【龔成問答信箱】（Q21821-Q21840）

Q21821：

hi，龔sir,一直都有留意開你嘅Facebook ,本人30歲，都有買開股票有好幾年，都成日比老婆笑係燈神，買襯啲股票都跌，但放曬就會升⋯

就好似金蝶國際，吉利汽車，碧桂園服務，移卡⋯哩啲，買入時其實都係低位、但經唔起考驗，好早就會放曬⋯想請教一下，應該要點樣調整好心態

仲想問下百富環球同微萌點睇，百富環球5蚊時買入，但跌到4.7時同樣放左～

龔成老師︰

如果你每次投資都是「輸」，即係你存在一些核心性問題。譬如一些錯誤的投資觀念。

記住，正確和正常，是完全不同的事，多人採用，並不代表係正確的方法。

首先﹐股票是企業﹐你要分析企業的本質去投資股票。買股票也不是「賺差價」，而是享受企業成長以及產生的股息。

現你的情況，買入股票唔係無質素。但你錯用短線投資，賺差價的思維去諗這件事。令你可能一見佢跌，你就以為有問題，即沽貨，才做成你過去出現的情況。

往後，你只要以「長線地，投資優質股」，作為你投資策略。

緊記，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

而且將來再投資前，要先做好估值。價格偏貴，就唔入貨。等佢回到合理，甚至平宜區，才分注吸納，或者利用月供去儲貨。

我好有信心，你會結束過往一直虧損的狀況。

百富環球（0327）係一家電子支付終端機解決方案供應商，主要在中國從事開發及銷售相關產品並提供相關服務。

佢產品及服務包括移動終端機、消費者操作設備、非接觸式讀卡設備及提供售後服務等。佢的客戶大致可分為收單機構（如支付交易處理商及金融機構）及商戶服務供應商。

質素都有的，但未算好強，同時業務與股價都有點波動。現價合理區上部，這股係有長線投資價值，但又未算好值得持有太多。如果小注長線可以的。

微盟集團（2013）集團主要在中國從事提供軟件即服務產品及營銷服務。

佢的產品分為「商業雲」解決方案、「營銷雲」解決方案及「銷售雲」解決方案三類。

「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及ＡＩ技術為商戶提供智能營銷服務。

這些都是將來發展的大趨勢，從業務潛力上，的確是有的，見佢財務數據的增長都強勁。但在估值上都唔平，所以，如果投資，這刻小注好了。

------------------------------------------------

Q21822：

你好龔Sir! 我係啱啱上完股票初階班嘅學生嚟，有野上向你請教一下。

福壽園(1448)，喺堂上龔Sir你話呢隻係水桶1。 我好簡單咁睇返佢嘅市盈率，我以佢最近7年(計埋2021)嘅市盈率揾返佢嘅中間3年
27.4 27.44 28.06

之後我再搵近平均5年每股盈利係$0.2226(人民幣), 即係$0.27(港幣)。

咁佢嘅合理股價就係
$0.27x27.4 - $0.27x28.06
=$7.4 - $7.6

而現時嘅股價係$7.4。咁我可唔可以推論現時喺合理區嘅低位?

同時我根據篩選三步法分析，第一二步都冇問題，但去到第三步，我想揾佢嘅同行比較時，又唔太揾到真係同福壽園類近嘅企業，咁嘅話我上面嘅推論會唔會唔穩陣? 定係我會睇漏左其他因素?

謝謝你

龔成老師︰

你用佢近7年市盈率，再取中間3年，和用每股盈利5年平均，係可以。

但取出相關數據之後，你要都睇翻，到底這些數據，係唔係足以反映現時企業和行業發展的真實狀況。

你見集團盈利持續都有唔錯增長，故用5年平均每股盈利時，應該再加上5年的年均增長率(約16%)去做指標。(即大約HKD0.37)

另外，由於近年中國政府，對行業有不少新指引，主要方向都係控制價值，避免殯儀業相關產品和服務，出現定價過高情況。相信未來，殯儀業盈利會回到較合理水平。

因此，你計出來的個市盈率，需要打折扣，來反映這些因素，你預大約合理市盈率係15-20倍。

合理價值︰HKD5.5 - 7.4，故現價算係合理區頂部，無貨可先小注。

殯儀業本身好分散，而福壽園係當中龍頭，故真的較難找到相近對手作比較。因此，你係做分析時，應較集中在企業本身和整個行業發展。

最後，係計出合理價值後，你要留意佢是否相距多於20%。

若好似你計出的答案$7.4-7.6，區間太窄，我地就要將合理價值上下限，再額外加多10%緩衝區，令佢更能反映合理區情況。

------------------------------------------------

Q21823：

龔先生你好!我是最近才開始接觸 貴專頁，也報了基礎班，很欣賞你對投資和教學的熱誠，也明白了為什麼你這樣成功！

單親媽媽 兩子就讀小學，每月支出$27000，沒有工作 要照顧兩子

賣樓後現存270萬，希望以投資作被動收入，請問哪種形式或組合較適合我？

謝謝解答

龔成老師︰

這筆錢點樣用，要視乎你實際生活狀況而定，當中考慮重點，係住屋和就業問題。

首先，如果你長線住屋無問題的話，這資金可以用增值。若你有再買自住屋的需要﹐而又要短期內進行，就要先扣起相關支出。

另外，你現時無工作，若只係短期，你可以預留一筆生活費，之後餘下部份，就可以投資「平穏增長股」 + 「潛力股」作增值。

若你預期會較長時間，都無法工作，或者只能有限度咁工作。你就可以考慮，將部份資金，買入「收息股」，去創造現金流(即係股息)，以舒緩日常開支的壓力。

但由於投資係一個長線計劃，我建議唔好急住行動。等你上完堂，有一個完整概念，才去進行會較好。
股票班見!

------------------------------------------------

Q21824：

老師，想問下653，見佢主席換左人，舊既大股東持股量都賣得7788，新人事新作風，股價可否睇好?

另外，請問點睇2148，可否長期持有?
謝謝

龔成老師︰

卓悅控股（0653）自更換主席後，加強了集團在電商方面發展，但長線有無成效，還有待觀察。

若用以往集團表現，只算是一般般。集團在過往的經營環境都唔算好好賺，經常出現虧損，近期面對疫情，情況更弱。

相信佢疫情過後會好翻D，但根據過往表現來分析，長遠的投資價值唔算高。

VESYNC（2148）有少少潛力的。

佢係美國小家電線上市場的市場參與者。根據報告，在小家電零售商中，佢係美國就通過亞馬遜產生的零售額而言排名第三及通過所有線上渠道產生的零售額而言排名第五。

係美國通過亞馬遜產生的零售額而言，其空氣淨化器於其類別中排名第一，空氣炸鍋於其類別中排名第二。

佢業務主要專注於線上營銷及銷售品牌下的自主設計開發的小家電及智能家居設備。主要通過電子商務交易市場，主要為美國最大的電子商務交易市場亞馬遜銷售其下的產品。

佢的產品主要銷往美國、加拿大、英國、德國、法國、西班牙、意大利及日本等數個國家的用戶。

業務不算差，發展有潛力，但企業規模始終較細，業務未穩定，加上現價略貴。整體都有風險。

這類股，小注投資都可以，但就要明白當中的風險。

------------------------------------------------

Q21825：

想向龔成老師發問：本人47歲，月入4萬。 與伴侶共同擁有一自住物業（樓按還有$4百萬）。互相財政獨立，對分日常開支包括供樓。

現在我每月花費$2萬（即日常開支包括供樓）和堅持貯蓄$2萬。

持有1,000股00016 和 3,000股00175, 現金流$50萬。

雖然工作穩定，但相信沒有打不破的飯碗。懇求龔老師的意見，我該如何策劃財務和投資以致可以盡快財務自由。 謝謝。

龔成老師︰

你現時已有自住屋，係財富組合上，物業類佔比重很高。所以，我地新資金應先投入優質股，令成個財富組合變得更平衡。

以你47歲，都有一定增值需要，你可以選擇一些「平穩增值股」+「潛力股」作投資目標。

我地投資前，先要做好防守部份，建議你先扣起12萬(即半年開支)作應急錢，才開始投資計劃，會較穏妥。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄(即$10000)，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注(<2成)。此期間，你最好是努力提高投資知識，才慢慢增加翻潛力股比例(最多3-4成)。

另外，你現時組合中，新地(0016)佔比重好高，個別企業和行業不要佔組合15%和30%以上，否則會有過度集中性風險。

但你不用沽出，用新資金慢慢調整個比例就可以，但暫時不要再投資地產相關股票，去平衡風險。

現時大市只是合理區，你可以用多5-10萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

如果你能在這段時間學好選股等技巧，到大跌市時就能把握機會，財富增值會更明顯。

------------------------------------------------

Q21826：

龔sir,早晨，請問京東sw有10萬蟹貨平均315蚊 先平價。 京東物流已上市，係咪如果阿媽京東sw算係高位，分拆業務，阿媽就會跌返最少50蚊出黎?

2～3年都返唔到300蚊？

另外，我排左你d書成幾個月（哈哈）

龔成老師︰

你這個計法不正確，其實分析上市，只係集團將部份業務上市去集資，從而得到發展資金之餘，又可以釋放內在價格。

就算京東物流（2618）上市，其價值依然存在係京東(9816)之內，因此唔會因為分拆上市，而出現你所講的情況。

另外，你要明白，我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

京東（9618）業務有質素，發展仍是正面，不過現價就唔算平，算合理區上部。

至於幾時會上翻$300，我預計唔到。但此股有投資價值，長遠要回到$300，相信問題不大。

只要佢現時佔你組合，唔係好多，你照長線持有就可以。

至於書本，圖書館的確好多人在排。如果你有需要，建議你去買。因為用來做記號，抄筆記都會較方便。

------------------------------------------------

Q21827：

老師...你好! 本人39歲，有兩個小朋友，與先生月入8萬，現租住公司提供的房屋，持有三個物業，收租足夠供款，其中兩個十幾年前購入，

因為呎數太細(under300呎實用) 現在放賣中， 想用兩間細樓換一間大樓(700呎，千一萬，30年的二手港島樓地鐵上蓋，需借300萬)繼續收租，for 15~20年後退休一家人住，

如果換樓需付印花35萬，值得嗎？定等退休先換樓呢？ 層樓到時已經五十幾年樓齡，對於樓齡太大有問題嗎？

現金100萬，有少量股票，但懂選股，蝕過三十多萬，所以敢買多，麻煩老師比d意見我，感謝老師。

3033 $8.2 8400股
914 $47.1 1000股
3918 $9.28 2000股

龔成老師︰

由於你現有2個細單位，呎數太少，連一個基本家庭需要的大小，都未達到。長線投資價值較弱，建議你找機會將佢換其他較大單位，唔好到退休先去換。

地鐵上蓋樓盤，始終有一定潛力，但由於已有30年樓齡，你要睇翻佢幾時會做樓宇大維修，因為這個是其中一個較潛在成本。

到你入住時，都已經50年樓齡。就算保養得再好架樓，相信都會出現老化，你要預備一定維修預算，係你退休入住時，甚至之前就要動用。

除左以上2點，你還要了解佢現時租金回報率，和長線增長潛力(如附近未來發展、交通配套等)。如果這幾個因素都過到關，那就值得你多花35萬印花稅去投資。

當然，若你退休時真係太殘舊，你都可以用佢去換另一間較新的自住樓，但相信當中會有一定差價。

因此，你現時可以利用優質股去增值，為退休所需資金，和潛在可能換樓的成本，作準備。令自己到退休時候，有較多本錢在手，令可選擇的方法也會較多。

至於財富增值方面，你現時組合太偏重物業類，令成個組合十分不平衡。因此，你新資金要優先放入股市，去調整翻個財富組合比重，咁會較好。

我地開始新投資前，最好先要找出你過往虧損原因，以免再出現不利情況。

你現時持有股票，都係有質素和適合你。我估計都有一定選股能力，大致能判斷企業好壞。但你都蝕過30萬，若不是選股出問題，較大機會係未能定平貴，或者用左短炒模式去投資。

記住，我地投資股票，就等同投資一間企業。就算再好的企業，都要時間成長，故必須長線持有。中間可能有些波動，但只要佢長線質素無變，照持有就可以，唔好太在意中短期波動。

若你對定平貴，無乜信心，又或者經常比大市氣氛影響，見多人買就衝入市。我建議你用月供模式去儲股票，會較安全。

以你39歲，可以選擇一些「平穩增值股」+「潛力股」作投資目標。

以現時大市合理區狀況，你可以考慮用部份儲蓄，進行月供股票。你可以每月先用一半儲蓄，另一半就先儲起架策略。

潛力股：安碩恒生科技（3067）、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814），但就要明白波動性比上述會高左，同時風險大左，你要自己平衡。

大市現處於合理水平，那100萬資金，你可以先用20-30萬，以"分注"形式慢慢入貨。餘下資金和每月儲蓄，就等大跌市機會出現，才大力度掃貨，並長線投資。

------------------------------------------------

Q21828：

龔成老師，你好，我今年33歲，月入2.5萬，另有物業收租1萬 (已供滿，未來婚後會收回來住)，每月平均支出1.5萬。

現有現金 $60萬，現開始進行月供股票：

#2800 - $5000
#823 - $2000
#1398 - $1500
#270 - $1500
#3067 - 每個月買1-2手

目標: 穩定收息，提早退休 (或為興趣返工)

屋企人已經失業2年(現63)，再過2年可以拎出強積金 約$60萬，現在考慮有什麼方案可以令到佢每月有穩定收入($2500-$3500)：

1, 購買保險公司的每月派息基金;
2, 幫佢買高息股 (5-6%)如 #778, #941, #3988;
3, 未諗到

老師，想請問我屋企人的情況可以有什麼更好的選擇，希望可以給我意見。

龔成老師︰

先講你本人部份，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你33歲，應以增值為主，建議你用「平穏增長股」 + 「潛力股」的組合。

