熱門Ptt文章

[爆卦]男仔頭真人是什麼？優點缺點精華區懶人包

雖然這篇男仔頭真人鄉民發文沒有被收入到精華區：在男仔頭真人這個話題中，我們另外找到其它相關的精選爆讚文章

在 男仔頭真人產品中有405篇Facebook貼文，粉絲數超過0的網紅，也在其Facebook貼文中提到， 【一連七集，第五】哈佛知識分享: Trade-offs 如何「取捨」? 你要取得更多，就要捨棄更多。「取捨」is tough, but you have to do it! 股神巴菲特 Warren Buffett 有句名言好影響我: "The difference between succ...

　同時也有190部Youtube影片，追蹤數超過3萬的網紅【凱莉粟說說】，也在其Youtube影片中提到，#鬼故事動畫 #horrorstory #恐怖動畫 👁‍🗨網友投稿-真人真事故事 # 童童可怕的租屋事件 女鬼瘋狂刷存在感 顯現血肉模糊 被認定的室友 片尾曲 Voron - La La Life (Vlog No Copyright Music) ========================...

「男仔頭真人」的推薦目錄

男仔頭真人 在 游大東 Instagram 的最佳貼文

2021-09-24 03:54:19

【 你睇，司棋姐嚟喇！】 _ 有啲嘢，真係傾落先發覺 ── 原來對很多電視迷而言（包括本人），「司棋姐」根本就是Simply Irresistible（無可抗拒）！ _ 以為香港人對廣告Hard Sell有「潔癖」？事實並非如此。睇完會藐，抑或會笑，甚至主動CLS（留言、給讚、轉發），視乎哪個客戶出...

男仔頭真人 在 GirlStyle 女生日常 Instagram 的最讚貼文

2021-09-03 14:14:45

【@girlstyle.mag 】【阿女又戀嚟】Cathy植詠珊棄Catry爆姐弟戀！ . ViuTV戀愛真人騷《阿女又戀嚟》早前熱播，節目組找來4位單身女生與其父母選擇的男生輪流約會，過程緊張又甜蜜，令觀眾看得相當肉緊！雖然官方暫時未公佈有參加者配對成功，不過近日於節目中與雞檔太子爺 Catry（...

男仔頭真人 在 陳美濤Tomato Chan Instagram 的最佳解答

2021-09-03 12:53:55

我個仔係蟄居族（下） . 阿英好似攰啦，佢丟低老公，去咗廁所。 . 我唔知阿英幾時會出番嚟，繼續打我哋。 . 我隨手拎咗幾包餅，扶起受傷嘅老公，匆匆返去我哋間房，將門鎖死。 . 門外傳來阿英嘅叫囂：「我會殺咗你哋㗎！」「遲早都要殺死你！」 . ， 之後嗰兩日，我哋冇出過房門，剩係食嗰幾包餅。 ....

  • 男仔頭真人 在 Facebook 的最讚貼文

    2021-09-29 21:49:56
    有 91 人按讚

    【一連七集，第五】哈佛知識分享: Trade-offs 如何「取捨」?

    你要取得更多，就要捨棄更多。「取捨」is tough, but you have to do it!

    股神巴菲特 Warren Buffett 有句名言好影響我:

    "The difference between successful people and really successful people is that really successful people say no to almost everything.‘’

    成功及非常成功嘅人分別就係非常成功嘅人對絕大部分事情都係 say No.

    識我嘅朋友都知道，我經常講:「我乜都唔識、乜都唔買! 我只買幾千萬以下香港嘅街舖。 我唔買樓、唔買工廈、唔買商廈、唔買農地、唔買車位/骨灰龕位、唔買大灣區、英國樓、非洲農地、 火星月球。 全部都唔買，送畀我都唔要。Again … 我只買港幣五六千萬以下香港的街舖仔。 香港有十萬間，買十世我都買唔晒! 呢世我只想買一千間。」

    哈佛大學教授 Michael Porter 亦講過: “Strategy is making trade-offs in competing. The essence of strategy is choosing what not to do."

    策略就係要以「取捨」去競爭。 策略嘅精髓就係要知道唔做乜!

