自由「無價」嗎？

IG: @ally_blahblah
https://instagram.com/ally_blahblah?igshid=1jtemurbno3q7

早前做咗一個非正式嘅統計，如果有兩個選擇：一，係交好重稅，但係就有好多自由；二，係交好少稅，但係有好多「掣肘」。你會點揀？超過九成人都會選擇一，只有小貓三幾隻會選擇二。

稅率同「自由」冇必然嘅關係，但係喺唔少世界上出咗名「自由嘅國家」要交稅都好高。例如2020年「最自由國度」排名裏邊，頭四位包括係新西蘭，瑞士，愛爾蘭同芬蘭，荷蘭同丹麥、盧森堡、加拿大同澳洲並列第五，其他北歐國家如瑞典同挪威，都係排頭十名。

不時會聽到有朋友講，如果可以去呢啲國家生活，寧願交多啲稅。但當喺「自由」旁邊擺一個價錢牌，你會願意俾幾多呢？

以荷蘭為例，當其他西方國家仲係爭議緊紅燈區、同性婚姻、吸食大麻、墮胎同埋安樂死等話題時，荷蘭早喺2000年頭已經將呢一啲議題陸續合法化，名副其實係一個非常自由嘅國度。

其中主要城市阿姆斯特丹，雖然地方唔係好大，人口亦只有二百幾萬人，但係無論你來自邊一度，呢個城市入邊總有你可以融入到嘅角落。仲有呀，唔似得香港咁，呢度放狗唔用狗繩唔會犯法、狗仔隨便大小二便又可以；甚至帶狗狗去商場/公共交通工具都冇問題。

雖然係非常自由，但係沈重嘅稅率亦都會令一般打工仔，又或者係中產階層感到「有啲壓力」。假設你一年收入係48000歐元（阿姆斯特丹中位數 ；亦係一般大銀行/跨國公司MT起薪點），平均月薪係4000歐元。假設你冇外國人嘅稅項優惠（30% ruling），稅後每個月你會得返2850歐左右（大約交咗三成稅）。如果冇咩家庭負擔，加上識理財，呢個數都仲夠用。不過，同其他福利國家一樣，荷蘭係用累進稅。如果你人工好啲，一年收入有70000歐元，平均月薪係5830歐元，稅後淨收入得返3780（接近四成稅）。收入再高一啲，就分分鐘有一半俾咗政府。身家超過百萬歐元嘅人，更要額外交多1-2%嘅稅。

我哋成日話自由無價，但當你要交好重稅先至可以享有自由嘅時候，你會點揀呢？又或者，當實實在在喺「自由」隔離放一個價錢牌，你又會點揀？

（呢個排名嘅「自由」定義為the ability for the individual to live their lives as they choose, as long as they do not infringe on the rights of others to do the same，即係喺唔侵犯其他人嘅自由生活權利之下，個人擁有任意生活嘅權利）

#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活 #荷蘭公司 #歐洲公司 #荷蘭生活知多啲 #香港人在荷蘭 #香港人在歐洲 #香港人加油 #搵工

🇳🇱 這位網友曾在荷蘭修讀國際關係，現在在當地銀行工作，近來不少朋友探討如何在歐洲工作，她希望和大家分享當地資訊，繼續在各地承傳香港。

⏺塞拉利昂的真香港人：《非洲抗疫之路》推薦序
https://www.patreon.com/posts/40404054
▶️BNO變英籍，利多於弊？
https://www.youtube.com/watch?v=tHLxWZF0T5M

【荷蘭生活知多啲——讀書篇 （上）】

IG: @ally_blahblah
https://instagram.com/ally_blahblah?igshid=1jtemurbno3q7

香港人/華人一般嘅留學熱點離唔開英美澳加，通常都係因為當地學校知名度高，而且多其他華人，有咩事都叫有個照應。但畢竟呢啲學校學費會貴，而且生活費唔平，一般家庭唔係個個負擔得起。

其實若果想要出國接受優質教育，唔一定要去英美澳加挨貴學費；唔少歐洲國家都有將好嘅高等教育，例如荷蘭、德國、以及其他北歐國家。呢啲國家嘅大學，學費一般會比英美澳加平得多。另外，由於華人留學生唔太多，反而更容易能認識其他國家嘅學生，認真開拓國際社交圈子同鍛鍊獨立生活嘅能力；畢業後亦會因為認識亞洲情況/語言、但競爭唔多，反而成為有利嘅就業因素。

