#bfmurmur1465 第一次投稿 希望抽中我 長文慎入 sorry for 1999 交代下背景先 我同佢都係18，我獅子男佢係處女座。大家都係對方嘅第4任，我哋同一間大學，加上住得都唔係太遠，所以我同佢係機緣巧合底下一齊左。我哋兩個性格都好易燥底，同埋我個人好易喊同小氣。一個星期見3-4次左右。 一開始嗰陣都幾恩愛，冇嗌交，日日都會講早晨晚安之類或者send下心心。因為我哋係同一間大學，所以我有時會接佢放學，而佢都會接返我放學，然後就一齊食夜晚或者返屋企。到而家我都會接佢放學，學野，收工等等，就算我幾忙都會抽時間出嚟陪佢，雖然佢有時怕麻煩到我但我最後都係會去接佢，有時都會買啲佢鍾意食同埋飲嘅嘢等佢收工，亦都會陪佢睇醫生。接完佢之後就送到佢返屋企門口，雖然要轉幾程車但都覺得值得。有一次送完佢返屋企之後咁啱佢屋企bbq，跟住佢屋企人就邀請我一齊，算係冇準備嘅見家長，但佢屋企人對我都幾好。所以我覺得我同佢應該有機會繼續發展。加上佢都係一個乖乖女，唔似會周圍撩仔嗰種，所以我都放心佢唔會出軌。而且我同佢都一齊創造咗好多回憶，其實可以話佢係我嘅初戀因為我個初吻畀咗佢。佢係第一個令我感到好在意嘅人。 但係時間耐咗我哋會為左小事嗌交，通常都係我做錯野或者講錯嘢，佢就會嬲我。咁我當然會即刻氹佢啦。正如一開始我講左我哋兩個性格都好易燥底，所以我自己都有為咗佢而提升自己啲EQ，同佢一齊咗之後我成個人都成長咗唔少。而家都學識控制自己情緒，唔會再好似以前咁成日發脾氣。因為有一次喺街度同佢嗌完交之後我自己走咗，我知自己係人渣，之後佢話同我分手，但最後我成功箍煲。亦都好多謝佢肯畀機會我改過。所以宜家嗌交我學識得好冷靜咁處理。就算喺街度嗌交我而家都唔會再自己走咗，都會一邊陪佢返屋企同埋氹佢。我好珍惜佢畀我嘅機會。 但佢而家每次發脾氣都唔會理我，好想同佢傾番個問題。自問自己都好冷靜，我只係想同佢傾番我哋嘅將來同埋點樣解決個問題。唔想因為冷暴力而令到大家感情減少。而且我平時都會同佢報告我做緊乜同埋喺邊，又唔會周圍撩女仔同玩交友app同去夜總會之類，我相信我已經畀咗好多嘅安全感佢。因為我真係好愛佢，唔想因為性格問題而分開，我亦都有應承佢我會改善。而且佢都唔介意同我講佢不可告人嘅秘密比我知，令我更加想永遠留喺佢身邊照顧佢。而且聽佢講佢啲前任對佢都好差，所以我更加唔會離開佢。 通常同佢鬧交我次次都會認低威，但佢都係唔會理我，搞到我個幾日好頹冇曬動力，成日喊。有一次畀老母見到問我做咩，我只係話我睇咗啲好感人嘅片。而且佢有時都會因為發夢話我出軌而成日都唔理我，我都好無奈，但係我都會等到佢覆我為止。佢真係一個好女仔，我唔想冇咗佢。我只係希望鬧交嗰陣大家可以理性處理下。我個要求會唔會太過分？ ———𝐂𝐨𝐮𝐩𝐥𝐞.𝐦𝐮𝐫𝐦𝐮𝐫——— ♡投稿請按 @couple.murmur IG主頁鏈結! #hongkong #couple #lovestory #hkig