#隱世臨海 #親子餐廳 #暑假活動
#親子活動 #薄餅工作坊 #親子活動好去處
#大人用餐 #托兒服務 #玩沙
☀️放暑假啦🤩🏖Summer is Coming
當然要同小朋友安排不同活動玩啦！
去 #沙灘👙 #玩水💦一定係唔少得嘅活動

上星期就同媽媽👩🏻朋友們同👧🏻小朋友🧒🏻去左就馬灣嘅Cafe Roma 整Pizza & 睇住小朋友舒舒服服食午餐🍽傾下幾，再去玩水🌊好正好Chilllllllllllllllll 😍
下次叫埋老公黎，拍下拖👫🏻小朋友玩下！💕
💜絕對係一個值得再黎👍🏻💜
😚估唔到馬灣都唔係好遠！
係青衣、荃灣或葵芳均有巴士🚌直達，車程只需15至20分鐘。中環二號碼頭乘搭渡輪，只需約30分鐘。
有關班次詳情： www.pitcl.com.hk

👨‍👩‍👧‍👦 #多元化親子活動配套
🍴餐廳與馬灣東灣泳灘相連🏖
仲特設戶外沙灘遊樂區🤹🏻
提供多款沙灘玩具予小朋友玩樂😍
餐廳備有座地玻璃，家長可以安心坐係餐廳內用餐，透過玻璃觀察小朋友在戶外玩樂的情況。🥰👍🏻👍🏻👍🏻
此外餐廳備有一系列中西繪本及兒童圖書、顏色筆及畫紙、玩具等⋯⋯均可免費借用添嫁😝

「Cafe Roma x Marcus & Marcus Amusing Kids Set 兒童套餐」
包括：是日餐湯、主菜、新鮮雜果及果汁🍹。主菜提供兩個選擇，番茄🍅西蘭花🥦蝴蝶粉及迷你夏威夷薄餅🍕
選用Marcus & Marcus的皇牌產品沙灘玩樂餐盤盛載，餐盤更富趣味的沙灘元素作設計概念，如立體的沙池、城堡及小水池等，以觸感加強小朋友的用餐體驗。定價為港幣$98😋

🍽餐廳主食都不錯👍🏻😌
強烈推介💥焗法國芝士配白松露油迷迭香松子，非常邪惡😈好味
意國風情pizza 平衡得好好^_^唔會太膩，整體來講環境服務食物都好好！
令人悠閒放鬆好地方😆

🧒🏻👧🏻兒童薄餅工作坊🍕
小朋友可以體驗薄餅製作的過程，更可藉著搓揉麵團訓練小手肌協調性。透過接觸各款食材加強感官學習，同時亦能認識不同的顏色與形狀。參加工作坊的小廚師可獲贈專屬的廚師帽及圍裙套裝，完成後更可獲頒發證書一張添嫁！

工作坊詳情
收費：每位小童港幣$320
費用包括：薄餅材料、果汁一杯、證書一張、廚師帽及圍裙套裝
工作坊時間：上午11時至下午12時
名額：四位小朋友起即可自組工作坊
對象：適合2歲或以上小孩參與
日期：逢星期二至日
*需一星期前致電(852) 3446 1226或電郵(reservations@caferoma.com.hk) 至餐廳預約

Cafe Roma
地址：香港珀麗灣沙灘商場地下 7-8 號舖 (馬灣東灣泳灘右側)
營業時間：下午12時至晚上11時(逢星期一休息)
電話：(852) 3446 1226
電郵：reservations@caferoma.com.hk
網址：www.caferoma.com.hk
Facebook：Cafe Roma
Instagram：www.instagram.com/caferomahk

#隱世臨海親子餐廳
#仲有兒童薄餅工作坊

一放暑假☀️周圍都係人，想搵個少人啲嘅地方好chill咁玩一日？去馬灣就啱晒👍🏻。

#馬灣 #東灣沙灘 隔離有間 #親子餐廳 叫Cafe Roma，餐廳門口已經係沙灘🏖️，放咗唔少玩沙玩具🔫🪣，仲有大樹可以遮陰🌴！餐廳係落地大玻璃，我同喵爸坐喺入面一邊嘆飲品🍸一邊望出去睇住兩位公子玩沙，好似去咗歐洲咁，舒服到唔想走。

餐廳設有「 #兒童薄餅工作坊」，小朋友戴上圍裙同廚師帽，化身成為小廚師🧑🏻‍🍳，跟住大廚學習搓揉麵團🫓，不但可以訓練小手肌，仲可以放自己鍾意嘅食材，再用模具造出唔同顏色同形狀嘅食材，成為獨一無二嘅Pizza🍕。凡參加工作坊嘅小朋友都可以獲得廚師帽及圍裙套裝，仲有證書頒發📃！

另外，Cafe Roma仲設計出「Cafe Roma x Marcus & Marcus Amusing Kids Set 兒童套裝」，Marcus & Marcus嘅餐具色彩繽紛🍽🌈，用上皇牌產品沙灘玩樂餐盤，立體嘅「沙池」裝主菜🍝、「城堡」放新鮮蔬菜🥦，「小水池」放上自家製番茄醬🍅，絕對可以引起小朋友嘅興趣同食慾！

呢個 #兒童餐 包括：是日餐湯、主菜、新鮮雜果同果汁。主菜可以揀 #番茄西蘭花蝴蝶粉 或 #迷你夏威夷薄餅。我哋呢日嘅餐湯係南瓜湯🎃，好綿好香，主菜係番茄西蘭花蝴蝶粉🍝，蝴蝶粉同西蘭花好淋，但唔會淋到爛，又唔會太重味，我自己都忍唔住偷食幾啖，小朋友食得好滿足呢。仲有雜果汁🍹好清甜，兩位公子追住飲。生果有好多款，成個套餐又健康又豐富！成個套餐只需$98，全日供應，性價比超高！

餐廳內亦設有 #圖書角，有好多中英文兒童繪本📚，羅宋湯捉住喵奴要我講繪本，我同佢講咗3本添！另外仲會提供顏色筆🖍及畫紙、玩具等，小朋友玩得不亦樂乎，家長又可以好chill咁嘆返一整個下午。

Cafe Roma詳情：
📍地址：香港珀麗灣沙灘商場地下7-8號舖（馬灣東灣泳灘右側）
⏰營業時間：12:00 - 23:00 （逢星期一休息）
📞電話：3446 1226
📮Email: reservations@caferoma.com.hk
🌎網址：www.caferoma.com.hk

Cafe Roma「兒童薄餅工作坊」詳情
💰收費：每位小童港幣$320
費用包括：薄餅材料、果汁一杯、證書一張、廚師帽及圍裙套裝
⏰工作坊時間：11:00 - 12:00
名額：4位小朋友起即可自組工作坊
👧🏻👦🏻對象：2歲或以上
🗓日期：逢星期二至日
*需一星期前預約

