【 王雙駿《砂之器》編曲拆解 】 _ 每個歌手都有一個屬於自己的「世界」，而歌曲就是通往該處的大門鑰匙。 _ 細數 #柳應廷 幾首單飛派台歌：《水刑物語》、《迴光物語》、《風靈物語》，還有《狂人日記》，整體製作水準不俗，然而就是無法與之「接通」，直至最近《砂之器》派台，那串「鎖匙」總算出現了，除了 #小克 撰寫的歌詞、 @shengwong_ 執導的MV能夠打動人心外，負責作曲與編曲的「Carl叔叔」 #王雙駿 絕對將整首歌曲提升至極高水平，尤其是中段Music Break響起的鋼琴聲，是全曲最讓我有感覺的一節。透過「音樂研究所」的訪問，以及附設在短片解說，相信讀者能夠了解更多新歌的創作細節。 _ 採訪、撰文：音樂研究所 編輯： #游大東 _ 「做阿Jer呢堆歌係好飽，每一次都好滿足！例如上次做《狂人日記》玩到咁癲，我就諗：『今次應該點做好？』但原來當一班傻佬抱住同一信念，啲嘢自自然然就會生到，呢樣我覺得係最難能可貴。」 _ 多年來炮製過無數樂壇經典好歌，王雙駿（Carl）仍然抱著一個信念 ——要夠好玩。從《水刑物語》到《砂之器》，利用編曲說故事，細聽下每首歌的聲音細節也是相互連繫，這是他給自己設定的一個遊戲規則。 _ 柳應廷（Jer）的「重生」系列三部曲，不論在概念、歌詞、編曲及MV層面，也被樂迷稱之為上乘的藝術作品，而在王雙駿的眼中，創作過程好比充滿驚喜的實驗。談到《狂人日記》瘋狂的編曲，他形容最過癮的地方，就是有做電影配樂的感覺。拿着歌詞，幻想那部分是甚麼的畫面，配怎樣的音樂才好。 _ 「狂人其中一個特點，你永遠唔知佢開邊瓣，有時唔出聲，有時會發癲，所以我同阿Jer、吳林峰（作曲）、小克（填詞）就諗，不如成首歌係咁變。所以你一時聽到鋼琴獨奏，一時又有澎湃嘅鼓、電子音樂、管弦樂⋯⋯同埋bridge位（連接段）我專登編到好似另一首歌。有一日我同小克、阿Jer傾傾吓講起黎曉陽，諗起佢原來識『喉唱』（蒙古特有演唱技巧）同吹Didgeridoo（澳洲土著的吹奏樂器），後來我哋就搵埋佢錄音，一路錄一路試，再將阿Jer把聲擺埋一齊，出到嚟嘅效果好特別，感覺就好似狂人發完癲，然後去咗自我覺悟嘅境界。」      _ 完成《狂人日記》後，王雙駿表示自己心中已經有畫面，第二首將會是一首浪漫的作品，而歌詞卻是非常有深度。  _ 《砂之器》中個人認為最難忘的一段音樂，是Music Break那盪氣迴腸的管弦樂，是王雙駿改編自電影 《齊瓦哥醫生》（Doctor Zhivago／1965）主題曲《Lara’s Theme》的一段旋律。在這段動人音樂之前，是一段由人稱啤老師的歌唱老師馮夏賢所唱的搖籃曲，聲音聽起來很遠，回音很大，就像媽媽對著肚內寶寶哼歌，寶寶隔著羊水聽到的聲音。他對這首歌的感覺特別深刻，有幾次錄音幾乎感動得落淚。   _ 「因為我自己都係爸爸，好清楚媽媽要生一個小朋友，到底要犧牲幾多。我腦裏一直有個幸福畫面，媽媽哼著搖籃曲，摸住肚幻想，到底BB係點嘅樣呢？有趣嘅係，BB會俾反應，真係會聽到。所以當第一次Chorus（副歌）完咗，我擺咗一段鋼琴彈嘅搖籃曲，到第二次（搖籃曲）出現，就係Bridge（連接段）之後，我搵咗一把女聲嚟唱。」 _ 王雙駿說，關於女聲人選最初沒甚頭緒，湊巧地那段時間他和啤老師在談其他事情，靈機一觸，他便想起啤老師是個適合人選。