［星語心願］星巴克有自己嘅語言。Introvert 埃汾驚唔驚？—驚？驚咩呀？我多數都用mobile order嘅。健力士，妙不可言。

TLDR – 消費就係身份認同，講同一種語言就係自己友。

Economist 原文：Why we speak Starbucks　（https://econ.st/2OXQwoM）

1. 話說在香港站開咗間韓國果汁舖JUICY，貼上網就有韓國朋友認得，埃汾去咗三五七次韓國都冇留意呢間嘢。有機會再講。

2. 但想講嘅係，前面有條港女，打扮，一舉手一投足，講嘢，都充滿港味。其實唔關我事，呢篇亦唔係講港女嘅文（但一定會有人當係）。佢同我一齊達陣，咁我讓佢先，正路，因為五五波。問題係佢搞撚咗幾分鐘都未叫到嘢！佢先係同隔嚟另一港女討論，然後又要打電話問朋友（仆街，玩百萬富翁呀？不如問埋現場後面排嗰啲丫？），然後又問下到大M同XL有幾大（明明前面就有個吉杯），又問下草苺會唔會好甜，又問下邊隻最好賣。如是者搞咗幾分鐘。拿，鍾意有人情味可以去咩台南呀乜鬼，包保同你吹半日水都冇所謂。但呢度係香港。香港站呀下。買杯嘢飲幾分鐘，應該係普世價值不能容忍嘅嘢。對不？我見連登仔都鬧啲友七十一交錢交一分鐘，或者埋到去先慢慢搵八達通

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

3. 但呢啲都唔係重點。重點係，店員同佢講草苺拿鐵多人叫。但佢話，Latte咪咖啡咯，係咪即係士多啤梨咖啡？店員好努力咁解佢知，係牛奶。

4. 我知好多人以為呢篇文係講港女，再講一次，就算前面係條仔都會有呢篇文（但如果係條仔有冇同一個故事？）。呢篇文係講星巴克！你老味丫，星巴克真係害人不淺！

5. 當然啦，星巴克並無發明Latte，亦冇發明呢個字。但的確係星巴克將呢個字在香港發揚光大，正如鄧麗欣之前冇港女叫Stephy，Keira Knightley 之前亦都冇港女叫Keira（＊）

6. 想講嘅係，應該好多人都知，星巴克有佢自己嘅一套語言。但有冇諗過點解？

7. 你去茶餐廳，奶茶就係奶茶，茶走就係茶走。固然年紀輕嘅撫摸員未必知，有啲新移民（no offense，不知者不罪）亦可能唔知咩係滾水蛋荷蘭唂咕。但，你唔會去澳牛有第個叫法，去大家樂有第個叫法。其實我在唐人街都係叫茶走鮮油多，唔會有第種叫法。當然你可以話法蘭西麥當勞唔叫quarter pounder 叫Royale with Cheese，但呢個係另一國家。

8. 但星巴克唔同。固然你唔會講「齋啡」（＊＊）（雖則我試過），亦應該唔會講「飛沙走奶」。但大家知了，唔係細中大SML，你叫細杯必然會畀人友善地更正，係tall．對上係Grande，Venti，Trenta。後兩者更加係星巴克自己註冊商標。聽聞有人以識得叫Trenta為榮（正如好多人都鍾意叫menu冇嘅嘢嚟show off，香港人真係好累），我就只係見到記得搵廁所同糖尿病。

9. 更加神化嘅係，佢地仲有好多古靈精怪嘅叫法，而我唔知香港店有冇跟。Marble Macchiato，Zebra Mocha都話首先我唔係好飲咖啡，在星巴克更加少飲。二來，嘻，其實我係用mobile order嘅　—就係避撚開啲諗幾分鐘都未叫嘅人。

10. 基本上，星巴克就係有自己嘅一套詞語，唔止，仲要有自己嘅一套文法：you say your size before your syrup, your preferred milk before your primary drink。星巴克初初開嘅年代，應該唔少人唔慣，同埋好易畀人發現第一次去（我其實諗起：夜場，一樣係大把術語）

11. 呢一切一切，當然唔係偶然。星巴克有自己嘅linguistic rule book，應該返工要學，做過嘅可以介紹下（但麥當勞就冇呢啲嘢，埃汾做過）。當然係為咗行銷，Brand building，品牌忠誠，community，自己友。諗落都有道理。果然飲咖啡都要講陣營。

12. 政治上就更加係，就算唔係主要講呢個話題，你留意下啲人嘅用字，同一件事同一樣嘢，唔同嘅用字，就已經反映唔同嘅價值觀。例如”白左” 同 “Liberal” （＊＊＊）