#CafeRoma #CafeRomaHK #親子好去處 #暑假好去處 #消暑好去處

【龔成問答信箱】（Q21141-Q21160）

Q21141：

老師你好，我係你股票班舊生，正分析信義光能，以及福萊特玻璃，我了解在2020年的數據。

信義銷售及毛利都比福萊特高

但ROE信義明顯低。

這樣睇，是否代表
福萊特基本因素比信義好？

龔成老師：

首先，兩間公司都是有質素的，而你在比較時，不能只分析短期的盈利情況，要分析5年數據，並將數據意義化，你要解釋翻，點解一間公司的數據較好，而另一間較弱，是技術問題？成本？入賬問題？還是甚麼原因。

信義光能（0968）的賺錢能力，的確較強，技術與規模都較福萊特玻璃（6865）好。

信義光能的毛利率較好，而你見到股本回報率福萊特玻璃好似較好，主要有兩個原因，第一，你只睇了較短期數據，而福萊特玻璃近年盈利增長較多，因此數據較好。第二，信義光能規模較大，因此而持續得到高獲利較難，而福萊特玻璃資本相對較少，因此股本回報率的數字會較高。

你在分析數據時，記住要睇5年財務數據。

其實整體來說，仍是信義光能較高質素。

至於兩間公司股價下跌，其中一個原因是光伏玻璃價大福回落，但我地分析時，唔好比短期因素影響得太多，如果你有印象，會記得我第二堂講九巴的例子，我地不是分析油價升跌，而是了解企業的營運模式，以及那個是行業較強的企業。

同時，你要睇一些較長的因素。其實這行業長期，仍是正面，只是中短期仍會較波動。

------------------------------------------------

Q21142：

老師，3988可以入手嗎？
我想月供股票，有什麼推介

2638 及0778 值得月供嗎？

龔成老師：

中行（3988）由於內地經濟無過往年代咁強，股價無過往咁好，由中美貿易戰開始，中國的經濟動力已有所減少，加上最近的疫情，都是影響經濟的因素。不過，初步已好轉，但不是高增長型。

現價合理區中間，這股收息可以，但就唔好對股價有太大期望。

至於港燈（2638）、置富（0778）可月供，佢地是收息股，增長力不強。

至於你想月供，要睇你的年齡及投資目標，平穩：盈富（2800）。

進取：恆生科指ETF（3067）

------------------------------------------------

Q21143：

本人現57歲打算退休, 自住樓已供完. 手持現金150萬, 另強積94萬及年金约$100萬(65歲可提取)。

是否建議加按再買一層收租,
還是把現金先增值?

有興趣上堂但有沒有星期六或日上午或下午時間呢?

龔成老師：

加按原理是增加負債，雖然都可以加按後投資收息資產以提高你現金流，但風險始終會增加，對於你退休，唔太建議。

因此，會建議運用現時現金。

你可以考慮將部分現金，投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。

你可以建立一個收息股的組合，目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）、高息基金（3110）都可以。

另外，亦可考慮將部分，投資銀行的產品，要低風險，有現金流的。

我間中都會開星期六班的，通常一年開1、2次，星期六下午時間。

下次可能在今年年尾。

你或者可以預早留位，只要whatsapp 55457212我同事，打「留位星期六班」就得。我地有具體資料就會 whatsapp。

------------------------------------------------

Q21144：

龔sir，我一直睇開你facebook和書，財務自由行、80後的百萬富翁、致富藍圖等，我想建立被動收入（用股票當資產）

我30歲有一份固定職業，工資2萬7 /月(加上兼職)，計劃下年結婚生小孩，看完你的財務自由行書中提到的5條路，只可惜我沒有資產， 沒有專長，沒有生意頭腦，更不懂做生意，建立團隊成為資產什么的太困難

沒有方向，只有一份正職，但很想創造被動收入，想走出財務”死胡同”，所以全心投放資金在股票上，期望可以通過優質股達到被動收入。

我買的股票大部份衣據龔SIR你介紹的，另外借屋企人錢一齊投資股票，因為屋企人快退休，所以將他們的錢(分開戶口)，用來買收息股(約25萬)保值，自己的錢90%用來投資潛力股(30萬)

幫屋企人買的股票：
買入價
@24.4 盈富2800 2,000股
@7.75 港燈2638 3,000
@6.76 中生物1177 3,000
@14.3 藍月亮6993 2,000
@117.5 平安好醫生1833 100
@28.26 Gx恆生高息率3110 500
@55.9 2158醫渡 200
@6.98 0778置富 3,000
@13.38 0270粵海 2,000
@250 9988阿里巴巴 100
@148 6618京東健康 100

自己的股：
@23.85 盈富 1,000股
@4.73 中信 3,000
@4.48 中銀3988 5,000
@4.9 工商1398 3,000
@22.5 小米1810 800
@14.2 藝龍0780 1,200
@33 金沙1928 800
@21.5 農夫9633 200
@25.7 比亞迪電子0285 1,000
@9 和鉑醫藥2142 2,000
@5.05 澳能1183 2,000
@60.8 領展0823 200
@115.5 中國電車2845 100

另有美股：
US raas 容聯雲
US baba 阿里巴巴

我買的股票較少和分散，原本想分散投資，想問下
1.現時自己和屋企人手持的股票佔的比例合理嗎？繼續持有？
2. 自己和屋企人手持的那些股票可以不要或增加的？
3.會結婚生小孩計劃，每月要存款多少？現時將儲蓄放晒股票上合適嗎？要重新分配還是要將錢套現買物業比較好？

唔該龔sir！！

龔成老師：

如果你沒有專長，努力打工，儲蓄，並利用投資，令財富穩步增值，這是最好的方法。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

要留意一點，家人的風險承承程度不及你，你要盡量低風險，同時留有一定的現金。

所以，新經濟股、新股，其實都唔太適合，1177、6993、1833、2158、9988、6618，都不太適合。

至於你自己，方向都可以，和鉑醫藥（2142）要注意風險，唔建議太大注。

澳能建設（1183）以過往的業務來睇，只是中等，業務發展不算強，整體不差但又未算好好。

佢最近宣布，同德國創新科技企業Ｕｂｉｔｒｉｃｉｔｙ達成戰略合作，於大灣區拓展大灣區開發、製造及分銷電動汽車充電業務。

睇翻澳能果邊，主席表示，目標係兩年內在港澳大灣區安裝500至1000個充電裝置。

企業發展力都有，但早前股價其實有點超前反映。就算近期回落，這刻投資值博率未算高，如睇好，小小注好了。

至於你會計劃生小朋友，當然要留更多的現金，你可以預計一下，每月家庭的基本開支，然後預計要6個月支出的現金，就較穩健。

------------------------------------------------

Q21145：

呀Sir，我有10萬定期，10萬港股，包括9988，242@2、285，54@2，美股2萬，有3隻都係各2手，8萬現金左右係手，我有以下問題：

25歲，想3年內買樓，呀Sir你買嘅股票入面1810、1830、1177、1448，你覺得邊隻可以比較快完成我目標

另外你覺得我要溝一手285嗎？

因為我覺得自己買入價有啲貴，定係買完呀Sir你推薦股票後留番跌市再買入其他股票或者到時溝手頭上股票
唔該呀sir

龔成老師：

中生（1177）及小米（1810）潛力度都不差，但投資往往要長期先有回報，所以3年是否有收成，未知，加上這兩股現價都唔平，要注意風險，同控制注碼。另外，過度集中都是有風險的。

