【電影腕錶】歷代007戴咩錶？戴勞因為作者鍾意 Rolex時代 喺史上第一部《007》電影《鐵金剛勇破神秘島》中，Sean Conney就曾經戴住 Rolex Submariner Ref.6538出場，但原因就唔係Rolex贊助電影，而係為咗忠於原著。事關《007》原著小說作者Ian Fleming本身就係一個Rolex迷，經常戴住隻Rolex Explorer Ref.1016，於是佢寫書就安排James Bond都戴Rolex。電影中Sean Connery都戴Rolex就變得非常合情合理。該腕錶隨後接連出現於《間諜網》及《金手指》中。 特別值得一提嘅係，據報當年Sean Connery拍攝時戴嗰隻Rolex Submariner Ref.6538唔係道具、亦唔係Rolex提供，而係同樣身為Rolex粉絲嘅Sean Connery本人收藏。另有一說係劇組問電影製片人Albert R. Broccoli借嘅。 喺Sean Connery主演5部《007》電影後，系列迎來首次換角，搵黎澳洲素人George Lazenby出演。George Lazenby於僅有嘅一部作品中就戴過三隻Rolex，包括一隻Ref.5513、一隻Ref. 6358，以及一隻經過特別改造，加上紅色秒針嘅Ref. 6238。 電子錶時代 George Lazenby接棒失敗後，美高梅先搵Sean Connery返黎拍《鐵金剛勇破鑽石黨》救亡，然後再由Roger Moore接任James Bond出演《黑魔黨》。電影亦開始為James Bond嘅腕錶加入各種神奇功能，例如《黑魔黨》中嘅Rolex Submariner Ref. 5513就被設定為內置能夠改變子彈軌跡嘅強力磁石，個錶圈仲可以變做小型圓鋸。 另外隨住電子錶興起，Roger Moore於電影開場時亦戴咗隻Hamilton Watch出嘅Pulsar LED電子錶。接下來兩部電影就進入電子錶風行嘅時期，雖然電影中James Bond間中都有戴機械腕錶，但啲高科技功能就由Seiko出嘅電子錶包辦。1977年 《鐵金剛勇破海底城》中，Roger Moore就戴住隻可以接受MI6電報，再即場打印出黎嘅Seiko 0674 LC；而喺1979年嘅《鐵金剛勇破太空城》中，隻Seiko Memory Bank Calenda就被設定為一個小型計時炸彈。 TAG HEUER驚鴻一瞥、Rolex短暫回歸 整個Roger Moore年代，James Bond都係戴Seiko腕錶為主。直到1987年《鐵金剛大戰特務飛龍》中，James Bond改由Timothy Dalton飾演，腕錶亦由Seiko轉成TAG Heuer嘅Professional Night-Dive Reference 980.031——但只喺電影中出現10秒，亦係TAG Heuer腕錶唯一一次出現於《007》電影之中。Timothy Dalton第二部、亦係其最後一部《007》電影，《鐵金剛勇戰殺人狂魔電影》就回歸Rolex懷抱，戴上一隻Rolex Submariner Ref. 16610。 《新鐵金剛》Omega皇朝 Pierce Brosnan接任之後，Omega就成為《007》電影嘅官方合作伙伴，標誌進入「Omega時代」至今。Pierce Brosnan於《金眼睛》戴上Omega Seamaster Professional 300M Ref. 2541.80，電影中經由Q改造，擁有鐳射切割功能，並可用作遙距引爆器使用。隨後整個Pierce Brosnan時期，James Bond都係戴住Omega Seamaster Professional 300M Ref. 2531.80上陣。 Daniel Craig自2006年《新鐵金剛智破皇家賭場》開始接任James Bond，同樣繼續戴Omega，不過比起Pierce Brosnan時代就多啲變化，例如《皇家賭場》中戴上Seamaster Professional 300M Ref. 2220.80.00及Planet Ocean 600M Ref. 2900.50.91、《量子殺機》中戴上Seamaster Planet Ocean 600M Ref. 2201.50.00、《天凶城》Seamaster Planet Ocean 600M Ref. 232.30.42.21.01.001、到鬼影帝國就戴Seamaster 300 Ref. 233.32.31.41.21.01.001等。 《No Time To Die》 而黎緊嘅《No Time To Die》中，Daniel Craig當然會繼續戴Omega，據知會係Seamaster Diver 300M 007 Edition Ref. 210.90.42.20.01.001。另外Lashana Lynch所飾演的新特工Nomi亦會佩戴一隻38mm黑色錶盤、NATO錶帶的海馬Aqua Terra腕錶、由Naomie Harris所飾演的Moneypenny則會佩戴一隻27.4mm配備草綠色錶帶的De Ville Prestige腕錶。 資料及圖片來源：Watchfinder、網絡圖片