    上一集講過，何謂一個好嘅策略 Good Strategy? 教授 Michael Porter 話要經得起五個 Tests:

    A distinctive value proposition 獨特的價值主張

    A tailored value chain 度身訂造的企業價值鏈

    Trade-offs different from rivals 同競爭對手不同的「取捨」

    Fit across value chain 成條企業價值鏈的活動要配合

    Continuity over time 持續性、持續性，不能一時一樣

    今集同你講第(3) Trade-offs different from rivals 要贏，就要有同競爭對手不同的「取捨」。

    What are trade-offs?

    "Trade-offs are the strategic equivalent of a fork in the road. If you take one path, you cannot simultaneously take the other." by Michael Porter

    「取捨就好似去咗一個交叉路口咁， 你只可以二選其一，唔可以兩條路都行晒。」

    做生意，唔係多啲，就好啲。 多啲產品、 多啲服務、多啲客戶， 唔代表你就係好啲。 因為你營業額可能多咗三成， 但利潤反而可能無咗一半。 咁我就情願營業額細啲，利潤多一倍好過。 記住一開始嘅時候我話 Michael Porter 講過:

    "Competition is not about being the BEST, not about MARKET SHARE. Competition is about being UNIQUE, about earning PROFITS" by Michael Porter

    競爭唔係要做到最好，最大嘅市佔率。競爭係要做到最獨特，同埋賺到錢，長遠地賺錢。

    幾年前我講過，香港週街都係髮廊，但點解有間特別唔同?

    video …

    QB House (Quick Barber) 就係做咗好多「取捨」 trade-offs ， 好多嘢唔做，但反而吸引咗一班想「快、靚、正」 ，但又唔想求求其其、 污糟邋遢剪個頭髮嘅繁忙上班一族， most likely 男士們、三四五十歲左近。10 minutes, just cut!

    QB House 專注培訓、建立系統，令呢班目標顧客群由原本一兩三個月先剪個頭髮，而家一兩三個星期就去剪轉一轉。 剪快咗、剪多咗，就令QB House 同佢嘅髮型師雖然做少咗嘢，但反而收入及利潤上升。This is what I call "trade-offs", LESS IS MORE!

    就係因為 QB House 嘅 Trades-offs 同一般髮廊嘅競爭對手唔同，當初首創新嘅經營模式係日本做到最獨特， 亦都解釋咗點解佢1996年由東京一間開始， 短短幾年間就能夠開到全球幾百間分店，2018年仲係東京証交所主板上市， 依家市值近20億港幣。 雖然有好多人想抄佢，QB House 嘅專注，佢 make 嘅 trade-offs 至今依然令佢每年生意額都上升，到今日都保持住係「速剪」行業嘅領導地位。

    我成日都話，「當你乜都做，等如你乜都唔做!」 …. 因為你無樣嘢做得好、無樣嘢做得專。When you please everybody, you please nobody. 做生意要「取捨」，唔放手，唔會得到更多。

    可能你會覺得 Just-Cut, QB House 都做咗啦。 做髮廊仲可以點變? 根據 Michael Porter，大把方法變。 最緊要就係，唔係人做你做。Your trade-offs have to be different from your rivals, then you have a strategy.

    你嘅「取捨」要同你競爭對手唔同，咁你就有好策略。人哋 Just-Cut, 咁你可唔可以 Just Perm 電髮? Just Color 染髮? Just Blow Dry 吹頭?

    唉! Just Blow Dry? 美國加州有間咁嘅髮廊 …

    佢就好似係 QB House 嘅翻版，但係 No Cuts No Color, Just Blowouts. 齋吹頭! 美金$40，45分鐘時間，班目標顧客群，即係長頭髮嘅二三四五十歲女士們， 就可以 enjoy 喺個輕鬆嘅環境洗下頭、按下頭、吹下頭、飲杯 champagne、聽下音樂、Relax 下，就有個清神爽利嘅頭見人!

