《換鞋》

♀：其實男人係咪滿腦子都只有性呢？

♂：又發生咩事呢？

♀：有幾個傾開既，佢地想見面，但都係有暗示想出黎搞野

♂：網上識既？

♀：係

♂：我同我女朋友都係網上識既，但我無諗過性呢方面既事

♀：哦，做左女朋友喇？恭喜

♂：唔……大家無承認過又無否認過，但我感覺上當左佢係女朋友喇

♀：有好多野唔駛講都知既

♂：我都係咁諗，我同佢都係話長傾不見，你呢？你係點形容自己？

♀：失婚婦人求安慰囉……

♂：問題咪出係呢度囉，你呢個名，點會招惹到好男人呢？

♀：咁我依家既情況係咁嘛，我又無講大話，而我真係想要安慰

♂：係男人既角度睇，你呢種失婚既，需要安慰既，都好易聯想到肉體上

♀：唔好話你心邪

♂：咁你之前個十六個又係咩回事？唔好呃人呃自己啦，名係好緊要

♀：唔好提以前喇……咁大師你有咩好建議？

♂：「認真想開始一段新生活」呢個點睇

♀：認真得滯喎……

♂：就係因為你唔認真，所以咪招惹到一大班唔認真既人囉，我再問你，你點去選擇你要傾既人？

♀：感覺好似唔錯既男人

♂：咁呢個年紀，又唔錯既男人，點解仲係單身？唔駛講，一係有老婆一係有女朋友啦，仲係單身既，又條件好既，佢點解唔可以搵一個都係單身，無小朋友，又年輕既選擇呢？要揀你一個剛剛失婚既單親媽媽？

♀：乜我依家好差咩？

♂：我唔係話你差，只係大家係網上三唔識七，佢點會知你好，佢只會覺得你係易得手

♀：好……咁我改囉

♂：唔好勉強，其實我想問好耐，你到底依家想要乜？

♀：想要一個比到安全感同依靠我既男人

♂：咁你想唔想再結婚？

♀：都想既

♂：咁你依家有冇返工？

♀：無啊

♂：咁麻煩你真係去搵返份工，好男人有唔少，但對於一個有小朋友，又無自己生活能力既人，現實少少講，有邊個會想去承擔起呢個責任，坦白講，你依家係入左地獄模式，已經好難玩，你如果期待有一個白馬王子出現去拯救自己，咁真係要幫你睇下條命，你命好既話，可能會有既

♀：咁你幫我睇下……

♂：如果我話你命好，你係咪繼續等？要我話比你聽幾年幾月幾日係邊可以遇到一個白馬王子？無嫁……我幾時都話，令自己變成一個更好既人係唔會錯，無論條命係點，你有更好既條件都肯定會多左選擇

♀：即係我條命唔好？

♂：救命啊……好定唔好，你都應該更好，不如你去照下鏡，睇下今時今日既自己係點樣，你會唔會想係鏡入面見到更好既自己，然後身後會有個好男人，同時你係同佢相襯！

♀：你知我一直以來乜都唔憂……我條件一向都好，我一直都希望做個幸福既少奶奶，點知依家搞成咁

♂：我問你，你老公除左係性方面比唔到你之外，有冇做到一個老公應該做既事？

♀：有……

♂：咁你曾經擁有個，只不過你唔滿足，講真，你有冇去睇醫生見輔導？有冇真係努力去挽救過呢段關係？

♀：……

♂：答案係點你一清二楚啦，你就係衝動，係，對鞋唔啱著，有少少刮腳，唔緊要，換過對囉，即使佢外表唔錯，陪你行過幾多路都好，佢磨損左刮腳，你就換過對，其實婚姻好似著鞋咁，再好睇再貴既鞋，都會有一日會唔會你心意。