現在時大市只在合理區，你每月儲蓄不要盡用，建議先用5成儲蓄做月供，其餘先儲起，用一邊月供一邊儲蓄的策略。

你現時月供股票都合適，但有少少保守。建議你可以增大潛力股部份，以你年紀計，可以佔5成。但若你投資經驗較淺，或者相保守d，就要向下調整。

另外，工行(1398)只係收息股，增長力好一般，唔建議你用來月供。

潛力股︰中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

現時大市只是合理區，你現有60萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。

到你累積到一定資產，你就可以慢慢換成收息資產，透過其現金流，達至財務自由。

至於你家人部份，由於佢地已好近退休之年，投資目標會同你不一樣。以佢地人生階段，應集中係收息資產類，去創造現金流，來支援退休生活上的支出。

你所講的派息基金(我建議考慮用3110)，和高息股都係可以。

如果你家人希望每月有$3000現金流，以股息率6%計，需要本金60萬。

因此，你可以建立一個「收息股」的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。

如果你家人能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）等（記住，股價略波動，只能小注）。

(你可睇下我本《50穩健收息股》當中仲有好多)

但要留意，現時股價只是合理，未到平宜，因此買入時宜分注，同時不能用盡現金。要留有部份，等大跌市才入貨。

------------------------------------------------

Q21829：

龔老師你好，本人30歲全職主婦，老公今年41，月賺3萬，一個月大約草到6000左右，有兩個小朋友，冇物業冇供樓。

資產如下：

黃金暫存5粒一兩重
港股有大約12萬，
2手匯豐005「44$，打算收息」
1手小米「24.5」
1手中國人壽「16.08」（打算18$離場）
1手868信義玻璃「高價26.9」

流動現金有5萬，外幣有4萬「留著旅行用」

想問一問868今年可以一直長持嗎？定要止賺離場？今日由31.3跌到30.4，未來兩日派息！所以好困擾！如果止賺離場又應該轉碼邊啲岩我？

因為暫時不考慮加錢到股票帳號，其他現金先留，股市下跌先入市

龔成老師︰

以你30歲計，應以增值為主。匯控(0005)只是收息股，增長力好弱，唔適合你這個年紀。你可以減持部份或全部，轉至其他增長股，對你較有利。

中國人壽(2628)近年增長力弱左，質素只係中等。你可持有，但唔好再加注。若相換碼，都係可以。

至於小米(1810)和信義玻璃(0868)有質素，都適合你長線持有。

你要記住，當一隻股票股價下跌，你一定要了解當中原因，基本上，股價中短期上落好正常，但如果上落太大，就要了解翻當中的事情，有無一些影響企業核心的因素。

信義玻璃（0868）近年的增長力弱左，不過，佢在技術上的行業優勢仍在，相信長遠仍是正面，不過就未必是高增長的類別，潛力度比過往略有減少。

加上佢不斷將較高增長的業務分柝左上市，令現時的信義玻璃增加，只是平穩類。你預佢中短期會比較波動，要長期先見到收成，現貨照持有就可以。

而黃金無現金流，我地持有佢，主要係為左對沖金融市場的突發性事件。因此，唔需要太多，大約佔組合3%就可以，而且以實金持有最好。

現時大市只在合理區，資金不宜盡用。你5萬可以留待大跌市才出手，咁會較好。

但同時間，你可以用每月儲蓄，進行月供股票。每月先用$3000月供，其餘儲起，同樣等大跌市機會。

現時你們資金較少，可以先集中係優質股，來進行增值。但長線計，當你累積到一定財富，就要慢慢加入物業類，成個財富組合才算平衡。

------------------------------------------------

Q21830：

阿sir 關於第七課的年報問題，想問這個新的租貸會計制度好像有點兒扭曲左真正公司實際情況，當我們分析企業的情況又要不計才有真正的意義，那為什麼需要有這個新的會計準則？有什麼好處？謝謝你！

這個會計數字對企業的情況有什麼implications?

龔成老師：

這是一個新的會計準則，全香港都會用，能夠反映企業「租金」的風險，因為過往不當負債，現時已變成負債，就能更有效反映風險。

但對於零售企業，我地過往分析的指標，同現時最新指標，就會有所不同，所以我地在一些量度佢是否合格的財務指標時，最好有合理化的調整。

------------------------------------------------

Q21831：

Hello龔Sir！很高興認識你，我是你股票班學生，剛上完你最後第八堂，無論在心態、理念、技巧、智識都增進不少

在此再次衷心感激你的無私教咗我好多嘢，希望將來你能在財務自由路上更上一層樓和更加Succeed！

還有在你課堂及FB帖文上的教學, 令我清晰了解選股策略和重要性！

龔成老師︰

多謝讚賞！

我只是盡力，將我所學、所研究，投資及成功的方法、技巧、心得、經驗，教大家，這些方法好多成功人士都做過，我只是用翻這方法，並教翻大家。

你要保持進步，多溫書，多用評估表，加油！

------------------------------------------------

Q21832：

你好，想向你請教本人的投資問題。你好！本人仲有6年便退休，月入$3.5萬，每月約有$13000作儲蓄，希望在2年後可以資產增值至100萬，現時持貨如下：

1177 @8 / 4000sh
762 @4.82 / 6000sh
1972 @17.7 / 400sh
1810 @30.58 / 200sh

6060 @41.03 / 200sh
788 @1.37 / 4000sh
9988 @239.27 / 200sh
883 @8.56 / 3000sh

2382 @149 / 400sh
939 @6.79 / 1000sh
282 @0.192 / 30000sh
6993 @10.793 / 3000sh

提問1: 每月堅持儲蓄$13000，可否達至2年后資產$100萬？（連同現有現金約$15萬）

提問2: 上述持股配置是否合適？須刪減部份/增持其他呢？

提問3: 上述那些持股係水涌1、2、3？

多謝你不段為網民解答疑問，祝身體健康。

每年額外花紅約5萬

龔成老師︰

1) 假設你投資一些較有增長力股票，年均投資回報有10%（連股息再投資），你每月投資$13000 + 40萬現有資產(25萬股票和15萬現金)，2年後大約會增值至80萬。

但由於2年係一個好短時間，好易出現波動，令最終回報不確定性好高。而且，你都接近退休之年，我唔建議作太高風險投資。

以你年紀，只宜進行較保守的增值。

2) 你現時持有不少潛力股(1177, 1810, 6060, 0788, 9988, 2382, 6993)，佢地增長潛力高，但風險都好大。

由於你接近退休，應該要開始減持這類股票，換至較平穏的「平穩增值股」和「收息股」。

還要隨著年齡增加，慢慢將收息股的比例提升。到退休時，你收息股比例，應佔100%。

平穩增值股，例如盈富（2800）、金沙（1928）、長建（1038）、中銀（2388）、港鐵（0066）、恆基（0012）、平安(2318)。

收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）等（記住，股價略波動，不能太過大注）。

壹傳媒(0282)近期股價較波動，長線投資價值不算高，建議你換至其他股票較好。

中石油(0883)只係商品類股票，佢價值自主能力好低，投資價值只係中等，唔建議持有太多。

其餘持股，都係有質素。

3) 水桶1︰1177, 1810, 6060, 0788, 9988, 2382, 6993
水桶2︰0762, 1972, 0883
水桶3︰0939

你現在要做，就是將「潛力股」，慢慢換至「平穩增值股」和「收息股」。至於現有資金，就等大跌市才動用。

另外，每月$13000的儲蓄用一半去月供「平穩增值股」和「收息股」，另一半儲起，同樣等大跌市機會。

若你想增長力大少少，可以較集中「平穩增值股」。但緊記要慢慢將比重，轉去「收息股」部份。

雖然這樣做，不能達至你2年100萬的目標。但由於你快將退休，唔建議你太冒險。因為若你此時投資失利，你無足夠時間去再追回這筆資金，風險很高。

所以，我建議你考慮我上述策略，相信會對你較好。

------------------------------------------------

Q21833：

龔成老師，想請教你的理財意見。本人今年44歲,已婚,無細路, 兩公婆冢入大約$55K,自置物業完供, 一向由家人代為儲蓄, 近年開始自學一下,想為兩公婆退休作準確

本身自己都有些年金儲蓄(已完供,等多10年收$),手頭亦有些股票(樣樣有D), 但股票蝕多過賺(因個性心急,次次一買就跌,有點心灰)

現有現金:30萬左右
現有股票
買入價

已持有2年
0002 - 500股 70.7
0005 - 400股 72.5
0012 - 1000股 40.5
0939 - 1000股 6.5

近期亂入 (多數1-2手)
00992 - 2000股 9.89
1208 - 4000股 4.64
02158 -200股 47.95
01398 - 2000股 4.99
00762 -2000股 4.37
00384 - 400股 28.9

剛入
02618 -100股 45.9
01177 - 2000股 8.65

唉!感覺自己在股票方面是盲頭烏蠅, 想重新建立一個老師講的長期「財富組合」，所以希望老師俾D意見

1. 想問問需要沽出現時股票?

2. 月供股票是否適合我? 大約月供多少(本身預$2-3K)? 那些股會比較適合我?

謝謝你的指導。

龔成老師︰

如果你過往經常出現虧損，反映你有一此核心投資問題，建議你增加知識。同時，你最好用月供優質股的模式進行，相信會較為適合你的。

1) 五礦資源（1208）主要從事有色金屬經銷、製造及鋁、銅製品分銷。

過往有多年出現虧損，企業投資的價值不高，加上股價十分波動，炒作多過實際。這股不建議長線。

2) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你44歲，應以增值為主，建議你用「平穏增長股」 + 「潛力股」作組合，並以「平穏增長股」為主力。

你現時持有股票(除了1208)，都適合你。唔好太在意中短期波動，你要清楚這些股票質素所在。就算出現下跌，只要佢長線質素係無變，你照持有就可以。

月供方面，你可以每月先用5成儲蓄，其餘先儲起，用一邊月供一邊儲蓄的策略。

以你家庭每月入息55K計，月供只有3K係太少。由於你已有物業類資產，建議你每月閒錢，都用來月供增值，咁會較好。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、粵海(0270)、領展(0823)、希慎(0014)、太古地產(1972)

或潛力股︰比亞迪(1211)、中生(1177)、福壽園(1448)、小米(1810)、安碩恒生科技(3067)、港交所(0388)、阿里（9988）、騰訊（0700）、ＧＸ中國電車基金（2845）、三星FANG ETF（2814）。

由於你投資知識不高，因此可較集中在平穩增長類股，至於潛力股，只宜小小注(不多於2成)。最好是你先提高投資知識，等到你有一定知識和經驗，才慢慢增加潛力股比例(大約4成)。

現時大市只是合理區，你現有30萬資金可以多用5-10萬，用"分注"形式，慢慢買貨。餘下資金和每月所儲倒的資金，就等大市出現一定程度的下跌，才大力度掃貨，然後長線投資。

------------------------------------------------

Q21834：

龔老師你好，本人今年52歲，想請教我現除了持有現金30萬。 每月可儲八千元。 計劃8年後退休。

還有以下股票數量

#763( 中興通訊)
7000股 21.5買入
4000股 20.3買入

#175(吉利汽車)
2000股 22.55買入

1. 請問我應否繼續持有或 止蝕？

2. 請問問怎樣可以將現有的現金價值8年內增加兩倍?

3. 請問你我的股票組合應該怎樣安排？

求指點

龔成老師︰

1) 我地是否持有一隻企業，主要係睇佢長線質素，唔好太著眼係「買入價」，佢純粹係一個心理因素。

除非你發現佢長線質素轉壞左，否則係唔需要賣出。

吉利(0175)有質素和潛力，此股可持有。

中興通訊（0763）從基本面分析，這股不差的，我亦相信5G的發展，會對佢長遠有正面影響，因此長遠不會太差。

佢本身係中國高科技通信設備主導供應商之一，通過提供客戶化的產品及解決方案，目前主要服務於中國及其他發展迅速的新興市場。

佢主要同中國電信、中國網通、中國聯通和中國移動等中國主導的電信運營商建立了長期穩定的合作關係。這部分是較穩定的。同時，佢亦向全球多個國家銷售產品，但之前同美國果邊，因政治問題而有影響。

不過，政治等因素令佢股價大上大落，從生意分析，長期仍會有發展的，只是有潛在的政治風險，這點不能忽視，而這個風險好難分析及預測。此股可長線，但不宜佔組合比重太高。

記住，我地唔好成個組合，只集中係1,2隻股票身上。

最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。

同一行業不能太多，同一股不能太多。要平衡，建立後長期持有，不是買賣賺差價，而是成為你財富組合一部分。

因此﹐我建議你每有反彈，就慢慢分段沽出部份中興通訊（0763），換碼至其他優質股，咁會較理想。

2) 你要8年做到2倍增長，需要每年平均升幅達15%，才可以做到。

要達至這個升幅，你必須要投資一些增長力較高，但同時風險較大的股票，才有機會做到。

由於你只有8年就退休，不宜承受這樣高的風險。因為投資這類股票成功時，回報當然可觀。但不理想的時候，你損失都會較嚴重，你要明白這個風險。

我會建議你，最好集中係「平穏增長股」。這類股票升值能力雖然不算好高，但勝在有平穏增值效果，波動性無咁大，較適合你這個年紀的人士。

到你接近退休的年齡，應該開始投資一些收息類工具，例如收息股，以平衡組合，同時減少風險，到退休時，就宜將較大比例，持有收息類資產，減少平穩增長股比例。

3) 你52歲，可以用「平穏增長股」作組合。現在你每月先用5成儲蓄，即$4000做月供。其餘先儲起，用一邊月供一邊儲蓄的策略。

月供方面，你可以選擇投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、長建(1038)、領展(0823)、希慎(0014)、太古地產(1972)

至於持有30萬和每月儲蓄，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。

------------------------------------------------

Q21835：

龔成老師你好，現時我28歲已每月月供股票$5000大約有2年，但係理財方面仲係好生疏，所以想請教你的意見。目標想係之後的2-3年內儲到70萬左右，並為將來可以有財富滾存同時達到財富自由。

現金:10萬左右,月入20K

手持:
100股(00823)領展
800股(00005)滙豐

現時月供組合：
$1500（02800）盈富
$1500（00066）港鐵
$2000（00388）港交所

1.月供股票有無邊隻股需要賣出?

