成老師：

盡力啦~~

領展（0823）、盈富（2800）都是有質素可長線。

如果佢跌落去，到時要睇你的股票%與資金比例，如果這兩股本身佔你股票組合比例已多，而你現金不多，就不要加。

至於計買入股票成本時，你可減股息，不過，不用太著重買入價，這不是分析重點。因為，你之後的投資決定，唔應該比「買入價」影響。

如果企業的優質度較差，就要賣出。

至於你$7萬資金，要3年一倍不是無可能，只要投資有質素，有增長力的股票，同時把握到投資時機，就可以，所以唔好心急動用。上述幾個牌塊都有潛力的，不過，要留意部分新經濟類，現價唔平。

另外，你最重要是建立一個長期平衡的財富組合。

------------------------------------------------

Q19000：

老師你好，多謝你上次比我的建議，然後我去咗書局買哂你三本「50股」的書，現在增長了一些股票的知識。以加我成日留意新聞，有幾個問題想請教一下老師

1. 人民幣將會電子化，你覺得內銀股值得投資嗎？如果值得，你覺得邊間較值得投資？還有其他股票受惠於人民幣電子化嗎？

2. 通常大市大跌，石油和債券就會升。你覺得有必要買石油股做對沖平衡風險嗎？有邊隻建議？香港有債券買，請問知道澳門有嗎？

3. 2196復星醫藥有質素嗎？2196現價合理嗎？1299友邦我$73.5入左少少，會唔會買貴咗？1299的合理價是$69嗎？

4. 「十四五會議」內的政策話要支持國內科技核心技術的創新和發展，中芯國際和比亞迪電子是政策提及的範疇嗎？這兩隻股票值得投資嗎？

龔成老師：

1）始終內銀都是有投資價值，不過，電子化會影響佢地的增長力，所以，你只能定義佢地為收息股。

不過，這刻人民幣電子化的影響，仍好難估計。暫時未知具體那些企業受惠。

2）不用這樣分析，我地最重要是建立一個長期的財富配置，一些中短期的大市情況，唔需要太過理會。只要你投資優質股，長期持有，同時建立一個平衡的配置就得。

3）復星醫藥（2196）本質不差的，佢係一間總部設於上海的中國醫藥健康公司，業務包括製藥、醫療服務以及診斷產品與醫療器械。

同埋睇翻佢的資料，佢的研發持續專注於心血管系統、中樞神經系統、血液系統、代謝及消化系統、抗感染、抗腫瘤等治療領域。其實都有一定的業務優勢。

過往數據顯示，佢業保持發展，生意有穩定增長，不過見佢盈利增長的力度不及生意，這反映佢賺錢能力有所減慢，這點要注意。

現時股價都算合理的，分注投資仍可以，但要留意有時股價會較為波動。

4）會受惠的，但兩隻一早已反映好多政策等的利好因素，兩隻現價都唔平。等回翻15%較好。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

＃04:22 因拍攝時程關係，表格內185萬為預售價，正式售價於 8/3 公佈，為新台幣179萬元。


新在哪裡？
●專為 WRC 賽事而開發的道路用車，不同於標準版 Yaris
●Toyota 首款導入碳纖維車頂車型
●車身外鈑件：鋁合金材質 (10%)、輕量化鋼材 (66%)
●平整化底盤(引擎下護板、底盤平整化護板、四輪輪弧定風翼)
●專屬開發 G16E-GTS 1.6 升直列 3 缸渦輪引擎，針對進排氣最適化、燃燒效率提昇 (D-4ST雙噴射系統、進氣道角度加大)、輕量化設計 (汽缸本體、曲軸、水套)、冷卻效率提昇 (大型引擎水泵、鋁合金機油冷卻器)
●iMT6 速手排變速箱，可自動偵測換檔、轉速訊號並自行於升、降檔補油，即使不跟趾也能避免頓挫。
●TAC (Travel Adjusted Clutch) 行程自動調整離合器，避免離合器片磨損導致踏行程變化， 維持一致操控感受。
●油門踏板加寬 5mm、煞車踏板增加邊框、離合器踏板圓弧度增加
●排檔桿長度縮短 20mm、排檔座高度提昇 75mm、倒車檔加入拉環
●GR-FOUR 四輪傳動，具備電子控制多片式離合器 (前後分配)及 Torsen® LSD 前後軸限滑差速器 (左右分配)，支援 4 種模式，Normal 一般 (前 60 後 40)、Sport 運動 (前 30 後 70)、Track 賽道 (前 50 後 50) 及 Expert 專家 (關 VSC+Track 模式)
●專屬前麥花臣後雙 A 臂懸吊，增加前後外傾角
●煞車採用前-對向 4 活塞卡鉗 356mm 雙片式劃線通風碟盤 搭配 後-對向 2 活塞卡鉗 297mm 劃線通風碟盤

