*******續領BNO攻略/懶人包*******

聽左好多人講，其實BNO無乜用，
不過對於我黎講，BNO係我對英國既一個情意結，
而且唔係人人都申請到，咁萬一咁好彩BNO可以成為我最後一個能夠出國既逃生門，
咁有多本BNO肯定好過少本BNO。(廢話)
最少有事既時候，英國政府都會理埋拎住BNO既人，
點都好過厲害了我的國。

不過先要講既係如果你係1997年後出世，
又或者1997年前無申請，
Sor99999ly，你係無得再申請，因為BNO唔再接受新既申請，
所以依家所有BNO既申請都只係過期續領。

好似我本BNO咁，當時申請個陣我都真係細細個天真既樣子，
擺到明同依家唔同樣嫁啦，我諗好多人都好似我咁既case，咁就一定要有countersign(副簽)，
好難明？不如簡單啲講你要預備啲乜。

1. 原有過期BNO
2. 香港永久居民身份證副本 (彩色影印身分證底面)
3. BNO以外passport副本 - eg. 特區護照 (需由封面開始每頁彩色影印)
4. 一年內的住址證明正本 (銀行/政府信件較好)
5. 出世紙正本或彩色影印本
6. BNO規格證件相2張 (快圖美你同佢講要影BNO相就得)
7. 網上申請成功後要下載、列印並簽署的聲明書(通常都要填好副簽個part)

當你預備好以上所有文件，你就可以將佢地放埋同一個信封寄到英國Her Majesty’s Passport Office幫你process，地址要抄好。

Her Majesty’s Passport Office (ONL-OVS), 101 Old Hall Street, Liverpool, L3 9BP, Great Britain

我睇個form話喎，你啲document只可以摺一次😂
所以以上1-7號既items你都只可摺一次就要放落信封。

再講翻啲你地要留意既野，
首先佢地對相片規格都嚴格，你要準備兩張相，
1. 大小：45mm高 x 35mm闊
2. 背景顏色：灰色或白色
3. 一個月內拍攝
4. 容貌準確對焦並能清楚辨識，沒有紅眼
5. 閉合嘴唇不微笑
6. 面部不能被帽子、頭髮等遮蓋
7. 避免穿著與背景相似的衣服（例如灰色、白色）
8. 除宗教或醫療用途外，不要配戴帽子或頭套
9. 露眼、露眉
10. 眼鏡不能反光和有色，必須清楚看到雙眼
11. 兩張相片不能相連，必須分開，亦不能釘在其他文件上

最方便真係去快圖美影就算，
而兩張相其中一張後面要搵幫你countersign既人寫句野，
“I (countersign個人個英文名), certify that this is a true likeness of (你個英文名)

(Countersign個人個簽名)
01/01/2019”

而另一張相就唔使寫。

咁你可能問咩係countersign，
如果你舊有護照已遺失、損壞 or 長相有大變化 or 資料需要修改，咁你就需要搵個人幫你簽7號裏面一份聲明書做你既countersign，
好似我咁，由於我對上個本BNO已經係我小時候個樣，所以我都需要搵人幫我countersign，
雖然我有聽有人無countersign都續領到BNO，
不過由於處理係英國，為左唔好煩，你都係搵人countersign左先。

咁countersign個人個條件係點？
1. 與申請人認識2年或以上
2. 持有英國或歐盟護照
3. 官方接受的專業人士，例如會計師、記者、護士、老師等
4. 家庭成員間不能互相副署

我就搵左個拎住BNO而做老師既朋友，所以要搵人countersign其實好簡單，只要你唔好懶，
好容易就搞店。

Countersign副簽詳情：
https://www.gov.uk/countersigning-passport-applications

Items 7咪話你要從網上print份form既，
咁你要完成左個網上申請，交左錢先可以print到份form，
填寫個人資料後，以信用卡付款（Visa或Master）。
成人護照，有效期為十年，
而護照申請費為34頁£105.86，50頁£115.86，
我自己就申請左50頁，鐘意佢厚啲😂，
呢個費用包左佢DHL翻本新同舊既BNO俾你，
但就唔包你由香港寄申請過去英國時既郵費，
由於係Passport既重要郵件，有人會選擇DHL寄英國，
我就選擇去郵局寄掛號，
到英國費用大約為40-60HKD，視乎郵件重量。