今次就同大家講一下，喺荷蘭讀書有咩要留意：

（一）語言

荷蘭官方語言係荷蘭語（Dutch），但一般人，尤其係大城市度生活嘅，最起碼都能夠講非常流利嘅英語；只要你肯講英文，喺呢邊讀書同生活絕對唔會係問題。一啲教育程度比較高嘅人，更會講多國語言。筆者身邊唔少荷蘭朋友，閒閒地可以講德語、法語、西班牙語、甚至瑞典語。事實上；荷蘭語同德語非常接近，當中好多詞彙亦係由法語「借過黎」，加上荷蘭人自知國家細，要靠不斷增強競爭力維持經濟發展，所以唔少荷蘭人語言能力非常強，方便到其他歐洲國家工作/經商。

（二）普遍教育程度


根據世界經濟論壇嘅研究，荷蘭嘅普遍教育程度係全球第三，僅次於新加坡同芬蘭【註一】；2018年嘅資料顯示，荷蘭25-64歲嘅人口入面，超過三成有大學學位（OECD平均係24%）【註二】。但要留意嘅係年輕一輩除左有大學學位，唔少擁有最少一個碩士學位！筆者喺荷蘭幾年嘅經驗黎講，發覺唔少大公司請人嘅最低要求已經要至少碩士學歷，難怪咁多年輕人學歷越來越高！年輕人有碩士嘅普遍程度，誇張到如果你只有大學學位，身邊嘅人會講笑問你 Why did you stop （studying）？

（三）學費及生活費

學費

大學：歐盟學生每年不多於€2100（大約18000港元左右）；
非歐盟學生€6000-15000不等（55000-140000港元）
碩士：歐盟學生每年不多於€2100（大約18000港元左右）；
非歐盟學生€8000-20000不等（74000-180000港元）【註三】

個人經驗：筆者第一個碩士係阿姆斯特丹大學University of Amsterdam 國際關係（一年全日制），當時學費係大約€14000（130000港元左右）；依家喺萊頓大學Leiden University 讀金融法碩士（兩年兼讀），一共學費係大約€18000（166000港元左右）。要留意番荷蘭嘅大學會定期調整學費，一般每兩年一次。相對於英美澳加，荷蘭學費相宜，有啲科仲比香港平添！

生活費

喺荷蘭讀書嘅生活費因人而異。影響因素包括居住地區、生活習慣、飲食、交通等等；以下係參考數字【註四】：

- 簽證/居留許可（非歐盟學生）：€210，一次性費用
- 住宿（阿姆斯特丹）：每月€350-€800
- 一般生活費用：每月€400-€500
- 保險：每月€35-€100
- 書籍：每月€50-€100
- 公共交通工具（自費）：€40-€100

個人經驗：筆者第一個碩士一年連學費大約用25萬港元左右，平日大部分洗費用於參考書、膳食及交通。由於好少用單車，每月交通（用月票）大約€90，住宿€450，學校飯堂一餐€5-10不等。一年只外遊三次，一次到英國倫敦，兩次到比利時布魯塞爾歐盟總部專訪寫論文。

由於學費及物價定期調整，加上目前歐元高企，估計黎緊一兩年想要喺荷蘭讀書嘅朋友可能要預番一年30萬港元左右（非歐盟學生），預多好過預少。

（四）學校VS學科

華人社會一般先睇學校後睇科，但黎到歐洲就唔一定！喺荷蘭，唔少大學會有比較「拿手」嘅科目。「學校唔出名，但學科好強勁」嘅例子比比皆是。例如 Wageningen University & Research 係全球最頂尖嘅「調理農務」大學之一（唔係講笑，真係Agriculture & Forestry）；Leiden University則係全歐洲數一數二嘅法律學院，學術界嘅前輩好多都會聽過，喺歐洲，荷蘭萊登與英國牛津堪稱雙子，都係好幾百年嘅老牌學府；University of Amsterdam 則以 Communication Science （都係全球數一數二）同埋 Social Sciences 著名。

以上只係幾個順手拈來嘅例子。呢幾間大學雖然喺香港唔太出名，整體嘅國際排名亦唔太高，但原來喺行內大有來頭，萬萬不能忽視。當然唔少國際生會比較著重學校嘅國際排名，方便回國後搵工。但有意留喺荷蘭的話，學校喺當地嘅聲譽同口碑亦非常重要。 另一方面，香港人普遍「讀嗰科唔一定做嗰行」，但荷蘭會偏向「讀嗰科做嗰行」（詳情會喺【荷蘭生活知多啲——工作篇】講解）。所以有意去荷蘭讀書進修嘅朋友一定要做好資料蒐集，睇清諗楚啊！