    因為做得夠專，懂得運用 Michael Porter 所指嘅 trade-offs ，同一般髮廊競爭對手唔同嘅 trade-offs, 好多女士就個個禮拜去幫襯，relax relax 下。2010年由美國加州第一間店開始， 十年間，全美開超過一百間分店， 擁有超過5000個髮型師， 每次美金$40，每個月幫緊20萬個客人吹頭。 淨係吹頭，依家營業額每年超過一億美金。

    全球最大嘅傢俬公司，IKEA， 又係另一個Michael Porter 所指 Trade-Offs 嘅典型例子。佢由產品設計 (自己裝嵌)、產品種類 (簡單得來又多幾樣選擇)、 自己推住架車嘅購物模式、至到客戶服務 (間舖頭永遠唔易搵到人幫手，人客自己搞掂，慳番啲成本，換取平啲價錢)，到最後排隊畀錢、自己包裝、抬件貨返屋企 …. 如果唔係送貨要額外收費 (無得免費)。IKEA 成條嘅企業價值鏈 value chain 都係同其他一般嘅傢俬公司好唔同，有好唔同嘅 Trade-offs 取捨。

    IKEA 嘅「取捨」，就能夠吸引咗一班 “with a thin wallet" 想價錢平，但又想 good design, 唔介意自己辛苦做多啲， 工餘時間，甚至乎自己花成日裝嵌埋嘅顧客。IKEA 明白佢唔會 serve 晒所有人。 我以前係美國讀大學、 或者啱啱出嚟 New York 做嘢，都好鍾意去 IKEA 買嘢，因為平! 而家? 叫我花成日嵌件傢俬，睬你都傻! I was an IKEA Customer, but not anymore! It's OK, you cannot please everybody! 做生意就係個「取捨」! 賺到錢就得啦。

    美國最賺錢嘅航空公司 Southwest Airlines 西南航空都係一樣，No first class, No meals, No assigned seats, No baggage transfer, No planes other than Boeing 737s, No International Flight … so on and so forth.

    無頭等、無飛機餐、無預設定座位、無行李轉運 、除咗波音737乜嘢客機都無、無國際航線。 仲有好多都比一般其他航空公司無。

    但就係因為「冇」， 運動複雜程度及成本下降，Southwest 就可以專注做以下幾樣嘢特別好，就係「平」、「快」、「準時」、員工做得開心自然服務態度更好。其他乜都無， 但未必個個客人都啱!

    於是 Southwest 有個好出名嘅 "Pen Pal" 故事，就有位乘客 Mrs. Crabapple， 經常好唔滿意 Southwest Airlines 乜都冇，無頭等、無飛機餐、無預設定座位、無行李轉運等等等等， 經常寫信去 Southwest 投訴，呢個「筆友」"Pen Pal" 個個客戶服務部同事都怕咗佢， 寫完又寫， 回覆左又寫，投訴完又投訴。 直至客戶服務 部嘅同事們都冇計， 叫當時嘅CEO/創辦人 Herb Kelleher 回覆。佢點寫? 真人真事! 60秒內，佢回覆:

    “Dear Mrs. Crabapple. We will miss you. Love, Herb." 即係話，請佢走， 唔好再返來!

    聽落好似好搞笑，但Michael Porter 話呢個係一個典型嘅 trade-offs 例子，you cannot please everyone. 記住，一開始嘅時候，我講過:

    "Strategy is making trade-offs in competing. The essence of strategy is choosing what not to do." by Michael Porter.

    策略就係要以「取捨」去競爭。 取捨嘅精髓就係要知道唔做乜!

    "When you try to offer something for everybody, you tend to relax the trade-offs that underpin your competitive advantage." by Michael Porter.

    當您嘗試做曬所有嘢去服務每一個人，你嘅「取捨」就會減少， 同時亦都會減少你嘅競爭優勢。

    善用 Trade-offs 「取捨」去增強自己競爭力嘅機會隨處都係，爭在你願唔願意「放手」，先能夠取得「更多」。

    包括我自己在內， 如果我乜嘢地產項目都投資，有賺錢就買， 甚至乎集資錢多地盤都搞埋， 我只係一個三四流嘅地產發展商。 我點同新鴻基/恒基/長實打呢? 但我專注幾千萬以下嘅香港街舖，我就係一個一流嘅商舖基金公司， 全香港人， 包括所有大嘅地產發展商，係街舖買賣都唔會夠我來。 社運/肺炎後，全香港買賣舖無人夠我哋多，呢個係事實!

