足本睇片👉🏼:https://bit.ly/3gmgstq
一個麵包配一杯咖啡、一碟螢光汁碟頭飯,加上家常的三餸一湯,以上大概就是許多香港人的一日三餐。新節目《一日三餐》訪問不同階層人士,直擊他們的一日三餐,第一集的嘉賓是黃夏蕙。
在香港人心目中,黃夏蕙可算是一個奇女子。曾殺入廣東道,力抗某國際...
足本睇片👉🏼:https://bit.ly/3gmgstq
一個麵包配一杯咖啡、一碟螢光汁碟頭飯,加上家常的三餸一湯,以上大概就是許多香港人的一日三餐。新節目《一日三餐》訪問不同階層人士,直擊他們的一日三餐,第一集的嘉賓是黃夏蕙。
在香港人心目中,黃夏蕙可算是一個奇女子。曾殺入廣東道,力抗某國際時裝品牌歧視港人;表態支持同志平權;每年農曆新年除夕,又撲去黃大仙,務必上到頭炷香。雖然言行出眾,但徹徹實實也是一位老人家,於是記者聯絡其經理人相約訪問,以為一定會拍攝她清早晨運飲早茶的片段時,其經理人卻回覆說:「她不愛吃早餐,下午兩三時才出門口。」殺記者一個措手不及。輾輾轉轉,終約好於3月某一個下午拍攝,由她屋企出發。
早餐只喝普洱加蜜糖
家住元朗新田某村屋的黃夏蕙,準時踏出家門,登上七人車出發。她跟司機十分熟稔,「出遠門」一定會找她幫手接載,「因為住得遠,好多時一出街就會去一整天,很多朋友也住港島區,所以會經常去。」由鄰近黃崗邊境的新田,直達港島區,車程約一小時多。此時,她發揮日常生活小智慧,「通常我也走舊路,走新路的隧道費要百多元,若非趕時間,沒這個必要。」她所指的「舊路」,是經新界東、獅子山隧道和紅磡海底隧道到港島區,雖然花時間,但兩條隧道費合共$28,真的較化算,「平時我坐車多數會睡覺,今次拍攝,所以才聊天。」
其間她提到自己的飲食習慣,早上一定要喝茶,「我一日食兩餐而已,早上不吃早餐,只喝一杯普洱,普洱茶加了蜜糖便很美味,我喝了幾十年。」由於她血壓較低,因此不能喝較寒涼的茶,「例如馬騮搣、綠茶等,這些也不能喝,飲完會頭暈,人很像不夠血。」
很快便到第一站,位於銅鑼灣希雲街某間茶餐廳。「一星期來一次,通常來這裏聊天。」餐廳裝修簡陋,毫不起眼,「去靚餐廳也是講求牌子,甚麼甚麼大酒店,很威似的,即是不為食飯而去,只是為了派頭而去,做人用不着這些。」她甫坐下,便向侍應柯打了一杯茶走,她舀起奶茶中的煉奶說着:「我BB的時候就食這些,白色罐、壽星公的甜奶,以前沒有鮮奶,就只喝甜奶。」羊架終於上枱,她二話不說把羊架放入口,咀嚼不久便吞下,「我沒有假牙,全部也是真牙,有甩過一隻牙,但沒有鑲回。」
出街一定化妝 戴平價假髮
老而彌堅的黃夏蕙,食完午餐的第一件事,便是補妝,「出街一定會化妝,一定會帶個粉盒,補補粉、補補胭脂,唇膏就必備。平日食完飯一定要塗唇膏,女人就是這樣。」髮型方面,當然是假髮,「因為我的真頭髮很長,你們都看過,我白頭髮也不多。這假髮是纖維做,以前有用真頭髮做假髮,但十分昂貴,要數千元一個,我戴這些只售百多二百元。而且哪裏有這麼多真頭髮,多數也用死人的頭髮。」之後她遊走銅鑼灣街頭,身穿閃石戰衣,腳踏四吋platform鞋,「我的衣服很平常,出街普普通通,我這件也是普通衣服,衣服上的石也是自己貼。我細小又矮,自己知自己事,完全不覺得疲累,不要讓人家看醜那一面,讓自己高幾吋。」
着重與朋友相聚 珍惜食飯時間
