穿越清朝攻略四阿哥（下） . 「可以一齊返去？」四阿哥有啲疑惑。 . 我指住個馬鐙：「我哋一齊將血滴喺上面。」 . 我拎起小刀，正想割破我哋嘅手指，四阿哥大叫：「等等！」 . 四阿哥解釋：「不如試吓帶啲現代嘅特產，幫我......成就王圖霸業。」 . ， 有道理，不過我只係個普通人，買唔到槍炮，清朝又無得用電。 . 所以我哋就買咗一堆太陽能時鐘，據講康熙鍾意收藏鐘錶，就算佢唔鍾意呢款，用嚟巴結王公大臣都好有用。 . 時鐘價錢唔貴，我哋將包袱裝滿後，四阿哥問：「你仲有無錢？買啲金條。」 . 金條？四阿哥點都係皇子，應該大把錢啦。 . ， 「你要入我嘅王府，我自然寵你愛你，但王府有專門嘅賬房，初時我喺金錢上唔方便太偏袒你。」 四阿哥深情款款咁講：「你換啲金條做私房錢，會生活得舒服啲。」 . 咁又係，我睇電視劇都知，小鬼難纏，啲妃子王妃都要畀錢打點下人。 . 既然我都諗住去清朝唔返嚟，我就用盡積蓄買金條。 . 不過我積蓄唔多，喺四阿哥嘅慫恿下，我都向財務公司借咗唔少錢。 . ， 我哋一人揹住一個大包袱，將血滴喺馬鐙上，眼前一黑，就咁穿越咗。 . 我睜開眼睛，第一個感覺係好臭！ . 我望一望周圍，原來我哋身處馬廄中，仲要不幸跌落馬糞中。 . 我問四阿哥：「呢度係邊度嚟？」 . 「雍親王府。」四阿哥答。 . ， 咁咪即係四阿哥嘅屋企？我即刻講：「你快啲叫人嚟，幫我哋清潔吓啦。」 . 四阿哥用一個奇怪嘅眼神望向我，然後一手扯走我嘅包袱。 . 「你做咩啊？你唔喊我喊啦。」我扯開嗓子：「雍......」 . 四阿哥捂住我個口，搞到我成口都係馬糞。 . ， 「你唔好叫，我就同你解釋。」四阿哥面目猙獰。 . 我連忙示意答應，唔通呢個馬廄中，收藏咗四阿哥嘅政治秘密？ . 點知四阿哥講嘅嘢，令我目瞪口呆。 . 佢話，佢唔係四阿哥，佢只係四阿哥府上嘅一個馬夫，叫牛阿大，負責清理工具，打掃馬糞。 . 嗰日佢清理馬鐙時，唔小心整親手，就咁穿越過嚟。 . ， 我咬牙切齒咁問：「點解你要扮四阿哥？」 . 「我無啦啦去到陌生地方，突然有個女人話我係四阿哥，我梗係唔出聲，靜觀其變啦。」牛阿大冷笑：「估唔到你個傻女人，咁想做我老婆。」 . 牛阿大穿越到現代，著嘅衫的確好樸素，但我以為佢微服出行......哎，我以為剩係得皇子筍盤會穿越㗎嘛，乜路人甲都可以穿越㗎咩？ . ， 諗到我為佢傾家蕩產，我就想喊。 . 牛阿大低喝：「唔准咁大聲，一陣引來侍衛，佢哋以為你係刺客，一刀捅死你。」 . 「我引來侍衛，你都唔會好過掛？」我冷笑。 . 牛阿大反駁：「我至少仲有個馬夫嘅身份，最多俾人罰，你就來歷不明啦。」 . ， 我咬牙切齒咁問：「咁你想我點啊？」 . 牛老大咁講：「你有兩個選擇，一係穿越番去，當無事發生過。我會整爛個馬鐙，你都唔駛再嚟。」 . 牛老大攬住兩個包袱，明顯唔會畀番我。 . 「你至少畀少少金條我，我返去都要還債。」我哀求道。 . ， 牛老大冷笑一聲，繼續講：「第二個選擇，就係留喺度，做我老婆。聽朝我會托相熟嘅下人，將你送出王府，話係我鄉下嚟嘅表妹，我會同你成親。」 . 「你仲想我做你老婆？」我勃然大怒。 . 牛老大沾沾自喜：「益咗你啦，有咗呢堆時鐘，上頭好可能會賞識我，升我職。