    "Trade-offs are choices that make strategies sustainable because they are not easy to match or to neutralize." by Michael Porter.

    「取捨」會令到策略更有持續性，因為競爭對手 好難去複製或抵消你嘅優勢。特別是你嘅 first mover advantage 先行者優勢。

    我係香港第一個商舖基金，就永遠都係香港第一個商舖基金。只我哋專注，未來幾十年，我知道係香港嘅街舖，無人會動搖到我哋嘅領導地位。

    即是有人入嚟炒，Michael Porter 話新入嚟嘅 「模仿者」好多時都只係做 Straddling 跨騎， 即係好似「一腳踏兩船」咁， 自己本身嘅本業又做，商舖又做，結果兩邊都做唔「專」。

    就係因為有自信我先咁講。因為好似今集一開始咁講，根據 Michael Porter 嘅 "Trade-offs different from rivals"， 我哋係放棄咗好多嘅嘢，同競爭對手大大唔同，先能夠建立到我哋今日係香港街舖嘅領導地位。 只要我哋專注，我哋嘅基金投資者會賺錢! I know it. 但如果有一日，我開始搞工廈、搞商廈、搞地盤、搞英國樓、搞埋茶餐廳、 補習社 、 酒樓、酒店等， 就係投資者應該攞錢走嘅時候! 乜都做，就開始等如乜都唔做!

    你呢? What are your trade-offs? 你的「取捨」同競爭對手有咩唔同呢? 抑或人做你做，人客想要乜，你就俾佢乜呢?

    There is no problem with that! 第一集一開始我就話，99%嘅公司都係咁，養家活兒可能好多年都冇問題， 但根據 Michael Porter，你只係停留係第二個 S - Sustaining 持續緊嘅階段。 做好多年，搵到食，但可能仍然冇人識你，無突破。Survive, Sustain, 但要去到第三個 S, Succeed, I mean Super Successful 好似一支箭咁標上去，等如以上 QB House, DryBar, IKEA, Southwest Airlines 咁，你就要有 strategy 策略。 你嘅「取捨」trade-offs 要同競爭對手截然不同。

    李小龍嘅名言，亦都係掛喺我公司office嘅唯一名言: "I fear not the man who has practiced 10,000 kicks once, but I fear the man who has practiced one kick 10,000 times."

    李小龍唔怕嗰啲踢過一萬種唔同腳法嘅人。但佢怕嗰啲踢過一種腳法一萬次嘅人。 你嘅腳法又點呢? 有興趣一齊研究下點做? 聽多啲 Michael Porter，就來我星期六嘅早餐會啦! 下集我再同你講 (4) Fit across value chain 成條企業價值鏈的活動，如何配合去增強你的競爭優勢?

    。。。。。

    My hobby 《星期六早餐會》!

    九/十月份早餐會 Topic: Applying "Michael Porter" to your business: How to compete and win!

    哈佛分享: 如何應用「米高波特」於你盤生意? 點競爭? 點贏?

