《賀東奧閉幕：睇 黑澤明 姿三四郎》 東奧閉幕，我嘅慶祝方法係睇咗兩部日本大導黑澤明嘅早期作品。《姿三四郎》(1943) 係黑澤大導第一部作品，《續姿三四郎》(1945) 係續集。當年係皇軍時期，這兩部片中間佢喺1944年仲拍咗一部樣板戲，而當年軍政府內容審查，好多題目都喺紅線外唔拍得，雖然《姿三四郎》關於日本傳統同武術精神過到骨，都有 1,856英尺嘅片段被刪剪，剪咗咩都不太清楚，主要一段師父教主角姿三四郎開竅嘅劇情，可惜無咗。以近八十年前嘅作品，《姿三四郎》確實創新，利用影像敘述故事的蒙太奇能力之強，難怪如此經典。 故事主角姿三四郎，出城去搵師父學武，由本來惹事生非，到一直學習武術之道，據說源自小說的角色，模型來自明治時期把柔道從柔術發展出來的祖師爺之一的四鄉四郎，除了集武更加是辦報的新聞工作者，才明白細個時七十年代初睇電視劇版扮演姿三四郎（《柔道龍虎榜》，小鳳姐唱主題曲！）嘅靚仔竹脇無我，點解咁書生。1943年電影原版嘅藤田進，已經算無咁文藝，算稍為粗獷了。 咁關奧運咩事？兩部電影有三個奧運項目㗎！柔道，分支出嚟嘅空手道，同拳擊！拳擊，Boxing？續集有日文人俾美國佬蝦，姿三四郎打擂台打贏美國拳王嘅一段劇，原來後世嘅黃飛鴻李小龍葉問等等嘅橋段都係起源於此？係卦，除非有人搵到1943年前中國電影都有啦。 以打擂台一段為例，柔道館本來禁止徒弟們為娛樂觀眾收錢打擂台，但姿三四郎後來又決定上場打，於華語電影不同，不是為民族尊嚴，完全是為保衛武術之道，而武之道，則在於懂得自己的責任，比武勝負，都會影響其他人和事（似蜘蛛俠的「能力越高，責任越大」），而電影英雄的「仁者無敵、以德服人」的高尚形象，和過程中的掙扎，都影響後世電影和流行文化的英雄以至超級英雄的定型。而「武者其實是和平主義者」，不想打但「被迫」要打，在軍國主義下應該會被當局利用為樣板形象，合理化軍國主義。 我還覺得有趣的是，兩片中的最後高潮決鬥場面，都選擇在斜坡上進行，第一集是野草山坡，第二集是白雪山坡，點解要斜坡？方便表現柔道撻人碌落山，還是想表達世界是不平的，環境是傾斜的，所以要勝出就要融入條件上的優勢或限制，碌就一定向下落，不會上的，問題是於何配合致勝，撻就要向一個方向撻。黑澤明喺軍國政府censorship下拍電影，睇住紅線又點守住自己條底線，鬥長命？以李小龍說法，就是 be water。武術如此，運動如此，人生如此！ #黑澤明 #姿三四郎 #AkiraKurosawa #SanshiroSugata #黒沢明 #すがたさんしろう #ぞくすがたさんしろう #光影評 #影評 #電影 #電影介紹 #柔道 #judo #空手道 #karate #拳擊 #boxing

又回來了大港開唱 沒意外應該是第一次當音樂季的觀眾 完全沒有出圖壓力好好玩 360 沒意外的進了血肉跟閃靈的衝撞圈圈 戰損一副眼鏡 很開心除了台獨、西藏雪山、彩虹旗以外多了新月藍旗 在這個還可以繼續舉辦音樂祭的地方 民主、自由，集體抗暴 大港開唱｜ @megaportfest 閃 靈｜ @chthonictw V J｜ @askinggee #大港開唱 #閃靈 #高雄 #舞台 #出口影像 #人生創業組 #舞台攝影 #live #taiwan #concert #皇軍 #林昶佐 #新疆

【鬼滅】避免《鬼滅之刃》惹爭議 韓國Netflix修改炭治郎旭日旗耳飾 日本動漫《鬼滅之刃》風靡全球，劇場版電影《鬼滅之刃劇場版 無限列車篇》更於日本及各地大破票房記錄。不過主角炭治郎耳飾上嘅旭日旗圖案就觸動到唔少人神經，被指令人聯想到二戰日本皇軍。近日動畫版《鬼滅之刃》於韓國Netflix上架，引起韓國網民不滿，Netflix隨即推出「修正版」，將旭日旗改成為四行橫線息事寧人。 其實炭治郎旭日旗耳環唔係第一次惹引起爭議，電影《鬼滅之刃劇場版 無限列車篇》上年喺韓國上映前，就已經被指被指圖案帶有軍國主義象徵，加上原作者及製作團隊又發表過唔少右翼言論，當時有韓國網民就大罵《鬼滅》粉絲都係賣國賊，最終電影公司選擇修改圖案後上映。（圖2. 韓國版電影海報） 而最近動畫版《鬼滅之刃》於韓國Netflix上架，所播出嘅竟然係日本原裝「無修正」版本，當然再次引起韓國網民不滿。據日媒livedoor報導，韓國民間組織「韓國網路外交使節團（VANK）」更要求Netflix加註「日本是戰犯國」，但Netflix只係好快手咁推出「修正版」，並無加註其他字眼。 有趣嘅喺，現時韓國出版嘅《鬼滅之刃》漫畫（圖3）仍然有旭日旗圖案，相信如果被韓國網友發現，好快又要推出「修正版」漫畫。 資料來源：livedoor #鬼滅之刃