【香港取景】日本動作女星武田梨奈洽談出演喪屍電影《重慶大廈》 香港獨特嘅城市景觀結合中西文化，一向吸引唔少外國電影人來港取景，近日外媒Deadline報導指英國製作公司Phoenix Waters Productions將聯同本地製作公司AMM Global開拍喪屍電影《Chungking Mansions（重慶大廈）》，並搵緊真人版《進擊的巨人》武田梨奈、韓國女星高準熹、香港演員楊柳青，同埋新加坡演員林慧玲及陳泂江商討演出。 據報導，電影劇情講述香港爆發喪屍病毒，一班嚟自世界各地嘅人逃亡到重慶大廈避難，其中高準熹飾演一位來港出席發布會嘅時裝Model、楊柳青飾演健身導師，而武田梨奈就飾演一位調查喪屍來源嘅日本特工。電影將會有英語、日語、廣東話、韓語對白，以反映製作及重慶大廈本身嘅多元文化特質，有望最快於2022年春季開拍。 除咗《重慶大廈》之外，Phoenix Waters Productions及AMM Global亦會聯手製作電視劇《法醫心理學家》以及加密貨幣主題劇集《Crypto Keepers》。唔知喺重慶大慶拍喪屍片，出到嚟個效果會係點呢？ 圖1：（從左至右）高準熹、武田梨奈、楊柳青。 圖2：擁有空手道黑帶二段嘅武田梨奈曾出演《進擊的巨人》Lil一角。 #香港取景電影 #武田梨奈 #高準熹 #楊柳青