雖然她並不是媽媽，但就教過很多學生，同樣亦是一位演員，於是乎膽粗粗邀請她幫手。頭幾次錄音，他依然未有感覺，直至啤老師見到一樣東西。「我錄音室擺咗隻啤啤熊公仔，佢見到就即刻問我：『我可唔可以借嚟？』然後佢就攬住當係一個BB，跟住一唱，我即刻毛管戙，就係要呢種感覺。」 _ 撰寫《砂之器》，王雙駿給自己設計了一系列遊戲規則： （一）要求《砂之器》第一粒音接住《狂人日記》最後粒音，聽起來就是（狂）風起了； （二）《砂》跟《狂》的曲調同為 C sharp minor（升C小調） ，直至chorus才稍轉至C sharp major（升C大調）； （三）「風起了」後一句響起風鈴聲，呼應着《風靈物語》； （四）承接《狂》，弦樂依然扮演重要角色。 _ 「今次呢首歌由我自己寫番，係因為既然自己set咗咁多規則，如果交俾人哋寫又未必知你想點，同埋對人哋都好唔公平。」  _ 訪問中王雙駿不時強調，揀選甚麼樂器、用聲都是有根有據，例如第一同第二個verse（主歌），聽起來已經有明顯分別，後者的Mood and Tone較為黑暗。「第二段Verse（主歌）嘅第一粒音，你會聽到一下重嘅Bass Drum（低音鼓），我特登將個Low End（低頻）較重少少，想營造嘅氣氛係，BB隔著媽媽肚聽到外面（傳嚟）嘅聲音，就係呢種聽落好遠又模模哋嘅感覺。 」 _ 《砂之器》，代表著王雙駿第五次與Jer合作。經歷一年幾的磨合，見證著Jer起初錄 《水刑物語》時極無信心，到後來慢慢進入狀態，發掘到他更多的音樂潛能，Carl打趣說：「我同佢講：『你條命係屬於辛苦命㗎喇！作品只會一首比一首難唱。』難度不在於要幾高音，而係情緒投入度要好高先得。但佢份人好鍾意思考，好有諗法，俾份歌詞佢睇，好快已經有曬畫面。」  _ 至於第六首作品，亦即是重生三部曲的最終章，王雙駿說其實Demo一早已經寫好，務請大家拭目以待！ _ （30072021）

輕談淺唱不夜天今晚同大家講吓《砂之器》嘅緣起及創作過程。 自從前年寫《是但求其愛》開始，鍾意諗返每件事嘅源頭，點解我會寫到呢首歌？有乜嘢驅使我去寫呢首歌？就會自然追溯到幾日前、幾個月前，甚至幾年前。類似佛家的「緣起法」，諗吓諗吓你會明白，原來一件作品，係無數因緣和合而成，真係一切都是緣份，當中因果難分。 《砂之器》嘅「今生情侶，下世母子」呢條主線，除咗由細到大中國人講嘅「無仇不成父子」、「女兒是你前生情人」之類「討債」式論述，仲有幾年前睇咗一本對我好重要嘅書——《靈魂的出生前計劃》，裡面有一章講「流產」，我實在太鍾意呢一章（詳見拙作《偽科7》p.128，如果你有興趣），一直想放落歌詞，都放咗一段仔落周仔嘅《夜空的呼喚》，但首歌佢未消化到所以無唱，咁咪再等囉無所謂，不過都知好難有監製肯放手俾我寫呢樣嘢。（後補：有網友提醒，原來我在陳慧敏 @chan_wai_man 的《沉默之間》最後一段也寫過。係喎！我自己都唔記得咗！😅） 去到今年年頭，《樂壇已死》派台，某記者致電訪問，剛巧那晚我正開始寫重生第一部曲。訪問後該記者DM我，說多謝我寫的《四季》，陪她媽媽走上最後一段路。我除咗「節哀」之外都唔知講乜好，但就受她的message影響，突然諗番起《靈魂的出生前計劃》那故事，於是自作主張當晚寫了份初稿（當時連名也未有，暫名《搖籃物語》），就是一份關於「今生情侶，下世母子」的詞。