《不需改進 只需執笠》

大家有冇諗過，如果有朝一日打開電視，忽然間冇咗翡翠明珠台有乜嘢感覺？

其實，感覺就會好似而家打開電視冇atv一樣。

TVB大股東公開批評自己嘅公司，當然係去到忍無可忍嘅地步，但係冰封九呎，非一日之寒，如果當年唔係「一男子」扼殺咗相對有活力有創意嘅王維基電視台，無線有咗競爭，反而可能冇咁快死。

我最後一次批評無線劇集係《溏心風暴3》，鬧到無線編劇體無完膚，咁樣不思進取炒冷飯都仲可以叫做編劇，咁我應該攞諾貝爾文學獎。

如果要我畀分（底分100），無線嘅綜藝娛樂節目係0分，唔係買餸煮飯，就係低級趣味獎門人無限loop…… 而家連轉播奧斯卡都停埋，就好似女人停經，你仲希望佢孕育新生命？

無線新聞，嚴格嚟講好壞參半，我畀50分（我曾經讚過星期日檔案有一輯劉曉波生平非常詳盡，舊年現場直播都偶有佳作），當然根據現時情況繼續落去，下次評分可能淨返十分八分。

無線劇集 -50分（唔係減50分，係負50分），我唔明白無線編劇點解咁厚面皮，成日寫啲炒冷飯嘅故仔仲好意思收人工，如果話公司唔畀新嘗試新創作，咁作為創作人就應該另謀高就。

搞創作就好似夜總會，唔同人必須有唔同賣點，有啲賣純情（綠茶婊*）、 有啲賣學識（咖啡婊）， 無線恃住自己係大台淨係賣大波，又冇樣貌又冇內涵，Dorin睇得多係人都厭啦。

所以我建議無線大老闆，唔好再諗乜嘢救亡， 直頭執咗佢，冇眼屎乾淨盲。

（*網上有高手將綠茶婊改成農夫山泉婊，腦筋咁刁鑽連我都要講句佩服）

［都話入港版納指！］TLDR：王維基市值唔止過咗777頭，夠入「港版納指」。仲超過晒所有香港傳媒股……加埋！係加埋！一個打十個！真係十間！

1. 少少標題黨，但真係冇呃你。王維基隻香港電視HKTVMall 1137，越升越有，今日12蚊都破埋。109.7億市值。留意一般我鍾意齊頭數，106億我都會寫110億，但今次冇，自然有原因

2. 過咗777頭，亦真係冇呃你，隻網龍777，呢排係咁跌，最新市值已經去到109.1億。係喎，王維基過咗頭。

3. 咁本身唔係特別拎777出嚟講，但點解係將王維基同呢隻比？因為，而家777係「港版納指」，恒生科技指數入面最低市值嘅一間。王維基市值過咗佢頭，即係已經打入指數門檻。嘩！

4. 係喎，有人7月已經咁講。邊個？之唔係區區在下我本人。計登咗出媒體嘅（網媒都計，但唔計你飲大咗同人講），本人全球（講到好似香港以外有人理咁）第一。（https://bityl.co/3Iaj），服未？當時都有人話不可能。我寫嗰時（7月24日），1137係網龍嘅一半咁滯。本人就話think big，估佢一年內就過頭。「他們說沒可能」，話香港市場咁細。結果？只係用咗兩個月。

5. 所以，真係記得睇本人Patreon，更多正嘢，真的（https://bit.ly/31QmYj7）。冇正嘢都當支持下（＊）近500人訂咗了（＊＊）

6. 好，廣告完飛機完，都畀多啲資料你。

7. 留意返，恒指季檢，下次係11月中，「港版納指」一齊，所以至少都等多兩個月先。

8. 另外，詳細我冇睇。但到時真係落選，都唔使即時鬧住。因為之前有人話港版納指全部大陸股（其實唔係，有ASM太平洋 522），型住可能呢啲考慮唔會畀1137入喎。

9. 呢啲本人不能代答，但可以講嘅係幾樣嘢。首先，都話11月中「港版納指」先季檢，咁如果1137忽然大跌，或者777忽然大升，就另一回事啦，呢個大家會明。

10. 另外，嚟緊仲有大型科企上市，例如隻螞蟻。基本上必入「港版納指」。咁死啦，你限死30隻喎，咁即係點都要踢走一隻。變相王維基唔只要大過包尾嗰隻（呢刻係網龍777），仲要大過尾二嗰隻（呢刻應係丘鈦1478）。所以我篇文都寫明，「看看是港視升得快，還是巨企上得快。」。事實如果指數限咗成份股數目，門檻多數會越嚟越高，你睇恒指就係。有啲被踢走嘅公司根本唔係市值冇增長，問題係有啲阿里巴巴之類嘅巨無霸一入嚟，又限住50隻，咁榜尾個門檻就高咗。

