八九月份敗家合集✨ . 1. Dual Flow 輪廻 / Mixture Tribal Ring 今年突然拎返隻戒指出嚟戴，都諗咗好耐想加多隻，響開投票時有人同我講小朋友才做選擇，最後決定買晒兩隻lol 介紹返呢個係來自日本杉山孝博個人品牌，比起西方嘅銀器明顯細緻好多，仲有獨特技法令銀器有種霧化嘅表層好有質感（不過一路戴會慢慢變返普通銀器嘅光滑感，所以一日未影相一日都唔戴住）而我比較鐘意佢早期偏日本傳統加民族風嘅風格，近年佢變咗侏羅紀公園fans，就好似今年個戒指座都變埋恐龍皮（上年係圈圈款好襯我嗰隻的） . 2. MALIN+GOETZ 日間／夜間嘅暗瘡精華 用咗一萬年嘅日本暗瘡膏終於用哂，而家又冇得飛去日本買，而香港donki亦冇日本暗瘡膏賣，最後朋友介紹呢隻紐約品牌，價錢都唔平但係用天然成份，分別買咗係日間同夜間暗瘡精華，前者啫喱狀後者則係粉液狀，後者係玻璃樽然後上面有層透明水隔住下面啲粉，搖勻咗隔日就會沉澱返感覺好Pro咁，至於效用就要用落先知 . 3. Stüssy & Birkenstock Boston Clog 響近十年前有期成日著Birkenstock然後著到腳臭就戒咗，一路都想買返對但平時又唔係成日著拖鞋，不過見到呢對即刻心心眼。記得發賣當日好癲咁較鬧鐘朝早出去買，去到都只係開咗舖十五分鐘左右，最注目嘅粉紅色已經冇哂大碼，其次嘅卡其色都冇哂我碼（到底有幾少貨喲）最後見係拖鞋就買咗大一個碼算，今次店員姐姐幾好人肯俾有著襪嘅試穿，當年同Nike聯乘隻拖鞋唔俾試，買咗兩對都係細得滯唔啱著。其實佢去到發售前一日都係冇公布到價錢，而我未太醒時碌卡返到屋企先知成千六蚊，當堂肉赤咗，而家唔捨得著囉（笑 . 4. Billingham Hadley Pro 一路就想買返個斜孭袋但搵極都唔啱心水，就連上年個wotancraft用咗一排嫌佢重就冇乜點用，到最近拎返個超殘嘅Billingham出嚟用。用用下發現其實都幾好，有間隔又夠輕，雖然真係用得幾殘下，但應該冇乜人估到個袋已經買咗十二年。英國製1973年老字號，同而家啲made in Dongguan差十條街，當然我冇用足十二年咁誇張，有唔少日子都係放過響櫃入面，不過咁耐都冇甩皮甩骨真係幾襟，最後決定買個新色好了。話說佢哋上年推出咗新版，最大分別係個肩帶接駁位變成扣狀同可拆式，不過我都係鐘意舊版縫製式而且輕啲，價錢仲平足一半咁滯，最後一個綠色都俾我買咗了 . 5. Ermenegildo Zegna Acetate Sunglasses 識人破天荒95%off超低價入手！不過最近拎咗去配有度數鏡片所以都算係新嘢，作為屋企唯一一副太陽眼鏡，因為收埋咗響角落近幾次去曬太陽都係冇戴到出去（笑 . 6. SAVEWO 3DMASK KURO Collection 城堡灰 好似好耐冇買過口罩，前排有朋友好有愛咁送咗疊綠色俾我用咗好耐，其實佢隻灰色同綠色都好靚，重點係佢有大size，之前試過用raze嘅立體口罩，size太細下巴成日甩同勾到耳仔好痛，而呢隻就冇問題，罩內空間仲好大冇咁侷促，對於我呢啲皮膚差用外科口罩會磨到成咀都係暗瘡，呢隻口罩簡直係福音，除返平均都係$6.3可接受，過百蚊免運費直接順豐上門係幾抵玩 . 7. Godox V1c / X2T / AK-R1 / Nissin LS-55C / Phottix Softbox Umbrella 呢一切都由支閃光燈壞咗開始。其實套架生由正職用到而家全部都五勞七傷，遲早都要換，支燈用返Godox，平過原版嗰支五六倍價錢，有埋造型光同藍芽接收唔洗自己再加嘢，完全感受到科技進步，而且燈頭位置有磁石可以上唔同嘅cover效果，一set有齊咁多個頭都抵玩。