翌日阿Jer覺得份詞太深亦非他想要嘅嘢，於是再改寫成後來的《狂人日記》。 然後，來到五月，開始構思第二部曲。Jer發來短訊，話要寫《零極限》頭兩式「對不起，請原諒我」（《零極限》係一本知名身心靈叢書，時間關係自己google，如果有興趣），咦？briefing就係咁？平時佢會send好多相加千字文過嚟㗎喎？因為當時他剛完成Mirror演唱會得番半條人命，無電再send相了。咁我就打蛇隨棍上，問佢好唔好用番上次《狂人》份棄稿的題材，去講「對不起，請原諒我」？佢話可以，咁我就嗱嗱淋趁佢病攞佢命，盡快爆seed寫成《砂之器》（不過都典咗三晚，首歌太Q難寫，加上我哋個黐線王姓監製堅持此曲第一句一定要連住上一曲《狂人日記》的最尾一隻字「狂~~~」！喂淨係呢句「（狂）風起了」都諗咗我半日啦）！ 寫詞中途，在YouTube發現有位叫Tommy Sir的仁兄以純佛學角度去分析《狂人日記》，兼預測第二部曲走向（都係嗰句，自己search，如果有興趣）！好精闢！當中提到「宿命論」與「自由意志」的對立，我才如夢初醒：係喎！其實可以把這種對生命的struggle延續到這段母子關係裡，首歌會更豐富！亦因為「宿命」兩字，咁啱撞正我寫到結尾「沙漏」兩字，神奇的火花點燃起了！突然想起松本清張！砂，之，器！這部經典小說的主旨正正就是「宿命」（書好睇，雖然好厚，但74年那部改編電影更精彩！竟然把書中主角那首《宿命》piano concerto，四十多分鐘的樂章，原原本本放在電影最後四十五分鐘的montage！你有無睇過一部戲最後係長達四十多分鐘嘅MV而極少對白？野村芳太郎導演，橋本忍、山田洋次編劇，again，自己google，如有興趣）！ 係，終於寫到！但，係，我自己都覺得好深，但又好鍾意。見交詞後三日團隊都無人feedback，暗自擔心今次能否懷孕成功。因為望子心切，遂於三日後在group中發了一句「嗱呢份詞如果唔收會絕交！」，聽聞嚇到阿Jer面青，其實佢應該係忙到癲根本無時間睇詞，Sorry囉！ 我最想講，人越大我越唔信一件作品係純粹關自己事，所有前因起點、時間醞釀、所有當中出現來幫忙成事的人事物，因緣和合地成就一首歌，都要逐一感謝：《靈魂的出生前計劃》、《樂壇已死》、周仔、喪母記者、《四季》、Tommy Sir、松本清張、花姐、條Jer、Carl叔，Sheng導，甚至唱Demo的吳林峰（其實仲有身陷囹圄的兩個人、其中一個叫張可森，也是個填詞人，他寫了篇樂評，看穿我在《狂》開始沒有用上「我」為第一身，係，今年三首我想抽離少少去看輪迴這回事，《砂》中唯一一個「我」字屬Quotation，唔係Narration，可惜那文章已消失了⋯⋯），都各自有其崗位及作用，我只是神派來把文字盡量啱音地寫出來的其中一個角色，而已。緣份千絲萬縷，我們其實活在一張意識巨網之中，所有東西都相連互通（又介紹一本書叫《無量之網》The Divine Matrix，講呢樣嘢講得好好，google it，誠推）。 無嘢了，眼瞓。聽聞好多人睇完MV爆喊，好事來的！把情緒釋放出來吧，然後再努力築起下一個砂之器，一起對抗所有宿命。多謝大家喜歡這歌。Night~ #砂之器