大約四至六星期內，
新BNO就會同之前寄出既舊護照及相關文件，
分成兩份DHL速遞送到你屋企。

BNO網上申請網址:
https://passportapplication.service.gov.uk/ips-olc/

記住所有文件必須係付款後六星期內寄到英國當局，
否則當放棄申請論，不設退款。
新BNO收到後要用黑色鉛子筆簽名，
我諗到既係咁多，拿我懶左咁耐都申請翻，
大家都唔好懶啦，多本passport多個保障，
畢竟唔知英國當局幾時會改變主意嫁麻！

有問題既歡迎留言問我，大家如果覺得呢個續領BNO攻略幾好既話，
不妨share，又或者tag你個好朋友/親戚入黎睇下！

—————————-

ig: www.instagram.com/a.drewy

【BB旅行有計—護照辦理懶人包】

BB半歲之後，唔少媽媽都蠢蠢欲動想帶BB出國看世界。細心考慮BB嘅身體狀況而準備充足，趁住未返幼稚園，一個短途旅行（機程太長時間對大人小朋友都係折磨）確係令BB放電媽咪放鬆。

宜家申請特區護照好方便，大人甚至預約都唔洗，Walk in 用自助機都係兩星期搞掂，Wilma媽都係用自助嘅，帶張護照相同EPS就申請/補領倒。但幫BB整passport，就要準備得多少少喇。以下會詳盡同大家講解～

#預約
1) 網上預約
網上預約雖然唔洗怕冇籌，但每一間入境處都超Full！基本上你只能Book得倒十日後嘅日子，而且同11歲以下小朋友申請護照，冇得自助方式，所以強烈建議如果plan緊同BB去旅行都預早約時間喇！

出生42日以上嘅BB至成年人適用網上預約Link👇🏻
https://bit.ly/2s4EUW9

出生42日以下嘅BB適用網上預約Link👇🏻
https://bit.ly/2J7ESqp

2) 即日攞籌
因為當時太趕住拎，本來Wilma媽網上預約咗都取消，換真人排籌！
喺排之前嗰晚，我篤盡各大forum呢2年嘅討論睇下邊間最多籌最唔洗早起身。

結果為求十拿九穩，嗰朝我凌晨5點就起身一個人去元朗政府合署排（喺街巿門口排），8點鐘職員落樓派籌，我順利得到19號籌，8點半放人入去，大概10點半完成申請走得！

3) 郵寄/投遞
郵寄的話可以準備以下文件，郵寄到以下地址👇🏻
香港灣仔告士打道7號入境事務大樓4樓旅行證件及國藉申請組
如果係投遞，就要親身到各入境辦事處投到投遞箱喇！

#申請文件
1）BB白底證件相2張
芊羽係喺曬相舖影嘅，方便又實啱規格！

2）ID (C) 842A 十六歲以下兒童護照申請書

3）ROP3 十一歲以下兒童身分證申請書
因為申請護照係必須有香港身分證，所以被迫要同時申請埋呢張冇樣嘅證件，費用全免。

4）ID 641 副署事項表格
呢樣非常重要，申請BB護照人必須係父或母，所以要填嘅表格起碼去到就算填錯要改都填倒。唯獨係呢張，係要除父母外年滿18歲人士幫手填，如果你自己一個人去幫BB申請，呢張就一定唔可以填錯。
簽呢張表格嘅人可以係BB嘅任何親戚朋友，只要唔係爸爸媽媽就可以了。
而表格上要先貼上BB嘅證件相，然後請嗰位親戚朋友喺上面簽署。
注意！簽名要跨越表格同相片，但又唔可以畫倒BB個樣。