燈腳就買咗日本出嘅碳纖燈腳，超輕又伸到兩米高仲好穩陣，雖然係貴咗啲但真心正，香港得一間代理仲唔係成日入貨，買埋佢最後兩支堅幸運。反光遮最初買咗最新要加罩版本，但好重同埋加罩步驟好麻煩，最後搵返停產咗嘅一開即用版，但舖頭全線得最後一把，官網賣嘅係響個白面中間有個黑位好白痴，唯有搵人上強國買 . 8. Gitzo Légende (GK 1545T-RTI) 前排陪朋友買腳架先驚嘆原來而家啲腳架又短又高又輕，反觀自己嗰支又重又矮拎得好辛苦，就決定買支新，本身想買同款嘅，但係本身嗰枝都用差唔多十年，而佢支中價品牌特價都二千中，索性買支貴啲，記得細個都幾憧憬有如腳架界法拉利嘅gitzo，價錢亦遙不可及，今次就說服自己話呢支會用三十年（其實真係用到咁耐）加上意大利出產品質一定高，配色方面呢支係帶點復古味加埋條皮製背帶，當堂唔捨得用 . 9. Peak Design Slide Lite / Cuff 最後係胡亂揮霍嘅頸帶同手帶，其實玩咁多年相機，覺得唔掛任何野響部機度係最方便同最free，好多時右條帶分分鐘仲多意外。而購買原因係買咗兩把反光遮唔啱用想換款，但佢已經冇入我想要嗰款，雖然可以俾我換返其他嘢但要即場揀冇得後數，亦都冇想買嘅燈同袋，結果求其換兩條帶。佢個招牌卡卡扣係幾方便，但唔用帶就更方便lol 其實手帶出街時都可以用下，頸帶就要去旅行先大作用啲，但而家都冇得去旅行得物冇所用就是 . 📷 RP + EF 2470 F2.8L / EF 100 F2.8L #馬高敗家博物館

今日下午又帶了🐷🐷🐷🐷🐷去了老地方吹吹冷氣、睡睡午覺。 . 每次假日外出遇上遊人在我忙不開交在清潔💩💩時拍照的種種今日不再重複覆述，下刪一萬字。今日在和🐷🐷🐷🐷🐷散步、及在☕️時亦遇到一些值得分享的趣事。今日天氣酷熱翳焗，下午三時後還是30多度的高溫，我竟然看見一個小哥哥牽着穿上衣服的愛犬玩具貴婦，邊走邊用手機拍照/錄影，好不開心，但是在這種氣溫之下，真的搞不懂是什麼玩法🧐 . 這不禁令我聯想起早前在I🐷看到過的貼文，早前初夏已經炎熱萬分，狗狗家長帶狗狗到沙灘消暑，在30多度的高溫下，將狗狗埋在沙堆下，替狗狗戴上太陽眼鏡，拍拍照，好不有型，而且該貼文還得到不少讚好及留言。當人赤腳走在砂粒上都感覺灼熱疼痛，真是搞不懂是什麼神邏輯？真正的傷害，卻換來讚好和分享🤨 . 每次和🐷🐷🐷🐷🐷上街或者到Cafe，幾近都會聽到途人或者其他顧客竊竊私語：「他們好乖哦，都會乖乖跟着在後面走，不亂衝！」、「好可愛好乖呀，會自己坐好坐定定不亂叫不亂走！」、「好乖呀，就算cafe外頭有狗狗經過或者吠叫，他們也從不理會！」..... 甚至有途人或其他顧客驚嘆以為他們5個是cafe的擺設，以為是櫥窗裝置，完全不會動，甚至有怕狗狗的朋友也會主動過來探索一番。心裏很是暗暗衷誠感謝各位的讚賞，但另一邊廂又感覺很遺憾，因為這些原本的、基本的、應該的、必須的禮貌與尊重，竟然來得這麼珍稀、罕有..... . 我經常都掛在口邊，有權利亦絕對有義務。Cafe老闆開放讓毛家人進入，是好心，但這並不來得理所當然、天經地義。如果我們去真正的寵物Cafe，必然會預期到周遭的瘋狂的吠叫、衝撞、甚至衝突；但和毛家人到普通cafe，應該不要給店家、店員、顧客帶來麻煩，其他顧客亦有享用餐點、跟朋友敘舊、放空聽聽音樂、慢活嚐嚐咖啡，形形色色的種種權利，更何況害怕狗狗的人，也不會將「怕狗」兩個字寫在額頭上，還沒有預期的被迫跟自己害怕的相處在同一空間下，但如果狗狗放鬆冷靜，斯斯文文躺在您腳邊或者坐在您身旁/懷中，靜悄悄分享這同一空間，要賺取的並不是人家的讚好，而是展現一點對公眾的尊重和尊重。 . 