就算升唔到職，我都有金條，可以買田買地。」 . ， 「金條係我㗎。」我撲埋去，想搶走個包袱，卻被牛老大一腳踢開。 . 我悲從中來：「你分明呃我，你係騙子！」 . 返去現代，我要承擔沉重嘅債務；留喺古代，就要做一個馬夫嘅老婆。 . 呢個世界有四阿哥，但牛老大會畀機會我見到佢？我真係可以討得佢嘅歡心？ . 我第一次對自己產生深深嘅懷疑。 . ， 我傷心到出唔到聲，牛老大催我：「喂，你快啲決定，你唔走我就整爛個馬鐙啦。」 . 我連滾帶爬咁企喺身，就算要背負沉重嘅債務，我都唔要嫁畀一個騙子！ . 臨走前，牛老大同我講咗一句說話：「你無呃我咩？你又話，你愛嘅係我嘅靈魂，唔係我嘅身份？」 . ， 事後諗諗，佢又問得有道理。 . 佢唔係皇子，佢係騙子，但我又何嘗唔係一個騙子？ . 只不過，每個騙子，都以為自己唔會俾其他騙子呃。 . －完－ . #短故 #短篇 #小說 #陳美濤 #廣東話 #粵語 #tomatochan #穿越清朝攻略四阿哥

穿越清朝攻略四阿哥（上） . 我叫綿綿，喺其他人眼中，我係一個好普通嘅OL。 . 但其實我有一個好宏大嘅夢想，我想穿越去清朝，同四阿哥（未來雍正）拍拖，日後再做埋佢嘅皇后。 . 我睇晒所有關於穿越清朝嘅電視劇，確定四阿哥面冷心熱、有實幹之才，係我心目中嘅男神。 . 我已經做好準備，了解晒四阿哥嘅喜好，有信心可以令四阿哥愛上我。 . ， 萬事俱備，只欠一件事：穿越。 . 我點樣穿越番清朝？電視劇話畀我哋知，穿越有幾種方法，最常見係「突然穿」（唔知點解穿越）同「死亡穿」。 . 呢兩種穿越方法都好難模仿，而且無法控制穿越嘅地點，話唔定我想穿越去清朝，結果變咗唐朝。 . 仲有一種方法，我稱為「物品穿」，意思係得到某古人流傳至今嘅物品，跟住量子力學、九星連珠......總之會穿越並遇到嗰個古人。 . ， 「物品穿」最為安全可靠，其中最常見嘅物品係玉佩。 . 但係玉本身就唔平，仲要係雍正嘅玉，算係古董，唔係我負擔得起嘅價錢。 . 我成日行附近嘅古董街，終於從一個擺地攤嘅小販上，買到一個聲稱係「四阿哥用過」嘅馬鐙。 . 可能你會話，小販可能係呃我，但價格便宜，我都想搏吓。 . ， 拎咗個馬鐙返屋企，咁啱係月圓之夜，首先就照吓月光，馬鐙無反應。 . 第二招，滴血。 . 「物品穿」嘅主角，會意外將自己嘅血滴喺物品上。 . 我就唔等意外啦，直接用針刺破指頭，滴咗一滴血落去。 . ， 突然之間，一個梳辮子頭嘅男人，憑空出現喺我面前。 . 「四......四阿哥？」我目瞪口呆，點解唔係我穿越，係佢穿越過嚟？ . 四阿哥一臉驚疑，我回過神來，「反穿越」都係電視劇有嘅橋段，大概係男主角穿越到現代，畀機會佢同女主角培養感情，之後再一齊返古代。 . 「反穿越」都有一定意義，四阿哥喺清朝婢僕成群， 如果我係肉身穿越返去，無特殊背景，分分鐘接近唔到佢；而現代就係我嘅主場啦。 . ， 好彩，清朝官話同現代語言，已經有唔少相似之處，我哋都可以溝通到。 . 四阿哥話，佢落馬時受咗傷，血濺落馬鐙度，眼前一黑，就出現喺呢度。 . 我就話我無意中買咗個馬鐙，再無意中整親手......一切都係意外。 . 