NeNe Chicken 仲記得同朋友第一次去韓國旅行食炸雞就係NeNe. 印象中炸雞外脆內嫩, 連泡菜都唔錯. Nene 黎左香港咁耐, 其實都係第一次食, 估唔到最滿意唔係炸雞反而係佢新出個年糕. 玫瑰醬寬粉炒年糕 $108 Rose Sauce Rice Cake w/ Vermicelli Noodles 其實即番茄忌廉炒年糕, 因為呈粉紅色所以有個咁靚嘅名「로제（Rose）」🌹比起平時食韓式傳統辣炒年糕加左忌廉減低左辣度, 而番茄醬汁微酸又解低膩. 年糕同寬粉都煙煙韌韌, 仲有bacon 同腸增加咸香 蔘雞湯 $121 Ginseng Chicken Soup 朋友想試, 估唔到都唔錯. 用左原隻雞, 中間包住糯米, 仲有少量人蔘同紅棗. 雞肉煲得好軟腍可以輕易撕開, 個湯有微微蔘香, 加埋糯米似蔘雞粥 🙆配炸雞食都幾減膩 皇室豬肋骨(L)伴芝士火鍋及脆薯條 $275 UK Baby Pork Ribs with Cheese Fondue & French Cheese 個ribs 調味剛好, 微微帶煙燻香味又唔會太濃味, 肉都煮得腍身可以切開. 一份有4大舊, 美中不足係唔夠熱, 應該整定所以凍左, 而且薯條唔脆. 🧀🧀芝士火鍋嘅忌廉味比較重, 唔係拉芝個款cheese, 朋友話覺得有d 似奶粉味所以麻麻. 我覺得味道都可以嘅, 不過撈埋食較膩, 就咁食ribs 會更好食 雙重滋味炸雞$177 Half & Half Fried Chicken 選左招牌炸雞同青陽辣椒白郡主炸雞. 🍗炸雞炸得都脆, 不過炸粉略厚中間肉質唔夠嫩同juicy... 相對地比較prefer 原味, 本身會配honey mustard sauce. 另外嘅青陽辣椒白郡主帶微辣, 個sauce 有點微妙, 味道還可以不過淋醬presentation 唔係太靚仔, 放耐左又整到無咁脆

韓國人氣炸雞品牌 @nenechickenhk 最近新推出炒年糕系列, 滿足喜歡食韓國年糕嘅朋友!✨ . 【玫瑰醬寬粉炒年糕】HK$108 將辣炒年糕醬、番茄醬同忌廉調製成玫瑰醬, 個醬偏杰, 容易掛汁, 味道甜甜地又有少少辣, 熟透嘅年糕、寬粉口感帶少少煙韌, 配上脆皮香腸、好林嘅西蘭花同洋蔥, 配搭豐富。 . 【迷你雞蛋卷 (明太子)】HK$90 玉子唔會熟過龍, 一切開入面嘅蛋汁、芝士、明太子流出, juicy棉滑口感, 配上面層嘅蟹籽, 增加口感層次, 不過整體味道鹹咗D。 . 【白郡主炸雞 (有骨全雞)】HK$177 🐔炸雞表面炸得酥脆不油, 除了雞胸果幾件, 其他雞件肉質都keep到些少肉汁, sauce就用咗sour cream配上索咗汁嘅洋蔥, 甜甜地有淡淡忌廉味, 如果個sauce再多少少會更好。 . 【芝士魚糕串鍋(大)】HK$151 沿邊係充滿奶酪味嘅芝士醬, 中間為魚糕串鍋, 魚糕味道鮮甜, 湯底清甜偏淡, 加入了少少年糕、東菇、日式魚片, 釀咗粉絲嘅腐皮包, 完全索咗個清甜湯汁。 . 📍全線 NeNe Chicken . #hkfoodie #foodie #hk #hongkong #hkblogger #香港 #香港人 #香港食評 #食評家 #香港美食 #美食推介 #美食分享 #炸雞 #韓國菜

-NeNe Chicken- 成日行朗豪坊經過都好想試呢間韓國過江龍，今次終於有機會試下！ 本身以為出名食炸雞，估唔到其他野食反而比炸雞更出色😳 。 👉🏽迷你泡菜雞蛋卷🍳$80 作為泡茶+芝士控，呢個雞蛋卷就可以一次過滿足我兩個願望🤟🏾入面包左好多泡菜同拉絲芝士，成個卷都好juicy唔會乾🤤迷你size都夠2-3人食呀～ // 👉🏽玫瑰醬寬粉炒年糕🥘$108 呢個新產品意外地不錯！ 食到蕃茄忌廉醬、芝士同辣醬味，個汁辣辣地好惹味🤪 寬粉同年糕都好掛汁，而且好煙韌彈牙😆 // 👉🏽牛油果豆腐沙律🥗$110 豆腐粒新鮮炸起外脆內軟，牛油果份量好多，配香脆嘅蒜蓉多士一齊食都唔錯🥑下面仲有沙律菜+沙律醬，味道幾清新～ // 👉🏽雙重滋味炸雞（無骨）🍗$188 （韓式甜辣炸雞 x 白郡主炸雞） 呢個炸雞就真係幾失望唔太推薦🙈 最大問題係個炸雞唔太新鮮，炸衣唔香脆，入面雞肉都唔夠熱🥺而且肉質唔太嫩滑，比較乾身🥲外面嘅甜辣醬唔辣，甜味為主，白郡主個邊就係淋左白汁無特別🤭 // 👉🏽愛文芒果乳酪特飲、西柚柚子茶🍹 呢兩杯都唔太推薦🙈 。 📍地址：旺角亞皆老街8號朗豪坊11樓30號舖 ➡️ @nenechickenhk 🐥 —————————————————— #hkbreadie #hkbreadie食評 #NeNeChickenHK #韓國人氣炸雞品牌 #玫瑰醬寬粉炒年糕 #炒年糕滋味遊 #friedchicken