【簡迪簡迪，簡直無敵，地球全部是簡迪】
https://youtu.be/vHWGY-ZmDzE
-鍾志光旁白

「地球表面70%係被水覆蓋，剩低30%被簡迪覆蓋。」這是英國媒體對簡迪的評價。

簡迪，2016年助李斯特城贏得英超冠軍，2017年助車路士贏得英超冠軍，2018年助法國國家隊贏得世界盃，2021年助車路士擊退皇馬，殺入歐聯決賽。但這些榮光背後卻掩蓋著簡迪童年所經歷的種種磨難。

簡迪的父母1980年移民法國，過著十分窮苦的生活，簡迪細細個就跟隨父親執垃圾變賣，以幫補家計。

1998年，以杜林、施丹、韋拉等移民後裔為首的法國隊贏下法國隊史首個世界杯冠軍。這被視為是法國足球「外籍兵團」崛起的標誌，越來越多移民後裔參與到足球領域，令簡迪迎來一個新的契機。

為籌集踢波必備的資金，簡迪比以往更加努力地執垃圾，而簡迪的父親見兒子如此努力，亦盡全力助他圓夢，令簡迪成功開啓了他的足球生涯。

但好不幸，11歲那年，他又經歷了喪父之痛。

12歲時簡迪已成為所在球隊中表現最好的球員。好多球會，例如PSG、羅連安特、雷恩及索察，都派出球探觀看他的比賽。但到最後卻無任何一支球隊決定給予簡迪進入梯隊的機會，只因簡迪身材矮小。

簡迪真正的足球生涯由次級聯賽球隊布羅尼開始，即使是在低級別聯賽，簡迪初初依然未能得到太多機會，令佢一度想轉職做一名會計。但就在此時，他得到卡昂的徵召。由於在卡昂的出色表現令他受到李斯特城的關注，於2015年成功加盟李斯特城。

25歲先初登英超的簡迪，完全無人認識，英國媒體竟然用FM的遊戲數據來介紹及解讀他 。並且由於此前的簡迪實在默默無名，有幾個版本FM竟偷懶將簡迪的身高設為一位1米87的前鋒。

但來到李城的簡迪好快就令大家認識，李城奇跡奪得英超那個賽季，簡迪展示出怪物級別的體能，絕對是隊中最大的功臣之一，而李城簽下簡迪只用了€4.50m。

次年車路士以 £32m簽下簡迪，相同的戲碼再次上演，簡迪又一次替車路士贏得英超冠軍。三年兩冠，令簡迪聲名鵲起。

簡迪到底是怎樣的一個人？

2016年簡迪由卡昂加盟李斯特城，他認為自己可以每日跑步往返李城訓練及比賽，不買車，隊友聽完後：「大佬呀！你唔好咁痴線啦！呢度無人咁做架！」於是買下一架二手廉價汽車。

然而轉會車路士所帶來的高收入並未改變簡迪一直以來嘅低調作風。
正當個個隊友都駕駛跑車，甚至年年換新車時，簡迪仍然駕駛他3年前加盟李斯特城時購買的Mini Cooper，樸素的衣著同低調的座駕甚至都與他地位不符。

還有，《足球解密》報道指車路士兩年前與簡迪商談合約時，建議簡迪透過離岸公司，用來收取部分人工及肖像權費用，以減少87萬鎊的稅務支出！
可是簡迪拒絕避稅，只想收車路士一份正常人工。