    講起哈佛策略教授， 無人出名過 Michael Porter. 有幸我2017年在哈佛親身上過他教的課程， 今次早餐會同你分享，希望對你做生意亦有所啟發。

    有興趣參加啦 😃 每次限四位 (包括我)。 人多傾唔到計。

    9月份，逢星期六早上9時開始，約三小時。地點中環。

    對象: 中小企老闆/創業者/公司管理層，連我限4位。

    有興趣參加的話，請 whatsapp 你的名片給 Suki (我助手) (+852) 5566 1335。

    我唔係靠呢行搵食，免費，我請食早餐 😉 Be friends ..... 有機會到時見你。李根興 Edwin

    www.edwinlee.com.hk
    www.bwfund.com

    聯絡李根興 whatsapp (+852) 90361143

    #michael_porter #競爭策略

  • 男仔頭真人 在 Facebook 的最佳解答

    2021-09-17 21:33:39
    有 1,852 人按讚

    【 你睇，司棋姐嚟喇！】
    _
    有啲嘢，真係傾落先發覺 ── 原來對很多電視迷而言（包括本人），「司棋姐」根本就是Simply Irresistible（無可抗拒）！
    _
    以為香港人對廣告Hard Sell有「潔癖」？事實並非如此。睇完會藐，抑或會笑，甚至主動CLS（留言、給讚、轉發），視乎哪個客戶出錢、隱藏的品牌理念、由哪位藝人參演，還有最最最最重要：條橋點先？最新鮮滾熱辣例子，是剛於周一（13/9）上架、由外賣品牌「戶戶送」出資拍攝的四分鐘廣告短片《Deliveroo呈獻：送辣送到Site》，竟然想到並成功邀請自從拍罷《溏心風暴3》（2017）後便甚少公開露面的李司棋擔任第六代Deliveroo Rider。
    _
    翻查資料，過去兩年曾經飾演外賣員的計有吳肇軒（外賣界Mr. Cool）、何啟華（戶戶送一齊踩入每一戶）、ERROR（戶戶一把口，三百種胃口）、張敬軒（戶戶離奇查咩案？）、古天樂（熱到除3），再到今次「司棋姐」出馬，看到箇中蹺妙之處嗎？答案是：若按照演出資歷和年齡區分，每次登場的「新一代」外賣員都是愈來愈資深，但他們與「新一代」之間的距離反而愈來愈近。就以「司棋姐」為例，一九六八年參選「香港公主」，憑出眾美貌奪冠，同年加入電視圈，拍過多套膾炙人口的劇集（一九七七年期間短暫效力麗的電視），作品包括《啼笑姻緣》（1974）、《山水有相逢》（1980）、《輪流傳》（1980）、《流氓皇帝》（1981）、《真情》（1995-1999）以及《溏心風暴》（2007），又曾兼任配音員（經典美劇《合家歡》聲演小寶）以及《歡樂今宵》主持，這一大堆履歷，甚具重量，惟在新世代眼中不過是「咸豐年發生嘅事」，沒有共鳴。
    _
    但出道已半個世紀的「司棋姐」深明人在江湖，最棹忌恃老賣老堅離地，所以就算近年於幕前相對低調，在網絡世界依然活躍，不時在個人Instagram發帖，講飲、講食，見見朋友，拍拍靚相（專誠到尖沙嘴天星碼頭與Anson Lo的大型慶生廣告牌「合照」），甚至偶爾穿黑絲襪展露健康性感加佻皮一面（三歲定八十，2015年「司棋姐」接受有線電視訪問時已承認性格貪玩，所以18歲時才會瞞住家人參選「香港公主」），識玩程度拍得住後生仔女，這種貼市作風，粉絲相當受落，追蹤人數已多達6.6萬，這亦解釋了為何創作團隊會想到邀請「司棋姐」合作拍攝今次的新廣告，因為「司棋姐好Hip」的形象深入民心，毫無違和感的甜美感覺，拿揑角色性格和情緒的柔韌度高，只要廣告有她的參演，而且是男女老幼皆為目標群眾的外賣廣告，就可以演活新紮rider角色、成為網路熱話。
    _