♂：好似一對運動鞋咁，係好舒服啊，但你唔可以著去舞會，你見到人地有對好靚既高跟鞋，你睇人好，但人地貼左幾塊膠布流緊血你唔會見到，而呢對運動鞋，佢可以陪你行街陪你跑步，但你如果想去跳舞，對鞋就點都唔及一對舞鞋，無一對鞋係完美，每個人都有自己既長短處，你勉強要一對出街鞋行山，最後對鞋損壞之餘，你都唔高興，咁又有咩意思呢？

♀：……

♂：鞋，係需要保養，係需要就住著先可以keep得耐，你粗著完，又怨佢不復當年，我可以話你聽，你換幾多對鞋都於事無補，而你要記得，你既條件就係你既錢，當你無錢再換鞋既時候，你可能就只可以被迫著對白飯魚，到時你後悔都無用，無人幫到你

♀：……

♀：其實呢……我想你安慰下我，氹下我，而唔係同我說教……

♂：好，我唔講。

——

長傾·不見 第一回 @筆友
https://bit.ly/LongchatEP1
長傾·不見 第二十九回 @呷醋
https://bit.ly/LongchatEP29
好久 不見 第一回@久違
https://bit.ly/LongtimeEP1
好久 不見 第六回@命運
https://bit.ly/LongtimeEP6

最近的工作是為一個校內資料館整理館藏，即是「幫手執嘢」。

把每件舊物的資料輸入電腦作紀錄，對我來講是一個舒適還有點好玩的工作，表面上我摸來摸去是在量度其尺寸，翻來覆去是為了尋找出產年份，實際上我是在作時空旅行－－ 雖然在Facebook 上也能不時看到「舊時香港」的Post，但若有一件當時的物品拿在手上，回到過去的感覺會更加強烈呢。

這設計學科的資料館，收集了從50年代到00年代的書刊雜誌，還有些不同種類的包裝盒，如火柴盒和月餅罐。十幾款中港台20 世紀中段出版的華文雜誌，美術、攝影、電影、政治等等週刊月刊，圖文並茂，對香港歷史有興趣的話，每本書都足夠消磨大半天。當年的草根階層，大概都難以接觸到這些書刊，這一代的我們就有福啦。

50年代書籍，有些拿起時會不停掉下紙屑，翻開時可能整本解體，要很小心呵護著看。也有些書身仍然壯健，那些製作成本應該比較高，看起來不是通俗的讀物。再看，原來70年代書刊的排版美感、印刷效果和釘裝技術已和今日差不多，不少是完全看不出有四、五十年歴史。

記錄時，常要換算中華民國的年份，但我總記不起要轉為西歷是需要減個幾多年，總要上網去「解碼」。感覺上還沒有「國際標準書號ISBN」的書 (即1976年之前出版) 更值得珍惜，好像如果大家都丟掉了它，它就彷彿並未存在過世上似的？因為當中有些可能從未被作紀錄呀。

有些書名開宗明義是關於香港文化研究，由作者口講給你聽這時代那方面如何如何；我覺得更有趣的是看一些普通的街道或人物照片、當時人寫的生活逸事和雜談，去感受一下當年的社會氣氛。

工廠興旺的時期是怎樣的？讀到一篇12歲小女孩借來鄰居14歲姐姐的身份證去工廠求職的短篇小說，覺得「童工」的年代很遙遠，在工廠返工也是－－ 自我踏入社會工作開始，返工廠已等於返「廉租寫字樓」，工廠如有貨可出，多數是作為中轉站的貨倉；又有很多Jumbo size 單位變身成「板間單位」(像我之前的Band房)，總之很少真的作工業製造用途。現在，冇錢時到地下或一樓的「工廠飯堂」開飯 (都要$40 - 50 一個餐嗚嗚)，有錢就到樓上的隱世靚Cafe去Hea一個下午了。

很喜歡看到不同年代的樓盤廣告，痴線㗎50年代十幾萬一個全新交通方便住得下一家人的市區單位！還有當時賣樓盤的告白跟賣香煙的告白差不多，都是標榜「價廉物美」，原來做廣告的如此老實過。看著廣告之中電話號碼，隨年月出現格式改變、數字增加，就想到香港在短短幾十年間，真的多了很多很多人、變得很擠。