至於比亞迪電子（0285）去翻$40以下可加。

我地決定加注與否，要睇幾個因素，記住，並不是「拉低平均買入價」為目的。

第一，要分析這股的質素，如果無質素，就再跌都唔加。

第二，這股的類別，如潛力或增長或收息類等，是否與你的財富組合匹配，比例是否適合。

第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。

第四，現價是否有投資價值率，要平，或起碼合理，不能貴。

第五，你要在加注後，仍有現金剩。

記住，重點不是「拉低平均價」，而是組合比例與配置。

所以，你應該建立一個長遠組合的方法，然後選股及衡量平貴，建立長期組合。而你唔應該全部集中在潛力股類。

------------------------------------------------

Q21146：

老師 我又要煩你了
如果買國內樓

距離肇慶高鐵站
5-8分鐘車程 《寶能城》一個126平方米單位 105萬人民幣 （有配套辦公大樓/商圈）

但係《時代年華》距離肇慶高鐵站15-20分鐘車程 一個73平方米+一個97平方米 共2個單位 138萬（只有配套商圈）

如果買黎投資等升值 係唔係2個細單位會比1個大單位好呢？

龔成老師：

我唔太認識當區，但如果近高鐵站，我相信都有一定的價值。

其實，幾個個單位不是關鍵因素，最重要是該物業本身的質素，長遠發展力，以及租金回報率。

你要先自行預期，該物業長期的租金回報率。

如果（1）每月回報為$4000

而（2）的兩個單租金回報為$1500+$1500。

你當然要選擇（1）。

因此，你要計算租金回報率等客觀因素怎樣。

------------------------------------------------

Q21147：

龔sir, 我19年問完你意見之後，格左兩三個月後就開始左月供股票， 而家我地屋企可以月儲1萬， 有月供6千比亞迪，盈富，巴巴，各2千， 4千儲cash 。

但比亞迪最貴果時我無停供， 而家跌到咁低，好似就快拉到平均價同市場價差唔多咁， 我洗唔洗停供比亞迪？ 而巴巴我好驚佢無前景，又停唔停供好？

而3067，又唔可以月供，咁我係咪應該扣d月供股價既錢出黎，每月自己買？

另外我真心多謝你比到個希望我地，完來我地呢d 低層都有機會可以財富增值，月供真係好岩我地，我地好似命中註定銀行儲唔到錢咁，儲到小小錢，又有野要用錢

所以月供左，d錢去左第二到，令戶口低結餘，可以破解縮命！多謝你！！龔sir

龔成老師：

比亞迪（1211）你停一停先，去翻$150先開始翻月供，咁樣會較好。

原有貨，就可以長線。

至於盈富（2800）及阿里（9988）其實可以長期月供，阿里（9988）將面對內地監管可能收緊，因此風險度增加左，不過，我相信佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

又以佢的螞蟻貸款業務來講，這部分是一些網上的小型貸款業務，增長快，但監管並不如銀行般緊，因此，中央會有更多的監管針對這部分，影響了賺錢能力。

整體上，阿里，長遠仍是有發展，賺錢能力雖然有少少減，但長遠會同政府同意一些監管方法，以及找到合理的賺錢模式，你預阿里現價約在合理區中上部，這股可長線。不過，中短期會波動。

如果有貨，可持有，至於月供，只要金額不過多，無問題的。

至於3067，你只要每2個月，買入1、2手就得。原理都會類似月供的，長期進行。

你要保持長期月供上述的股，當然，都是同時留翻一定的現金，你長遠都可以累積到一定的財富，加油！

------------------------------------------------

Q21148：

你好！老師。請問2878有投資價值嗎？

另外8328，老師你點睇？

龔成老師：

晶門半導體（2878）係一間無晶圓廠半導體公司，主要從事設計、開發及銷售專有集成電路晶片產品及系統解決方案業務。

佢的產品及方案可供應用於智能手機、平板電腦、電視╱顯示器、筆記本電腦以及其他智能產品。

雖然都有一定的生意，但多年來都出現虧損，到近年才算好轉少少。

這企業質素只是一般般，唯一的賣點是現價唔貴，如果可承受風險，這類股不是不能小注，但如果是穩健型，就不應投資這股。

信義儲電（8328）由信義玻璃（0868）分拆上市，主要在香港從事汽車玻璃的銷售、安裝及維修。

佢於中國內地生產及銷售鋰電池產品、電池包、儲能系統，以及提供合約加工服務。

這企業長遠發展正面，有潛力，但要留意業務較波動，同時現價貴，如想投資，小注好了。

------------------------------------------------

Q21149：

我想問投資長期，其實用咩概念去買比較好，睇股價價定公司前景？

龔成老師：

我地買股票就是買入一間公司，所以分析點要從分析公司的角度出發。

簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。

例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。

如果要深入分析，基本上要好仔細的研究企業，要分析好多財務數據用比率，先至有較完整的答案。

我地投資時，會先考慮企業的質素，之後再考慮平貴。

------------------------------------------------

Q21150：

龔成老師，兩年前你比我的建議是好的。奈何身體有點毛病，要用錢，所以手上已經沒有了股票

也無積蓄了

份工因為疫情減人工，無了兩成，得返2萬5左右，所以已經無閒錢了

都不知點生活落去，到底好唔好加長年期去供樓？這樣可以有點資金去做返月供股價了

但現在，都接近3萬的恒指，是否都合再開始供股？

龔成老師：

如果你這情況，不過儲現金先，增加你的防守力，至於投資，暫時就唔好太急。

希望等疫情過去，經濟好轉後，你人工增加翻，可以有更多資金剩，之後先投資。所以暫時唔太建議你改變按揭部分，反而等多1、2年，再睇情況先決定。

加上現時大市又不是特別平，暫時不用行這一步。

------------------------------------------------

Q21151：

Kung sir, 想請教本人現擁有新界西某屋苑一個2房單位，早3年前買入，到現在沒有升跌。

小朋友快2歲，我和太太希望換市區樓，方便小朋友番學，但現擁有既樓按係本人太太，我做擔保，太太現在沒有工作。想請問我們是否應先成功放售現在單位後才用我名買入呢？

因為如果未賣出，我做唔到按揭，但聽聞樓市會有小陽春，如果我賣了，但又未及時買入，變相我成本會增加了，假設樓市升的話。

另外想請教king sir, 如何我想買市區2房，租比人，自己另外租一間3房，想請教kung sir 認為1000萬樓下有咩區會比較有投資價值，同時日後自己住番都係一個好選擇，

