https://hk.appledaily.com/local/20200822/TWAWTRJJAFFQHHJWDSVGNFRDQI/ 政府早前邀請中國專家來港，宣佈推動全港市民進行武漢肺炎病毒檢測，民間湧現質疑聲音，擔心政府會趁機收集港人基因作其他用途。有註冊醫務化驗師直言只要小量樣本，即可獲取整個人的基因資料，憂慮所謂中國專家的操守問題。有新疆流亡者稱中國正是以健康檢查名義，幾年來收集維吾爾族人基因資料，恐用於建立器官移植資料庫，認為香港將逐漸「新疆化」。人權組織擔心港府藉檢測實施健康碼制度，或會限制港人人身自由。 數以十萬計豁免檢疫人士來港，上月起觸發本地第三波武漢肺炎疫情，政府隨即以檢測能力不足為由向中央政府求助，要求派出專家來港協助推動全民病毒檢測，並委託三間中資公司華大基因、金域檢驗及凱普醫檢進行。不過民間對措施反應負面，普遍質疑政府或趁檢驗之便，收集市民基因資料「送中」，即使政府屢次澄清資料不會傳送至境外，而樣本亦會在檢測後銷毀，但始終未能釋除公眾疑慮。 醫管局員工陣線理事、註冊醫務化驗師梁啟維認為，市民有此憂慮實無可厚非，因為現時檢測人士提供的樣本如鼻咽拭子，除帶有病毒外，「你撩到病毒都必定係會撩到人體嘅表皮細胞」，細胞中已包括整個人的基因資訊，只需要幾十微升已足夠做檢驗，「可以用個基因推算返你成個人、性別呀，甚至你個容貌係點樣。」 他稱本地化驗師從讀書到工作，都着重職業操守，「一啲你唔應該睇、唔係因為工作上睇嘅嘢呢，你其實都係唔容許去睇」，亦受到醫療化驗師委員會監管，違規會受處分，但所謂中國專家卻毋須註冊，「如果佢哋真係做咗啲唔應該做嘅嘢，咁邊個去負責任呢？又或者係市民病人應該去搵邊個問責呢？」 事實上公眾所憂慮的，在中國早已發生。去年《紐約時報》就揭發有中國科學家在國際發表的學術論文中，採用基因技術重構臉孔，可用於追蹤及監控，而研究的基因數據就是來自新疆一個叫圖木舒克的小城。有澳洲學者亦整理中國媒體公開報道，發現中國近年有計劃地在新疆收集基因資料進行基因研究，涉及數以百萬計的維吾爾族人。 因揭露中國於新疆核試令民眾患癌，被逼流亡英國的原烏魯木齊鐵路局中心醫院外科醫生安華托帝表示，中國自2016年起於新疆進行全民健康體檢，但卻在方法上露出馬腳，「平常體檢你會做X-ray胸片，你會做心電圖來檢查他的身體是否健康。你光抽一下血那個算不算是健康體檢？」 曾經在命令下給死囚做活摘器官手術的他指，近年新疆一些年輕人會被冠以恐怖分子的罪名遭拘捕帶走，最後音訊全無，家屬亦不敢過問。綜合各種資訊後，「那麼製作這個器官庫，就是我們所得到最符合邏輯的一個解釋。」 安華又指新疆只是個試點，現在全國各地都開始見到類似新疆的管控方法，認為很快就會輪到香港，「中國本來是在香港很着重她的面子，但是現在她已經到了執政危機，我要是保住香港繁榮，我共產黨可能就要垮台。所以她為了自己不垮台，她就寧可把香港掐死。」 推港康碼變相強制檢測 或限人身自由 港府多次重申全民檢測是自願性質，不過近日保皇黨在不同媒體報道中，一再催促政府需要落實「港康碼」，建議市民必須持有有效的健康證明，始可以前往或進入公眾地方如商場或於食肆堂食，變相強制推行病毒檢測。類似的健康碼政策中國早於幾個月前已在不同城市展開，以顏色分類，市民需要定期作病毒檢測，出門時必須出示記錄測試結果的手機應用程式，憑綠色健康碼可以進入所有地方，黃色及紅色健康碼則要分別隔離7及14日始可變回綠色碼。 