夢幻珍珠奶茶（下）
　　
上集：https://bit.ly/34fOt8y
　　
呢段時間，政府幾次派人抽查我嘅奶茶，懷疑我嘅奶茶裡面有毒品。

我當時嗤之以鼻，我嘅奶茶點會係毒品？毒品會傷身，奶茶唔會；毒品會令人傾家蕩產，我嘅奶茶賣四十蚊一杯。

化驗結果，係驗唔出奶茶裡面有任何毒品，或者致幻物質，所以舖頭可以繼續經營。
　　

但依加我望住長長嘅人龍，我都幾乎懷疑，自己係賣緊毒品。

問題愈嚟愈嚴重，呢個城市內，好多公司都無法繼續營運，因為大部份員工都嚟晒排奶茶。

有人話我係惡魔，要用毒奶茶摧毀呢個城市；飲奶茶嘅人話我係天使，帶來美好嘅夢想。

我將奶茶價格調高，調到一百蚊一杯、四百蚊一杯，情況都冇改善，人龍依然增長緊，反而係搶劫案多咗。
　　

因為人太多，輪候嘅時間漸漸增長，排幾日隊先買到一杯奶茶。

我最近返工，都覺得排隊嘅人愈嚟愈焦躁。

我開始諗，人數一直咁樣增加落去，好快就要排半個月、一個月隊先買到奶茶。

終有一日，會有人等唔到咁耐，衝入奶茶舖，將間舖同我撕成碎片。
　　

我唔係杞人憂天，依加佢哋嘅情況真係同吸毒一樣，癮君子咩都做得出。

就算佢哋唔失控，等到呢個城市嘅大部份人，都嚟晒排奶茶，社會都冇辦法正常運作落去。

我以為，我嘅奶茶可以令大家實現夢想，但依加嘅情況，似乎係摧毀緊所有人嘅夢想。
　　

唔可以咁樣落去，我喺完全冇預告嘅情況下，關咗間舖，逃之夭夭。

我嘅夢想，再次失敗，不過今次係我自己親手摧毀。

包括阿雲在內，好多朋友打電話畀我，問我做咩唔開舖，做咩唔沖奶茶。

我熄咗電話，不過我仲有睇新聞，我知道大家怨聲載道，好多人喺街上狂呼：「奶茶呢？我要珍珠奶茶！」
　　

但就好似戒毒一樣，痛苦嘅階段始終會過去。

我關咗間舖幾個月後，大家嘅生活終於回復正常，我亦可以開番電話。

電話內有無數訊息，大部份都係問我點解唔再沖奶茶，唯獨係阿花，佢冇提起奶茶，剩係問我點。

你記唔記得阿花？當日我開舖前，就係搵咗阿雲同阿花嚟試奶茶。

後來阿雲上咗癮，阿花……喺我嘅記憶中，佢似乎冇嚟過買奶茶。
　　

我打電話畀阿花，一口氣講晒我呢段時間嘅經歷。

然後我忍唔住問：「點解你冇嚟買過奶茶？」

「我本來都想幫襯你，後來見到咁多人排隊，知你唔缺生意，就無謂麻煩你。」阿花答。

我再問：「唔係呢個意思，你飲過夢想奶茶，點解你……可以抵受得住誘惑，唔嚟買奶茶？」
　　

阿花笑一笑：「其實你都得。」

「我都得？」我唔係好明。

阿花解釋：「你第一次飲夢想奶茶，見到自己實現夢想，但你冇不斷飲奶茶啊，你都係返去現實開奶茶舖。」

又係喎，講到沉迷奶茶，我先係最容易沉迷嗰個，我明明可以自己沖，自己不斷飲，沉醉喺幻境之中。

但我第一時間諗嘅，係我可以沖到夢想奶茶，咁我一定可以開到奶茶舖。
　　

到我關咗間舖，知道自己唔應該再沖夢想奶茶之後，我諗得最多嘅，都係第日點樣經營一間新舖。

好多人都有夢想，但有啲人永遠都唔會去行動，畀幾多動力佢，佢都只會沉醉幻境。

而有啲人每分每秒都諗緊實踐，幻境嘅誘惑只會變成動力。
　　

我曾經以為，我嘅夢想奶茶，可以令大家有動力去實現夢想。

後來，我又以為夢想奶茶令人上癮，令人唔再想喺現實中完成夢想。

但原來，我從來都影響唔到人哋嘅夢想。

可以決定你實唔實踐夢想嘅，只有你自己。
　　
－完－
　　
將專頁設定為「搶先看」/ "See first"，最新故仔馬上睇！
　　
今次到我取西經：https://goo.gl/NbLzfF
當我發現世界係一場騙局：http://bit.do/e7FTE
　　
#短故 #短篇 #小說 #陳美濤 #廣東話 #粵語 #tomatochan #夢幻珍珠奶茶

