#cantopop #cantopopuser #OnWingsOfTime #王菀之 #時空的毅行者 #Part2 @wongyuenb . Sadness flies away on the wings of time. by Jean Da La Fontaine(1621-1695) 大碟題材涉獵極廣，包括：建築學、天文學、歷史文學、資訊科技、政治及藝術等；王菀之獨力包辦多首歌的曲、詞，相比早期作品成熟且雋永。林夕鮮有地親筆題字，在新碟發佈會上送上祝福，唱作女皇當之無愧！ . #陶醉在藝術中 . #低科技之歌 #畫畫畫作作詩 編曲監製馮翰銘在music break加入act-lips, whistle。我當作諷刺社會前進一種手法，畫龍點睛！起初極抗拒聽到呢首歌，應該潛意識唔接受社會步伐。 . #粒糖有毒 #可人兒裝可憐 某次基本法宣傳活動上回應媒體：#我討厭政治 . #迷失藝術 #誰沒有所失的：迷失、遺失、缺失、喪失⋯⋯ #裂縫裏有小偷：失去快樂 #打開思緒門口：藝術創作=情緒宣洩 . 如果你細心觀察，王菀之每次專輯都有意無意地探討死亡，不是叫生叫死嗰種。我想問有邊位歌手有如此情操？#Maryhadalittleclock

【這個城市需要笑，多於戾。】白只 梁祖堯 湯駿業 王菀之 韋羅莎 Photos and texts by: 搜尋王菀之 (Thank you) 《小人國》本港長壽爆笑舞台劇。十年，Season 6。 換作是美劇，拍到這地步，已疲弱走樣，《小人國》一直體察妖人妖事加料調味，仲係真心笑出腹肌來。 可以笑的話，不會哭。 我城多麼需要笑聲，不是淚，更不是戾。 這是香港人唯一想小人繼續當道的舞台，沒有其他。 基米高、朱靚芳、Christine Law、Heidi、常識姐加馮陳美嬋等等等等，唔該，唔好死。 （事前劇透：今季有．人．作．死！） 六季，儲落大量皇牌角色與場景。鬼妹仔身卻有村姑魂的朱靚芳，「賣飛佛」。寸嘴mean爆的Christine Law，我不能忘記你囉。仲有職場卸膊操同謎語操，當年睇覺啜咳，今日睇零時差：老細與人工，同亞視一樣，永恆不變。 祖：梁祖堯 之：王菀之 韋：韋羅莎 白：白只 湯：湯駿業 微劇透 U：親愛的朱靚芳會回來嗎？ 祖：我知道朱靚芳會回歸。但其實有掙札過，諗番十年前，佢第一次出現，係扮講英文港女Rosemary嘛。三四年前呢種港女消失咗，開始行本土。但而家返晒出來。 U：有消失過嗎？Really？ 之：係咪因為開始畀人笑，所以收斂？ 祖：或者係。呢兩年係嚴重地出番嚟，潮流果然不死。今次朱靚芳會變成靚女的象徵，但大家都知道佢根本唔靚，只係追捧佢，揞住良心話佢靚。 U：Inspired by？ 之：王菀之。 祖：其實係George Orwell《1984》，講是非黑白顛倒、big brother控制…… U：Wow！上季Rosa的常識姐好煩，但又好好笑。 韋：今季冇咗（白只演的）Mr. Panda，但我會見到（都係白只演的）Heidi，仲有Christine Law。 祖：常識姐會去挑戰超市售貨員，由在超市剪牛扒畀人試食的低層識員北河街霞姨，即係我開始打；霞姨老細係Christine Law；Christine Law老細係Heidi。 白：Heidi仲有個老細，阿君做，叫Wylie（歪理）。 湯：其實我都唔係好知，因為第一日reading，我去咗做艾粒……我淨係知會同常識姐死過。我應該講啲咩？ 祖：你冇嘢講喇，next！ 湯：我估有呢個安排，係因為Christine Law同Heidi由season 1開始做服務性行業：賣衫同埋（專serve怪獸家長的）幼稚園，今次serve常識姐。 U：Ivana又點呢？ 之：我都唔知點算呀，我冇一個角色係人哋記得。 湯：王伯呢？Oh sorry，呢個係你真身。 之：係有個王伯，第四季出過。佢都係情場老漢子。 祖：佢好似係以基米高老公身份出現。 白：我都未見到Heidi有咩新發展，都係畀人壓榨，但我又好enjoy被壓榨的過程。今次最期待自己飾演狼人。 U：《X-Men》？ 白：係，如果冇轉角色的話，我會係狼人。仲有暴風女神、Professor X…… 祖：應該個個都想做Professor X，坐輪椅，可以唞下。磁力王都應該多人想做，起碼唔係妖后打晒側手翻出來。 今季有人死？ U：據稱今季有人死，邊個最抵死？ 祖：我期待基米高死，因為佢應該點死都死唔去。你話霞姨死，佢應該真係會死咗，太善良就係會死。Christine Law要死，Heidi應該會救佢。但基米高係冇人會救，佢亦唔會畀自己死，玩到假死狀態呃晒大家，自製大龍鳳。 之：本來想話唔想任何角色死，但我又突然諗起，都幾想Heidi……因為，因為佢應該死咗而冇人知，好似其中一嚿梳化。 白：你竟然用物件來形容Heidi…… 祖：Heidi得到一個死物「它」。 之：我覺得會好似一件傢俬，黐咗地，咁就完結佢一生。 祖：一團紫色bean bag。 韋：如果常識姐死都幾有趣，因為佢會陰魂不散，飄去化粧師旁邊指指點點，話咁樣化唔靚呀，又complain靈堂的一切，我諗會……幾討厭。 湯：其實個個都抵死。死咗都可以變鬼，Christine Law死咗可以上其他人身……我就匿埋後台唔使做。 之：唔好呀，佢講對白好快，又要轉好多個圈先出到台，先見裙後見人，好難學呀！ 大笑是一種力量 U：做過咁多季《小人國》，有冇提昇到面對日常小人小事的功力？例如笑笑就算，或者化為創作來源。 祖：生活中人類的自私、發癲、鬧人……都是一般情緒失控，笑咗佢就算。而其實最大的小人，凌駕在我們的政府裏面嘛。冇辦法改變的事實，諗落去會灰心，為求自保真係唔好諗咁多嘞。《小人國》唔會講政治，唔係因為驚，而係想畀觀眾唞陣。與其話畀大家聽「你真係身處困局」，不如笑下，講小人小事，好過講大是大非。 湯：而家開Facebook，好煩。上Facebook都係想睇朋友的事，或者資訊，但成日睇到啲人寫mean事，因為吸到like。留言的人只係食花生，但久而久之Facebook愈來愈多人寫小人嘢，好耐先睇到有人寫一件好事。到我自己，寧願唔擺小人事上去，擺件舒服事，可能冇咁多人like，至少睇下有冇可能平衡番少少。 U：寫好笑事難過小人事。 之：先唔講小人小事，其實我係《小人國》擁躉，所以