    事實上，截至周五（17/9）傍晚六時半，這條廣告片已累積超過90萬點擊（IG和YouTube），因為經過多年用心經營而得來的觀眾緣，足以令「司棋姐」今天在幕前做甚麼，觀眾都會想看、有興趣看，哪怕廣告第一句對白已經「Hard Sell到暈」：「我第一張單就送到戶戶送獨家優惠嘅麥當勞地獄脆辣雞腿包！」但因為好久不見，因為坊間罕有，因為那人是「司棋姐」，所以不少觀眾照單全收，願意由頭睇到尾（見到她Chok個超人甫士，再以《聖鬥士星矢》的主題曲做BGM襯托畫面，甚至日本動漫式喜感）。而「司棋姐」今次在廣告中的另一個重要責任，是將香港演藝界老中青三代串連在一起，一個外賣袋，一架升降機，讓觀眾知道今時今日除了李司棋外，還有梁祖堯、張文傑和張天賦（MC），甚有大師姐聯乘新世代的意味，當中最驚喜的是她開金口獻唱MC的派台歌《反對無效》，這一段我反覆看了N咁多次，試問當今香港，又有多少位資深藝人能夠放下身段跟新人一起玩？
    _
    因為好奇，想知道更多廣告拍攝細節，所以冒昧透過製作單位向「司棋姐」問了幾條問題，竟然收到真─人─回─覆，OMG！
    _
    【 司棋姐Q&A 】
    _
    （1）游大東：當初收到Deliveroo邀請拍廣告做「新紮RIDER」，當下有何感覺？
    _
    司棋姐：第一時間覺得：一日邊拍得晒？故事又咁長，過程一定有阻滯，所以（拍廣告前）已經向跑步隊請了兩日假，結果導演可以一日內完成，真心佩服導演以及年輕廣告團隊的準備功夫。亦都驚訝Deliveroo（客戶）點解會諗到佢（即她自己），竟然畀自己做他們的Rider，有冇搞錯？因為自己好長時間沒有拍香港廣告，今次是Out of Comfort Zone（跳出舒適圈），不再是之前賣鈣片等「老友記廣告」，所以是很好玩的經驗。
    _
    （2）游大東：知不知道很多後生仔很鍾意睇你IG？
    _
    司棋姐：開始之前沒想過會這樣受歡迎，由幾百個Likes，去到有幾千個人Like我的Post，原來自己在IG都可以跟年輕人一拼(哈哈)。（當初）開IG是因為自己以往只能被角色規限，不停要做阿媽、阿嫲，沒機會展現個性，在IG終於可以做回自己，得得意意，隨心所欲，自己不停Post食物相，係因為自己真的為食，不是賣廣告，原來這樣反而會多人Like，亦因此有更多機會與後生一輩交流，鍾意你或唔鍾意你都來得很快很直接。今次是第一次跟阿祖、German和MC合作，之前大家未見過面，開工前，我都（只能）去他們的IG初步了解一下；不瞞你說，其實拍攝之前我甚至未聽過MC（尷尬笑），看IG才知道他原來很受歡迎。
    _
    （3）游大東：怎樣看今次廣告裏的跨代合作？
    _
    司棋姐：我不擔心跟阿祖合作，因為他很有經驗，反而開始的時候有啲驚MC（笑），因為擔心他不認識自己，又擔心他會覺得自己是前輩，會怕了自己，但最後他與German都給我很多驚喜，他們很有活力，能夠從他們身上「學到嘢」。我不是「老屎忽」，曾經試過拍劇集，有位前輩臨時改劇本，將自己全部戲份「飛走」，所以都要提醒自己，要遷就一下年輕人，令他們不會那麼大壓力，令年輕人接受你，他們就會用最自然的方式對你。
    _
    （4）游大東：今次拍Deliveroo廣告有甚麼趣事？
    _
    司棋姐：自己要扮萌、扮熱血和驚青，惟有當自己拍緊IG Stories（限時動態）。阿祖扮鬼扮馬，不停「爆肚」，爭啲接唔到戲。唱MC的《反對無效》唱錯歌詞，第一眼望到他的玉帝造型爭啲（笑到）噴飯。畀German女僕造型嚇親，因為好似比自己更可愛。
    _
    《Deliveroo呈獻：送辣送到Site》足本睇：https://bit.ly/3EpEa1p
    _
    （17092021）
    _
    #游大東 #游大東影視筆記 #李司棋 #梁祖堯 #張天賦 #張文傑 #戶戶送香港 #是日戶戶送 #美味日嚐 #送辣送到Site #戶戶送優惠 #戶戶送麥當勞 #地獄脆辣雞腿包 #菠蘿脆辣雞腿包 #DeliverooHK #DeliverooOffer Deliveroo #DeliverooPresents 梁祖堯 German Cheung (張文傑） MC 張天賦 月巴氏 / Work Super Guy