15 最親密的朋友 2021.7.2 下午二時 五月廿三 宜祈福 剛剛一個鐘頭前，我最親密的朋友離開了身體、離開了我們一家。他叫BB，享壽十六歲，醫生說如果計番人類歲數大約八十幾九十，絕對算是笑喪了。在最後的這段日子，他仍能保持一貫性格：傻笑。所以爸爸在他最初到家的時候，給他改了一個花名 「傻佬B」，英文名 ”Snoo B”。就這樣，他輕薄的身體安睡在客廳中，伴隨著我打這一篇，我倆享受著最後的獨處時光。 十六年前，那時候還未懂得領養，未明白「生命無價不買不賣」的道理。更無知地去到出名多黑店的勝利道竉物店，帶著媽媽一間又一間地閒逛。媽媽一直緊貼香港脈搏，那年頭她和許多香港人一樣，患上嚴重抑鬱症。她從小最喜歡狗狗，我便一心想在她生日前送她一份禮物，希望她能有一位忠心朋友的陪伴。陰差陽錯之下，我們竟然遇上了呀B。當竉物店員把他抱落地，他便一直興高采烈地亂崩亂跳，瘋狂就是他的基本性格，但是往往讓人十分討喜。由於他才剛好兩個月大，不夠力跳上來只能抱著我的腿，嚷著要我和他玩。我和他對望，週遭環境頓時變慢一千倍，那一刻我好像超越時空，瞬間感受到我將會和他所經歷的一切。在我生命中，這種時空穿梭的交會試過兩、三次，每一位都對我非常重要，呀B卻是唯一一個不是人類。 小時候他是家中唯一的小朋友，當然萬千寵愛。媽媽曾經帶他出外參賽，最後他竟然符碌奪冠。雖說他是僥倖，但他卻是我認識中能聽懂最多指令的狗狗。冇錯！BB是能聽懂所有廣東話和英文的狗狗，常常偷聽到我們細聲說的秘密，然後作出最合適的反應。那些年「皇家特工」還未開拍，我敢保證若然要選角，BB必定能被選中成為荷里活巨星。因為大家一貫認識八哥都是蠢蠢呆鈍的樣子，但是呀B卻是表情多多、聽明絕頂的。曾經帶他到狗公園玩，熱情的他完全不知道這個世界有惡人惡狗，個個都當Friend。一下不留神得罪了另一頭凶猛惡犬，呀B用閃電俠的速度逃跑，頓時引來一群盲狗的瘋狂追擊。或許只是胡亂地跑實在太蠢太低估了他的智慧，忙亂中他找不著我，一躍跳到另一位狗主人的大脾。安全抵壘，一班只懂亂吠的蠢材望塵莫及，所有狗主人都大讚呀B聰明過癮。人類的大脾從第一天到家，就是他的睡床，他感到最安心的地方。 最終，他選擇在爸爸媽媽都不在家，只剩下我和他的時候安詳地離開了。今朝早媽媽就如每一天陪他跟癌魔搏鬥一樣照料著他，餵湯餵藥，臨出門口他還記得抬頭對媽媽開心一笑。爸爸臨出門口前幫他轉身給他餵水，他亦乖乖好好合作。本來我正準備食材煲湯的時候，他還笑著望我可愛地撒嬌。媽媽說我偏心，在一家貓貓狗狗當中最愛他，他亦最愛我。 朋友啊！多謝你在這十六年裡的照顧，我已經成長了，今天你也畢業了。我會好好儲起和你一起的回憶，你在天堂要好好享受，歡樂地繼續奔跑吧！ 我們將來再見，等我。 #安早蓮娜歎杯茶 #銨珇 逢星期四出Post #呀B #八哥 #我最愛的狗狗 #最親密的朋友

🎥2021下半年最期待電影🎥 (以下為香港預計上映日期，確實日期有待電影公司公佈） 1. 《黑寡婦 Black Widow》(7月7日) 2. 《密室逃殺：倖存者遊戲 Escape Room: Tournament of Champions》 (7月15日) 3. 《當男人戀愛時》 (7月22日) 4. 《波士BB 2細祖 The Boss Baby: Family Business》 (7月22日) 5. 《義勇群英：蛇眼復仇戰 Snake Eyes: G.I.Joe Origins》 (7月22日) 6. 《幻險森林奇航 Jungle Cruise》 (7月29日) 7. 《詭老》 (7月29日) 8. 《怒火》(7月30日) 9. 《自殺特攻 The Suicide Squad》(8月5日) 10. 《爆機自由仁 Free Guy》 (8月12日) 11. 《回憶潛行 Reminiscence》 (8月18日) 12. 《媽媽的神奇小子》 (8月19日) 13. 《糖魔怪客 Candyman》 (8月) 14. 《禁室殺戮2 Don't Breathe 2》 (8月) 15. 《尚氣與十環幫傳奇 Shang-Chi and the Legend of the Ten Rings》 (9月) 16. 《毒魔：血戰大屠殺 Venom: Let There Be Carnage》(9月) 17. 《蘇豪的最後一夜 Last Night in Soho》(10月) 18. 《沙丘瀚戰 Dune》 (10月) 19. 《007：生死有時 No Time to Die》 (10月) 20. 《失靈腦朋友 Ron’s Gone Wrong》 (10月) 21. 《愛登士家庭2 The Addams Family 2》 (10月) 22. 《Halloween Kills》(10月) 23. 《永恆族 Eternals》(11月) 24. 《捉鬼敢死隊：魅來世界 Ghostbusters: Afterlife》(11月) 25. 《壯志凌雲：獨行俠 Top Gun: Maverick》 (11月) 26. 《22世紀殺人網絡4 The Matrix 4》 (12月) 27. 《蜘蛛俠：不戰無歸 Spider-Man: No Way Home》 (12月) 28. 《皇家特工：第一任務 The King's Man》(12月) 29. 《西城故事 West Side Story》(12月) 30. 《梅豔芳電影》(12月) 🎥 大家最期待哪一套?🙋 . 🌟新書網上預售訂購（Profile有連結）🌟 《電影療傷誌－願一萬次悲傷後，都能找到一次真心的相遇》 ◉ 香港 https://bit.ly/mmbookhk ◉ 澳門 https://bit.ly/mmbookmu ◉ 台灣 https://bit.ly/mmbooktw . #電影對白圖 #moviematic #電影台詞 #電影對白 #對白 #電影語錄 #電影片單 #2021電影 #2021movie #2021film #電影片單 #mm電影片單