12 醉酒

2021.6.17 五月初八 宜出行

唔清楚數字上究竟各種情緒病在現今社會有多普遍，感覺每個城市人總有一點，特別是抑鬱症最多。各人應付的方法亦林林總總，看書看電影、瘋狂購物、暴食、或者近期新興詞語為「躺平」，即是「本pea」 或者真正字面解釋直接瞓低，終極厭世攬炒形態。我個人認為有時候hea一陣頹少少無傷大雅，每人都有自己要面對的難關和挑戰。生活壓力太大情緒發病亦是身體明顯發出的警號，只要意識到是一個訊號，然後迫自己停下來抖一抖絕對是最佳良藥。我上個月便完美示範如何停載一個月，甚至近兩年來偶爾也會特別留意自己的情緒，情願用盡方法放鬆亦不願傷害任何人。年輕的時候不懂處理，只能寄情酒精，借酒消愁。

大約在十年前，我曾經有一段酗酒的日子，一整年計算大約只有五天沒喝酒。開心飲酒、傷心也飲酒，鬼叫我朋友多，晚晚都有不同圈子在酒吧等著我，一飲便天光。那時候應該還患有嚴重失眠，心理上害怕依賴任何助眠藥物，唯有暴飲亂乾一整晚，飲到攰回家便能倒頭大睡。失眠在娛樂圈是繼抑鬱後最為普遍的病徵。在聲色犬馬、五光十色過後，回家靜下來一個人，怎能容易熄機安睡呢？實在有太多事情應接不暇，太多感覺情緒需要疏理，靈性修行要求有一定高度才能關上房門自行調節，那時候那種年紀怎會明白？

飲酒需要先有腦袋，不理三七廿一胡亂灌落肚的，著實傷上加傷。再加上實際落場經驗，憑著第二朝起身身體的感覺會得知，究竟昨天那間酒吧賣的是否靚酒。同樣份量同樣牌子的酒，壞心腸的酒吧賣假酒，第二朝頭部劇痛反轉腸胃。如是者所謂飲得愈來愈叻其實就是由選擇酒吧開始，慢慢只會光顧奉上靚酒的酒吧，然後第二朝副作用出奇地低，於是乎在毫無代價的情況第二晚又再飲過，然後愈飲愈多，愈飲愈精神。

飲酒繼而需要有酒品。林耀聲 Lam yiu sing 林耀聲 在ViuTV ViuTV 講我最飲得是假的，自己知自己事。本人以前醉酒的醜態，恐怕熟絡的朋友們絕對司空見慣。梁祖堯話我酒醉之後會有點暴力傾向，我記憶中自己通常是有一個明顯的醉酒活動：跑步。不是無緣無故做做運動，而是喪跑！一整層的樓上鋪酒吧要打烊，朋友們在左右相通的𨋢口想捉我走，便要和我跑足十令廿個圈；在街鋪酒吧當然就要來回跑九條街。記憶中我「醉後賽跑」從來未輸過，清醒的時候我反而沒能跑得快。無論如何一個人總要好好鍛練酒品，反則朋友會買少見少。我第一部戲《魔術男》興功宴時，在空肚情況下整晚被狂灌紅酒，沒多久便醉倒在檯底下，把在席的電影投資者通通嚇跑。終於有工作人員發現我的臉發紫，立即施以哈姆立克推腹法，我才幸免於難將所有紅色液體全吐在我雪白色的冷衫上。然後由數個大漢抬起我的手腳行幾層樓梯到外面截的士，卻被全部拒載，因為我躺在街上的狀態、胸口上的一大灘血跡，無異於中槍倒地。以上資料當然是酒醒之後從各人口中得到零碎的片段拼湊而成，那個晚上我當然早早斷片了。沒錯！酒醉的副作用還有短暫失憶。年頭在戲院看《好好拍電影》，才知道許鞍華導演醉後會念莎士比亞，朋友們覺得她的精神轟炸比動手打人更差。

在讀這篇的大家有甚麼酒醉後的奇聞趣事，歡迎留言交流一下。雖然已戒酒多年，只會偶爾淺嚐，但我認為酒精確實有不少正面作用。靠著半點醉意，朋友之間才夠膽放開自己表達更多，甚至有時候的偉言偉論，亦可能是智慧增長的機會。朋友們，疫情過後，我們可以多點約飲酒談心嗎？非常想念大家哩。

#安早蓮娜歎杯茶
#銨珇
逢星期四出Post�#戒酒 #喪跑 #斷片 #酒後吐真言 #酒品

P.S. 全是舊照片。
圖一 為2014年1月1日
圖二 2014年10月8日
圖三 2007年11月11日，飲天光後不顧形象身勢爬起身做訪問的蘋果照妖鏡
圖四 2013年12月想買俾媽媽生日慶祝，點知成支在街上爆裂後留影
圖五 #互勉之

