我的2020回顧，寫咗7000字，分上下集。問我就上集嘅topic吸引啲，但2020大教訓在下集。所以睇晒佢吧。下面我會貼下集全文（上隻FB Post就呢度（https://fbook.cc/3K43）），但我建議你去Patreon睇，有圖有link 易睇啲，反正呢兩篇免費 open to all

上集 Patreon Link 呢度（https://bityl.co/52OJ）
下集 Patreon Link呢度（https://bityl.co/52OI）

另外，2020年雖則在我身上發生好多事，但整體都係不錯。想2021知得更多，同埋助養本人（畀人炒咗啦！），請訂Patreon，一星期至少六篇，一個月一舊水有找，已經近1000人 join（https://bityl.co/4Y0h）
＝＝＝＝＝＝＝=＝=＝＝=＝＝=＝=＝＝=＝＝＝＝＝

上集
引言—我的2020，一個字，NBA。真係打籃球嘅NBA
被炒記2.0—生涯第二次
Patreon讀者救我全家，好人一生平安
台證消—本人已拎台灣居留證，一切都係為了這一天
投資 —股票總值升咗100%

下集
冇得一年去幾次日本，但我仲可以外遊兩次
好似同我老母炒咗大鑊
其他—睇書睇戲睇波，冇人想知。
2020教訓：唔好杞人憂天。但機會留畀有準備嘅人。contrarian，不朋不黨，unherd．

1. 2020回顧，寫寫下變咗7000字。分上下集出。另外呢篇文係免費的。表面好似上集好睇啲，但大教訓在下集。所以睇晒佢吧。你仲未訂Patreon嘅，即刻去吧，月頭訂抵呀。（https://bityl.co/4Y0h）

上集在此，可以先睇。（https://bityl.co/52OL）

冇得一年去幾次日本，但我仲可以外遊兩次

2. 今年都有得外遊？係喎，真係有。不過回返帶，我係好大個先第一次坐飛機的。又唔係咩家貧，但細我老母去咩星馬泰叫我去，我都唔去，寧願留在定，睇老豆嘅鹹書同鹹帶，以及由朝打機（同埋打飛機）打到晚，好過去睇人妖花街roller餐廳

3. 我第一次坐飛機，2000年，22歲。去英國讀Master，之後當年都因為廉航去咗唔少地方。然後返嚟香港做嘢，咁新鮮人嘛，假期又唔多，係去少咗的。直到2007年，去咗耆英證券，人工高左，假期又多咗，然後嗰時開始每年歐遊，亦都多咗出trip．到2015年，第一次去日本同韓國，自此變懶，冇再去長途（去過一次杜拜算唔算？）。

4. 但有朋友講，話十幾年每年坐飛機（其實很基本吧？）嘅紀錄，2020年斷纜。我就冇事。2020年我依然有外遊。自2007冇斷纜。


5. 除咗上集有講，年尾去咗台北，在嗰邊過埋聖誕外。仲有2月中我去咗次越南。先去河內，再飛胡志明市，再返嚟。今次去越南半工作半做嘢，十分開心。嘢食好食，洗費平，女仔靚。

6. 不過嗰次去越南都幾乎去唔成，因為越南都算幾快手「封關」。甚至有架機半空都畀佢打回頭。後來先有搞清楚只係封大陸唔封香港。但，佢亦都停晒啲特區護照嘅簽證。不過本人用BNO係出到簽證嘅。

7. 然後2月尾我原本去靜岡（算係做嘢），對家就取消（當時要飛仲有得飛），打後嘅事大家都知了。

8. 2020應該好多人都有呢個想法：以前以為必然嘅嘢，並唔係必然。以前真係幾十蚊機票去快閃廣島長崎，有排都冇呢支歌仔。就算有得再去，都會貴好多（而，你準備好年假未？準備好銀兩未？）。

9. 但我自問，已經盡晒力，I already gave my best, and I have no regrets at all。2020年我都仲去到兩次外遊，已經能人所不能。仲有，2019年我去咗4次日本（嚴格嚟講係5次），兩次韓國，一次台灣，一次泰國柬埔寨，一次越南。已無憾。唔好以為係必然，我舊公司真係有啲職場柯華田 workaholic，會放唔晒啲假益公司的。本人打死都唔會，寧願射落海。冇得外遊我都照請，甚至要返公司做嘢我都照請（我都試過）—至少我唔使8點返公司，至少有人催交嘢我可以同佢講「拿我放緊假架下」

好似同我老母炒咗大鑊

10. 其他方面，好似都不太特別。In case 有人想知。年尾我sort of 同我老母炒咗鑊勁嘅，就在我去台灣之前。詳情亦冇乜好講，反正我數落佢你都覺得只係我片面之詞，咁清官難審家庭事，幾廿年恩怨，點係幾篇文講到？但的確，我去台灣之前同佢食咗餐飯，不歡而散。食完飯回程我都已經完全冇理過佢，而到呢刻我都冇同佢講過任何嘢 send過message，包括我畀人炒咗嘅事。

