【 @girlstyle.mag 】香港小姐2021｜12強誕生大熱+隱藏黑馬！選美世家/富二代起底，關禮傑替女造勢！ . 《2021香港小姐競選》昨日晚（23/8）進行準決賽，12強佳麗誕生！當中「粗口港姐」梁允瑜和「翻版馮盈盈」余詠童就大熱倒灶被淘汰。在9月12日進行總決賽選出三甲，當中的隱藏黑馬被大起底，竟然有選美世家和富二代的背景？ . 大熱人馬： 關楓馨 星二代關楓馨（Fabienne）在準決賽就獲爸爸關禮傑的助攻，現身撐場更表演四手聯彈合奏鋼琴，十分亮眼。雖有網民指此安排十分「搶風頭」，對其他佳麗十分不公平。不過關禮傑其後就解釋沒有存在不公，因自己沒能力影響賽果，其後在台下觀賽神情緊張。 . 陳聖瑜 另一位大熱被封「翻版吳千語」的陳聖瑜（Yvette）就越戰越勇。身材和口才都被大讚的她，自初選以來已被看好，被指氣質出眾似名媛的她，IG被起底熱愛四周遊埠，看似生活富貴。不過陳聖瑜的正職日前就被揭是法國奢侈品集團的零售統籌，KOL只是副業。 . 梁凱晴 另一位大熱被封「翻版楊采妮」的美女佳麗，就有梁凱晴（Carina）！梁凱晴順利無阻輕鬆進入12強，表現異常鎮定儀態萬千，她自首次面試已被視為大熱之一，被網民譽為三甲的大熱人選！她從事市場部工作，顏值十分高～ . 邵初 中越混血兒邵初（Kristy）就一向被看好，經常周遊列國，曾到訪法國、英國、阿聯酋等地，更在著名的英國杜倫大學畢業，學歷出眾。她的樣貌五官精緻，27歲的她精通中英文，是被看好的人馬。 . 隱藏黑馬： 宋宛穎選美家族 在12強佳麗中被輕視的佳麗亦有不少！宋宛穎（Sabina Mendos）在問答環節獲100%票數，成為分數最高的佳麗。她的口才出眾靠大讚評判得分，不過如此功架原來來自於她的選美家族背景！宋宛穎的媽媽是1990年澳門小姐亞軍文寶雪，冠軍更是其表姨媽。媽媽更有出戰過華裔小姐，與袁詠儀同屆選美。有媽媽經驗豐富的貼士，實力不容看少！ . 王嘉慧家底豐厚 順利晉級12強的王嘉慧（Cathy）除了笑容甜美、口才了得外，她還擁有超高學歷！她在倫敦大學學院修讀心理學以一級榮譽畢業，返港後攻讀兩年中大法律博士碩士課程，是位顏值才德兼備的佳麗。此外她的家族背景都來頭不小！其父親王亞明（Jeffrey）有「內地傢俬大王」之稱，是著名傢俱公司創辦人，公司曾在美國上巿，擁多達約300多間的加盟店，相信是位生活富有的寶貝女兒，絕對不是虛有其表。 . 葉靖儀廣告KOL 葉靖儀（Michelle）雖然稍欠缺話題度，不過年僅23歲的童顏樣貌亦十分搶眼。今年剛在香港理工大學市場學畢業的她，原來是位年輕的廣告女王兼KOL，她在讀書時期已經有當模特兒，有拍攝過多個廣告，KFC、恒生銀行和內衣廣告都不難看到她的蹤影。笑容甜美年輕有活力的她，看來是位有潛力的新人馬，未知她其後的表現會否為她爭取三甲的位置呢？ . 莫韻諰KOL 另一位同為廣告界KOL的還有佳麗莫韻諰（Vincy），同為23歲的她樣貌較為成熟，IG的都不乏性感露肉的美照。不過一向都自信滿滿的她，就認為自己並不是賣弄性感。五官標緻而且性格坦蕩蕩的她也許以真性情取勝？ . 楊培琳名牌豪宅 身為次名最年輕的佳麗楊培琳（Penny）僅得19歲，剛在香港中文大學風險管理學系畢業。她的口音並不純正，而且IG上都是以簡體中文字為主。到處周遊列國而且滿身名牌的楊培琳，常常在疑似她家的豪宅背景打卡，看來是位富二代。 . 梁菁琳率先奪獎 率先勇奪得「慧妍雅集慈善愛心獎」的梁菁琳（Katerina），就為她增添了一點人氣，稱有如打了一支強心針。不過自言不慣面對鏡頭的她，就指會比其他佳麗表現弱，不夠網民稱她的笑容搭夠。 . 陳懿德搶鏡 一路以來都以豐腴身材出位的陳懿德（Rachel），就在水底拍寫真的環節大獲好評。最初被指真人與IG上的樣貌有出入的她，就被大讚上鏡的樣子較出眾，令人刮目相看跑出順利晉身12強。 . 施茉莉最年輕佳麗 最年輕的一位參賽佳麗就是18歲的施茉莉（Jasmin），她是一位中德混血兒，但在香港居住了4年粵語十分地道，她更精通五種語言，陽光活潑的她躋身12強。施茉莉的爸爸在香港蜆殼石油公司擔任工程師，而媽媽亦是香港人。 . #女生娛樂快訊 #香港小姐2021 #港姐 . ✨ GirlStyle 女生日常 App ✨正式登陸 App Store 及 Google Play 📱 想隨時接收最新美妝時尚資訊及女生人氣熱話⁉️ 立即Click入@girlstyle.mag Bio連結下載！🤳🏼 . 陳凱琳【維持幸福婚姻的秘訣】 Cover story vol.13 . FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover

人生一條龍（上） . 呢個世界，有人好平凡，一世都寂寂無名；有人好有影響力，改變咗成個世界。 . 但好有影響力嘅人，都曾經寂寂無名。 . 無人估到得到，自己嘅未來會點。 . 正如我，依加我只係一個新入行嘅地產經紀，想開多幾張單，賺多啲錢。 . ， 我今日好開心，因為有個客買咗層樓，呢個客好爽快，睇一次樓就拍板買樓。 . 我當然對佢好殷勤，希望之後仲有生意嘛。 . 個客突然問：「係呢，你哋有無幫人買傢俬㗎？」 . 「買傢俬？」我唔係好明。 . 個客皺一皺眉：「買傢俬好煩㗎，又要度位又要揀又要等送貨，我做嘢好忙，唔想搞呢啲嘢。你哋有無得幫我買？當然會畀中介費。」 . ， 地產舖無買傢俬服務，但既然有錢賺，我自己都可以幫手嘛，仲可以同個客打好關係。 . 我好爽快咁應承咗，問個客對傢俬有咩要求。 . 「正正常常，普普通通，住得人就得啦。」個客擺擺手，連鎖匙都畀埋我。 . 我幫佢打點好一切，連床單都鋪好埋。 . 個客好滿意，畀咗唔少中介費我，亦同我做咗朋友。 . ， 後來，個客嘅老婆有咗，佢想請陪月，都叫我幫佢搵。 . 我開始思考，其實唔少現代人都好忙，唔想處理啲瑣碎嘢。 . 如果有個Apps，係一條龍咁幫你揀晒所有嘢，應該會幾受歡迎？ . 我搵咗幾個識寫Apps嘅朋友，一齊商量呢件事。 . ， 我哋發現，其實已經有好多Apps，幫人揀唔同嘅嘢，揀學校、工人、美容院...... . 但呢啲Apps都係獨立嘅，即係話，你想幫個仔揀學校，你就要下載揀學校嘅Apps，輸入你嘅資料同要求，例如你住邊區； . 聽日你想美容，又要下載另一個美容院Apps，重新輸入資料。 . 我哋要做嘅，就係整合呢啲Apps，做一條龍服務。 . ， 每個人嘅需要都大同小異，就好似你買咗樓，就要買傢俬，分別只在於你鍾意咩風格。 . 無幾耐，我哋就推出咗一個叫「人生一條龍」嘅Apps。 . 由你畢業開始，幫你搵工、買嘢、租樓、買傢俬、安排婚禮、產前檢查、產後陪月、買奶粉尿布，再幫你個仔搵托兒所、幼稚園...... . 