輕談淺唱不夜天今晚同大家講吓《砂之器》嘅緣起及創作過程。 自從前年寫《是但求其愛》開始，鍾意諗返每件事嘅源頭，點解我會寫到呢首歌？有乜嘢驅使我去寫呢首歌？就會自然追溯到幾日前、幾個月前，甚至幾年前。類似佛家的「緣起法」，諗吓諗吓你會明白，原來一件作品，係無數因緣和合而成，真係一切都是緣份，當中因果難分。 《砂之器》嘅「今生情侶，下世母子」呢條主線，除咗由細到大中國人講嘅「無仇不成父子」、「女兒是你前生情人」之類「討債」式論述，仲有幾年前睇咗一本對我好重要嘅書——《靈魂的出生前計劃》，裡面有一章講「流產」，我實在太鍾意呢一章（詳見拙作《偽科7》p.128，如果你有興趣），一直想放落歌詞，都放咗一段仔落周仔嘅《夜空的呼喚》，但首歌佢未消化到所以無唱，咁咪再等囉無所謂，不過都知好難有監製肯放手俾我寫呢樣嘢。（後補：有網友提醒，原來我在陳慧敏 @chan_wai_man 的《沉默之間》最後一段也寫過。係喎！我自己都唔記得咗！😅） 去到今年年頭，《樂壇已死》派台，某記者致電訪問，剛巧那晚我正開始寫重生第一部曲。訪問後該記者DM我，說多謝我寫的《四季》，陪她媽媽走上最後一段路。我除咗「節哀」之外都唔知講乜好，但就受她的message影響，突然諗番起《靈魂的出生前計劃》那故事，於是自作主張當晚寫了份初稿（當時連名也未有，暫名《搖籃物語》），就是一份關於「今生情侶，下世母子」的詞。翌日阿Jer覺得份詞太深亦非他想要嘅嘢，於是再改寫成後來的《狂人日記》。 然後，來到五月，開始構思第二部曲。Jer發來短訊，話要寫《零極限》頭兩式「對不起，請原諒我」（《零極限》係一本知名身心靈叢書，時間關係自己google，如果有興趣），咦？briefing就係咁？平時佢會send好多相加千字文過嚟㗎喎？因為當時他剛完成Mirror演唱會得番半條人命，無電再send相了。咁我就打蛇隨棍上，問佢好唔好用番上次《狂人》份棄稿的題材，去講「對不起，請原諒我」？佢話可以，咁我就嗱嗱淋趁佢病攞佢命，盡快爆seed寫成《砂之器》（不過都典咗三晚，首歌太Q難寫，加上我哋個黐線王姓監製堅持此曲第一句一定要連住上一曲《狂人日記》的最尾一隻字「狂~~~」！喂淨係呢句「（狂）風起了」都諗咗我半日啦）！ 寫詞中途，在YouTube發現有位叫Tommy Sir的仁兄以純佛學角度去分析《狂人日記》，兼預測第二部曲走向（都係嗰句，自己search，如果有興趣）！好精闢！當中提到「宿命論」與「自由意志」的對立，我才如夢初醒：係喎！其實可以把這種對生命的struggle延續到這段母子關係裡，首歌會更豐富！亦因為「宿命」兩字，咁啱撞正我寫到結尾「沙漏」兩字，神奇的火花點燃起了！突然想起松本清張！砂，之，器！這部經典小說的主旨正正就是「宿命」（書好睇，雖然好厚，但74年那部改編電影更精彩！竟然把書中主角那首《宿命》piano concerto，四十多分鐘的樂章，原原本本放在電影最後四十五分鐘的montage！你有無睇過一部戲最後係長達四十多分鐘嘅MV而極少對白？野村芳太郎導演，橋本忍、山田洋次編劇，again，自己google，如有興趣）！ 係，終於寫到！但，係，我自己都覺得好深，但又好鍾意。見交詞後三日團隊都無人feedback，暗自擔心今次能否懷孕成功。因為望子心切，遂於三日後在group中發了一句「嗱呢份詞如果唔收會絕交！」，聽聞嚇到阿Jer面青，其實佢應該係忙到癲根本無時間睇詞，Sorry囉！ 我最想講，人越大我越唔信一件作品係純粹關自己事，所有前因起點、時間醞釀、所有當中出現來幫忙成事的人事物，因緣和合地成就一首歌，都要逐一感謝：《靈魂的出生前計劃》、《樂壇已死》、周仔、喪母記者、《四季》、Tommy Sir、松本清張、花姐、條Jer、Carl叔，Sheng導，甚至唱Demo的吳林峰（其實仲有身陷囹圄的兩個人、其中一個叫張可森，也是個填詞人，他寫了篇樂評，看穿我在《狂》開始沒有用上「我」為第一身，係，今年三首我想抽離少少去看輪迴這回事，《砂》中唯一一個「我」字屬Quotation，唔係Narration，可惜那文章已消失了⋯⋯），都各自有其崗位及作用，我只是神派來把文字盡量啱音地寫出來的其中一個角色，而已。緣份千絲萬縷，我們其實活在一張意識巨網之中，所有東西都相連互通（又介紹一本書叫《無量之網》The Divine Matrix，講呢樣嘢講得好好，google it，誠推）。 無嘢了，眼瞓。聽聞好多人睇完MV爆喊，好事來的！把情緒釋放出來吧，然後再努力築起下一個砂之器，一起對抗所有宿命。多謝大家喜歡這歌。Night~ #砂之器

