Diet Culture 節食文化 #wyk9up 今日想同大家討論下Diet Culture🥰 節食文化並唔係「節食」咁簡單，而係一整套對審美、運動、生活方式嘅價值觀，為咗達到一套狹隘嘅審美標準，而罔顧甚至犧牲社交、身體及精神健康。 節食文化有啲咩實際呈現？ -認為外表、身材係人至為重要嘅特質 -將人嘅飲食習慣、體型等連繫到人格道德 -將食物死板地分成「好」或「壞」 -過分著重卡路里攝取 -鼓勵自我、互相嫌棄嘅對話 -沉迷討論減肥方法 -過量運動導致身體勞損、荷爾蒙失調等 -罔顧健康，胡亂食藥、捱餓、扣喉etc -會因爲無法達成節食/減肥目標而情緒大起大落 其實我認為適當地討論如何飲食、運動可以令自己變靚、變健康係好應該嘅，訂立一啲同外表或健康有關嘅目標都係可取嘅。問題係，唔同人經歷緊唔同嘅嘢，有權選擇佢哋希望專注嘅範疇，可能當下要專注家庭、努力讀書、打拼事業，唔係個個都有能力、有興趣兼顧所有嘢。而Diet Culture就係會忽略每個人嘅需要、特質，一尾要求所有人不惜一切去變瘦、變靚，並且會認為「身型唔靚」係嗰一個個體自身出咗問題，用極度負面嘅方向怪罪、排斥不符合審美嘅人。 但其實好多研究都已經討論過，一個人肥甚至去到對食物上癮引致癡肥（bmi >30），好多時都受社會、經濟、家庭、食物產業等多方面影響。 首先講吓食物產業。 喺呢幾十年，好多零食製造商直頭係會有整個科學團隊，研究如何令佢哋嘅產品更加上癮，令顧客不能自拔：由脆度到香味、鹹味、糖份都係經過精心調配，不斷實驗。 喺發達嘅地方，高卡路里嘅食物亦都係垂手可得，甚至比所謂嘅健康食品價格更加相宜。高卡路里、高鹽高糖高脂嘅食物可以令我哋腦部產生開心激素，有啲研究甚至話係同吸毒有差不多嘅效果。 我哋腦部之所以會有咁嘅反應，係因為卡路里代表能量，能量可以令我哋生存下去。喺糧食唔太充足、無咁多精製食物嘅時代，我哋嘅身體當然要對高卡路里、三高食物有特別嘅鍾愛，先可以變得強壯去應付日常生活。但係呢幾十年，我哋嘅食物已經變得唔同晒，供應亦充足，隨時隨地好平都食到高卡路里食物，甚至有商家特登令食物變得上癮…我哋嘅身體進化根本就未適應到呢個新嘅世界😅 又講吓經濟因素。 其實都係常識，去街市買餸自己煮，就一定係最健康又平。但如果一個人成日都要為口奔馳，下下放工已經好夜，或者要輪班，仲邊有時間心力去煮？唔係個個屋企都可以有人做家務，好多都市人就會變咗餐餐外賣，或者求其煮個餐蛋麵，結果又係會又肥又唔健康。 仲有好多好多因素啦～ 講咗咁多，其實都係想講一個人「身材唔靚」，並唔係好似Diet Culture所認為，必定只係個體嘅錯、嗰個人嘅懶惰不道德。有部份人都係被社會、生活逼成，部份人嘅基因係對食物特別難以抗拒，或者特別吸收，又正好生於呢個充滿引誘嘅年代。 所以外國唔少政府開始收糖税、鹽稅，就係為咗減低食物製造商生產不健康嘅上癮食物嘅誘因，又有規定不健康嘅食物不能夠放喺超市當眼貨架咁。因為佢哋都知道單靠每個人個人嘅能力，未必能夠抵抗龐大嘅industry、科研嘅逼迫。唔「靚」、唔「健康」，好多時都未必係個人嘅問題。 用負面甚至欺凌嘅方式去針對肥人（或者根本唔係肥，但都被講成肥嘅人），係殘酷地忽略咗其他佢未必能夠控制嘅種種因素。而且單純嘅欺凌、負面嘅執着，並唔會令佢地更「健康」，亦好容易就會令大家都跌入Diet Culture嘅漩渦，就係為咗追求瘦，而放棄精神健康、社交需要、身體實際健康等等。 所以各位BB要減肥、要變靚，都係跟返自己嘅節奏同埋用正面嘅態度啦😇😚🙏🏻 甚至其實唔想減肥唔想變靚都冇乜所謂，每個人有唔同嘅追求，大家都過好大家嘅生活就可以了😚 至於天生就好瘦可以係咁食都好健康（注意：望落瘦唔代表一定係健康啊☺️）又唔使減肥嘅人，我真係恭喜你😭😂