我哋無向用戶收費，而係向商戶收廣告費。 . ， 營運咗一輪，我哋發現，「人生一條龍」最重要嘅，唔係廣告費，而係數據。 . 從用戶嘅選擇，Apps可以推測到佢嘅性格，從而影響佢未來嘅選擇。 . 例如有個客租劏房住，但偏偏揀咗一場豪華婚禮，佢好可能係一個無乜錢，但鍾意炫耀嘅人。 . 所以，佢好可能會鍾意廉價嘅奶粉尿布（炫耀唔到），但會希望個仔讀名牌幼稚園，自細就學琴學畫畫學奧數。 . 咁嘅性格，佢都好容易超支，仲可以計算佢嘅收入同支出，適當時候推薦借貸服務。 . ， 有咁精細嘅數據，我哋唔再需要硬生生咁植入廣告。 . 我哋可以等客戶需要嗰種服務，再推薦服務，客戶好可能會接受，甚至覺得好貼心。 . 而唔再係你明明想聽音樂，無啦啦有個借錢廣告彈出嚟。 . 改咗廣告系統後，「人生一條龍」嘅使用人數大幅提升。 . 有唔少新嘅商戶，都搵我哋合作，例如婚介公司，亦令一條龍服務更完善。 . ， 估唔到，用戶透過Apps中嘅婚介服務，好多人都搵到合適嘅伴侶，比例遠遠多過婚介公司本身做嘅生意。 . 可能係因為「人生一條龍」有「真」資料，即係你去搵婚介公司，大家都會將自己描寫得好正氣，愛好睇書、睇電影、行山。 . 婚介公司根據呢啲興趣，幫你介紹「同樣鍾意睇書、睇電影同行山」嘅對象，但你哋總係唔夾，因為你所謂「鍾意睇書」，可能只係睇八卦雜誌。 . 「人生一條龍」就知道你真正鍾意乜嘢，如果你成日買點數卡、睇遊戲攻略，就幫你配對鍾意打機嘅對象，甚至係玩同一隻Game。 . ， 三十年後，「人生一條龍」已經成為人人必備嘅Apps。 . 我亦發咗達，後來，另一間公司高價收購我手上嘅股份。 . 我有少少猶豫，我唔知道，一個對人民生活咁大影響力嘅Apps，應唔應該就咁賣畀人。 . 但我年紀都唔細，開始想退休，同老婆仔女去吓旅行。 . 所以，我都係賣咗股份，將公司轉手。 . ， 我環遊世界，幾年後先返嚟，有個當年同我一齊搞Apps嘅兄弟，同我講，「人生一條龍」有啲唔妥。 . 以前嘅「人生一條龍」，係畀你用最方便嘅方法，作出比較同選擇。 . 雖然個Apps會整理你以前嘅選擇，作出推薦，但你都仲可以揀其他。 . 例如你一向鍾意粉紅色衫，所以一撳買衫，Apps就會推薦你買粉紅色，但如果心血來潮想買紫色衫，都可以搵紫色衫。 . ， 但公司轉手後，「人生一條龍」提供嘅選擇愈嚟愈少。 . 你鍾意粉紅色衫，今日突然想買紫色衫，但就搵唔到紫色衫，可能要撳半個鐘，load好耐先搵到。 . 面對呢種情況，好多人會怕麻煩，買番粉紅色衫就算。 . 至於出街買衫？更加唔方便，因為大家已經習慣用「人生一條龍」買嘢，所以時裝店都少咗好多門市。 . 待續... . #短故 #短篇 #小說 #陳美濤 #廣東話 #粵語 #tomatochan #人生一條龍

#超可愛嘅兔仔 #比得兔 . 期待已久嘅比得兔第2集7月1號上映，我哋琴日就率先睇咗優先場，《比得兔2：走佬日記》，粵語版係森美 & 陳豪配音😍嶠媽真係笑足全程，因為真係好笑到爆，故事真係好多笑料，主人同比得嘅誤會，導致比得好傷心💔 . 誤信其他人以為外面嘅生活先啱佢，仲帶埋其他兔仔家人去冒險，最搞笑都係最後救返屋企人嗰段，最後化解誤會，大團圓結局，真係好開心❤️ . 7月1號就上映，大家一定要帶小朋友去睇，齊齊笑下放鬆下😎 . #比得兔2走佬日記 #超多笑料 #笑足全程 #超可愛嘅兔仔們