*嚴禁劇透* *粗口自行過濾* *可瘋狂話戲屎但免外表批評人身攻擊* · [1230隔夜超短劇評][TVB][金宵大廈 EP01&02][夢] · [讚] · 本身都打定輸數，預咗無綫播嘅劇就算係喺2130播，都唔會恐怖，但今次個氣氛又真係做得唔錯喎，有啲寒。會唔會係因為本身預咗喺周六周日播，所以冇咁多限制呢？其實拍乜都好，如果乜都就住就住就唔會好睇。 · 奶仔方紹聰係呢兩集最出嘅演員，當然個角色係好發揮，但做癲佬嚟講奶仔係捉到路，同類角色從來未失手過，甚至佢做正常角色我都覺得佢有一吓會發癲。另外，林子善同埋陸永都係好正，放喺度成套嘢生猛咗，但又唔會好阻到其他演員嘅發揮。話時話，好似未見過佢哋兩個同場，一拍埋先發現原來兩個演員嘅做法都幾似，睇得好舒服。由喜劇（我當咗陸永都係）tune 到去做正劇角色係難嘅，你見有好多做喜劇出色嘅演員都搣唔甩陣味，但佢哋兩位就好順暢，唔知有咩方法呢？ · 用打手機遊戲去介紹金宵大廈係個猛鬼地方都幾有趣，都希望之後可以再交代吓或者有橋段係關事。不過林老師嗰本《夢遊》似乎都好關鍵，希望放得落去嘅嘢都有用啦，如果唔係煞有介事咁講又好似失咗焦。 · [彈] · 講返個開頭先，用新樓銷售嚟做開波，之後Alex又有講到話自己一個人冇得公一份婆一份去買樓上車，膠罐又係話自己過唔到壓力測試買唔起樓，講咗一大輪，之後就再冇講到有咩關係，希望之後可以多啲嘢，如果唔係成段都幾浪費。 · 阿蕭嘅情緒變化真係勁大，明明畀Alex玩完一輪之後好嬲，嬲到惡言相向，仲話佢八婆唔知係咪前世欠咗佢，但轉個頭就鍾意咗佢。擺到明係前世情綠我知道，但都唔好轉得咁勁呀，中間乜都冇發生過，阿蕭只係見到發咗幾十年個夢嗰個女人好似Alex咁樣樣咋喎，仲要一開始話個夢裡面嘅女人幾十年都害到後失魂，做乜無啦啦會變咗做夢中情人呢？轉變得太離奇。雖然係奇幻劇，但都唔可以唔跟邏輯呀。 · 不過再弱啲嘅都仲有，就係純情男彭彭，喺街度見到小魚，截咗蔡san糊，幾個鐘頭就愛上咗佢，接受唔到佢做雞/PTGF，但係接受到佢同自己見第一次面就上床，喺劇本乜都冇講嘅情況下，最合理解釋係佢真係癡線，但劇本成日話人癲線就冇嘢好講，亦都冇嘢好睇。 · 不過最好笑就係要爆錶行嗰個賊頭，畀阿蕭講兩句就信，又真係打算放過佢。唔好咁啦好唔好呀？直接係靚寶打救佢哋咪得囉，橫掂大家都應該相信黑貓靚寶係有異能。 · 陳山聰做呢啲有朝氣角色比較吃力，拍埋去陸永同埋林子善度尤其顯得佢唔係好自顯。嗰句阿蕭精神乜乜乜乜，都好老套。希望呢啲都係舖排佢嘅上一世出現而做，如果唔係都幾慘。 · [演員表] 陳山聰 飾 蕭偉明 / 李施嬅 飾 Alex / 林子善 飾 膠罐 / 歐陽巧瑩 飾 Mia / 黃子雄 飾 佳爺 / 陸永 飾 蔡San / 康華 飾 Yuki / 劉江 飾 林老師 / 黃致豪 飾 水哥 / 趙希洛 飾 何太 / 鄭耀軒 飾 東東 / 黎振燁 飾 Jack / 方紹聰 飾 彭彭 / 趙樂賢 飾 丁滿 / 鄭恕峰 飾 刀疤 / 黃文意 飾 小魚 · · #1230隔夜超短劇評 #TVB #金宵大廈 #葉鎮輝 #羅佩清 #陳山聰 #李施嬅 #林子善 #陸永 #歐陽巧瑩 #黃子雄 #康華 #劉江 #黃致豪 #趙希洛 #鄭耀軒 #黎振燁 #方紹聰 #趙樂賢 #鄭恕峰 #黃文意