[中環~ Hypebeans] 中秋節就黎到啦！望月 x Hypebeans 合作推出[流心抹茶月餅限量版(4件禮盒裝)] 1️⃣[流心抹茶月餅限量版(4件禮盒裝)] $278 選用來自宇治丸久小山園最好的茶葉，再注入熔岩抹茶月餅中。抹茶控呢個中秋有福啦！抹茶味好香濃，食落去唔會好油膩，真係會食上癮食唔停口！ 🙆🏻‍♀️美味指數:7.56/10 💡整體來講，好推介大家去試吓呢個中秋禮盒裝，好有驚喜㗎！ Hypebeans (中環) 地址🐾: 中環皇后大道中15號置地廣場地庫B30號舖 #hkig #hk #中環 #中環美食 #hkfoodie #香港 #香港美食 #hkigfood #Hypebeans #lovefood #foodhk #852foodie #hkfoodstagram #landmark #hkfood #hkfoodlover #hkeats #hkcafe #cafehk #coffee #hongkongfood #cafe #fov_coffee #fov_hkcoffeemap #mooncake #望月 #中秋節 #月餅 #禮盒 #流心抹茶月餅

《爆多芝士墨西哥夾餅🧀🥙》 | 有晚想食墨西哥菜 搵到呢間係尖沙咀嘅新餐廳 餐廳嘅裝潢好華麗 掛滿哂吊燈 油畫 仲有個大酒櫃 同bar位 環境好大 好多都係打卡位📸 枱與枱之前又唔會好密 坐得好舒服 餐廳以墨西哥菜混合東南亞及西式嘅元素 除咗經典嘅墨西哥菜式 例如墨西哥餡餅🥙捲餅🌯墨西哥脆片之外 亦有其他fusion菜式 仲有素食選擇 非常大眾化！ - 🌽Nachos HKD$138 墨西哥菜最啱就叫Nachos做小食 份量唔算太大 夠2個人過口癮食😆 屬於薄脆嘅Tortilla Chips 似薯片咁 放上唔同嘅配料 蕃茄 洋蔥 芫荽 仲有好多嘅牛油果醬🥑 味道好豐富 唔多芝士 所以食哂都唔會覺得好膩 ▶️ 評分：7/10 🌮Tacos Al Pastor HKD$128 食墨西哥菜當然唔少得Tacos! 呢度嘅豬肉Tacos用咗豬頸肉嚟做餡 燒過嘅豬頸肉特別香 半肥瘦 肉質帶爽又唔會好乾 加入燒菠蘿 洋蔥 墨西哥辣椒 味道帶微辣 鹹鹹甜甜得嚟好惹味🥰 不過個人覺得個個Taco皮就偏硬同乾身 呢個扣咗啲分 ️▶️評分：7.5/10 🥙Chorizo Quesadillas HKD$158 芝士控必叫嘅菜式❗️ 睇張圖就知加咗幾多芝士🧀 一份兩個嘅Quesadillas份量都好大個 裡面除咗Jack Cheese之外 仲有一片片嘅西班牙香腸🤤 Quesadilla 嘅餅皮輕輕咁煎過 微酥帶少少麵粉香 而芝士味亦超香濃 仲可以拉埋絲🤪 香腸重豬肉味帶鹹香 配上兩款醬汁俾你點🤤 雖然一路食一路滲油 但都真係邪惡之選 ▶️ 評分：8.5/10 🌽Elote And Esquites HKD$108 見到好多人推介嘅菜式 呢碟可以兩食 將原條粟米拎去燒再灑上芝士碎 粟米本身好清甜 加上芝士有奶香同鹹香味 不過略嫌個粟米燒得過燶🧐 有1/4食唔到😮‍💨 而第二種食法就係將燒粟米刨碎 再拌入mayonnaise同芝士 呢種食法有啲似韓國嘅芝士粟米 口感好creamy 甜甜地好有芝士香 好好味🤤 食多幾啖就會有啲漏🤭 ▶️ 評分：7/10 - 整體來講呢間餐廳嘅食物質素 雖然未至於好出色 但都算中規中矩 加埋咁靚嘅環境 同朋友飲返杯食下嘢的確係幾舒服 🥁整體評分：7.8/10 | PABLO Modern Mexican Cocina 地址：尖沙咀麼地道66號尖沙咀中心地下G80-85號舖 #foodlibrarytsimshatsui #foodlibrary墨西哥菜 #foodlibrary九龍 #foodlibrary西餐 | #hkig #hongkong #hkfoodblogger #hkfood #food #hkfoodie #hkfoodporn #foodporn #foodie #foodphotography #foodstagram #instafood #hongkongfood #香港美食 #尖沙咀美食 #尖沙咀 #pablohongkong #墨西哥菜 #PABLOModernMexicanCocina