#Toyota
#GRYaris
#暴力鴨

說起 Toyota 近年來的競技歷史，可追溯到 2007 年時首度以 TEAM GAZOO 之名參加德國紐柏林賽道 24 小時耐久賽，開啟 Gazoo 參與賽事的篇章，2015 年旗下所有賽車業務納入 TOYOTA GAZOO Racing (TGR) 統籌，2017 年 GR 品牌正式誕生，同年 Yaris GRMN 正式登場。2018 年獲得 WRC 及 WEC 冠軍，在賽道創下佳績後，於 2019 年推出與 BMW 合作開發的 GR Supra，並在去年 (2020) 推出源於 WRC 賽事的本文主角 Yaris，今年則推出 GR 86 小跑車，使 GR 名號更為響亮。

國內市場方面，總代理和泰汽車也自 2019 年引進 GR Supra 以來持續推展 GR 品牌，2020 年推出國產的 Corolla Altis GR Sport 房車，今年則在 4/8 展開 GR Yaris 的預售作業，引進單一編成，預售價新台幣 185 萬元起，30 輛的配額迅速訂購一空，魅力可見一斑。經過近 4 個月預售期間，和泰汽車選在 8/3 正式發表，建議售價為新台幣 179 萬元起，配額也提高至 80 輛。

圖文報導：https://www.7car.tw/articles/read/75838
更多車訊都在【小七車觀點】：https://www.7car.tw/
【七哥試駕都在這邊】：https://reurl.cc/O1xnWr
--------------------------------------
「小七哥」親自實測嚴選的商品都在【七車坊】
https://shop.7car.tw/
台灣商用車專屬網站【商車王】
https://www.truck.tw/

記得訂閱追蹤YouTube唷 》》》
7Car →https://reurl.cc/pdQL7d
7Car新聞頻道 →https://reurl.cc/MvnRrm
台灣車文庫 →https://reurl.cc/ar61QQ

http://www.facebook.com/lamfungfrances
http://www.facebook.com/tagconcept

【好很歎嘅有機草本卸妝油！卸到皮膚進入仙峰狀態！】
green envee 03 PURIFY BOTANIC CLEANSING OIL 淨化草本卸妝油 (瓊崖海棠 + 佛手柑) 177ML

嗱正所謂萬惡淫為首，百行孝為先，港女易容大過天！冇錯，三句嘢其實係完全冇關係嘅，純粹話你知牙瘋都識少少詩詞歌賦咁啫！不過，港女易容呢壇嘢，唔少絲打都日日重妝甲架啦！對於各位不誠實使用化妝品，易容騙取猛男心，牙瘋認為靠技術擊倒目標係冇問題嘅！問題在於，你日日抆咁多粉上塊面，卸妝是咪卸得徹底無誤先！


落妝唔夠乾淨，又或者係長期用埋啲化學成分去卸妝，唔止容易堵塞毛孔，仲損害埋肌膚脂質屏障！到時皮膚抵禦力得返218五個零就碌街了，肌膚鎖唔到水，係咁爆粒，仲惡過東星耀揚吖！