11. 會點？唔知喎。好似史上都冇試過真係鬧反到咁耐冇出聲。正路地團年總會食飯。咁我當然唔會走去問佢。佢可能都會當我透明，但我估可能會叫我阿妹叫我，以表明「唔係我叫你嚟」

12. （你老味丫，但真係咁的。嗰次炒大鑊食飯都係咁，我話「喂你唔使句句窒住晒下話，唔係我話要食飯架喎」，佢一樣不甘示弱，表示唔係佢要食，好丫，而現實好似真係我同我妹講我去台灣，佢話臨去前食餐飯）

13. 但又如何？我見好多人講「情緒勒索」，完全就係濫用。我覺得我係可以之後都唔理佢的。講真，我又唔係謀住佢副身家

14. 而佢經常以為係咁，甚至用呢樣嚟兇我。雖然佢應該唔會睇到，但我再講一次：我就根本由頭到尾都冇預期佢會留錢或乜畀我。公平啲講句就好仔不謀爺田地。串啲講句：錢我冇咩？我買樓一個仙都冇問佢拎。現實啲講句：我老母好後生生我，生活又健康，我早死過佢嘅機會都唔細。務實啲講，就算佢早死過我，到佢死時，我應該訓緊老人院，或者已經不良於行腦退化。把撚咩。

15. 上網講家事好似都唔係咁好。但的確，12月我發咗三次惡夢，都同我老母有關。似乎唔應該刻意唔寫。

其他—睇書睇戲睇波，冇人想知。

16. 其他東西，輕輕帶過，但亦in case 有人想知，我啲興趣嘢（其實我最大興趣都係寫文，搵錢，一年去幾次日本，食幾餐米芝蓮）

17. 書方面，丫，托賴喎，好似睇多咗啲。吳克儉添呀，我在台北隔離期間，睇咗四本書。好似已經過過2019。真係羞愧，但寧可羞愧都不能造假。近年睇少咗好多書。搵食嘛，有時間都寫文經營下Facebook Page同 Patreon啦

18. 電影呢？丫，當然成日都冇得去戲院。而雖然我12月，因為在台灣隔離14天，居然死死地氣join咗Netflix，但居然完全冇用過！

19. 倒係我返到嚟香港，破戒，登登登登—睇劇！仲係睇韓劇！請屌。但，當然唔係啲狗血或情情塔塔嘢，呢套《沉默警報》都幾好睇。問題係睇咗6集，用咗我7個鐘，好唔化算。照計我都係唔會再睇劇。

20. 仲有，今年《講 鏟 片》嘅十大港產爛片，我居然睇咗5套，都真係能人所不能。咁照舊，我當然係講入戲院睇啦！套《熟女愛漫遊》我同埃汾太一齊入場添呀！爛撚到丫！近十年都少見，真係直迫《笑詠春》。

21. 最後，波。原本嘅歐洲國家盃2020取消，不過亦冇眼睇，反正德國（好多人知埃汾捧德國架可？）都係變炮灰。2021亦冇厚望。叫做有啲安慰係，拜仁慕尼黑拎咗歐聯冠車。淘汰賽我場場睇晒。但，始終我都係捧國家隊多過球會。

2020教訓：唔好杞人憂天。但機會留畀有準備嘅人。contrarian，不朋不黨，unherd．

22. 我諗，2020嘅最大教訓，應該以下幾樣：

23. 首先，都係好老土，但人生無常。但反而唔使杞人憂天，你去估都冇用，好多嘢唔係你估到。而家你睇返2020年頭估嘅嘢，全部變垃圾

24. 更重要係，就算你估到啲事情，唔代表你會做到好嘅決策，亦唔代表你會因為咁而得益。顯淺嘅係投資上，但其他事件都係。除非你講嘅係知道年尾股價年頭買，或者知道六合彩開乜嗰種。否則，就當你3月時知道好大鑊，疫情會重創全球經濟，又知道之後有疫苗，經濟會反彈。但又如何？知咗又點？所以真係唔使去擔心乜

25. 但又，機會都係留畀有準備嘅人。本人被炒固然有啲意外，但個意外係「時機」，唔係件事「本身」。都係另文講，但冇乜「點解」，宏觀嘅你由疫情講都仲得，微觀啲公司本身生意，再微啲你話本人得罪人多（應唔算吧）嚴重overpaid（可能）都得。想講係，呢啲唔會全無先兆。當然我唔會因為咁而一早拎晒啲嘢返屋企，但，我8月搞得Patreon，都某程度上係舖定後路。然後估唔到咁成功—但亦估唔到咁快就失業。

26. 另外，contrarian，不朋不黨，unherd．當然可能只係在我身上適用。我知做港式smart ass都係有啲乞人憎，亦都知個謬誤係好多人（你同我都係）成功咗就當自己實力唔係運氣。但，睇返呢十年八年，啲大事情上，我都算掌握得好。更加爽當然係走在其他人前面。