13. 話美國好多公司都玩呢套，In-N-Out（冇去過，都話冇去過美國）要講“triple double” （兩塊牛肉三塊芝士）或者“4x3”（四塊牛肉三塊芝士）。仲有健身公司都要玩

14. 香港嘅例子，我一時諗唔到。安利？怕且唔係。照叫片頭切腩撈粗你去第度都可以咁叫，亦都唔會有人唔明。定係澳牛？特別係個流程，煎蛋炒蛋，意粉通粉。同埋記撚住最後先叫嘢飲。

15. 諗嚟諗去，我諗到了！一定係譚仔！雖然我亦少食，但都知　勿演　懶肉　之類。真係成為marketing 兼 身份認同喎。最正係，成件事係意外！（定係必然？你請得嗰啲阿姐就會有呢個結果）

16. 真係的，政治，講到尾就係敵我之分，身份認同。而家消費都係玩呢啲。話說星巴克直頭會調教啲客：你叫　“small cappuccino with an extra shot and foam” 佢會覆你 “double-tall cap, extra dry”。你可以去試下，當玩chatbot咁

17. 關於Latte，仲要講多樣。如果乜都講政治嘅，以下包你好反感：Latte drinker，其實係「白左」「左膠」嘅代名詞。果然乜都有意味，正如牛油果多士又好敏感（澳洲），睇波食蝦三文治又好敏感（曼聯名宿講嘅）「一年去幾次日本食米芝蓮然後講悲慘世界」（埃汾講嘅）亦係有意思。

18. Latte drinker，等於英國講嘅Champagne socialist，法蘭西講嘅Gauche caviar（魚子醬鳩嘈）。意味好明顯，就係「一年去幾次日本食米芝蓮然後講悲慘世界」。不過香港當然係另一回事，「冇可比性」，目測十個有九個都鬧白左，但又照去星巴克　照食魚子醬照樣食米芝蓮　然後講社會不公義。但的確冇乜可比性，因為香港人太有錢．窮人都飲星巴克。另一方面，當然係香港人憎人富貴亦厭人窮，絶對唔係「左右」（即使只係講經濟嘅左右）可以分。

19. 最後講多樣，Latte index．香港嘅星巴克，其實差不多全球最貴。但依然好多話自己「窮人」嘅去—咪解釋到點解可以賣咁貴。當然，最直接嘅講法就係話租貴，呢個係萬能key – 但，又點解香港Big Mac 平過好多地方（肯定係榜嘅下半截）？埃汾話，應該因為香港人鍾意打卡。星巴克可以扮品味，麥當就冇。「係香港人先咁鍾意扮嘢？」「係」

20. 真的，人性的弱點嘛，星巴克姐姐（或哥哥）講嗰堆咁嘅組合語言，雖然你唔明講乜，但你覺得好型。當然到佢寫你個名叫你個名你就覺得更加開心。自己個名係最動聽嘅聲音嘛—特別係由靚女靚仔充滿朝氣叫。你三十幾蚊買杯星巴克，應該有十蚊係為呢樣嘢。「所以只有有錢金融撚先會叫外賣點件intern去拎」

（＊）BTW，星巴克，Stephy同 Keira Knightley都係埃汾恩物。雖然我係近乎唔飲星巴克咖啡嘅。我嘅壯舉係試過一杯咖啡都唔飲但續到Gold member

（＊＊）又話時話，咩叫「齋啡」，都曾經有人爭論過。做人真係好辛苦。咁但對我嚟講係好簡單嘅，如果我會飲咖啡，就係齋啡。唔落糖唔落奶。凍熱都唔落。不過話時話，「Cold Brew係咪即係齋啡？」。憑我有限嘅知識就應該唔係，係講個過程。「但Cold Brew default應該係冇奶冇糖的？我冇見過咖啡師會問」「又聽聞飲Cold Brew落糖落奶會落地獄」。拿，我真係唔識的，搵人出嚟解。但我就從來唔落。

（＊＊＊）呢度指西方，特別係美國嘅語境，唔好拎香港大陸或台灣嘅　左右　嚟比，一百萬嘅問題：民進黨係左定右？即刻答，然後Google下。

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

【#別墅裡的一百種味道】
⠀
出軌咖⠀座落於沙鹿的自家烘焙咖啡館
這裡沒有商業氣息
只有鄰家咖啡館般的親切感
⠀
人家是活魚三吃⠀這裡則是「一豆兩喝」
含一杯卡布奇諾、一杯濃縮（可換美式）
一次享受同一支豆子的不同風味
⠀
這裡就像療癒身心的避風港
不必叼啣著晦澀難懂的專業術語
你也能當個暫時拋下繁文縟節的出軌咖！