2.如果要達到目標是是否需要更變投資組合方向?如果需要增加， 哪些股可以?

3.想請問(00945),(00001),(01810),(00012)現價是否合理,是否可以分注買入, 還是適合月供?

4.基金投資是否適合我?

謝謝！

龔成老師︰

1) 當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

以你28歲計，應先做好增直部份。你現時月供股票和資金分配，係合適的。

但現時大市只在合理區，最好每月的資金不要用盡。要留有部份，等大跌市出現時，可用來掃貨。

另外，我建議你將$2000，加到盈富（2800），因為盈富本身是一個50隻股票的組合，就算資金多一點都無問題，可以令你的組合更為平衡。

2) 以大市過去年平均回報10%計（連股息再投資），你每月投資$5000再加上你現有10萬資金和持股，5年後(已計算已供的2年)大約會增值至52萬。

如果要達至你的財務目標，你可以增加投資年期，例如去到7年，就會滾存到$75萬，較接近你的目標。

或者，你可以選擇現時將月供金額，加大至$9000，都是一個方法。

又或者，你可以提高你的回報率，例如投資較多潛力股，當然，這會令你風險度提高，以及要求你有更多的投資知識，你都要明白這點。

3) 這4隻都適合月供，現價月供係無問題。

但若要直接入貨，小米(1810)現價偏貴，要回多1,2成，才開始算合理區頂。其餘3隻，現價合理，可以分注入貨。

4) 要視乎基金投資目標、質素等去考慮。以你年紀，盈富基金(2800)、安碩恒生科技（3067）這類有質素和增長力的ETF基金，就會適合你。

------------------------------------------------

Q21836：

龔老師，我大約兩年前開始拜讀你的文章，資產在這兩年大跌巿間，幸有聽從你的建議，不但沒有少了，還喜見增長，多謝你。現想請教你，我可以如何改善我的資產配置，早日達到第一個一百萬，

從而步向財務自由呢？

我現時36歲，文職公務員，月入4萬5左右，持有現金＄26000。另持有保險現金價值約有＄63500, 當中有50萬人壽，100萬意外和116萬危疾保障。

MPF現有約27萬7千，過多一年半就過probation, 屆時僱主供款會增至15％。

現時每月債務還款約＄12000, 2022年12月還完；交租及雜費＄15000；孝敬爹娘＄9500。

現時持股如下：
4手 3072 買入平均價＄162.4
2手 3187 買入平均價＄21.4
16單位(碎股 ) 0066 買入平均價$41.279
2手 0303 買入平均價$47.35
2手 0388 買入平均價$445.1
1手 1373 買入價$2.5

我對新上巿的2814有興趣，應否用來取代3072？還是可以同步進行？

謝謝賜教

龔成老師︰

首先，若你現時債務，貸款利息係較高。最好係開始投資前，先作清還，因為佢會拖低你長線回報。

以你36歲年紀，應先做好財富增值部份。

ETF三星亞太高息房地產信託(3187)和偉易達(0303)主要係收息，增長力唔高，唔建議持有太多。

其餘股票都有質素，你照持有就可以。

三星FANG ETF（2814）的投資目標，係追蹤NYSE FANG+指數的表現。是一個美股潛力股基金。

而日興環球聯網(3072)投資目標是尋求提供在扣除費用及開支前與iEdge-Factset Global Internet Index (“指數”)的表現緊密相關的投資回報。

當中包括不少環球有潛力企業，例如阿里巴巴、FACEBOOK、AMAZON、百度等。

相對之下，3072會較全球性，而2814會集中在美股。2隻都有增值潛力和投資價值。你可以睇翻佢10-15大持股，去決定邊隻較適合你。

3072和2814同步進行都可以，但當中有不少股票，都係重覆。因此，這2隻ETF佔組合比重唔可以太高，連同其他科技類股票，你要控制在3成佔比以下。

另外，我建議你用每月閒錢，去做月供，來進行一個長線的財富增值。

策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。

選股上，你可以投資在平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、粵海(0270)、領展(0823)。

潛力股可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）。但佢地波動性和風險會較高，你要自己平衡。

如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

餘下資金，我地就等機會，當大市出現較大回調，就加大力度掃貨，然後作長線投資。

------------------------------------------------

Q21837：

老師，請問 7226 同 3076性質是否一樣，7226是否一樣可以長期持有。

如果我早年半前睇到你page就好，年半前那時係低位入過金沙，舜宇，但都只係賺差價，甚至騰訊係186同439有貨，都沽咗，真係好後悔。

現在開始要慢慢調整手頭股票，將無質素換有質素去長期持有。早前33.7入了一手金沙，諗住分注入，

(我理想價係希望30左右先入，但今年好似比較難去到30，所以33.7都先入一手)長期持有，不過這之後已升，又要再等下。

龔成老師︰

你才40歲，只要現在學好正確投資方法，依然有充份時間，去做好增值。

你現時入金沙(1928)策略正確，好多時優質股，都唔會咁易回到較平水平，所以我地要分注，去平衡入唔倒貨架風險。

現要時$33.7入左首注，你預每回調10%左右加注，咁就可以。

ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。

雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。

雖然都係追蹤恒生科技指數，但我會較建議投資無槓杆的恆生科指ETF（3067），始終較好。

------------------------------------------------

Q21838：

阿sir 雖然距離1,000,000仲差好遠，但想同你講多謝你, 自從2018年尾同男朋友分手, 人生好似無咩目標！

但2019年初認識到你, 不停睇你fb, 我就由零知識開始不停儲錢同長線技資，供股etc. 2018年年尾由10幾萬努力儲錢投資到而家70幾萬（我知道雖然唔多錢, 比起好多80後既人)

呢兩年幾不停睇你既書同你介紹既書藉增值知識，然後2019年就報名上你堂, 更加明白價值投資法同長線投資嘅重要性....

你既正量真係幫到好多人，岩岩睇完你既千萬富翁既書, 而家思考緊點樣可以用空閒時間去做副業, 我其實覺得keto desserts呢個market係有得做,

本身都鐘意baking, 而家仲思考緊點可以行出第一步, 始終要拎個食物牌先可以賣出去, 但拎一個正規既食物牌要投資好多錢, 而家就係stuck住係呢一步。

唔知阿sir你會唔會有d意見可以比到我？

PS 希望不久將來成為千萬富翁

我希望盡快可以cap screen到我第一個一百萬給你，多謝你。

同埋我2019年頭開始每個月供0003($2000) & 2800 ($3000)，因為當時無咩投資知識，因為你話供股最少要3-5年先可以平衡風險,

想請教你 我係唔係應該繼續供到去5年就停？ 到時就轉供潛力股？

定一話而家可以停供呢兩隻股轉供潛力股？

我今年34歲了

龔成老師︰

能夠有這樣成績，都是你自己努力學習和實踐的成果。記住，投資路上要一直保持學習，才會成功。

至於100萬，我相信你按部就班，可以好快會達成。

至於月供方面，我希望大家最少供3年，並持有5年以上。但當然，不論係月供年期，定持有時間，都係越耐會越好。

而幾時加入潛力股，這個係睇你人生階段作決定。

我地投資會運用「先增值，後現金流」作方法，初期應投資較多增值類資產，較後期則應投資較多保守類項目。所以係分配投資項目時，會因應番你的人生階段。

較年青人士，可以用「平穩增值股」+「潛力股」。中年人士，可以較集中翻係"平穏增長股"。當你已近退休之年，就應集中在「收息股」，去創造平穏現金流。

以你34歲年紀，應用「平穩增值股」+「潛力股」作組合。

潛力股︰可選安碩恒生科技(3067)、比亞迪(1211)、阿里（9988）、騰訊（0700）、港交所（0388）、舜宇光學（2382）、小米（1810）、中生製藥（1177）、福壽園(1448)、ＧＸ中國電車基金（2845）、三星FANG ETF（2814）

如果你現時覺得，自已投資經驗都未算多，潛力股這類風險較高的股票，你就不要持有過多，最多維持2-3成好了，甚至先維持現狀。

若你有一定投資經驗﹐潛力股比重可以相應調高，佔組合約3-5成，視乎你投資經驗多寡和了解這些股票程度而定。

另外，你要合法從事這門生意，這個成本始終都要投資。但若你覺得太貴，你可以睇下有無志同道合架朋友，一齊去開，去分擔成本。

但你要明白，當多一個生意合伙人，就會多一個變數，甚至係多一個麻煩，你要了解這個風險。

又或者，你最初可以到相關公司工作，最好是一些中小企，你要盡力了解該生意的營運，同老版傾計，這都是一個方向。

------------------------------------------------

Q21839：

呀sir,最近先有時間去買你嘅書睇,但係好似已經太遲,因為係3月左右係高位買左3690,9618,9988,已經蝕緊好多,呀sir想請教下依加應該止蝕定係轉買另一隻股呢？謝謝

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

買入價，你的賺蝕，只是一個心理因素，該企業長遠的發展，才是我地是否值得持有的重點。

如果企業有質素，但股價短期下跌，就不用擔心，照持有就可以。

如果企業無質素，但你現時蝕錢中，繼續持有只會令你財富繼續貶值，因此要賣出。

如果企業質素轉差，就有可能要減持，因為這股佔你組合的比例，未必值得太多。

這3隻股票，都係有質素。就算你買貴左，長線企業會增值，慢慢會重回你買入價，故可以守。

但當中美團(3690)有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可大跌。

因此，這類不確定性高的股票，只能小注。若佢佔你佔合較大比重，建議你沽少少，去平衡下個風險。

------------------------------------------------

Q21840：

您好 ! 龔成老師,

1. 本人2020年7月14日$8.12買入01114 華晨中國 ,但於2021年3月已停牌, 以你專業意見, 此股有無機會復牌呢?

2. 2021年 2月8日 $0.485購入#00451協鑫新能源, 可繼續持嗎?

3.2020年11、12份 分別$4.74, $4.59 (股數3萬)入00831 利亞零售 之後於12月份分別$0.69, $0.63 (股數7萬)

12月31 日已收了股息$114,900 你覺得應該繼續持有，還是放再賣其他股呢?

龔成老師︰

1) 華晨中國(1114)自2021年3月31日起停牌，集團由於未能完成2020年年報，故要待公司釐清當中資料後，相信會有機會復牌。

但由於暫時無佢太多資料，根據以往數據分析，集團只算係不過不失，投資價值一般。

現時你暫時無野可以做，你預復牌後，如果2020年數據較差，股價會有較大波動。

2) 協鑫新能源（0451）主要從事光伏電站之開發、建設、經營及管理。

生意增長力不強，可過盈利十分波動，股價上落大，高風險類，市場往往炒作多過實際。

要睇你承受風險的能力，股價有時會大升，但又可以跌得好快。整體的投資價值，未算高。長線計，換至其他優質股，會比較好。

3) 利亞零售（0831）賣左「ＯＫ便利店」業務資產後，就只剩餘集團的品牌（聖安娜、Ｍｏｎ　ｃｈｅｒ和Ｚｏｆｆ）。

預期發展只是一般，同埋之後好睇佢資金的運用情況，投資價值只是中等。

若你持貨佔組合比重不高，你持有都可以。但若佔比重較大，最好估出部份，換至其他優質股。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

【龔成問答信箱】（Q21741-Q21760）

Q21741：

老師，如一個新手剛入股市卻遇上跌市, 剛買的股票即買即跌可以點做?

因為新手, 心理質素不夠強大, 好容易驚唔知發生咩事, 以為股災, 請問你會有甚麼建議？

龔成老師：

第一，你要了解自己所買入企業的業務，只要清楚，就不用擔心。

第二，了解股價下跌原因，是短期因素，還是企業核心有問題。

第三，將焦點集中翻企業，而不是價格。

第四，如果你每次股價上落好大心理壓力，就不宜投資高風險股，可轉到一些股價較穩定及收息類的股。

------------------------------------------------

Q21742：

你好 ,龔Sir, 我日日睇你個 page, 多謝你教嘅理財之道! 知道好多人問你投資問題, 但都希望你可以抽空回答我, 感激不盡!

本人33歲, 有家庭(兩位小朋友), 以下係現有嘅組合, 想龔Sir幫忙睇下有咩野要改善 (太散?太亂? 有冇野唔應該keep要賣走?),

同埋有一筆定期 (10萬港元黎緊到期), 想睇下龔Sir會建議點樣運用 (可唔可以再入少少房託 / 6823作收息用? 入幾手3067? 買資源股如龍源電力, 信義能源??

定領展 / 小米??), 十分謝謝!