9O後才懂的功課 繁忙的工作裡每天眼望著一埋Excel,Word等等工作表，令人不時懷緬過去。記得以前每日一篇係小學雞第一份網上功課，細個成日用做每日一篇黎做藉口同呀媽講要開電腦，其實目的係玩猛鬼大廈，打新線上遊戲既無個性戰隊。以前電腦管得好嚴，好少機會用到電腦，上網仲要56k寬頻，仲要同啊哥排隊輪住用，所以成日同阿媽講話做每日一篇，其實係5分鐘做完，25分鐘係度打flash game上網。 同班手足一齊開住個ICQ﹑MSN係個群到討論答案，你抄下我我抄下你咁交流答案，最後已經做做下訓練到睇問題估答案，咩閱讀理解真係文都懶尻得睇。答案最長哥個一定係答案，其實諗返起真係好反智，成日都講講埋咩垃圾求學不是求分數收啦？唔求分數又整個RANKING出黎拎咩獎又咩獎咁，唔做又扣人分又當欠交功課屌你。 叫人做喱啲野有無人每日走去逐篇睇，1O個有8個肯定係尻做交左功課就算數，我諗應該無人真係日日都咁認真逐篇睇。最後我地都會變左LF2，肯定唔洗我講都知玩強化R-LF2 之後係咁dn 其他版黎試，最後個個版都死晒Link 。新線上遊戲地帶﹑猛鬼大廈﹑忍豆風雲﹑星願小王子﹑仲有成堆江湖ONLINE GAME，同埋我最愛嘅留在彼此的身邊。 好懷念，過去到現的我們，還是為了想得到的東西去爭取，加油，手足們！ #2009

謝謝報導❤️ 信報網站 2018-02-15 演員農夫廚師合體 梁祖堯講住講食 對梁祖堯，秒秒鐘笑到有腹肌，分分鐘喊到四眼皮，除了是舞台上的最佳男主角，台下也是農夫和廚師。有人以為他是「重拾」菜刀，其實由5歲入廚房舞刀弄鑊開始，根本從未停下來，但出過食譜兼廚藝獲得認證後，卻拒絕開餐廳以饗天下，原來又是同愈升愈癲喪的樓價有關。 「香港無得救，已經玩X完，假設樓市急跌五成，回到合理水平，可想像到我們每日都要擔遮出街，我皆因每日都有數之不盡的業主跳樓，一路跳、一路跳……」多年來他鬧爆地產霸權，下一部舞台劇說的就是「明日之後」的香港，摩天大廈被冰封的香港。 梁祖堯（阿祖）在香港電台《獅子山下2014》的〈做地產〉中演過地產經紀，入行時老實單純，漸漸變得不誠實，宣傳片中警句是「在這個寸金尺土的瘋狂都市，該往哪裏安放自己的良心？」同年舞台劇《深夜猛鬼食堂》，他演活了收購舊樓的事務律師，喝下「勝在任你湯」，從而打開陰陽眼，結果分不清是人是鬼。2006年演過的劇目《大汗推拿》去年重演，講述自由行是香港人想賺內地人錢，今日是內地人買下香港物業再租給我們，像預言書一樣諷刺時弊，難怪阿祖說過「那是一個能超越時間的好劇本」。 不開餐廳原因 兩年前，阿祖進修法國菜，現在再學法國甜品，已獲得當地專業認證，符合資格在法國開餐廳，惟談到何時做老闆時馬上耍手擰頭，並謂：「唔會喇！我不會在法國開餐廳，也不會在香港開餐廳……」他欲言又止，似有說話未曾講，記者追問：「只出食譜，不開餐廳，豈不可惜？」 「全港餐廳，三分二收入用作交租，不得不壓榨伙記、選用次等食材，員工做得不開心，服務態度好不到哪兒，顧客是直接受害者。」半晌，他不慍不火再說：「我一向不妥地產，不想玩這個遊戲，當你一頭栽進去，便是其中一分子。」 隨波逐流太易，一輩子為了幾百呎蝸居而活，他不去壓榨人，也不想被壓榨。「香港有無得救？