04-05/2017電影睇睇睇 . 訪．嚇 Get Out 一直都覺得呢套野幾爆﹐擺明車馬玩黑奴橋﹐雖然入到場發現其實冇想像中咁驚﹐但D驚位嚇得黎係會有少少搞笑果下幾過癮﹐成條橋同故都好正﹐唯一係太短同收尾收到太急﹐當boss露出真面目收男主角皮時我仲諗只係去到中段開始入戲﹐點知轉個頭已經要完WTF﹐成件事即刻覺得好小事啫咁😂 . 神奇女俠 Wonder Woman 估佢唔到咁好睇，有朋友話好悶但我覺得好正，主要係佢大部分時間其實都冇乜英雄片味道，唔會話成套戲淨係著重佢點屈機，D配角同佢互動而且都有D描寫佢地係個點ge人令成套戲立體左好多，而且佢有D位講世界大戰都幾感人，然後隔離個女仔仲睇到最尾要抹眼淚，再加上有陣迷人ge復古味真係幾值得睇😌 . 盜墓迷城 The Mummy 其實唔算翻拍，成個故事都唔同哂，但真係唔好睇囉，個格局太細故事太短仲要塞D系列電影野落去，但無奈羅素高爾係成套戲唯一ge亮點😂 仲有男主選角係災難性失敗，唔係話湯告魯斯唔好，但點解要用一個成五十歲ge去做個廿歲出頭ge角色呢？男主角明明由頭到腳都係一個死小孩黎😂 . 今晚打喪屍 Zombiology: Enjoy Yourself Tonight 期待愈大失望愈大？你開始話佢第一套拍係咁上下，但其實可以拍得好好睇，不過成套戲就左搖右擺咁，你一係就cult到底玩盡佢，一係就正經玩警世玩煽情，而家搞到兩頭唔到岸唔知做緊乜，去到後尾直情收唔到科索性轉做卡通片同時懶係調刺時弊咁...hmm...好啦其實我係期望有另一套生化壽司ge~🙈 . 蜘蛛俠：強勢回歸 Spider-Man: Homecoming 冇期望都冇失望，基本上marvel我已經當左佢係電視劇咁有咪追落去囉😂 好好彩reboot左幾次之後，一黎已經講佢做左spiderman，唔洗再睇uncle ben點樣死😂 而今次呢個個feel係有D死小孩廢噏怪ge感覺，應該貼近返漫畫版？又可以當佢係全年齡版deadpool咁睇囉😂 不過比起銀河守護隊真係差幾皮😌 同埋今次個彩蛋超雷囉🙄 . 壞蛋掌門人3 Despicable Me 3 悶ge其實，前半段直情睇到差D訓著😂 成套野主要都係靠minions，但無奈佢地ge戲份唔多，班主角真係冇咩玩，突然多個兄弟係幾過癮，但到最後發現其實佢有冇出現個劇情都可以行到落去😂 其實可以將個兄弟整做奸，咁就唔洗又講奸角又講兄弟咁哂時間，又或者講主角點樣氹返minions而唔係走走下自己返屋企😂 . 星際特工：千星之城 Valerian and the City of a Thousand Planets 可以話係近期娛樂片ge頂峰🙈 CG靚到打機咁，劇情又夠緊湊冇乜悶場 (雖然有D位係攞戲黎做) 睇左兩個鐘但感覺好似睇左三四粒鐘但又唔悶喎，不過我唔係太鐘意Rihanna出場果幕，雖然個個都讚果幕正但我覺得有D突兀同冗長，另外男主角真係冇乜魅力可言😂 希望可以有第二三四五集啦😌 BTW我係上畫第一日睇，然後全港淨係上3D好差勁囉🙄 . 原子殺姬 Atomic Blonde 近期另一套好鐘意ge戲，被稱為女版John wick但俾人話打得唔夠前者勁，但我反而鐘意呢套多D，事關都幾多驚喜，冇諗過除左打之外仲有查案成份，劇情都幾扭下，有人話拍到好亂但其實思路夠清晰會發現佢慢慢帶你入局，唯一係個結局始終都係大美國主義就有D失望咁啦，而另一個驚喜係原來佢個故仔係設定響八十年代，無論造型定音樂都好懷舊好有feel，睇完果個禮拜仲晚晚煲佢隻soundtrack，至於動作場面其實都好有功架，唔洗講最有代表性的一定係後半果場打戲，由樓梯打到入屋拆哂樓咁再打返出去，拳拳到肉都算，最癲係成近十分鐘咁打法係一鏡過！差唔多去到打到上車先開始feel到有D剪接位，堅係好痴線囉😱 如果有人問我呢期有咩戲好睇我會話星際特工，但如果你問我最近鐘意呢套我一定會話呢套囉✨ . 姊妹欲蒲團 Rough Night 因為個個都話唔好睇所以我都冇抱太大期望去睇，但咁相反比想像中好，響開頭係有少少靜焗，但慢慢入左狀態又愈來愈好笑，去到尾真係幾笑爆咀😂 其實成套野可以再有味D，不過可能全女班又唔可以玩得太黃，又其實D笑料可以再放D，擔正ge黑寡婦全場一副狀況外ge樣子，一轉到佢就覺得好拘謹好唔投入咁，反而當個波扔到去班配角果陣又好好氣氛仲搶戲，你話為睇笑片呢套絕對合格，但你話為睇黑寡婦呢，咁又真係唔好睇ge~🙈 . 📷 iPhone 6s ➡️ Slide the Slides #馬高影音雜誌