  • 男仔頭真人 在 Facebook 的最佳貼文

    2021-09-02 23:14:51
    有 40 人按讚

    我被賣入馬戲團（下）
    　　
    上集：https://bit.ly/3kLcJG9
    　　
    想要逃離呢種生活，只有自救。

    好彩，經歷咗呢兩年，班主對我嘅戒備都放鬆咗好多，直情當我係動物咁。

    佢已經忘記咗，我係一個有智慧嘅人。

    我唔係一隻馬騮，有香蕉就會甘心留低，展現自己嘅醜態。
    　　

    我略施小計，就喺馬戲團度走甩咗。

    我知道我嘅身高同外表，同城市格格不入，無論我幾努力，呢個城市永遠都唔會容納我，所以我毫不猶豫咁返去森林裡面。

    其實，我只係想問父母一句：「點解要賣咗我？」

    無論佢哋點樣答，我都唔會再依靠佢哋，畢竟我十歲啦，喺我嘅部族嚟講，已經係獨當一面嘅男子漢。

    我只係想要一個答案。
    　　

    我哋部族都住喺呢個森林，所以一路上，我都有遇到同族嘅人。

    但奇怪地，數量少咗好多，好似部族突然間少咗好多人咁。

    我一心想返屋企，所以冇同其他族人搭訕。
    　　

    但當我返到去我條村嗰陣，見到嘅嘢令我震驚。

    條村仲喺度，所有建築都仲喺度，但一個人都冇。

    我衝返去屋企，傢俬上已經封晒塵，但我父母嘅衣物同日用品仲喺度。

    即係話，佢哋唔係自願搬走，而係所有村民，喺呢兩年間消失晒。
    　　

    我衝番出去，路上見到第一個族人，即刻向佢打聽。

    我好心急咁問：「你好，我想問，你知唔知XX村發生咩事？」

    「XX村？」族人皺起眉頭，努力思索緊XX村喺邊。

    「喺東邊，村口有棵半枯嘅大樹……」我努力形容我條村嘅特色。
    　　

    族人輕描淡寫咁答：「哦，東邊。東邊嘅村俾人屠得七七八八啦。」

    「屠村？」我唔敢相信自己對耳。

    「係啊，屠咗好耐啦，你新嚟㗎？」族人好似唔信我唔知咁。
    　　

    族人見我迷茫，就解釋：「幾年前，有啲巫醫話，我哋族人八歲就可以結婚生仔，證明我哋嘅性器官特別強。只要食咗我哋，就可以強身健體。」

    「食？我哋都係人嚟㗎。」我目瞪口呆。

    「巫醫仲話，我哋生得特別矮，所以唔算係人，算係動物多啲，可以放心捕食。」
    族人繼續講：「所以，各大部族都嚟捕食我哋，好多條村都被屠村，依加部族已經少咗一半人啦。」
    　　

    我忽然記起，父母賣我之前半個月，有個隔離村嘅親戚嚟探佢哋，關埋房門傾咗好耐。

    親戚走咗之後，父母就終日愁眉苦臉，又唔肯講咩事。

    再之後，就賣咗我。
    　　

    依加諗番上嚟，父母一定係喺親戚度聽到，其他部族要捕食我哋嘅消息。

    但佢哋一世都喺森林度生活，根本冇辦法離開。

    商人雖然要賣我去馬戲團，但都係一條生路，總好過成為其他人嘅食物。

    所以，父母將我免費賣咗。
    　　

    我哋只係生得比其他人矮，成熟得比其他人快。

    野蠻人捕食我哋，城市人嘲笑我哋。

    文明與否，背後嘅諗法都係一樣：同大多數人唔同，就唔當你係人。
    　　
    —完—
    　　
    真人真事改編自俾格米人的經歷，這些種族成年男子的平均身高少於150cm，居住在非洲的熱帶雨林。

    因為基因、飲食、氣候等原因，俾格米人發育的階段不同於其他人種，他們在8-9歲時，身體器官已發育如成人，會結婚生子。

    非洲的一些巫醫散播謠言，聲稱食用俾格米人的身體部位，可以令自己變得強壯，令俾格米人成為了被獵食的對象。

    現時，俾格米人已經瀕臨絕種。
    　　

    新書《真實虛擬一鏡過》已經出版了，現正發售中，
    詳情可點擊這裡：https://bit.ly/3eTPuHL
    你的支持是我最大的動力！
    　　
    #短故 #短篇 #小說 #陳美濤 #廣東話 #粵語 #tomatochan #我被賣入馬戲團

你可能也想看看

搜尋相關網站