有一日，簡迪遇到一個嬲爆爆的阿仙奴球迷，這位阿迷由於愛隊2比3輸了比車路士，說自己非常不開心，效力於車路士的簡迪於是決定向佢道歉並和他合影。

還還有，簡迪於倫敦一所清真寺做禮拜時遇到一位阿仙奴球迷主動邀請他去屋企做客，佢欣然接受了邀請，與這位車路士死敵球隊的球迷一齊度過了開心的一日。

簡迪份人就是這樣平易近人， 前隊友形容他：「好有禮貌，說話不多，為人低調，所有人都非常喜歡他。」

2018年，法國贏得世界杯冠軍，簡迪都做出了巨大貢獻，但捧盃時卻默默站在隊友旁邊，等其他隊友合照後，才和大力神盃留下一張單獨合照。

其實在世界杯訓練期間，簡迪的哥哥因家族遺傳性心臟病離世，但簡迪隱藏自己的痛苦堅持隨隊前往俄羅斯，並全力為國家隊贏得等待了20年的冠軍。

2021年5月協助車路士淘汰皇馬，簡迪怪物級別體能在場上狂奔，助攻助守，兩個回合都得到最佳球員的榮譽，他又將功勞歸於隊友！

簡迪在一次採訪中講過：「數百萬人希望擁有像我這樣的機遇，而我明白球員在球場上的職業生涯非常短暫，所以我會盡我所能，捉住在球場上觸碰足球時的一切機會」。

所有人都很難不對這位法國球星表示敬意，簡迪是一位堅韌而謙遜的球員，同時又是一位低調可愛、又受萬人敬仰的「普通人」！

Credit:Chelsea TV, The MasterTECC

FB: https://www.facebook.com/ChungChiKwongchannel
我開咗ig啦， 歡迎各位老友一齊入嚟吹水!

【入球精華+全場精華】賽前，賓福特都被唔少球評家或者球迷睇高半線，而富咸領隊柏加 (Scott Parker) 亦深明一定要有別出心裁嘅部署先至可以將對手打敗，特別係將「BMW」組合嘅攻力降低。喺正選嘅佈陣上，柏加起用上場後備入替有唔錯發揮嘅阿保巴卡卡馬拉 (Aboubakar Kamara) 擔任正選，再將前場嘅進攻模式調教成一個反擊套路。另一方面，柏加亦決定搵老將丹尼斯奧度爾 (Denis Odoi) 取代有時會過於輕出嘅施路斯基士堤 (Cyrus Christie)。結果，雖然雙方喺法定時間內打成平手，但富咸嘅球員，無論係控球上、組織上、發揮上，還是戰術執行上，都勝過賓福特，防守上亦俾四強次回合對卡迪夫城有大幅改善。講到贏波英雄，即使你係再「痴線」，再瘋狂嘅富咸球迷，可能都冇諗過左閘祖拜恩 (Joe Bryan) 能夠喺今場賽事梅開二度。當然，佢係球隊嘅死球專家，亦係今季陣中嘅助攻王，以往喺布里斯托城效力嘅年代亦都係一位進攻能力強嘅閘位球員，但無論如何，佢今場賽事入嘅第一球波，四十幾碼嘅罰球，當全世界包括對方門將大衛拉耶 (David Raya) 都冇諗過佢會起腳射門之際，佢真係直接射入，無論係膽色、智慧、技術，都係缺一不可，呢個入球足以令佢記成世！去到117分鐘，佢仍然有足夠嘅體能、決心，衝上前場同隊友做個撞牆之後冷靜射入。毫無疑問，祖拜恩就係今場賽事嘅MVP。至於落敗嘅賓福特，最後兩輪聯賽嘅兩連敗固然係致命傷，但無可否認，球會嘅規劃、管理層同球探嘅眼光等等都係近年為球迷所稱頌。雖然佢哋再一次功虧一簣 (9次打入附加賽都未能成為最終嘅勝利者)，但只要有長遠嘅眼光同正確嘅方向，賓福特總有一日會喺英超同大家見面。

［Sha la la la Sha la la la la la］星期六，講呢啲。

1. 其實好似唔係好關我事？但就係又關我事。最初收到email 時，都有啲愕然，乜鬼CP Job？我以為係泰國CP（雲吞幾好味的說）

2. 呀，CP，Classified Post，南早的東西嘛。中學燒嘢食最鍾意拎嚟透爐，特別係當年好似有鄰居會掉出走廊。後來發現買份星島抵啲。Classified Post改名多年了，我當然係知的。有用添，否則點會收到個email呢？賣盤了，賣畀Venture Building Group。唔知乜水，不必深究，雖然我唔明做乜Building Group要買米報。

3. 呼，「米報」，真係時代的眼淚。三十歲以下嘅應該唔知係乜，應該以為米埔（定連米埔都冇去過？我估有嘅，要打卡），或者梁柏堅Rice Post

4. 龔耀輝在《國金外望》講過，中環才俊嘅，唔使搵工咯。一係獵頭搵你，一係個客搵你。後者我冇試過，前者有（大把人都有），傾成咗嘅都唔止一次，但最後成功上轎令到人有得分錢嘅，零。