一句，無得救，講完！點救？真是無辦法，我們看百年老店交不起租，逐一執笠，香港已經玩X完，被地產霸權折磨到社會扭曲，現在我住在元朗村屋中層，5年前是160萬元，現在炒到接近500萬元，可想而知有幾瘋狂。」 單看文字你會以為他是歇斯底里，但語氣其實平靜得有點嚇人。「試想一想，樓市回到所謂合理水平，舉例說，全港樓價急跌五成，1000萬元新樓變成500萬元，香港現在有200多萬業主，至少一半人會跳樓。」 「樓市玩完，舞台劇接住玩完，誰有心情看舞台劇？」話鋒一轉，阿祖帶點幽默地順水推舟：「這時候不得不賣一下廣告，3月公映的《哈雷彗星的眼淚》，講的就是我們習慣可悲地生活，哈雷彗星每隔76年回來一次，上一次是1986年，當時香港百業興旺，下一次回來時變成怎麼樣的香港？」 陝西難忘經歷 話說回來，祖媽本身是業餘劇團成員，不時演出，阿祖在19歲那年被邀請客串《同性三分親》唯一少年角色，遂對舞台劇產生興趣。他讀書時的志願是做生物學家，A-Level生物考獲A，但化學不及格，於是投考香港演藝學院，1996年正式開始演出，2003年創立風車草劇團。2004年至2011年5度公演的《攣到爆》，阿祖身兼編劇和導演，全部53場悉數爆滿，他飾演同性戀大明星，斬獲香港舞台劇獎最佳男主角。 「在我的劇本中，香港已完了，像《明日之後》般冰天雪地，被冰封了的香港在冰層下面，我們改變不了客觀環境，是否意味要放棄生存呢？不過，我深信關心、愛、尊重是不會改變，也不應改變，改變是沒有好壞，只有人心變好或變壞。」 記者問他是否對香港心灰意冷，他思索了好幾秒，嘆一口氣才再開口。 「沒有，我不會移民，也不覺得是垂死掙扎，有些人用奄奄一息的語調說『香港有希望』，我完全相反，不接受改變只有死路一條，每個時代都有艱難和可愛之處。或許我是戲劇人，戲劇是關於人的故事，留得在舞台上的故事，必然是溫度尚存的故事，無論怎樣變，人的溫度始終如一。」訪問當日是今年香港最凍的幾日，他一邊吃瓊鍋糖，一邊憶起陝西農夫，點滴在心頭。 5歲開始入廚 陝西傳統食品瓊鍋糖，昔日是朝廷貢品，有800年歷史，由生態小米、大麥芽和芝麻製成，7個人一起做需時40小時，最近獲樂施會引入香港宣傳公平貿易，阿祖回想早前隨樂施會到陝西的旅程刻骨銘心：「首先，我們去的時候碰上當地8年來最凍的冬天，50厘米厚的積雪，凍到甩肺，當地農村無暖氣，我們要踩在煤炭上，才能保住雙腳，現在每咬一口，記憶便湧上來。」 「瓊鍋糖的製作過程簡單而艱難，每年只有6個月出產，我們探訪的兩兄弟傳承了家族祖傳技術，全人手製作，別以為一搓一拉好輕易，其實是幾包米的重量，如果再不保護，很快會被機器取代，這種民間手藝也會失傳。」阿祖特別懂得珍惜傳統手藝，只因其烹飪基本功也是來自外婆真傳。 父母在阿祖仍是小學生時已分開，他與弟弟跟媽媽生活，但媽媽是事業型女性，任職大型廣告公司人事部，平日極少下廚，他自5歲便跟外婆入廚。外婆包的菜肉雲吞，阿祖試過一口氣鯨吞30隻，亦在外公的身教下，變成真農夫。「沒有他們，也沒有今日的我，外公20多歲時由中山來香港，以前是農夫，對於他的農村往事，我會聽得非常入迷，他說男生不跌不痛不會成長，切親手沒有大不了，又會帶我去行山，把我放在樹上，之後裝作離開，叫我盡快爬下來，開頭實會跌親，慢慢便掌握到爬樹