很亂，請kung sir 指教

龔成老師：

我先講香港樓市情況，中短期會有少少上落（但不會大跌），長遠會向上。

首先要睇經濟基本面，如果經濟持續地差，失業率上升，樓市終會向下，這會對樓市有中期性的影響，不過，就算跌，都不會大跌，最多只是小跌，如果經濟差的情況不是太大，甚至不跌，這是由於背後的需求大。

在長遠計，我仍相信樓市在長遠計，因供求關係，仍是向上多。因為現時香港買樓的需求仍大，而長期供應不足，加上政府往後施政只會更加困難，好多所謂的大計劃都未必能夠實行，又或最後規模細左。

另一方面，需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

另外，樓市另一作用是「投資」，現時的租金無大跌情況，以投資回報率的角度分析，樓價都不會大跌，因此樓市平穩。

長遠計，租金及樓價會平穩，有少少向上，但不是倍升，不會好似過往般倍升，而是平穩向上。

至於你的情況，由於較難在未賣出的情況下你買到第二層樓，因此，你先賣出現時物業，是較為穩陣的做法。

只要你賣出及買入，中間的時間差不要太大，就無問題，不用太擔心，你在賣樓過程，都已經可以開始睇樓。

至於你話投資物業出租，可考處堅尼地城、大圍，都是地點不差，出租易，以及長遠正面的地區，你可以考慮，但如果你日後都有自住的可能性，都要考慮自己是否方便的因素。

------------------------------------------------

Q21152：

老師，我係投資初哥，每月大約有一萬儲蓄可以投資
最近買左老師本股票勝經睇
然後打算係恆生銀行做月供股票

$2000煤氣公司
$3000領展

請問呢個組合好嗎？

龔成老師：

要睇你的年齡及風險承受程度，上述兩股，都適合投資初階者的，你可以開始進行月供。

上述兩股都是有質素，可以長期月供的，但增長力就不算好強，整體來說，適合中年、年長的人士。

如果你較年輕，可以等你有較多財務知識後，加入一些潛力股。

------------------------------------------------

Q21153：

龔sir 你好，多謝阿sir你既《股票勝經》& 《年報勝經》，真係令我對股票賺錢有左唔同既諗法。我現時是大學Final Year 有三樣野想問阿sir：

1. 我現時有2手388，想問下好唔好放左1手388轉買1830？有1手388所係幾年前 $36X既時候買；另1手係上年 $2XX既時候買。

之前見你係網度介紹1830，所以當係功課，用《年報勝經》既方法去睇三年年報，發覺1830真係好掂，而且見佢仲打算擴大全球業務

我驚之後冇得係$4-5啲位去買番，唔想走左個機會，但依家唔夠錢，所以諗緊好唔好放左1手388換2手1830？

2. 除左生活選股法，仲有冇其他方法可以好似你搵到甘多潛力股？

3. 聽左你講月供股票，覺得你講得好有道理，但唔想比銀行賺甘多手續費，所以想問，之後出嚟做野買股票，係學番自己依幾年甘蓄夠1手甘去買，定還是都係月供股票好？

龔成老師：

1）買入價並不是分析的重點，最重要是你想設計一個怎樣的財富組合，當中要有質素，要平衡的。

港交所（0388）有質素，但如果你持有%好多，就可以考慮轉少少到必瘦站（1830），兩隻都有質素的。

不過必瘦站現價又唔平，如果你完全無貨，不如買入少少先，之後等跌先正式買入。

2）其實我股票班會教5種選股方法，生活選股法只是其中一種，另外仲有如篩選3步曲，教你由全港2000間上市公司，一步步選出一些優質股，往往是市場未發掘到的。

3）月供股票的好處，就是平均買入價，減少一次過在高位買入的風險。

但如果你本身有一定的投資知識，能把握買賣時機及企業估值，就不用進行月供。

------------------------------------------------

Q21154：

龔 sir，見近期市況不穩，我調整左投資組合，想請教一下：

現持有 9988 (1000股@$236)，728 (60000股@$2.66)，941 (1000 股@ $51)，700 (100股@ $630)，1299 (1000股@ $100)，2845 (1000股@$128)，2628 (10000股@ $17.5)

還持有現金約 200 萬，本人32歲，已婚，有 1 個小朋友，兩人月入共約 8 萬，供樓佔 2.2 萬

想打算中長線持有中移動，想問現價是否合理，還是再等股價回落 50以下?

龔成老師：

現時持有的，都是有質素的股票，基本上都有平衡配置的效果，無太大問題，不過電訊股持有的2隻，都是增長力唔算強的，算是收息股，以你的年齡32歲，可以唔需要太保守，原有貨持有就得，之後不用再加注。

中移動（0941）其實質素的，5G雖然對佢有正面影響，不過，中國政府希望相關費用不會太貴，令資訊流通更好便利，所以，對佢的賺錢能力方面，未必能帶來突破性的增長。

可視佢為收息股，增長力不算強，這股有長線投資價值。現價合理。除非去到$50甚至更低，否則，你不用加注。

反而你可考慮其他平穩增長股及潛力股。

------------------------------------------------

Q21155：

老師你好
想問下 我有幾手3690
買入價$322

現階段點睇美團？
應該再溝貨？定係做對沖？

龔成老師：

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

美團點評（3690）有潛力的，過往一直虧損，到近一年，開始有正現金流，這是一個實質的利好因素，因為之前一直在燒銀紙，現時初步見到成效，不過，估值的方法好虛無，因為現時的市盈率仍過百倍。

如果有利好消息，佢可以上好多，但如果估值修正，股價可太跌。

只可以話，潛力是有的，現價唔算平，之前明顯貴，之後回翻好少少，大約合理區頂至略貴，不過，一定不能大注。

你原有貨可持有，如果持貨不過多，可以等再跌多1成以上，考慮加少少。

------------------------------------------------

Q21156：

想問下，收息用，1883優質嗎
對比6823和941，邊隻好d
Thanks

龔成老師：

3隻都是不差的收息股，中信國際電訊（1883）業務穩定，整體質素算是不差，過往股價的波動亦不大。佢近年的生意都保持穩定，盈利亦是一樣，相信市場結構令佢處於一個穩定賺錢的狀態，不過，增長力就不強。

盈利就穩定並平穩增長，但始終生意無上升，點都會有扣分的地方。

相信佢能平穩發展，收息可以，但就不要對股價有太大期望。

佢股息率比另外兩隻高，不過就不建議太大注。

如果穩健度，就香港電訊（6823）較高。

------------------------------------------------

Q21157：

剛剛買了謝謝

謝謝回覆
我而家33歲
我其實想砌一個
5m 左右長倉

我有800k 煤氣 average $11.8

200k 領展 $69.7

3319 暫時得 1750股 at 33.35

最大問題係之前知識不足
做錯投資

我存有以下股票
50000股 1475 @7.4
800股9988 @260
100股700 @ 680
100 股3606 @ 53
12000股 1337 @ 2.54