夢幻珍珠奶茶（上）
　　
我嘅夢想，係開一間珍珠奶茶店。

但我嘅奶茶既唔係大品牌，又唔係特別好飲，好快就泯然於眾人。

我嘅資金用晒，奶茶店被逼執笠。
　　

我又打咗幾年工，存咗一筆錢，呢次我研究咗好耐，整出嚟嘅珍珠奶茶比上次好飲。

我躊躇滿志咁開過一間奶茶店，點知就遇到疫情。

人人都戴住口罩，努力同其他人保持距離，點會有心機買奶茶。

第二間奶茶店，再次執笠。
　　

疫情過後，我開始籌備第三間奶茶店。

但呢次點先可以成功，我完全冇頭緒。

我沖咗一杯珍珠奶茶，仔細咀嚼每一粒珍珠，希望得到一啲靈感。
　　

突然間，我眼前嘅景象一變，我見到自己開咗一間奶茶店，大排長龍，所有人都話我嘅奶茶好飲。

我笑意盈盈咁望住門口嘅人龍，心裡計算緊今日嘅收入……

然後幻境完咗，現實嘅時間只係過去咗幾秒鐘，我仍然坐喺屋企，寂寞咁飲緊珍珠奶茶，口中嗰粒珍珠啱啱吞咗落肚。
　　

我下意識啜起下一粒珍珠，再次進入幻境，見到我嘅奶茶店愈做愈大……

到我飲晒成杯珍珠奶茶，我成個人已經陷入奇妙嘅狂喜，不斷回想啱啱嗰種實現夢想嘅快感。

我沖咗下一杯珍珠奶茶，再次進入幻境。

一連飲咗幾杯，飲到肚都漲埋，我先戀戀不捨咁停低。
　　

到底係我有幻覺，定珍珠奶茶有神奇力量？

我搵咗兩個好姐妹，阿雲同阿花嚟試，最終確定，我沖出嚟嘅珍珠奶茶，突然有咗神奇嘅力量。

咀嚼珍珠嘅同時，會見到自己實現夢想嘅場景，幾咁美好，幾咁令人沉醉。

佢哋飲咗好多杯，阿雲雙眼發光：「你一定要開舖頭，我哋一定會嚟幫襯，係日日嚟幫襯！」
　　

之前兩次開舖頭，阿雲都話會嚟幫襯，都的確幫襯咗幾次，但只係因為同我嘅友誼。

呢一次，佢係真心鍾意我嘅珍珠奶茶。

我相信，我嘅顧客都會一樣咁鍾意。
　　

我好快就開咗新舖頭，叫「夢想珍珠奶茶」，菜單上只有一行字：「夢想珍珠奶茶 $40」

第一日開舖，有幾個女仔停低，猶豫咗一陣：「有間新開嘅奶茶舖，試唔試吓？」

「呢間得一隻珍珠奶茶，去第間啦，應該有唔同味㗎。」

我有少少失望，等咗一陣，終於有第一個客人。
　　

客人好隨意咁買咗一杯奶茶，飲咗第一啖，然後佢瞪大眼睛，一臉難以置信咁望住我。

佢咩都冇講，佢好快飲晒成杯，又買咗下一杯。

直至佢要去廁所，先離開咗舖頭。
　　

有咗第一個客，就有第二個，而且每一個客人都會回頭再買。

一傳十，十傳百，「夢想珍珠奶茶」好快就人盡皆知。

舖頭門口排晒長龍，我不得不限定，每人只可以買一杯，買完就要重新排隊。

只有我親手沖嘅珍珠奶茶，先有魔力，所以即使我請咗幾個員工，幫手做雜務、收錢，都依然供不應求。
　　

我每日都做足十二個鐘，好攰，但係實現夢想嘅滿足感，能夠驅散疲憊。

我開始諗，我當日飲咗杯奶茶，見到夢想實現嘅幻境，結果我真係實現咗夢想。

既然我實現到夢想，跟住落嚟，我應該幫大家實現夢想。

希望大家飲完我嘅奶茶之後，會獲得無盡嘅動力，去為夢想奮鬥。
　　

所以，我賺番嚟嘅錢，大部份都用嚟宣傳，甚至係向唔同城市嘅人宣傳。

