《來回地獄又折返人間的才藝表演》 關於決賽，印象最深刻最驚險一定係才藝表演。由一開始話無呢個環節，到後期話可能無，有的話再通知，最後某一晚食飯時忽然間叫大家即場決定好要表演啲咩，當時距離決賽不到三星期，然後下星期就要全世界準備好晒所有服裝道具音樂表演一次。作為一個得把口冇乜才藝可言嘅人，又已經無乜時間練習，嗰時我諗住求其跳兩下中國舞算啦，就算跳錯咗都無人知吖嘛。 後來發現好多人揀跳舞（睇黎大家同我諗法都差唔多），工作人員就提議唔好浪費我口才，叫我唔好跳舞，做棟篤笑啦。我虎驅一震！下！澳姐舞台做篤棟笑好似唔係幾岩feel喎！不過佢地好堅持，而我都決定繼續秉承「一切聽從大會安排」呢個理念，放棄跳舞。到計劃講稿嘅時候，發現一分半鐘做棟篤笑真係唔掂，時間太短乜都舖排唔到，但由於第二日就要試表演一次，我都漏夜逼左啲野（唔係棟篤笑）出黎交貨。第二日表演完之後，效果意料之內地未如理想，大家都沉默左。 呢個時候導演組就話，如果演講呢個方向真係唔得，你仲有啲咩可以做才藝表演。我諗諗下，掹車邊都叫識樣樂器嘅⋯⋯牧童笛囉，想當年本《Harry哥哥教你吹直笛》我都玩到出神入化㗎⋯⋯講笑咋，呢啲嘢點擺得上舞台。這時Carmen媽出聲了，話，唱歌啦，Dindin唱歌OK架。嗰刻我內心好崩潰！！！打從一開始我最唔想嘅就係唱歌，大佬呀成件事好Yap架，才藝表演玩唱歌咪即係等於話比全世界知我係冇才藝架唯有唱兩句啦咁？同埋重點係，我唔係唱開歌嘅人黎架嘛！上台緊張走音咪好大鑊！！！所以那時候我是拒絕的。但其實決定權已經唔係我手上，係群眾壓力之下我都係唱左幾句比各位大佬聽下我把聲，然後佢地就決定左⋯⋯派我去唱歌⋯⋯ . 好啦咁即刻就要諗唱咩歌啦，因爲ViuTV會播嘅關係仲要check埋啲歌嘅copyright問題，我揀左四首歌去check但都因為版權問題全數ban晒，此刻我的內心又崩潰了。再搞左好幾日，都係傾唔掂，最後折衷方案就係揀返澳門本地歌曲，自己人好商量呀嘛。其實我自己都覺得唱返本地歌曲比較有澳門小姐feel，但舞台效果出黎就爭啲啲，不過都無辦法，唯有係咁。呢個時候已經係比賽前兩日。 當我已經打定輸數無紅玫塊唱嘅時候，比賽前一晚Final rehearsal嗰陣導演又叫我唱紅玫塊，我話下唔係ban左咩？導演話得啦唔好理啦照試住先。於是我就戰戰兢兢咁試唱左一次紅玫塊。然後，就沒有然後了⋯⋯因爲第二日就係show day⋯⋯而無預過唱紅玫塊嘅我神早借左一條完全唔關紅玫塊事嘅普通禮服⋯⋯所以rehearsal完即刻周圍R人問有冇紅色裙可以聽日借到比我⋯⋯呀又真係好彩比我借到。 重頭戲黎啦，比賽當日上午，同Carmen媽討論起才藝服裝嘅野，我就話我借左紅裙啦，嗰件禮服唔洗修改了，佢竟然話，下！紅玫瑰唔係攞唔到right咩！當時我再崩潰了，死啦夜晚就on show啦我仲係乜都未confirm，今舖真係刺激好玩啦⋯⋯Carmen媽即刻幫我衝去搵導演確定首歌，而我就繼續係後台內心受煎熬，等左一段時間終於確定到，係紅玫瑰，謝天謝地。 經過咁多波折，我人生第一場威尼斯人金光綜藝館演唱會（誤）終於成功開到，好賺呀覺得自己可以企係呢個台到唱歌！講緊係千萬製作呀！！！（喂）不過講真第一次係咁多人面前唱歌，其實上台之前一直都好驚好緊張好擔心，反而企到上去時莫名淡定。點都好，最後能夠順利完成演出，仲得到評審司儀觀眾嘅認可讚賞，真係好開心呀呀呀呀呀呀呀呀Q_Q。 完。 / @macaupageantalliance @suncitygroup #🇲🇴 #澳門小姐 #澳門小姐競選2019 #Macau #MissMacau #MissMacau2019 #BeautyPageant #Pageant