27. 2012/3 年左右我開始諗移民台灣，當然得個諗字唔代表乜，但牫2014年已落手搞。當時仲係畀人恥笑，台灣呢啲地方真係狗也不屌。「其實我都同意」「但我更討厭香港」。呢，嗰時話走人，仲要畀人狂鬧狂屌狂笑的，我當時寫呢篇文《唔開心、討厭香港、有錢，點解唔走？》都畀人狂鬧。「愛香港應該低留改變佢」喎。

28. 講「愛香港應該低留改變佢」嗰班而家一樣搞移民，仲問返我轉頭。所謂先知，就係知早你少少。知冇？往後甚麼送中呀國安法呀當然唔係我估到，但，個大方向係冇錯的。都話2014年我已經入紙搞，有晒紀錄為證。

29. 同樣地，投資上，你可以諗返2020年3月係咩情況。當然係哀鴻遍野。我當然係stay invested，甚至有加碼，但講真手頭現金都唔多，而我亦冇走去加按層樓（事後諗返其實都應該，唔係因為見升先係，而係息太低）。咁要大家去嗰啲位加注，係難的，一來未必有錢，二來未必敢。但，撈唔到底（談何容易？）都好，但至少唔好低位打靶！但好多人都做唔到。小則停咗啲月供股票（何其不智，你唔諗下最初你月供嘅初心係乜？），大則低位沽貨。

30. 但講到尾，明嘅，事後指指點點易，但身處其中嘅心理又唔同。我本身做股票，呢個係我工作一部份，就不能避免日日睇。但唔係做金融嘅讀者，根本可以唔使成日睇呢啲新聞。更差嘅係網上同人討論。

31. 你睇，嗰時我叫人買股票，畀人狂鬧呀。話大鑊過金融海嘯呀（某程度係，所以機會更大），日日有人死緊呀（而家都係，咁所以我應該3月開始一路沽空？），印銀紙解決唔到問題呀（但解決到我嘅問題），聯儲局發明唔到疫苗呀（咁我要等有疫苗先買股票？）。

32. 教訓好簡單，信嗰啲友，就仆得街了。但我有冇理嗰啲友？世界都係樂觀者長勝的。人類嘅基因亦都係咁，悲觀嘅人最後都被淘汰。好多時我自我介紹，都講自己係 外向嘅introvert，悲觀嘅樂觀啫，可以細味下。

33. 唔計咩中學寫週記寫校刊，我真係公開寫文，都超過廿年（真老）。台上一分鐘台下十年功，我自己都懷疑咗自己好多年，面皮太薄，總覺得自己未夠好。Patreon嘅讀者除咗令我溫飽，仲肯定咗我嘅能力—肯畀錢仲唔係認同你能力？

34. 有人認同我能力，亦反而令我做決定時更加可以相信自己，唔理啲廢柴嘅雜音。

35. 所以，總結：

36. Contrarian/unherd/不朋不黨/ignore the boos（因為買平飛嘅人先噓得最大聲）。但呢部份唔係人人啱，而我呢啲性格，亦令我少咗好多樂趣，我並唔係有好多朋友，或者社交上好有嗰種charisma嘅人。有得有失

37. 世事無常，唔好再花咁多時間估呢樣估嗰樣。我冇宗教信仰，但好多時謙卑啲，睇下自己往績，就知根本事情唔係你想像中咁發展。既然估唔到，做乜分咁多心神，日日睇幾個鐘估習近平係咪失勢 中南海係咪政變 大陸係咪打台灣？首先你估唔到，二來，估到又點？

38. 但同時，又要做好準備。聽落同頭先一段矛盾。其實不然。我唔使去估到底開A定B，但準備下，開A嗰時點，開B嗰時又點。嘩，估唔到政府咁仆街。嘩，估唔到公司咁仆街。嘩，估唔到會跌幾千點。嘩，估唔到聯儲局咁仆街印銀紙。當然有啲情況下，真係發生，你咩都做唔到—但有呢個心理準備都係一種準備。唔好啲事情發生時你大亂陣腳 — 因為你在呢啲情況下，就會連做其他決定都做錯。

39. 一般Patreon唔係寫呢類嘢，放心。呢啲算係 Extra的。

40. 你仲未訂Patreon嘅，即刻去吧，月頭訂抵呀。（https://bityl.co/4Y0h）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Ivan Patreon，港美市場評點，專題號外，每日一圖，好文推介。每星期6篇，月費100蚊唔使，4個月已900人訂！（https://bityl.co/4Y0h）

我的移民台灣心路歷程（上）

一見到個題咁正題你就知大鑊嘢啦！一萬字移民台灣心路歷程。分三篇出。

1. 前言：呢篇文其實想寫好耐，然後結果係2019年6月寫完（你懂的）。但又結果去到今日先出。當中台灣移民門檻，又再提高咗（https://bit.ly/3cfN3uX），例又改晒。亦都多得有啲冇品香港人，周圍唱移民台灣好容易，甚至拎護照嗰日就同一架的士去執咗間公司。都算，仲要打卡上Facebook，所以你明白點解小朱可以36歲就做世界第三富豪。亦都有啲乜生意都唔做，搞埋啲乜乜網店，其實係吉公司，好彩過到骨都算，又係周圍教人。咁唱到周街知，人地咪搞你。