旅發局指南、市政局 (以及相對歷史很短的區域市政局) 年報、外國攝影師拍攝的相集、娛樂雜誌，加加埋埋，可拼湊出那個我未經歷過的年代的生活面貌。看到市政局的洋紫荊花型Logo，全港分為十一區的地圖－－ 沒錯填海是實在地把土地改變了一點點，但改變最大的，還是人們怎麼「看」這片土地。又讀到一些外藉官員所撰寫的工作報告，人，也變了很多。

說到娛樂雜誌，今日看舊時的依然其娛樂姓，即使是已經過期50年－－ 由邵氏初代的影星看起，到「後來的」司祺妹，咪咪妹，音音妹 (最近仍有戲上，要支持！)，全盛期都是女神級。再看看邵氏有過甚麼「第三類電影」，奇怪的知識又增加了……

不變的，竟然是穿白波鞋的潮流，由白飯魚到Mcqueen 也好，白波鞋總是中外永恆的經典呀。

🐂日式炙燒宮崎牛丼飯主打店🥢
-
依間日本丼飯店原來已經有5間分店，星期五夜晚去食都要排隊等位~ 由於主打高性價比，所以就算採用日本第一宮崎和牛，北海道十勝豚肉，鰻魚等 高級食材，價錢都相對較貼地，最平$158 就食到和牛丼🤩 而且食物種類幾多，除左以上主打，仲有拉麵，魚生飯，咖哩飯 及一人鍋，可算幾多選擇~
-
宮崎和牛鍋 ($179) 可以揀壽喜燒風/豬骨清湯。會附送 生雞蛋 及 白飯🍚 可加$10轉烏冬~ 主角宮崎和牛有4塊，見到明顯雪花紋，入口質感軟滑富油香，就算煮耐左啲都唔會鞋口🥢 吸收左壽喜燒甜甜嘅湯底，再沾上蛋汁，好滿足🥰 配菜有娃娃菜，芋絲，鮮菇，豆腐等，份量偏少，如果冇左碗飯會唔夠飽
*
宮崎和牛•鰻魚雙拼飯 ($169) 除左鰻魚仲可以拼豚肉~ 一個飯裏面就可以試哂兩樣人氣item! 今次依款宮崎和牛以日式燒肉汁係鐵板上燒過，所以面層帶焦香✨ 質感同樣夠柔嫩，唔會乾身，保留到肉汁~ 鰻魚份量幾大，可惜外皮欠缺焦脆感🥲 同埋如果個飯多少少醬汁送飯就好了，飯粒用上日本一見鐘情米，煙韌嘅口感很不錯
*
宮崎和牛薯餅 ($28) 外層炸得十分酥脆，內裏夾雜左少量肉粒
*
柚子雪葩 ($48) 仲有水蜜桃 & 椰子。以結左冰嘅新鮮生果磨成沙冰，再以原個柚子呈上。柚子味濃郁，酸酸甜甜，味道清新天然，非常解膩💕
*
三得利角瓶威士忌梳打 ($42) 幾特別竟然可以飲到highball，而且價錢幾貼地~ 雖然只飲到淡淡嘅whiskey 味，但加入檸檬 & 梳打，幾解渴🥃 仲有果味highball 選擇
-
炙・宴 (新城市廣場) (沙田)
沙田沙田正街18號新城市廣場第三期2樓A215號舖

#北海道新千歲機場 #newchitoseairport2020 #北海道新千歲機場攻略 #どさんこ産直市場 #Skymarket


Hello大家好,
今日帶大家去睇下北海道新千歲機場攻略

在這段期間可能你不可以去旅行, 我都是

但是正如我身邊一位好朋友經常講一句說話

休息是為了要行更遠的路, 相信現時世界面對的困境

總會有一日過去, 而我有信心, 醒目轉數快有效率的香港人

將會是這個困境過去之後, 香港將會是全世界反彈得最快的地方

我這條影片除了會介紹買手信、 推介餐廳之外

還會簡單講下郵寄海鮮返香港的手續和收費, 片尾當然有大家最喜歡的是咁的環節

睇完影片記得留表情符號以示支持, 幫我將影片分享到你的朋友圈呀 , Are you ready?