11. 仲有個point，technical小小，我冇睇詳細。但例如之前話50億市值可以入滬港通（即係大陸佬/北水可買），呢50億市值，都唔係計落閘嗰日—否則好易畀人game the system（香港國技）。我記得係用過去12個月每個月月尾嘅平均。至少要game 足十二日。我冇細睇「港版納指」有冇呢個機制，但想講市值未必只睇一日。

12. 當然了，最後恒指公司都有一個discretion（好東西，誰不愛？），所以次次都有啲意外，任你大行點計（以前我都玩過），有時都估唔到邊隻出邊隻入。例如上次季檢都有呢個問題。

13. 如果下次王維基個市值夠大而冇入，就少不免又會有好多人去問了。不過以我理解，恒指公司過往作風都係畀啲官腔答案你，不評論個別個案，只係話你知唔只係睇數字，咁咯。

14. 講開又講，嚟緊文會寫，如果我冇記錯，人人愛炒嘅　任天堂，係不在日經平均指數成份股入面的。225隻喎！原因？我都唔肯定，市值肯定夠大，係有歷史原因。下篇文解。

———————————————————————————————

15. Bonus：王維基嘅市值，唔止大過網龍777。其實呢，佢仲係大過晒所有香港傳媒股，加埋！真係十隻！一個打十個！甚麼鳳凰衞視我都唔知當唔當香港傳媒股，冇所謂，豪埋畀你。有線呢，除咗電視，入面仲有惡名昭彰但其實賺到錢嘅有線寬頻，冇所謂，豪埋畀你。正如世界華文媒體入面仲有新加坡馬來西亞，冇所謂，豪埋畀你。全部加埋晒，都未夠1137大！

16. Viu同Now？唔得，冇獨立上市。

17. 當然，冇可比性啦，1137個名就香港電視，實則係宋子豪，冇做大佬，冇做電視好耐。但又返返我篇舊文嘅主旨：王維基電視夢碎 焉知非福（https://bityl.co/3Ibw）。佢繼續搞電視，可能係觀眾嘅幸福，但佢本人就應該唔多幸福了。

18. 事實亦係一個milestone，1137市值超過TVB時，我寫過篇文（https://fbook.cc/3Esq），而家大過晒所有傳媒股夾埋，再寫多呢篇。

19. 正如Amazon市值當年過咗Wal-mart頭，成為最大市值零售商，都係一單大新聞（https://bityl.co/3IcB）（但留意Wal-mart冇死到）

20. 同樣道理，冇耐前Tesla市值過咗Toyota 頭，成為世界第一，都係單新聞（https://fbook.cc/3Esr），咁啱嗰日我生日，特別記得（仲記得生日都要寫文）

21. 而家？其實剛好2個月後（你嚟請我食生日飯都仲得的），Tesla嘅市值超過咗……GM，福特，Fiat Chrysler，本田，現代，Daimler，法拉利，寶馬，福士………全部加埋！

（＊）雖則無聊，但都要講，其實早幾日開我冇再在文入面加插廣告。因為月尾，而Patreon係月頭收多次錢嘅。不幸地有人今朝走去訂（美國時間仲係8月呀！），我係有主動聯絡佢，私下退返錢的。良心作者。不過而家9月啦！插入廣告又回來了！

（＊＊）明明就454人都話500，都話鍾意齊頭數

—————————————————————
Ivan Patreon 狼耳街華人，一個星期至少三篇，一個月一舊水唔使，三星期已經近500人訂，仲有兩篇免費試睇：https://bit.ly/31QmYj7

————————————————————

［收費短片第八擊］美國總統大選買股部署

課程資訊:https://homebloggerhk.com/course_detail/?code=CC008

到上link會見到紅色按扭直接購買及觀看
題目:「美國總統大選買股部署」 /cc008

內容:
*美國總統大選買股部署
*美股8月終極一升，然後…
*制裁美國上市中資股，有乜後果？
*蘋果2萬億市值，之後點？。下間2萬億市值係？
*未買記得買返CCO06（下半年選股）同CC007（買金）