［《天能》好看嗎？］

近年流行的一個詞語「燒腦」，用作形容一些劇情比較複雜，需要更多思考的推理式電影，我不太喜歡這個詞語，因為我認為腦是應該拿來用的，思想的，不是用來生草的，當然睇戲有時希望輕輕鬆鬆，但要打醒十二個精神留意每一個細節，明白劇情，是一種值得享受的挑戰。

剛推出大導演Christopher Nolan（Batman 三部曲、Inception、Interstellar和Dunkirk）的新作Tenet《天能》，正是很多香港人形容為「燒腦」的電影，有多難明白，見仁見智，我反而覺得，Nolan的電影是適合鍾意留意細節的人觀看，你會發覺，背包上的一個鏈扣、一杯健怡可樂，都構成故事中的連貫或線索，難怪很多觀眾都說，Nolan電影一定要看至少兩三次才能充分欣賞。

Nolan對時間觀念的沉迷，人所共知，又過去他的電影Inception透過夢境中時空的平行時間軸、Interstallar的太空蟲洞扭曲時間，以至連一部真實歷史電影Dunkirk，都可以透過三段故事，由不同時間開始匯聚到同一時間終結的獨特手法敘述，玩「時間」已經成為他獨特風格的一部份，今次玩的時間倒行的概念，而非一般故事採用的時間旅行，新鮮感是有，但的確在一些動作場面上的表達會有點兒亂。

如果要比較故事的豐富程度，Tenet不及Inception，尤其缺乏對主角的深度感情描述，Tenet比較薄弱，對劇情和時間概念的敘述，Inception才顯然來得更加複雜，兩者動作場面也不相伯仲，Nolan算是保持水準。

不過，更值得留意的是本片的兩位男主角，角色沒有名字的黑人男主角John David Washington，上次看他的演出是Spike Lee導演的BlackKklansman，演出十分出色，原來他是Denzel Washington的兒子，真的虎父無犬子，不過還是老爸比較靚仔！飾演第二男主角Neil的Robert Pattinson，原來是《吸血新世紀》（Twilight）系列的男主角（我一部都沒有看過）和明年將推出新一系列Batman的新蝙蝠俠，因此，兩人肯定都是炙手可熱的明日之星。

Tenet這類電影，要深入形容和評論故事內容，一來比較複雜，二來要劇透，所以如果各位肯接受挑戰的話，進場細心看一次、兩次、三次吧。或者我會形容，Nolan的電影，就像高級葡萄酒，要時間air一下，慢慢品嚐。

註：重溫Inception、Dunkirk和BlackKklansman，Netflix全有，完全值得大家花的時間。

#光影評 #影評 #電影 #電影介紹
#Tenet #ChristopherNolan

每一次喺抗爭嘅時候出文，心情都十分沉重。亦因為想更加多人睇到，全文已經畢錄如下。老規矩，係畀面嘅，去 Medium 睇文甚至做埋會員，都可以。

- -

2019 年 7 月 1 日凌晨，我在 Facebook 留下了這麼一句話：

「七月一日，願各位可以重新出發，好好做人。」
我係一個咁嘅人。新年、新一季以至一個新嘅月份，都係 reboot 或者 restart 嘅好藉口。你唔會無之啦啦話七月十三日，重頭嚟過咁騎呢嘅。

對於香港嚟講，主權移交 22 年，踏入第 23 年，能夠重頭嚟過嘅空間實在唔多。與其引用官方慣用詞語「背靠祖國，把握機遇，欣欣向榮，安居樂業」，不如望清楚啱啱剛過去嘅 6 月，市民係如何地被迫上梁山。

香港人可以揀嘅話，係絕對寧願留喺冷氣商場，近嘅返深圳、遠嘅飛京阪神，話知佢喜茶定宇治綠茶，總之食買玩，或者大被冚過頭到黃朝白晏，都唔會想身水身汗喺街度吽臭幾粒鐘嘅。

但係六月份，起碼有 300 萬人次，先後喺兩次大型遊行當中表達對於政府強行推動修訂《逃犯條例》，變相任意將當權者睇唔過眼嘅人「送中」，送返中華人民共和國嘅「一制」內，按照大陸「依法治國」嘅方式審判。

喺地球上任何一個地方，呢個示威嘅浪潮都應該足以令政府倒台，或至少讓步。有一個地方例外，嗰度叫中國。係，香港已經被劃入大灣區，而大灣區係中國嘅⋯⋯

然後，一個、兩個、三個⋯⋯至少三個年輕人，因為對於香港社會政局嘅發展走向感到無助甚至絕望，而選擇自行了結生命，以死諫嘅方式，向特區政府作出控訴。

But the people’s voice remains unheard.