我希望所有人，都會嚟我呢度，試一杯奶茶，見一見自己嘅夢想。

為咗達到呢個目標，我寧願再瞓少啲，再延長我嘅工作時間。
　　

但係，件事開始失控。

我嘅原意係令更多人試到我嘅奶茶，但我發現，好多人買完一杯奶茶，就即刻重新排隊，甚至帶埋帳篷，紮營排隊。

換句話講，有一批人唔再返工、唔再返屋企，日日夜夜排奶茶。
　　

呢種人愈嚟愈多，包括阿雲，當我又一次喺櫃台見到佢，我忍唔住問：「你唔駛返工咩？」

阿雲擺擺手：「辭咗職啦，返工有咩意義？」

我答：「唔返工邊有錢？」

「四十蚊一杯奶茶，依加咁排法，一日先買到一杯，我一定夠錢啦。」阿雲答：「至於食嘢，隨便買兩個面包咪得。」
　　

我無言以對，佢連生活都唔再在乎，只想要奶茶帶嚟嘅幻覺，咁佢仲點會去實現夢想？

我想勸吓阿雲，但阿雲捉住我隻手，不斷重覆一句說話：「大家咁多年姐妹，你賣多兩杯畀我啦。」

阿雲雙眼發光，好似一個癮君子，但好快就被後面鼓噪嘅人群趕走。
　　
下集：https://bit.ly/2CKsIm2
　　
將專頁設定為「搶先看」/ "See first"，最新故仔馬上睇！
　　
拯救咗地球，之後呢？：https://goo.gl/EVhESA
從前有隻吊死鬼：https://bit.ly/2BLAcke
　　
#短故 #短篇 #小說 #陳美濤 #廣東話 #粵語 #tomatochan #夢幻珍珠奶茶

昨天的戒夜奶行動進行得怎樣呢？

超級無敵累。

廣東話有句話是「有咁耐風流，有咁耐折墮」，就是甜頭嘗太多，最後你要全部歸還的。一直沒幫大王戒夜奶跟母乳不是因為覺得母乳營養特別好（畢竟大王已經這麼大，從食物吸收營養更好！），就是一個字──懶。

從大王出生以來我就忍受不到她哭，只要她哭我就會抱，再不行就給奶奶。而且我從小都超需要睡好多，以前還在香港工作時每天也要睡8-10小時。所以大王晚上醒來對我真的好折磨，只要塞奶就可以換來片刻和平跟多兩小時睡眠，一直都沒想過要戒夜奶呢！

但大王一直吃固體食物的情況都不太理想，我想她是真的喝太多奶了。思前想後就想趁著她兩歲生日告訴她她已經長大了，不用再喝奶奶了。

昨晚第一次刻意不給奶奶，完全像癮君子戒毒品一樣恐怖。大王10點半已經醒了要喝奶（有時候可以撐到1點才第一次醒來，但從香港回德國後加上有鼻水，這段時間每個晚上大概都會醒8-10次），然後斷斷續續哭了三個多小時到兩點才再次在床上睡著。幸好昨晚大王爸爸突然神隊友附身抱了大王一會，我就趁那一小時趕快補眠。

到五點多大王又睡醒要喝奶，哭了一會神隊友附身的爸爸提議讓她喝牛奶，居然大王就真的不哭了，只是她一直撐到12點才捨得午睡讓媽媽我快陣亡。

剛剛一直跟大王強調半夜起床不要再喝奶奶，她已經哭得地崩地裂了。不知今天她會哭多久...

--- ---

常聽說戒夜奶只會痛苦一個禮拜，但我有感這黏人魔王會折磨我好久（害怕中），請問有經驗人士有貼士（撇步）分享嗎？

*圖文不符之感謝在宜蘭的租車司機專業拍照

Photo: 大王跟媽媽 1Y11M (8/2/2019)