最後一站,她到灣仔一間茶餐廳食晚餐,「平日我經常來這裏晚餐,我很多朋友也喜歡來這裏,因為這裏的食物美味,說真一句,我來這裏根本不需要叫菜,店主很熟悉我,知道我喜歡食什麼。」晚餐一定要豐富,而且無飯不歡。「餸菜味道愈好,我更要食飯,如果沒有白飯,你也不用請我食,我回家後也會找食物食。
因為沒白飯,就代表沒食物到肚。」首先她食上湯枸杞浸豬膶 ($128),「豬膶很優質,天天新鮮入貨,每天賣不完就丟,而且還有枸杞和杞子,所以湯很甜。」這裏的鹹魚蒸肉餅 ($86)更是她至愛,「這裏的肉餅特別鬆,平時有些豬肉,我不太喜歡吃,覺得很韌,但這款就很嫩。這件鹹魚是實肉的,鹹魚有兩種的,新鮮醃的鹹魚是實肉的,不新鮮醃的就是霉香,但說真一句,我較喜歡吃霉香。」
最後她認為食飯最重要的,始終是與朋友相聚的過程,「我很着重朋友,我也八十多歲,很多朋友也已離開了,譚炳文、李香琴等,我們以前經常見面,當然也想跟他們一起食飯。祥嫂17歲就認識我,大家經歴過很多風風雨雨,她是真真正正的好姊妹。所有的朋友,大家也要珍惜,今日不知明天事,要珍惜大家開開心心食一餐飯的時間。」
採訪、攝影:《飲食男女》
創意廚房
地址:銅鑼灣希雲街19號地舖
電話:3619 5618
營業時間:星期一至日 11am-10pm
灣仔冰室
地址:灣仔謝斐道250-274號地下9-10號舗
電話:3590 3395
營業時間:星期一至六 11am-9pm,星期日休息
#飲食男女 #香港 #香港美食 #美食 #852food #hkfood #instafood #黃夏蕙 #一日三餐 #鹹魚蒸肉餅 #銅鑼灣 #茶記 #羊架 #創意廚房 #灣仔冰室 @wan_chai_cafe
獅子山隧道電話 在 巴士維修技工的載客賣血生涯 Facebook 的最佳貼文
係睡夢中收到派更電話,終於唔洗返去坐,國家終於有任務俾我,點知去到觀碼就話早更收左車要是返廠攞車😑
返到廠係天台求其攞部車就出街做生意,估唔到去到德福都開始頂閘,一入獅子山隧道無耐,部車叉池燈著,自動死火,完全失去動力😑
心知攞住呢部車係隧道內擺街,肯定會屎忽不保🤭,所以死都要著返車,試左兩次就著得返,繼續行程
出到隧道,有位非工程部既文職人員走過黎曬證,叫我落紅梅谷路要慢啲?
部車繼續行駛中,我:點解呀?
文職人員:你部車好多危險燈著緊,話無油,驚你一陣死火無迫力
我:呢個係油渣有水,所以警告燈著,就算部車死火都唔會無迫力,我以前做工程部嫁
文職人員:希望喇,以前有部巴士就係無迫力衝左落去
我:係因為佢長拖迫力姐
文職人員:部車死火既話,部車液壓系統就會無
我:部車頭先係因為叉池燈著所以死火,而且部車行風壓嫁,唔係行液壓嫁(迫力系統)
文職人員:咁踩幾下都會無
我真係反白眼:唔會踩幾下就會無嫁
有時候你好心黎提我,但同時會嚇親啲乘客,如果部車無迫力就算幾慢落斜都好,最後都只會越黎越快
我唔只係信自己,我更加相信既係我廠內既師父,這就是一份專業
點解部車有一轉唔係我揸,係因為要跳飛機俾人揸一轉,我都同位師姐交代部車要留意既事項
但呢部衰野係我接返之後,出九龍方向,同樣係獅子山隧道叉池燈著後自動死火,睇黎可能又要做返一排廠長🧐
獅子山隧道電話 在 彭秀慧 Kearen Pang Facebook 的最佳解答
#兜路我有經驗
睇到 有人個 FB post 話的士佬兜路,好自然就會有人叫佢坐Uber. 我坐Uber 就有呢個經驗嘞......