政府運用語言偽術，將「暫緩」同「撤回」劃上等號，律政司司長鄭若驊叫人唔好斟酌字眼 (我屌你老母，咬文嚼字嘅律師講呢啲？！) ，行政長官林鄭月娥無愧初心，只怪自己執行欠佳，形同一巴又一巴咁煎向每一位遊行人士，「係你班蟻民聽唔撚明我講嘅嘢咋」。

雖然事件已經提升到國際層次，日本首相安倍晉三喺 G20 峰會兜口兜面提醒中共總書記習近平「一國兩制好重要」，而港人 (正確啲講係網民，或高登仔/連登仔/whatsoever) 籌旗喺世界各大報章登廣告嘅行動，亦係形式上漂亮 (實際效用接近零) 嘅一次努力 (努力唔一定有回報) ；但係政府採取龜縮政策，將《國歌法》及「明日大嶼」撥款議案押後，林鄭潛水多日，連續兩星期停開行政會議，似乎已經止咗血。 7 月 1 日嘅遊行人數，民陣話有 55 萬，同 6 月份嘅兩次過百萬人遊行相比，係示威不成反示弱。

然而，遊行本身已經逐漸「去大台化」，民陣作為搞手，係佢有佢吹雞，自發行動嘅前線示威者，根本話鳩之你，正宗「睬你梁耀忠張超雄都生芒果」。無他，面對三位已逝嘅同路人，仍然活著嘅人當中，不乏有感無法再苟且殘存嘅人。寧為玉碎，不作瓦存。喺民陣大遊行曲終人散之後，示威者選擇向「煲底」立法會進發，即使警隊可能已經預備好催激彈同橡膠子彈，亦要正面對抗、交鋒。

或者有人會問，立法會又唔係開緊會，你班𡃁仔做咩啫？

我唔係佢哋，唔能夠亦冇資格代答。不過，從電視直播嘅片段中睇到，示威者毀壞前任立法會主席嘅肖象，用噴漆將議事堂內嘅區徽塗黑，以至喺牆上噴上「反送中」等字句，訴求仍然清晰，而效果與日前圍堵警察總部、向牆身掟 (壞) 雞蛋、掛標語等有畫面有 sound-bite 嘅行動相似，都係要大剌剌地向全港以至全世界展示，不撤不散嘅決心。你龜縮？好，我進攻，一係變天，一係你拉晒甚至殺晒我哋。

香港人多年來錯失嘅機會多不勝數， 80 年代誤信「民主回歸」， 2003 年 71 之後見到葉劉同楊永強下台就收貨，往後嘅「反高鐵」、「反國教」以至「雨傘運動」嘅結局都係「階段性勝利」、「我哋下次再嚟過」、「聽日一定會好天」⋯⋯犬儒又阿 Q ，高鐵已經通車，國民教育遍地開花， 79 日嘅佔領亦得個桔。

見證住過去十年社運徹底失敗、立法會完全失效嘅，除咗已經三張開外、出身早啲仲可以好彩上到車、上到位嘅 70 後同 80 後，仲有一班 90 年代出世嘅後生仔女。當然，有部份人可能夠醒目，已經自行北上大灣區發展，但係有另一班，可能係睇唔開，亦可能係真係太熱愛呢個城市，佢哋接受唔到自己嘅家園被踐踏、被矮化成另一個中國華南沿岸城市。當政府同權貴都唔係為港人謀福祉嘅時候，自己企出嚟，至少叫做出一分力，叫做唔認命。

王家衛執導嘅電影《一代宗師》有好多繪炙人口嘅對白，其中兩位主角葉問同宮若梅都曾經講過：「只有眼前路，沒有身後身」。生於亂世，家園不保，香港嘅年輕前線抗爭者，相信都係秉承同一個信念，一個絕望但仍然抱一絲希望嘅想法。佢哋嘅機會成本，比起年長嘅人為低，未必要驚盤生意或者建立好嘅事業受影響，亦可能冇話要養妻活兒，毋須為五斗米折腰。

冇人話每一個人都要向示威者學習，事實上亦好多人情況唔許可。但既然有人身體力行，甚至作好隨時犧牲性命嘅覺悟，大家係咪可以唔好消費佢哋，甚至批評佢哋、同佢哋割蓆？香港人咁多錢走去眾籌登報紙，日後呢一班示威者有咩冬瓜豆腐，大家又願唔願意捐出一個幾毫幫下佢哋同佢哋嘅家人？

香港，就係差一個轉身。當仍然有班人努力不懈、負隅頑抗嘅時候，請盡量畀多一分支持，少一分指摘。因為，佢哋比我哋任何一個，都更愛呢一個城市。