收息股 約佔組合51%
陽光房地產基金 5手 @4.12
越秀房产信托基金 4手 @4
置富产业信托 4手 @7.18
富豪產業信託 5手 @1.51
郵儲銀行 2手 @5.96
香港电讯 2手 @10.86
越秀交通基建 1手 @5.32
深圳高速公路股份 1手 @7.55
新創建集團 1手 @8.9


其他 約佔組合19%
長城汽車 3手 @21.85
南方Ａ５０ 5手 @19.99


新經濟股 約佔組合31%
京東集團－Ｓ 1手 @292
美團－Ｗ 1手 @285.8
快手－Ｗ 1手 @257.8
舜宇光學科技 1手 @165

龔成老師︰

你現時組合數量太多，長線維持10隻左右好了，會較易管理。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

你現時持股，質素上係有，但有2個較大問題存在。

首先，以你現時33歲去計，應先集中做好財富增值部份。策略上，你應投資「平穏增長股」和「潛力股」這類有增長力股票。

但你現時組合，郤一半是「收息股」。佢地係有質素，但增長力好弱，會拖慢你財富增長速度。除非你個承受風險能力好低，否則唔建議持有太多。

第二，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你現時房地產類別，有少少集中，要注意。

現有收息股，建議你最好沽出部份，換至有增長力股票，長線會對你較有利。

至於其餘持有股票，包括你計劃投資的龍源電力(0916)、信義能源(3868)都有投資價值。

但信義能源（3868）不能投資太多，因為佢業務都有風險的，要注意股價波動，如分注長線都可以投資。現價合理區頂位，之前略貴。

將來投資，你可以集中「平穏增長股」和「潛力股」。如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資經驗﹐潛力股比重可以相應調高，佔組合約3-5成，可視乎你當時投資經驗多寡和了解這些股票程度而定。

現時大市只在合理水平﹐唔算好平。你定期的10萬，我地就等機會，當大市出現較大回調，就加大力度掃貨，然後作長線投資。

另外，定期這類定息產品，增長力好低，同樣唔適合你年紀，暫時唔好再用。

------------------------------------------------

Q21743：

龔成老師你好，想問下
泡泡瑪特，79.35蚊入
聽日公布業績，依家係咪一個適合嘅時候去溝貨？

另外京東健康，120蚊入
幾時可以溝下貨？

龔成老師︰

首先，我想你確認自已是否理解"溝貨"與"分注"的分別。溝貨是愈跌愈入，同時不理企業質素，不理自己的設定金額，盲目去入。分注則是「一早定好買入策略，一早定好本金總數，並以有策略的模式進行」。

如果你係"分注"的話，你可因應平貴和質素，去進行。若是"溝貨"，就不是再入貨，因為再平，都只會令你增加風險。

Pop Mart泡泡瑪特（9992）是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。

根據弗若斯特沙利文報告，分別以2019年的零售價值（市場份額為8.5%）及2017年至2019年的收益增長計，集團是中國最大且增長最快的潮流玩具公司。

合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。

雖然中央規管會有負面影響，但長線質素和發展前景依然係度。2019年純利為4.5億，但現時市值郤超過700億。現貨若佔組合比重唔，可持有。但在這個水平加注，風險太高。

由京東（9618）分折出來京東健康（6618）其業務主要提供線上線下的醫藥出售和健康管理服務，業務布局包括醫藥電商、互聯網醫療、智慧醫療解決方案、健康服務等4個大板塊。

京東健康旗下京東大藥房，更是內地線上線下收入規模最大的零售藥房。其互聯網醫院，日接診量超過10萬次。

質素上，京東健康是有的。但要做估值好困難，佢未有盈利之餘，不確定性都大，但市值郤去到3500億以上。

只能說，而價計依然唔平。若你只是小注，可以守。

------------------------------------------------

Q21744：

sir,又想問問你，你說現時恆指23000左右是便宜區，那麼我大概也是在這範圍開始分注入市。我打算動用50萬買下面既股票：

1. 1810 （用50%的資金）
2. 1585 (?%)
3. 136 (?%)
4. 558 (?%)
5. 3738 (?%)
6. 8606 (?%)

因為小米較穩健我有信心所以用50%的資金投入，sir其他你會建議我點樣分配資金？邊隻高比例d，邊隻細比例d？可以比個數據我參考嗎？謝謝成哥！

龔成老師︰

你好年青，只係20出頭，投資選項上可以較進取。

但你要留意，任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。

因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。

你持股中有主要係潛力股，佢地雖然有增長潛力，但同時波動風險都唔細，故不宜持有太多。以你年紀，最多佔5成好了。若你投資經驗較弱，要再調低至3成以下。

而你所講潛力股，除了小米(1810)係較優質外，其他都係風險較高類型，只宜小注(佔組合5%左右)。

倢冠控股(8606)是一間香港資訊科技服務供應商，佢規模唔大，每年營業額和盈利好細，而且股價都幾波動。

以佢2020年1000萬盈利計，現價欲去到過10億，此刻投資，風險好高，唔係咁建議。

力勁科技（0558）無研究。

如果從過往業務情況分析，這企業投資價值，質素只是中等，唔算好值得投資。不過唔知近期股價上升的原因，除非你確定佢上升背後的因素，是由於一些對企業長期利好的因素，否則，不宜投資。

除了潛力股外，餘下資金你可以集中係平穏增長股，令組合更平衡。

平穏增長股︰盈富(2800)、金沙（1928）、恆基（0012）、平安(2318)、中銀（2388）、港鐵（0066）、煤氣(0003)、長建(1038)、領展(0823)、希慎(0014)、太古地產(1972)

大市現處於合理水平，那50萬資金，你可以先用一半，以"分注"形式慢慢入貨。餘下一半就等大跌市機會出現，才大力度掃貨，並長線投資。

------------------------------------------------

Q21745：

老師！你好！我一直有看老師的問答同定期勵志既post! 真心多謝你！我已經睇完你本80後百萬富翁同買左5年買樓4部曲！但我有些問題想指點迷津⋯⋯

我想問有關置業問題！我係90後但就快29+1、希望5年內甚至更早可以買第一層樓自住！因為都想結婚同組織家庭

我之前睇過兩個樓盤「2-3年樓齡既單幢樓房，係深水埗/慈雲山，均是190尺-245尺既納米單位

我睇完老師本書4部曲講到先買細屋再換dream house,就開始迷茫，因為有朋友教路不好買納米樓、無升值潛力，換不到大單位！但舊樓不是一樣沒升值能力嗎？

又要支付大廈維修費，但我目標第一層樓只能付出450萬樓下既樓價同借9成按揭攤分30年供還款，這樣說在市區好難找到、除非樓齡已經超過30年、但又引申出不會批到9成按揭。

老師，請問我應該點做法？買舊樓大單位？買新樓細單位？我想住市區、不想考慮新界區。。因為家人住所同工作地方均是市區。。

不知道去向，感謝你。耐心等待回覆

龔成老師︰

想借買細屋再換dream house，你細屋必需有一定投資價值，至少跟樓市同步，否則就沒有意義。

納米樓尺寸太細，連一個基本家庭生活所需的300尺寸都無，投資價值相對較弱，唔建議你投資。

至於過30年的樓，唔代表一定無投資價值，但就要小心選擇。而且正如你所講，較大問題係銀行未必會批出9成按揭。

所以，其實你此刻問題重點，會係你置業資金不足，令你變相找不到合適選擇。

我建議你先用優質股，去累積更多置業資金，才去考慮物業部份，咁會較理想。

你可以用「平穏增長股」 + 「潛力股」的組合，去進行增值。你每月先用5成儲蓄，其餘先儲起，用一邊月供一邊儲蓄的策略。

現時大市只是合理區，你現有資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨。

------------------------------------------------

Q21746：

你好！我從來沒有接觸過任何股票，沒有任何投資，我只有五萬多元港幣積蓄，長期放在銀行做定期存款，可惜利率很低！我只是想短期（半年）賺一些。

請問，00968「信義光能」好，還是00135「崑崙能源」好呢？

龔成老師︰

首先，你要明白一個正確的財富增值方法。其實係長線去持有一些優質股，等佢地自然增值，以達至財富增長架效果。

半年只係一個好短架時間，唔係咁理想。一隻優質股，最少要持有3-5年，甚至更長，個財富增值效果才會明顯。

信義光能（0968）本質不差，業務保持有一定的增長力，股本回報率處高水平，加上現金流強勁，是有一定質素，可長線投資的股票。

現價合理區頂，如果想入，要慢慢分注，但仍不是大注投資的時候。這股股價上落都大，要注意金額。現價算合理區頂，如果想入，要慢慢分注。

昆侖能源（0135）雖然質素都算有，但不是最高質類別，佢對油價較為敏感。佢的產品自主力較弱。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。

這類商品企業，都可投資，但就要明白不是最高質的企業。由於質素中等，唔建議大注投資。

整體質素而言，信義光能（0968）會較高。但波動性風險，同樣都係較高。若你投資取態係較保守，我唔建議你持有太多。

------------------------------------------------

Q21747：

擔心好快出6G。而我對6G的技術上疑問是6G是否在5G的基建基礎？即是6G要發展，在現在的鐵塔上換6G的設備？還是要推返哂所有5G的硬件？

我相信是前者，就像港鐵一樣，港鐵舊列車就是5G比喻，新列車就是6G，其他硬件（車站、電纜、路軌是不變）

另外，鐵塔會否有一帶一路商機，他們大可以去中國以外地方起鐵塔幫其他發展5G?純粹代入管理層去諗，當然，電訊涉及國家安全，又是政治層面，又另一回事。

現代學習提升思考層次，代入如何我是鐵塔高層如何思考經營鐵塔

從你的千萬富翁本書學習到的，請師傅你不要介意，純粹是向師傅你交流來提升自己層次。向師傅你學習

而且單打獨鬥永遠睇唔到自己盲點，有互動交流是最好的

龔成老師︰

未來6G發展，相信訊息傳輸速度和精準度，會比現時5G有倍，甚至更多的增長。

至於將來6G技術，對相關硬件需求，集團要作什麼樣變動，去配合這種新技術學，現時都無一個切實的定案。

但由於3大電訊商為主要客戶，內地需求得到保障。在內地極高市佔率，有壟斷優勢。加上，本身已多行內累積一定技術和經驗。

將來要發展6G業務，相信集團很大機會成為當中重要的一員。所以，集團長線發展係正面。

至於向外發展，一帶一路係一個機遇，但當中都有不少不確定性，故估值上，只宜作一個參考。

你預佢潛力度無以前咁高，算係平穏增長，至潛力股之間的股票。此股有投資價值，但不宜過份大注。

------------------------------------------------

Q21748：

龔成老師你好！自2018年跟隨你的指引月供股票，歷經數年時間，都有穩定的現金流收入，謝謝你！

現有三條問題，希望老師解答一下，謝謝！

1. 早前第一次買科技股，選了阿里巴巴（9988），$246.8入，現在很波動，捱價中，請問公司前景如何？又可在甚麼價位溝貨？

2. 海螺水泥（914），大約$46@水平入了少許，請問公司前景如何？及

3）現有資金300k，如何逐步建立一個攻守兼組合？（已有兩電、置富產業、港鐵）

謝謝
攻守兼備組合

龔成老師︰

1) 阿里（9988）佢出左最新的季度業績，經營虧損76億元，主要由於國家市場監督管理總局就中國反壟斷法處以罰款182億元。

如果扣左這資罰款因素，經營利潤105億元，同比增長48%。經調整EBITDA同比增長18%，去到近300億。

業績略比市場預期差，因此會令股價短期較波動。

現價合理區中間，長遠價值仍在，不過短期會弱。如果你現有持貨，佔組合比重唔多，現價可再加1注。之後，每回10-15%左右，再加注就可以。

但緊記，個別企業唔好佔組合15%以上，以免出現過度集中風險。

2) 安徽海螺（0914）有質素，有增長力。

佢主要從事生產和銷售熟料和水泥製品，業務地區包括中國東部、南部、西部、中部及海外。而安徽海螺是水泥行業中，全球最大的單一品牌供應商。

水泥屬於基礎原材料行業，對建築行業有很高的依賴性，同時亦會與經濟增長速度有較高的相關性，特別與固定資產投資相關。即是說，當中國基建及房產市場不景，水泥行業會比一般行業處較大的不利狀態。

另外，水泥企業在生產過程中，燃料成本佔總生產成本中約佔了超過一半。若能源價格出現較大變動，就會對企業成本造成較大影響。因此，當能源價格出現較大上升時，將引致安徽海螺的成本增加，影響其中毛利。

綜合來講，佢擁有相當規模、生產能力，有一定的質素及賺錢能力，而水泥行業長期將因中國城鎮化以及一帶一路的建設，仍然會增長，但不會像過往般快速，而是進入較平穩的時期，在本質上此企業不差，你現貨可持有。

3) 我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你現時35歲，應以增值為主。2電(0002, 2638)、置富(0778)主要係收息，增長力較弱，故不要再加注。至於港鐵(0066)，係可以。

建議你用「平穏增長股」 + 「潛力股」，去創造一個攻守兼備的組合。

若以你年紀計，2種股票比重，可各佔一半。潛力股始終有一定風險，如果你投資知識不高，或者想保守D，可較集中在平穩增長類股。而潛力股，可較小注。

現時大市只係合理水平，現金和股票最好各佔一半。若你持股佔組合不到一半，你可以多用一些資金，以分注模式入市。餘下資金，就等大跌市出現，才加大力度掃貨。

------------------------------------------------

Q21749：

老師中國平安依家值博率高嗎! 最近回到80樓下! 同埋 依家全球通脹升溫, 但係經濟又未 復甦 呢啲係咪叫惡性通脹!

係咪會有一輪大調整! 股票同現金嘅比例應該 佔幾多比較好 謝謝老師!