5）副署人身分證副本

6）BB出世紙正本及副本各一

7）你嘅身分證

齊哂以上7樣嘢，就可以安全申請倒護照喇！
溫提，BB爸爸或者媽媽申請就得，唔使兩個一齊去㗎。
有一樣要留意嘅係，11歲以下小朋友要申請護照，必須申請或領取其中一次要見倒小朋友真身，如果申請嗰日冇帶BB，領證嗰日就要帶返BB俾入境署職員望望喇！

所有表格可以喺以下網址下載👇🏻
https://bit.ly/2LnUrbs

#費用
16歲以下嘅護照只有5年期，一樣有2種頁數俾大家揀。
32頁 $185
48頁 $230

#造證時間
大人嘅申請護照時間比較短，只需要10個工作天，但係由於11歲以下小朋友要同時處理身分證嘅申請，就需要14個工作天先可以領證，而且申請護照嗰一日係唔計數㗎！
而且特區護照係冇快證服務，亦唔接受出外旅遊作為加快處理嘅理由，所以記得預先申請呀！

#取證安排
成功申請護照之後嘅第二日，就可以喺網上預約取證。同申請唔同，領證嘅網上預約服務就冇咁full，可以揀嘅日子同埋時間選擇都好多，不過大家只可以揀返申請時候已經填咗嘅入境處，冇得轉㗎。
到咗領證當日，大家只需要準時出席，帶備你自己嘅身分證（如果申請時候冇帶BB你就要帶埋BB喇），同埋申請時俾你嘅領證信，去到入境處喺自助拎籌機再輸入你嘅身分證攞籌，半個鐘倒就搞掂走得啦！
**郵寄或投遞方式因為都未見過BB，所以一定要有BB去呢

預約取證網址👇🏻
https://bit.ly/2J6EUi3

雖然Wilma媽唔贊成太細嘅BB去旅行，因為BB耳膜唔舒服又周車勞頓，不過對媽媽s黎講，又係一個遠離工作同創造回憶嘅好機會❤️

希望媽媽們同BB旅行順利！

長途旅行的準備一覽

【致同路人#13】15個流浪前的準備事項

明天，就在明天！我倆就出發流浪去了！離境一年多，雖說很多問題在真正發生時才能找到解決方法，但也有很多需要預先準備的，而且要準備的事項並不是一般的簡單。單是這些事前工夫我們也處理了好幾個月，歸納起也就有以下十五點。

（一）申請簽證
雖然計劃趕不上變化，但適當的行程計劃仍是必要的。除了需要大概知道不同國度的風土人情、邊境情況、過境交通等問題外，也要為簽證申請作準備。有些國家需先取得一封當地旅行社發出的邀請信 Letter of Invitation (LOI) 才能獲批簽證，烏茲別克 Uzbekistan 就是其中一個例子。所以，如果想避免走到邊境時才發現被拒入境，最好先有一個初步的行程計劃了。

（二）留意時事
作為一個旅行者，除了懂得「食、玩、買」外，更應該知曉各地的時事新聞。旅行不只是景點上的留連，也是人民生活的交流，你知道某某明星去向、世界盃賽事結果、香港七一遊行的同時，也應該知道烏克蘭問題、伊拉克內亂、非洲伊波拉病毒肆虐等時事議題。而且，現實一點來看，在安全問題上也應為自己負上一點責任，出發前應了解旅行地的治安問題、戰爭狀況、政治環境，也應該知道該國家與哪個國家有什麼結怨或是糾紛，以免不小心踩下不必要的地雷。

（三）更新護照
對於一位旅行者，護照無疑是最重要的物品，失去護照等同旅程就此結束，什麼地方都不能再去。所以，出發前請務必檢查一下護照的屆滿日期，如果護照在回國半年前已經逾期，緊記要先更換再出發。另外，也應該預先估計自己需要簽證的數目，再看看餘下能供簽證的頁數是否足夠。當然，如果你有多於一本的護照，就把它們都檢查清楚再帶上吧！

