〈蓮花空行身染愛〉（Liân-hue Khong-hīng sin jiám ài）　◎珂拉琪​
​
＊「由本自性清淨故，令諸愛染悉無垢。」​
　​
又閣是彼个 無代無誌想著的形影​
iū-koh sī hit ê, bô-tài-bô-tsì siūnn tio̍h ê hîng-iánn​
親像一陣風 吹落來 是春風少年​
tshin-tshiūnn tsi̍t tsūn-hong, tshue loh lâi, sī tshun hong siáu-liân​
　​
坐嘛是思念 坐袂牢 真無聊的思念​
tsē mà-sī su-liām, tsē bē tiâu, tsin bô-liâu ê su-liām​
倒咧眠床頂 予月娘 笑規个暗暝​
tó leh bîn-tshn̂g tíng, hōo gue̍h-niû tshiò kui-ê àm-mî​
　​
我行過你的世界​
guá kiânn-kuè lí ê sè-kài​
啥物我攏無愛​
siánn-mih guá lóng bô ài​
只想欲佇你心內（寫一條歌）​
tsí siūnn beh tī lí sim-lāi（siá tsi̍t tiâu kua）​
　​
車行過 *𪜶的期待​
tshia kiânn-kuè in ê kî-thāi​
這站閣無落來​
tsit tsām koh bô loh-lâi​
無想欲對誰交代（心內驚驚）​
bô siūnn beh tuì siáng kau-tài（sim-lāi kiann-kiann）​
　​
想起我彼暗小可仔歹勢​
siūnn-khí guá hit-àm sió-khuá-á pháinn-sè​
予你揣著我​
hōo lí tshuē-tio̍h guá​
規身軀藏無好勢的委屈​
kui-sing-khu tshàng bô hó-sè ê uí-khut 　​
​
　​
風 中的飛龍咧吼​
hong-tiong ê pue-liông leh háu​
聲 聲予天搖地動​
siann-siann hōo thinn-iô tē-tāng​
愛你的傳說寫佇頂懸​
ài lí ê thuân-suat siá tī tíng-kuân​
感情紲來愈飛愈懸​
kám-tsîng sua-lâi lú-pue lú-kuân​
　​
花 開佇你蹛的樓​
hue khui-tī lí tuà ê lâu​
想 當時欲綴你走​
siūnn tong-sî beh tuè lí tsáu​
多情的雨崁著目睭​
to-tsîng ê hōo kham tio̍h ba̍k-tsiu​
你的代誌講袂清楚​
lí ê tài tsì kóng bē tshing-tshó​
　​
看你行過千山萬水​
khuànn lí kiânn-kuè tshian-san-bān-suí​
手內薔薇微微仔芳​
tshiú-lāi tshiông-bî bî-bî-á phang​
行踏輕鬆跤步的我​
kiânn ta̍h khin-sang kha-pōo ê guá​
恬恬佇遮攏無出聲​
tiām tiām tī tsia lóng bô tshut-siann​
　​
日子過一工閣一工​
ji̍t-tsí kuè tsi̍t-kang koh tsi̍t-kang​
你的一切攏猶未放​
lí ê it tshè lóng iá-buē pàng​
越頭欲揣過去的我​
ua̍t thâu beh tshuē kuè-khì ê guá​
煞來袂記家己的名​