以上股票我應否換馬

十分感謝你回覆

我知道自己之前將trade 同investment 混淆左

而家知自己想要咩
以我年紀
30% 保守
70% （穩健増長和潛力）

謝謝你

龔成老師：

保持閱讀，保持進步。

最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。

你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。

你要分析你的投資目標，你想潛力股的比例多少？平穩股的比例多少？組合風險程度如果？

即是你想設計一個怎樣的投資組合？長期、優質、平衡、適合你。

你現時33歲，財富有一定的增長力，可投資平穩增長股+潛力股。

煤氣（0003）雖然有質素，但增長力唔算好強，所以不應佔你組合比例太多。

領展（0823）這股適合你，但你都要注意，同一隻股票不應佔比太多。

至於你其他持股，都有質素的，只要控制好比例配置就無問題。其實唔需要轉，只要設計好組合比例。

當我地進行人生財富累積，會運用「先增值，後現金流」作方法，年輕人應投資較多增值類資產，而較年長的，則應投資較多保守類項目，因為年輕人的財富系統未成形，同時負擔較少，可承受的風險度較高，所以會著重增值為先。

例如初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到年紀漸長或已累積了相當財富後，才漸漸轉成收息型股票。

所以，你33歲，可以投資「平穩增長股」+「潛力股」作核心。

------------------------------------------------

Q21158：

龔老師，投資車位係咪睇未來既汽車既增加？

龔成老師，

這只是其中一個因素，並不是核心因素，因為車位最重要是方便，你想想，如果你是車主，如果迫車後返屋企的路要行30分鐘，不如不用車。

所以當我地分析需求時，往往會集中在當區，甚至更短距離的位置。

例如研究該屋苑的單位與車位比例，附近地區的比例，以及當區居民是否有車，收入情況等。

------------------------------------------------

Q21159：

龔sir, 想請教下而家經濟情況好壞嘅分析

而家失業率創十幾年新高，但恒指又未去到你講24000點先算平，股市內見啲人仲係等好價就想買

同第四堂文字版形容2003-2005年當時情況唔一致(當時失業率高，股市同樣成交平淡

2邊情況係一致)所以我要點諗而家究竟係經濟好定唔好呢？

龔成老師：

其實股市會行先過經濟的，所以，你唔單止用這刻的情況分析，同時要分析之後的經濟情況。

同時，每次的危機不同，我地唔能夠完全套用過去的經濟股市情況。

簡單來講，經濟會因疫苗及全球疫情受控，而慢慢好轉，即是，已經過了最差的時候，所以股市已經較難大跌，如果持貨不足，都要分注買翻D優質股在手，當然，不是大手時機。

------------------------------------------------

Q21160：

我與老婆收入約$4萬，供樓$1.4萬，加其他開支月儲約$1萬，現時持有:

823 300股@$70 = $21000
1038 500股@$45.8 = $22900
3067 1000股@18= $18000
餘下現金$7萬

請問組合可以嗎?

將來打算每月入100股3067，每兩個月入100股823，每半年入1手1038，另找機會於$37入1928，$40入66，$22入1972或$30蚊入12，選1隻每半年買入一次，務求令持股各佔20%，股票及現金比例在80:20

希望10年後股票過300萬，股息每年可收$10萬以上，不知計劃是否可行?

此外，路勁1098是否潛力股?高息率及低pe，低pe會否在日後因其轉型為地產股而大幅上升呢?

龔成老師：

你現時的組合，無問題，都是有質素的，你長線持有就得，但你只持有3股，其實會較為集中，所以，長遠最好加入其他優質股，建立一個更平衡的組合。

至於你打算買入的股票及方向，可以。但現金在現時的市況平貴，建議由2成上升至3成。

整本上，大方向正確，你可以進行，但如果要$300萬，其實宜投資翻多少少有增長力的股，1038、1972、1928增長力都只是中等，並不強，你要同時找一些較有增長力，或者提高3067的買入金額。

路勁（1098）佢的業務，包括左發展地產、收費公路、投資管理等。近年，發展地產已經成為左佢的主要業務。

佢業務不差，增長快，基本上都有質素，但負債有點多，加上規模不算大，這就會成為風險。長遠的投資價值有，但就唔建議太大注。

----------------------------------------------

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。

將軍澳|The LOHAS |日出康城|Fresh 新鮮生活|港鐵|MTR | 2萬呎超市買啲乜
#將軍澳 #thelohas #日出康城 #Fresh新鮮生活 #港鐵|MTR #掃貨必去
#特色主題 #香港製造 #Omakase #寵物零食

今日帶大家來到將軍澳地鐵上蓋一個大型商場The Lohas

裏面一個全新概念的大型超市, 佔地2萬呎，

我估計裏面的貨品定會超過二萬款

其中被我遇到三位顧客, 他們好iconic, 好有象徵意義

究竟他們象徵什麼? 片尾我會開估,

裏面設有26個特色主題區域，提供本地及環球新鮮食材

更加支持香港製造創意品牌，引入了接近一千五百種香港製造產品

除了為顧客提供新鮮食材選擇，亦都提供多個嶄新餐飲選擇，

例如即場海鮮加工服務、首創超市版Omakase（廚師發辦）

現場即製香腸午餐肉、小炒菜式、5無健康指示牌 、優質寵物零食區

為顧客即時磨米服務、引用先進的付款方式，以免聚集人群

無須付款排長龍等等, 在場每一個售賣Counter佈局，

都經過精心設計，務求令顧客感受到店員的親和力和專業產品資訊

這個超市很著重店員跟顧客交流, 保留一般超市或百貨公司缺乏的人情味

他們嚴選店內的零食, 參考衛生署的健康指引，

駐場有兩位品酒師，解答專業的酒品資訊，

多款印度食品、香料專區， 在場亦有日式健康美容產品

專為素食者而設多款新穎美食、產品多、服務優質、多選擇，價錢豐儉由人

歡迎各位網友跟阿Tsar遊樂團，

參觀這個嶄新的Fresh新鮮生活大型超市

Are you ready?