（四）海外提款
除了護照和自身安全問題，相信金錢就是相對重要的物品了。出門一年多，相信也沒太大可能把一年多所需的金錢帶在身上吧！自然，海外櫃員機提款就成了重要事項。一般來說，世界各地的銀行咭上都會印有「Unionpay」、「PLUS」或「Cirrus」三個標誌的其中一個。所以，出發前就要先到銀行辦理好這三張提款咭，再開通海外提款服務，設定每天最高的提款額，相信也就萬無一失了。另外，筆者還會在香港另外開通一個綜合戶口，把自己的身家性命財產存在這戶口內，銀行咭和密碼就交託予家人，在需要提款前才自行或通知家人在網上銀行轉帳，以免旅行時提款咭因被搶去或盜用時有大額損失。

（五）信用卡
申請網上簽證、預訂機票等網上交易，都需要用到信用卡，所以帶一張VISA咭也是必需的。不過，出門時間久了，星期一二三四就變得模糊，避免因為逾期清還咭數而被銀行罰款，筆者會預先申請自動轉帳，同時也把信用卡的可用簽帳值調低。而且，筆者還會把信用卡的現金透支金額設定為零，雖然這樣會令到你的信用卡無法在自動櫃員機透支緊急救命金，但在這情況下即使信用卡被偷去也不至於造成傷痛損失。還有，要定期登入網上銀行，留意信用卡帳單有沒有異常的交易紀錄啊！

（六）注射疫苗
出門旅行，比起金錢損失，身體不適更掃興吧！沒有健康身體，眼前美景也看不進眼裡，嘴前美食也無意品嚐，而且某些國家更要求入境人士出示黃熱病疫苗接種的證明書。所以注射疫苗自然成為流浪前不可劃缺的一部份。香港的朋友可以前往政府衛生署的旅遊健康中心注射，中心不僅提供優惠的疫苗接種和藥物購買，醫生更會因應大家的旅遊目的地而作出相應的旅遊建議。如果需要接種疫苗，我建議大家預早預約，就筆者而言，從預約到會診就用了接近兩個月的時間了。

（七）合約服務
現今社會，相信大家總會有一些服務計劃的合約在身，例如流動電話、寬頻上網等，一般合約年期都是一至兩年。流浪一年半載，可能家中的什麼合約服務都會逾期，所以避免家人在你離開後有什麼麻煩，最好在出發前先致電各公司，預先處理好合約問題啦。

（八）購買保險
背包客都是瘋子！對…能放下已經握在手上的各樣，出走一年半載，相信也只有瘋子能做到。不過，瘋子歸瘋子，也得為身邊的家人著想，買了個保險，萬一有個什麼冬瓜豆腐跟世界說再見，也能為家人留點使用。一般去旅行我們可以購買旅遊保險，既便宜且周全。不過一般市面上的旅遊保都只接受離境最多180天，申請索償時要提供出入境證明呢。所以要是似筆者一樣流浪超過180天的話，哪就跟一般旅遊保險無緣了。另外，市面還有的叫「工作假期保險」和「留學海外保險」，不過因為保障範圍只有數個國家，所以也不適合我們這種四圍移動的背包客。所以，基本上沒有任何一種保險計劃適合我們，也就是說即使要購買也只得買最基本的「人壽」、「醫療」、「個人意外」等，而且分開購買也並不便宜。最後，筆者還是只選擇了「個人意外」，當然我希望的是什麼賠償也不需要呢！

（九）離境清稅
由於筆者出門流浪一年多，將會經歷兩三個財政年度，作為良好市民就應該預早處理稅務問題，以免屆時要麻煩家人或朋友。就香港情況而言，如果你向公司請辭，離職時請要求人事部為你填寫一份「56G」的表格，然後把這份表格和你的報稅單帶往稅務局處理離境清稅，一般離境清稅步驟都可以在一天內完成。另外，如果大家自己有類似執業牌照需要每年更新的話，就請在離開前詢問清楚其處理方法了。