Thank you so much @chetlam 邀請我做 #暖場嘉賓 #Repost @entertainment.mpw with @get_repost ・・・ 【一人一結他】林一峰音樂會唱出音樂旅「情」 六場《 #林一峰Escape Live in Concert》日前揭開序幕，一峰今次重返以出道初期的表演舞台—— 壽臣劇院，別有意義！一峰經常到處遊歷找尋靈感，這次再次以「Travelogue」為題，唱出旅人遊記！還請來創作歌手 #黃劍文 擔任暖場嘉賓，他拿着結他自彈自唱《The Scrientist》、《遠走》。音樂會吸引不少歌手到場支持，包括 #陳健安、#Robynn & Kendy、#小塵埃 等。 一峰以一人一結他的方式唱出兩首歌作開場，邀請大家進入這次他的音樂旅「情」！接着樂隊小提琴手及大提琴手於布幕後現身，演奏一系列和一峰古城旅行有關的歌曲，相當豐富！該系列是描寫對愛情的感傷，一峰更分享他過往旅行前都要去占卜愛情，最後更搞笑地邀請在場觀眾一起「唉」。一峰今次還首度公開演唱多首新專輯《Travelogue 4 Escape》的歌曲，讓觀眾相當驚喜！ 除了用結他自彈自唱，一峰亦有演奏長笛、Ukulele、牧童笛，盡顯音樂才華！尾後全場感人大合唱《The Best is Yet to Come》，現場氣氛歡愉。一峰笑說：「喜歡聽林一峰的都是好人。」。是次音樂會除了購票觀眾外，亦預留了部分門票給環保團體的植樹義工，一峰更會把音樂會的部分收益撥捐給這些環保團體，十分有意義！ #明周娛樂 #mpw @chetlam @kimmanw #love #music #singing #lovemusic #lovesinging #singer #singersongwriter #2018 #hongkong #hkmusic #livemusic #goodshow

從【羅生門】了解香港人聽歌傾向 （呢篇好長下……） #### 近日news feed被麥浚龍新歌【羅生門】洗版。我讀完網民對呢首歌嘅評價，直情覺得香港樂壇有救，然後的起心肝聽下首歌乜料。我嘅反應係：「有無咁誇？」 我自己聽歌，曲詞編唱一樣咁重要。老實講，作為一首K歌，【羅生門】旋律只係屬低質罐頭級，無咩高潮或亮點可言，聽完感覺係：「Twins 啲K歌黎架喎」，Chorus那段「那動人時光 不用常回看……」，這類「五個音 五個音」的旋律，以前堆K歌見唔少，作曲人伍樂城自己亦作過唔少，大家不如估下歌仔：「同學愛新鮮 戀愛大過天……」；「即使我們錯 不比他們多……」；「躲於衣櫃裡 躲於失落裡……」；「好彩我哭了 不必坐通宵……」；「淺水灣踐過 傷風都傷過……」以上全屬伍樂城作品。炒冷飯其實唔緊要，這類罐頭旋律都好常見姐，但碟冷飯唔好食嘛，K歌要跑出，其中一樣最緊要係旋律獨特、突出、入腦，【羅生門】，旋律上我不覺得做得出色。另外，編曲又係行貨，第一段Chorus之後果段Bridge個Arrangement（1:36 - 1:48），完全同【戀愛大過天】（1:12 - 1:22）同【精選】（1:39 - 1:51）個Arrangement 一模一樣，罐頭呀！誠意可以話係無乜。