新千歲機場分別有國內航廈和國際航廈

從美食到娛樂通通都有！真是超級精彩

這個機場的設計簡直超乎你想像, 好像整個魚市場搬了來機場這樣

國內線航廈2樓一條名為「道產子產直市場」（どさんこ産直市場）的商店街。

這裏的店舖, 集結了北海道各地區的山珍海味，

有來自小樽的海膽、旭川的帶子、十勝的蔬果等應有盡有，

當造的海膽, 入口即溶，口感細膩，絕對令你齒頰留香！

北海道三大名蟹, 帝王蟹、 松葉蟹、 毛蟹任君選擇

你亦會見到一盒盒發著耀眼光芒的人氣銷量冠軍

「醬油醃漬鮭魚子」配上白飯一起吃簡直是人間極品！

鮮甜冷凍,肉厚又彈牙嘅帶子，買返家鄉,

稍為落點牛油香煎一下, 就已經好味得令人無法抗拒了！

從海鮮、零食到名貴鮑參翅肚, 各類北海道土產齊集，

怎樣帶回香港呢?根據香港海關方面的規定，

旅客凡進入香港境內的，都必須將食品煮熟及經過急凍處理，

在新千歲機場不論是離境大堂或禁區的海鮮店，

店舖方面亦相當貼心地標明，所出售的蟹經已煮熟，

考慮到食物保鮮問題，這些店舖都會幫你用發泡膠箱及乾冰或冰墊進行打包。

如果你這包裹內有乾冰，超過2.5公斤的，

按民航處規定，都必須要寄艙。

其實，寄艙是最適合的，因行李寄艙位置，溫度比客艙低。

你是否驚會過磅呢? 你可以去郵局寄倉自己的衫褲鞋襪

將買返來的海鮮check in, 不急住用的衫褲鞋襪就可以郵寄

日本郵局寄國際包裹時，共有三種方式可以選擇，

分別是國際EMS、國際小包空運、以及國際小包航運(船運)。

速度以國際EMS最快，國際小包空運次之，最慢的則是船運了。

運費則與速度成正比，速度越快自然就越貴，

所以最貴的就是國際EMS，最便宜的是船運。

大家可以根據自己的需求與預算做選擇。

最快日數(EMS)是一個星期至十日, 最慢(船運)大約是一個月

這樣安排呢, 好比兩樣東西一齊check in, 這樣會平很多

至於餐飲方面, 國內航廈3樓, 就有北海道拉麵道場

裏面有十間拉麵店, 各有北海道不同各區的特色

北海道三大拉麵，可以簡單分為：札幌味噌、旭川醬油、函館鹽味

每個地區再依據氣候特性、食材的選取，湯底的變化和topping配置

每間拉麵店都有餐牌放在門口, 大家可以在這條街行一個圈, 才決定去邊間食

《一幻拉麵》湯底、口味、麵條粗細可隨意組合搭配，

還有鮮蝦飯糰、煎餃等side dish可以選擇

麺屋開高盛產十勝的豚肉搭配的拉麵，

他們的螃蟹味噌拉麵, 真是有兩隻蟹鉗, 價錢亦都不貴

《空拉麵》味噌拉麵油度、鹹度不會太重，屬於多數人都能接受的清爽風味

來自旭川的《梅光軒》2012年榮登《北海道米芝蓮紅色指南》值得推薦，

如果不喜歡食拉麵的朋友, domestic Airport 是有好多各類不同的餐廳

和一個在3樓叫市電通食堂街

如果你看了餐牌覺得貴, 我亦有好介紹喎

就是二樓的「Food Court」美食廣場

Food court食品, 比起機場其他的餐廳平一半

如果你一家大細在這裏用餐, 真是可以慳回幾百港元




...............