龔成老師︰

係全球大印銀紙下，而整體經濟未見明顯復甦，的確有機會造成滯脹。

但我地分析一隻股票時，宏觀因素係要考慮，但只係作輔助，主要都係睇翻企業自己本身。

中國平安（2318）有質素的，佢有規模，有品牌，近年的發展都不差，不過，股價有時會有少少波動，這主要受投資市場表現影響。

這股有長線投資價值，是平穩增長型。現價算係合理區中間位置，分注投資就可以。

至於會唔會大調整，我唔知。我地投資唔好去估個走勢，你應用平貴，去為自己制定投資策略。

現時大市只係合理水平，現金可以佔3-5成。

餘下資金，就等大跌市出現，才加大力度掃貨。

------------------------------------------------

Q21750：

你好老師，本人40，已婚，暫時沒有子女，我和老公收入合共大約5萬一個月，有一個已買了不用供的公屋。

現金大約有150 萬，另股票23萬，之前有月供股票，但因為升了就沒有再供款。

尤於唔識投資，想問點可以財富增值，買樓又沒有經驗，買債卷債基會隱陣嗎，謝謝你

龔成老師︰

若你係投資經驗不多，月供股票會係一個唔錯架選擇。因為佢用長線供款，去減少左買貴貨架風險。

所以，你以往月供架做法係正確。月供可以拉平均個買入成本，除非你對定平貴極有信心，否則你應長線一直供，不理平貴。因為咁樣，反而會對你更有利和安全。

以你40歲，可以選擇一些「平穩增值股」+「潛力股」作投資目標。

以現時大市合理區狀況，月供最好用一半每月儲蓄，另一半就先儲起架策略。

由於你投資知識不高，因此可較集中在平穩增長類股，至於潛力股，只宜小小注，最好是你提高投資知識，等你有一定知識，先慢慢增加翻潛力股比例。

現時大市處合理區，150萬資金，可再用多20-40萬，分注咁慢慢盈富及其他平穩增長股。到你有較多經驗，才加大投入金額和增加一些潛力股。

你可以先用股票做增值，到有一定財富，才加入物業類。如果你對買樓無乜概念，你可以睇我本<<5年買樓4步曲>>，都會講述一些買樓相關知識。

而債券，這其實只是「產品」，物業、優質股是「資產」，所以從財富本質上，我地應較集中持有「資產」，才對我地最有利(你可以睇睇《財務自由行》一書，我從財富本質上，講述了當中原理)。同時，現時息口低，但未來有機會重回加息週期，債券未必是最好的投資工具。

至於債券基金，坊間分好多種，你要小心睇，因為有d風險低，無乜問題，有d則有潛在的風險，絕對不是保本的產品，有機會出現了「賺息蝕價」的情況。

第一，有些基券基金，會投資「高收益債券」，即是「垃圾債券」，你一定要睇睇佢所佔的比率。

第二，債券基金往往不是單純地持有債券，而是可以作買賣，以及利用衍生工具作對沖等策略，即是可能有價格上的波動。

第三，不少銀行都會提供借貸，以槓杆去放大回報，以平息借貸去賺取息差。低息環境時間題不大，但進入加息週期，不止借貸成本增加，同時債券價格往往在加息期下跌，雙從打擊下，投資價值成疑。當然，若然加息步伐不快，息差利潤就可觀。

我不是說債券基金有問題，只是說明當中的風險，因為市面上的基券基金好多，你要仔細分析。

------------------------------------------------

Q21751：

你好，想問下基金風險較優質股票 及債券高
穩健為主 投資後者為上？

現在 港股，美股及人民幣又如何投資部署？以下3因素？

1）疫情控制
2）股市表現
3）政治穩定性

龔成老師：

基金有好多種的，因此好難話基金的風險較股票/債券高定低，因為有些基金是投資穩陣股票，有些是高風險股票，有些的投資策略較進取，有的則較保守。

你一定要清楚翻該基金的投資策略，投資目標等因素，先得。

至於股票，同樣有好多種，有穩健，有不穩。

債券都是一樣，有些債券好穩健，但有些則可能連本金都會虧損。

建議你增加知識先投資，不要急。

至於你上述提出的3個因素，主要都是一些中短期因素，而我地買股票就是買企業，因此，著眼點應集中在「企業的長遠發展」，佢的業務情況、前景等。

我地最重要是建立一個長期的「財富組合」，要優質，要平衡，要適合你的年齡與風險承受程度，不是著眼於短期市況及因素。同時不是買賣賺差價，而是成為你財富組合一部分。

------------------------------------------------

Q21752：

老師，想問下保險，2013年，我無啦啦在朋友講解下，用仔名義買了一份AIA保險基金，有人寿每月供hk$2000, 要供30年，期間可以提錢走,但要罰錢，或停止供款，直至30年期屆滿才提錢

現從你身上學了一點投資知識，於是計計回報，才發現每年得1%回報，現大約有hk$15萬。

我在宏利的基金回報都不止1%

我諗緊
1.停止供款, 讓它滾存，直到年期屆滿才提錢
2.停止供款，立即提取全部錢
3.停止供款，把每月的hk$2000用來買股票

老師，有何建議?

另外，講返261 。我去銀行放，銀行只幫我排隊放一星期，之後沽唔出，我繼續沽左幾星期都係沽唔出，怎麼辦?

謝謝你

龔成老師︰

我地保險，只要做好防守部份，買足夠保障，咁就可以。用來投資增值，效果未必如優質股理想。

你現時保險基金，按年只有1%回報，係好低。從長線投資角度考慮，你將佢資金提走和停止供款，將資金轉至其他優質資產，相信長線回報會較理想。

但由於當中會有提早贖回收費，你要問清楚你保險代理，這個罸款係如何計算，才決定基金內資金，如何處理，咁會較好。

ＧＢＡ集團（0261）生意持續下跌，年年虧損，投資價值很低。

由於佢股價只有1仙，用一般架方法較難放。你可以直接打電話去銀行，只佢幫你人手掛一個少於1個仙的價位，出到貨的機會，會較大。

------------------------------------------------

Q21753：

老師，我最近計劃買約900萬的樓，但發覺 撇除家人的一百萬外，我倆還需要取大概一百五十萬左右(包括稅, 裝修, 律師費等)，

所以如果要買樓，就要套現持有的大部分股票和銀行大部分存款。並且每個月還給父母錢和供款後，可能就只剩低二萬左右。

#1 在我的角度來看，我覺得呢個情況會變成了一個每個月收入償還貸款的死胡同，資產可能無法再增值，因為可能再無多餘錢投資股票。

但我男朋友認為收入償還房地產的貸款是增值資產的一種，前提是樓價最遠必升。老師，請問這種說法對嗎？

#2 如果三年後才買樓的話，我哋應繼續投資股票嗎？而且現金和股票持有的比例應該是多少？(我個人現時比例是 現金4 : 股票6)

#3 現時樓價暢旺，樓價長遠只升不跌，如果我們真的取得足夠的首期，而銀行又借足8成，但每月可能還款後只剩約兩萬收入的話，你認為我們應該買入嗎？

謝謝老師。

龔成老師︰

1) 正確，因為我地還款當中，係包括利息和本金部份，本金部份等同買入物業資產。

我地長線財富增值，唔係單單利用優質股，我地都要講求成個組合平衡性。所以，長遠我地都要將物業，包含埋係我地組合之內。

當然，大前題係個物業要優質，才算得上係資產。

2) 你都可以維持用股票增值，以大市水平計，你現金和股票比例，係合適。除非出現大跌市，否則你資金唔好動用。

而且，這些股票當中，應以「收息股」+「平穩增長股」為主，唔好持有太多波動性偏高的股票，以減低最終回報的波動性風險。

3) 你可以睇翻你本身置業有無迫切性，如果有，而你又"供得起"，你都可以入市。因為置業後，你每月都尚有一定資金，可投入股市作增值。所以，問題不大。

若你無置業迫切性，你可以睇翻你個物業架質素，和租金回報率，去決定而一刻是否投資。

記住，就算樓價暢旺，長線港樓會升，但都唔代表你值得係而一刻，去"買貴貨"。我地都要從長線投資角度，去考慮而件事。

------------------------------------------------

Q21754：

龔成老師,想請教你，今年我43歲,堅持有十五隻股票,打算將組合改回十隻股票,你會建議我持有哪十隻令到組合會較平衡？

現在股票組合︰

潛力股
美團 300股
阿里巴巴 200股
平安好醫生100股
中國生物製藥2000股
楓葉教育12000股

平穩增長股︰
新鴻基地產 500股
領展500股
中興通訊 1600股
中國鐵塔 20000股
金沙中國800股
中國民航信息2000股
惠理集團 4000股

收息股︰
中移動1000股
中國電信 10000股
深圳高速公路 4000股

我打算賣出惠理,將資金換入金沙.尚餘約$70萬現金等機會.

如果跌10至15個percent加一注,會用第二次嘅買入價計算,還是用平均買入價計算？

Eg:第一注$30、第二注$38，平均:$34

另外想同你分享，20年前,出來創業,跌得好痛.

今年,我再次出來創業，開一個自己運動嘅studio.佢最差嘅情況去做呢件事，我反而係覺得係一個機會。

龔成老師︰

以你43歲計，這個組合比例係合適。

而當中股票，都係有質素，雖然有少少多，但唔需要刻意去沽出持股。你未來資金，較集中翻係當中較有質素的10隻，咁就可以了。

惠理集團（0806）是一家獨立的價值型資產管理集團，業務集中於大中華地區及亞太地區。集團透過惠理品牌管理多隻認可基金。

質素算是不差，但又不能稱為好好。

過往賺錢能力中等，但增長力就不強。你持有係無問題，不過就唔好對股價增長有太大期望。是平穩增長類。

整體質素上，金沙(1928)會較優勝，你可以沽少少，換去金沙，都係可以的。

另外，中興通訊（0763）、美團(3690)、平安好醫生(1833)是潛力股類，而且係不確定性較高的企業。投資係可以，但要控制注碼，不可佔組合太多。

大市現處於合理水平，你可以多用20-30萬，以"分注"形式慢慢入貨。餘下資金就等大跌市機會出現，才大力度掃貨，並長線投資。

至於加注計算方面，每跌10-15%個基數，會係用你對上一注的買入價。

其實做任何事，我地都會經歷失敗，這是在所難免。重點係，你有沒有在這個失敗當中，上了寶貴的一堂課。

創業好少一開始就好成功，成功都係透過無數失敗經驗，去慢慢累積出來。

現時大環境雖然尚是十分不穏定，此刻創業都有一定風險。但同時間，現時很多方面(如租金)，都會比一般情況平，所以都有一定值博率。

最重要係你了解這門生意大方向，明白自己有什麼獨特優勢，將佢盡力發揮出來，咁就可以。

------------------------------------------------

Q21755：

成老師，多謝你一直以來的分享，呢2年鼓勵咗我哋好多好多。因為你分享對樓市的睇法，上年3月我低位買咗元朗溱柏單位自住，今日已經升左50萬，男朋友都升左做老公。

後來我有買你本《五年買樓四步曲》知道元朗南升值潛力有限，不過已經買咗自住，亦都完美解決咗我哋本金小但有自住需要的問題，真係好多謝你！

但前兩日收到個壞消息，政府收咗屋企前面塊地，係2023年起公營房屋，我哋打算努力啲賺錢買第二層，想請教一下老師意見。

目標係升值潛力大嘅天水圍濕地、白石角、馬鞍山等。元朗層樓係我名，買入價410萬，按咗8成7，老公（當時男朋友）做按揭人，當時銀行話我至少月入$30000先甩到老公名走，

我做老師嘅，目前26歲月入$24000，預計4年後先有$30000人工。

老公30歲，多謝你鼓勵年輕時要更上進，佢好努力寫文章分享、上電台直播增加知名度，成功月入4萬變6萬，亦都打算一至兩年短期內開自己店做自己品牌，預計開業成本50萬。

我計過扣除日常開支，月儲4萬唔係問題，呢家有20萬現金同投資咗6萬股票，各三萬

[email protected]
[email protected]

問題一：我唔知應唔應該繼續買股票？

問題二：3067同1798算優質股嗎？可以持有？

問題三：預計4年後買樓要點理財好？買以上三區可以嗎？

麻煩老師指點下我

龔成老師︰

恭喜你，完成左人生中2件大事。

其實，你則買的溱柏係自住樓，升值潛力唔係重點。最重要，係適合你們生活所需，而且做到"供得起"，咁就可以。

而且你物業位置，都算接近港鐵站，質素會睇高少少。

1) 由於你1,2年就要動用這筆資金，去開診所。你動用這些資金增值都可以，但就要相對保守。

目標係一些「平穩增值股」+「收息股」，比例可以50:50。若你相保守些，可以「收息股」佔多D，甚至100%。再保守D，就係加入埋定期儲蓄這個選項。

到你老公要開診所前半年，就開始慢慢沽貨套現，唔好要用先一次過沽，以減低股價波動風險。

2) 安碩恒生科技（3067），有長線投資價值。若你打算將佢套現，去開診所的話。由於佢有一定波動性，暫時唔建議加注，等開完舖先再算。

大唐新能源（1798）主要在中國專注於風電項目的開發、管理及營運。

佢要從事風電等新能源的開發、投資、建設與管理，低碳技術的研發、應用與推廣，新能源相關設備的研製、銷售、檢測與維修等，與新能源業務相關的培訓、諮詢服務，以及房屋出租。

