［週末寫呢啲］今次呢個題夠晒大，應該人人都關心，但我好似冇特登寫過一篇文。

1. 就係傳說中嘅「就係咁咗嘅樣　乜都唔駛撈就至理想」。FIRE movement，Financial Independence, Retire Early．財務自由。星期一返工Benz for the mouth為口奔馳嘅你好需要睇

TLDR：幾多錢先夠自由？幾時先搵得到？被動收入嚟自邊？投資回報假設幾多%先合理？通脹呢？你老哥又要幾多錢先夠上岸？全部答晒你。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

2. 首先講返，你要幾錢先夠，好抱歉，多數你自己先知。因為你總有啲秘密唔想同人講，你生唔生仔，移唔移民，會唔會想離婚分身家，你估你屋企兩老幾時死，呢啲全部係好關鍵嘅問題，但我同你三唔識七你唔會話我知。所以嘥氣。

3. 但我可以做嘅，我將自己嘅case，近乎全無保留（除咗我已經有幾多錢外）話晒你知，你學我嘅方法自己計一次，想食鹹啲淡啲自己調節個食譜。

4. 同時警告你，坊間好多講FIRE嘅，都係掛羊頭賣狗肉，又係賣產品。乜乜基金乜乜保險乜乜債券，或者尹光NFT捷克樓盤（真係有！）。十居其九呢啲財務自由嘅方法，就係令個保險經紀或理財顧問自己財務自由。而我絶對唔sell產品，冇回佣拎，就係拎你嗰100蚊月費。因為量夠大，就夠我當返工。記住，我地生活在個高度金融化嘅社會，你要諗下人地做乜益你，點rip you off，賺乜。我就賺你100蚊（其實冇，得80落袋）

5. 然後，我用咗啲時間，搞清啲基本概念。乜嘢叫財務自由，乜嘢叫net worth，乜嘢叫開支。唔好笑，因為好多人都亂嚟。有人當供樓係開支，傻的嗎？頂多你還息嗰部份係開支。正如有人問我net worth計唔計自住樓。當然計啦！「但只係紙上富貴，賣咗瞓街咩」。但你可以移民，當然亦可拎住幾千萬瞓街。

6. 然後，講「嗰個數字」，傳說中甩難上岸嘅數字。但我可以話你知，你問下人，會見到好矛盾。一方面好多人同你講，XXX咁少錢邊夠退休？但另一方面，往往講呢句嘢嘅人，係成世都唔會累積到呢個數。咁你見到個矛盾未？佢地係咪六十歲畀人的去深山？又好似唔係喎。

7. 而「嗰個數字」，之所以咁難搞，因為涉及太多不確定。下星期嘅事都有人問「喂埃汾我好唔好沽晒啲股票呀 聽講恒大又爆煲 美國又縮表喎」，何況幾十年後？會唔會股市衰足三十年？會唔會年年通脹30%？會唔會我下年死咗？真係答你唔到。

8. 但，我做嘅嘢，咪就係盡量在啲不確定嘅嘢，搵啲比較確定，做啲假設幫你計咯。最緊要啲假設唔好太過分，即係唔係「我唔貪心諗住一年冇風險有10%回報」之類

9. 然後熱身，我用返我本書（都話十分好睇！）嘅例子，阿煩的故事。主人翁5萬收入（難但唔係不可能），一個月開支3萬5，你當佢租樓啦，暫時冇儲蓄冇股票。

10. 咁佢要幾錢先可以「財務自由」？ 要幾耐先可以？其實係同一個問題。「財務自由」就係佢嘅投資回報夠冚佢開支，咁當你累積到「嗰舊錢」時咪就係「財務自由」，亦都可以計到要幾耐。要嘅假設？除咗佢收入，開支，身家（樓上講晒），就係投資回報率，同埋佢一年拎幾多錢出嚟。呢啲不難去搵啲回理嘅假設。