首先帶大家來到海鮮城, 見到一個好大的魚缸

擺放了來自不同國家高級海鮮， 長腳蟹、松葉蟹、水晶蟹 ，

超大型龍蝦 、蜆殼類 ，那麼大隻海鮮

你會否怕家中未必有這麼大個的蒸爐去煮呢

來到這裹你絕不需要擔心，因為這裏提供即買即煮服務

煮的方法及加工費用，例如豉汁炒、花雕蒸、

上湯焗等等的方法以及收費, 一一在牆上面寫得清清楚楚

明碼實價，顧客可以即時用電子付款方式收費

之後廚師就會將買來的海鮮進行清理，再拎去煮場館，

進行加工和烹煮，大概你預半個小時，

就可以了，下面亦有每日最抵買，價錢豐儉由人

旁邊亦有游水淡水魚和冰鮮魚售賣，排列得整整齊齊任你揀

另外即時買的魚，廚房設在售賣counter後面

不怕劏魚的時候，血水和魚腥味一點都冇，

保持最衛生、最優質的服務

煮場館除了處理加工烹煮海鮮之外，

他們亦負責這裹的兩餸飯的餸菜小炒，

入面由一個大廚主理烹煮多種餸菜 ，

個菜盆入面設計得好淺 ，因為盡量要保持食物新鮮、 夠鑊氣、夠熱 ，

每一盤只足夠serve六至八個人,就要再refill新的，確保食物新鮮度。

燒鵝王子有三款出名菜式 ，嫲嫲豉油雞 ，王子燒鵝，鎮店叉燒 ，

鎮店叉燒選擇梅頭中間部位 ，不要頭和尾 ，

確保叉燒肥瘦均勻 ，咬口爽脆好味 ，

王子燒鵝 ，用特別穀料飼養，養到每隻鵝大約六斤時才會劏 ，

所以見到每只燒鵝大少都差不多，

即場用風乾機風乾鵝 ，風乾20個小時 ，

確保肉質外脆均勻、隻隻金黃脆口，

嫲嫲豉油雞的來源，好多客人吃了豉油雞時，

覺得好有家的味道，用味蕾去喚醒你對嫲嫲和回憶和思念，

壽司本店, 最特別就是有外帶的Omakase，廚師發板，

有兩種選擇，一種是特選set388hkd，

有12款壽司加上丼飯 ，再加點甜品，

另外一款就是極上set, 588hkd就有16款的選擇 ,

有刺生、卷物、 丼飯 、甜品都有 ，

廚師會因應每日最新鮮嘅食材以做這些拼選給顧客，

下面亦都有一些已經包好的新鮮壽司，

價錢更加大眾化, 但質素是非常優質

你看看壽司的油脂和光澤，以這個價錢

簡直是物超所值，

這裏亦有一個一連三舖的食點，

相當受顧客歡迎， 首先他們每日新鮮製作的香腸和午餐肉 ，

見到師傅即場製作，確保每日新鮮 ，

這裏的午餐肉和香腸經過好多次改良 ，

因為要調出適合香港人口味 ，

健康得來又好味 ，可以選擇減鹽自製香腸、午餐肉

減鈉減了50個percent，其他亦有多款口味，

有蜜糖脆皮、芝士黑松露、沙爹豬肉黑等等 ，

都是賣28hkd一件 ，都不含味精或人造色素

除了買到香腸午餐肉回家之外

旁邊就是一個熱狗店，有多款口味任您選擇，

再過隔離就非常受街坊歡迎，有多款外賣小炒便當之外

脆皮豬手、芝士龍蝦伊麵、炒辣蟹、冰梅骨、

日式吉列炸蝦便當 、炒飯炒麵 ，攞上手熱辣辣㗎

驚你不夠熱, 旁邊擺多兩個微波爐

另外有選擇優質食材的甜品和沙律，

價錢都相當貼地大眾化，

Snack and Treat 零食專區是大人同細路都鍾意 ，

自助式,kid’s faviourite 和kid’s choice

好多精挑細選受小朋友歡迎的零食選擇,

這裏的零食除了安撫你的心靈 ，亦照顧你的健康

因為大部分零食都會參考衛生署指引 ，

會嚴選零食裏面的糖分、鹽份、鈉成份，

例如每100克糖少於五克啦， 每一包總脂肪少於三克 ，

鈉含量少於120毫克 ， 還有多款香港製作的本地品牌零食

除了這裹好像catwalk那麼多零食，這裹一字排開都是零食選擇

能夠在芸芸眾多的產品, 被選中上架的香港製造產品

必屬佳選, 食出香港人的精神， 靈活應變、捨我其誰

超市裏亦有好多其他的香港製造產品

好似有山手作、Nicole’s kitchen，二澳農作社，

大師姐等等的調味醬、糕點或蜂蜜都可以找到

豆本坊, 除了有好多豆製食品，亦提供好多創意素食

今時今日的素食者，已經不單純為宗教或健康原因

亦配合世界潮流，推行環保，所以產品亦推陳出新

配合顧客不同的口味和需要，

好像這個Omnipork新豬肉，香港品牌，北美研發，

100%植物製造。多用途、零毫克膽固醇、高蛋白質，

無抗生素。無激素。熱量低66%。

質感、香氣均與真免治豬肉無異，

提供人體所需的優質氨基酸，健康之選。

港式素食叉燒、 三杯鮮菇純素米漢堡、甘薯葉素牛丸

意式香草意粉、火鍋、鹵水最夾的凍豆腐， 吸汁有彈性，

獨家首選的豆腐皮，即使你不是素食者

如果好似我家中有個氣炸鍋，

你都可用來包燒鵝、蝦卷、雞胸肉一樣回味無窮

臨走前買一些已經處理好的芽菜仔、加兩磚豆腐

煲個魚湯，加少少鹽和蔥，已經是一個好豐富的養顏湯水

日日糧坊: 一個可以磨米的地方，甚至可以糴米，

現今已好少聽到糴米呢！但這裹有這一種糴米服務

幫你溝出最喜歡的幾種米， 當然你要買一整包都可以

他們提供了來自七個國家不同的米，

有日本、泰國、柬埔寨、中國、等等

揀完米之後你可以因應自己喜好，

即時可以叫店員幫你磨製喜歡的度數 ，

它有9個不同的度數 ，視乎你喜歡食糙米 或是白米 ，

可以有sample給你看，磨五分米、七分咪、白米、免洗白米

這裹有一部專程由日本訂過來的磨米機

一般白米用5至6號已可, 穀殼會在右邊袋排出來

客人可以要求拿回家用作施肥種植盆栽，十分環保

香港人日日的主要食糧除了米之外，亦有食麵

這裹提供本港一個老字號的麵食，

除了傳統蝦子麵之外、亦有好健康的菠菜麵、甘筍麵

如果你不肯定自己是否喜歡特別的選擇

可以一個一個麵買回家試下，

除了麵食和米之外，大家都可以來到雜貨區

這裹有個印度專區，有好多印度食品及各地嘅香料

印度香飯 (Biryani)，煮出來的飯特別香 ，

再加各種香料咖哩、辣椒

加些yogurt、堅果， 令到你的餐桌添多點文化色彩

這裹薑黃粉十分便宜，我曾在影片多次介紹過薑黃粉益處

強而有效的抗癌食品，我通常用薑黃粉加蜜糖飲用，

能夠迅速消除疲勞，好多時我睡得好少，都很精神