有一次我坐Uber 由馬鞍山去機場,一上車忙於用電話處理工作,沒有理會司機行車路線,結果我一抬頭,發現架車已經係獅子山隧道入面,我叫咗出嚟!
我 : 先生點解你會行獅子山隧道?有尖山你行,有城隧你行,點解會行獅子山隧道?我去機場喎!
Uber : Google 教㗎!
我: 但係google條路明明紅色個喎!
Uber :紅色係慢車啫!
說時遲架車一出咗獅子山隧道,就發現龍翔道勁塞車,我哋架車直頭俾啲大貨車包圍住,塞咗成二十分鐘,都係啱啱過咗黃大仙,google 表示嘅行車需要時間一路增加,一直上到一個小時有多,我幾乎噴火。
我:我趕飛機喎!
Uber :咁都冇辦法㗎!唯有認命啦!
我:(認命你都講得出!) 係咪冇得走?
Uber : 冇㗎啦⋯⋯邊有得走?
我:點解你會行獅子山㗎!點行都唔會行獅子山啦......( 繼續埋怨 ,但相當無助 )
Uber : ( 無出聲,直頭無再理我)
架車過咗九龍塘,前面條車龍完全睇唔到盡頭,你係我,會點?
獅子山隧道電話 在 我的你的紅的 Facebook 的精選貼文
【當年今日】
情侶上車之後,都唔一定纏綿到落車嘅,有時侯都會一齊睇吓電話,各有各睇還好,一齊睇同一部,就好易出事。相傳俾得電話女朋友睇嘅,都一定已經將唔睇得嘅內容刪除,但,總有漏網之魚⋯⋯
年輕嘅男女喺旺角上車,去大圍兩站,每人五十蚊左右就夠,抵到爛。車行不久,男仔就遞部機去女仔前面,「你睇吓,吳京大腦呀,我要CAP低隨時SEND俾你睇」,雖然男仔笑緊女仔,但都不失溫馨,仲一齊笑「六千蚊」「小儀麻痺證」等等。
之後一路睇FACEBOOK,一路講吓啲私人嘢,「嘩,MANDY啲PRE-WEDDING幾靚,去到歐洲影添呀」、「呢度行山都幾靚喎」等等。
入到獅子山隧道時,女仔冷冷咁拋出一句:「咦,人地今日生日喎,仲有花添呀,唔緊要,我都唔鍾意花嘅。」男仔都好愕然:「點解有張咁嘅相嘅,成五年前喎,我DEL漏咗,FACEBOOK彈返出黎啫。」「唔使DEL啦,人人都有過去嘅,唔緊要。」如果女仔大吵大鬧,可能仲易處理,而家淡然回應,手尾就長得多。
離開隧道,黑暗再度包圍車廂,女仔繼續講:「睇吓仲有咩舊相?又係呢部白色車呀?好似成日都有人POST佢咁。」男仔亦都扮無事:「佢自訂車牌太易認喇。」之後又講吓彼岸花月餅,又講吓人地嘅關公災難。
女仔先落車,臨落車俾返部電話男仔:「舊嘅嘢我地唔好再提喇,好嘛?」男仔點點頭無出聲,女仔亦無拖泥帶水,講完就返上樓。
「唉⋯⋯」寂靜嘅車廂中,男仔嘅嘆氣聲特別明顯。
有感嘆息中嘅重量,我多口提句:「FACEBOOK呢個功能可以SET唔睇某啲日子、某啲人嘅舊POST㗎。」「可以咁?司機你都中過伏呀?」
「無,」當我講完呢句之後,車廂又再度回歸寂靜。「我成個舊ACC DEL嘅。」
舊訊息應該刪走只係其中一個手段,再沒留憑證先係皇道呀師兄。
#lazytaxi
#的士
#taxi
#我的你的紅的