—
⠀
完整內文請見：http://sc.piee.pw/QSQFA 🔍
⠀
—
⠀
【一百種味道｜系列平台】
▎部落格：http://tastes100.pixnet.net/blog
▎Instagram：https://www.instagram.com/100tastesintw2015/
▎粉絲專頁：https://www.facebook.com/100tastesintw/
▎Line ID：@jyw1349b
⠀
—
⠀
#出軌咖 #沙鹿咖啡廳 #海線咖啡廳 #海線甜點店 #沙鹿不限時咖啡廳 #沙鹿甜點店 #台中手沖咖啡 #台中咖啡廳 #台中甜點店 #台中不限時咖啡廳 #沙鹿美食 #台中美食 #沙鹿必吃 #台中必吃 #台中美食推薦 #popyummy #YummyDay #cakotaiwan

邊爐都做到, 米線係咁好賺既, 大家樂要賣, 有幾難? 個湯有專利嗎? 定在瑞士銀行鎖住個配方 得三哥知?

原文: http://bit.ly/2qoDoO6 譚仔年賺億元 日資丸龜洽購 純利率14%遠勝翠華 分析：不排除有「財技」

認下叻先, 譚仔壇野, 差不多全香港我最早報, 快過99.9% 傳媒網媒 (http://bit.ly/2qoFb5J 丸龜買譚仔？第時食丸龜有大中小甜辣？定譚仔豚肉烏冬？)

咁, 水又抽過 (http://bit.ly/2qouAHT 食米線丫拿!)
圖又改過 (http://bit.ly/2qoE1Y7 全無違和感)

數又計過 (http://bit.ly/2qovSD6 譚仔10億好貴? 點睇都唔算貴. 計比你睇)

(http://bit.ly/2qoyWPg 譚仔 唔聲唔聲都 1億純利, 10億賣比日本仔真係有啲嘥)

然後又點? 都係講番計數

分析員最矛盾就係, 要精神分裂. 一方面你要信邊有咁大隻蛤乸隨街跳, 但另一方面又要覺得自己睇到人地睇漏既野

具體啲, 即係街度如果有張五百蚊冇人執, 九成係假. 真既有人執左啦 - 咁但你咪做執果個咯

唔少人, 包括我, 都講到 譚仔其實賣得平. 覺得10億好誇張既, 只係你唔知譚仔咁賺錢啫. 唔知譚仔都賺1億啫.

同埋, 你唔知10億真係唔係咩錢, 早幾年 LV (係, 果間LV) 買 翡翠拉麵小龍包都差不多要呢個價啦.

所以, 1 億盈利賣10億, 真係唔過份. 大家樂翠華都唔知咁.

之但係, 有分析員話"10倍市盈率的估值有低估成分，參考翠華現時約24倍市盈率及撇除品牌效應，譚仔市值「至少值16億至17億元」。" 我就唔同意啦.

唔好用話 翠華點點點係現實, 所以譚仔賣得平 係你推論. 其實係掉轉 - 點解人地只係出10億買? 咁其實好可能, 個利潤有水份咯.

水份係乜, 難講. 而水份往往係合法既, 甚至完全唔使灰色地帶. 譚仔唔係上市公司, 丸龜 只係公佈譚仔做幾錢生意, 同埋純利幾多. 中間係乜, 冇人知.

可以係 在馬達加斯加有個雞棚 (整土匪雞翼掛) 既 重估收益. 即係咁講啦. 又或者, 幾年既野谷晒去今年, 亦得.

最令人懷疑, 果1億盈利既質素唔高, 就係因為佢既 利錢高得驚人.

文中有寫, 喂, 7億生意 1億純利, 14% 純利潤率 (NP Margin/NPM 是也, 但我寫文盡少用呢啲術語). 賣米線咋, 唔係賣白粉呀大佬.

大家樂, 出名係 香港最強既公司之一, 不過 7% 利錢. 大快活, 曾經好頹, 之後浴火重生既古仔都好多企管人講過, 不過8%.

味千既 豬餿湯, 就做到28% 利錢 - 不過, 咪就係因為有個好大既重估收益咯 (個血池地獄搵到金礦掛). 況且, 味千在大陸做, 同香港又係兩回事.

講到尾, 譚仔真係有14% 利錢? 我就真係唔多信啦.

咁所以, 市場冇死錯人. 你個純利水份高 (唔一定假, 甚至可以100% 真), 我咪唔會仲比咁貴買咯. 你鍾意作到1.5億純利都得架, 但我都係比呢個價.

千萬唔好信啲咩 unique business model. 呢個年頭, 除左科網外, 念頭唔值錢, 執行力 同 銀紙先係王道.

整米線好high tech 好高利錢? 大家樂大快活連 邊爐都做到, 米線係咁好賺既, 佢要賣, 有幾難? 你個湯有專利嗎? 定在瑞士銀行鎖住個配方 得三哥知?