這個就是秘密所在，雜貨區見到買baking soda

平時超市賣15hkd，藥房12hkd，這裹賣10hkd，

精明的家庭主婦就知baking soda不只愛用來焗蛋糕

是強烈清潔劑， 可以將煲燶了的煲，不費吹灰之力

清潔得好像新買一樣, 有機會我示範給大家看看

藥膳農莊有好多湯包和藥膳 ，

如果你想找安眠茶、或平日手腳冰冷、想去濕

店員都可以為您提供最適合的選擇

對面個雪櫃亦都有好多不同生果、 沙律、藍莓、 士多啤梨 ，

每日揀最新鮮的生果做冷泡果茶 ，

甚至乎你飲完的生果茶可以直接食用裏面的生果

生果旁邊櫃位是鮮果殿, 有多款熱帶地區的時令水果

尤其是中秋節即到, 這裹買生果，亦有多款選擇

很多水果不是外面常見到，好像馬來西亞貓山王榴槤

文旦柚、泰國金柚 、琥珀蜜柚 、中國神石榴 、黃火龍果

送這些生果給人，沒那麼行貨，面子十足

如果你對生活有更高要求，就應該行過對面

Lohas Orchard，有來自世界各地最優質的水果

日本、 韓國、歐美、 土耳其、西班牙、澳紐

北海道紅肉蜜瓜、日本山形西瓜、 金洋瓜、台灣牛奶美濃香瓜

小朋友的嘴仔咁細，就建議買呢一個日本天之驕女蘋果

澳洲珍寶牛油果， 大大兩個58hkd， 我在澳洲超市食過，

價錢跟這一個差不多，好像這個更大

不得不提就是來自自土耳其的無花果，

最優質的無花果出產自土耳其, 而且好少出口

好少生果舖有得賣，好大隻啊，隻隻都好靚

揀無花果，要選擇紫色，有少少綠綠地

買回家可以擺放多一會，如果太綠即未熟

如果已經黑色，即過熟，好容易入面生蟲

買回家只要洗層外皮, 就可以連皮食了

Butcher Craft, 入面有個大廚叫Joey ，

玻璃櫃入面有醃製了的肉類和扒類 ，

可以買返家即煎就可以食得啦

或用氣炸鍋都得 ，亦有斧頭扒 Tomahawk

和dry aged熟成牛肉 ，出面高級西餐廳一定有這兩種食物

尤其熟成牛肉，經過處理的熟成牛肉, 牛味更濃郁 ，

如果不喜歡出面的皮太乾 ，可以叫職員幫你了出面的皮去 ，

即煎就會令到牛味最濃郁最極致 ，

亦有日本佐賀牛 A4黑毛和牛 ，澳洲加拿大牛小扒 ，

澳洲和牛M4 M5級數的肉眼扒，

如果大家不知道一個人或一家人份量都可以問大廚joey，
.......................................................

下次再傾，88! ??

成為会員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

我不能選擇怎麼生，怎麼死。
但我能決定怎麼愛，怎麼活，
這是我要的自由。

人生開端的首位偉大女性，便是媽媽。掀開記憶的匣子，回憶片段總是如水墨化開的一抹淡淡黃黃，母親的雙手無比溫柔，不知從何時起，延伸着一絲絲風霜洗禮的痕迹，被歲月流光鏤成刻紋，彷彿是前世今生的鎖鏈。往昔封建社會沒得選擇，女人一輩子當上男人背後的「賢內助」，甚而擔當母親背負千斤重，時而默默照顧着起居飲食，時而碌碌打點着大小家務，漫漫歲月磨蝕了甘心與不甘心的掙扎，反正，那時代的女人皆如此這般走到人生邊上，這種傳統無人敢非議，不認命的終歸認了命。時至千禧年，當代婦女不再被男人的身影遮蓋，然而「男主外，女主內」的傳統思想根太過深，蒂太牢固，她們依舊背着性別定型的枷鎖，天經地義生活館負責人Janis慨嘆：「我認為時下香港人都唔會睇低女人，但係，依然見到成個社會，女性受到雙重身份嘅束縛。」


機緣巧合落戶花墟

沿着太子道西，徐徐踏進一個新舊融合花香氤氳的小社區。見證歷史更迭的古舊唐樓靜靜地佇立着，據稱是戰前遺留下來，冰山一角的微末印記，早於1930年代初由一間比利時建築公司興建，當時被稱為「摩登」住宅，戰後部分建築被拆卸重建，近年港府再作一番保育活化，目前只剩下10幢，是香港市區現存最大的相連戰前唐樓群。唐樓群的旁邊是歷史悠久的「花墟」，賞花買花的人群絡繹不絕。人未至，由遠而近一陣陣撲鼻的馥郁芬芳，一下子，分不清繁花盛放，抑或是果熟蒂落。花與果，總是有一種微妙的張力，在嗅覺之中魂牽夢縈，這是一種魔力，讓人不知不覺地全然放鬆身心。偶爾見路上的貓兒在花潮中悠悠蕩蕩，大家剛巧碰頭相聚，無不是花開自有因，緣來則聚首。Janis淡淡然一句「機緣巧合」帶出了落戶此地的因由，「二零一二年間，整個花墟進行重建，當時我們看到這個地方很好 ，可以接觸到很多消費者，其實想把這些人連結，買東西時可以了解生產者是誰 ，可以了解有多少人付出過。」唯獨透過真切的了解，方可明白「粒粒皆辛苦」的道理，即使簡單如一粒白米，背後不知有多少人付出汗水，最終才得以來到自己手上。Janis認為從自愛開始，擴而充之，培養為惜物的習慣及心態，「希望大家由關心自己開始，再關心每件產品背後付出嘅人。」


重覓睽違的人情味

金錢帶動經濟脈搏，儘管再富庶卻不保證快樂。維繫社區樂也融融，惟有濃濃的人情味，各家的門前雪與瓦上霜不再是避忌，而是守望相助的契機。曾經身為社工的Janis有感香港人情味愈來愈少，在天經地義生活館竟重覓睽違的暖暖人情味，更達成了最初當社工的理想，「最初做社工那時，人與人之間嘅關係愈嚟愈薄弱， 見到佢哋互相分享。除咗工作之外， 同一眾媽媽合作真係好開心，好似多咗好多個媽媽。嗰種人情味，那種關係網絡， 達成咗我做社工嘅目的。 」
這兒實則由八間本地社企，包括農夫及學生組織合作營運，此外，還組織了一群婦女經營鋪面業務，「男人出去搵食，社區入面嘅婦女，通常要照顧小朋友，好難搵工作， 佢哋都想要零散嘅工作機會，所以多接觸婦女。 整體嘅營運，而家主要由十幾個婦女一齊合作做，小至清潔場地，大至入貨 ，其實都係由一班長者，同埋婦女一手包辦 。」

每日時刻只轉一圜，對於處理大小家務的家庭主婦而言便需精打細算，榨出每刻的餘暇來經營自己的生活，來佔一經濟席位，這兒提供了難能可貴的極彈性上班時間，配合不同婦女的需要，「我要追求男女平等，所以我要出外工作，但同一時間成個社會都期望女性照顧小朋友，一個人只有廿四小時，比較難做到，佢哋可以就住要照顧家庭嘅時間，就佢哋生活嚟決定當值時間。」