suah-lâi bē kì ka-kī ê miâ​
​
　​
是我欲陪你流浪​
sī guá beh puê lí liû-lōng​
長路終點滿天花雨​
tn̂g-lōo tsiong-tiám muá-thinn hue-ú ​
雺霧內底戇神​
bông-bū lāi-té gōng-sîn​
千年流轉你的世界​
tshian-nî liû-tsuán lí ê sè-kài​
自作多情的人​
tsū-tsok-to-tsîng ê lâng​
眼前地獄家己揀的​
gán-tsiân tē-ga̍k ka-kī kíng ê​
天上 地下 人間​
thian-siōng, tē-hā, jîn-kan​
四方妖孽請恁退下​
sù-hong iau-gia̍t tshiánn lín thè-hā​
　​
這繁華世間​
tse huân-hua sè-kan​
眾生有情人​
tsiòng-sing ū-tsîng-lâng​
有情生煩惱（甘願受罪）​
ū-tsîng senn huân-ló（kam-guān siū-tsuē）​
　​
心狂閣火著​
sim-kông koh hué-to̍h​
明知會艱苦​
bîng tsai ē kan-khóo​
千錯萬錯 （攏佮你無關）​
tshian-tshò-bān-tshò（lóng ka̍h lí bô-kuan）​
　​
*註：𪜶 (人因) 可能因裝置未下載字型無法顯示。​
　​
作詞作曲 Compose & Lyric／王家權 Hunter Wang​
編曲 Arrange／珂拉琪 Collage​
主唱 Vocal／夏子 Natsuko​
電吉他 Guitar／王家權 Hunter Wang​
合唱 Chorus／珂拉琪 Collage​
　​
錄製與混音 Record & Mix／​
柯拓名（小名）@ 地下怪獸音樂製作研究室​
Ming Ke @ Indie Monster Studio​
　​
插圖 Art／夏子 Natsuko​
台語歌詞顧問 Lyrics Supervisor / 李勤岸 Lí Khîn Huānn​
　​
-​
　​
◎作者簡介​
珂拉琪Collage 樂團​
主唱 Vocal／夏子 Natsuko​
吉他 Guitar／王家權 Hunter Wang​
　​
台語歌詞顧問 Lyrics Supervisor / 李勤岸 Lí Khîn Huānn​
　​
-​
　​
◎小編鋼筆人賞析​
　​
這週主題為「台灣地下音樂歌詞選」，雖然到珂拉琪所在的當代，「地下音樂」一詞已經很少使用，然而「獨立音樂」仍是一種「地下音樂」的繼承者，這也是我將珂拉琪選入的原因。〈蓮花空行身染愛〉（以下簡稱「蓮」）是珂拉琪目前（2021/09）為止最新的一首單曲，我對這首歌的歌詞賞析也會以華/台語雙語進行，呼應他們的台語音樂。​
　​
這週主題是「台灣地下音樂歌詞選」，雖然到珂拉琪所在的當代，「地下音樂」一詞已經使用足少，毋過「獨立音樂」猶是一種「地下音樂」的繼承者，這嘛是我共珂拉琪選入的原因。〈蓮花空行身染愛〉（下跤簡稱「蓮」）是珂拉琪目前（2021/09）為止上新的一條歌，我對這條歌的歌詞賞析嘛會透過華/台語雙語進行，呼應𪜶的台語音樂。​
​
－​
　​
〈蓮〉是一首充滿各種元素而且歌詞隱晦的歌，因此詮釋的範圍相當大；和珂拉琪其他的台語歌相比，〈蓮〉同樣有濃厚的敘事性，每一段彷彿電影的場景接連播放，卻沒有他們其他台語歌那麼沉重。不過，這份輕鬆對照整首歌最後的執著與沉重，反而讓人印象更深刻。​
​