11. 我會教埋你點計，同埋睇埋咁多年嘅表現，去睇啲投資回報假設係咪realistic，而唔係假設你買到Tesla贏幾百倍。仲有講埋通脹又點計

12. 然後就由佢呢個 case，你已經睇到點樣可以易啲達到「財務自由」。答案就係，都係老生常談，冇捷徑。你以為係提升回報？表面係，但話咁易咩。你高回報嘅，十居其十都係有機會輸一大截，之後更難翻身。

13. 咁所以，都係開源節流。但同好多人想像唔同，FIRE 其實係話你知，節流有效過開源好多，果然難聽過粗口。點解？文入面講你知。

14. 咁仲有乜？都係我講嘅嘢，要早開始，不過你見，香港地，個個係想get rich quick，從來都唔係FIRE講嘅嘢，人地唔係教你短時間贏佢老味幾十倍然後唔使做。況且得罪講句，好多人嘅錢，贏幾十倍都唔夠唔使做，咁贏幾十倍嘅嘢，贏面有幾多？你輸嗰時又會輸幾多？即係買股票嗰啲係傻仔？你不如照下鏡？

15. 仲有，要買得大。你見人地FIRE嘅計法，一定預你啲錢扣除開支以外全部投資，你一年儲到十萬蚊但只拎兩三萬去投資，條數就會竹水而唔及儲錢少你一截但全部投資嘅人

16. 最後，我講我嘅情況，近乎全部保留公開。都話係幾個input，投資回報我用default嘅回報率，唔會覺得自己好巴閉年年15%（咁低畀你啲網友笑添呀，應該年年30%）。收入開支都公開晒。咁咪計到個數。當然開支都有比較好嘅情況同比較大鑊嘅情況（視乎我住香港定台灣，又視乎囡囡返唔返工），但，總係有個數字畀到你。我就畀咗我嘅數字你。

17. 當然最後，都係同你由頭go through 一次。真係冇捷徑，都係嗰幾味，開源節流（而節流有用過開源），瞓身投資，早開始。但入面計數嘅例子會畀你見到點解咁重要。

＝＝＝＝＝＝＝＝＝＝＝＝＝＝
已經2000人訂！多謝大家！Two thousand people can't be wrong！（扯，幾百萬人冇訂添！）．下一個目標當然係攞你命3000！

＝＝＝＝＝＝＝＝＝＝＝＝＝＝
月頭訂最抵！一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100． 畀年費仲有85折，20/40年費VIP 送本人著作一本。

【#開學日，9月1日。】
期待已久終於開學，學校很好咁安排咗兩日親子日，放學後上跆拳道，食自助餐，返到屋企瘋狂填通告及手冊，結果忙到而家先坐低紀錄… （ps嗰個第一日返學嘅小朋友仲未瞓。）

誰說9月1號是甩難日？

學校的心思我從來都很感恩，親子日準備咗一大塊布俾家長小朋友一齊畫畫，然後呢一塊布就會成為佢哋課室嘅窗簾布，整個學年都可以欣賞屬於自己嘅創作，每個小朋友同家長都一齊參與，不單止歸屬感大大增加，小朋友每日見到同爸爸媽媽一齊努力嘅作品，就更加安心！真心很佩服我哋幼稚園嘅小巧思！重點是，呢個小朋友要我畫 #反轉挪亞方舟 嘅水母啫喱，同埋 #呂爵安 負責配音嘅菲利….

林小，終於踏入K2 ，成為小姐姐，唔再係幼稚園裏嘅幼稚豬BB啦，今年繼續多多指教，大家加油！媽媽應承你今年發憤圖強，不再日日掛住玩，抽多啲時間跟你嘅功課❣️ （聽住先聽住先…… ）

#mrs1amology #一點小哲學 #ftbbu #全職bb聯盟 #親子blogger #mamablogger #foodie #cookingmama #開學 #幼稚園

📣📣📣終於開學了
#互相傷害完結篇2021

一一開學，我真係感動到想哭🥲

一整天的媽媽~媽媽~~媽媽媽，我都忍不住🔥🦖
#實在不想把負面情緒發洩在她身上

小朋友返學太多好處，只是返了幾日，一一已經光速成長，語言同自理能力level up⬆️，口頭禪變成「Trust Me」，某一天放學後要上興趣班，她竟然說想留在家中，因為「我想陪你嘛」
#好想知學校點教到屁孩口甜舌滑🤣

