(8婆篇👵🏻) . 之前寫過一篇叫「情侶之間嘅暱稱一定係貶義？」 睇黎大家都係叫對方嘅時候 都好中意加個肥字同個豬字 今次就黎篇進階版 寫左9個比較多人會嗌對方嘅稱呼 都係個句啦 只要係你嗌 嗌乜都咁中意🌚 . no.1 喂 問過好多人 真係大部分都答我：「喂囉 冇嗌名架」 究竟係大家覺得面對面嗌啲咩bb豬好老尷啊定係 兩個人嘅熟悉程度已經去到唔需要再刻意嗲對方 而可以係對方面前展現自己最自然嘅一面？ . no.2 全名 成日睇到網上啲post都話越熟嘅朋友先會嗌全名 同樣道理 越熟嘅情侶至會嗌對方全名 除非你地本來已經係由好熟嘅朋友演變成情侶 唔係嘅話 都冇理由一識對方就咁夠薑嗌全名 通常都係「懶」有禮貌咁叫下對方英文名 扮下斯文🤗 . no.3 死肥仔/肥豬/肥西 肥仔都唔夠 硬係要加個死字係前面至安落 對方唔肥都好 都要話下佢肥先開心 費事佢成日懶得戚 👴🏻表示肥西都唔夠親切 叫肥系至夠sweet 慘得過佢叫 我又會認佢啊😭 . no.4 bb豬 我諗呢個而家應該都少左人叫 要叫都係電話/wts先會 一開頭個一兩個月都會循例嗌下嘅 不過唔知點解一齊耐左會開始對呢啲甜野有少少抗拒 可能就係啲人所講甜言蜜語唔洗成日掛係咀邊🗣 . no.5 柒頭/傻9 呢個係我同👴🏻最常用嘅稱呼方式 唔知點解咁叫你會特別興奮 真心覺得個名好襯你 諗唔到咩名岩得過呢啲西名 人如其名 原來係咁解🤔 . no.6 大佬 唔知男仔係咪特別中意個種喜悅感 叫你大佬 係咪會威啲？覺得自己好勁🤓？ 拿 下次對方嬲個陣 講句：「大佬 唔好嬲啦」即冧✌🏻️ . no.7 寶 呢個都真係好common 唔係寶寶 唔係寶貝 一個寶字 唔太嘔心之餘 又有啲sweet 起碼都嗌得出口先👶🏻 . no.8 老婆老公 其實係咪仲會有人嗌對方做老公老婆？ 以前啲mk年代最中意咁叫 仲要加個:-*係後面 有玩sms嘅你一定知（證明同我同年代🙊） 不過而家就唔好亂叫啦 未結婚都已經有唔知幾多個老公老婆啊 . no 9. 直頭唔嗌名 名唔叫 喂都懶得講 已經進化到一個眼神就知對方想嗌你 「完」🖐🏻 #hk #hkig #hkiger #hkigers #hkgirl #hkboy #8laah #hklove #hkdaily #hklife #hkblogger #hkcouple #拍拖 #情侶 #愛情 #約會 #男朋友 #女朋友 #愛情語錄 #語錄 #文字