〈蓮〉是一條充滿各種元素而且歌詞真包含的歌，所以解釋的範圍非常大；佮珂拉琪其他的台語歌比較，〈蓮〉仝款有厚厚的敘情性，逐段親像電影的場景相連放，煞無𪜶其他台語歌遐爾沉重。毋過，這份輕鬆對照規條歌最後的執訣佮沉重，煞予人印象閣較深。​
​
－​
​
就敘事結構來說，〈蓮〉相當完整，可以分析的角度很多，以下我將從空間、角色、意象來分析〈蓮〉的歌詞。​
​
對敘情結構來講，〈蓮〉足完整，會使分拆的角度誠濟，對下跤開始，咱會對空間、角色、意象拆明〈蓮〉的歌詞。​
​
－​
​
在前兩段，「我」還僅在自己的房間思念少年。值得玩味的是「春風」與「月娘」的意象呼應著著名台語歌曲〈望春風〉。在〈望春風〉中，思念對方的少女最後開門等到的僅是一陣風，似乎隱隱呼應〈蓮〉這首歌接下來的結局；那麼少年「你」呢？從第三段開始，敘事者我終於開始和思念的「你」對話。敘事者我的願望如此單純，僅是要在「你」心中「寫一條歌」，然而綜觀整首歌，敘事者我似乎到最後一刻都沒有做到……​
　​
佇前兩段，「我」猶只是佇家己的房間思念少年。趣味的所在是「春風」佮「月娘」的意象呼應台語名歌〈望春風〉。佇〈望春風〉中，思念對方的少女最後開門等著的干焦一陣風，親像暗中呼應〈蓮〉這條歌紲落來的結局；按呢少年「你」呢？對第三段開始，敘情者我總算開始佮思念的「你」對話。敘情者我的願望遐爾單純，只是欲佇「你」的心中「寫一條歌」，毋閣規條歌看落來，敘情者我親像到最後一刻都無做成……​
​
－​
　​
第三段開始，「你」跟敘事者我所在的空間越變越大。一開始敘事者我還在房間，之後「我」對你的感情飛上天空；接著歌詞開始敘述「你」所在的空間，一開始「你」似乎在車站（車一直經過，你沒下來），「你」所在的、花開的樓，「你」走過千山萬水，直到最後「你」在「長路終點」。「你」走得如此之遠，敘事者我卻一路陪著「你」，甚至敘事者我對「你」的感情使敘事者我還能「行踏輕鬆跤步」。​
​
第三段開始，「你」佮敘情者我所在的空間愈變愈大。拄開始敘情者我閣佇房間，之後「我」對你的感情飛上天頂；紲落來歌詞講「你」所在的空間，拄開始「你」親像是佇車頭（車直直經過，你無落來），「你」所在的、花開的樓，「你」行過千山萬水，直直到最後「你」佇「長路終點」。「你」行甲遐爾遠，敘情者我煞是一路陪「你」，甚至敘情者我對「你」的感情予敘情者我閣會當「行踏輕鬆跤步」。​
​
－​
​
然而，即便敘事者我陪「你」走了這麼久，恐怕還是對「你」沒這麼清楚，只知道「你」很美好。除了一開始「春風」、「月娘」的暗示，〈蓮〉在敘述「你」的時候常使用兩種意象，一種是花，另一種是雨霧。就花而言，「你」住的樓開滿了花，你手中拿著薔薇；就雨霧而言，雨遮住敘事者我的眼睛，不僅模糊敘事者我的視線，似乎也使敘事者我對你的事情「講袂清楚」；花和雨霧這兩者到最後合而為一，「長路終點滿天花雨」，敘事者我迷失在霧中，「千年流轉你的世界」。​
​
毋閣，就算敘事者我陪「你」行遐爾久，恐驚猶是對「你」無遮爾清楚，只知影「你」足美好。除起一開始「春風」、「月娘」的暗示，〈蓮〉講著「你」的時定定用兩種意象，一種是花，另外一種是雨霧。講著花，「花開佇你蹛的樓」，你手中提著薔薇；講著雨霧，雨崁著敘情者我的目睭，不只予敘事者我看袂清楚，親像嘛予敘情者我對「你的代誌講袂清楚」；花佮雨霧這兩者到最後合作夥，「長路終點滿天花雨」，敘情者我佇「雺霧內底戇神」，「千年流轉你的世界」。​
​
－​
​
