緣月星初Glamping🍻 入營 因為Check in時間係3PM (Check out係12點) 所以我們好滋悠咁睡飽，食埋午餐，仲落街放左一次緣緣 先至慢慢執野入去。 佢地三個望住我地行黎行去 唔知發生咩事，上左拖繩後仲痴埋一齊 眼甘甘，好似好驚我地賣佢豬仔咁🐖 營地 揀左『部落營』，因為媽媽中意民族風⛺️ 好企理！無蚊無蟲，執得好乾淨，連半塊葉都無 又乾淨又舒服，我們真心覺得張床仲舒服過屋企，哈哈。 而且張床大到容納2人3柴都無問題 冷氣都好夠，半夜我仲覺得凍 要較到最細風同23度先得，所以整個環境都好舒適😚 天氣 感謝天公造美，無落雨之餘，仲涼涼地幾舒服 本身一直陰天架，去到營地後，霧散了仲出太陽☀️ 有太陽好感動啊😭，所以有些人去了附近看日落 大慨駕車10分鐘就到白泥（鴨仔坑士多）睇咸蛋黃一流 食物 晚餐：我們訂左燒烤餐🥩 開啟懶惰模式，食物完全夠食有突。 涼涼地18度到真係好適合燒野食， 因為有雪櫃同廚房可用，所以不少人自行買海鮮。 其實好近流浮山，大可以買完先入營 交通 可以駕車直接駛埋入去，或者坐的士門口有落 好岩我地帶住3隻屁孩的輪盡家庭🚙 草地 有圍欄可以放心盡情放，超爽！ 人類表示唔洗下下拉住佢地真係好舒服（鬆一鬆） 仲要有兩隻新認識的柴柴朋友一起跑 佢哋玩得勁開心，特別係星星呀！完全融入左人哋個家庭😂 屁孩出沒注意⚠️ 唯一缺點是前幾日落過大雨，所以有個泥水氹在近門口位置 爸爸話：「應該唔會行進去既，佢地平日在街見到水氹都避開」 結果⋯⋯緣緣又點會令你失望呢😌 屁孩緣又發揮佢的本色， 離遠見住佢目不轉晴望住個泥水氹，已經feel到出出地事， 結果佢真係走去試，行一步沾沾腳 欸，無事，又再行入D⋯⋯ 衰仔，真係好中意冒險，做啲刺激人心臟的事， 屁到爆，笑死我。 爸爸捉完清潔好，上繩扣住佢要佢坐一陣監。 過一陣柴朋友仔嚟搵佢地玩 我好心放佢自由，一放佢又去試， 最衰的是，仲帶埋個女去行泥水氹🖕🏻 將呢對父女雙雙捉回，徹底清理乾淨就掉入營。 所以幾時都話痴實媽媽的二月最乖，無呢對父女咁曳🥲 價錢 如果你問貴唔貴，我會答你值既。 因為個營內真係好乾淨， 周圍無蟲、無臭味 草地無垃圾，地上也唔會有咩食物骨頭， 大家都好愛惜呢個地方。 HK$2000 兩人三柴 重點： 可以比我帶3隻狗，又有咩地方可以做到😆 💯今次體驗真係沒什麼可挑剔呢 開心呀～比左勇氣我可以下次可以再帶佢地渡假。 原本好驚佢地會拆屋，咬爛野，或者會亂屙 總之就擔心佢地搞到七國咁亂 結果完全無🧡 —— 感動，很好呢 又有諗過佢地會唔會唔訓，跑足一晚？！ 因為佢哋無午睡到，又跑左半日草，所以都真心累 月月勁乖😴，一入個帳篷，就上床反肚熟睡。 乖乖的，幾時都話女兒是天使。 而緣星呢對屁父女就玩到半夜先訓， 初頭訓地下就一直搞事，後未上床痴實我地先靜下來。 最後我們全體都進入熟睡狀態😴 係臨天光5AM醒過一次，帶佢地3個散左陣步 解決完佢地生理需要， 又再訓返，所以總算唔洗通頂，有好好休息到。 已經在期待下次， 去邊好呢？ 【7-8 Mar 2021】 #二月與緣緣 #聽說這是緣月家