牙瘋一向都唔建議大家用卸妝油，雖然以油卸妝係連難離難卸嘅防水睫毛液呀、夏蕙bb妝呀都卸得掂，但坊間大部份品牌都充滿誘發肌膚炎症嘅成分！大佬呀，越卸妝越爆瘡，但唔化妝人地望到你就心慌慌，真係想唸首大悲咒呀嗚呀！


A，你收一收悲先！等瘋介紹埋green envee呢支淨化草本卸妝油，你再決定是咪悲to the world啦！


開心汪咁介紹返，咩美國green envee係有機品牌同有幾高汁牙瘋就skip9了，之前啲post已經rap過不下十次！家下直入主題，03 PURIFY BOTANIC CLEANSING OIL藴含多種有機草本植物油，哪怕奶醬咁厚嘅妝容，佢都能夠輕輕鬆鬆鄧梓峰就徹底溶解！同時吸走埋肌膚因為環境污染所積聚嘅雜質，做到完美清潔及滋養，落個妝都享受到spa一樣嘅感覺！


主打嘅有機瓊崖海棠油同有機佛手柑精油喺卸妝過程為皮膚帶嚟叉爆電式滋養，Lv up皮膚細滑光澤感，有效減少及預防細紋！笨且平衡油脂分泌，抗炎抗菌，有助受損組織癒合！


其他草本成分有機橄欖果油、有機紅花籽油、橄欖油、有機山茶花籽油、橄欖角鯊烷等含有豐富脂肪酸，貢樣樣滋潤肌膚法，落完妝之後你想乾都難呀！皮膚彈性都返埋嚟，個柔軟感同家下港女大熱嘅幸福pancake有得揮呀！另外，有機蔓越莓籽油、維生素E、水楊酸、野生柑橘油、有機薰衣草油等可以促進肌膚細胞更新，減淡色素之餘抗氧同抗炎都上都力！冇得lose呀真係！


用法非常簡單，泵一蚊銀面積份量喺掌心推一推，再喺面上輕力打圈按摩，加些少水乳化，再用有機化妝棉或手按摩至個妝徹底溶化，最後用溫水清洗！跟機再用潔面奶或gel洗走多餘油脂同淨化頑固污垢！禮成！


雖然落妝嘅嘢，關牙瘋蛋治！我都唔化妝嘅，剩係搽防曬咋嘛，基本上用有卸薄妝功能嘅潔面產品已經搞擰掂！但丁丁同我講咗幾次話green envee支卸妝油真係掂，我就check it out啦下！老老豆豆，唔係天然有機嘅嘢，瘋就一定buy架！事關我好唔中意果啲太甜嘅花香味！green envee呢支個清新草本味係中我嘅！用完第一次個柔軟感覺相當良好，唔拿眼又係加分位！之後牙瘋試下拎佢做面部按摩油，再用純棉毛巾熱敷... 嘩！估佢唔到係正到yeah天yeah地呀！


到底此用法值幾多個yeah？毛巾熱敷又係咩一回事？典解你阿爸係男人？典解地鐵都可以相撞？問問問！自己去YouTube睇今集低俗護膚啦！落妝不努力，仔都冇得食吖！


越卸妝越護膚成份：
有機橄欖果油，有機紅花籽油，橄欖油，有機山茶花籽油，橄欖角鯊烷，有機蔓越莓籽油，有機瓊崖海棠油，維生素E，水楊酸，有機佛手柑精油，野生柑橘油，有機薰衣草油


TAG Concept
www.tag-concept.com
總店：旺角新之城3樓306
13:30 - 22:30
分店：銅鑼灣東角駅2樓275
13:15 - 22:15
WhatsApp：54425298
WeChat：tagconceptonline

可以WhatsApp下單以［轉數快］付款
購物滿$800或以上免本地工商區及順豐站/智能櫃運費
$800以下運費到付
住宅及偏遠地區工商大廈一律運費到付


#tagconcept
#greenenvee
#purifybotaniccleansingoil