值得注意的是，「你」手中的花是「薔薇」。在台灣文學史上，「薔薇」最有名的意象之一，大概就是楊逵〈壓不扁的玫瑰〉了，描述台灣人即便受到日本殖民政府打壓，依然頑強抵抗撐住，之後也被其他文學作品一再利用。雖然不確定〈蓮〉是否有此意，但薔薇美好而有刺，這或許也暗示著「你」的美好之中有一種對世界的抵抗，或者「你」寧願忍受「手內薔薇」刺手的痛，也不放棄這樣的美好。無論是怎樣的描述，都可以看出「你」在美好之餘，性格中也有某種骨氣。​
​
有一點值得來注意，「你」手中的花是「薔薇」。佇台灣文學史，「薔薇」上有名的意象之一，應該就是楊逵〈壓不扁的玫瑰〉，講著台灣人就算受著到日本殖民政府打壓，猶閣強抵抗檔牢，了後予其他文學作品一再使用。雖然無的確〈蓮〉敢有此意，但是薔薇美好煞有刺，檢采嘛暗示「你」的美好內底有一種對世界的抵抗，猶是「你」寧願忍受「手內薔薇」鑿手的痛，嘛無欲放棄按呢的美好。不論是按怎的描寫，攏會使看著「你」不只是美好，性格內底有一種骨氣。​
​
－​
​
然而，正如前所言，相對於前面的輕快美好，〈蓮〉最後的結局可謂沉重。這樣的沉重不僅在開頭就透過「春風」、「月娘」的意象暗示，當歌詞講到「越頭欲揣過去的我/煞來袂記家己的名」時，便使我開始感到心驚。​
​
毋閣，像頭前所講，相對拄開始的輕鬆美好，〈蓮〉最後的結局會使講是沉重。按呢的沉重不只佇開頭就透過「春風」、「月娘」的意象來暗示，歌詞講著「越頭欲揣過去的我/煞來袂記家己的名」的時，就予我開始感覺驚驚。​
​
－​
​
在這裡，我們還可以從一系列的聲音詞彙中綜觀〈蓮〉，一開始是想在你心內寫的「歌」、風中的龍吼，這些都是敘事者我對「你」的愛戀之聲；然而，敘事者我卻漸漸無法發聲，不僅講不清楚「你的代誌」，接著我居然「恬恬佇遮攏無出聲」。敘事者我可以講出對「你」的愛戀，卻無法說「你」的事情， 對照著前面的敘述，可見「我」記憶的僅是「你」美好的部分，而遺忘（或者不去敘述）「你」的身份，最後甚至「煞來袂記家己的名」。​
​
佇遮，咱閣會使對一系列的聲音詞內底來看〈蓮〉規條歌，拄開始是「想欲佇你心內（寫一條歌）」，風中的龍吼，這攏是敘情者我對「你」的愛戀之聲；毋閣，敘情者我煞漸漸無法度發聲，不只是「你的代誌講袂清楚」，紲落來我竟然「恬恬佇遮攏無出聲」。敘情者我會使講出對「你」的愛戀，煞無法度講「你」的事情， 對照頭前的講法，會使看著「我」記得的只是「你」美好的部分，袂記得（猶是無去講）「你」的身份，最後甚至是「煞來袂記家己的名」。​
​
－​
​
為何敘事者我要避開對「你」的身份的敘述？對照珂拉琪其他歌曲，或許我們可以想像，因為「身份」的敘述很危險，「你」甚至敘事者我都可能因此而死。事實上〈蓮〉後面就有寫道敘事者我跟隨你的結果了：「眼前地獄家己揀的」。​
​
是按怎敘情者我欲避免講著「你」的身份咧？對照珂拉琪的其他歌，咱有可能來想像，因為講著「身份」足危險，「你」甚至是敘情者我攏有可能自按呢過身。實際上〈蓮〉後壁就有寫著敘情者我綴你行的結果矣：「眼前地獄家己揀的」。​
​
－​
​
從「地獄」開始，我們可以在來探討一次空間。在倒數第三段時，有兩種空間同時（甚至可說同地）出現，一是「滿天花雨」的「雺霧」，那是讓我千年流轉的「你的世界」；另一空間則是「眼前地獄」。這代表「你」可說是義無反顧，寧願走過千山萬水，也要往地獄前進；而敘事者我即便知道那是地獄，只要「你」在那，即便那裡是地獄，即便敘事者我會痛苦，那裡還是滿天花雨、值得敘事者我千年流轉的世界。敘事者我不希望「你」因為自己的痛苦而感到內疚，對「你」說：「千錯萬錯/攏佮你無關」。​
​