. 《十二星座推薦片單（下集）》 ㅤㅤㅤㅤㅤㅤㅤㅤ #星座片單 下篇選天蠍當開頭，是因為本企劃初衷只是想問問推薦給天蠍座的片單（幫自己問）至於其他11個星座，我也就佛心的順便幫大家蒐集起來（眨眼😉 ，沒想到這個單元整理起來煞費苦心，差點要含淚報考星座大師重修班？ 天蠍座真是一個善良努力沒事找事做？的星座😌 本節目建議搭配精選限動 「星座推薦片單」圖文並茂還可以看到推薦原因，限動持續更新中，敬請鎖定本台，有什麼星座遺珠片單歡迎在下方留言補充⬇️ ㅤㅤㅤㅤㅤㅤㅤㅤ 註：🐟🐟跟🐑🐑的片單很一致 其他人可以當作浪漫愛情片單 &暴力熱血片單來收藏❤️ ㅤㅤㅤㅤㅤㅤㅤㅤ ——————————————— ㅤㅤㅤㅤㅤㅤㅤㅤ ▍天蠍座 神秘魅力、敢愛敢恨、 以牙還牙、以眼還眼 能愛的轟轟烈烈也能小心守候 擅長等待必要時刻卻很果斷 事業心強能開創一片天 不要惹到蠍蠍，因為記仇真的不是他們故意 只是不知道為什麼就是忘不掉呢😚 🎬：黑道律師文森佐、巴黎野玫瑰、捍衛任務、ps我愛你、紅磨坊、血觀音、大亨小傳、黑暗騎士、如果雨之後、艾蜜莉在巴黎、今生情未了、史密斯任務。 ㅤㅤㅤㅤㅤㅤㅤㅤ ▍射手座 流浪是我的天性，玩樂只是我的本命 我不是花心只是在尋尋覓覓真命天女 人生走在流浪、玩樂、選妃的路上（大誤） 🎬：王牌冤家、一路玩到掛、柏捷頓家族、歌舞青春、游牧人生、少年pi 的奇幻漂流、波希米亞狂想曲、異鄉人：古戰場傳奇、尋找仙境之旅、移動世界、鬼怪、白日夢冒險王。 ㅤㅤㅤㅤㅤㅤㅤㅤ ▍摩羯座 大家公認自己也默認的工作狂 有過人的耐力、意志力 務實偏執堅持己見 但內心很柔軟 談戀愛前先顧麵包🥯 🎬：穿著Prada 的惡魔、Steve jobs、理判事判、她們、淪落人、明天我要和昨天的你約會、單身啪啪啪、鋼鐵英雄。 ㅤㅤㅤㅤㅤㅤㅤㅤ ▍水瓶座 疑似承認自己是外星人👽 怪的可愛、朋友為重 喜歡思考談話 🎬：來自星星的你、壁花男孩、艾蜜莉的異想世界、柏本漢：我的隔離日記、去X的世界末日、浪漫的體質、洛基恐怖秀、愛在三部曲（恭喜搶下經典） ㅤㅤㅤㅤㅤㅤㅤㅤ ▍雙魚座 吃浪漫長大的魚魚🐟 文藝、悲劇個性、愛天馬星空幻想 麵包之前先顧戀愛 ❤️ 因此你們也可以把這串當作浪漫愛情片的片單 🎬：羅馬假期、愛在大都會、她的私生活、半是蜜糖半是傷、戀愛可以持續到天長地久、水底情深 、Call me by your name 、真愛繞圈圈、愛是您愛是我、狂人皮埃洛、王牌冤家、午夜巴黎。 ㅤㅤㅤㅤㅤㅤㅤㅤ ▍牡羊座 激不得的暴力羊羊來了～🐑🔥💪🏻 從三級警報到片單大爆滿 熱血狗血、刺激火爆 血腥萬歲、血漿免費 暴力衝動、把東西撞爛就對了？？？ 情感上偏執極端卻又純粹重義氣 🎬：Penthouse 、玩命關頭、Signal、Voice、勇敢的安妮、雖然是精神病但沒關係、復仇者聯盟、進擊的巨人、決戰終點線、鋒迴路轉、冰血暴、厲陰宅、雞不可失、動物方程式、梵谷星夜之謎、山楂樹之戀、我的室友是九尾狐。 ㅤㅤㅤㅤㅤㅤㅤㅤ ——————————————— 以上就是十二星座片單推薦囉 其他六個星座與免責聲明在上一篇 不定期影劇活動歡迎追蹤 @drama_vong ㅤㅤㅤㅤㅤㅤㅤㅤ #汪的電影清單 #天蠍座 #電影 #電影推薦 #大亨小傳 #真愛繞圈圈 #去x的世界末日 #她們 #玩命關頭 #王牌冤家 #電影語錄 #星座語錄 #星座愛情 #星座運勢