2. 幾時都係手快有手慢冇，早去早享受。你話我串嘴仆街涼薄都好，而家先急急搞嗰啲，唔知過去幾年係做緊乜的，去咗委內瑞拉支持革命？定去咗盧旺達做義工？

3. 同樣地，而家先急急做BNO嗰啲，計我話呢，全部唔好批。吾皇慈悲咋，否則如果我做首相（！），舊年年底前未拎住有效BNO嘅，全部截龍。真係喎，畀晒時間你啦。你又嫌貴又嫌煩，而家火燒屎忽，走去求吾皇 Don Corleone give me justice？至少都show some respect啦

4. 見唔少啲政治阿叔（當然有資格拎BNO，青極有限），之前都冇續BNO。原因話貴。See？都唔好話配唔配有民主。即係，呢啲友就係買旅遊保險幾舊水嫌貴嘅人，安全帶嫌煩嘅人，安全套嫌唔爽嘅人。

5. 好，屌完，入正題。
________________________________________
6. 本人並非移民顧問，個人經驗分享，例又改晒。如有錯漏實係正常。人生大事，請問專業人士，貴客自理。關我撚事，你一個仙都冇撚畀我。呢期都好多人PM埃汾太問佢嘢（始終佢先係熟手，況且因為知道我太惡），佢都覺得啲香港人混吉的，又唔自己上網爬文，飯都唔請你食飯，態度又差，仲要老撚奉。就係想慳幾皮嘢唔幫襯移民顧問，但又想包生仔。有啲問佢嘢又唔講，搞一大輪先話你知佢在大陸出世。話做護理，問公立醫院定私人定老人院，又唔肯講，覺得你套佢料。香港人正仆街

7. 我再講一次，篇文係2019年6月寫，之後改晒例。唔好嚟抽我水話啲嘢唔update，雖然母親節過咗。改咗乜？自己Google啦仆街。

8. 本文寫作背景。最最最初當然係5年前（2014）我自己搞移民台灣，再近啲係6月13號晚（按：2019年），我在自己Facebook出咗個post，並非玩笑。因為見好多人又講移民，所以我覺得可以免費畀啲不太專業嘅意見。本人並非任何持牌顧問，甚至唔係中華民國公民（下面會講），但亦冇任何利益衝突，志在分享第一身經歷，點都有用過你就咁Google，況且你可以約我出嚟面談（當然係你請食飯，求其米芝蓮兩三星得啦）。最後去到2019年6月17號淩晨寫呢篇文。

9. 本人背景。只講關事嘅。香港出世，好快42（happy birthday to me）．除咗英國讀過一年幾書外，差不多所有時間都在香港。已婚，持特區護照同BNO，太太都係。應該任何定義下都係中產。有未供完嘅樓一層。就我所知冇任何關事嘅親戚有外國護照，老豆老母都係香港出世，並非公務員或活躍政治。之前並不特別鍾意台灣，而家OK。教過書，打後咁多年都做金融，太太之前做地產行業，而家全職玩公仔。

10. 本文唔係話你知我點解搞移民。我不介意分享，但唔係在呢篇文，亦唔係呢刻。唔想失焦。因為其實我點解搞移民（或者唔移），同你點解做，可以係完全無關，甚至相反。

11. 本文亦幫唔到你決定搞唔搞移民。同上，條命你自己嘅，你一家大細老婆老公仔女都係你嘅。生命係由你一連串嘅決定造成。呢個係一個大決定，冇人幫到你。千萬唔好因為任何人叫你去或唔去。記住，條命你自己嘅。第日聽咗我講幸福美滿不妨多謝下，但十分後悔的話，真係冇人搵支槍指住你。咁大個人，盡小小責任

12. 諗走嘅人，比你想像中多。當然諗同做係兩回事，可以爭好遠。正如我常用嘅比喻，我都計劃做C朗，我都計劃搞李佳芯。冇統計，但絶大多數問嘅人，最後都係唔會做嘅。但冇問題的，最多浪費我少少時間。詳談嘅我會屈你請食飯。交多個朋友，或者了解多啲自己，值得。

13. 咁有幾多人諗？當晚我出完呢個post，半個鐘之內收到超過十個message。另外，我剛剛先發現我仲miss咗六七個message，係啲本身唔係FB朋友嘅人（我最初個post係公眾的）。其實都真係唔少人。（2020按：不過，好似都只係諗，結果去到而家，真係搞嘅，好似得一兩個）

14. 本文讀者群。中產啦。首先我啲讀者多數係，而我自己都係。而我用嘅定義係相當廣義，基本上你唔係唔使做又唔係拎綜援，就係中產，由月薪萬幾到廿幾三十萬都係。你想知窮人點玩，可以問返窮人，係有得搞的，剛畢業嘅年輕人去創業呀去做藝術呀咁，甚至一開始去台灣讀書，或者娶台妹嫁台仔之類。