今天在老地方消磨了半個下午，但附近Cafe的兩個狗狗吠足全程，雖然我們逗留在室內兼且相隔了一條荷李活道，但吠叫聲仍然縈繞四周，我們cafe的落地玻璃幾近將要爆裂..... 真心佩服那家Cafe的店員及顧客的耐性與包容。我另外經常掛在口邊的，若果您是女生，我摸您，您不退縮或拒絕，那便代表默許認同，我相信大家和自己的男朋友、女朋友也是這樣的；如果狗狗家長常常說狗狗曳曳，但又從來不會想辦法做些什麼糾正狗狗的行為，那便代表狗狗的行為是正確的、是被認同的，那究竟是家長曳曳抑或是狗狗曳曳呢？這就是我的邏輯思考，千萬不要怪責狗狗，要教育的，是人類 🙇🏻‍♂️🐷🐷🐷🐷🐷🙏🏻 . 大家記得戴口罩😷勤洗手🤲🏻🚿留家抗疫💪🏻 Stay Home Stay Safe & Healthy & Happy! Wear Mask 😷 Wash Ur Hands 🤲🏻🚿 🤠 *拍照前請先打招呼詢問一下哦 *拍照前請先注意交通安全哦 *狗狗上廁所時請不要拍照哦 *我清理和拿著狗狗便便時請不要拍照哦 *摸狗狗前請先問一下 *我們鼓勵人與人之間應該多聯繫 *打個招呼拍拍照何樂而不為 *PleaseGreet&AskBeforeYouSnap *PleasePayAttentionToTrafficBeforeYouSnap *PleaseDoNotSnapWhenDoggiesPeeAndPoo *PleaseDoNotSnapWhenAmCleaningAndCarryingTheirPoops *PleaseAskBeforeYouPat *WeEncourageHumanEngagement *NothingToLooseToSayHi 🤠 #WE5 #Shibaland #Shibainus #shibas #ShibaGang #GrandpaDogTraining #Grandpa狗噏 #DogTraining #MutualRespect #WE5ShibaFamily #多尊重少包容 #文明旅遊 #柴犬 #HKShibas #ShibaFamily #HKShibas #港柴 #DiscoverHongKong #DogsofInstagram #DogPhotography #WE5Story #GrandpaPhotoGraphy #Massage #LoveWillKeepUsTogether #只要不投降就是成功 #不要棄養 #AwesomeHongKong @hk_dog_owners #ShibaPack #Canon6D #CanonHongKong

︳終極環保大鼻佬 ︳ 寶馬發布概念車iVision Circular，作為一部預想2040年汽車嘅小型電動車，佢最大特點就係全車連埋嚿電都用咗可回收物料製成，廠方仲話電池能量密度比之前更高添。 外觀方面，擋風玻璃由車頭一直延伸到車頂，形成天幕，而大家最關心嘅鼻哥窿亦因頭燈融入鬼面罩，size再次擴大，加埋面罩上面幾條LED燈條，十足車厘龜副太陽眼鏡。講到內櫳，貌似肉靈芝嘅四張凳利用循環再造塑膠製成，軑盤同錶版分別採用木粉同水晶為材料作3D打印，行車資訊則以類似HUD方式喺大銀幕底部顯示。 之但係叫得概念車，即係唔會投產，純粹畀世人見識寶馬使用回收物料嘅技術同決心，更重要嘅係解答大家對19年後寶馬鬼面罩設計嘅迷思。 #BMW #iVisionCircular #Electric ———————————————— Web - www.topgearhk.com YouTube - www.youtube.com/c/topgearhongkong 電子雜誌（網站及iPad版）- bit.ly/3mF2yDD 電子雜誌（Android版）- bit.ly/32a2LVO