本星期內特惠售價: $80
課程編號：CC008
觀看期限：首次播放後一星期及限每影片４次
客服whatsapp: 63832145

［疫情第N波受惠股］講真的，仲要加價。10蚊不是夢。不過9月要配股了

TLDR：樓上嗰行咪係。1000字就唔使TLDR啦

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家

1. 都寫過好多次王維基香港電視（1137），不再一一回帶，比較好嘅呢幾篇：

2. HKTV市值超過TVB嘅啟示　（https://fbook.cc/3BNZ）
我挺王維基：電視夢碎，焉知非福（https://fbook.cc/3BNa）
匯控已死，維基當立（https://bit.ly/2BRxehH）

3. 對上一次寫係盈喜（https://fbook.cc/3CUm），但當然反映晒，冇可能呢個盈喜炒兩個星期。

4. 正係上星期五，上返6蚊樓上，咁啱在Tasty Money小炒王個節目都有提（https://ggle.io/3FOM，27:28）。嗰日就又彈返上6蚊樓上

5. 就當然唔係因為盈喜了，都話過咗一排，乜都炒晒。甚至其實7月6號出啲數據都普通的（https://bit.ly/3fJwXMF）。

6. 留意呢排都話環球啲科技股都調整，咁點解炒上嚟？點解我推？

7. 明顯地，因為疫情第N波啦，so sad。唔多唔少呢隻都係疫情受惠股，咁而家夜晚飯都冇得食，又或者好多人又WFH，應該幫到生意—就算幫唔到生意都會幫到下股價

8. 仲有更重要嘅，見到加價！應該話，個免運費門檻上調。咁當然見到網友鬧，但冇人話杯葛—呢啲就最好嘅情況。生意多到做唔完，可以加價。

9. 另一樣係上次盈喜都有提，一般嚟講，公司就係蝕轉賺嗰下嘢最好炒。特別係好多人覺得你唔掂，而你交到貨。Amazon，Tesla，Netflix都係咁。當然其實香港電視嘅情況不同，細隻好多，亦都不見得有好多人敢沽空。

10. 固然成堆科投都麻麻地，但至少而家香港電視係有錢賺嘅，應該好啲，有盈利支持嘅，跌極有個譜。

11. 你睇盈喜，話半年賺9000萬，0.9億。公司市值就56億。就咁睇咩PE，就算年度化，30倍，當然都不平。我亦未睇分析員估緊幾多。

12. 但，又係十分quick and dirty諗下。半年賺9000萬，我有理由相信，其實係最近3個月賺的。舊年下半年都仲蝕緊錢，甚至我估今年頭兩個月都係，3月可能賺返夠頂頭兩個月嘅。況且，2月印新股嘛，應該之後再擴張，可能expand到夠賺錢嘅scale．即係，呢9000萬，應該係最近3個月賺嘅（＊）

13. 如果你計3個月賺到9000萬，即係一年3億6喎！喂，又爭好遠。56億市值，16倍PE，以一間XXXXXXXX（下刪數百字）嚟講，唔貴！

14. 所以講真的，我估，股價會破頂。而家6.2，高位7.3，升多18%之嘛。容乜易？真係10蚊都不是夢啦。

15. 然後？「應該差不多時間又配下股」。差不多啦，上次配完6個月，加埋8月出中期業績，9月如果見10蚊，應該又要cap下水了。

16. 如果估中嘅，唔使當我係先知。但記得通知王維基一聲叫佢嚟睇，然後請返我去撈返一官半職—就唔好當年咁8000蚊啦大佬

（＊）係有啲無恥，但其實大行分析員都係咁上下玩法，最多計晒啲每個月嘅單量之類去justify

-------------------------------------------------------------------------
香港聯匯何去何從？新收費片已出，講足一個鐘，單次買200

想睇簡介嘅，呢度。亦有埋以前嘅片，有興趣可訂：https://bit.ly/3iYMD0F
報名嘅，呢度。今次課程編號填 CC005。唔想填信用卡亦可以FPS： https://bit.ly/3j0r9QZ　
Log in 呢度：https://bit.ly/3gYXu9e
已付費嘅，log in後按最頂「按此觀看」就得。再唔係返呢度睇：https://bit.ly/3fyKbw0
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:「聯繫匯率會否脫勾？散戶應如何應對？」
影片/課程編號：CC005
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC005]
2/利用信用卡網上付款
3/及後有登入資料可以立即收看
查詢：whatsapp 63832145

即時聊天室：http://goo.gl/ToDqof
謎米香港 www.memehk.com
Facebook：www.facebook.com/memehkdotcom

謎米香港 www.memehk.com
Facebook: www.facebook.com/memehkdotcom

謎米香港 www.memehk.com
Facebook: www.facebook.com/memehkdotcom