15. 其實有啲小朋友嚟問我。咁我問佢有冇錢做投資移民，話冇。有冇專業技能，又冇。咁好啦，最簡單咪溝件台妹嫁件台仔。但佢地當我撚化佢。喂大佬，我very 認真。冇錢又冇技能嘅，呢個真係最好方法！唔係你想點呢？講到生死關頭，但同我講不能政治婚姻，而溝條台妹嫁條台仔都搞唔掂嘅（不妨諗下香港人嘅人工高台灣人幾多倍），我建議你都係專心返工啦。

16. 有錢人嘅，我估唔會睇我呢度，二來，有錢人大把方法，大把契弟爭住出橋。三來，其實有錢呢，在香港就相當好的，真係唔使諗呢啲。問題係我冇。

17. 利益衝突，應該係冇嘅。我對呢樣嘢有病態嘅執著。下文我會建議你搵移民顧問搞，你需要嘅我可以介紹，但只係比個名你。我一個仙佣都唔會有。我亦冇打算做移民顧問，我太太就可能有。第日真係好多人問嘅，可能我同佢改變主意，但呢刻冇。我亦唔會有生意介紹你去頂手，冇樓盤推介畀你，我甚至唔打算做（當然，有機會唔會拒絶，但呢刻冇）咩移民KOL顧問之類，況且大有人在。你睇呢篇文，我嘅得益係零。仲要分分鐘畀你屌老母（呢排都畀人屌過啦，話做乜教人走）。當然如果想識多個朋友面談嘅，就梗係請我食飯啦。

18. 唔好意思，今篇好似都冇乜內容。怪就怪啲香港人。聽日出下一篇，記住睇。其實一早寫咗，mon住我medium或FB Page 可以了
________________________________________
19. 另外，最新情況：講咗了，台灣改例，梗係收緊啦，等你班友趙完唱咁過癮。另一方面，又好似話「收容」香港人。隨你信唔信，我就當然唔鍾意蔡英文，但你選擇信嘅，咁你可以唔睇呢篇文。不過我認為，幾時都係自己掌握自己命運好，做乜要等佢發落？而家搞投資移民，就煩咗了。我亦都預移民顧問加價。但我仲識有朋友照樣去。都係嗰句，嫌煩嘅，唔好去咯。真係冇人迫你。而另一方面，亦有可能台灣會取消對香港嘅特別優待。咁如果當你係大陸人咁玩嘅，就煩好多了，我都可能被影響，變成「陸配」（台灣公民的大陸配偶）。唔好問我台灣會唔會，我唔知，你都唔知。所以最好都係主動出擊。

20. 另外，本人情況。結果我去咗拎良民證，成功（所以真係唔好犯事，當然唔係一有案底實唔批，但為何搵自己麻煩？）。去咗台北做體檢，好似幾百蚊港紙，又成功，冇梅毒。另外講返，要你有德國麻疹抗體的！如果我年代呢，細個只有女仔打，男仔冇打，所以要去到打多次，好似一舊水港紙。但打埋針你就可能預多一日了。

21. 驗完身後，我仲搞埋居留證。原本係要去台灣留七個工作天（佢會收咗你本護照，出唔到境的）。咁我原本係想復活節過去，但因為肺炎就冇得去了。所以而家都係未有居留證。而留意返，要拎護照，就點都要坐一年。但我個情況係叫做「依親」，因為我老婆已經係台灣公民（拎護照的），咁我個情況好似香港啲阿伯申請件北姑嚟團聚咁咯。所以我唔使又再搞一次投資移民之類。

———————
版務：收費專欄已減價。支持埃汾高質文章。
一星期三篇，$175睇到6月22號，加埋過去兩個幾月所有文章。

請去呢度訂：bit.ly/2wVXndj
課程編號填: CC01
報完會有email通知，繳費後有Login及Password
逢一三五入去 homebloggerhk.com （入到去就睇到《事先張揚》）
亦睇得返以前嘅文。一般我都係會黃昏出文嘅。

[#沈旭暉隨緣家書］林鄭月娥訪日賀禮之「東洋戰線」：日本也會醞釀《香港民主與人權法案》嗎？

上週應日本學者谷垣真理子教授邀請，到東京大學演講分享香港最新形勢和國際地位，連同同場的倉田徹教授、阿古智子教授，都是日本的香港通，當日出乎意料的座無虛席，足見近年日本學界、政界、社會對香港的關注越來越多。期間谷垣教授派了她一位來自香港的碩士生接待我們，交談下，深感後生可畏，他研究日治香港如何影響今天的香港身份認同，正正填補了當下理解的空白，顛覆可期。眾所週知的是我一直不鼓勵朋友讀博士，但總有個案例外，他是很適合讀博士的特例，目前的研究方向，也十分切合香港的需要，因為此時此刻的亂世，正是香港涉外關係研究開花結果之時。須知在眾議院已通過的美國《香港人權與民主法案》草案，最新版本有這樣一條：美國應鼓勵一眾盟國訂立類似保護香港的法案，其中一個被點名的盟友，正是日本。談及日本會否走向這一步，不少認識的日本學者都覺得不太可能、也研究不多，唯獨來自香港的錢君早著先機，認為無事不可能。當美國的《香港人權與民主法案》也是在他的同齡人大力游說下才成氣候，「日本戰線」如何開打，自然應該多了解屬於新時代的視角。