過往的業務發展不差，長遠都有投資價值，不過規模較細，唔建議投資太大注。

3) 到你老公新舖開張，一切穏定，可以再開始每月儲錢時。你就可以月供「平穏增長股」 + 「潛力股」，去做增值，累積置業資金。

你每月先用5成儲蓄月供，其餘先儲起，用一邊月供一邊儲蓄的策略。

至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨。

3個你所講的置業地點，會以馬鞍山為最好。

白石角，是一個自成一隅的新社區，但這社區的設計，密集程度太高，同時配套不足，物業價值不算高。

天水圍始終同市區有一段距離，投資價值會較弱。

另外，我地做財富增值，除左講增值潛力外，都講組合平穏性。

由於你已經有一間物業，未來再買新物業時，會成個組合偏晒去物業類，會出現過度集中單一資產的風險。

因此，你唔需要急去買第二間屋。再投資第二個物業時，必需確保係買樓同時，都可以保有一定股票係手，作增值之用，才好考慮出手。

------------------------------------------------

Q21756：

你好，請問知唔知道比亞迪在智能汽車例如自動駕駛方面有咩進展？謝謝你

龔成老師︰

比亞迪(1211)係智能車聯網上，一直都在發展，2020年8月，比亞迪DiLink3.0系统上線，進一步為AI、語音識別、車聯網、大數據等技術升級。

2020年，集團同時入股深圳華大北斗科技，相信係為令智能駕駛部份，佈局變得更完善。

以集團規模和經驗，相信長線智能汽車發展，會係正面的。

------------------------------------------------

Q21757：

老師：唔好意思，又打攪你

請問現時持有幾隻科技股最近都跌左好多，我唔知應該跌左咁多再加注，定止蝕轉其他優質股

以下是持股資料：

9988 200股 買入價243.5
9618 100股 買入價329
981 500股 買入價27

謝謝！

龔成老師︰

你唔好將個重點，放錯左係買入價，或者帳面賺蝕上。

我地持有一隻股票與否，關鍵位是企業質素、前景，不要被買入價影響。買入價只是一個心理因素，如果企業核心因素未被影響，我地係唔需要理會。

你現時持有股票，都係有質素，可照持有。

至於是否加注，就要睇翻你成個組合配置，同股價處於什麼水平。

你上述的都是潛力股，佢地有一定風險。若你係較年青，這類股票佔你組合，可以5成。但若你較年長，或者投資經驗較淺，就要向下調整。

以股價計，現時阿里巴巴(9988)和京東(9618)都合理區中上位置，若你資金足夠，現價可以加1注。

中芯國際（0981）業務有增長力，質素係有，但未到最高質素。

加上之前熱炒過，股價大上大落，投資要注意風險，這股唔建議大注。

------------------------------------------------

Q21758：

依家上緊你既堂，真心覺得你教緊既野同坊間既炒炒賣賣好唔同，我想賺多D錢！麻煩你幫我睇睇有咩可以改善（其實我有個目標...就係好想將來係澳洲買樓！）

我今年29歲，男友33歲，打算2/3年後結婚。

我2018年開始買股票，現有大概10萬月供股票。（其實係咪keep住月供會好d?因為依家係不定期咁買...）

388～34股（＄253.36）
66～310股（＄43.45）
1928～1手（＄34.57）
823～134股（＄66.98）
1177～136股（＄7.33）
2800～724股（＄29.7）
1448～2手（＄7.13）
6823～2手（＄9.96）
2638～2手（＄7.49）

1. 我自覺賺既幅度較細，係咪時候要審視投資上既配置？因為太保守變左增長/潛力唔夠？如果真係潛力唔夠，請問有冇邊D股票係有機會做到3年後有30－40萬？

2. 黎緊就畢業，要還學債。我有諗過襯審視配置既同時，將66賣左還左部分學費先？

3. 我覺得係儲現金方面做得冇咁好，其實咁既年紀，儲現金比例應該大約佔資產幾多成？

4. 如果我想達成係澳洲買樓既目標，應該可以點做？

我會視老師為我理財上既榜樣...希望有一日我地都可以好似你咁做到財務自由。

感謝和辛苦老師你花時間詳細解答我地既問題，祝老師身體健康，大家一齊努力

我仲有1手 8473，＄0.34買入

龔成老師：

1）潛力度的確唔算強，以你地的年齡及投資目標，其實收息股如港燈（2638）、香港電訊（6823）其實未必適合，你可以考慮轉換部分潛力股。

當然，平衡組合都好重要，你太過進取都唔得。

安碩恆生科技ETF（3067）、阿里（9988）、騰訊（0700）、港交所（0388）、舜宇光學（2382）、小米（1810）、ＧＸ中國電車基金（2845）、中生製藥（1177），其實都可考慮。

但就要明白波動性比上述會高左，同時風險大左，你要自己平衡。部分要等回少少先入。

現時你月供的，都是有質素，但可以轉多少少在潛力股類別。

2）如果利息唔高，其實唔需要太急（當然，我唔清楚你當中的條款），至於港鐵（0066）其實有質素及基本增長力，在配置上，可留，如果真的要賣股票還學費，就賣收息股。

3）我地會考慮你年齡及現時的市況平貴度，你可以留3成現金左右。

4）你現時應該著重「增值」層面，目標是利用儲蓄及股票，去追到的目標樓價的數。如果你打算在1、2年內買樓，就未必適合放太多錢去投資，但如果你3年後先會買樓，就要好好利用這段時間去進行增值。

因此，你的方向應該是投資「平穩增長股」+「潛力股」。

至於彌明生活百貨（8473）業務不過不失，發展能力中等，不是高增長的類別。

以佢現時的經營情況，算是合理價，但這股始終規模不大，加上近年的盈利有下跌情況，存有風險，因此不建議太大注。

另外，政治相關因素，都會令這股波動，要明白股價風險，政治因素是好難預測的。

這股唔建議持有太多。

------------------------------------------------

Q21759：

龔老師：本人手持以下股票，可否繼續持有？還是就算損失也要減持？

我之前買了些股票，買入大跌，但一直不捨得減持，到後來忍痛減持，它又回升，當然仍未回家鄉，但起碼損失少点，所以眼見以下股票近來股價不濟，怕又重蹈覆轍，請老師指点一下！

9988 ：1500手均價$249
388 ：800股均價$441
1288 ： 2000股均價$3.2
1339 ：1000股均價$3.48
1398 ：1000股均價$5.11
003 ：2000股均價$12
3690 ：200股均價$266
6618：200股均價$133
1810：200股均價$31.85
1024 ：200股均價$235

另外，後想問：其实買股票心態應是怎樣？我想買股票心態是：增值財富。假設快手當日我$115有一手，去到$370(或者應说去到自己心中的底線那刻）是否應 take profit 先？

還是放在床底讓它滾下去(假設我不急需那資金)？像這快手，當時我沒有放，之後見回落，我就入多一手，結果現在繼續下滑！請龔老師指導下本人心態！

盼望老師回覆！！謝謝！

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

你持有的股票，並不是無質素的，基本上都可以持有，但有兩點你要注意，第一，你要做好配置，例如你不少是銀行股，就會有行業集中風險，你要持有優質、平衡的組合。

另外，你有不少股，都是近一年熱炒的股，反映你在選股時，只懂跟市場去買，而這動作是危險的，因為當市場熱炒過後，股價一般都會大幅回落。不過，你上述持有基本上都有質素的，只是你日後要注意翻這點。

第二，你要留意平貴度，如果一隻優質股過貴買入，你都有可能出現損失，如果未有企業價值概念，就多用月供或分注投資模式進行。

至於你問快手（1024）的問題，我地會見到，有時股價上到某個價位，賣出等跌再買入，會有較高回報。而有時又會見到，一直持有會有較好回報，例如港交所（0388）、騰訊（0700）都是升值100倍。

而根據統計，後者的方法，能令投資者有較大的總回報。

當然，有時股價真的貴，都可以考慮賣少少，但點都建議有基本的貨在手，因為長線持有的贏面始終較大。

------------------------------------------------

Q21760：

龔sir您好, 上緊您既堂, 有d問題想請教下您:

我今年31，同我先生月入約40k

-有40萬股票(水桶1-3都有)
-有20萬存款同埋
-有兩份重有10年要供既儲蓄保險(每月大約供$3000)。

1.我地本身同緊屋企人住(層樓有我名), 但都想換樓, 而家住個到始終都舊, 您會建議樓換樓還是過多5-10年等有返d錢先再買多層樓再將而家呢到收租? (而家層樓值450萬, 睇過現時租金大約可以放到11k一個月)

2. 未來一兩年想試下開間餐廳(我先生係廚師)，我同我先生想選址係將軍澳, 因為人口密度較高人流較多, 想請教您有咩睇法。十分感謝!

龔成老師：

1）以累積財富的角度，遲少少先換樓會較好。

首先利用這刻的資金投資股票，先將財富增值，到5年後先換樓，這樣可以有更大的總財富。因為現時股票的增長力，好過香港樓，因此先投資股票會較好。

當然，你自己要考慮自住因素，因此可以在兩個方向取平衡。

2）其實都可以的，有人的地方就有這個需要，而將軍澳是住宅區，你地的方向應較為街坊。另外，要記住做生意技巧，食物是其中一環，但生意會更重要，想想麥當勞你就明。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

「我的希臘情緣」一氣呵成版

開page 五年多
很多朋友因飲食、時裝的分享
而認識我
亦有很多朋友
因為這個愛情故事對我加深了解
我會久不久post 一次
因為希望新mozzarella fans 有機會
看看這不一樣的愛情故事
很多朋友跟我說
從來沒有一口氣在Facebook
看這麼多字
今次打破紀錄

2019 年在港出了人生第一本書
名為「意料之外」
除了分享意大利飲食文化外
亦分享了我一些故事
希望為自己
出一本「人情味濃」的作品
感恩這本書
可以在香港其中23間圖書館的書單名上

住了意大利超過20年
一向很少執筆寫中文
這五年跟大家分享
全部用「一陽指」慢慢寫
中文進步了不少
雖然不是文采了得
但有自己的風格
「我手寫我心」
這希臘情緣全是真人真事
（除了人物的名字）

～～～～～～～～～～～～～～～

移居意國20年：我的希臘情緣

本身很少說私事，但收到好多粉絲的要求想我分享跟丈夫由相識的故事，其實自己一直很想找個地方記錄下來，當作給自己和兒子作個紀念，然而總提不起勁。多得你們的推動，我才鼓起決心執筆，藉出書這個機會順道分享我和丈夫的故事吧。

回想起來，我跟丈夫的相識回憶仍是記憶猶新。我曾是一位空姐，所以很多人都猜想我跟丈夫是在飛機上相遇的，其實不是。


「希臘的偶然相遇」

1994年9月5日零時45分，我跟同事Jenny拖著疲乏的身驅，在雅典一碼頭登上前往希臘小島Mykonos的船，船程大概五小時，到達時目的地時差不多天亮。雖然我倆由香港到希臘已經有四十多小時沒有安睡，但當快看到期待已久的藍天白屋，以及浪漫的愛琴海時，所有倦意都一掃而空。

因正值旅遊淡季，船上只有零星的乘客，我跟Jenny隨便找個位置便坐下。我們後面是一對年輕夫婦，男的是香港人，女的來自馬來西亞。而斜對面坐著三個「不羈浪子」，大約20多歲吧，但看不出其國籍。他們穿上撕去手袖的襯衫，踏著已磨成拖鞋般的白布鞋。他們正準備用毯子鋪在甲板上睡覺，旁邊還有三人的「旅伴」木結他和大背包。當我正準備到洗手間梳洗時，其中一個浪子目瞪口呆站在我面前，嘴巴張得大大的，那眼神好像要對我說些什麼。當時我心想：「糟糕了！這艘船這麼大，又沒有什麼人，若果他對我有什麼不軌的企圖，該怎麼辦？」但當時的我筋疲力盡，梳洗後就沒再理會他，回到座位便呼呼大睡。

我跟Jenny在船上總算安然度過了一晚。到達Mykonos港口時，太陽剛剛升起，我們不禁嘩的一聲大叫出來，眼前是一幅超級美麗風景，我們迎著晨曦走向一直嚮往的希臘小島！

到達酒店後，我們沒有休息就馬上外出逛逛，島上的風景真是太吸引了，不停拍照留念。而很多酒吧日間關門，到晚上才會營業。到了黃昏，我跟Jenny的體力差不多用盡，於是便回酒店休息。後來得知船上那三個「不羈浪子」在晚上到處找我們，以為我們會先休息，待晚上才外出。

Mykonos島上有兩大景點，一個是Paradise Beach，另一個是Super Paradise Beach，在海灘上隨處可見享受「天體浴」的人，而Super Paradise Beach比較多同性伴侶。我跟Jenny第二天的行程就是到Paradise Beach大開眼界，當然我倆都沒有膽量，也沒有身材赤裸裸地展露。相反地，為避免曬出雀斑，我像印度西施般用紅白大圍巾把自己的頭包著，只露出一雙眼睛。當我在海灘四出捕捉「有特色」的畫面時，不知怎地將鏡頭蓋丟了，唯有在猛烈的陽光下苦惱地搜索，不停用腳踢動幼沙，看看蓋子是否被埋了。突然，昨晚在船上目瞪口呆看著我的「他」出現在我眼前。

由於海灘有很多人，我當然沒有在船上那樣驚慌。他向我走近，示意想知道我在做什麼，我指著相機鏡頭，用英文跟他說我掉了鏡頭蓋，正在苦惱地找。從他的眼神，我感覺到他明白我的意思，溝通了一會才知道他來自意大利，因為不太懂說英文，只會說「OK」、「Understand」、「Hong Kong」，而我就只會說「Cappuccino」、「Pizza」、「Spaghetti」、「Oh My God」，我倆就是用這些簡單句子溝通。他努力幫我找了很久還是找不到，最後唯有放棄。

之後我們到海邊的小餐廳一邊吃西瓜，一邊用盡方法溝通，簡單的英文、身體語言、寫字等等。他叫Andrea，是拿坡里人，他也知道我來自香港。從他問我的問題便知道他對我有意思，因為他問我有沒有男朋友。在我們的空姐生涯中，跟大部份乘客只會相遇一次，所以當時我覺得跟Andrea也是一樣，所以回答他的問題時，都有所保留，況且我也不清楚他究竟是一個怎樣的人，沒有必要跟他說太多。

我們與Jenny會合，又再遇到船上那對年輕夫婦，他們跟我說看得出身旁這個意大利年輕人對我真的很有興趣。我說我知道，但沒有可能發展的，一來我對Andrea一點感覺也沒有，二來真的溝通不來，三來是異地戀，真的不用想吧！

Andrea介紹了另外兩位好朋友給我們認識，Francesco是典型意大利人，留著長長的頭髮，Matteo則是短髪，擁有一雙粗粗濃眉，頗能吸引異性。他們的英語比Andrea好點，至少可以用短句子對話。原來他們三個是從拿坡里駕電單車向南行，再乘大船到希臘雅典，然後轉乘船隻來到小島。誰知他們的電單車陸續在途中壞了，還錯失了前一班到Mykonos的船，最後才跟我們搭同一班船，這可能就是緣份吧。他們住在Paradise Beach營地附近的青年旅館，打算停留十天，而我的假期剛巧只有十天，但打算在島上玩兩三天，然後回雅典觀光，行程相當緊密。

