每年嘅中秋節，都係家嫂廚房嘅生日！
做完庇護工場女工就總結下三歲生日嘅感想啦😂

今年家嫂廚房嘅目標，就係要開團整野俾大家食~搵咗新嘅共享廚房，地方大啲設備好啲，做嘢的確係爽手啲！超開心大家都鍾意食我嘅曲奇、芝士蛋糕、月餅、蘿蔔糕同埋糭，雖然開團比出食譜或者教班更加辛苦，但知道大部份嘅朋友仔都欣賞我嘅嘢，滿足感都係最多嘅😭❤️

好鐘意Turbo哥嘅金句: 每次開團會整唔同野，會遇到唔同嘅技術問題，但係一定會重複面對嘅，就係自己嘅缺點。

我真係一個超級冇記性、好唔細心嘅人，所以做admin嘢我係極差，要同大家講聲唔好意思，之前嘅團可能出現過入錯貨、漏單嘅情況，今次中秋團呢兩樣嘢都改善咗好多啦，要讚自己嘅 (雖然進步空間仲係好大好大) 希望我會經一事長一智，同埋要學仔細啲，唔使下下錯完先識改返啱啦😩

另外因為寄賣店始終唔係自己地方冇咁free，大家遲咗去攞貨真係要收返存放費㗎，我會再諗吓可以點樣改善，都希望大家早啲去拎嘢食，早拎早享受啊😚

第二就係發現自己嘅抗壓能力都幾低🙈
研究呢個生酮月餅嘅時候，遇到好多問題，
大豆渣版本嘅月餅要由零開始研發啦，個皮一開始好油好濕，起碼改咗10次先做到而家咁微脆乾身！ (要多謝 HM Gnap建議我可以點樣加快研究嘅速度! )
奶皇餡口味嘅配搭、用咩牌子嘅茶粉，又實驗咗一大輪。 (每粒月餅有多過10克茶粉㗎，試食譜嘅時候都用咗好多粉。。真係好揼本，多謝每一個試味嘅你❤️)
月餅印模，一開始嘅時候不停印爛，當我以為要用周街都係嘅兔仔模，超傷心嘅時候，turbo哥俾咗建議我，令我可以用返字模，但係追求完美嘅我，訂月餅模都訂咗三次先滿意😂
到finalise 咗食譜，試大量製作嘅時候，又再崩潰🤣流心好容易溶要不停開雪櫃拎啲流心出嚟包，包完印模可能印得唔靚，靚嗰啲拎去焗，焗又可能會焗爆咗或者啲字唔出，每整衰咗一個月餅都好心痛(有整過流心月餅嘅人就會明白🙃😂)

咁多問題同時出現，令到我個人超大壓力，覺都瞓唔到，勁想偷食carbs，加上次次整完失敗咗嘅月餅我都會自己食咗大半，所以呢幾個月肥咗勁多🥲🥲🥲

嚟緊呢幾個月我真係會好好休息吓，同努力改善自己嘅缺點，諗吓啲物流行政野點樣可以再smooth啲，咁個人應該就冇咁緊張㗎啦！！

年尾會有新project，會出我自己嘅低醣食譜書，希望可以幫到大家享受生酮🥰所以如無意外應該新年先會再開團，到時再整多啲又好味又健康嘅嘢俾大家食！
𝗕𝗲 𝘁𝗵𝗲 𝗯𝗲𝘀𝘁. 𝗡𝗼𝘁 𝗷𝘂𝘀𝘁 𝗮 𝘀𝘂𝗯𝘀𝘁𝗶𝘁𝘂𝘁𝗲.

#多謝睇哂全文嘅你❤️
#多謝支持家嫂嘅你❤️

煎焗豬斧頭扒配偽庫司庫司
好開心又多一間大型健康食品店有生酮專區呀😍😍
今次同 Organic MaMa 合作出食譜，仲比我R到着數益下生酮友😍用我嘅promotion code 去佢哋網址買嘢滿$400就有九折啦😍😍 無激素草飼肉類、醬汁、飯麵、零食乜都有齊，好多都keto-friendly 快啲去睇吓啦😍

🎁 Kaso Referral code 🎁: KASO10 (滿$400就有九折)
優惠期由8月11至26日 12:00 AM ！
www.organicmama.com.hk?sl-ref=kaso10

