[gfmurmur9862] 大家好，小妹今日想分享下我既經歷同我而家既問題. 希望大家可以睇曬佢😭我會講曬我每段愛情既經歷比大家知。 首先係我既初戀，我中一啱啱入學傻下傻下識左個中四師兄，當時覺得佢靚仔打得波又彈琴 ，一入學有個咁既男神撩我，唔洗一排就沉左 (大家唔好覺得我係mk妹住，我學校band1，又讀精英班，入樂團又英辨都算典型乖女) 之後好順利同師兄一齊左。嗯，佢係筍盤又點會同我個咁既中一一齊？同佢一齊左差唔多大半年，我被帽4次，4次都唔同對象，而且同我一齊咁耐都冇對外公開過，而家諗番其實佢都冇當過我係佢女朋友，flirt女傾甜全部都唔會del record，唔怕比我知，完全唔知嗰陣係咩心態…一年半後我醒覺同左個賤人講88。 。 到第2次拍拖係我中五，個男仔係隔離班，以前英辨partner黎所以識， 都算日久生情，始終一星期對4日， 我記得佢都追咗我成兩年我先接受，嗰陣諗住佢咁長情，我又對佢有好感，先當比個機會自己一齊咗。 好景不長，半年後，係frd嘅口中得知見到佢喺街拖住第二個女仔行， 直接同佢攤牌後，知道左佢出軌，半年既戀情就咁完結咗。 。 之後係我第三次拍拖，啱啱上u冇耐，今次個渣男係番Part time識既， 經歷過兩次差到冇得再差嘅感情經歷我已經唔想再拍拖，但都係比第3個渣男既好吸引左。每日返工都好主動撩我傾計，我唔識做嘅嘢佢全部都會教我，遇到西客又出嚟幫我解決，見我搬緊啲重野又勁主動幫我手等等。如是者，相處咗幾個月我同咗佢一齊，佢對我好好，份人有責任感，去邊都會同我講，成日俾小驚喜我， 過時過節都帶我食餐好嘅， 一直都以為自己好幸福終於搵到個好嘅男朋友，結果都不出所料，一齊年半後比我發現佢背住我搵番個ex， 可惜佢阿媽生少咗個腦比佢， 呃我係同個妹出街， 咁啱有次呃完我就比我見到佢個妹po ig同緊啲friend去唱k。又再咗一次嘅攤牌，呢段戀情再一次告終。 。 直至遇到現任，同佢係新公司識，性格方面全部好夾，佢知我嘅過去， 一直好體諒我。 到而家已經啱啱好一齊左一年，但我對現任好唔信任，每次見到佢同公司女同事有互動就忍唔住嬲，佢帶埋我去佢frds meeting見到佢同佢啲異性frd傾計，坐埋一齊我都會好嬲好介意， 好驚佢會背叛我。 同佢出街見到佢望第二個又會嬲佢，而家更開始連佢睇av都會好介意，ig又check住佢唔比佢follow啲kol, av女優等。每日見到佢就忍唔住check佢電話(佢自己都比既) ， 見到有女搵佢就會問長問短，我知道自己比好大壓力佢，明明佢咩都冇做過…相反地呢啲舉動我對前任都冇做過， 我知道咁樣對我嘅現任好唔公平，點解前任對我做嘅嘢要由佢承受。 我內心好清楚現任唔會係一個玩玩下同會出軌嘅人，但就係控制唔到要check佢同想佢身邊冇曬異性，因為呢個問題我地已經鬧過好多次交，我都諗過好多解決方法，但都係控制唔到自己。 除咗呢個問題之外我哋相處一直都好融洽， 我真係好想解決但我唔知可以點做… 我知道呢一年我真係比好大壓力現任，但我真係好想同佢行落去，亦有結婚嘅打算。 。 好多謝睇到呢度嘅每一個你， 呢個問題已經困擾咗我好耐，希望可以藉住擺上呢個平台， 有更好嘅解決方法😭🙏🏻🙏🏻🙏🏻。 （同埋希望小編會出呢個post😭🙏🏻） ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig #香港 #情侶 #香港情侶