《🎎Omakase初體驗🍣》 小妹一直以黎都未曾試過食Omakase🤭，成日諗得幾件壽司其實食完飽唔飽🤔最後朋友誘惑底下試左人生第一次食Omakase😎💝 • 餐廳有3️⃣個套餐選擇，小妹揀左1️⃣2️⃣件壽司🍣嘅套餐，希望可以滿足到餓底嘅小妹啦！揀好左套餐師傅會同客人傾下計🗣，按住客人嘅心情同期望去tailor made 每件壽司嘅排序🔖。 • 前菜-清酒煮白梅貝🍶 白梅貝用左清酒煮用，咬開肉身酒香非常，加上一塊秋意的楓葉襯托🍁，很好的開始👍🏻！ • 第1️⃣貫-真鯛壽司 真鯛即係立魚，味道清淡優雅💃🏻，肉質鮮甜富有彈性，加上辣椒蘿蔔提昇左鮮味，作為第一道壽司亦唔會太漏☺️ • 第2️⃣貫-千切帶子壽司🐡 司傅用刀法將帶子表面切開，放入開已經感受到帶子嘅鮮味，再配合黑松露醬及海膽，提昇左帶子嘅甜味，一個字鮮！ • 第3️⃣貫-虎沙小白蝦壽司🦐 小白蝦爽脆彈牙，有淡淡的鮮甜蝦味，師傅用左岩鹽、柚子皮、紫蘇花、魚子，令蝦的鮮甜味更加突出 • 第4️⃣貫-金箔毛蟹壽司🦀 毛蟹入口鬆軟，毛蟹微暖🌡的溫度令蟹鮮在嘴裏爆發，之後慢慢沉澱，加上金箔作點綴，好食又好看🤩 • 第5️⃣貫-芽葱金箔剝皮魚壽司🐠 剝皮魚肉味雖然比較淡，但肉質鮮美彈牙，作為中段嘅壽司亦唔會太漏🥰 • 第6️⃣貫-柚子皮深海池魚壽司🐟 深海池魚油脂非常厚，入口質感爽脆，透着淡淡的鮮甜，加上柚子皮令甜味更加提昇😋 • 第7️⃣貫-柚子胡椒鰤魚腩壽司 🍣 鰤魚的味道略淡偏甜，師傅再用左柚子令鮮味提昇，魚腩雪白中帶點粉嫩，油花散佈得很均勻。 • 第8️⃣貫-秋刀魚壽司🍴 秋刀魚雖然一年四季都有，但秋天捕獲的秋刀魚質素最高，因為秋天嘅秋刀魚都拿儲滿魚油為繁殖做足準備，魚油係秋天係特別充足，所謂不時不食，秋天必食！😝 • 第9️⃣貫-火燒蒜蓉目光魚壽司🔥 入口即溶的速度非常快，鮮嫩的肉質伴隨著燒烤逼出的油脂，帶點微焦的滋味令我意猶未盡，好想再食多舊呀！😹 • 第🔟貫-鮟鱇魚魚肝壽司🐡 一講鮟鱇魚大家可能只係諗起佢個樣唔太討好，小妹第一次食鮟鱇魚魚肝，味道卻十分驚喜🤠。鮟鱇魚肝用sake🍶輕輕汆燙👄，再加上西瓜奈良漬酸酸甜甜的味道將鮟鱇魚肝的飽膩感帶走，加上鮟鱇魚肝口感滑嫩☺️，味道絕對能媲美邪惡的鵝肝。 • 第1️⃣1️⃣貫-日本海膽壽司🦠 海膽壽司淡淡的鹹味中帶來陣陣鮮甜，很清爽的味道，入口即溶，而且海膽的量非常多🤤，差點一口也吃不下，正❤️ • 第1️⃣2️⃣貫-大吞拿魚腩🐠 最後出場緊係最肥美大拖拿啦，大拖羅係魚腩最前位置，油分分布相對較多，但筋位亦較多，非常煙韌，每咬一口也有魚油滲出🍯，令人有種唔捨得吞落去！ • 柚子腐皮蠔仔湯🦪🍵 湯用左皇帝菜同蘿蔔烹煮，再加上蠔仔，師傅話食完料再飲湯，個湯仲非常鮮甜，好飲😛 • 甜品-白酒啫哩🍸 白酒啫喱唔係太甜，亦唔會太漏，作為甜品係個完美嘅句號🤓 • 環境黎講相當寬敞，小店Bar台有十餘個位🎎，亦另設包廂，師父亦相當有耐性地講解每個菜式。第一次食Omakase嘅我表示好飽好滿足😌。 ===================== 味道：9/10 賣相：8/10 份量：8/10 價錢：7/10 環境：8/10 ===================== 花晨月夕 (尖沙咀) 尖沙咀赫德道2號金麟商業中心2樓 ===================== #2lingfoodie #hkfood #hkfoodie #hongkongfoodie #hkfoodblogger #foodinhk #hkfoodstagram #hkeats #hkdaily #hkfoodporn #hkfoodies #hkgirl #hklife #hkigfood #hongkong #hkfoodlover #hklife #hkig #omakasa #相機食先 #吃貨 #japanese #sushi #sake #花晨月夕