當時沒那麼多溝通工具，我們拍過照後便交換地址、電話及傳真。後來得知，原來當日是Francesco先看到包得像印度西施的我，然後立即告訴正在全身赤裸打沙灘網球的Andrea，於是他馬上穿上沙灘褲來找我，免得初次見面就這麼唐突！

第二天，我跟Jenny到另一大景點Super Paradise天體海灘大開眼界。我沒有誇張，海灘最少有200多個男同性戀者，全身赤裸地跟伴侶在享受日光浴！有些還旁若無人地用腳磨擦著另一半的大腿，我實在不知我的眼應該望哪個方向，而他們大部份還要超級帥！半祼及全裸的女泳客亦有很多，還有全裸男士在打沙灘網球，你們可想像到當時的畫面有多震撼。下午3時左右，我跟Jenny已經看夠，正煩惱下站去哪裏才好，我便提議不如回去找那三個「不羈浪子」Happy Hour吧。

當我只見到Francesco及Matteo的時候，不知道怎地竟然有點失落，我便問他們Andrea在哪，他們說Andrea跟幾位剛認識的女性朋友去了超級市場，原來Andrea廚藝非常了得，所以由他負責煮飯。我們一邊喝啤酒和聊天，一邊等Andrea回來。Andrea終於回來，他一見到我的第一反應竟是瘋狂吻我的臉額和嘴。意大利人跟朋友見面時，無論男女一般都碰碰臉頰，先右後左，亦也有人會親嘴的，但不是像Andrea那樣瘋狂地吻。在毫無準備下，我當下真的不知所措，身旁的Jenny也看不過眼，把他推開。

晚餐時我們繼續用簡單英文聊天，意大利人尤其是南部人說話時，總是手舞足蹈，如果把他們雙手綑起來，恐怕就不懂說話了。吃飽後，我跟Andrea在島上隨意走走逛逛，走過藍色的小屋，踏過白色的梯階，便隨意坐下來聊天，聊一些自己的過去。第二天我與Jenny返回雅典繼續行程。


「早了一個月的生日禮物」

回到香港不久，大概在9月底，突然收到速遞公司送來的包裹，感到有點驚訝，究竟是誰寄給我的？包裹是從意大利寄來的，打開後原來是意大利當時流行的品牌出品的一條黑色燈芯絨背心連身裙，前面開胸有鈕扣的，是我喜歡的款式。是誰送的呢？當然就是Andrea。

在希臘的島上，我們交換了電話號碼，我曾致電找Andrea，但最初兩次都找不到他，聽電話的人又不懂英文，想留言也不行。後來終於找到了他，經過一輪艱難的溝通後，才知道他誤會了我的生日日期，其實是10月底。無論如何，我還是很感謝他的心意。之後的兩個月，我們維持簡單的電話問候，也收到Andrea的信，全是用英文寫的，還有詩，我可是從沒收過朋友為自己寫的詩！然而生活在步伐急促的城市，我真的不太會欣賞詩中的情懷。

Andrea寄來的每封信，我都有好好收藏，後來發現原來他寫的詩原來是由意大利文翻譯成英文，後來要求他寫一些「現代人」的文字表達方式，如「How have you been doing...?」，而不是「You are the red light, crossing into the sky...coming into my dream」。信中有時附有他和朋友組成的業餘地下樂隊演出的照片， 他是負責彈低音結他的， 全臉塗成白色，加上黑黑的眼眉， 紅紅的嘴巴，頭髮用噴髪膠都竪起的造型，那時候我想，原來外國人真的這麼「前衞」和「另類」。

Andrea常常說會來香港找我，而我卻以為他是隨便說說的。有一天，他忽然告訴我12月會來香港公幹一個月！原來他不像我在工作上遇到的乘客，一生只能遇上一次……


「種在香港的情愫」

原本抱著懷疑，直到收到Andrea從香港打出的電話我才相信。他住在尖沙咀的酒店，我們約在大堂的咖啡店享用下午茶。他比我先到，一見到他我忍不住笑了，穿上西裝戴上太陽眼鏡的他，正喝檸檬茶，跟之前在船上及天體海灘的他，形象簡直是天淵之別！但令我最驚訝的是，他竟可以用流利的英語跟我對話！原來他回到拿坡里後，找了私人英語補習老師，每天2小時，學了兩個月英語。這一切都是為了跟我溝通！後來我也明白Andrea為何可以寫到這麼多英文信給我，他媽媽告訴我，Andrea在學校一點英語也學不到，然而為了我卻一下子便學會了。

我坐下跟他聊天，歡迎他第一次來到香港，或應該說是第一次到亞洲吧。也問及他的行程，原以為他真的來公幹，雖然他也有跟一些工作上的伙伴見面，但其實也用不上一個月。當發現他是為了我而來香港，心裏頓時感到有點壓力，Andrea媽媽後來又跟我說，有一天Andrea跟她說自己可能找到生命中重要的女人，所以他要到香港一趟，看看他的感覺是否真確。這真的是非「常人」的想法。但如果他真的是常人的話，或許我們永遠不可能在一起。

Andrea人生路不熟，留在香港一個月可以做什麼？我沒可辦法天天陪著他，唯有找到一位精通西班牙語的泰國同事照顧他。基本上，西班牙人跟意大利人用他們本身的語言也可以溝通。

某天晚餐後，走在酒店附近時，我跟他說：「你不如回意大利吧！你在香港這麼久幹什麼？又沒有朋友，我也不可能天天陪你！」他很無奈且失望回答：「讓我想想吧！」看到他那失落的樣子，我有點怪責自己，心想他從這麼遠的地方來找我，我最少盡盡地主之誼，帶他參觀一些名勝景點，回意大利的事還是遲些才決定吧。我便跟他說會安排一些香港的觀光行程，而第一站便是大嶼山看大佛。

我們約好早上出發，時值繁忙時間，街上滿是上班一族，Andrea跟我說，為何街上的人來來往往只有兩個方向？他們的行動工整有序，但眼神空洞，就像 吸血殭屍一樣。他真的不明白，香港生活壓力很大，要我們常常面帶笑容是談何容易？人在江湖身不由己！他說他不會習慣這裏的生活，可見我們之間中的文化差距，這也是可以理解的事。

走在街上時，他常常想拖著我的手，我便找了一個連自己也覺得荒謬的藉口跟他說，香港是個華人社會，我們是不可以拖著手的，實行「拖」字訣。有一件小事，我記得非常清楚，且有一刻被他深深感動。遊大佛那天，天朗氣清，陽光普照，在烈日底下，我們走到了大佛的頂部，我的太陽眼鏡突然斷了，螺絲也鬆了。刺眼的太陽把我眼睛照得睜不開，那時Andrea馬上去買一罐汽水，利用拉蓋的尖角弄成小螺絲批，埋頭苦幹、汗流浹背幫我修理，那時候我心想，為什麼Andrea會對我那麼貼心？

從很多細節可見Andrea真的很喜歡我、關心我，慢慢地我也對他沒有那麼抗拒，甚至開始對他有了一點感覺……當他再想拖著我的手時，就乾脆讓他拖著吧！我性格比較爽直，不是那些愛玩把戲的人，當然亦承認我已經接受他。

在餘下的日子，我帶他四處逛逛，去山頂坐纜車看夜景、去女人街逛街、去廟街吃炒蜆，還吃得滿口是沙，最記得我向老闆投訴為什麼蜆有這麼多沙的時候，他竟說：「小姐，無沙不是蜆。」我真的給他氣死了，香港大排檔及洗手間的衞生環境，Andrea有點不習慣，但為了融入我的世界，唯有就遷就一下吧。然而現在叫他去的話，應該打死也不去！

有天晚上，我們在尖沙咀加連威老道附近逛街時，他忽然跟我說：「不如我們結婚吧？」我立即被他嚇一跳！結婚？我們在希臘只見了兩天，你在香港只有兩星期，從認識第一天到現在，只不過過了三個月就結婚？不要跟我開玩笑吧！但是他說：「我是認真的！」我當然覺得沒有可能，便說：「慢慢來吧，我們還年輕，待感情加深瞭解透徹了才談吧！」

可能因為水土不服，Andrea有幾天病了，他還叫我幫他買白飯和一個檸檬！說他拉肚子時，都會吃意大利彈牙有口感那種的白米飯，加點橄欖油及鮮檸檬汁，吃上數天便可清腸胃。這跟我們吃白粥清腸胃的方法差不多，每個地方都有自己的一套，頗有趣的。

開心的日子過得特別快，我們在中環某間餐廳慶祝聖誕節。但對我來說，最難忘的是除夕晚餐。他所住的酒店地庫是一間頗高質的意大利餐，我們就選了那裏來慶祝我們的第一個新年。還記得那時候，我常常叫鮮橙汁當餐飲，總被Andrea取笑，因為意大利人一般只會喝白或酒、紅酒、有汽水或無汽水來用餐，絕不像我們有雜式飲料。意大利人小朋友只會喝水或汽水，但絕不會喝牛奶或朱古力奶用餐。還有Cappuccino只在早餐時享用，不像我們24小時都喝。每當我在下午或晚上叫Cappuccino時，他便幽我一默說，要加個牛角包嗎？

除夕那晚接近倒數時，餐廳內所有員工都暫時工作，各人拿著不同的鍋及廚具互相敲擊，發出「兵兵嘭嘭」的聲音，大家圍著整個餐廳走，很多客人見狀，亦一起湊熱鬧，一個跟一個加入排伍，當晚氣氛濃厚，大家都過了一個很難忘的除夕夜。隨後我們出外走走，尖東海旁人山人海，水洩不通，走累了，我便坐在花叢的石壆上休息。就在那時，Andrea忽然除下了他那枚在旺角小販攤檔買的戒指放在掌心上，非常認真對著我說「This is marriage！Not a game！ Take it！」而不是「Will You Marry Me?」他問的方式是令你感到他的肯定及真誠，不讓你拒絕。我看著他，然後便説：「好，我答應你！」

沒想到他馬上問我附近哪裏有教堂，香港不是意大利，教堂不是隨處可見。我説：「你找教堂做什麼？」Andrea説：「我們可以馬上找個神父行簡單婚禮儀式！」我心想，意大利人的效率沒可能比我們香港人高！我回答：「不用吧！現在這麼晚……」沒想到Andrea竟説今晚是除夕，可能有子夜彌撒。救命！這樣他也想到！他不斷叫我告訴教堂在哪裏，我覺得他的想法肯定行不通，好吧！就陪他走一趟。

印象中在漆咸道近紅磡火車站有一間小教堂，他拖著我的手，步伐急速。我們終於找到了，他按大閘門鈴，沒有人回應，他不停按也沒有人回應，我說：「走吧！這麼晚了，沒有人會在這裏了！」他唯有失望地說好吧，那我們再安排。幸好那次之後，他沒有再叫我找教堂，但從那時開始，我們之間已經有了某種默契和承諾。


「為了愛情初到拿坡里」

一個月的時間轉眼間便過去，Andrea要返回拿坡里了。別離儘管是痛，但痛源於愛。

幸好我一年前已經申請了假期，打算1月中到拿坡里探望Andrea及他的家人，雖然依依不捨，但知道我們很快便見面，心裏便沒有那麼難受！拿坡里，我來了！

我大約早上7時抵達羅馬，Andrea跟Matteo來接機，由於到機場的車程需要大概2.5小時，他們凌晨4時已經從拿坡里岀發。Andrea的家竟然是傳統日式裝修，原來他媽媽十分欣賞及喜愛東方文化，書架上放著她多年前到紐約旅遊時，在一間中國餐館拿的餐牌作紀念。我也帶了一些中國特色的小禮物給Andrea的家人，還送了一幅畫有老虎的國畫給他爸爸。當我拿出了一條珍珠頸鏈給他的媽媽時，她便給我一張意大利里拉紙幣作回禮。原來拿坡里人認為珍珠形是眼淚，代表悲傷，所以她給我一點錢算是扯平！當地還有其他習俗，例如不要把鑰匙放在床上、不要送人家紫色的禮物、17號是不吉祥的號碼等等，真是各處鄉村各處例，原來迷信不只是中國人專有！

雖然那時我不諳意大利文，又不能用英語跟他們溝通，但仍感覺他們一家的熱情，尤其是Andrea的媽媽。我跟她感情深厚，什麼都分享，感恩有這麼的一個好奶奶！由第一天認識，我便跟Andrea一樣叫她做媽媽，對於過埠新娘來說，丈夫家人的支持與關懷非常重要，我常開玩笑跟丈夫說，若你不是有一個這麼好的媽媽，可能我一早就走了。那兩星期的假期，Andrea介紹了他幾位好朋友給我認識，其中一位是他在17歲時的前度女友Andrea後來跟我說，她來的主要原因，是看看我究竟是怎樣的人。餘下的日子，Andrea盡地主之誼帶我參觀拿坡里，意大利有句諺語「vedi Napoli e poi muori」，中文意指「見到Napoli後才可以死！」拿坡里太漂亮，離開人世前一定要看看當地海灣——世界三大最美海景之一。

我還參觀了2000多年前，維蘇威火山爆發時被完全摧毀的龐貝古城，以及一些有名的旅遊景點，如風景很美的波西塔諾（Positano）。由於拿坡里是Pizza的起源地，當然不可以錯過，海鮮種類繁多，水牛奶芝士超新鮮，還有數之不盡的美食。