寫住咁多先，之後再講下呢邊讀書辛唔辛苦，學生生活、交通及住宿、兼職及實習、就業情況同埋簽證。

【註一】https://www.wittenborg.eu/dutch-are-3rd-most-educated-natio…
【註二】http://www.oecd.org/ed…/Netherlands-EAG2014-Country-Note.pdf
【註三】https://www.studyinholland.nl/finances/tuition-fees
【註四】https://student.uva.nl/…/living-expen…/living-expenses.html…

讀書篇 （中）https://www.facebook.com/…/a.276125036087…/1219379955095406/
讀書篇 （下）
https://www.facebook.com/…/a.276125036087…/1223448181355250/
荷蘭搵工血淚史 （上）https://www.facebook.com/…/a.276193166080…/1228741134159288/
荷蘭搵工血淚史 （下）
https://www.facebook.com/…/a.276193166080…/1228743614159040/

以上內容只係個人分享，如有疑問，以官方資料為準。

#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活

【荷蘭生活知多啲——讀書篇 （上）】

IG: @ally_blahblah
https://instagram.com/ally_blahblah?igshid=1jtemurbno3q7

香港人/華人一般嘅留學熱點離唔開英美澳加，通常都係因為當地學校知名度高，而且多其他華人，有咩事都叫有個照應。但畢竟呢啲學校學費會貴，而且生活費唔平，一般家庭唔係個個負擔得起。

其實若果想要出國接受優質教育，唔一定要去英美澳加挨貴學費；唔少歐洲國家都有將好嘅高等教育，例如荷蘭、德國、以及其他北歐國家。呢啲國家嘅大學，學費一般會比英美澳加平得多。另外，由於華人留學生唔太多，反而更容易能認識其他國家嘅學生，認真開拓國際社交圈子同鍛鍊獨立生活嘅能力；畢業後亦會因為認識亞洲情況/語言、但競爭唔多，反而成為有利嘅就業因素。

今次就同大家講一下，喺荷蘭讀書有咩要留意：

（一）語言

荷蘭官方語言係荷蘭語（Dutch），但一般人，尤其係大城市度生活嘅，最起碼都能夠講非常流利嘅英語；只要你肯講英文，喺呢邊讀書同生活絕對唔會係問題。一啲教育程度比較高嘅人，更會講多國語言。筆者身邊唔少荷蘭朋友，閒閒地可以講德語、法語、西班牙語、甚至瑞典語。事實上；荷蘭語同德語非常接近，當中好多詞彙亦係由法語「借過黎」，加上荷蘭人自知國家細，要靠不斷增強競爭力維持經濟發展，所以唔少荷蘭人語言能力非常強，方便到其他歐洲國家工作/經商。

（二）普遍教育程度


根據世界經濟論壇嘅研究，荷蘭嘅普遍教育程度係全球第三，僅次於新加坡同芬蘭【註一】；2018年嘅資料顯示，荷蘭25-64歲嘅人口入面，超過三成有大學學位（OECD平均係24%）【註二】。但要留意嘅係年輕一輩除左有大學學位，唔少擁有最少一個碩士學位！筆者喺荷蘭幾年嘅經驗黎講，發覺唔少大公司請人嘅最低要求已經要至少碩士學歷，難怪咁多年輕人學歷越來越高！年輕人有碩士嘅普遍程度，誇張到如果你只有大學學位，身邊嘅人會講笑問你 Why did you stop （studying）？

（三）學費及生活費

學費

大學：歐盟學生每年不多於€2100（大約18000港元左右）；
非歐盟學生€6000-15000不等（55000-140000港元）
碩士：歐盟學生每年不多於€2100（大約18000港元左右）；
非歐盟學生€8000-20000不等（74000-180000港元）【註三】

個人經驗：筆者第一個碩士係阿姆斯特丹大學University of Amsterdam 國際關係（一年全日制），當時學費係大約€14000（130000港元左右）；依家喺萊頓大學Leiden University 讀金融法碩士（兩年兼讀），一共學費係大約€18000（166000港元左右）。要留意番荷蘭嘅大學會定期調整學費，一般每兩年一次。相對於英美澳加，荷蘭學費相宜，有啲科仲比香港平添！