對「地獄」開始，咱會使閣來探討一擺空間。佇後壁算來第三段，有兩種空間仝時（甚至會使講是仝一个所在）出現，一个是「滿天花雨」的「雺霧」，彼是予我「千年流轉」的「你的世界」；另外一个空間是「眼前地獄」。這代表「你」會使講是義無反顧，寧願行過千山萬水，嘛欲對地獄行；敘情者我就算知影彼是地獄，只要「你」佇遐，就算遐是地獄，就算敘情者我會痛苦，遐猶是滿天花雨、值得敘情者我千年流轉的世界。敘事者我無願「你」為著家己的痛苦感覺虧欠，對「你」講：「千錯萬錯/攏佮你無關」。​
​
－​
​
貫串這整首歌的，可說是敘事者我對「你」的愛戀，以及這趟地獄之旅。但這首歌不僅道出敘事者我對「你」的情感以及痛苦，更有另一層意義：希望所有這種因情而痛苦的眾生都能不再受苦。這首歌本身叫做〈蓮花空行身染愛〉，蓮花出淤泥而不染，蓮花空行理應潔淨，卻因身染愛而身陷地獄；歌曲開始時，夏子頌唸「咕嚕咕咧佛母心咒」、歌詞開頭「由本自性清淨故，令諸愛染悉無垢。」以及最後寫道「這繁華世間/眾生有情人/有情生煩惱（甘願受罪）」的敘述，都讓我們看到歌唱者同情有情的敘事者我與你，希望他們能超脫有情、離開地獄。​
​
貫透規條歌--的，會使講是敘情者我對「你」的愛戀，閣有這逝地獄之旅。毋閣這條歌不只講出敘情者我對「你」的感情佮痛苦，閣有另外一層意義：向望所有這種因情痛苦的眾生攏會當莫閣受苦。這條歌本身叫做〈蓮花空行身染愛〉，蓮花出淤泥而不染，蓮花空行應愛清氣，煞因為身染愛予伊陷入地獄；歌拄開始的時，夏子唸「咕嚕咕咧佛母心咒」、歌詞開頭「由本自性清淨故，令諸愛染悉無垢。」閣有最後寫著「這繁華世間/眾生有情人/有情生煩惱（甘願受罪）」，攏予咱看著歌手同情有情的敘情者我佮你，向望𪜶會使跳出有情、離開地獄。​
－​
​
有情便須痛苦的白色時代畢竟是過去了，現在世界已經改變，我們不會僅因相戀被迫遺忘身份，被迫受苦。這首歌隱隱哀悼白色時代的犧牲者，也是提醒我們，當敘事者我在「你」的世界流轉千年，那其實也暗示著敘事者我也在地獄千年——甚至直至當今，有些人可能還走不出那痛苦。​
​
有情就會痛苦的白色時代究然是過去--矣，這馬世界已經改變，咱袂干焦因為相戀就予人強逼袂記得身份，強逼受苦。這條歌暗暗哀悼白色時代的犧牲者，嘛是佇提醒咱，敘情者我佇「你」的世界流轉千年，彼其實嘛佇暗示敘情者我嘛佇地獄千年——甚至是到今，有的人可能猶閣行不出彼个痛苦。​
​
註：感謝 #玖芎 對台語文賞析部分的協助​
　​
參考資料： ​
https://blow.streetvoice.com/53696/​
https://blow.streetvoice.com/53703/​
https://vocus.cc/article/6088f896fd8978000132f80e​
​
-​
​
▨ 美術設計 _ 李昱賢​
https://www.instagram.com/ahhsien_/​
​
-​
​
https://cendalirit.blogspot.com/2021/09/20210928.html​
#每天為你讀一首詩 #當代詞選 #私房歌單 #珂拉琪 #蓮花空行身染愛

【每天為你讀一首詩 x 台視台語主播郭于中】
　
〈白鷺鷥之忌〉　◎向陽
　
寒天的時陣樹葉漸漸落
庄裡的大細厚衫一領一領穿
風帶著雨走來無稻米的田裡放田水
雨隨著風踮在清氣的街仔路掃垃圾
　
寒啊！樹仔落葉透風就穿衫
冷啊！樹仔落皮滴雨就舉傘
戇留不驚風不驚雨只驚無枝可棲的白鷺鷥
戇留不知寒不知冷只知無藥可醫的某死去
　
彼時的生活，黯淡不過歡喜
早起我舉鋤頭出門伊佇門邊送我去落田
飯包內底是芹菜加三條鹼酸的菜脯
心肝內底有百萬聲歹勢及溫暖的目色
三更半暝伊佇菜櫥內偷偷找找未著的豬肉
　
三更半暝我佇眠床頂暗暗想想未起的錢財