（十）照片傳載
旅行期間，身體健康重要，安全防盜重要，相片保管也非常重要呢！相信各位喜歡旅遊的朋友也寧願被偷去金錢，也不願意失去相機的記憶咭。金錢損失了可以賺回來，但遺失照片好比回憶被撕掉，所以好好保存照片很重要。筆者一般不會刪掉記憶咭的照片，也會在晚上把照片在電腦留一個備份，所以筆者就會帶上很多很多的記憶咭了。如果網絡狀況許可的話更會精選一些照片上載到雲端，再請朋友在家中代為下載和保管，以防萬一。

（十一）旅行裝備
有朋友說旅行最痛苦的就是收拾行李！沒錯，出門一年多，行裝準備可不少，要準備所需物品要花上很多心力，從衣服鞋襪、日常用品、實用小物、卡類物品、金錢存放，單是最基本的也可以輕易寫出一張A4紙份量的列表，女性背包客更要考慮到護膚化妝、月事物品等，工程何其巨大。所以，要是出發一個長途旅行，早一點去選購或自製合適的裝備，以免臨急抱佛腳呢！有機會就讓我分享一下我會收拾的各樣物品吧。

（十二）文件處理
除了攜帶日常用品、衣服鞋襪外，還有一大堆文件檔案要準備，例如最基本的身份證、護照、銀行咭、信用卡等的影印副本，申請簽證需要的證件照片，行程、書藉、資料性的文件。另外，還有一些非必要的文件可以預先準備。手持特區護照在某些國家是免簽的，但因為資料較新而且較少香港遊客前往，當地入境關員並不知道相關消息，可以先準備一份相關的新聞稿供關員閱讀。還有的就是收入證明、在職證明、婚姻證明等…因為某些國家會要求遊客先申請Letter of Invitation (LOI)，而有時候申請LOI的機構會要求出示這些文件，把這些文件都留一個備份在你的隨身記憶盤中，以防萬一。當然，這些皆屬重要的個人檔案，儲存的時候緊記要為文件加密呢！

（十三）溫故知新
長輩都說「讀萬卷書不如行萬里路」，無疑在旅途中我們會遇到很多不同新事物。不過，當你走過萬里路時，大概會發現眼前的景物或建築都大同小異，千篇一律，我們深信適當的背景知識是必需的，這樣才不至令旅程變得無聊，變得乏味。所以，出發遊走世界各地前，就先讓自己了解一下當地的歷史背景、宗教故事、建築文化吧，這樣再走下去，更能鞏固自己的認知，也豐富遊覽時的趣味！

（十四）學習語言
上帝創造世界，同時也創造了語言，世界各地都有不同的語言文化，只懂中英語就想要聊天問話也大概不可能。如果希望出門時跟各地的朋友多交流，那就先學會一兩種通用語言，香港的朋友可以到各大文化協會參加語文興趣班，雖然學到的很有限，不過至少也能令你對當地語言有基本的９概念！如果去的地方太多，沒有時間學太多種語言，那就學懂他們的一言兩語，哪怕只是一句「你好」、「謝謝」，已經能夠換來當地人的微笑，友善的回應和耐性自然隨之而來。

（十五）準備心情
「在家千日好，出外半朝難。」人在家中，雖然會面對各種工作或家庭問題。然而人在外地，需要處理的難題和挑戰相對倍增，可能是簽證問題、住宿環境、水土不服、思鄉情愁、等等等等…出門流浪，除了準備以上大小硬件外，心情準備也是必要的軟件配套。每個人對情緒處理的方法都不一樣，筆者也不多加解釋。總之，走在路上就要有好心情，放鬆去感受世界，細心去聆聽世界與你的對話吧！