美國鼓勵各國盟友訂立《香港人權與民主法案》？

「其實日本版的《香港人權與民主法案》並非無中生有，也不是美國最新版本的草案出現後才有人回應，而是早就有團體提出。該日版法案是由Youth Democracy Promotion Agency、Pnika、Code for Japan的代表理事共同提出的，三個組織的成員都相當年輕，當中以YDPA規模最大，以八、九十後的青年議員、專業人士和知識份子為骨幹，標榜跨黨派、政治中立，以網絡原住民身分，關注政治議題和人材培養；至於Pnika、Code for Japan，則較關心地方自治體議題。」

坦白說，這些團體，即使是日本人當中，除了關心政治的一群，大概也留意不多，但在政壇當中，他們對香港的關注，原來已掀起不少迴響：「6月13日，YDPA已發起聯署，要求日本外相表態反對香港的逃犯條例、及警察對群眾的暴力鎮壓；8月中，三個組織的代表理事共同發起聯署，要求國會議員就『日本版香港人權與民主法案』展開討論。直到9月2日，共有62名現職地方議員、7名前地方議員、10名知識份子及團體代表簽署，他們提到港日間也有《促進和保護投資協定》，或許能仿效美國，訂立日版的人權民主法案，雖然聲音還未正式到達國會，但『地方包圍城市』，正是日本政壇的常見操作。」

那具體而言，他們提議的日版法案是怎樣操作的？「這些團體其實未有詳細說明，因為在現階段，重點是令日本領袖更關注香港，比起具體執行，輿論效果和姿態似乎來得重要。但當然，他們為港人拋出議題，我們也應努力想想。首先，我想1992年的美國《香港政策法》是框架性法案，配合現在的人權民主法案，令操作變得靈活，但仍是以取消政策法為殺手鐧；但日本沒有相關的對港框架性法案，只有航空、投資、刑事共助、租稅等協定，以及給予特區護照優待等零散的雙邊協議。透過日本政府的研判、該些協定和日常行政運作，香港才得到實然區別。假設制訂日版人權民主法案，而終極手段是取消各種協定，放棄對港實然區別，即使沒有框架性法案，也是可以的。但實際上，美國才是國際社會龍頭，她不承認香港，諸國跟隨，對方扣血；日本貿然行動，卻不見得各國會附和，對手無恙，反而自己扣血。」這觀察，正是上月我在這裏分析美國法案為何重要的佐證：一旦美國立法，其他盟友才有了仿效的框架，日本政府屆時無論是否願意、對自身利益有何影響，起碼也不得不回應。

「另一個日本立法的考慮是歷史包袱。假如日本國會高調討論、甚或通過法案，中國大陸恐重掀反日浪潮，按近期中日關係走向，和越來越對華低姿態的安倍晉三，日本是不會冒險的。不過從另一角度看，『香港牌』在日本，可以成為繼釣魚台、靖國神社、南京大屠殺後，一張右翼政客有力製造嫌中情緒的功能卡，而且對日本及國際社會而言，『香港牌』本身沒沾上歷史的血腥和硝煙味，純是法治、民主、自由、現代合約精神的象徵。假設日本有謀士在選舉或想進一步修憲的情況下，以保障僑民、日資、自由、法治等名義打出『香港牌』，刺激中國反日情緒，製造國內一時嫌中的效果，政治家吃『人血饅頭』，那麼『香港牌』便確有其用處。」只是此法凶險，危及中國大陸的日僑和日資的安全，以此刻日本政客的老化和保守化，大概不會、也不應輕易鼓吹。背負歷史包袱的日本如要立法，還得先看美國，並須各國同時制定類似法案，以作掩護。

日本也是香港重要持份者

既然美國做才有效，日本跟隨又有風險，日本還有何動機考慮立法？「中共是何種性質的政權，香港是不是西柏林，中共在香港的行動跟日本在東亞、東南亞，以至世界的利益有何關聯等，他們必須有了研判，才能決定是否在可行範圍內幫香港，還是坐視不理。另一點是金融及企業據點的存活：雖然日本在香港的直接投資額僅佔其亞洲投資的4%，但日資銀行在香港的數量，差不多等於中韓台加起來的，在港日資企業數自2013年大概都排第一。這還未談檯底交易，像近年的《信用詐欺師JP：香港浪漫篇》、《馬賽克日本》等影視作品中，還是經常出現借香港『週轉』的想像，某程度上仍反映現實。假如日本朝野覺醒，明白到香港的真正功能，還是大有可為。」