最尾麥浚龍同把女聲二重唱亦都係混亂，男聲段旋律同女聲段旋律和諧唔到，疊埋一齊玩二重唱聽得好辛苦，好簡單講：兩段旋律唔夾，好似細個去7仔買「自由斟」咁，溝可樂同芬達飲，但兩樣汽水溝埋黎飲會肚痾果種。玩二重唱的話，其實伍樂城作品【風箏與風】贏幾條街，咁點解會失準左呢？唱方面，麥浚龍本身唔係唱家班，但佢又未至於「音殘」，所以無期望下無失望，錄音室版本唱成咁，尚可接受。 救番首歌，大家都知係歌詞，黃偉文交到貨，切入女主角角度推翻【耿耿於懷】故事，係創新同有吸引力，最中意最尾「冰島／福島」的對比。首詞點樣灑狗血夭心夭肺字字鏗鏘正中紅心擊中毒男毒女糾結心事，本人唔洗多講，但可能本人感情生活未有大家咁多姿多采，所以呢類「灑狗血」系歌詞灑唔中我。 綜合呢首歌，係一首歌詞上乘既罐頭k歌，唔係好到咁誇張，但亦都唔係差。雖然【羅生門】曲編唱方面吸引唔到我，但好多人因為呢隻歌，啲人走去聽【吃鯨魚的人】【無念】等等更值得大家mention既歌，甚至留意番香港樂壇。 其實我諗全世界只有香港樂壇（或者係華語樂壇，無咩留意台灣同大陸）會將歌詞凌駕於音樂。因為歌詞被判死刑既例子有好多，例如莊冬昕幾年前作品【食軟雪糕】，「食軟雪糕 雪糕 雪糕……」比啲網民話歌詞on9而評為膠歌，踩到一文不值。若干年之後，泡菜國女歌手Hyuna出左首歌叫【Ice Cream】，歌詞同樣係不斷重複「Ice Cream Cream Cream……」，但大受歡迎，Youtube 七千幾萬hit rate。去到歐美，香港人所指既「膠詞」例子更加係數都數唔晒，Lil Wayne【Lollipop】：「She lick me like a lollipop…She lick me like a lollipop……x2046」啲詞係咪on9先？銷量五白金，贏格林美；我playlist 有首歌叫【Smell yo dick】：「Why you coming home, 5 in the morning, something's going on, can I smell yo dick?」啲詞笑死人，New York Times評為Best song of the year。 代表啲乜？代表香港部分聽眾無咩music sense，只係識歌詞定生死。不過唔係大家既錯，你讀書果陣幾時有見過音樂堂教music genre？教你吹牧童笛同埋唱啲歌詞唔岩音既詩歌咋嘛。 有啲music genre，歌詞真係唔係main factor。有時聽廣東歌，太留意太斟酌歌詞，而令到有啲本身melody好好聽，或者編曲好豐富好好玩，或者個vibe好catchy既歌被判死刑。 所以，其實我唔係最想講【羅生門】呢隻歌，我最想講，大家要多啲培養聽唔同music genre，咁樣先會令你唔會咁易因為歌詞導向你去聽咩歌，亦唔會剩係識分「快歌、慢歌、失戀歌、開心歌……」，而係識分「Hip Hop、R&B、Grunge、Pop rock……」。因為香港人忽略音樂性，但對歌詞敏感，所以係香港樂壇，曲編唱普通，但歌詞高質而成為大熱既歌比比皆是，而呢類型歌，好大部分係抒情歌 Ballad（俗稱k歌），呢個因果關係解釋到，點解啲人話香港樂壇剩係得k歌。所以，當聽眾培養到聽唔同music genre，成個樂壇就唔會剩係得k歌生存到。 有時香港樂壇死，又唔係「剩係因為」歌手廢，曲詞編監垃圾既，香港人自己都要培養下音樂觸角，咩都聽下啦。一句講晒：今年香港樂壇好活躍，都仲未死得晒既（好似係）。