若是稻米收成風颱不來一張一張美麗的紙幣
起舒適的厝買皮鞋送伊與囝仔交補習費
擱買電鍋叫瓦斯電視暫時等二年
伊的身軀太軟弱著帶伊去看先生好好醫
　
伊的身軀無勇健為我的營養透早就起床
彼暝伊腰酸背痛面色帶青
山裡的草藥無效去城裡看先生過頭貴
這隻牛犁田太慢可惡我會慢一日提著錢
白鷺鷥白鷺鷥因何飛起向西天飛去
　
白鷺鷥白鷺鷥伊煞來破病無藥可醫
先生有藥方稻米未收成我無錢帶伊去看病
厝邊有錢厝瓦未蓋好我無力量為伊去借錢
我是天下間最無用的男子枉費伊隨我一世
我是人世間最偉大的人物超渡伊離開苦悲
　
戇留不知寒不知冷只知他的查某隨人來離開
戇留不驚風不驚雨只驚田裡瞋著他的白鷺鷥
冷啊！樹仔有地好鑽戇留無某不做田
寒啊！樹仔有天好頂戇留無某不住厝
　
雨隨著風走來戇留的破厝偷偷搬磚瓦
風帶著雨踮在戇留的田裡暗暗種野草
庄裡的大小猶是厚衫一領一領穿
寒天了後，樹葉同款一片一片落
　
-
　
◎詩人簡介
　
向陽（1955年5月7日－），本名林淇瀁，台灣南投縣鹿谷鄉廣興村人。
　
伊是跨領域的作家，除了以詩聞名之外，兼散文、囡仔文學kap文化評論、政治評論。身分上，伊是詩人、作家，mā是作詞人、政治評論家、總編輯、總主筆、學者。身分多重，領域寬廣。
　
佇1970年代，推行國語政策、禁使用方言，才大二的向陽定tio̍h愛用母語來寫詩，伊形容當時的家己是「盲牛毋驚虎」，毋過伊堅信，tùi家己喙舌講出來的語言siāng媠，台語詩寫出來了後，煞無處會當刊登發表，所以向陽四界朗誦，得tio̍h濟濟共鳴，為早期的台語現代詩創作行出一條路。
　
-
　
◎朗誦者簡介
　
台視主頻「早安台灣、台語新聞」
台視新聞台「十一點台語新聞」
台語新聞主播、製作人
教育部閩南語認證高級通過
　
-
　
◎小編kiú-kiong玖芎賞析
　
〈白鷺鷥之忌〉收錄佇《土地的歌》，詩人向陽佇上親的血親開始寫，散赤佮百姓的甘苦，不時出現佇詩句中，讀時予人心一酸。詩人佮做田人徛做伙，顯貴篇佮賢人篇中，用文雅的詩剾洗貪財官員佮阿舍為百姓贊聲。
　
散赤是台灣人記憶深處，無法度抹去的焦心。嘛會使講台灣移民社會的起頭，攏是對散赤開始。過烏水溝來到台灣拚命開荒，煞因土地制度的不公，做穡人淪為田佃，利純攏肥去地主身軀，瘦瘦的做穡人破病的某親像絲絲的白鷺絲。白鷺絲佮做田人佇田園相伴，逐日同齊吹風曝日，袂輸翁仔某分享仝款的命運。
　
「戇留不驚風不驚雨只驚無枝可棲的白鷺鷥/戇留不知寒不知冷只知無藥可醫的某死去」
某袂輸彼咧只驚無枝可棲的白鷺鷥，戇戇kap伊繼續留佇這食袂飽的田園。醫生手頭有救某命的藥仔，家己煞無錢𤆬伊去看病。散赤人看別人堅固的厝內有電鍋叫瓦斯電視，伊干焦會使目睭金金看，毋法過彼種舒適生活。伊閣猶未納囝的補習費，伊煩惱囝的未來，伊想欲囡仔讀冊翻身，毋過無錢一切攏做袂到。
　
「我是天下間最無用的男子枉費伊隨我一世/我是人世間最偉大的人物超渡伊離開苦悲」
這是散赤人對家己的自嘲，對某的虧欠佮懺悔。看某苦苦磨拖不如早早去西方極樂世界，無病嘛無疼，散赤人siāng深的悲哀。
　
散赤人佮某的性命，親像寒天的樹葉一片一片落，未來茫茫無望。台灣記憶的散赤，無地的做穡人，其實毋是干焦過去的代誌，這馬買袂起厝的無殼雨螺，低薪水的少年人。散赤kap土地正義不公，是台灣放袂去的記憶。
　
-
　
美術設計：蔡幸秀
圖片來源：蔡幸秀
　
-
　
#每天為你讀一首詩 #台灣是什麼 #白鷺鷥 #向陽 #台灣記憶
https://cendalirit.blogspot.com/2020/06/blog-post_1.html