人權觀察中國部高級研究員王松蓮表示，獲取個人資料必須合乎法理、出於公眾利益及合乎比例，但據他們研究顯示，中國的健康三色碼三者皆欠奉，收集行蹤資料多於實際防疫需要，如何去評級亦是黑箱作業，擔心在香港實施後會變相限制人身自由，現時政治氣候下亦難以有效監察確保個人資料不被挪用作其他用途。 《蘋果》分別向食衞局及衞生署查詢如何保障參與病毒檢測者的個人生物特徵資料。食衞局僅稱政府早前所發之新聞稿仍然有效，着記者自行查閱。衞生署回覆指收集的樣本只會用於預防及控制傳染病的發生或蔓延，會按相關實驗室安全程序消毒及棄置，只有獲該服務處授權的人員可以取用系統內的個人資料，而至今沒有向政策局或部門披露病毒檢測取得的樣本或個人資料。

⠀⠀⠀⠀⠀⠀⠀⠀⠀ 唔知你見到呢幅圖會唸起啲咩呢？ Dr Who 聽日就要考兒科臨床實習試。兒科係一科令人又愛又恨嘅專科。愛嘅係小島學堂最後一年要學嘅七個專科裏面，兒科係其中一個最有臨床感覺、教得最好嘅部門；恨嘅在於佢好難。過去五年讀嘅生物學、解剖學去到兒科病人通通都唔適用。本身已經唔識睇嘅 X-Ray 去到細路仔身上更加唔識睇。而且，病人年紀輕，有可能得嘅病同大人唔同，多左好多先天性缺憾、遺傳性嘅病。最衰嘅係當年發現呢啲病嘅人好鐘意用人名為病命名，又英文又德文又法文咁，三個名痴埋先係一隻病。Dr Who 腦袋唔太好用，記到癲左，都仲係未記到甚麼 Meier-Gorlin、Cornelia de Lange、Klippel-Trénaunay-Weber、Laurence-Moon，唔好話每隻病有咩特徵。 通常呢啲症候群，個名同個案數字一樣罕見，有啲甚至全香港儲埋都唔夠開枱打牌，是為罕見病。為左醫學生考試，皇后醫院有個資料庫，每年考試時節就會嘗試搵返呢啲病人出黎，用黎到我地考試嘅病例。其實大家唸下，好多時候患有罕見病嘅人，生活質素已經唔係好，生存機會仲要其實唔高，鮮有活過中年，而每年呢一班病人除左覆診之外，仲要返黎比醫學生考試。一年二百人，我比你有 5% 人考呢個症都要係一個下晝比十個人檢查。有時候呢啲小朋友去到第二、三個嘅時候已經扭計唔肯做，考官、家長、學生仲要夾份哄佢要佢繼續。「黎啦，哥哥考緊試呀」、「黎！好快，仲有幾個咋！」，我比你要比廿個人咁玩法，你扭唔扭計？當你得廿幾三十年嘅人生每日係到倒緊數，你會唔會想每年定時定候返黎比人咁睇法？ 我希望每一位醫學生，包括我自己在內，係見任何一個病人嘅時候都要記住呢位病人其實要付出幾多先可以坐係到比你做檢查、比你考試。唔好輕易講一句「個 Case 好難呀，實肥啦今次」，佢都唔想架。何況可能有一日，兒科打電話搵病人嘅時候，只會得到「你打嘅電話未能接通」，而佢亦都唔會可以再黎考試。 P.S. 插圖病人係患有杜興氏肌肉營養不良症 (Duchenne Muscular Dystrophy)。病人身體唔識製造肌肉，肌肉嘅位置會慢慢比脂肪取代造成圖中好似好大嘅腿肌 (Pseudohypertrophy)。大概十幾歲就唔會行到路，平均壽命只有廿幾歲，就算經過治療都唔會過到四十。 #DrWhoHK #聞說兒科多啦醫生發現左我係DrWho #Hello多啦醫生 #聽日見到我的話要手下留情喔 #睇黎我第日唔可以返皇后醫院做 ⠀⠀⠀⠀⠀⠀⠀⠀⠀ ⠀⠀⠀⠀⠀⠀⠀⠀⠀ 🔻🔺🔻🔺🔻🔺🔻 IG: DrWho.HK (instagram.com/DrWho.HK) FB: DrWho.HK (facebook.com/DrWho.HK) 🔻🔺🔻🔺🔻🔺🔻