5. 但，總係要有過個程嘛。

6. 埃汾職場生涯，medium有一大堆文講（http://bit.ly/2lmLrLc ）。但簡單講（知嘅可以跳下一段），埃汾英國讀Master，01年911時回歸，雙失一年，02年開始返工．我教咗兩間中學，04秋天轉行去蕉行做炒房交易員，06春天年轉到耆英證券做分析員，打後咁多年都係做股票。14年頭耆英證券炒人，本人被炒。同年春天去咗東亞某間子公司，冇耐間公司畀台灣佬買咗。然後17年夏我為咗證明自己實力，去咗坡資星矢圍高達，18年秋證明咗果然係冇實力，自行裸辭。做過短時間嘅中年slash，幫過兩個朋友，然後19年春去咗而家公司。

7. 教書嘅兩份，蕉行，仲有耆英，我都係睇米報搵嘅，就係寄信（後來係email）。耆英之後嘅，就冇經米報搵，米網都冇—我當然有用，但之後每一次都唔係用米報米網而轉到工。東亞某子公司嘅，係耆英高人介紹，真係好似拍戲咁，我走嗰日在星街大排檔，佢同我飲奶茶，忽然塞張紙畀我：「你打話畀呢個人，佢會幫到你」。然後星矢圍高達，係我耆英嘅舊同事引薦。我唔係under佢，但我跳過晒個過程。中年slash嗰半年，幫朋友，就固然係朋友搵我。而家公司呢？就係東亞子公司年代嘅老細搵我。

8. 換言之，你睇到耆英就係轉捩點。可能係因為我叫做「上咗位」，但亦因為做咗好耐，八年，兩者有直接關係。所以咁多份工我最有感情，喜怒哀樂都有，畢竟八年係好長嘅日子。我對我老闆兼師傅老馮，耐過我成世對住我老豆（暫時），日見，夜見，星期六日都見，仆街年初一都見（而你唔知分析員係年初一都有人返工的）。我買樓，結婚，經歷金融海嘯，第一次出花紅，第一次被炒，全部在嗰度。

9. 然後打後幾份，就進入咗一個舊老細／舊同事／朋友搵我過檔嘅年代。值得開心嘅，因為算略有小成（http://bit.ly/2ZhNG1n）。至少證明你個人唔係十分非常極之唔掂。嘔血嘅人老細就算有權力都未必會炒，因為有時炒人都幾煩，但你係唔掂嘅，總唔會分開咗仲搵你返嚟篤眼篤鼻。

10. 唔好意思，講遠咗。其實我係想講，米報。實體嘅米報。

11. 蕉行年代，就係我睇得最多米報嘅年代。原因好簡單，首先當時仲係剛剛米報變米網唔係太耐，雙線並行。二來亦因為我打金融工。之前教書，搵份明報就得啦。咁當然我雙失年代都好似買米報，但真係唔同

12. 點唔同？就要講，當年蕉行呢，係分長短週嘅。咁唔係好出奇，當年好多寫字樓工仲係長短週，所以我當年新聞組有個「邪惡軸心」嘅節目，星期六上午大家就去吹水。

13. 但，本人係做交易員嘛，Treasury（資金部/盤房/炒房），大佬，星期六係冇trade的，你有冇見星期六有HIBOR丫？所以，就係返去玩手指。或者做文書嘢—即係唔做。而Treasury都返星期六，十分反智，當年阿頭標哥個個星期屌，但形勢比人強，都係就範。但後期佢見我正正常常，就唔理了，等我幫佢打卡。

14. 星期六返工有乜做？除咗食早餐—買返公司食咋，而平日唔得的，標哥有潔癖，會屌。就梗係，睇米報啦。當年我就買齊三份，就係Classified Post，Career Times，同埋……一路都諗唔起邊份！（＊）

15. 然後食完早餐？就刨晒佢。重點當然係紅筆一支，仲要係粗身紅筆，唔係教書改簿嗰啲。睇啱嘅，紅色圈住佢。好有畫面。冋後來咩clip/save to my jobs真係爭得遠

