呢篇真係好好好很長兼含少量劇透，不喜勿插、勿看。 已經有無數咁多人問過我點解身為一個電影學者(...)從來唔會喺ig呢度或者其他平台寫下影評；前幾個禮拜嗰堂教KOL更加有學生話呀XX咁樣衰都可以做KOL點解我唔嘗試搵多啲門路發表一下我啲偉論。算吧啦，我都唔知我應該話我係唔識欣賞定係唔識寫坊間嗰種影評；any肥，我諗好耐冇試過有一套戲咁觸動到我繼而令我想動筆寫幾隻字：29+1. 其實個故事好簡單好直接亦都好純粹，我先想講講casting。周秀娜先，利申，其實都唔洗申，我係基嘅，所以佢一出道我已經唔會亦從來無留意佢嘅身材，但一直覺得佢肯定唔會只係一個𡃁模。佢有樣有身材有性格今次仲要有埋演技；又，我一向覺得沉聲或者俗稱鵝公喉嘅女仔其實好吸引同埋好多時just happen做戲都好有feel，另一個係張柏芝。講返娜姐，套戲入面要靚有靚要bitchy有bitchy笑得自然喊得自然，casting/導演應記一功。你想像一下搵個一線嘅好紅嘅嚟做，嗰個會係明星唔係演員。提名影后可能言之過早，但好肯定呢套戲已經成為咗佢一個breakthrough. 又，我諗我會為咗娜姐睇TBB嘅深宮計。 好，到欣宜。我嘗試客觀一點🤔 (如果你自問係我朋友而竟然唔知道我有幾愛欣宜，你應該要重新審視一下我同你嘅關係。) 佢係呢套戲嘅演出喺一影展被提名最佳女配角，我知仲有好多人對佢有偏見；但係大家嘗試抽身出嚟睇吓，我敢肯定如果一個完全唔識欣宜嘅外國觀眾，一定會覺得呢個肥妹演活咗一個好天真好樂天嘅角色。你哋覺得佢誇張佢做作佢扮嘢唔係因為你哋帶咗有色眼鏡睇佢，而係本身嗰款眼鏡已經internalize咗喺鄭欣宜呢三個字入面。如果係佢一個小高峰，29+1將會係第二個。我話嘅。另外，喺呢度真係要屌下香港嘅觀眾。我睇嗰場，夜晚八點，現場應該充滿住港女豬妹。嗰一幕其實係好感動好sad: 欣宜要做乳癌手術，29年以來無被人摸過，想喺做手術之前叫青梅竹馬嘅朋友babyjohn摸下佢個胸。其實成件事好慘亦都好難過，但係親愛嘅觀眾們真係笑得好高興；之後欣宜話不如我哋做愛，啲觀眾簡直笑到崩潰一樣... 不過我諗其實我唔可以怪佢哋。真係要多謝香港無性嘅教育、教會學校、同埋TBB: sex is either laughable or dirty. 講開babyjohn, 呢套係女人戲，男角色其實冇乜特別嘢要講，但兩個都做到非常恰如其分。娜姐條仔，其實我留意咗佢好耐：叫楊尚斌，單眼皮、大隻、正。😍 (試問我又點可以寫正式嘅影評...) 最後，編/導。已經喺海外攞咗一個最佳導演奬，實至名歸。作為一個debut當然不是flawless but end credits除咗令我好想睇29+1嘅舞台劇版之外你會見到呢個係一個好有heart好有經驗亦都好有vision嘅人。上星期接受明報個訪問講厭女症，對方話想用呢套戲做例子，我即刻話唔會、無可能，彭秀慧has got nothing to do with misogyny. 對於我嚟講點樣為之一套好戲，個劇本好重要，觸唔觸動到我好重要。我基本上係冷血嘅，但係呢套戲我有眼濕濕嘅時候。有好多戲你睇完就會就咁離開個戲院，就算嗰120分鐘有幾多官能刺激；但係有啲戲你睇完你係會想多謝個導演，29+1就正正係屬於呢一種戲。 Last but certainly not least, 我真係好鍾意金燕玲，更加鍾意唔係做癲婆嘅金燕玲。同埋我好想佢有ig, 可以tag埋佢🙈完～ #29加1 上映進入第三個星期，票房啱啱過咗一千萬；呢個weekend, 大家可以選擇睇Get Out, 睇Baywatch (其實我兩套都已經睇咗，係ok嘅～) 但作為香港人，香港優先是常識吧！快啲去睇啦！TRUST ME!! And if you read til this point, thanks for spending your Saturday morning reading these random thoughts. 😌