#一直覺得人與人之間需要一點距離
#顧小孩也不例外

現在早上的家十分寧靜，老公吹著口哨換衫返工，我坐在梳化發呆，就連🐰妹妹嗡嗡也在客廳跳舞🤣
#可想而知一一的影響力有多大

一一放學，爸爸打給我不是找我，而是找一一聊天😒兩個一直聊到我說要下車才肯掛線，因為爸爸放工回家一一已經睡了，現在超級難捨難離
#就看你們可以痴纏多久😒

無咩事我都係去做Facial/美甲/按摩💆了😌

#一一光速成長
#今次仲唔十倍奉還😆
#開學日 #媽媽甩難
#我不會忘記每年9月1日前一天是8月31日

最新曝光-香港核心區蝕讓紀錄: 第1892成交(堅 -註冊)尖沙咀漆咸道南65號首都廣場3樓T192舖，成交28萬。蝕逾9成! 建築面積64呎，實用約32呎。闊約6呎，深約5呎。 簽約日期2020年7月17日。

原業主(個人名，姓黃)於2013年1月22日(我生日?)以288萬買入。 持貨七年，蝕90.3%。

尖沙咀首都廣場前身是DNA商場， 2013年由劏場大王尹柏權劏出， 首兩年提供五厘租金保證回報。三層商場共62,000平方呎，共705間商舖，商舖由56平方呎 - 268平方呎。 尖沙咀首都廣場已經錄有多單蝕讓個案， 一般都是六七八成。 對上一單蝕九成個案是2017年5月， 原業主於2014年用827.2萬買入1樓F148號舖，實用80呎，之後於2015年以150萬成交過，再於2017年5月以70萬成交， 當時新買家為余旻駿，為資深投資者余國柱的兒子。 三年物業貶值91.5%。

但香港紀錄應該是荃灣地皇廣場二樓238號舖， 建築82呎，原業主於2012年用400.4萬買入，2017年用30萬賣出，蝕92.5%。 應是香港舖市蝕讓紀錄。

首都廣場現在是近乎十室九空，三樓更是十室9.9空， 星期一下午六時剛剛經過， 我逗留了十分鐘，只是到兩個人行過。?

賣家能夠以28萬沽出算是甩難， 不沽售的話，每個月的差餉/管理費/冷氣費/地租等雜費，每間舖都要約千元。 這間舖市場租值約每月一千元(全包)， 扣除雜項支出後，業主即使租出，只剩約0元至500元的淨租金收入，即約2厘回報。

但萬一部分業主失蹤，開始唔交管理費/水電費， 其他業主負擔會增加 ， 大家都相繼斷交的話，很大機會這個商場會淪為佐敦廣場No. 2, 死了28年，still dying，永不超生?

2020年7月27日多份報紙報導劏場大王尹柏權在銅鑼灣禮頓山的住所涉藏毒被捕， 同居前女友墮樓身亡? 不論往事，希望大家都平平安安， 渡過難關。

。。。。。。。。。。。。。

想襯平買鑽石保值，搵我細妹 Amy at Amy Diamonds，whatsapp Amy (+852) 92124102

https://m.facebook.com/story.php?story_fbid=3253313911383580&id=199534830094852

主持：金鷹、Frankie, Ben


把花生留住，請付費支持：轉賬至滙豐銀行 023-280233-838，抬頭 HONG KONG INTERNET RADIO LIMITED
花生網頁: www.hkpeanuts.com
PayPal 付款賬號: hkangrypeanut@gmail.com
FB專頁: https://www.facebook.com/hkpeanuts/

失戀有千千萬萬個方法去發洩，
歸納起嚟，其實都係呢兩大類?
你覺得有第三類嘅，可以留言話我知呀！

#Memo子 #失戀 #甩難型人士 #苦難型人士 #失戀嘅你要振作呀