今日用咗organic mama 嘅豬斧頭扒、蒟蒻米、牛油果香蒜蛋黃醬做咗呢個清新開胃嘅主菜！
我要大讚呢個Savoury Choice嘅豬斧頭扒！！係加拿大無污染豬種，無激素又冇打抗生素，脂肪都好均勻好甘香！仲要本身就醃好左，就連平時唔鍾意食豬嘅媽咪都爭住食，絕對需要每人一塊😩我喺內文都會同大家分享，點樣可以做到Juicy嘅斧頭扒！
第一次食Better Than Foods 嘅蒟蒻米，真心覺得好過之前兩個我食過嘅牌子，口感都冇咁爽口淋身啲！Chosen Foods 牛油果香蒜蛋黃醬真係好香蒜味，而且酸味啱啱好!
____________
二人份量
豬斧頭扒 250克 2件
蒟蒻米 200克
車厘茄 5粒
青瓜 1/2條
牛油果香蒜蛋黃醬 2湯匙

【1】豬斧頭扒預先一晚放四度雪櫃解凍，煮前放室溫2小時解凍。
📝豬扒已經過清洗再真空包裝及調味，無需清洗，用廚房紙吸乾表面水份。
📝豬扒要選多油花，扒邊多脂肪的話會比較甘香。
📝煮前將豬扒放室溫，煎煮時可以減低溫度差，防止出水，能留住豬扒水份。

【2】在豬扒上抹上一層橄欖油。大火燒熱平底鑊，加入少量橄欖油，再放入豬扒，每面煎封1分半鐘
📝豬扒上抹上一層橄欖油，可以封住肉汁。
📝煎豬扒不用翻動，就可以做到焦香的表面。

【3】。將豬扒放入已預熱160度焗爐，焗5-8分鐘，rest 5分鐘。
📝不用焗爐的話，也可以在平底鑊內加入兩湯匙水，蓋上蓋煎煮5分鐘，但豬扒會較不香脆。

【4】蒟蒻米用開水洗淨，加入已切成小粒的車厘茄及青瓜，再加入牛油果香蒜蛋黃醬拌勻。伴着豬斧頭扒吃。
📝也可以在沙律中加入菲達芝士！

#cooking #instafood #foodporn #foodstyling #foodstagram #hkketo #ketohk
#hkfoodblogger #foodblogger #hkblogger #foodie #hkfoodie #健康飲食 #飲食記錄 #增肌減脂 #食譜#低醣食譜 #低醣飲食
#減醣 #減醣料理 #低碳飲食 #低碳食譜 #lowcarbrecipe #ketorecipe #生酮飲食 #生酮食譜 #低碳零食 #低脂零食 #健康零食

上星期去咗 @biancaabakery 生酮烘焙店一次喎買咗麵包、果撻、蛋糕同糉，食完我就我決定要為佢出個post❤️食咗咁多款烘焙，覺得Bianca 一定調節咗好耐，先做到咁接近凡人味道嘅野食呀！post完story朋友同我講，原來我上年個生日蛋糕都喺呢度買㗎，我宜家先知😍

呢個生酮方包做到勁軟熟，成塊麵包嘅軟硬度都好一致，唔會外邊乾入面濕，冇gluten冇oat fiber，仲竟然食到有麥香味？我估係用咗一個唔可以量產嘅方法來做！一條約9xx kcal ，10g net carb
切到10塊，抵食呢😍

金莎蛋糕做到慕絲滑，朱古力軟心好濃郁，蛋糕底夠軟冇粗粒感！伯爵茶芝士蛋糕都好濃味，不過就冇金沙咁驚喜！
我係螞蟻人，所以覺得呢度嘅蛋糕甜到啱啱好，可以還原到凡人嘅味道！都有朋友話覺得甜咗少少嘅🤭

果撻撻皮做到微脆！味道又係同平時食嘅果撻一樣，唔會太重椰子味，好想知係用咩牌子牛油做🤣

總結，買咗咁多樣嘢，忍唔住一日已經消滅晒，連凡人爸爸嫲嫲都要爭我啲嘢食😩我會繼續是切餅同埋買麵包食！
佢地每個星期五都會有現貨㗎！大家可以留定貨，問佢買😍
#非廣告嘅強推文🤣