然而不少對日本官員有第一手了解的朋友，都發現他們對香港的情況不太了解，知華派近年也是親北京專才主導，期待他們改變，會否緣木求魚？「微觀而言，官員及國會議員在公式場合發言拘謹是可以理解的。安倍在G20的關心大家都知，之後如公明黨眾議員遠山清彥，在北京見到中共中宣部副部長黃坤明，都只能說香港議題希望盡快和平解決之類的說話。不過在非正式場合，用一下香港議題，卻會有利部份政治人物增加人氣。像自民黨的眾議院議員長尾敬，其實已在網台節目討論香港情勢，雖然看來他未有掌握足夠資訊，但他在節目中得知元朗白衫人的存在後，已即時說要把這類電視台不大敢播的資訊擴散開去，亦表示想支持香港抗爭。有趣的是，他本身支持參拜靖國神社，還會親自去釣魚台海域視察的。還有幸福實現黨，他們在國會沒有議席，是小政黨，但早於六月已遊行聲援香港。而他們的宗教背景也是耐人尋味的。當然不只是右翼，連左翼的日共也很關注香港，他們亦有搞聲援運動。地方級別方面，像神戶市會議員，自民黨的上畠寛弘，曾在Twitter批評中國駐日大使館的『香港暴力』影片，『香港』一詞都不用提，就足夠旺場了。若遇上日本選舉，而香港抗爭仍未止息，日版法案的討論，或概括的撐港言行，都有機會令少數候選人加分的。」

日本打「香港牌」的四點建議

假設日本真的有你所說的動機去推動法案，那麼法案具體應如何操作？「我認為即使有日版法案，操作都會跟美版差很遠。首先談雙邊協定，譬如那條《促進和保護投資協定》，香港的對日直接投資餘額是世界第八位，日資在香港又有大量業務，林鄭說美版法案損人損己，很易反駁；但如果說日版是損人損己，則不無道理。該《投資協定》是97年6月簽的，日本在1989年亦跟中國簽署同類協定，比較之下，日本跟香港的條約寫明雙方享有知識產權保障，還有仲裁方面，兩份協議都說如一方先授權本地司法機關處理，便不能交予國際仲裁。但明顯若遇爭端，香港司法比大陸的可靠得多。免簽待遇亦然，按2019年6月數據，香港訪日旅客數，除中韓台外，比任何國家都多。貿易懲罰方面，即使港日2018年簽訂AEO（Authorized Economic Operator）制度相互承認協議，方便部份出入口貨物通關。但取消這類協議，在對港維持貿易順差的情況下，恐怕日本損己多於損人，而且港府夠膽的話也可以耍小手段。2004至17年間，香港是日本農林水產物的最大出口地，港府可用行政命令，重新禁止茨城、栃木、群馬、千葉的農產品進口，相反又可解禁福島農產品。還是那句，玩雙邊協定的話，龍頭美國損己可以大大損人，日本損己則不會有相同效果，很不划算。凍結資產方面，日本不是英美澳加，效果不大，但此項具針對性，仍有象徵意義。接著是取消對港輸出敏感技術。按日本政府分類，香港與中國同屬group C，並非『白名單』26國之一，故未見香港之特殊地位。假如執行上對香港的規管較寬鬆，有實然區別的話，那政府內部當然可以調整。」

如果分析正確，那日版法案即使能通過、又要無損自身利益，只能隔靴搔癢，那麼日本還能做什麼？「日本如果想保存香港，或在國內外打『香港牌』取利，現時應化整為零，不拘泥於一條法案：
第一， 民間團體及地方議員要持續討論法案。展示討論姿態也是行動一種。由民間智庫做研究報告，找出可行方案，再向國會議員游說。國會議員可按時機設立超黨派聯盟和研究會，甚至提上國會。除姿態外，亦須實際地預備當各國跟隨美國立法，日本不會落後於人，不跟隨是一回事，但想跟卻缺乏準備的話則未免狼狽。
第二， 禁止違反人權的香港公務人員入境，其親屬於留學、工作等長期在留，以及申請移民時，須跟一般人分開審核。此措施不牽涉整體經濟，針對性強，『香港少數公務人員不能去日本浸溫泉』這點，也難以刺激大陸民眾反日吧，而且「不去日本」本身就非常愛國了。即使日本不敢處罰，領事館及情報組應搜集和整理相關人物資料及其違反人權的證據，建立自己的情報庫。
第三， 向香港長期發出旅遊警示。日本人去不了香港，只會有點『殘念』，卻可刺激國內消費，振興地方觀光產業。
第四， 在留卡『國藉・地域』一欄，在『中國』（特區護照情況）或『英國』（BNO情況）後加括弧『（香港）』或直接改成『香港』，這是支持一國兩制的表現。外務省網頁在『港日關係的基本考量』中寫明，香港須要保持高度自治，貫徹法治精神，港日關係才有望繼續發展。故以『地域』去描述『香港』，政治正確，又彰顯日本對一國兩制的支持。而且據說97後初期，一直有寫『香港』的，卻不知何時被刪走了，你懂的。」