自此之後，四阿哥就喺我屋企住落嚟。 . ， 四阿哥雖然無電視劇中咁靚仔，但個樣都唔太差。 . 我教佢用現代人嘅嘢，廁所、電燈、手機等等。 . 我仲上網搵咗一堆清朝歷史畀佢睇，歷史上，雍正好似係過勞而死，我就提醒佢要勞逸結合，先可以長命百歲。 . 我對佢對咁體貼，佢都好溫柔，所以我哋好快就開始拍拖。 . ， 美中不足嘅係，四阿哥無身份證，唔可以出去打工。 . 我要養多一個大男人，而且四阿哥對生活質素都幾有要求，始終係皇子嘛，為咗鞏固感情，我寧願虧待自己，都唔敢薄待佢。 . 我仔細審視我哋嘅感情進展，嗰啲電視劇四目交投、接吻、看星星看月亮嘅劇情，都已經發生晒。 . 係時候啦，我哋係時候返清朝，開展我嘅皇后之路。 . ， 「要返去啊？」四阿哥皺皺眉。 . 我反問：「你唔想返去咩？嗰度有你嘅親人朋友，有你嘅大業你嘅夢想。」 . 四阿哥捉住我隻手，含情脈脈咁講：「我唔捨得你。」 . 「我哋一齊返去。」我投資咗咁多，點會畀佢自己走。 . 待續... . #短故 #短篇 #小說 #陳美濤 #廣東話 #粵語 #tomatochan #穿越清朝攻略四阿哥

【@girlstyle.mag】80、90後必看過12套TVB高質神劇！ . 不少電視迷都說TVB近年的製作似乎不及當年，難以成為經典！反觀從前的劇集，就算10多年過去，但至今都依然令人印象深刻。現在就一起來重溫80、90後必看過的12套經典神劇，就算已翻播了多少回，都不會看膩！ # 《難兄難弟》1997年 說到《難兄難弟》，大家一定都會想起當年炙手可熱主題曲：「人情人情如做戲 有真心假意地」，真的是滿滿回憶！當年由羅嘉良飾演「呂奇」、張可頤扮飾「寶珠」、吳鎮宇飾「四哥」及宣萱飾「蕭芳芳」，此經典組合真是可一不可再，成為《萬千星輝賀台慶》「年度最佳劇集」。 . # 《美味天王》1997年 《美味天王》是以美食為主題，為輕鬆、搞笑的台慶劇，全劇共29集。角色陣容龐大，包括有秦沛、歐陽震華、沈殿霞、關詠荷等人，為TVB 30週年台慶劇。此劇大多的外景均在赤柱取景。 . # 《金裝四大才子》2000年 劇集以明代中葉江南四大才子對抗寧王故事為主軸，當年TVB也非常看重這劇集，邀請了8位當家小生及花旦演出，四位才子唐伯虎、祝枝山、文徵明及周文賓由張家輝、歐陽震華、林家棟、魏駿傑等人主演，全劇共52集，主題曲《君子好逑》更是4位小生及4位花旦一同合唱。 . # 《十月初五的月光》2000年 《十月初五的月光》是一套時裝親情愛情電視劇，以澳門十月初五街為背景，主要講述一對青梅竹馬並無血緣關係的兄妹文初（張智霖飾）和祝君好（佘詩曼飾），及後來加入的司徒禮信（馬浚偉飾）的愛情故事。 . 當時劇中的「初哥哥」自小是一名啞巴，但是總是非常貼心的照顧君好，兩人也有以哨子的吹聲作暗號，令到不少劇迷都超愛「初哥哥」，可惜兩人的愛情卻遭到君好的媽媽反對，終未能收成正果，有部分劇迷認為這是一種遺憾～ . # 《尋秦記》2000年 《尋秦記》絕對是穿越劇的始祖，劇集最值得回味的就是由古天樂飾演的「項少龍」回去古代，不時以現代人的口吻講一些搞笑術語，令到劇集整個增添喜感及趣味性，據悉原來當時有不少對白是古天樂拍攝時自己親自加上去。 . # 《小寶與康熙》2001年 《小寶與康熙》是根據金庸所著的武俠小說《鹿鼎記》改編，為清裝武打劇集，一共有40集，由張衛健、譚耀文及林心如等領銜主演，當年看著小寶「追女仔」超好笑，而且劇集更是雲集了超多大牌的後宮，如朱茵、林心如、舒淇、陳法蓉、吳辰君、張茜、麥家琪等人，當年還在比較那個女生才跟小寶最合襯～ . # 《封神榜》2001年 《封神榜》全劇共40集，由陳浩民、錢嘉樂、葉璇、苑瓊丹、元華、溫碧霞及李家聲領銜主演，劇集首播時就已經大受歡迎，最經典的場景一定少不了「哪吒削骨還父，削肉還母」、「殷十娘教仔」、「迫西伯侯吃兒子的肉丸」、「比干取心」等，真的是幕幕都是經典，即使劇集再被重播，也仍然會屢創收視佳績。 . # 《無頭東宮》2002年 「如眼睛可分對或錯 這麼一瞬間看清楚我麼 藏於心底那真誠 如何共你譜千載情歌」相信不少80、90後對於《無頭東宮》主題曲已耳熟能祥，劇集由陳妙瑛、向海嵐、張兆輝及魏駿傑領銜主演，一共有30集，當年陳妙瑛與向海嵐換臉一幕，真的看到有點毛骨悚然。 . # 《流金歲月》2002年 《流金歲月》為TVB 35週年台慶劇，由羅嘉良、溫兆倫、宣萱、林峯、葉璇及向海嵐領銜主演，主要描述丁善本(羅嘉良飾)因養育之恩、手足之情等發生的故事，捲入了江湖鬥爭中。劇集更遠赴澳洲拍攝外景，小編最記得還是劇集清脆的主題曲～ . # 《金枝欲孽》2004年 《金枝欲孽》是清裝宮廷後宮鬥爭電視劇，由張可頤、佘詩曼、黎姿、鄧萃雯、林保怡及陳豪領銜主演，一共有30集，劇中講述後宮妃嬪間的鉤心鬥角以及小人物的悲歡離合，展現出人與人之間的鬥爭及人性之黑暗與光輝，超具諷刺的意味。 . # 《溏心風暴》2007年 《溏心風暴》是一套關於家庭爭產劇集，當年劇集可是請來了一班老戲骨，如李司棋、夏雨、米雪及關菊英等人，搭檔人氣小生、花旦，終成為了當年收視最高的劇集，收視最高更去到48點，在年尾頒獎禮更大熱橫掃6個獎項。後來也再添食，拍攝第二輯名為《家好月圓》。 . # 《天與地》2011年 《天與地》是首次以冷門題材展現，有惹人爭議的「人食人」情節，同時會探討搖滾精神、人性、政治及宗教等議題，該劇風格大膽創新，加上引觀眾共鳴對白與對香港社會現狀不滿的情節，受到不少年輕人喜愛，更一度被香港網民譽為「神劇」。 . 雖然劇集最終收視平平，但是在《萬千星輝頒獎典禮2012》，該劇獲得約8萬觀眾票選支持，成為以全民投票方式選出的「最佳劇集」 . #女生Gossip熱話 #TVB高質神劇 .⠀ FB: GirlStyle 女生日常⠀ 『 💌如果妳都有打卡靚相／情侶甜蜜照想同讀者分享 📷即刻 #GirlStyle女生日常 或tag我哋或inbox比小編！我哋會係女生日常嘅IG同大家分享💕 』⠀ .⠀⠀ #hkig #hkgirls #beauty #lyrics #hkiger #love #sisters #lovemygirls #mygirls #hklife #hkboy #hkgirl #hkboys #hkgirls #852 #hkcouples #hkstore #hkonlineshop #hklover