16. 然後？就梗係print信。唔係你以為公司嘅printer用嚟做乜？星期六最多呢啲嘢，總有幾條盲毛印咗唔記得拎，或者印到一半老婆打嚟咁。就會畀人發現了。當年好似仲係寄信同email並行。當然任何一個人都會學識print 信封，或者label，或者至少Word整個table印出嚟再貼相封。

17. 想講嘅係，當年其實都未係好睇經濟，甚至唔係好睇新聞，財經版唔多睇（而走去做交易員，真好嘢）（＊＊）。但睇米報，就自然知道經濟好唔好。好景時，嘩，厚到極，大把好工（請唔請你一回事），圈足一朝，玩到printer jam紙。唔掂時，得兩叠，仲要唔係保險經紀就Financial Consultant．

18. 而我仲記得，最初仲有個女同事同我一齊返星期六（還不錯的說，但冇搞上，佢大過我人工高過我），嗰時都傾得埋，就直頭米報兩份睇。諗落其實都幾無聊又大愛，大家工作差不多，又不過大我一年，人工可能高我兩千？其實係直接競爭對手。

19. 以上一切一切，對我嚟講，雖然未係彷如隔世。「但是這些簡直就像沒對準的描圖紙一樣，一切的一切都跟回不來的過去，一點一點地錯開了。」

20. 而家，唔好話米報，我懷疑米站都好難做？某程度上都係多得科技，去中介化。甚至連獵頭都上去拎煙，仲有乜嘢講？但，正經諗下，如果個獵頭只係上去拎煙嘅，咁，做乜我公司唔自己上？你仲有乜價值？我自己唔識上？同一個比喻，記者可以網上抄文，但如果係咁玩嘅，咁作為讀者，你仲有乜價值？我自己唔識上？

21. 當然，又唔會話死晒。高檔嘅獵頭咪有得玩，同各種中介（包括媒人，扯皮條，咩都好）一樣，大刁，啲人咪需要一啲純科技畀唔到嘅嘢。即係你見球探呀，足球經理人之類，都仲存在。但，如果係普通小型班嘅，就真係玩「足球經理人」算啦，好似幾舊水之嘛。

22. 當年見過個鬼佬獵頭，堅係pro到一個點，佢pro到可以出newsletter話你知邊個去咗邊。勁到係我同佢傾，佢可以盤完我性格，期望，知完我做乜後，幫我有邊間可以試。佢完全知道同行邊一間行，邊個做緊阿頭，邊個就快走，邊度想開新添請人。真係勁到西飛利。人地呢啲，本行出身，賣嘅係佢咁多年嘅撈烤同叻鑊勁，真係唔會為賺你一兩單佣推條廢柴去做衰自己個名

23. 呢啲就唔係啲英美紐澳加三流大學返嚟嘅小妹妹（sorry）可比了。唔止一次，真係我要教返個小妹妹，咩叫sell side 咩叫buy side。Research Analyst係做乜，點解公司要請。你想像下等於你做球探或經理人，而你唔知前鋒同後防有乜分別，點解要有條友守龍門，咁上下。初期我會當睇女識女咁同佢地癲，後期就真係不要浪費老哥我時間。我寫多篇文好過啦。正所謂，人必自侮然後侯姆斯。

（＊）最後發現，呢份嘢叫做Job Market。仲要其實題目嘅嗰首歌，係Job Market 而唔係 Classified Post。唔知係佢失敗定我失敗，廣告本身我好記得，但唔記得係邊間公司。應該係畀錢落廣告嘅惡夢。

（＊＊）真人真事，唔怕畀你笑下。當年美國大選（＊＊＊）嘛，呀標哥在刨Financial Times，就問我，喂呀埃汾，你熟唔熟美國Electoral College 嘅嘢。我以為佢問升學，結果佢就「屌～～」一聲。呢個故事我會同而家啲小朋友講，話畀佢地知，當年我都係十分蕃薯嘅。

（＊＊＊）其實唔鍾意星上星，但都係要講。當年另外有個同事，番書仔。美國大選嘛，咁此人唔係好得標哥歡心，後來被炒，但又唔知標哥唔鍾意佢。成日就主動講嘢。例如美國大選live score（當年已有），佢同標哥講：「標哥，布殊輸咗賓洲呀」。標哥就答佢「咩賓周？你嗰條？」