生活費

喺荷蘭讀書嘅生活費因人而異。影響因素包括居住地區、生活習慣、飲食、交通等等；以下係參考數字【註四】：

- 簽證/居留許可（非歐盟學生）：€210，一次性費用
- 住宿（阿姆斯特丹）：每月€350-€800
- 一般生活費用：每月€400-€500
- 保險：每月€35-€100
- 書籍：每月€50-€100
- 公共交通工具（自費）：€40-€100

個人經驗：筆者第一個碩士一年連學費大約用25萬港元左右，平日大部分洗費用於參考書、膳食及交通。由於好少用單車，每月交通（用月票）大約€90，住宿€450，學校飯堂一餐€5-10不等。一年只外遊三次，一次到英國倫敦，兩次到比利時布魯塞爾歐盟總部專訪寫論文。

由於學費及物價定期調整，加上目前歐元高企，估計黎緊一兩年想要喺荷蘭讀書嘅朋友可能要預番一年30萬港元左右（非歐盟學生），預多好過預少。

（四）學校VS學科

華人社會一般先睇學校後睇科，但黎到歐洲就唔一定！喺荷蘭，唔少大學會有比較「拿手」嘅科目。「學校唔出名，但學科好強勁」嘅例子比比皆是。例如 Wageningen University & Research 係全球最頂尖嘅「調理農務」大學之一（唔係講笑，真係Agriculture & Forestry）；Leiden University則係全歐洲數一數二嘅法律學院，學術界嘅前輩好多都會聽過，喺歐洲，荷蘭萊登與英國牛津堪稱雙子，都係好幾百年嘅老牌學府；University of Amsterdam 則以 Communication Science （都係全球數一數二）同埋 Social Sciences 著名。

以上只係幾個順手拈來嘅例子。呢幾間大學雖然喺香港唔太出名，整體嘅國際排名亦唔太高，但原來喺行內大有來頭，萬萬不能忽視。當然唔少國際生會比較著重學校嘅國際排名，方便回國後搵工。但有意留喺荷蘭的話，學校喺當地嘅聲譽同口碑亦非常重要。 另一方面，香港人普遍「讀嗰科唔一定做嗰行」，但荷蘭會偏向「讀嗰科做嗰行」（詳情會喺【荷蘭生活知多啲——工作篇】講解）。所以有意去荷蘭讀書進修嘅朋友一定要做好資料蒐集，睇清諗楚啊！

寫住咁多先，之後再講下呢邊讀書辛唔辛苦，學生生活、交通及住宿、兼職及實習、就業情況同埋簽證。

【註一】https://www.wittenborg.eu/dutch-are-3rd-most-educated-nation-world.htm
【註二】http://www.oecd.org/education/Netherlands-EAG2014-Country-Note.pdf
【註三】https://www.studyinholland.nl/finances/tuition-fees
【註四】https://student.uva.nl/en/content/az/living-expenses/living-expenses.html?cb

讀書篇 （中）https://www.facebook.com/allyblahblah/photos/a.276125036087574/1219379955095406/
讀書篇 （下）
https://www.facebook.com/allyblahblah/photos/a.276125036087574/1223448181355250/
荷蘭搵工血淚史 （上）https://www.facebook.com/allyblahblah/photos/a.276193166080761/1228741134159288/
荷蘭搵工血淚史 （下）
https://www.facebook.com/allyblahblah/photos/a.276193166080761/1228743614159040/

以上內容只係個人分享，如有疑問，以官方資料為準。

#移民 #移民歐洲 #移民荷蘭 #荷蘭 #西歐 #出國 #留學 #歐洲讀書 #歐洲工作 #歐洲生活

趙氏曾任教於美國Bryant University 、北京理工大學珠海學院、深圳大學、香港樹仁大學、臺灣中央研究院近史所等多間學府，歷任助理教授、副教授、研究員、客座教授、高級訪問學者；

2018年獲中國經濟思想史優秀（一等）著作獎，研究題目包括經濟思想、經濟史、政治經濟學，出版著作二十一部，論文三十餘篇。英國權威出版社 Routledge給予 "中國和西方頂尖學者（leading Chinese and Western scholar）" 的評價。

《趙氏讀書生活》，一個歷史學者的視頻，分享學術、社會、政治經濟觀察
收費平台可獲參考資料和專欄分享，請以每月5元或更多的美元支持：https://www.patreon.com/Chiusreading
或於YOUTUBE 上按加入成為會員，可獲影片的參考資料
https://www.youtube.com/channel/UCmi1257Mo7v4ors9-ekOq1w/join
https://www.facebook.com/drgavinchiu/
PayPal.me/chiusreading
工作洽談：higavinchiu@gmail.com
#美國大選
#中國盟友
#中國形象