開班授徒祖傳秘方

「唔係要每個婦女都成為百萬富翁，希望她們可以透過自己的興趣，成就她的事業。」Janis在館內時不時召募社區導師，該些導師主要由有一技之長的婦女擔任，透過提供不同興趣班予該社區，從而發揮大家的技能，同時，又可以令更多人參與社區經濟。「有啲街坊唔一定有產品推出，佢可能識得教寫字，又或者識得教唔同嘅工作坊，參加course嘅費用，會畀返導師，作為佢嘅收入，香港好多社區經濟項目，例如：天水圍區都會製作健康加工生產食物。我們有一個好深刻嘅例子，有一個蒜頭浸醋或蒜頭浸蜜糖嘅秘方，其實係一位媽媽嘅婆婆祖傳秘方，感冒、咳食咗呢個就會好番。」

Janis口中提及的蒜頭浸醋導師，便是年近花甲的秀娥，原來，她最初不太願意分享這一切，認為這些東西自己一直以來收藏於床下，沒根沒據，抱着「獻醜不如藏拙」的心態。及後，終打破內心藩籬，開班授徒吸引男女老少來報讀，秀娥謙遜推卻「Miss」的尊稱，讓學員直呼自己的名字，「其實大家都係為興趣，當係教吓其他人，我教佢哋嘅同時，都學到新知識， 傾一傾佢哋曾經學咗咩嘢，大家互相交流， 因為我已經退休無做嘢，喺呢度幫手最大得着， 就係學多啲嘢。見識多啲，自己無咁悶。」 然而民間智慧從來都是無從考證，問及蒜頭浸醋是否真的有療效，秀娥打趣道：「我無三高問題，唔知係咪因為飲咗佢？其實，呢啲屬於一種民間偏方，首先要煲熱玻璃樽，再晾乾。唔能夠有水喺入面，切咗個尾，然之後去衣，原粒放入去玻璃樽， 放咗一半左右，我哋就開始倒醋入樽，跟住緊封，一至兩個月就可以拎出嚟食。」

填充生活中留白處

原來，她們有一句言簡意賅的口號──「天地健康養生，經濟社會公義」，寥寥十數字說盡了真正的核心價值。這兒不僅銳意帶動社會創新和服務社區，更重要的是以公平合作為原則，嘗試實踐理想的經濟公義，以及創造有別於主流的另類經濟，即打破女性照顧家庭的傳統思想。先創造一些工作機會，透過婦女互相合作去參與社區，婦女的技能亦有經濟價值，並讓婦女有機會在家庭及社會經濟中佔一席位。
Janis直言，通常婦女都擔當照顧者角色，要照顧小朋友，要燒飯給一家人，這種家庭期望， 女人會加諸到自己身上，我是否不夠努力照顧家庭呢，而放棄自己的興趣。「好多婦女都好犀利，如果要佢哋工作，有適當培訓佢哋可以發揮好多，但係未必有平台畀佢哋做自已有興趣嘅事，佢哋可以整嘢食，牙膏都可以自己整，原來好多人欣賞， 原來我識煮嘢食，識整肥皂， 都會係社會好需要嘅才能。 我哋呢度好多貨品都係出自女人手，大約一半貨品係公平貿易產品，嚟自尼泊爾、印尼、斯里蘭卡，大部分都係由婦女或者低收入家庭親手製作；另外一啲就係本地生產貨品，有環保皂、醬料、果醬，全部由本地婦女生產。 」

在這兒工作退休婦女阿范及阿甘，因子女長大，過往忙碌的生活頓然多了留白，她們不約而同在這兒得到滿足感，認同自我價值，阿范分享：「我喺呢度差不多第四年，本身十分好動，希望對社會有點貢獻，回來當值嘅工作，主要係上貨、點貨、打點所有嘢。好有滿足感，起初有啲怕醜，慢慢學，而家我覺得自己應付得好好，說話技巧好咗。」天經地義經營的，豈止是一間小店？更是，巾幗可支撐半邊天，成為家庭經濟支柱。

採訪：黃寶琳
攝影：胡浩賢

天經地義生活館
地址：旺角太子道西204號
電話：9388 5560
營業時間：11am-7pm（逢星期一3pm-7pm）

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

京都每個月都會定期舉辦不同的市集，比較大型和歷史悠久的有東寺弘法市和北野天滿宮的天神市，主要以舊物為主。喜歡手作的話，則可以到每個月第四個星期日舉行的上賀茂神社手作市集，穿梭於接近300個攤檔之中。
跟香港的手作人一樣，日本很多手作人都是靠在網上及手作市集售賣自己的產品，所以雖然市集的每個攤位不大，但作品卻各有特色。例如從外國進口布料再自行加工創作的童裝衣服及配飾，將日本和外國風格合而為一；以可愛動物及花卉圖案為主題的陶器，價錢相宜得令人心動。還有帆布袋、精緻的迷你花瓶、按照不同季節用真花做的壓花耳環、京都杉樹做的精油等，猶如走進京都的創意世界。
用麵粉做的麵包鏈墜、磁石和胸針等小物，像真度極高，原來是出自咖啡店老闆之手。老闆是麵包控，在離市中心略遠的修學院開設麵包Café，將店內的麵包做成迷你飾物，很受京都人歡迎——要知道，京都是日本全國麵包消耗量最高的縣，對麵包非常講究，記得要試試看。
走到累了，不妨坐下來品嘗由Soma Coffee炒豆職人親自手調的咖啡。這位職人平日主要供豆給京都的咖啡店，在市集的時候才會以戶外小鋪的形式出現並大顯身手。簡單的看板上只有冷熱黑咖啡和牛奶咖啡，客人卻總絡繹不絕。買過咖啡，再去買手工麵包，然後坐在河邊或大樹下放空，也是不錯的節目。
由今年5月開始，上賀茂神社手作市集增加了一個新區域，就是「手作體驗Corner」，在草地上有約8-10個可供即時參加手作體驗的帳篷，當中包括布髮箍、黃銅飾物、彩色玻璃鏈墜及香薰蠟燭等，簡單易做，每人費用由數百円起，吸引爸爸媽媽們帶小朋友一起做，是很好多親子活動。小朋友們甚至會穿上泳衣跳進河裏玩耍，大人則在旁邊野餐聊天，在神社內度過愉快寫意的星期天。
在日本，不少神社除了有一般的求籤外，部分神社也有推出動物造型御神籤，而上賀茂神社就是其中之一。動物御神籤以上賀茂神社的守護神——神馬為造型，從底部可以抽出籤文，也是不少人喜愛收藏的日本小物。


採訪：傅蕊雯
拍攝：賴柏瑜

上賀茂神社
地址：〒603-8047 京都市北区上賀茂本山339
手作市集時間：每月第四個星期日9:00am-4:00pm
前往方法：京都市晚士上賀茂神社站下車後步行約5分鐘即可到達。

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)