#三五成群圍爐廢噏，今日#zip噏 「狂」 大家覺唔覺得自己係一個瘋狂嘅人呢？又或者曾經瘋狂過？當然瘋狂嘅定義人人唔同，咁大家聽下以下嘅電影故事，覺得當中嘅主角狂唔狂呢？ 新鮮出爐嘅奧斯卡最佳國際電影《醉美的一課》，講4位中佬睇到一位挪威心理學家芬恩斯卡德魯嘅說話：「人類血液裡缺乏0.05％ 酒精，好讓自己放鬆且充滿自信」，然後就進行人體實驗，每朝一起身就飲酒，飲到啱啱好血液酒精濃度係0.05%先返工。然後佢地發現原本苦悶無聊嘅人生得到回春，重現後生嘅風彩，突破中年嘅框框，重拾家庭、工作同生活嘅樂趣。 今日嘅zip噏唔係叫大家飲酒，而係想問大家幾耐無狂過。當人到咁上下年紀，包袱就越嚟越多，可能係工作、家庭或者愛情，令大家好多制肘，鎖住曾經瘋狂同青春嘅自己。有時望住啲後生仔，有無懷念當年可以任食50碟肥牛？飲好多都唔醉？可以打通宵機通宵牌傾通宵計唔駛瞓可以直踩返工返學？又可以踢完波然後直接去游水完全唔覺得攰？ 33歲嘅我有時都幾懷念當年嘅自己。不過懷念唔代表唔能夠重現。年齡唔係阻止瘋狂嘅藉口，唔可以食50碟肥牛，咪升level 食10碟頂級和牛；唔可以飲通宵咪轉做中午開始party；以前夜晚做波牛咪轉做球場早霸王，總有方法可以繼續瘋狂嘅。 知名作家村上春樹寫過：「我一直以為人是慢慢變老的，其實不是，人是一瞬間變老的。」 所以由今日起，拋走懶、攰、忙、無時間等等嘅藉口，係4月最後一個星期為自己狂一次，重拾當年嘅自己，做一次久違嘅自己，因為夠膽「狂」，就係逆轉同抗衡時間嘅秘訣。 Ps. 睇完文，聽 Jer #柳應廷 嘅 #狂人日記 ，幾好feel。 #港台7天工作鄒 #rthk #dj

經典調酒老派靈魂存在之必要：Old Fashioned Old Fashioned是我第一杯深深愛著的調酒。某一年冬天在兩個拍攝工作中間的空擋，我跑到東京，一個晚上找了四五家酒吧，為的就是喝到各家職人調酒師製作的Old Fashioned。相同的酒譜，但因為不同的細節調整比例，帶來截然不同的風味，卻有著相同的老派靈魂在這杯酒中。 Old Fashioned，有人稱它『古典雞尾酒』或是『老派』。是以威士忌為基底中，最廣為人知的經典調酒，也是幾乎每家酒吧的酒單上必定會出現的調酒。許多電影或影集中都有出現過：《廣告狂人（Mad Men）》中男主角唐.德雷柏（Don Draper）除了菸以外不離手的酒、《型男型不型（Crazy, Stupid, Love）》裡雷恩葛斯林（Ryan Gosling）彷彿P過圖的腹肌熟男在家裡自己輕鬆調製、或我參與過的網路影集《私室（Self）》謝祖武武哥進酒吧唯一會點的調酒。 從這些角色身上，我都看到他們對一些事物的執著和堅持。他們的年紀都經歷過了一些事情，也許堅守著傳統的一些原則，但也努力讓自己往前和享受生活。在努力打拼工作的過程中，找到了自己的品味和想法。對於過去的經典學習卻不留戀，對於將來的未知謹慎且無懼。喜歡這杯酒的原因也許不只因為它的味道，而是因為它給我的感覺。所以當我看到不同的角色都選擇這杯調酒時，心裡的開心與舒暢很難用言語說出來。 搗碎的方糖或砂糖點綴了單純有力的甜味；苦精帶進了些藥草和澀味的層次；波本威士忌本身的酒甜香帶出濃烈的酒體；最後用橙皮在杯口給予了入口時淡淡的果香。Old Fashioned之所以是經典，在於它的簡單。把純粹的苦和甜表達得平衡而深厚。 在我走進角色前或離開角色後，我一定會到酒吧來找Old Fashioned。它的簡單讓我重新回到了演員本身，單純而不帶任何角色，只是讓我好好地感受到我自己。好像給了我一個很私密的空間，讓我有機會和自己對話。幫助我回到自己最一開始的初衷，舒適地進入下一個要挑戰的角色或離開一個角色給予過我的旅程。 有的時候和幾個演員朋友下戲後聚會聊天，常發現大家不約而同的點了Old Fashioned。也許會互相揶揄為何要學彼此點一樣的酒，但我總會在心裡開心地笑著。每個人可能帶著不同的原因點上了這杯酒，但我相信我們都一樣感受到了這杯酒的單純和回到自己的美好，讓我們可以更自在地在當下一起相處，也期待下次再碰面可以一樣的單純。 有一杯調酒，是為了一個世界上偉大的喜劇演員而發明的。喝起來的味道竟然滑稽而且可能讓你嘴角失守！下次就好好來介紹這個以我偶像之名創造出來的酒。 當然，大家應該理性飲酒，但開始感性飲酒，才會是這樣一杯酒給你更多故事的開始。 #小酌日記 #調酒 #cocktails #actor #drinks #cocktaildiaries #movie #lifestyle #bulleitbourbon #bitters