那些年的日港關係

比起游散的平民組織及其偶發聲援，除了發起聯署要求討論日版法案外，他們的具體行動，則要更宏觀的視野。「假設一般團體、公益財團，或大型企業研判，完整履行一國兩制有利自身長遠利益，他們須跟港人同步甚至要有超前的視野。坦白一點，就是萬一本土抗爭失敗，香港失去原有功能後的考量。所謂視野，也包含對香港內涵的理解，則支撐著制度的文化和現代倫理，如果他們明白這些內涵的移植和傳續對日本有利，那也是香港求存的其中一條小出路。初步可以增加專為港人學生而設的獎學金，吸引中層及基層人材來日。長遠應考慮設立港人國際學校。以朗誦背記教習中文的嶺南傳統、粵語跟漢文的言文分途、因粵語公用化、實然標準化而產生的，貼近書面語的雅正口語，都是漢字文化圈的非物質文化遺產，應該是擁有深厚漢學傳統的日本所能珍惜的。香港傳統英文學校的現代性格，也能吸引一定的國際系或本地日本人。最後，那天我們在東大的講座，有學者建議以日本為中介平台，供各方對話。如果做到，當然樂觀其成。但親北京的愛國人士願意放下面子，接受日本這外國勢力的介入嗎？香港青年又是否會在明知跟對家講多無謂的情況下上大台呢？感覺在日本建立東亞的香港支援基地，反而貼合近代中日淵源。」

作為新生代學者，就整體的「日本戰線」，他百感交集。「我無疑是傾向同情及支持抗爭的，明白日本內閣官僚只能說些門面話，國會議員不敢多言，但地方議員可較自由表達，學術界盡可能把真實一面呈現和紀錄。日本民間有遊行、捐款、座談會，也有活動家上東京都廳展望層演奏《願榮光》，右翼的櫻花頻道也播出重編後的日語女聲版《願榮光》。無論如何，今次是重新令日本人了解香港的機會。一般平民無意識中感覺中港是有點不同的，但可以說他們對香港毫無認知。牙醫姑娘可以天真地問我香港不是國家嗎，很多人則無故問我台灣的事，因為你講自己是香港人，下一秒會被記錯成台灣人。東大精英也可以覺得港日關係研究好有趣，因為他覺得城市怎麼會直接跟國家比較呢。最普遍的，是直接當你是中國大陸公民。駐港日本領事明知很多港人不喜歡『被說普通話』，但我們每次入境，都被普通話同簡體字招呼，一般商戶更不用說。日本政府各部門有溝通嗎？企業有做市場調查嗎？還是入境旅客排第四的香港仍不足以獲得注意？以待客之道見稱的日本而言實在奇怪，當然跟日本接洽的香港部門也難辭其咎。日本政府應培養更多香港問題專家，遇上像今年的大事，總不能期待單憑中國問題專家，就能提供什麼真知灼見，畢竟香港是另一次元的問題。我想其他國家其實也是相差無幾的，只是我對日本抱有期望，總覺得他們是有能力和優勢，成為東亞中最了解香港的國家。」

後記

曾幾何時，登陸日本是香港、台灣各界的夢想，陳美齡、鄧麗君、翁倩玉在紅白演出，彷如今日GEM走上春晚，但隨著香港回歸、中國經濟崛起、韓劇也取代日劇，日本熱似乎早已淡卻。據說日本駐港領事館本來對林鄭政府頗有好感，乃至幾乎支持《逃犯條例》，幸好有一群新興日本「香港通」出現，才能令官員沒有那麼離地。「我們雙方都沒甚麼邪門的動機，日本需要高質素、具潛力，又擁抱文明價值的年輕人材，香港也需要能保存『香港人血脈』的地方。中國人材很多都能融入文明的日本，善良守法，但部份人有其心中的『國情』，政治人口學而言，畢竟仍拖著中共的長影。香港卻是台灣以外，最能符合日本知識型人材要求的地域：懂漢文善英語，學日文快，價值觀近，學歷及專業資格認受性高。在日本高等教育機構升學，要具12年正規教育學歷，香港轉三三四學制後，來日升學銜接更為方便。日本如能趁機開發人材供應源，現在對香港抗爭的各種善意表態，都能成為精神上的賣點。假如香港立法會全面直選，日本是否能透過支持某些黨派或議員，使自己在中國掌握下的領土中唯一一個普選議會有話語權，現在便是關鍵時刻。牌面上，當然說是為了兩萬多個僑民和千幾間日資的利益，但實際上，也要考慮一下作為東亞民主大國的戰略定位吧。」說來，我也曾在日本的大學短暫交流工作，一直相信日本也是香港身份認同的同路人，漫漫長路，裝備自己，學好日文，也是其時，香港に栄光あれ。

答：錢俊華，香港浸會大學社會學系畢業，東京大學大學院綜合文化研究科地域文化研究專攻修士二年，正研究港日關係中的戰爭記憶問題及表象文化。

星期日明報 2019年10月20日