又到離別的時候。今次感覺真的難受，不知下次什麼時候才能見面。回香港後，我可以做的，就是努力跟其他同事調換航班，由於我當時在頭等機艙工作，前往羅馬的航班是用空中巴士340，12個頭等客人常常全院滿座。加上4個駕駛室機組人員，只有2個艙務員負責服待，而我職級較低，當然負責最辛苦的工作。頭等的銀餐具又重，服務又繁複，簡直像地獄一樣！所以不難找到人願意跟我調換。後來我升了職，成為商務及經濟艙的section leader，換到羅馬航班的機會大減，因為沒有人願意讓出。

為了爭取更多機會跟Andrea見面，其他什麼歐洲航班我都嘗試爭取，很多時候要讓出極受歡迎的航線，來換取一些歐洲航班，很多認識我的同事給我起了一個別號叫「歐洲之后」，這是拜我發瘋地換歐洲航班所賜，愛情魔力真的偉大！


「離鄉背井的抉擇」

維持這段異地戀4年多，幸運的話我們平均每個月見面一次，地點包括巴黎、倫敦、法蘭克福、阿姆斯特丹、羅馬、拿坡里及米蘭，每次見面只有1、2天，所以我們都十分珍惜。有時我飛去意大利找他，有時他飛來香港找我，這份堅持真的不是容易。遇到身心疲累時，我也曾想過放棄。每次到拿坡里，晚上跟Andrea的朋友吃飯，他們都説我在晚餐中都差不多睡著，他們並不知道我已經30多小時沒有好好睡過。記得有一次我從倫敦飛到米蘭後發高燒，相聚2天就要趕回工作崗位回港。每年2次的假期，我和Andrea都會安排一起到其他國家旅遊，最深刻的一次是到日本多個城市觀光，在長崎得到一個日本同事的爸媽熱情款待，留下很多開心及難忘回憶，他們後來亦有出席我跟Andrea在香港的婚宴。

由於當時沒現在那麼多網絡通訊設備，只可以寫信、打電話或傳真，每次收到電話帳單時都不敢看，簡直是為電話公司打工一樣！那些手寫信和已褪色的傳真我仍保留至今，人與人之間的溝通變得愈來愈方便，但我懷念以前等待信件來臨的感覺，還有打開信件的那份衝動，看到愛人筆跡的震撼！

幾年後，我倆真的很累，覺得這種戀愛方式不可以長此下去，要不就分手，要不就走在一起建立家庭。經過再三考慮，我們終於決定在1998年11月結婚，在香港舉行婚禮，我跟Andrea也有「斟茶」給雙方父母及長輩。

1999年3月10日最後一次穿上空姐制服，做過了最後一班洛杉磯至香港的航班後，我依依不捨地結束了差不多9年的機艙服務員生涯，離開香港、家人、朋友，去意大利生活。雖然這是一個非常難取捨的決定，但我終於有抉擇了，朋友們都說我有超乎常人的勇氣。老實說，年輕時沒有像現在那麼思前顧後，只想跟我愛的人在一起 ！

由於意大利政府在教育方面不太著重外語，不懂當地語言是不可以「生存」及融入社會，而意大利文文法比英文複雜得多，所以最好先上一些基本課程打好基礎。剛巧那時Andrea的父母在米蘭生活，所以我在香港已經報讀米蘭一所語言學校為期的3個月的密集課程，這樣我下課回家後，便可以跟他們繼續用意大利文溝通。

4月剛剛到意大利時，先到米蘭上學，周末或假期Andrea便會來探我，完成課程後才搬到拿坡里居住，再上3個月的意大利文課程，然後慢慢融入社會，結果我們在拿坡里住了差不多9年，最後再搬到羅馬。所以意大利的三大城市，我全部居住過 。


「寫在20年後的今天」

意大利情緣故事就來到這裏，能夠跟你們分享這個故事是緣份！這一次回顧，令很多漸漸褪色的畫面再次湧現。由當日連載第一集到完結篇，看著你們的留言，大部份的人都説我和丈夫的故事很浪漫，就像童話故事。但是想深一層，人生不會是一部童話，甜酸苦辣、起起落落，跌倒再爬起來，各人的故事不同，我們不需要跟人家比較，凡事盡力而為，重點是要珍惜所擁有的一切。

我跟丈夫的相遇真的不平凡，也不只是巧合，而是上天的安排！但我倆要付出及犧牲很多才能走出一起。在意大利生活20年，一點也不容易，當中的起起落落，滿佈荊棘！可以説，比香港更加艱難，雖然17歲那年我也曾獨自到美國德州當交換生，但那時只用了數月便可以慢慢適應，不用理會家庭生活上的各種困難，只用專心上學！跟意大利的婚姻生活實在是截然不同。

記得剛到拿坡里的時候，在街上被途人指指點點：「中國人呀！」我心想，我可不是從火星來的！而要面對的問題很多，第一是語言障礙，第二是文化差異，第三是沒親人朋友在旁，第四是要重新建立自己的生活圈子，並慢慢融入社會。我當然沒有奢望可以找到像香港的真心知己朋友，但結識一些新朋友，閒時聊天或聚會，放鬆一下心情，分享生活點滴，也是十分重要。照顧家庭之外，總要有自己的一點空間。

一向慣於獨立及走遍半個地球的我，在意大利定居的首幾年真的遇到很多挫折及困難，那時候，亦沒有現在的網絡通訊科技，可以免費跟家人和朋友溝通。我亦跟你們一樣，要承受極大家庭及工作的壓力，幸好性格外向，人緣甚佳，加上能屈能伸，漸漸適應這裏的生活環境，憑著做人及工作態度，也「賺到」很多尊重與信任。期間認識了其他從香港嫁過來的過埠新娘，每個人都有自己的故事。香港跟意大利生活完全不同，最重要是用正面思考去解決問題，因為我們不可能改變意大利人的生活方式及步伐來迎合我們，唯有調整一下自己去適應，我們不能只想這裏的不好，沒有人及地方是完美，只能取長棄短吧！人需要成長，而有承擔才會變得成熟。

我不會為了炫耀而把外國生活包裝得100%完美幸福，因為這根本不是事實，有苦自己知，我只想做回自己，做自己喜歡的事，見自己喜歡見的人，今次這個故事，亦希望把浪漫背後的代價帶給大家，也帶岀「犧牲與付出」、「各有前因莫羨人」。

幸運的是嫁了一個廚藝了得的老公，他從小受到他祖父母的影響，跟他們學了很多技巧及秘訣！跟著他傳授了給我，待我可以跟大家分享！意大利很多男士都愛做菜，而且很棒！他們在周末一邊喝酒，一邊跟家人朋友談天說地，一邊做菜，真是賞心樂事！現在兒子亦受我們感染，愛上了做菜。未來的日子，我會繼續努力為大家分享意大利的一切及鮮為人知的一面。衷心感謝你們的支持與鼓勵。

我很開心你們喜歡意大利，這一切也令我非常有滿足感，很多「隊員」因為我的分享，而要來意大利旅遊，特別是我丈夫「老家」拿坡里，要享受美食一定要來！

意大利不是完美但神奇！

～～～～～～～～～～～～～～～

《意料之外》
第一版1300本精裝硬皮封面
全部售罄
加印第二版500 本
已經在2019年10月下旬推出

KK Online shop
香港書局如誠品、三聯、大眾及商務書局等
澳門（宏達書局）
均有發售

KK Online shop
https://bit.ly/3rcnNOp

商業電台夢想家節目訪問
https://fb.watch/v/3qxptYhvQ/

主題：環遊世界落腳台灣，台漂老外爆笑甘苦談！
想看完整版嗎？點我就對了►►https://www.youtube.com/watch?v=JWF3bPrV3Ag&list=PLyi-Ztspx3ak8Y5MFFSlMiUi4hSAUjVCl&index=2&t=0s
藝人代表：高伊玲、黃靖倫、黃喬歆
各國代表：馬丁、安祖、蔡博文、佩德羅、佩修、勇太

台漂老外落地生根，他們竟會遇到這些爆笑困擾？！佩修自爆在家裡沒有存在感，開心申請到獎學金來台灣，一出機場竟差點溺死？！佩德羅最大的困擾是一天到晚被叫帥哥，自戀發言氣得主持人把他當場關靜音？！勇太來台灣才學會擦屁股，每次上廁所都大崩潰？！蔡博文台斤公斤分不清，懷疑被老闆騙錢還叫女友去理論？！馬丁和佩德羅來台工作超難找，差點無法過生活？！安祖大推台灣治安比日本好，勇太親身經歷掛保證？！到底這些台漂老外來台灣有哪些不為人知的辛酸故事？因為文化不同造成的困擾又有多荒謬可笑？精彩內容請鎖定晚間11點《2分之一強》！

#台漂 #交往 #居留證 #男朋友 #信用卡 #機票 #受騙 #小房間 #護照 #身分 #台灣

★訂閱【2分之一強】Youtube►►https://bit.ly/2Jg6lG5
★YouTube限定獨家【2分之一強網路版】►►https://www.youtube.com/playlist?list=PLyi-Ztspx3aklCPyt4y5uGioPwPZvU7m7
★打工換宿遊台灣【請問 今晚住誰家】►►https://www.youtube.com/playlist?list=PLSbc11qZgT1-EsK2A-Zxbzk9jlPsvQujN
★兩性育兒新知【媽媽好神】►►https://www.youtube.com/playlist?list=PLVdCfXX7j884-B-zY3zhLlyPf_zQ1lkNy
★健康醫療知識【醫師好辣】►►https://www.youtube.com/playlist?list=PLL4ugceG1iyeMfbLvWecAs3re_dOBHR9f
★和曾國城一起動動腦【全民星攻略】►►https://www.youtube.com/playlist?list=PLktxyvtfjgOO3q9B8C2dkcad5m0Z89pQD
★關注【2分之一強】粉絲團►►http://bit.ly/2mrp432
★官方 IG 追起來(@ebchalf_n_half)►► https://pse.is/GE7WW

#大馬美食推荐 #大马旅游 #麻坡

■ 更多視頻請追蹤【 https://goo.gl/42sqyQ 】每週上視頻■ 麻坡最新宵夜「後街」原來在這裡！馬來西亞美食Tips #36【Daily Vlog】

麻坡人你們的宵夜又多了一個選擇啦‼️就是麻坡後街的豆簽‼️地方有點隱秘有點難找‼️

其實有很多人問我怎麼去～ 來！因為地方太隱秘很難用文字解釋！所以我拍了Video告訴你怎麼去！趕快記錄起來！

這裡主要售賣「豆簽」很好吃！那什麼是「豆簽」呢？豆簽外表看起來和薄面差不多一樣，可是口感感覺比較Q，而且根據老闆娘說豆簽沒有成分沒有鹼水所以比較健康！還有這裡的「肥燒」根本就是一流！愛吃「肥燒」的你千萬千萬千萬不能錯過！雞腳和湯也非常的棒！

麻坡LaNG快點記錄起來！麻坡又多一樣宵夜啦！減肥就留到明天的明天的明天吧！哈哈哈！???


►Johnsom梁智勇
Facebook: 　 https://goo.gl/W46gpa
Youtube: 　 https://goo.gl/42sqyQ
Instagram：https://goo.gl/BsDt99
優酷: 　http://i.youku.com/mapolang


【欣賞的YouTuber】
Lim Shang Jin namewee 聖結石Saint 人生肥宅x尊 放火 Louis Ling BigYong 老吳 Laowu 古娃娃WawaKu Dennis Lim Ming 小玉 Lim Shang Jin CodyHongTV Yangbaobei 楊寶貝 RealJoshuaSe changyong Ryuuu TV / 學日文看日本 ShenLimTV MaoMaoTV Linda Tea TV Baby Akiyo Mumu Music TV 미라 Mira's Garden Sanyuan_JAPAN 三原慧悟 安啾咪 蔡阿嘎 魚乾 靠杯星球 fun planet 笑波子 TGOP (This Group Of People) 這群人 JinnyboyTV dmingthing Dankhoo Productions Night Owl Cinematics JianHao Tan rickolam1 AlanChannel / 阿倫頻道 香格拉 Shangrilayt Stopkiddinstudio GINA HELLO! TheKellyYang JASON(大J) ... and MANY more!

【Johnsom阿勇頻道關鍵字】
馬來西亞 挑戰 挑戰 台灣 挑戰影片 挑戰影片 香港 台灣女生 馬來西亞男生 馬來西亞女生 生活分享 台灣男生 旅行 美食 廉價旅行 馬來西亞美食 馬來西亞男生 馬來西亞華語 台灣中文 香港觀光 台灣觀光 馬來西亞觀光 旅遊 留學 馬來西亞人 馬來西亞華僑 台灣男生 台灣女生 台灣情侶 馬來西亞情侶 廣東話 浪漫愛情短片 台灣人 香港人 旅遊推薦 必知 必去 必吃 必看 旅行 自由行 跟團 台灣 香港 旅遊 留學 生活分享 日本旅行 日本美食 都市傳說 馬來西亞都市傳說 台灣都市傳說 香港旅行 香港美食 日本觀光 香港觀光 台灣觀光 挑戰 挑戰 挑戰影片 台灣人 香港人 旅遊推薦 廉價旅行 自由行 跟團 馬來西亞人 愛情短片 男朋友 女朋友 馬來西亞必吃 馬來西亞必玩 馬來西亞必喝 馬來西亞必看 省錢旅行 訪問 採訪 上街採訪 挑戰 馬來西亞口音 愛情影片 情侶 曖昧 台灣中文 馬來西亞華語 搞笑影片 惡搞影片 搞笑影片 惡搞影片 音樂

找男朋友，難！找個懂拍照的男朋友，更難！有時CHOK晒樣，擺晒POSE，搞完一大輪，最後男朋友可以沒有把你的頭拍進去鏡頭。如果不想每次都被女朋友煩死，各位男朋友就要好好學習和專影人像的自由攝師Raymond偷師。

=========
全新副刊，推動知識文化多元。培養品味，立足香港放眼世界。不畏高牆，我們站在雞蛋一方。
《果籽》 栽種品味，一籽了然。 https://hk.appledaily.com/realtime/lifestyle/